هل ضربك المدرس او المدرسه اياام الدراسه..؟؟؟؟؟؟؟؟؟؟

[فلسطينيه والراس مرفوع]

السلام عليكم ورحمة الله وبركاته





موضوع نرجع به للذكريات الجميلة في الدراسة الابتدائية وكان الطالب في اذاك الوقت يذوق به اشدالعقاب من المدرس وكانت العقوبات متنوعة للطالب
فتحصل بعض الطلبه الفوضوين عقابهم برفع رجل واحد والوقوف خلف الفصل لمدة نصف ساعة .


بدي ردود
وكل واحد يدخل يقول شو صارله

هل ضربك المدرس أو المدرسة في المدرسةايام الدراسة؟؟؟؟؟؟!!!!!!!:icon31:

[the red rose]

ههههههههههه لشو الاحراج

انا لسا بالمدرسة بس والله من زمان ما اكلت بهدلة او اشي تاني هههه

بس وانا صغيرة اه هههههههههههههه لاني كنت العب انا وصاحباتي بالمية هادا زمان

[Anonymous Gril]

نعم ،،،، انضربت مرة وحدة ...

الضارب : معلمة الـــ English ...

المضروب : نــــور [ عاشقة الشجاعية ]..


سبب الضرب : إني نسيت حرف من كلمة أثناء كتابة الإملاء..


نتائج الضرب: إنه صرت أحفظ كلمات الإنجليزي أكتر من اسمــــي ..


وقت الضرب : عندما كنت في الصف الــ ر ا ـــ ب ــــ ع..


(:

[أســ{ــمــرآنــ}ــي]

بصراحه انضربت اكتر من مره ..
مو عشان التقصير بالدارسه لاني دائما كنت من الاوائل ,,
بس

لاني كنت مشاغب واضل اعمل مشاكل ,, بس ما تخافو مني هلأ عقلت ههههه


شكرا ع الموضوع

[a7la sereen]

ههههههههههههه

ما تفتحي المواجع بليز

وانا بصف ثامن اكلنا بهدله كبيرة ومرتبه من المديرة ويومها بس انا وكمان 3 بنات ضربتنا

وهلأ بنتذكرهاا كان يوم البهدلة العالمي يوم عيد الحب كان
خخخخخخخخخ
كان يومها طالعين ع المكتبه وطولنا بدت الحصة وما رجعنا بنات كتير ولسه صرنا نلف بالمدرسة
كلو من استاز التاريخ ناده المديرة واجت وبهدلتنا

كانت ايام

[][ أحـلام البنفسج ][]

هههههههههههههههههه
هههههههه


اكيــد انضربت

هههههههههه
هههه


فكرة حلوة فلسطينية ... ^^

ميرسي الك ع السؤال الحلو ...

[Abu Shadi]

ههههههههههه

اللهم صلي وسلم على سيدنا محمد

ايام الابتدائية

كنت بصف سادس

الله يسهلها وما رجعها

ناسي قديش كنت اكل علق

24 ساعة اكل علقة

والحمد لله مو مشان الواجبات مشان الغلاسة وتنشيف دم الاستاذ

يضل يصبر يصبر بالاخر ينادي طبعا معروف بإسم مهنا

مهنا اقف على اللوح اطلع واقف وهو يقعد يعمل بالملفات واوراق

وانا على اللوح ما اقف ساكت امسك طبشورة وارسم بنادمين

يقعدو الطلاب يضحكو يلف يلاقي المنظر ينهبل ههههههههههه

اكثر استاذ كان استاذ العلوم عشانو ضاوي كنت مبسوط عليه

ومرة قبل ما يجي كان علي يوم التنظيف

فرحت اتفقت انا والشباب ننظف ونحط الزبالة بدل ما هي بالسطل بكيس

ونحطو تحت الطاولة واعملنا هيك اجا الاستاذ لقا كيس على الطاولة

قعد يفتح فيه ما قدر كنا رابطينو بالقوي

راح يشدو انمزع والغبرا طارت على اواعيه وجهو عصب

راح غسل واجا هو والمدير

قال لجنة النظافة تطلع على اللوح

اكلنا علقة اممممممم قعدت على هواها زعلان وغايب اسبوع

هههههههههههه

لمن رجعت قال شو زعلت يا مهنا عشان العلقة

قلتلو اه اكيد زعلت

قال لسا حتاكل لمن تشبع زعل ههههههههه

وانتهت الحكاية

ببقا ارجع احكي قصة الاعدادية

[Abu Shadi]

ههههههههههه

اللهم صلي وسلم على سيدنا محمد

ايام الابتدائية

كنت بصف سادس

الله يسهلها وما رجعها

ناسي قديش كنت اكل علق

24 ساعة اكل علقة

والحمد لله مو مشان الواجبات مشان الغلاسة وتنشيف دم الاستاذ

يضل يصبر يصبر بالاخر ينادي طبعا معروف بإسم مهنا

مهنا اقف على اللوح اطلع واقف وهو يقعد يعمل بالملفات واوراق

وانا على اللوح ما اقف ساكت امسك طبشورة وارسم بنادمين

يقعدو الطلاب يضحكو يلف يلاقي المنظر ينهبل ههههههههههه

اكثر استاذ كان استاذ العلوم عشانو ضاوي كنت مبسوط عليه

ومرة قبل ما يجي كان علي يوم التنظيف

فرحت اتفقت انا والشباب ننظف ونحط الزبالة بدل ما هي بالسطل بكيس

ونحطو تحت الطاولة واعملنا هيك اجا الاستاذ لقا كيس على الطاولة

قعد يفتح فيه ما قدر كنا رابطينو بالقوي

راح يشدو انمزع والغبرا طارت على اواعيه وجهو عصب

راح غسل واجا هو والمدير

قال لجنة النظافة تطلع على اللوح

اكلنا علقة اممممممم قعدت على هواها زعلان وغايب اسبوع

هههههههههههه

لمن رجعت قال شو زعلت يا مهنا عشان العلقة

قلتلو اه اكيد زعلت

قال لسا حتاكل لمن تشبع زعل ههههههههه

وانتهت الحكاية

ببقا ارجع احكي قصة الاعدادية

[فلسطينيه والراس مرفوع]

ههههههههههه لشو الاحراج

انا لسا بالمدرسة بس والله من زمان ما اكلت بهدلة او اشي تاني هههه

بس وانا صغيرة اه هههههههههههههه لاني كنت العب انا وصاحباتي بالمية هادا زمان

هههههههههههههه

واللي بلعب بالميي ليش لينضرب ؟؟ :icon9:

معلمتكم قاسيـــة كتيــــر

منورة يا عســــل :icon31:

اونشالله بتخلص المـــدرسة بدون ضرب غير هديـــك المـــرة :icon11:

[εïз ملآكـ εïз]

السلآم عليكم و الرحمهـ

كيفك خيتوو ؟؟ ان شا الله بخير

هههههههههههه ياما انضربت

بس بتزكر مرة و انا صف رآبع مش مدرسة ضربتي لآ الادارة عطول

كنا احنا البنات بالصف كل وحدة الها شلتها

فانا تخانقت مع شلة .. وحدة فتحت شنطتي و رمت كل الكتب ع الارض بدها تقهرني انا مسكت شنطتها فضيتها و رميتها بعيد و قلتلها جربي تمسكي اغراضي مرة تانية نزلت عند الاخصائية تشكي و تبكي

اجت الاخصائية ضربتني انا ولا لمستهم

و انا اقلها طيب اسمعي القصة هيا بدات .. بس ما ردت علي

وقتها شو حقدت عليهااا للاخصائية بس هلئ انا و هالبنت الي تخانقنا سوا بالمدرسة و صرنا رفقة و عقلنا ههههههههه

تسلمي حبيبتي ع الطرح

الك مني ارق تحيهـ

تقبلي مروري

نــــآآطرين جديدكـ

[حنين الروح]

هههههههه

فكرة حلوة فلفولتي ^^

انا الحمد للهـ

بعمري لا انضربت ولا تبهدلت من اي معلمة

واللهـ لا يجيب هاليوم ^^

يسلمو ايديكي فلفولتي :icon26:

ما ننحرم :s (43):

[Pink Rose]

هههههههههه

هي مرة وحدة بس ومش انا السبب

كنا زغار وعلينا حصة رياضة

اجت المس خلتنا نطلع بعد ما خلصت الحصة

البنات عملوا ازعاج ع الدرج

طلعتلنا وضربت كل الصف عصاية :icon7:

مع انو معروف عني انا انو مش مشاغبة

بس قال هي حلفت يمين الا تضرب الكل :icon28:

وضربتني الشريرة :icon7:

ههههههههههههههههه

هي هاي هالمرة بس ..^^

غير هيك لأ الحمد لله :icon11:

يسلمو يا عسل عالموضوع الحلو ..

ما تحرمينا جديدكـ :)

:s (43):

[رولا فداء]

فشرووووووووووووووووو

ئصدي لا الحمدلله مرت هديك الأيام

على خير وما حدا مد ايده...

يسلموو حبيبتي...

[رأفت]

انتي خلي سؤالك هيك ...

هل عمرو المدرس مااااااااااااااااااا ضربك ؟؟؟

انا بجاوبك ..... لا ...

هههههههههههههه

انا ما كنت اعمل مشاكل ... كنت اعمل حركات ... مقالب

شغلات زي هيك ... بس كنت شاطر الحمد لله

يعني لابد منها العصاية .. كل يومين تلات

[الدكتور امير]

انا و لله الحمد لم اضرب و لا مرة حسب علمي

[Hinata]

مرة انطردت من الصف ... عشاان كنااا نلعب شدة كل الصف تبعنا كان يلعب والمعلمة تشرح لنفسها هههههه

[خيـرَ أُمـة]

هوي بس المدرس !!

انا لما كنت بالابتدائي كنت اوصل للمدير كمان ... مستواي عالي .. غير مدير بزبطش معي ههه سبحان الله ...

يالهل بسيطة .. كلنا واحنا صغار النا نهفاتنا .. بذكر مرة المدير ضربني بالعصاي على ظهر ايدي انا ومجموعة من الطلاب الفلسطينيين .. كانت ايميها حرب الخليج جديد مخلصة وكان المدير حاقد وآثار الحرب لساتها بالصدور -حسبي الهل ونعم الوكيل باللي أشعلها- ...

ولما صرت بالاعدادي بذكر بآخر سنة عملت طوشة وطلت للوكيل .. اقل بدرجة من المدير خخخ ... يبدو مستواي تدنى بالاعدادي ..

ما بالثنوي ما دخلت لا على مدير ولا وكيل ولا حتى مدرس عاقبني او ضربني ... يبدو انه مستواي انحط خخخ

شكرا على الموضوع ... ذكرتيني بالذي مضى ..

أخوكم

[محمود]

كنت انضرب عادي لما ما كنت احل الواجب :]

أو لما كنت أتأخر عن المدرسة من صباح الله في عز دين البرد الواحد ياكلو هوايـه ،،

بس قليل مش انو كل يوم كل يوم ،، يمكن كلهم بنعدو ع الأصابع ،،

وطول عمري مشاغب ومشاكس في المدرسة ،، وفوق كل هاد كنت الأول ع الصف ..

ههههههههههه كانو يتعقدو من الأساتزة ..

بس مرة وحدة وانا في ثاني ثانوي ، اجا المدير وحلف يمين انو يضرب كل الصف ،،

كانو رامين قنابل في الحصة ،، وانا ما دخلني كان .. المهم قسمو الصف لنصين مشان مدرس بضرب

نص والمدير بضرب نص //

وأكبر مأساه انا كنت الطالب الي بالنص ،، أجا الاستاذ ضربني وسكتت ،،

بجية المدير بده يضربني بقوله خلص الأستاذ اعطاني الي فيه النصيب ،،

لهو عصب وضربني كف ،، وقتها انا الله لا يوريكم شو صار فيا ،، كثير عصبت وولعت بيني وبينه لهو ضربني كمان كف

قدام الطلاب ،، شوية وكنت بدي اشيل الكرسي عليه بس ما بعرف كيف ربنا ألهمني الصبر !!

لأني ما بقدر امد ايدي عليه بضلو مدير وقد الوالد !! ،، والحمد لله اني وقتها اتمالكت اعصابي ,, بس والله من كتر الزعل

عيطت بس روحت ع البيت كنت كاتم دمعتي قدام الطلاب ،، وقتها عزت عليا نفسي كيف أنضرب قدام الطلاب !!

ولأني ما كنت مساوي شي زعلت ، والله لو غلطان ما فرقت معي ,,

بس ما شفيت منه لحد ما أجا واعتذرلي في البيت وقدام الصف كلو ،،

[روعة الاحساس]

مشكوووووووورة حبيبتي عاموضوع الحلو

لليش الكذب بصراحة اكلت مرة ضربة على ايدي انا ومجموعة بنات لان كنا بنبدل اماكنا بطابور الصباح ,طيب شو بدي اسوي اذا كل صديقاتي العزيزات بالصف اللي جنبنا وانا كنت احب اوقف جنبهم


عالعموم بضلها ذكريات حلوة,والحمد لله هلا صرنا بالجامعة وما حدا بيقدر يحكي معنا

[Dont Ask Why]

لا الضرب ممنوع

بس البهدله مسموح ( اكلت منها كتير )

ههههههههههههههههههههه

[فراشة]

ممممم انا عمري بحياتي مابتزكر اني انضربت والحمد لله - كنت متل النسمه بالصف بس مو هدوء يعني ركزان

بس مين كان ياكل قتل - توين - اختي ههههههه وهيا بالابتدائي تاكل قتلات - وهيا بالاعدادي توقف ورا - وهيا بثانوي كانت تنطرد برا خالص ههههههههههه

رزء الله ع هديك الايام والله مابنتسا

[بريئة غزة]

مرة وحدة يومها كنت جايبة معي صفارة شرطة كانت عند ابوي
اجت بنت بتحب اتعاديني وانا طالعة من الصف فتحت شنطتي وطالتها وقعدت اتصفر
اجت المعلمة وجلست تصرخ كانت دايما حاطة حطتي انا واخوي ما بعرف ليش بتكرهنا
حتى يومها انقهرت كتير لانها صادرت كل اشي معي وكنت خايفة ابوي يضربني عشان الصفارة
ولما اجت تضربني اتخبيت تحت الطاولة من الخوف بعدين جلست وضميت رجلي صارت اتجر فيه لما وصلت لغرفة المديرة حتى المديرة ما قدرت تضربني راحت نادت ماما عشان اتخليني افتح ايدي
ما رضيت قويت راسي عشان ماما كانت موجودة كانت تدرس معنا بنفس المدرسة توجيهي وانا كنت صف ثالث ابتدائي منكثر ما كانت تضربني مرة اتخبيت فوق السطح وما رحت على المدرسة خوف منها
ولما ماما اكتشفتني قلت الها هاي سبينة بتضربني كثير سبينة اسم معلمتي كانت باكستنية متعلمة
عربي بدول الخليج
اههههههههههههه عنجد ذكريات
يسلمو اديكي على الموضوع الحلو

[فلسطينية و افتخر]

بالنسبة الي بس مرتين بحياتي
لأنو كان في معلمات الله خالقهم هيك
عشان هيك متزكرة الموقف بالضبط

و يسلمو فلسطينية و الراس مرفوع على الموضوع

[عاشقة الرومانسية]

هههههههههههههههههههههه

قال عمره ضربك مدرس .. انا بالنسبة الى انا يلى بضرب مدرس ههههه

احنا صفنااا وشلتى بالتحديد عمرهااا ما بتنضرب او بتاخد بهدلة لانو عارفين انو ان بهدلوناا مش حيطلعوو منهااا

من شان كده ما حد بيقربلنااااااا ... انا ولا حد بيقربلى لانو لو قربلى مش حيطلع وانا اتحدى اى حد ..؟؟؟

[اشراقة الشمس]

ابــدا ما عمر معلمة ولا معلم ضربنــي ,,,,
فأنا منذ الابتدائية كنت بمدرسة خاصة والمدارس الخاصة ستبتعد الضرب ... ولا احد يستعمل اسلوب الضرب ... وعندما اصبحت في الصف التاسع انتقلت الى مدرسة حكومية وكان اسلوبها معي جيد جدا ... فأنا كنت طالبة متفوقة ومجتهدة ومهذبة وكنت مدللة من الجميع ,,,,,, وهكذا لم انضرب قطعا من قبل اي معلمة

[»رُوحٌ عَ ـآنَقـتْ آلْغُـيُومْ .!~]

هههههههههههههههههههههه

حلو الموضوع و الله


بالنسبة لالي

باتزكر انو الصف الاول

المعلمة خرجت و احنا ضلينا عاملين طوشة بالصف

لحد ما اجت و سمعت الشوشرة لاخر المدرسة

جمعتنا كلنا و ضربتنا واحد واحد

خخخخخخخخخخخخخخخخخ

لشو بينفع الضرب

اوووووووووووووووف ما باعرف

[غزاويه]

بتزكر انو المديره ضربتني وضربت الفصل كله معي.,:

بسبب الازعاج في الممرات.,::

وكل الفصول كانت تيجي تتريق علينا.,:

وفشله كانت.,:

وبس.,::

يسلموو ع الموضوع.,::

كتير حلوو.,:/"

[فارس الوطن]

اووه .. تعديش

بالابتدائية مع اني كنت الاول ع المدرسة بين الاولاد إلا انهم كانو يضربوني :icon28: .. بس بيني وبينك كنت

متل مابحكوها مقردن ...ههههههه

بالاعدادية .. عقلت شوي ..بس استاز الرياضيات بصف تاسع كان عامل ضدي كتيير وعالطالعة والنازلة يمسكني ع اقل نهفة .. ويحكيلي افتح ايدك وبالخرزانة ..دب ..:icon7:

وبالثانوية .. كل يوم انضرب .. اصلو انا كنت ارووح متأخر ع المدرسة المدير يفكر الي بتأخرو صايعين برا المدرسة ويضربنا .. بس كان ينغاظ مني لانو غصبن عنو كل نهاية فصل كان ينادي اسمي مع الاوائل ع المدرسة ...هههه

اممم طولت بردي ... حاسس حالي وكأني بحكي قصة حياتي ... هههههه

يسلموو ..

تحياتي

[بقـ..ــايـ..ـا إنسـ..ـانـ]

انااااااا شوووو ااااااااااااكلت ضرب اية الله يعين يعني ضروي تذكريناااااااااا خيتوووووووووو
والله اياااااااااااااااااام الجو الباردة كنت اتاخر عن المدرسة وكنت بلاقي المشرف باستنى على باب المدرسة ويبلش والله بالعكازة يعني عصاية باليد اليمن والبيد البسار اخ اخ اخ اخ اخ لو اصيده والله غير افش كل غولي فيه
ههههههههههههه
شكرررررررررررا على الموضوع الحلوووووووووووووو
تحيااااااااااتي

[Arabian girl]

اه مرة انضربت عصاي ع ايدي بس كانت ضربة جماعية
وكنت كاني بصف خامس هههههههههه ولا بنسى ههههه
مشكور دموع ع الموضوع الحلو ^^

[بقـ..ــايـ..ـا إنسـ..ـانـ]

خيتووووو صحح النووووم الموضوع مو اناااااااا كاتبه هااااادي فلسطينة والراس مرفوع
شو بيك صحصحي هههههههه
تحياااااااي

[Arabian girl]

ههههههههههههه شكلي مسطلة
ما بعرف كيف اجى ببالي انك انت عملتو
يمكن عشان تعليقك اخر تعليق ههههههه
مشكورة حبيبتي فلسطينية ^^ ههه

[hayat_baghdad]

انا اكلت ضربه وانا بالابتدائيه كنت اول سنه اداوم فيها
الست ضربتني عشان ضحكت على صاحبتي لما قدمت
واجبها اليومي وانا كنت من المتميزات بس الست كانت
حقانيه ومن هذاك اليوم ما اكلت غيرها هههههههه

مشكورة على الموضوع