شخصيات سياسية واجتماعية وأكاديمية توجه نداءً لحماس وفتح .. "ارحموا شعبنا في غزة"

[محمود]

http://files.shabab.ps/vb/images_cash/up8/081013101802XbGn.jpg

فلسطين اليوم : غزة


8 / 09 / 2008 - 03:21 مساءًً

طالبت شخصيات وطنية واجتماعية وسياسية وممثلي مؤسسات المجتمع المدني, طرفي النزاع الفلسطيني بوقف كافة الممارسات التي يتخذانها في المعارك السياسية بينهما.

وأعلنت أكثر من 30 شخصية وقّعت على بيان للرأي العام بعنوان "ارحموا شعبنا في غزة", عن رفضها القاطع للزج بالقطاعات الخدمية في آتون الصراع المحتدم ولاسيما والحديث عن خدمات تمس بحياة الناس ومستوى صحتهم الجسدية والنفسية، وفي مستقبل الأجيال في قطاع غزة.

وأكدت "أن الإضراب المعلن في قطاعات التعليم والصحة والوظيفة العمومية، يتسم بالطابع السياسي الواضح، ولاسيما وأن الإضراب لم يسبقه أي خطوات تحذيرية أو تدريجية، وأن الدعوة إلى الإضراب تترافق مع حملات ترهيب لمن لا يلتزمون بالإضراب، خاصة وأن التهديد يمس بأرزاق الناس ومدخراتهم".

وقالت الشخصيات: "إن راتب الموظف ومدخراته هما حق طبيعي للموظف لا يملك أحد صلاحية حرمانه منه إلا بالمقتضى القانوني الذي تحدده ضوابط؛ وأن أي إجراء يتخذ بهذا الخصوص يشكل مخالفة قانونية تقتضي ملاحقة من ارتكبها كائن من كان بموجب القوانين الفلسطينية".

وعبرت الشخصيات عن رفضها لأي ممارسة تعاقب المضربين على التزامهم بالاضراب, وقالت: "إننا ندين أي إجراءات تعسفية مثل الإقصاء الوظيفي أو الإهانة والاعتقال بحق أي موظف من قبل الحكومة في غزة، ونشدد على أن التحقيق في هذه الادعاءات أمر ضروري وأن أي ممارسات تشكل مخالفة للقانون يجب أن تواجه بحزم".

وأضافت "نؤكد أن مصير قطاع غزة وشكل الحياة فيه ومستقبلها لا يمكن أن يترك رهن أهواء سياسية، ويكفي الناس معاناتهم غير المسبوقة في التاريخ جراء الحصار الإسرائيلي المفروض على قطاع غزة وحملات العدوان الحربي الإسرائيلي المتلاحقة، واستمرار الاقتتال الداخلي والمناكفات السياسية التي دفع المواطن ولم يزل ثمنها باهظاً من دمه وقوت أبنائه مستوى معيشته فأصبح اليوم المريض في مستشفياتنا محروم حتى من حقه في المعاينة الطبية بسبب منع الأطباء من القيام بدورهم الإنساني".

وأكدت الشخصيات "أن الإضراب حق وسلاح مطلبي ومهني ونقابي يجب أن نحول دون تشويهه, وإفقاد المجتمع أحد أسلحته وعناصر قوته ومنعته".

وطالبت الجهات التي دعت إلى الإضراب (اتحاد المعلمين ونقابة العاملين في الوظيفة العمومية ونقابة العاملين في الخدمات الصحية) بالإعلان عن وقفه, معربة عن استعدادها للوقوف الى جانبها حين يتعلق الأمر بالاحتجاج على ممارسات تشكل مساساً بحقوق المواطنين.

كما دعت الحكومة في غزة الى الإفراج عن كافة المعتقلين الذي تم احتجازهم واعتقالهم على خلفية الإضراب ووقف الملاحقة الأمنية وغيرها للمضربين, وضمان حرية العمل النقابي وفتح أبواب اتحاد المعلمين والنقابات الأخرى.

ودعت الحكومة في رام الله بالإعلان في بيان رسمي عن التزامها بعدم وقف أية رواتب أو مستحقات لمن لا يلتزم بالإضراب أو اتخاذ أية إجراءات عقابية مثل الفصل أو الإقصاء.

ووجهت الدعوة الى حركتي حماس وفتح لوضع حد لحالة الانقسام السياسي التي جَّرت ولم تزل على الشعب الفلسطيني الويلات والتي تهدر حقوق الشعب وتضعف قضيته الوطنية.

وفي نهاية البيان قالت الشخصيات الوطنية "إن الوحدة الوطنية هي سبيلنا للخروج من مآزقنا السياسية والاقتصادية والاجتماعية، وهي سبيل شعبنا والطريقة الوحيدة لتحقيق حقوقه الوطنية الثابتة بالحرية والاستقلال وإقامة دولته المستقلة".

المصدر : فلسطين اليوم .. (http://paltoday.com/arabic/index.php?act=Show&id=21142)

[بو هبه]

والله هالايام بقرى وبسمع حكي كثير يا كبير


بغض النظر عن المكتوب فوق



بس والله حاب اشوف افعال

وان شااء الله الخير جاي


مية ورده يا كبير


سلامي

[.:.!دموع الرحيل!.:.]

فلسطين اليوم والحركة الي تابع الها الموقع

مش شاطرين الا يظهروا حالهم بأنهم الأكثر خوفا على القضية ومصالح الشعب !

قال يعني !

كل واحد بدو يشد الحاف لطرفه ..

الله يكون بعونك يا حماس ..

ويقويكي على تطهير الأرض من كل نذل وخائن

وتقدمي الي فيه الخير للقضية دايما

والي مش شاطرين الا بالتشدق ..

الله يعين الشعب على تحمل غلبتهم !

ويعينك يا حماس .. ما أكثر العاهات حوليكي

[عبد الصمد الراوي]

والله كل هاي شعارات حتى يعبرو عن حالهم انهمالافضل على الساحة

لكن لما نيجي للفعل ما حدا موجود منهم

الله يعين

بوركت محمود

[عاشق الحور]

والله يا محمود

انو بجد ما جرّ القضية الى اتون الانقسام .. الا الاناس اللي بيساووا بين الحق والباطل بحجة الانقسام !!

فلو أن اهل الباطل وجدوا الجميع يصدهم ، لما وجدوا لهم حضنا يحميهم من لفظ الشعب لهم !

اما ان يتم مساواتهم بالحق .. فهو الوقود الذي يذخر نواياهم الحاقدة .. التي ستنقلب على رؤوسهم

فمن أي شرع أو عهد أو قانون .. أن يكون من يلتزم معرض لقطع الراتب في الوقت الذي يكون فيه المتخاذل هو الأحق بالراتب ؟

في شرع من أن توضع سياسة التعليم تحت سياط المناكفات السياسية ؟!

حماس تقدم الكثير خصوصا في التعليم والصحة ، وظهر هذا واضحا في نتائج الثانوية العامة

لان الهدف أن تسير المسيرة التعليمية .. فتنازل مقابل أن تسير لا غبار عليه

أما ان يكون تنازلا لأجل اعاقة العملية التدريسية .. فلا يجوز

ووجب القص والبتر ، وحل القصة من جذورها

لان افتعال اضرابات مستقبلية قادم لا محالة

فلماذا نعرض أنفسنا لبتر اعضائنا جزئيا .. بهدف تقسيط بتر الجزء ،، وهو واجب بتره كله ؟!

على ذلك وجب الحسم .. حتى لا نقع بعد شهر أو شهرين في آتون .. اضراب جديد :)

سياسة باتت واضحة وعقيمة والحمد لله رب العالمين .. وجدوا من يخرسهم

ع العموم .. الحكومة الشرعية التزمت بكل الرواتب والمدخرات والمستحقات لكل معلم

يعني ما في حجج !!

على ما اعتقد

الا ان كان الموضوع كما هو معهود عليه .. تمرير مؤامرة !

[محمود]

بعين الله يا أبو هبة ،،

المشكلة الكل بسمع من الطرف الي بده اياه ^_^

وما حدا بسمع من الشعب ، مشان هيك عمرك ما رح تشوف أفعال ..

ربك يجيب الي فيه الخير وصدقني الوضع صار صعب :)

هي اليوم جيتي من مديرية التربية والتعليم وتعليقا ً على كلام رئيس الوزراء اسماعيل هنية :)

انو ما فيه اضراب وفيه التزام بالتعليم ، حكا المشرف العام انو الوضع صعب جدا ً واحنا كممنا موضوع العجز وبناء على الأخبار

المش صحيحة اسماعيل هنية طلع بخطابه ،، للأسف وانا قاعد هناك معاه ، أجالو اتصال بحكي فيه ،،

والله السكرتيرة مضربة ومش عارف وين حاطة الملفات ودورت الدنيا ومش ملاقيها ورح أحاول أبحث وبردلكم خبر !!


لدرجة أنو المديرية الأمور صعبة فيها ،،

والمشكلة القائمة الي بنعاني منها ،، وأكثر من 70% من مدارس شمال غزة فيها مشكلة حقيقة وعجز حقيقي ,,

بعض المدراس الي شوفت فيها كشوفات الراجعين للتدريس ما لقيت فيها الا إسم واحد !! ،، ولما رحت سجلت عمتي

بالي رح يرجعوا للمدرسة وتفك الإضراب كان إسمها أول إسم في كشف مدرستها !!

والتعقيب أنو كل انسان رح يمسك شغلو من المضربين نفسو ، كلام فاضي طلع (:

كلهم نزلو رتبهم ، الوكيل صار مدرس ونائب المدير صار مدرس والمدير بالعافية ليرجع للإدارة !!

حتى الملكفين رسميا ً والي معهم دورات تدريبية كلهم أقصوهم ونزلو رتبهم ، وهذا بجبر المضربين يضلهم في بيوتهم

بدل ما يحببوهم أنهم يرجعو لمدراسهم وتنحل هالأزمة وينفك هالإضراب ،، لكن الظاهر انو الطرفين حابيين هالقصة

مشان يعلقو على شماعات بعض على حساب الطالب :) ،، ومعدل حصص الدوام الرسمي في أغلب الفصول ما بتتجاوز حصتين

ثلاثة باليوم للأسف !! ، والله مأساة و أزمة حقيقة ، بدها مبادرة شريفة غير مسيسة بين كل أوصال الوطن ومنهم حماس

وفتح والشعب بدوره يلعب دور كبير في حل هالأزمة ..

[محمود]

دموع الرحيل ،

والله هاد خبر و حقيقي يعني وصار مثل ما هو :)

ما بتقدري تمنعيه وازا خالف فكرك ومنهجك بكون شي شخصي فيك يعني مالو دخل بالواقع ..

ازا بده ينمنع خبر مصدره فعلي على أرض الواقع بكون اخراس للحرية الصحفية ،،

مثل ما عملو في التجمع السلمي للمعلمين ومدراء المدراس الي طالبو بحل المشكلة وقمعوهم بشكل كامل ..

ومنعو التصوير ولحقو كل المصورين ومسحوا بكرامتهم الأرض ،، في هداك المكان واحتجزوا عدد كبير منهم على الرغم

من إنهم مدرسين ومسيرة سلمية بطالب بتخفيف الأمر على المعلم حتى يقدر يفك الإضراب ^_^ ، أعتقد انو منع التصوير

من هيك شغلة شي مش سهلة أنهم عارفين حالهم غلطانين وبدهم يخبو الموضوع وإلا لو كان الي بعملوه صح لو تركوا الدنيا تشوف صحهم ..

مثل هاد الخبر مش لازم ينمنع لانو مش عاجبك يعني أو لانو الحركة الي وراها الموقع مش عاجبيتك ..

عموما ً الموقع والحركة الي بتحكي عنها ، مازلت صاحبة شرف في المسيرة التعليمية وحاطها ايديها بكل مشروع لفك اضراب التعليم

والصحة وكل انسان مسيس في هديك الحركة ما قبل الإضراب وكلهم بداومو على عكس كثير ناس غيرهم ..

واول من ضحى بالتعليم والصحة هوي الي بشد اللحاق على قفاه ، وهيك مبادرة منهم مشكورين عليها ^_^

ولا قصدك ارحمو يا حماس الشعب فعلا ً يرحموهم بلا قمع مسيرات سلمية هدفها حل المشكلة ويبسروا الرجعه للمدراس كل الأمور

بترجع طبيعية .. لأنو 70% من المضربين غير تابعين لفتح وكل خوفهم رجعتهم للتدريس بطريقة مش صحيحة !!


عموما ً ما بتقدري تطعني بالحركة الي ماسكة هالموقع انهم مش خايفين على البلد ، ولا بطلع بايديك أساسا ً تذمي فيهم ..

وعرقهم لسا ما نشف من ساحة الجهاد ، مشان يطلع أي شخص يغلط فيهم يا دموع الرحيل ، وما عرقلو مسيرة التهدئة مثل

الكل ولا ناكفو منكافات سياسية تضر بالمجتمع ،، عمالهم مشكلين لجان وساطة لحل أزمة حماس نفسها بتطلب فيها وسيط ..

هالشي واقعي وهالأزمة حقيقة ووجهة نظرهم هادي منبثقة من ناس فهمانة ناشدت الحكومتين ليحلو هالمشكلة ..

والتسكير على هيك موضوع تكميم للموضوع ككل ^_^ ومشاركة في الإضراب ..

عموما ً وجهة نظرك أنو كل من خالفك في الرأي فهو غلطان هذه صارت قناعات اترخست ومالي علاقة فيها ..

هيك الخبر وما ألفوه من عقولهم ، والله يعين المجاهدين على كثر الحكي وشد اللحاف تبعهم كمان والثانين الله يعينهم

من كل العاهات الي حوليهم ..


عموما ً مشكورة لمشاركتك , بضلها وجهات نظر ..

[بنت فلسطين المجروحة]

محمود 100%

بجد بكفي ،، بكفي

:(

[محمود]

والله يا نشأت الي جر القضية على الإنقسام عناد الطرفين ومصلحة الطرفين الشخصية ..

وبهالموضوع الجهاد الإسلامي واقفة ضد الإضراب بالقطاعين التعليم والصحة وايديها بإيد فك هالمشكلة وهالأزمة ..

أما المساواة بين الحق والباطل ، أنا بقولك يا نشأت الله يلعن الباطل ما بدنا اياه وكل انسان من بشارك في الإضراب

الله معاه وبدعي اله ينطخ في ساحة فاضية ..

لكن بحكي عن طرف الحق ، يتنازل شوية ييسر الأمور أكثر من هيك على الأقل احترام المدرس ويرجع لكرامته على المدرسة

بشكل كامل ، صح ما بنكر انو برجع على المدرسة وبتيحو اله الرجوع لكن على الأقل يا أخي يرجع بمكانته بس شو بتسوى بحقو انو يرجع المدرير مدرس ، والوكيل الي اخد سنين ودورات

مشان يمسك هالمنصب لمدرس !! مش هون حرام ، مش بكفي الواحد فيهم اتنازل على معاشه وعن كثير من أموره الشخصية

كمان ما يتعامل بإحترام كامل ،،

وكل هادي الأمور ما بعتبرها تنازل من المديرية !! المدرس الي اتنازل عن كل هالأمور عارف حالو غلطان انو التزم بإضراب ..

لكن الي شاف انو الإضراب صار سياسي مو اضراب نقابات وما فيه تسهيلات من هون لكل واحد ياخد محلو !!

او يروحو ينقلوه على مدرسة غير مدرسته ، كل هده الأمور بتخلق تمرد وتمسك بالإضراب ،، بكل صراحة عمتي من أول

نفسها ترجع للمدرسة لكن خايفة من تعسف استقبالها هون !! والتقليل من قيمتها ، بتلاقي والشخص فيهم اله 20 سنة بالخدمة

وبخدم هالوطن وهالمجتمع وبالآخر بنحط بقائمة العمالة والتخوين !! بشي هوي مش ذنبه فيه .. وما بتعطوه فرصة انو يرجع

باحترامه .. هذه مشكلة للأسف بالطرف الي أنا بقول عنو الحق .. بس برضه ما بمشي معاه هذه الخطوة مشان مسيرة هالتعليم

المفروض يبسط ايديه للجميع ..

مش مسألة رواتب ومدخرات وحجج ، تنساش في شي اسمو (( معاش ))

بضمن حق المدرس بعد ما تخلص فترة خدمته بالمدرسة ويضمن حياته ، هذا كمان لو بدنا نقيسها على الطابع المادي اله أثر في الإضراب .. يعني ضايلة فيه حجة ،،

1- احترام المدرس الي هوي الأب الروحي للطالب ..
2- الإلتزام بالمعاشات والمدخرات .
3- الإلتزام بالمكان الوظيفي لكل مدرس .

هذا المطلوب من طرف الشرعية والحق مشان ينفك الإضراب وبكفي عناد ..

[محمود]

فتى الأنبار وياصاحبي هلا فيك ..

يعطيك العافية لمرورك ، وبعين الله هيك الوضع ^_^

ربنا يفك كرب هالأمة ..

[محمود]

بنت فلسطين المجروحة ،

عنجد بكفي والله ازهقنا حالنا ..

اليوم حاطين المعلم والطبيب والطالب في خانة المناكفات السياسية ..

بكرة بحطو الطفل الرضيع والنساء الحوامل .. استنو بس عبيل ما يخترعو طريقة يذموهم فيها ..

يسملمو لمرورك ويعطيك العافية ..

[بنت فلسطين المجروحة]

محمود مسحت ردي بالغلط رجعو لو سمحت :$

[مجدلاوي فايع]

هاه هاي الخراف الصحيح ... على الله يصير اشي ويرجعو يتوحدو

[محمود]

عموما ً رسالة لكل مدرس ..

ولكل طالب ،،

ولكل طبيب ,,

ولكل عامل في مجال الصحة والتعليم ..

الموضوع صعب واحنا عارفين هالقصة ، والضغوطات عليكم للأسف كبيرة . ومن الطرفين ..

اتنازلو مشان خاطر أطفالنا ، ازا الحركتين لأنهم صاروا حكومات معندين وما بدهم يتنازلو انتو اتنازلو واشتغلو مجانا ً

والرازق رب العالمين لا هدول ولا هدول بنفعوكم ، اقبلو قطع رواتب هدول واقبلو مذلة هدول واشتغلو في مناصبكم

ولو أقل اعملو جزء من الواجب مشان عنا عدو إسمو اسرائيل ،، والأطفال والمرضى مش أعدائكم هدول أطفالنا و أطفالكم ..

قرايبنا وقرايبكم ، بتمنى منكم تقفو وقفة جبارة لفك هالأزمة السياسية . هيك هيك انتا قاعد في الدار فبلا من الإضراب ..

اشتغل ارضي ضميرك و ارضي ربك ، حتى لو كل الضغوطات فوق راسك وتفنى الفلوس ولا تفنى نفس بشرية ..

انتو الي بتحلو الأزمة مش فتح ولا حماس !! لانو كل واحد فيهم عندو مشروع سياسي ولازم يمشي ان كان على حساب الطالب

أو حساب المجتمع حدش فارقة معاه .. أهم شي عندهم لعبة مين يعلق أسرع على شماعه الثاني ..

ياريت ما تططلعو لمشروع اسرائيلي في الإضراب ولا مشروع بس يا عالم وشوفو مساوئ التنظيم الزفت ..

اطلعو لأنفسكم وأطفالكم ، لانو كل طفل محتاج رعاية صحية وحتاج تعليم ومن ضمنهم أبنائكم فما تحرموهم من حق التعليم والصحة

زي ما بتحبو حدا يحرم أبناءكم منهم ما تحرمو أبناء العالم ..

ويعطيكم العافية .. والإضراب لازم ينتهي بكفي عاد ,,,

اليوم مددوه لكمان اسبوع احنا لازم نكسره بكرة ..

في أمان الله ..

[محمود]

بنت فلسطين المجروحة

تكرم عيونك ، رجعتو ^_^

[محمود]

مجدلاوي فايع يا هلا فيك ..

الله يسمع منك وان شاء الله بتتوحد كلمتنا للحق ونصرة الحق ..

احترامي لك

[ضوء الشمس]

السلام عليكم



بصراحة احنا الطلاب انوضعنا في مصيدة تحت ظل المناكفات والاختلافات السياسية



وكمان بصراحة أكتر صح انوا مامشوا الاضراب واطوعوا واشي متل هيك



لكن الي توظفوا جديد



والله ماعندهم كفاءة عالية بالمرة


الطالب أشطر من المدرس


يعني مابنفع مدرسة ابتدائية تصير مرة وحدة مدرسة توجيهي علمي



لكن بالآخر احنا الطلاب انظلمنا تحت المناوشات السياسية



وآخر السنة نتيجة الطالب بتطلع مابعذروا انوا كان الوضع بالمرة


ويجي الطالب يعمل حجة السياسة


عشان هيك بوجه لرسالة للطالب خاصة


انهم ماييألوا عن اشي اسموا سياية أو اضراب ويهتموا لدراستهم مع انوا المدرسين مش كفاءة ^^




والله يجيب الي في الخير ان شا الله


سلامي

[عاشق الحور]

محمود يا حج :)

خلينا نبدأ من الصفر .. شو رأيك ؟

أول شي بالنسبة لطرف الحق اللي لازم يتنازل شوي .. انا طرحت مثال في ردي بس ما وضحتو وراح وضحو

لما جاء موعد اعلان نتائج الثانوية العامة (( وهي شغلتك )) مين اللي أعلنها ؟

وزير حكومة دايتون في الضفة ، واحد التابعين لهم في غزة

بالرغم من انو الاتنين انت والكل شاف أنهم لا يجيدون اللغة العربية حتى يعلنو نتائج !! بالاضافة الى انهمم قرأوا النتائج خطأ في بعضها ؟

ولكن هل وقفت حكومة اسماعيل هنيه ، ام تنازلت وقالت في سبيل ان تسير النتائ على ما يرام مراعاة لمصلحة الطلاب

وحتى لا نقع في شرك العام الذي سبق ..

اما للاضراب .. فلنبحث أساسا عن سبب الاضراب ..

أقرت وزارة التربية والتعليم في غزة والضفة بالاتفاق قرار التدوير اللي راح اوضحو كمان شوي

وللعلم من كان يسير هذا الاتفاق هو شخص (( زينب الوزير )) في الوزارة

وهي أخت الشهيد أبو جهاد ،، ولكن يا ليتها كأبو جهاد

هذه كانت تشغل مديرة عامة في غزة ،، وكانت ترفض أن تحضر اجتماعات وزير التعليم في غزة ، متعالية على المبادئ

ولكن لحرص حكومة غزة على تسيير الامور فهي حلقة الوصل بين غزة والضفة ، تم تجاهل مناكفاتها لأجل المصلحة العامة

الان تم اقرار قرار التدوير ، وهي أن لا يستمر مدير في مدرسته أكثر من عامين ويتم نقله الى مدرسة أخرى

وكان السبب في ذلك أنه ان كان ناجحا فلينقل نجاحه الى مدارس أخرى ، وان كان غير ذلك فلتكن له تجربة مع معطيات أخرى

- بغض النظر أني شخصيا لست مع هذا الاتجاه -

ولكن ما دام أنه حدث بالتوافق ,, فلا بأس

الكل يعلم أن امر النقل من المدارس هو من تخصص المديريات الفرعية

المديريات اللي انت رحت عليها وما لقيت حدا مداوم - دليل انو كلهم فتح -

كل المدراء الفرعيين في المدريات (( فتحاويين باحتراف ))

والدليل انت حكيتو ، انك رحت المديريات

وجاءت قرارات النقل ،،

قبل بداية الفصل الدراسي ،، دعت رام الله الى اضراب دون سبب ولكن بحجة التنقلات المتفق عليها مسبقا !!

فقال وزير التعليم في غزة ،، نحن على اتم الاستعداد لقبول أي مظلمة ودراستها

ولكن لا احد يجيب وبدأ الاضراب

فكانت حكوزمة غزة امام فصل دراسي جديد وطلاب في بداية العام غير ملتزمين ،، والطامة الكبرى عدم وجود مدرسين يوجهونهم !!

داوم بعض المدرسين وتخلف البعض ،، فكان حرصا من حماس أن توظف عدد كبير من المدرسين الذين تقدموا لامتحانات التوظيف

ونجحوا في الامتحان والمقابلة ، ولكن عدد المدرسين المحتاجين كانوا قليلين فتم أخذ أصحاب الدرجات العالية منهم

فأخذت حماس من هؤلاء المدرسين اللي بنقول عنهم بالعامية عندها - واقفين على الدور -

وبالفعل خلال يومين استطاعت فرز احتياجات المدراس في كل القطاع وتفريغ مدرسين في كل المدارس

طبعا المدرسين الجدد وان كان تنقصهم الخبرة ، ولكن أقل ما يقال أن الطالب يذهب الى المدرسة ويجد على الأقل مدرس يحكيلو اقعد على الكرسي

ولا يجد مدرسة فارغة !!

فهل من مصلحة التعليم يا أخ محمود ويا حركة الجهاد الاسلامي .. أن تتنازل حماس

ولكن كيف تريدونها أن تتنازل ؟؟

مش عارف انا فعلا أين التزمت في موقف حماس ؟

مدرسين استنكفوا عن الدوام ووضعت حماس بديل لهم على سبيل العقود .. وها هي حتى اليوم وعلى لسان اسماعيل هنيه تدعوهم للعودة !!

اما ان تقوم حماس بتوظيف 20000 مدرس وتتكفل بكل رواتبهم أصبح ضرر ؟

المنطق والعقل يقول أن حماس تكفلت برواتب 20000 مدرس بقيمة 1000 شيكل شهريا

يعني 20.000.000 شيكل شهريا !!

فهل هذا استنكاف وعصبية .. شو هالعصبية اللي في من وراها دفع فلوس ؟

محمود .. انا بدي احكيلك بصراحة ،، حماس في امس الحاجة الى الـ 20.000.000 شيكل هذه

ولكن الضرورة وليس سوى الضرورة هي التي اجبرت حماس على توظيف المدرسين

وما زال باب العودة الى الدوام للمدرين القدامى مفتوح لليوم وغدا ..

يعني ما ضل اسبوعين قاعدين .. بالمقابل تكفل بكل الرواتب والمدرخات والمستحقات

يعني كل شي مضمون ان شاء الله

ولكن يطلع علينا المدعو جميل شحاده اليوم

ويمدد الاضراب في المدارس للأسبوع الثالث ؟!

أليس هذا جريمة

دعنا نقول أن حماس لم تقم بتوظيف هؤلاء المدرسين

فما مصير 300.000 طالب وطالبة يذهبون الى مدارسهم للأسبوع الثالث على التوالي ولا يجدون مدرسين ؟

سيقول الذين في قلوبهم مرض .. الحق على حماس مش هيه مسكت غزة خليها تجيب مدرسين من عندها

هيها جابت .. ولكن برضو لم تسلم

ننتظر ما سترنو اليه الامور بعد الاضراب للاسبوع الثالث على التوالي

واعتبر انو المدرسة ما فيها مدرسين ^^

[عاشق الحور]

اما بخصوص الكفاءة

فشي طبيعي مدرس جديد أول مرة يدرس يكون مستواه ضعيف

طبعا زيو زي 3000 مدرس كانوا كل سنة يتوظفوا

بس اللي اختلف انو العدد السنة كبير شوي

الان وزارة التعليم في غزة تقوم بورشة عمل

لكي تقوم بتوزيع متكافئ للمدرسين حسب احتياجات الطلبة

فالمدرسين الاكفاء سيتم نقلهم الى المستويات العالية .. والمدرسين الجدد

سيتم وضعهم في المراحل الابتدائية والمتوسطة

طبعا هذا لحل مشكلة .. وليس هو الحل الأفضل

وان شاء الله بيعود المدرسين .. ويكونو هؤلاء مساعدين للمدرسين القدامى ويستفيدو من خبراتهم

[عاشق الحور]

وفي عندي سؤال مهم

ليش المدرس المستنكف يرسل ابناؤه للدوام في المدارس ولا يلزمهم بالاضراب ؟


طبعا انا هنا لا انقص من حقهم شيء ،،

ولكن بعد التزام حكومة غزة بكل ما يحتاجه المدرس . .فلماذا لا يعود لتأدية الامانة ؟!

والله يكون بعونهم

[عاشق الحور]

وعندي مثال آخر يا محمود ..

الان في الحسم العسكري

امرت رام الله كل الموظفين العسكريين من شرطة وحفظ نظام وغيرهم

بالاضراب وعدم العودة الى العمل في المراكز

فماذا لو تنازلت حماس شوي وما نزلت شرطة مكانهم ؟

متل ما هو ممنوع تنزل مدرسين مكان اللي اضربوا ؟

كان صارحت فوضى

:d

[عاشق الحور]

المهلة التي أعطيت للمضربين تنتهي بانتهاء يوم عمل اليوم الثلاثاء 9-9-2008

لا زال هناك متسع أمام من يرغب في الالتحاق بركب الشرفاء، ولا عذر لكل من تذرع بالراتب والمستحقات والمعاش بعد ضمان الأخ رئيس الوزراء بكل مستحقات ومرتبات ومعاشات المدرسين والموظفين جميعهم.

إعلان المأفون جميل شحادة عن تمديد الإضراب لمدة أسبوع يؤكد على عدم وجود ذرة اهمية لديهم بمسيرة التعليم، ويؤكد على اصطفافهم في جانب الصهاينة وعملهم على تخريب التعليم.

ليتمايز الشرفاء الآن، وليعلن كل حر وشريف عن نفسه بصراحة هل هو في صف الشرفاء الأتقياء الأنقياء أم العملاء الأذلاء!

[.:.!دموع الرحيل!.:.]

اووف !

كل هالكلام كتبتوه !

والله ما الي جلاده أقرأ ..

بس قرأت كم جمله من كلامك يا محمود انك بتحكي انه القصة وجهـات النظر

وتعليقي على انه ما عجبني لأنه باخد الي بدي ياه .. !

هي كلمة وحده

والي بيفهم بيفهم

اللي بحط حمـاس وفتح بكفه وحده

يعني مش فاهم من حقيقة الوضع شي ..

أو هو فاهم .. بس من مصلحته يحط حمـاس بكفة فتح بدرجة متوازنه

عشان يرتفع فوق .. وبدوس على حساب حركة تانيه مشان ظهوره بصورة الأشرف ..

الأحرص .. والخ .,

حمـاس بتعمل الي عليها ..

وبالنهاي همي مش ملائكة .. !

يعني مش رح يعيشوكم بالمدينة الفاضله !

بس بضلهم نعمة عليكم ..

وبالنهاي .. !

تعليقي على العنوان .. الي انت أصلا مقتبسه من موقع معين .. ( الله يهديهم )

هو أكبر غلط صار بالموضوع

والي بيعرف الحق . وبيجي بحط التنين بكفة وحده ..

بكون أكتر انسان ظالم !

اما الي مش فاهم القصة .. بحطهم بكفة وحده

يروح يفهم حقيقة الوضع بعدين يجي يعلّق .. عشان ما يحط بذمته ^^

باقي الموضوع .. وباقي الرد .. ما كملته والله ..

راسي عميوجعني وما الي خلاق أقرأ .. وردك طويل كتير ..

بس حبيت اوضح انه المحطوط بين قوسين بالعنوان تاع الموضوع

هو الغلط نفسه

ومن التقصير الواحد ما يبحث عن الحقيقة ..

ومن العيب . . انه الواحد يكون عارف حقيقة الي صاير ..

ويحكي متل هيك كلام .. ومنهم بيحكيها لمصالح شخصيه وحركيه :)

خليها ع الله ..

[عاشق الحور]

فعلا دموع الرحيل

كلامك واضح ..

بس انا ما باحب احكيها من الاخر ،،

[.:.!دموع الرحيل!.:.]

الله يكون بالعون يا نشأت ،، انا كنت ما احب احكيها من الآخر ..

بس زودوهـا :)

نفسي هالنـاس الي بتحكي انها حياديه ..

وبيتشطروا بنثر كلماتهم بهيك مواضيع ..

ويحطوا التنين بكفة وحده

انهم يتشطروا ويحكوا كلمة حق .. بكل المواقف ..

بس كل إنسان .. يغني على ليلاه ..

وفعلا الظاهر انه داء حب الظهور بصورة الأحرص على البلاد .. اجتاح البلاد :]

اما حمـاس الله يخليلنـا ياها .. إن أخطأت قليلا .. تصيب كثيرا ً

وأن غلط البعض من أفرادها ،، فالقاده فيها أئمة يقتدى بهم ..

وما حدا بيقدر يغطي نور الشمس بغربال

بس فعلا .. بتلاقي ناس ما بيطلع صوتها إلا بهيك مواضيع

اما مواضيع الي بترفع الراس ..

وبتشرف كل مسلم ..

ما في الهم صوت ..

طبعا عشان ما يأثر على صورة الحياديه .. الي متحليين فيها ..

الكلام مش لحدا معيّن ..

عشان محمود ما يفكر الكلام لإله ..

الكلام بشكل عـام ^^

[براءة]

ولـعت مـع دمـوع الـرحيـل " اللـه يحميـها " ^_^

.

انـا بشكـل عـام رأي بالمـوضـوع متـل حكـى أخي الكبيــر نشـأت

يلـي بيستحـي وبيخجـل من المعلميـن والمعلمـات المضربيـن مــــا يـرسلـو أبنــائهــم للمـدارس ...

يعنـي مـش معقــوووول انتـو مضـربيـن وبتبعتــو ولادكـم للاستفـادة وانتــو عــالـة علـى المجتمــع ...

ومتـل ما حكـو اخوتـي قبـل " بكفــــي " بس يـاريـت هالكلمــة تحكـوهــا من منطلـق الفهـم بمـوقـع غــزة

بـاركـ اللــه فيـكـ محمـود

واللــه يجيـب يلـي فيـه الخيـر لصـالح الشعـب

:s (43):

.

[مؤيد]

لو أنا محل حركة حماس ...

سأقوم بحل هذه السلطة وأريح نفسي من هم الشعب وحمل هذا العبئ الكبير ...

لإنو هذا شعب نمرود إلا من رحم ربي ...

بريح راسي من هذا الهم كلو ، لإنو طريق كله شوك ...

[عاشق الحور]

هذا انت يا مؤيد

بس انا لو محلها .. لازم اتم ما عزمت عليه

ولو كان في اخر يوم من ولاية حماس

حتى يعلم الجميع .. انه مهما ثقلت الاعباء .. فإن لها الرجال لكي يحملوها

[محمود]

كل كلامك يا نشأت مش بموضوعي ،،

النقطة الوحيدة يلي بصلب الموضوع هيي هذه ..

يعني ما ضل اسبوعين قاعدين .. بالمقابل تكفل بكل الرواتب والمدرخات والمستحقات


أنا ذكرت مسبقا ً المطالب وانتا ما ذكرت شي من الي عملوه ..

أولا ً : يرجع المدرس لوظيفته كما هو سابقا ً ،، يعني الوكيل وكيل والمدير مدير ونائب المدير نائب مدير وما يتبعها ..

ثاني شي : المعاش ..

يعني الإستاذ الي حب يداوم ., استغنى عن فرصته بالمعاش وحقه الشرعي في معاشه موكل الموضوع لربه ..

مشان يتكافئ انو ينزل رتبه وتنقل قيمته في المدرسة من وكيل ولا نائب مدير لـ مدرس !! حتى الفراشين والعاملين

في المدرسة ما قصر فيهم القرار الوزاري في اللإقصاء !! ليش يعني !!

بعدين المبلغ الي ذكرته أعتقد انها مش حماس ، أعتقد انها حكومــة للشعب الفلسطيني وبتاخد تبرعات من الدول

على إسم الشعب الفلسطيني مو على إسم حركة حماس ، وأنا بعتبرها شرعيه ,

هذه أموال شعب ومش لازم نخلط أموال حماس بأموال الشعب ،، عموما ً مش هاد موضوعنا ..

أول شغلة برسل أبناءه للمدرسة لأنو هوي مجبور على الإضراب !! من الطرفين ..

الأول بقولو اضرب وبقطع راتبك ، والثاني بقولو بدك ترجع ارجع بس بدها تنقل قيمتك !!

لهيك لو انكسر الإضراب نقطة تسجل في صالح المدرس والطالب .. ولا تسجل لحكومة حماس

أي نقطة في رصيدها إذا استمرت في قرارها التعسفي في ترهيب المدرسين ..

المفروض حماس زي ما بتعلن ع التلفزيون انو المدرسين يرجعو ..

طيب ماشي المدرس بروح يرجع بشوف حالو نزل درجة ولا انتقل من مدرسته بقول لا أنا ولا هالرجعه :)

يعني الموضوع بده ترغيب مو ترهيب يا نشأت ..

عموما ً هذا ردي على كل كلامك ..

احترامي الك ..

[محمود]

لا ما تقلقي يا دموع الرحيل ،،

عمري ما رح أفكر انو الكلام على حالي ..

لأني بعرف حالي منيح ^_^ ،،

مش لازم أكون منافق وأقف بصفك مشان أكون من المرضي عليهم ..

يكفيني إني بتحدث عن مشكلــة تبيد شعب ومجتمع .. ولا بدك تمنعيني إني أحكي أو عيب

إني أحكي مشاني ما بطلع على مواضيع بتشرف !! لا إلي ردود بكل موضوع بجد بحسه انو برفع الراس :)

أما مواضيع الدعاية والإعلام ما بتدخلي مخ وزور لأني شايف الواقع والحقيقة عيوني مو مغشية بساتر التنظيم ..

بشوف الحقيقة بعيوني مو بعيون التنظيم ،، ففش حدا رح يضحك عليا ،،

وكل تنظيم بغني على ليلاه زي ما بتقولي والأشخاص الي بتلاقي هيك مواضيع لتناقش فيها ،،

أنا هون بحكي بقضية مجتمع ـ ومالي علاقة بتنظيم حماس أو فتح :) ، وما بوزن الاثنين بكفة بالعكس انا بحكي عن

قضية وحدة الاثنين غلطانين فيها صح ما بنقاس غلط عن غلط بس بدنا نحل مشكلة ،، ..

وبحكي عن حلول لازم توصل والكل يفهمها .. مشان ينفك الإضراب مو عاجبك كلامي اعتبري كلامك الصح ..

أنا ما بحكي بلسانك بحكي بلسان إنسان متضرر من الوضع ..

عموما ً إزا كلامي بزعل حكومة حماس ،، يبقى خليها هيي الصح وخلي المعلمين مضربين ,,

وما تكسبهم في صفها وتخلي الطالب بين الطلبة أهم نطلع بإعلان انو انحلت الأزمة وللأسف !!

نلاقي انو الأزمة متفاقمة ونسجل انتصارات على بعض ..

[عاشق الحور]

اول شي ما في مدرس انقلت قيمته يا محمود الا المدير المضرب وماسك مفتاح المدرسة وما بيسلمو لحدا .. على اساس انها بيارة الوالد

ولحتى الان الباب مفتوح ، المدير بيرجع مدير والوكيل وكيل ،، والمدراء الموجودين هم فقط لتسيير المدرسة مؤقتا

الى ان تنتهي ورشة العمل مع نهاية اجازة العيد

اما قصة المعاشات فهي مكفولة لوزارة التربية والتعليم من الحكومة

خصوصا ان التأمين والمعاشات شركة خاصة لها أن تستلم عن كل موظف 200 شيكل كل شهر فقط

اما بخصوص الاموال للحكومة الفلسطينية ،، فما دام هي حكومة شرعية .. فلها أن تسير التعليم في قطاع غزة على اساس انه من مسؤولياتها

فهذا المدرس المضرب ، لو حدثت معه اشكالية أو تعدى عليه أحد لا قدّر الله لن يذهب ليشتكيه إلى شرطة رام الله

اما موضوع الترغيب والترهيب ،

فحماس الان وضعت امام مأزق أن التعليم كله أصبح تحت المناكفات السياسية ..

يعني واحد قاعد في بيتو ولا على بالو .. بيطلع كل يوم والتاني بيقول اضراب

لماذا يا جميل شحاده تدعو للاضراب ،، لكي يخرج اطفال فلسطين مثلك لا يتقنون اللغة العربية ؟!

محمود ... انا بدي امشي معك

اعتبر نفسك الان في مكان حكومة الشيخ اسماعيل هنيه

وجاء الاضراب اللي هيو امتد للاسبوع الثالث :)

شو بدك تعمل ،، وشو سياسات الترغيب تبعتك ؟

[محمود]

والله يا نشأت المدرسين صار لمعظمهم أكثر من 20 سنة خدمة في التدريس ..

وخدمة الشعب والمجتمع أكثر ناس ..

ليش ما أضربو من زمان ازا ما كانت هاماهم مصلحة البلد ؟؟

لما دخلتوهم بالسياسة صارت اضربات واضطرابات في التعليم والصحة !!

مع انو البادئ رام الله بس ما ذنب الموظف :) ،، المفروض يقدروا موقفو ..

وان دل على هيك قصة انو المدرس مو راضي بالإضراب لكنه مضطر عليه ومش بخاطره :)

السياسة بتعمل أكثر من هيك ،

[محمود]

نشأت أنا أتحداك في كلامك :)


ولحتى الان الباب مفتوح ، المدير بيرجع مدير والوكيل وكيل ،، والمدراء الموجودين هم فقط لتسيير المدرسة مؤقتا


أنا اليوم جاي من مديرية التربية والتعليم وشايف القرار الوزراي وكلمنا الإدارة العامة وشفت كل شي بعيوني ..



وإن كان كلامك صح ،، تعال معي بكرة و أنا رح أجيبلك أكثر من 5 معلمين بكرة يروحو يداومو على مراكزهم :)

يعني حتى نفس المديرية ما الها صلاحيات على القرار للأسف ..
-------

وانا محل الحكومة :)

بحكيلك يا نشأت أي انسان برجع من الإضراب للتدريس بوصل فكرة لكل المدرسين والباقيين

الإنسان لما يلاقي حالو انتقل من مكانه غير مكانته و انو صار اهانة اله ,

بقولك ليش أنهان مهيني بقبض وانا قاعد في الدار :)

وصدقني كلهم بكونو على اتصال مع بعض و أغلبهم حابين يرجعو ,,

لكن انو لما يسمعو هيك كلام بقولو مهيني قاعد وقابض ،،،

هذه رسالتي .. وياريت توضح لا أكثر ولا أقل ..

يعني يرغبو الناس بستقطبو كثير ناس وبتنفك الأزمة ..

لا غلطتت بهدول ولا ذميت فيهم ،،

احترامي لك

[عاشق الحور]

المدرس اللي بحث عن المعاشات في أول اسبوعين

ليش بطل بدو اياهم اليوم ؟

ع العموم راح اشوف الموضوع وارجع

واراجع موضوع التنقلات من الوزارة ،، ونشوف شو السبب

[فراشة]

حسبي الله ونعم الوكيل ,,, المشكلة دخلو الصحة والتعليم في الأمور السياسية يعني هادا مستقبل شعب بحالة ,,, من اهم مقومات قيام اي مجتمع سليم هو الصحة والتعليم ... بمجرد دخول النزاعات ووصول البلد لهالدرجة من اضرابات و سوء يعني على شفا حفرة من الانهيار ,,,

ما بقدر اضيف اكتر من النقاشات السابقة ...

يعطيكو العافية ...

[محمود]

يخوي يا نشأت شو رايك تقول الي أضرب ما يرجع لمدرسته وليش أضرب ازا بده يرجع !! ،،

سبق وحكتلك صارلو أكثر من 20 سنة بالخدمة و أضرب لظرف سياسي والوضع

على الكل كان صعب ،، ما تقولي ليش بطل وتفتحلي قصة ، يخوي احنا بدنا حل وبدنا

صحة وبدنا تعليم بغض النظر عن ليش أضرب , قولي المحفزات الي تخليه يفك الإضراب ازا بتحكي معاشات

مهيو قاعد وقابض ومعاشه موجود ، جاي تقولي خايف على معاشه وليش أجا ، الزلمة ضحى بمعاشة

مشان خدمة الطلاب احسبها اله نقطة حسنة مش تقولو ليش أضربت !! وتفتح معاه تحقيق ، يا زلمة حببه بالرجعه مشان تحبب غيره عن طريقه ..

[.:.!دموع الرحيل!.:.]

نشأت نصيحه

ما تتعب حالك مع محمود ..

عبث .. حتى لو جبت مليون دليل على كلامك ..http://shabab.ps/vb/images/icons/icon10.gif

مستحيل يطلع غلطان ( قدس الله سره )

مع اني كمان ما قرأت الردود ..

ما شاء الله عليكم ..

بس النتيجه معروفة

هههههههه

الله يكون بالعون

انا شخصيا ً بدي ريح راسي ..

وخلينا نوكل بهالمهمة .. محمود .. والشخصيات السياسية والاجتماعيه والاكاديمية

يمكن يقدرو يحلوا الموضوع ..

ويطلعوا أزكى من حماس :icon11:

سلامز

[محمود]

نشأت نصيحه

ما تتعب حالك مع محمود ..

عبث .. حتى لو جبت مليون دليل على كلامك ..



أنا امبارح جاي من مديرية التربية والتعليم :d

بتمنى بس الي بده يحكي شي يحكي من مرجع ومصدر اله صلة بصلب الموضوع ..

وأنا بالزات كنت بالمديرية مشان خاطر هالموضوع بالزات وعشته وعشت أحداثه (:

فوين الدليل الي بده يقنعني احم احم !!

عموما ً أنا ونشأت بكرة نازلين على المديرية لنشوف ^_* مين الي كلامه الصح ,,

وإن شاء الله بنقدر نحل الموضوع ، عقلي براسي وبعرف خلاصي ما وكلت تنظيم سياسي بعقلي والله

ما بستغني عنو مشان حدا يمشيلي اياه على مزاجهـ ..

والي بسمعك بقولك يطلعو أذكى من حماس ،، والله شكلو الي ركبلهم العقول ما ركبها لغيرهم ..

حسستيني إنو يعني جزء كبير منهم مش من البشر ..

إتقي ربك في البشر حاج عاد تقللي من قيمة الناس مشان بيعطو رايهم بموضوع معين مخالفين وجهة نظر حماس ..

وهاد أكبر دليل على ذكاء حماس الخارق ،، انها وظفت محامين دفاع عنها سبحان الله حتى بدون ما يعيشو الأحداث

ولا يتأكدوا منها ، بس مجرد ناس بدها ادافع !! الدين اعرفناه بالعقل والله اعرفناه بالعقل وكل شي كان على قناعه ..

مكفي اغلطي على حركة الجهاد الإسلامي غلط مبطن وصارت متسلقة على كتاف الغير والله ما محتاجة سلطة

ولا كرسي لتقعد عليه من وراهم يخلف عليهم الإثنين مكفيين وموفيين الكرسي مش خالص منهم ..

عموما ً كمان ما بعنيلي شو تحكي عنهم أولا ً أنا مش منهم ثانيا ً ما بتعنيلي وجهة نظر إنسان فقط بجادل ليبري ناس

ان كانو على الصح أو الخطأ ،، ما بعرف بنظرك مقدسين وبنظري ناس عاديين ...

وهالقضية بتخصني وبتخص كل كادر أكاديمي وسياسي وفلسطيني شريف ،، وأنا موكلك بالقصة والله :)

لنشوف شو رح تساويلنا فيها .. عموما ً كلامي مع المعلمين وحواري معهم بالعامة واقناعهم على الرجوع

لمدارسهم على الرغم من كل الضغوطات أكبر جهاد و أحسن من الكلام الفاضي الي بنكتب لمجرد دفاع بس ..

بعيد عن التطبيق على الأرض الواقع ، وكثير منهم استاجبو والحمد لله في خطوة لفك الإضراب ..

-------------------------------------------


مستحيل يطلع غلطان ( قدس الله سره )


وعن تجربة ( حمّس الله رآيك ) ..

[.:.!دموع الرحيل!.:.]

محمود ..

اطلع من راسي وسكر الباب وراك :icon11:

ولما حمـاس تغلط .. رح اوقف بوجهها قبلك ..

ويا سيدي الله يحمس رأيي ما داموا همي على الحق

ولا يكون عندي عقل معصلج ما بيتعصب الا لكلمته عشان ما تنزل وتعلى فوقها كلمه تانيه

وقصة اني عايشة الوضع

يمكن في أمور متابعاها أكتر منك *_^

ما الك الحق تذمني من هالناحيه ..

ومتل ما عندك عقل .. الحمدلله عنا عقول يا حج ..

بس مش ضروري فكر متل ما انت بتفكر ..

عشان يكون رأيي هو الصح ..:icon11:

وكلامي المبطن على الجهاد ما اجا من فراغ ..

كلامي عليهم وعشقي ( الي كان ) الهم بتشهد عليه صفحات هالمنتدى ..

لأنه بنعشق كل أهل المقاومة ..

بس حاليا صار عندهم أغلاط بهاي الأمور زادت عن حدها ..

طبعا ما بحكي عالكل .. لأنه في منهم بتشرف بالنعل تاعه ..

بس للأسف .. حركيا .. في أمور نكايات عمتصير ما بتليق فيهم ابدا ..

وعلى قصة بكرا رايحين وتشوفو مين الصح ..

قلتلك اصلا ما قرأت الي صار والله .. لحتى كون حكمت وأصريت انه نشأت الصح ..

بس بحكي بشكل عام ..

غير انه حكيت .. مش بالضرورة تكون حماس 100%

يعني لو غلطت .. عادي همي بشر ..

وكلامي من الاول وااضح انه تعليقي على العنوان نفسه ( الظالم)

بس حضرتك كتير غلبه .. دخلتني بمواضيع ما حكيت فيها ..

:wacko:

على كل ( يا قدس الله سرك )

اطلع من راسي

ههههههههههههه

النقاش معك عقيم كالعاده ..

خلص خلصني ..

الدنيا رمضان :s (43):

[محمود]

هههههههههههه

طبيعي وجهة نظر نشأت من رآيك الشخصي صح طالما انها حمساوية بعض الشي ..

لكن وجهة نظر والك حق تقتنعي فيها ومالي حق أقول ليش !! ..

في النهاية هذه ثقافات وكل انسان عنده نظرته الخاصة او الحزبية للأشياء في النهاية بتضلها نظرة خاصة بشوف فيها ..

عموما ً الله يوفقك في حياتك ، الي بهمني قبل ما يهم أي شخص انو الصحة والتعليم يرجعو لمراكزهم مكرمين معززين

مشان مصلحة هالمجتمع ..

ورمضان كريم علينا وعليك ، وانتي بتعرفي هالنقاشات ما بتقلل من احترام الواحد للثاني ..

بالعكس والله يلا بنغلب بعض شوية ..

:s (43):

[عبد الصمد الراوي]

ما شاء الله عليكم

عن جد قريت كل كلمة في الموضوع مع العلم اني لا احب اقرأ كثير بس جبرتوني وجبرتو قلبي

هههههههههههه

الله يهدينا يا اخوة

بس والله وجعتوا راسي

يالله نشوف شو يطلع مع محمود ونشأت

بصراحة مؤيد حاب يخلص من الهم لكن هذا ليس الحل

وان شاء الله الله يهدي الطرفين


كل الود

[القلب المشرق]

في هذه الأيام ما بتكلموا كلمة بصدقوا فيها

وشكرا على الموضوع

[lili_pop]

فلسطين اليوم والحركة الي تابع الها الموقع

مش شاطرين الا يظهروا حالهم بأنهم الأكثر خوفا على القضية ومصالح الشعب !

قال يعني !

كل واحد بدو يشد الحاف لطرفه ..

الله يكون بعونك يا حماس ..

ويقويكي على تطهير الأرض من كل نذل وخائن

وتقدمي الي فيه الخير للقضية دايما

والي مش شاطرين الا بالتشدق ..

الله يعين الشعب على تحمل غلبتهم !

ويعينك يا حماس .. ما أكثر العاهات حوليكي

عجبني رد الأخت دموع
فعملتو إقتباس من بعد إذنها


lili_pop

[رامي 1]

من جهتي الحق على الجهتين في الي صار معنا بس الحق الاكبر على حركة فتح في عدم تقبلها قرار الشعب بشان التشريعي

[رامي 1]

من جهتي الحق على الجهتين في الي صار معنا بس الحق الاكبر على حركة فتح في عدم تقبلها قرار الشعب بشان التشريعي

[MoHaDe]

ما بدي اعلق وازيد كلام كتير كتير
واشعل فتن

بس الله يصبح شعبنا
سلطتين دايرين ورا الكراسي
والشعب بين الاجرين

انا قرات اغلب الردود ولفت نظري كم رد
بحب اقلكم كل الناس بشر وفش حدا ملاك ومنزه عن الخطا
وكشكلتنا بالبلد لا حق وباطل ولا اشي
مشكلتنا مشكلة كراسي وانو بلهط اكتر وبثبت كلمتو اكتر


يسلمو حج محمود عالموضوع والله كفيت ووفيت بردودك
والله يهدي شعبنا ويرجعوا يتوحدوا من جديد
وتنفرج علينا وعليكم بالذات انتو يا اهل غزة كل الدنيا ضدكم