ال شو ال بيئولو ,, المجوز الله يعينو ,, و الأعزب يا نيالو ,, تعو ناقشو *_^

[عسولة الأقصى]

:s (43): السلام عليكم و رحمة الله و بركاته :s (43):

صباح / مسا الورد و الفل لكل الأعضاء :s (43):

ع سيرة الزواج ,, و الشائعة يلي انتشرت في المنتدى ,, طبعا الكل سمع عنها ,, و يمكن طلعت جد ,, :icon9:

انو في عضوة اتزوجت ,,


المهم :b:


هلا بما انو الأعضاء هون ,, أغلبيتهم ما شاء الله ع وجه زواج ,,

و الزواج ع الابواب ,, ازا مش السنة ,, السنة الجاي ,, و ازا مش الجاي ,, اللي بعدها ,,

حبيت أناقشكم بموضوع الزواج ,,

و بليز بدي النقاش يكون جدي ,,

المهم ,,

الزواج ,,

الزواج هو الباب الشرعي لاحلال العلاقة بين الرجل و المرأة ,,

و طبعا النقطة يلي بدي أناقشها ,, و بشكل خاص ,, هو كون المرأة عاملة ,,

هلا الزوج بيشترط على امو و خواتو انو البنت بتكون بتشتغل ,,

و هاد شي طبيعي ,, مع التزامات العصر ,, و الغلا اللي مش طبيعي بالعالم ,,

خلى الشاب يتنازل و يسمح لمرتو تطلع و تشتغل ,,

لو زمان ,, الشب مستحيل يسمح لمرتو تشتغل ,,

لانو شغلها كان بيعتبر انقاص من شانو ,,

و هو كان الممول الرئيسي للبيت ,, و ما كان في ممول غيرو ,,

موضوع النقاش طرفين ,,

للبنت جانب و للشباب جانب ,,

أول شي الشباب ,,

بما انو انت بتسمح لشريكة حياتك تطلع و تشتغل ,,

ففترة وجودك في العمل هي بتكون بعملها كمان ,,

و هيك هي رح تقصر ببيتها ,, و كتيير من الشباب ما بيتفهمو هالشي ,,

يعني بدو كل شي يكون 100 % ,,

طيب السؤال موجه للشب ,,

هل انت بترض تكون مكان البنت ,, تشتغل ,, تحمل ,, تولد ,, تربي ولادك ,,

و اتابع دروسهم ,, و اتابع البيت بدون تقصير ؟؟؟؟؟

و ,, و .. و .....

و ليش الشاب بيرضى يتنازل و يسمح لمرتو تشتغل ,, و ما بيسمح لحالو يساعدها بشؤوون البيت ؟؟؟؟



:s (43)::s (43)::s (43)::s (43)::s (43)::s (43)::s (43)::s (43)::s (43)::s (43):



جانب البنت ,,

طبعا الشغل بره البيت ,, بينافي طبيعة البنت ,, لانو مكانها ببيتها ,, و بظل زوجها ,,

و الانثى مخلوقة ضعيفة بطبيعتها ,, هيك خلقها بارئها ,, فالشغل بيتعبها نفسيا و جسديا ,,

بس العصر ألزم علينا ,, انو نطلع و نشتغل ,,

طيب السؤال ,, هل من الممكن انك تشتغلي و ما تقصري بحق بيتك ,,,؟؟؟؟

و شو رايك بالشب المتمك بمدأ انو المطبخ مش مكان الزلمي ؟؟؟

بس بيسمح الك تشتغلي؟؟؟؟



هاي ظاهرة جديدة انتشرت ,, لدرجة انو بالاردن بيخطبو البنت ع التعيين ,,

مش ع الشهادة الجامعية ,, لا ع تعيين الحكومة الها ,,

وصلت لهاي الدرجة !!!!!!!!!!!!

؟؟؟؟

بصراحة القضية اجتماعية ,, و من أرض واقعنا ,,


القضية هي ,, انو لازم يصير تغيير بمبادئنا عشان نتماشى مع الواقع ,,

انو الزلمي لازم يكون الو دور بالبيت ,, و يساعد المرأة بشغل البيت ,, و يراعي النظافة ,,

و انو مرتو بتيجي ع حالها و بتشتغل ,, علما انها مش مجبرة ,,

لانو ربنا تعالى لما خلق الدنيا ,, خلق الرجل و المرأة في كفتي ميزان ,, ازا بدنا ناخد من مهام الرجل ,,

و نحطها بكفتها ,,


هيك صار لازم ناخد كن كفتها مهام و نحطها بكفة الرجل ,,

عشان يضل في توازن بالحياة ,,




هيك رايي ,,

اي تعبت ,, خلص بيكفي هيك ,,

بدي آرائكم بهاد الموضوع ,, و بتمنى منكم التفاعل ,,

تحياتي للجميع ,, :s (43):

[عسولة الأقصى]

يعني الزواج صار التزامات اضافية للبنت و الشب ,,

يعني جد المجوز الله يعينو و الأعزب يا نيالو ,, :icon9:

[&نسيم الروح&]

رح اكون اول المناقشين انا تجوزت السنه الي فاتت

وئبل الزواج كنت اشتغل وكنت مسؤوله عن بنت كمان كنت احاول امنحها كل الوئت الي الي بالبيت

بس برضه كان صعب كتييييييييييير فما بالك زوج وولاد وهادي البنت كانت متل امانه وهي راحت واجى بدالها زوج وولد

انا من رايي الي بتشتغل مستحيل ما تئصر ببيتها لانه بتروح تعبانه وما عندها القدره انها اتكمل لانه بتروح من شغلها تعبانه وبدها تشتغل البيت وتحضر الاكل بيجي زوجها ولا هي مو ئادره تتحرك وبتكون مئصره بحئه

هلا انا ما بنكر انه في سيدات بتئدر توفئ بس نسبتهم ما بتتعدا 2-5% بس مو اكتر

وكمان انا صحيح نفسي ارجع اشتغل بس ما عندي القدره بالمره

وميرسي الك على فتح الموضوع لانه اكيد الكل متاتر في

يمكن انا ما نقشت كتر بس نعسانه وبدي اروح انام باااااااااي

[مجدلاوي فايع]

انا من جهتي بديش مرتي تشتغل ... بس هي تزبطلنا هالدار وتزبط حالها وتهتم بالولاد ويعطيها العافية


بالنسبة للمتجوز الله يعينو والعزابي يا نيالو .... والله احنا عزابيين صغار لسا ... فبقولك الاتنين الله يعينهم والله

[.:.!دموع الرحيل!.:.]

والله يا عسولة

أكره ما علييي .. انه المرة تشتغل .. !

والأضرب لو اجا العريس وبيتشرط عليها لازم تشتغل

طيب مش قدرتك تفتح بيت ،، ليش تتزوج !

يعني هي مجبورة البنت تعيش دورها ودور مش الها بنفس الوقت !

هو يا دوب المرأة قايمة بواجباتها المنزلية

كمان تحمل أعباء الرجال !

طيب ما هي حطتلع براسه بالنهاي .. !

مستحيييل الوحده توفق بين تنين ..

إلا شي ع حساب شي !

إلاااا إذا كان هو بساعدها بشغل البيت والولاد ..

هاي صارت شغله تانيه !

وفيها وجهة نـظر ..

وبالنهاي الله لا يحوجنـا .. يعني كمـان الله أعلم بأحوال النـاس .. !

بس الصراحه في كتير نسوان بيشتغلوا بس للمنظرة

قال عشان يكون عندها مصروف لحالها .. وتجيب الي بدها ياه

اي لا بعيش على قدي .. ولا اهلك حالي وافرم حالي نصين !

عشان المنظرة .. والحكي الفاضي ..

اما الي محتـاجة وبيتها ناقصه .. بيصير شي تـاني ..

بس بالنسبة الي ،، صعبه كتير أقبل بواحد بدو وحده تشتغل .. خصوصي اذا كان حاطه شرط !

وقتهـا بكون الرفض قطعي

يسلمو حبيبتي ،، موضوع مهم

[روان فلسطين]

بصراحه المره اريح الها انو تقعد ببيتها
اما انا شخصيا اكيد مش راح ادرس كل هالسنين وادفع بابا كل هالمبالغ مشان اعلق الشهاده على الحيطه لا اكيد ان شاء الله راح اشتغل فيها واصلا حيكون الرجل يلي بدي اخده متفتح بشأن هاي الشغله
اما انو المطبخ مش مكان الزلمه هاي راح تكون ممنوعه عندي بالبيت ويلي بدي اخدو لازم يساعدني بالشغل ايدي على ايدو بكل شي
ميرسي حياتي عسوله ع الموضوع الرائع فعلا مهم ولازم نعرف اراء الاعضاء فيو

[.!. وردة الأقصى .!.]

انا برأيي لازم يكون في تعاون بين الطرفين

يعني المرأة لازم تساعد زوجها في مصروف البيت هاد لو كانت حالتهم على ئدها

والزوج لازم يراعي زوجته ويساعدها بالواجبات المنزليه لو كانت بتشتغل ^_^

التعاون حلو والله بين الأسره وأكيد حيكون سبب سعادتهم واستمرار حياتهم

معلش نتعب بالأول ,, بس بنرتاح بالآخر

وبالنسبة للشب لما يجي يخطب ويشترط انو البنت تكون موظفة وبتشتغل وعندها دخل خاص فيها

فهاد بعتبرو خطبة مصلحه والشب بهاي الحاله بكون طمعان بالوظيفة والراتب

مو حبا ً بالبنت اجى ليخطبها ,, فأكيد راح أرفض

وبالنسبة للأشاعه اللي طلعت فهيي كزب × بكزب

مافي حدا تجوز عسولة ^_*

ويسلمو عالموضوع

[мίsş вε ηίcέ]

المجوز الله يعينو والاعزب يا نيالو..:icon9: فيها وجهة نزر هههههههه
وانا بحس انو الافضل للبنت انها تخلص تعليمها وتشتغللها شوي وبعدين تتزوج
منها بتكون جربت الحياة العملية واكتسبت خبرة بالحياة وما بتحس انها اخدت الشهادة عالفاضي
يعني دايما احنا بنطالب بحقنا بالتعليم واكبر هدف من التعليم هو الحصول على وظيفة بعدو
والحلو بالموضوع انو كل الشباب المجوزين من العيلة ما في حد عندو مشكلة انو يساعد مرتو شوي
مع انهم ما بيشتغلو .. وهادا احلى شي .. :showoff:
يسلمو عسولة عالموضوع الحلو :s (43):

[مؤيد]

صراحة أنا مستغرب انو الشب بيشترط على مرتو تشتغل ، هالكلام مش صحيح برأيي عند الغالبية ...

بس اللي بصير انو البنت بتشترط على زوجها انها تشتغل ...

برأيي البنت مش مهم الها الشغل ، هي بتشتغل كنوع من الكماليات اللي ما الها لزوم ، في بنات بشتغلوا برواتب قليلة لحتى بس يطلعوا من البيت وما يضلو قاعدين فيه ، وفي بنات بشتغلو لرغبتهم في الاختلاط بالرجال وفي منهم بتوصل معهم ليستغنوا عن الزواج بما انهم ملاقيين جو عمل مختلط ...

بالنسبة الي لو مرتي في مرحلة قررت تشتغل ما رح ارفض ولا راح افرض ... وان كنت بفضل انها تهتم في بيتها افضل كتير ، تضل مرتاحة في بيتها احسن الها من بهدلة الشغل ومن انها تتحول لمطيع لمدير شركتها وبالأخير هي ما بتكسب شي كتير من ورا شغلها ...

بدي أسأل عمركم شفتو ملكة أو أميرة بشتغل متل عوام الناس وبتكدح وبتتعب في الشغل ؟ ما في أكيد ، عشان هيك برأيي المرآة في بيتها أفضل الها تكون متل الأميرة تدلل على زوجها ويلبي الها طلباتها ...

بالفترة االحالية بشوف انو البنات بياخدوا فرص العمل من أيدي الشباب ، يعني كتير شباب بينظلموا وما بلاقو شغل لإنو بيجو بنات بياخدوا فرص العمل ، ونحنا عارفين البطالة عنا أديش ، والفرص قليلة كتير ، طيب بدي أسأل مين أهم يشتغل الشب والا البنت في ظل البطالة ؟؟ ... لإنو البنت بتصرف على حالها ، الشب بيصرف على عيلة كاملة ...

موضوع كتير مهم عسولة الأقصى يسلمو كتير الك ...

[عسولة الأقصى]

رح اكون اول المناقشين انا تجوزت السنه الي فاتت

وئبل الزواج كنت اشتغل وكنت مسؤوله عن بنت كمان كنت احاول امنحها كل الوئت الي الي بالبيت

بس برضه كان صعب كتييييييييييير فما بالك زوج وولاد وهادي البنت كانت متل امانه وهي راحت واجى بدالها زوج وولد

انا من رايي الي بتشتغل مستحيل ما تئصر ببيتها لانه بتروح تعبانه وما عندها القدره انها اتكمل لانه بتروح من شغلها تعبانه وبدها تشتغل البيت وتحضر الاكل بيجي زوجها ولا هي مو ئادره تتحرك وبتكون مئصره بحئه

هلا انا ما بنكر انه في سيدات بتئدر توفئ بس نسبتهم ما بتتعدا 2-5% بس مو اكتر

وكمان انا صحيح نفسي ارجع اشتغل بس ما عندي القدره بالمره

وميرسي الك على فتح الموضوع لانه اكيد الكل متاتر في

يمكن انا ما نقشت كتر بس نعسانه وبدي اروح انام باااااااااي

هلا نسيم ,,

و الله بما انو كلامك مبني على تجربة شخصية ,,

فانتي بتكوني أعطيتي الموضوع حقه من النقاش ,,

شكرا الك لأنك شاركتينا تجربتك ,,

و أكيد المرأة ما بتقدر توفي ,,

كلامك صح ,,

بيسعدني تكوني أول المناقشين ,,

تحيتي الك ,, :s (43):

[عسولة الأقصى]

انا من جهتي بديش مرتي تشتغل ... بس هي تزبطلنا هالدار وتزبط حالها وتهتم بالولاد ويعطيها العافية


بالنسبة للمتجوز الله يعينو والعزابي يا نيالو .... والله احنا عزابيين صغار لسا ... فبقولك الاتنين الله يعينهم والله

ههههههههههه ,,

و الله أخي انك جبتها من الآخر ,,

بس ان شاء الله وضعك بيكون بيسمحلك ,,

هلا المشكلة اللي دفعتني لنقاش الموضوع هو انو المرأة صارت بأغلب الحالات ,, مجبرة انها تطلع و تشتغل ,,

لتساعد جوزها بتأمين الحاجات الأساسية للبيت ,, لانو الغلا صار مش طبيعي ,,


و الله معك حق التنين مش سالمين ,,

مشكور لمشاركتك و تحيتي الك خيو ,, :s (43):

[Arabian girl]

طيب السؤال ,, هل من الممكن انك تشتغلي و ما تقصري بحق بيتك ,,,؟؟؟؟
بظن انو ممكن
بس مو مجربة هههههههههه

و شو رايك بالشب المتمك بمدأ انو المطبخ مش مكان الزلمي ؟؟؟
بس بيسمح الك تشتغلي؟؟؟؟

اعتقاد غبي
وبنظري هاد رجل سطحي
ثانكس

[ღ حورية فلسطين ღ]

ع سيرة الزواج ,, و الشائعة يلي انتشرت في المنتدى ,, طبعا الكل سمع عنها ,, و يمكن طلعت جد ,,

انو في عضوة اتزوجت ,,

لا يا حبيبتي

مش جد ولا شي

كانت اشاعة وكلها مزح بمزح يا عسولتي

ولأي رجعة لأحكي وجهة نظري

يسلمو عالموضوع الحلو

شايفة كيف هالإشاعة خلتكم تنزلو مواضيع حلوين^^

[هادي]

أول شي العلاقة بين الرجل والمرأة بالفطرة تجاذب ( مودة ورحمه) .. يعني كل واحد بيتمنى يحي وينحب .. وفشل أي علاقة بيكون بسبب تقصير طرفي العلاقه .. يعني ما في مشكلة في الزواج ( كعلاقه) ..
هلأ بالنسبه للزوج إللي ما بيحب مرتو تطلع للشغل .. أنا طبعاً ضد بالعكس أنا لما أتزوج وحده مثقفه ووشخصيتها قوية بفتخر فيها .. وبعرف إنها رح تربي ولادي صح .. وزي ما حكيت ( موده ورحمه) يعني مش عيب الرجل يساعد بشغل البيت حتى لو مرتو متفرغه للبيت .. من غير تسلط أو فرض آراء على الآخر .. الزواج شراكة عاطفيه تستمد استمراريتها من الشعور بالآخر ..

[عسولة الأقصى]

والله يا عسولة

أكره ما علييي .. انه المرة تشتغل .. !



حتى أنا لها السبب طرحت الموضوع ,,


والأضرب لو اجا العريس وبيتشرط عليها لازم تشتغل


و الله معك حق ,, هيك صارو ,, بدك تتجوزي لازم تشتغلي !!!


طيب مش قدرتك تفتح بيت ،، ليش تتزوج !



سنة الحياة ,, و بعدين هلا شراكة التنين بكل شي ,,


مستحيييل الوحده توفق بين تنين ..

إلا شي ع حساب شي !



100% ,, عشان هيك الشب لازم يراعي هالشي و يساعدها ,, و زي ما حكيتي بتطلع ع راسو ,,


بس الصراحه في كتير نسوان بيشتغلوا بس للمنظرة

قال عشان يكون عندها مصروف لحالها .. وتجيب الي بدها ياه

اي لا بعيش على قدي .. ولا اهلك حالي وافرم حالي نصين !


هههههههههههههههه ,,

مش غلط انها تشتغل و تضمن راتبها ,, بس ما تفرم حالها ,, صح كلامك ,,



بس بالنسبة الي ،، صعبه كتير أقبل بواحد بدو وحده تشتغل .. خصوصي اذا كان حاطه شرط !

وقتهـا بكون الرفض قطعي



عيني عليكي ,, رأيك صائب 100 % ,, ال يتشرط ال ,, :icon28:


أنا بدي أتشرط انو ما أشتغل ,, :icon28: ال يتشرط ال ,,



يسلمو حبيبتي ،، موضوع مهم

و ايديكي حبيبتي ,, جد نورتيني بكلامك ,,

و عقبت عليه كلو ,, لاني حسيت كل جملة بتحمل معنى و بتناقش جانب من القضية ,,

ما ننحرم من طلاتك ,, :s (43):



الي رجعة أرد ع الباقيين ,, و أقرأ آرائهم ,,

[رولا فداء]

مممم النقاش حاد هون ههههههههههههه

موضوع حلو للنقاش....

انا بصراحة لو تزوجت رح اضل اشتغل وهو مو دور مش الي
متل ما قالي دموع الرحيل...

أحيانا بكون الشغل ممكن بكمل الحياة الزوجية او بكمل أحياناً ممكن الفراغ الي بتعاني منه...


ما بعرف هادا رأيي.... يسلموو حبيبتي...

[عسولة الأقصى]

بصراحه المره اريح الها انو تقعد ببيتها
اما انا شخصيا اكيد مش راح ادرس كل هالسنين وادفع بابا كل هالمبالغ مشان اعلق الشهاده على الحيطه لا اكيد ان شاء الله راح اشتغل فيها واصلا حيكون الرجل يلي بدي اخده متفتح بشأن هاي الشغله
اما انو المطبخ مش مكان الزلمه هاي راح تكون ممنوعه عندي بالبيت ويلي بدي اخدو لازم يساعدني بالشغل ايدي على ايدو بكل شي
ميرسي حياتي عسوله ع الموضوع الرائع فعلا مهم ولازم نعرف اراء الاعضاء فيو

هلا حبيبتي روان ,,

أكيد الأريح انها تكون ببيتها ,,

كلامك و الله صحيح ,, و أصلا شو يلي خلى الاهل يدرسو بناتهم ,, غير متطلبات العصر ,,

بس البنت ما بتدرس عشان تشتغل ,,

أولا ,, العلم ,,

تانيا ,, انتي ما بتعرفي شو بيصير معك ,, الادنيا غدارة ,,

تالتا ,, انك تساعدي زوجك ازا أمكن ,, وهون محور النقاش ,, انو هي بتشتغل يعني الزوج لازم يساعد ,,

و هاد رايك انتيب كمان ,,


بس احنا كمان بدنا نعرف رأي الشباب ,,

هل عندك استعداد تساعد مرتك بالبيت ؟؟؟

الله يسعدك حبيبتي ,, جد انبسطت برايك ,,

تسلميلي لمرورك ,,

و تحيتي الك ,,:s (43):

[عسولة الأقصى]

انا برأيي لازم يكون في تعاون بين الطرفين

يعني المرأة لازم تساعد زوجها في مصروف البيت هاد لو كانت حالتهم على ئدها

والزوج لازم يراعي زوجته ويساعدها بالواجبات المنزليه لو كانت بتشتغل ^_^

التعاون حلو والله بين الأسره وأكيد حيكون سبب سعادتهم واستمرار حياتهم

معلش نتعب بالأول ,, بس بنرتاح بالآخر

وبالنسبة للشب لما يجي يخطب ويشترط انو البنت تكون موظفة وبتشتغل وعندها دخل خاص فيها

فهاد بعتبرو خطبة مصلحه والشب بهاي الحاله بكون طمعان بالوظيفة والراتب

مو حبا ً بالبنت اجى ليخطبها ,, فأكيد راح أرفض

وبالنسبة للأشاعه اللي طلعت فهيي كزب × بكزب

مافي حدا تجوز عسولة ^_*

ويسلمو عالموضوع

و الله كلامك عسل × عسل ,,

و رايك صايب ,,

تسلميلي لمرورك ,,

و بعدين و الله بتعرفن تلعبن ,,

لا و حاطات انشودة ,, عايشات الجو ,, :icon28:

شريرات :icon7:



هههههههههههههههه ,,

بمزح ... الله لا يحرمنا من أجواء الفرفشة ,, يلي بتعملوها في المنتدى ,, :showoff:

الله يسعدك حبيبتي ,,

منورة :s (43):

[عسولة الأقصى]

المجوز الله يعينو والاعزب يا نيالو..:icon9: فيها وجهة نزر هههههههه
وانا بحس انو الافضل للبنت انها تخلص تعليمها وتشتغللها شوي وبعدين تتزوج
منها بتكون جربت الحياة العملية واكتسبت خبرة بالحياة وما بتحس انها اخدت الشهادة عالفاضي
يعني دايما احنا بنطالب بحقنا بالتعليم واكبر هدف من التعليم هو الحصول على وظيفة بعدو
والحلو بالموضوع انو كل الشباب المجوزين من العيلة ما في حد عندو مشكلة انو يساعد مرتو شوي
مع انهم ما بيشتغلو .. وهادا احلى شي .. :showoff:
يسلمو عسولة عالموضوع الحلو :s (43):

هههههههههههههههههه ,, ألولتك ؟ :icon9:

هههههههه ,,

و الله رايك من رايي ,,

أنا هيك ناوية أعمل ,, وان شاء الله بعد ما أتزوج ما أحتاج للشغل ,, حابة أكون ربة بيت ,,

يختي ع هيك شباب ,, الله يحميهم ,,

تسلميلي حبيبتي ,,

ما تحرمينا من ردودك الحلوة ,,

تحيتي الك ., :s (43):

[عسولة الأقصى]

صراحة أنا مستغرب انو الشب بيشترط على مرتو تشتغل ، هالكلام مش صحيح برأيي عند الغالبية ...

بس اللي بصير انو البنت بتشترط على زوجها انها تشتغل ...

برأيي البنت مش مهم الها الشغل ، هي بتشتغل كنوع من الكماليات اللي ما الها لزوم ، في بنات بشتغلوا برواتب قليلة لحتى بس يطلعوا من البيت وما يضلو قاعدين فيه ، وفي بنات بشتغلو لرغبتهم في الاختلاط بالرجال وفي منهم بتوصل معهم ليستغنوا عن الزواج بما انهم ملاقيين جو عمل مختلط ...

بالنسبة الي لو مرتي في مرحلة قررت تشتغل ما رح ارفض ولا راح افرض ... وان كنت بفضل انها تهتم في بيتها افضل كتير ، تضل مرتاحة في بيتها احسن الها من بهدلة الشغل ومن انها تتحول لمطيع لمدير شركتها وبالأخير هي ما بتكسب شي كتير من ورا شغلها ...

بدي أسأل عمركم شفتو ملكة أو أميرة بشتغل متل عوام الناس وبتكدح وبتتعب في الشغل ؟ ما في أكيد ، عشان هيك برأيي المرآة في بيتها أفضل الها تكون متل الأميرة تدلل على زوجها ويلبي الها طلباتها ...

بالفترة االحالية بشوف انو البنات بياخدوا فرص العمل من أيدي الشباب ، يعني كتير شباب بينظلموا وما بلاقو شغل لإنو بيجو بنات بياخدوا فرص العمل ، ونحنا عارفين البطالة عنا أديش ، والفرص قليلة كتير ، طيب بدي أسأل مين أهم يشتغل الشب والا البنت في ظل البطالة ؟؟ ... لإنو البنت بتصرف على حالها ، الشب بيصرف على عيلة كاملة ...

موضوع كتير مهم عسولة الأقصى يسلمو كتير الك ...


و الله أخي بيشترطو ,, و أصلا بيدورو ع اللي بيشتغلن ,,

و الله أخي كلامك زاد موضوعي رونق ,,

فعلا البنت أحسن الها تكون بظل زوجها زي ما حكيت بالموضوع ,, (غاويات غلبة ,, :b: )

و صح قضية شغل البنات ,, بتسبب بطالة للشباب ,,

هاي قضية جديدة ,,

و الله مع هالانفتاح يلي صار بالزمن هاد ,, بطل في معايير و التزامات ,,

و بالنسبة لأهمية الموضوع ,, و الله اللي بيعطيه أهمية هو ردودكم ,, حابين نسمعها ,,


تحيتي الك ,, و مشكور لنقاشك ,, :s (43):

[عسولة الأقصى]

طيب السؤال ,, هل من الممكن انك تشتغلي و ما تقصري بحق بيتك ,,,؟؟؟؟
بظن انو ممكن
بس مو مجربة هههههههههه

و شو رايك بالشب المتمك بمدأ انو المطبخ مش مكان الزلمي ؟؟؟
بس بيسمح الك تشتغلي؟؟؟؟

اعتقاد غبي
وبنظري هاد رجل سطحي
ثانكس


خير الكلام ما قل و دل ,,

تسلميلي لمرورك الخفيف ,, و رايك الأحلى ,,

تحيتي الك ,, :s (43):

[عسولة الأقصى]

لا يا حبيبتي

مش جد ولا شي

كانت اشاعة وكلها مزح بمزح يا عسولتي

ولأي رجعة لأحكي وجهة نظري

يسلمو عالموضوع الحلو

شايفة كيف هالإشاعة خلتكم تنزلو مواضيع حلوين^^

طيب ان شاء الله بنفرح فيكي عن قريب حبيبتي ,,

الله يسعدك حرحورتي ,, شايفة بالله ,, مش أليلات انتو ,,

هههههههههههههه ,,

ال يعني ,,

بستنا أسمع رايك ,,

تحيتي الك ,, :s (43):

[عسولة الأقصى]

أول شي العلاقة بين الرجل والمرأة بالفطرة تجاذب ( مودة ورحمه) .. يعني كل واحد بيتمنى يحي وينحب .. وفشل أي علاقة بيكون بسبب تقصير طرفي العلاقه .. يعني ما في مشكلة في الزواج ( كعلاقه) ..
هلأ بالنسبه للزوج إللي ما بيحب مرتو تطلع للشغل .. أنا طبعاً ضد بالعكس أنا لما أتزوج وحده مثقفه ووشخصيتها قوية بفتخر فيها .. وبعرف إنها رح تربي ولادي صح .. وزي ما حكيت ( موده ورحمه) يعني مش عيب الرجل يساعد بشغل البيت حتى لو مرتو متفرغه للبيت .. من غير تسلط أو فرض آراء على الآخر .. الزواج شراكة عاطفيه تستمد استمراريتها من الشعور بالآخر ..

عين العقل ,, حتى ما في تعقيب ,,

يسعدك ربي ,,

منور بردك الجميل ,,

تحيتي الك ,, :s (43):

[عسولة الأقصى]

مممم النقاش حاد هون ههههههههههههه

موضوع حلو للنقاش....

انا بصراحة لو تزوجت رح اضل اشتغل وهو مو دور مش الي
متل ما قالي دموع الرحيل...

أحيانا بكون الشغل ممكن بكمل الحياة الزوجية او بكمل أحياناً ممكن الفراغ الي بتعاني منه...


ما بعرف هادا رأيي.... يسلموو حبيبتي...

اممممممممممممم ,, :icon9:

ممكن ,, حسب الغاية منو ,,


بس موضوع النقاش هو التعاون بين الزوجين في حال عمل المرأة ,,

تسلميلي لمرورك ,,

ما ننحرم من طلتك الحلوة حبيبتي , ,

تحيتي الك ,, :s (43):

[عسولة الأقصى]

أسعدتني ردودكم ,, و مشاهداتكم ,,

تحيتي للجميع ,, :s (43):