بدي قرار صاااائب ساعدوني بليز

[شقااااوه....&]

مرحباااااا صباااااايااااا وشباب كمان وختياريه وكل الكل مين ماكان يكون
بصراحه انا موضوعي مفاجيء ومعقد نوعا ما او انا معقدته مابعرف..دقيقه بدي احكي الموضوع على طول
هاتي كاسة شاي غدووور(هاي اختي)
المهمات هادا يااطولين الاجل
متقدم لي عريس وطاااااااااير فيي:icon11: طبعا انا متمزعه على هالنقطه
هو اكبر مني بسبع سنوات تقريبا
بس القضيه انو انا خااااايفه ومرعوبه من اني اوافق عليه
احكو لي ليش؟؟
اها حكيتو ليش
انا بصراحه بعد ارتفاع نسب حالات الطلاق والقضايا الضخمه اللي بسمع فيها بعيلة ماما وبابا
والمشاكل العويصه صرت احس الزواج كابوس
وخايفه كتير من هالخطوه
مو عارفه شو اعمل
هو الشب اوبن مايد كتييييييييير واهلي نوعا ما محافظين هاي نقطه والنقطه التانيه
انو احنا اعلى منو بالوضع الاجتماعي والمادي
والله مابعرف شو اعمل
كيف ممكن اتوصل لقرار سليم بدون تخبطات
اهلي كتير سألو عنه والكل حكى انو منيح.... بس خايفه يكون هادا كلووو كلام
بلييييييييز لاتقراو الموضوع وتطلعووو لانو الكل ممكن يستفيد ويمر بهالتجربه
سوري على الاطاله والكلام الزايد اا وجعكو راسكو الله ماكتر الا البنادول خدوه وارجعوو ردو على موضوعي
يعطيكووو الف عافيه وفلافل دافيه وكل شي زاكي
باايااااات كتيررررااااااات ...
:icon26::icon26:

[.. ليآل ~]

تؤبريني ههههههههه

وحياه ربي انك عسل وسكر وكل شي لزيز

اسمعي حبيبتي

يلي انتي فيه شي كتير طبيعي واي بنت بتعرض لمتل هالموقف اكيد راح تكون متلخبطه

اهم شي تكوني عارفه انتي شو بدك بالزبط

يعني شو مواصفات الشب يلي بتتمنيه


تاني شي بالنسبه لحكايه الطلاق

متلها متل الزواج يعني قسمه ونصيب

ويلي الله كاتبله يطلقق راح يطلق لو شو ما صار

المهم تكوني انتي عاقله وتحكمي عقلك منيح وتتعاملي مع هالشخص بما يرضي الله

اما حكايه انه هو كتير متفتح وانتو ماشاء الله من عيله محافظه هذا نقطه مهمه كتير

ياريت حبيبتي توضحي شو يعني متفتح لأنها بتحتمل اكتر من معنى

1- يعني صدره رحب وبيتقبل الحياه وحيوي وماعنده العقد تبعت سيدي وستي

2- (وياريت تسامحيني على هالكلمه) يكون منحل يعني مابيعرف دين ولا رب وكل تصرفاته بتحكمها العولمه والتحرر وهالكلام الفاضي الي ما بينباع بسوق الفجل ههههههههههههه


ولا تخافي ياروحي الزواج مو كابوس ولا شي بالعكس خطوه مهمه وضروريه وهي نص الدين ومتل ما قلتلك الزواج والطلاق كله نصيب

فكري منيح واستخيري والله يسرلك يلي فيه الخير


بتمنالك التوفيق

[أع ـــشقـ أنفاسهـ]

اهلا شقااوة يا عســوولة

أنا من راي ليااال

كلااام ليال عين العقل

انه استخيري

وان شاء الله ما بصير الا اللي فيه الخير الك

والله يسعدك بحياااتك حبيبتي

وبدنا تعزمينا ع الفرح ازا صاار نصيب ان شاء الله

تقبلي مروري

[كرمال الوطن]

امممم
انا بشوف انو فرق العمر مو مشكلة بالمرة

بعدين ازا الشـــــــــب منيح وانتي ارتحتيلي

اتوكلي على الله

بعدين شو كلو كلام

لازم تكون متاكدة من الحكي يالي عنو

وبرايي انو تستخيري مرة ومرتين وعشرة

لحتى يرتاح قلبك

وازا الك فيه نصيب رح تاخديه

والله يوفقك ويوفق كل الشباب والصبايا

[a7la sereen]

مممممممم

ما بعرف شو رح احكيلك

بس هاي الخطوة صعبه كتير لانو رح تكملي حياتك مع الشب الي رح تتزوجيه
اعطي حالك مهله تقدري فيها تقرري واستخيري وادعي ربك انو يكون منيح

واذا انتي مقتنعه ومتأكدة ان و الشب منيح وما عليه حكي فليش لاء

اتحاوري انتي وياه واحكو مع بعض و شوفي كيف تفكيرو

وبالاخير هذا رأيك وان شاء الله تتوفقي وعنجد فرحتلك

والله يقدم الي فيه الخير يا رب

[شقااااوه....&]

عنجد مابتتخيلو قديه انبسطت بالرد وكتير ارتحت حسيت انو بجد في حد تفاعل معي
وانو في حد واقف جنبي
على الرغم انو اغلب اللي بيوقف جنبي بيكون بدو يتصور
هع هع هع
ميرررررررررررررررسي على الاهتمام
:icon28:وكتير انا حاااااااقده على اللي دخل وماحط تعليق
بس يالله لنا الله
:icon11:

[ملكة الإحساس]

السلام عليكم .. شقااوة ..

صلي صلاة استخارة ...

والله يقدملك ياللي فيه كل الخير ... وكل شي نصيب .. وادا كان من نصيبك لو تلفي كل العالم وتسمعي من كل الناس ما راح يتغير شي ..

موفقة حبيبتي

[مجدلاوي فايع]

يختي استخيري .... وان عاجبك ماشي الحال عبركة الله ... بالنسبة للسن مش مشكلة


بالنسبة لاوبن مايد فسريها ان يعني شوية تقبيع بسطية ... بس عقولة ليال ازا منحل لأ ... وهو شكلو مش هيك لأنو الناس بشكرو فيه

استخيري وشوفيه كيف وان ارتحتي اتوكلي على الله

[ابتسامة الحياة]

حبيبتي كل شي في الدنيا قسمه ونصيب وانتي
ما تحطي في بالك انه ازا صار في العيله طلاقات كتيره يعني انتي لا سمح الله رح تمري كمان بهيك تجربه
لا هاد غلط
يعني المقصود مش انه عشان في ناس اتطلقت بعيلتك يعني انتي لاحقك الدور
استخيري
مره ومرتين و100 مره كمان وفكري منيح منيح وحاولي اسمعي كل اشي انحكى عنه واقعدي لحالك وفكري
وازا الك نصيب فيه رح تااخدي لو شو ما كان
والله يقدملك اللي فيه الخير يا رب
وانشالله بهاليومين بتحكيلنا خبر حلو يا رب

يلا طمنينا عنك
باااااي

[مسك الحماس]

من توكل على الله فهو حسبه
استخيرى

[]![ زيــنــة ]![]

[ ..

يلاآ ..

إن شاء الله ربنآ بيرزقك إبن الحلاآل الي يسعد قلبك يآ بطة

الله يرضى عليكِ

[شقااااوه....&]

والللللللللللللللللللللله واللللللللللللللللللللللله انكم حبايبي ونور عيني
وربي وربي كتير ارتحت من بعد ماقريت ردودكم
وعنجد كتير مدايقه من اللي مر مرورو الكرام وهو عارف نفسه
يالله انتو بتغنوني بحنانكم
وان شاء الله تكونو اول المعزومين
بحبكم والله لايحرمني منكم
:s (43)::s (43)::s (43):

[روعة الاحساس]

حبيبتي شقاوة انا بس كنت حابة احكيلك تأكدي انو ربنا حيكون معك طالما انتي متوكلة علية

واهم شي تعمليه هو زي ما حكو اخواني الاعضاء الاستخارة مرة مرتين قد ما بدك ومش لازم بس تشوفي احلام سعيدة او كوابيس ممكن ما تشوفي شي بس المهم هي الراحة النفسية فاذا بعد ما استخرتي حسيتي حالك مرتاحة والامور المتعلقة بموضوع الزواج ميسرة .

واذا الموضوع تيسر ان شاء الله وصار نصيب ما تخافي وما تفكري بالاشياء السيئة من فشل الزواج بعيد الشر او ما شابه لان فشل التجارب اللي مرو فيها اقاربك مش معناتو انو قاعدة ثابتة لازم الكل يمر فيها بالعيلة ويفشل ,صدقيني لا لان الخير موجود بكل مكان.وعالعموم انت واعية وهو زي ما بتحكي اوبن مايند يعني ان شاء الله رح تقدرو تفهمو على بعض



بتمنالك كل الخير والحب

طمنينا عنك حبيبتي

[فارسة القسام]

ازا ما كان عليه حكي ليه لاء وان شاء الله خير

[محمود]

الشب برجولتهـ وشهامتهـ :)

مو بمالهـ وعضلاتهـ ،،

اسألو منيح عن الشب ،،

حاولي تقعدي معاه وتدرسي شخصيتهـ ..

وفوق كل هاد صلي صلاة استخارة ..

احترامي لك خيتو ..

[._.•°ღ حكآية آحسآآس ღ°•._]

هسة انا ماراح احكي

غير أسألي قلبك وهو بجاوبك

الله يوفقكك:)

[حنان16]

بصي خيتو


الجانب المادي عمره ما كان مقياس للرجولة

او لقيمة الانسان بصفة عامة

..

انت فكري بعقلك

وخلي اهلك يسالوا عنه منيح

وحللي افكاره

لو بتتلائم مع افكارك

..

وتوكلي على الله

ولو بدك اي اشي تاني

تحت امرك خيتو

..

[فلســـــطينــــي]

شوفي صلي ركعتين استخارة بلكي ربنا يهديك للصواب

وزي ما حكى الرسول اذا اتاكم من ترضون دينة ودنياة فزوجوة هادا مو حديث هاد نعناة

والقرار راجع الك

تحياتي فلسطيني

[السيف عدي]

ما راح اضيف شي جديد ع كلام الشباب والصبايا .. لازم تدرسي شخصيتو منيح منيح قبل اي خطوه ..

وتتاكدي من مشاعرك وميولك لئلو .. موفقة .. والله يجيب اللي في الخير لئلك وائلو .. واتذكري انو الزواج مش سهل

وعلاقه طويله عريضة بتضل طول العمر .. يعطيكي العافيه ...

[Abu Shadi]

اختي الزواج قسمة ونصيب

وطبعا الخوف هذا مو مهم كثير

هاي بس نفسية وبتروح

لكن لو حطيتي ببالك او امنيتك انك تربي أسرة

وانك تنجبي اطفال ان شاء الله حتساعدك كثير

غير هيك اختي الحياة الزوجية ما بتخلى من المشاكل

بس في ناس بتفهم عن ناس يعني بتحكم عقلها

مثال المرأة الكاملة طبعا هاي المرأة الكاملة دورها بالحياة الزوجية

تحافظ على زوجها بغيابو تراعي ظروفو والشغل تاعو

حتى لو عصب عليها تبتسم بوجهو ابتسامة طفيفة وتقلو حاضر يا حبيبي ما فيها شي

حتلاقيه حتى لو مكشر حيبتسم وان ما ابتسم حيبتسم قلبو وهذا المطلوب

وبهيك بتنتهي المشاكل

بس في ناس بتلاقي بعاندو ازواجهم وهذا غلط لانو العناد ما بجيب نتيجة منيحة دايما

ولذلك اختي توكل على الله وصلي صلاة استخارى وطبعا هاي الصلاة لمن برجع يتقدم الك

قلبك حينشرح الو وان ما انشرح الو وحسيتي خوف من ناحيتو عادي ارفضي الزواج

وحيجي اليوم الي ربنا يشرح قلبك لعريسك

وربنا يتم الزواج على خير

تحيتي