ماذا تفعل عندمايتغير عليك اعز انسان؟

[hayat_baghdad]

بسم الله الرحمن الرحيم

ماذا تفعل عندما يتغير عليك أعز انسان؟؟؟

انسان عزيز عليك
تقضي معظم أوقاتك معه..

كان الانسان الذي تشكو له همومك..
تسعدك ابتسامته الرقيقه..
وكان يهتم بك..
ولا يقدر على فراقك..
وحالك لايصبح أفضل إلا بلقياه..و سماع صوته كل يوم..
.....................
بين يوم وليله انقلب حاله..
وتغيرت تصرفاته...
كأنه لم تكن بينكم علاقة وطيدة تجمعكما..

ماذا ستكون ردة فعلك اتجاه..؟
هل تحاول معرفة السبب..؟
أو تنساه ولاتهتم به..؟؟
أم "تحن عليه"؟
وماذا ستفعل..؟؟

مع تحياتي

[نور فلسطين]

لو صحبيتي المقربة جدا فجأة قلبت وتغيرت

بالبداية

رح اضل فترة ساكتة يعني ماافتح حوار او نقاش معها (كأنو مافي شي )

ولو الشغلة طولت

بروح بحكي معها وشوف شو اللي مزعلها او مدايقها

بتصير كتيير

ممكن اكون انا غلطت وحكيت شي زعلها بدون قصد

وممكن يكون في حدا بالنص مخربها بيناتنا

يعني بالنهاية

لازم اعرف السبب لننهي الإشكال

ونرجع صحبات من جديد

انا هيك بشوف ...


يعطيك العافية على الطرح المميز

[sweet soul]

ممممممم انا مريت بهدا الموئف اكتر من مرا اصعب شي بالدنيا وبغير كل شي فيك:icon5::icon5: انو كل شخصيتك بتتغير يارب حدا مايجربو لانو عنجد كتير صعب وبيجرح:icon26:

[Mira]

انا هلا عايشه هيك
وماني عارفه شو اسوي
اكلمو واسالو ولا اخليه ليرجع متل اول لحالو
محتااااااااااااااااااره وتعببببببت من هالوضع
انصحوني

[hayat_baghdad]

يسلموو على مروركم الجميل

[بنت الشام ..]

انا رح احكي كمان قصة صارت معي بس ماتتعلمو مني لاني انا عنيدة وراسي ياابس

كمان هيك صاحبتي العزيزة علي صارت ما تهتم بوجودي ... ولا بحكي ... وصرنا نمشي ولانحكي ولا كلمة ...

انا هون ماحاكيتا ولا كلمة ولا سألتا شلت حالي وتركتا .... وضلينا فترة طويلة مـتأزمة صداقتنا ,,,,

وبعدين هي حست لحالا ورجعت ورجعنا متل اول بس بدون ماحدا يحكي انو منزعج من التاني

وبس ...

يسلمو كتير ...

[sweet soul]

انا هلا عايشه هيك
وماني عارفه شو اسوي
اكلمو واسالو ولا اخليه ليرجع متل اول لحالو
محتااااااااااااااااااره وتعببببببت من هالوضع
انصحوني

حبيبتيييييييييييييي والله انك متلي وانا هيك هلئ:icon5::icon5::icon5:شو نعمل بدنادكتور نفسي على هل الحالة:icon5::icon5:

[Mira]

لازم عالسريع
لانو لو مالقيت حل يااما حنهي العلاقه بس حموت لو عملت هيك
يااما بدي اعمل شي بحالي
والله ماقادره تعبت كتتتتتير

[نور فلسطين]

ميرا وسويت

شو بكن ؟؟؟؟؟

لشو الدكتور النفسي

يا صبايا

طولو بالكم شوي ..

استنو على رفيقاتكم شوي

ولو الشغلة طولت احكو معهم

ماتجلطو حالكم وتجلوطهم

حلو المشكلة ازا كانو رفيقاتكم بعزو عليكم ومابدكم تخسروهم او يخسروكم

هدا أحسن شي

انا هيك بشوف

[.:(خالد):.]

اسمعوا يا بنات

بدي احيكلكم اشي

لا تتسرعوا وبيكفي وطريقة بنت الشام صارت معي والحمد لله طلعت انا الحقاني يعني الحق لصالحي

واجي الى كان مخاصمني وتاسف الى وقال سامحنا والله الشيطان الى عمل هيك وكان واحد الى حكي عنك كلام خطا واحنا استعشجلنا

لكن الحمد لله انا دعيت لربنا انه يقف معي ويحل الى مشكلتي

ما رحت لدكتور او حدا تاني

ارجعووووو لربكم


وبارك الله فيكم على الموضوع

[Mira]

واذا كان شخص بتحبو كتيير ومابتتحمل منو هالمعامله
ومع هيك حاولت اكتر من مره ومامشي الحال
بنفس الوقت مابتقدر يمر يوم وماتحكي معو
شو بتعمل ساعتها؟؟؟

[sweet soul]

واذا كان شخص بتحبو كتيير ومابتتحمل منو هالمعامله
ومع هيك حاولت اكتر من مره ومامشي الحال
بنفس الوقت مابتقدر يمر يوم وماتحكي معو
شو بتعمل ساعتها؟؟؟

100% وكليها ل الله :icon5::icon5:

[palestine_al7a8]

مرحبا كيفك خيتو انا لو تعرصت لهذا الشي اول شي بدي اعملو بدي اعرف السبب
و بعدين بقرر حكمي علي

[مؤيد]

كل المحاولات لإرجاع كل شيء ستبوء بالفشل ...

انا مجرب كتير ...

بس الغلط فينا نحنا اللي صاحبنا هيك ناس ما بتستاهل وأعطيناهم من قلبنا وحبنا ...

هاي قلة أصل في اللي بيعمل هيك ...

يسلمو عالموضوع ..

[hayat_baghdad]

عاشت ايدكم اعضاءنا الكرام على مروركم الطيب