سؤال محرج للفتيات

[بن القدس]

سؤال محرج للبنات اتمنى انكم تردوا عليه وعادي مشاركه الشباب ..؟؟








نلاحظ في بعض محلات النسائيه يشتغلو فيه شباب لبنانيين او مصريون او اسرائيليون ونلاحظ انه البنت اول ماتسال

البايع عن شي يقولها
تكرم عيونك ,من عيوني ولاتحملي هم ياقمر ,كرمال عيونك.


والبنت تسكت .. او تبتسم .. او تاخذ موقف بس ماتبين

تبشر خوياتها .. ما تنام يومين ..ويمكن تروح ملح


لكن ايش بيكون موقفك اذ كان البايع مواطنفلسطيني من اهل البلاد

وقال من عيوني او غيره من التعابير شو تتوقعوا الاجابه اختاري..:

1-كف محترم او بجزمه عـ الراس

2-شتيمه تخلي كرامته مايحتاج بعد

3-نضره استحقار قويه

4-شئ اخر


ايش رايكم يالبنات ولا مانع من ردود الشباب..؟؟

للبنات حق الرد *** وللشباب حق التعليق ؟؟؟







اتمنى منكم الرد والتفاعل
عشان ماازعل...

[light]

و الله يا اخي مش عارف شو ارد عليك بس انه انا مو عايش بفلسطين اه و اعتقد انه ممكن يصير هالشي هههههههههههههههههه



عاااااااااااالم عجيب
تقبل مروري

[أنثـــى]

بصراحة أنا لفتني عنوان الموضوع جدا ولكن عندما قرأته وجدت أن الموضوع لايمت للعنوان بصلة !

بس كرمال عيونك رح أرد..

أولا أعتقد أنه سؤال أو جواب غير محرج بتاتاً..!

كلمات تلقائية عفوية يجب على البائع استخدامها على سبيل المجاملة والذوق في التعامل

خصوصا أنه يتعامل مع فئة الزبائن ..

بالطبع لاحرج في استخدامها ابدا

وأنا من وجهة نظري الشخصية لا أعتقد أنها تؤثر في أي فتاة واعية طبعاً

لاسيما في هذا العصر الذي أعتقد فيه أن غالبية الفتيات أصبحن أكثر انفتاحاً وحرية من العصور السابقة .

تحيتي واحترامي..:s (43)::s (43):

[بنت صميل]

لكن ايش بيكون موقفك اذ كان البايع مواطنفلسطيني من اهل البلاد

وقال من عيوني او غيره من التعابير شو تتوقعوا الاجابه اختاري..:

لا عادي لان عنا بالاردن وبحكم اني بنت مخيم وبروح على سوق المخيم عادي فالبياعين فلسطينية حتى كلمتة بالعادة ايوه يا زوق انت بتأمر
الغالي برخصلك والابتسامت تبعتو شغاله
وبصير يحاول يعطيك رقم المحل عشان تتصلي بسبب انو في بعد اكمن يوم ابضاعة واصلة
يعني انا لما افوت محل بعر عني تقرير وافي انا شو اسمي وين بشتغل وشو مخلصة وقديش صارلي مخلصة
وقد مستطيع بحاول يرغي معاك
وشكرا على الموضوع الحلو

[blue-girl]

يلي ببيعو عنا هنود هع

يعني لو لقيت واحد فلسطني ما بكون ببيع ..

ما بعرف شو رح تكون رد فعلي

بس انا ردات فعلي غريبه دايما

هههههههههههههههههههههههههههههه ههه

يسلمو

^^

[فراشة فلسطين]

حتى احنا كلهم هنود
وكلام البياعين ما باثر فيه لانه مجرد مجامله

[ضوء الشمس]

بصراحة احنا عنا في غزة ممكن تحدث



بس كل وحدة وردة فعلها



في بصيروا يرجعوا للمحل نفسوا عمدا متعمد




لكن ردة الفعل الطبيعية انها




تطلع من المحل



اذا ماكنت بدها طق حنك مو قصة انوا بنات اليوم وهيك



وهيا مابتصير الا قليل


مع البنات المتبرجات بصراحة



لأنوا لو شافو وحدة محتشمة أكيد راح يخجلو يتلفظو بألفاظ متل هيك



يعطيك العافية

[أع ـــشقـ أنفاسهـ]

يســـلموو

بس نحنا كماااان هنوود

وحتى لو كان غير هيك متل يلي ببعض المولااات

عاادي يحكي متل مابده انا بطنش

[.:.!دموع الرحيل!.:.]

عادي هاي اسمهـا مجاملة الزبائن ..

إذا بدي اعلّق على كل بيّاع بيحكي بهالطريقة

ما بعود بنزل عالشارع ابدا ً

وبعدين ليش للبنت تتأثر ؟ وتفكر فيه يومين ...!

معقول ! مش لهالدرجة البنـات عقلهم صغير يعني ..

لكن البيّاع الي بده يتمـادى المفروض البنت تحطلو حد ،،

وإذا شافهـا مش فاتحه مجال ما بيسترجي يتمادى معها زيادة ،،

يعطيك العافيه ^^

[.!. وردة الأقصى .!.]

انا برأيي البنت المحتشمه ماحدا بقدر يتلفظ معها هيكـ الفاظ ..

أو حتى يجاملها ويحكيلها تكرم عيونكـ وياقمر ويامش عارفه شو ^_^

مابسترجي اصلا ً ,,

حالو حال اي شب ماشي بالشارع مو مشان هوي البائع يعني مرفوع عنو الحجاب

ولو استرجى وحكى بتركلو المحل كلو بالبضاعه اللي فيه,,

حتى لو كانت مجاملة زباين ..

وين عايشين أحنا !!

[Arabian girl]

الي رجعه

[мίsş вε ηίcέ]

انا مني وعلي بحاول اتفادى المحلات الي فيهم شباب
لانو دايما التعامل مع البنات مريح اكتر
بس المشكلة انو بمجتمعاتنا العربية يدوب مسموح للبنت تطلع تتحوج
فما في حد من الشباب بفضل انو اختو تشتغل بالمحلات
ومن جهة تانية ما بدو حد يحكي معها
فأنا شايفة انو المشكلة منكم وفيكم
ومدام احنا محترمين حالنا..مش سائلين :showoff:

[smile_4_arwa]

نحن اللي ببيعو هنود..ودايما بتقلو دمهم بس بيحكو بلغتهم..

فما بنفهم..

بس لو كان عربي بعطيه:

نضره استحقار قويه

شكرا ع الطرح

[Anonymous Gril]

هههههههههههههههه

أنا أساساً بشتريش اشيء ع شان أشوف اللي ببيع.... بس إذا كان فلسطيني بفرح ،،،،ماحعمل شيء


لأنه هو حر بتصرفاته ،،،، و أنا أساساً حيكون تفكيري بشيء تاني ...


أما إذا كان من جنسية تانية ،،،،، عاد أنا رح أطّلع فيه نظرة استغراب وبس..(:




و الله سؤال حلووووووووووووووووو كتيييييييييير و مش محرج أبداً... (:"

[MoHaDe]

برجع بعدين برد عليك
بس يا زلمة شو بتلاخم لبنانين ومصرين او اسرائيلين
روح انزل عرام الله ولا عاي منطقة بالضفة وغزة وحراج تلاقيلك بياع مش فلسطيني
اي الفلسطينية يلا يلا لاقين شغل

[بنت فلسطين المجروحة]

انا برأيي البنت المحتشمه ماحدا بقدر يتلفظ معها هيكـ الفاظ ..

أو حتى يجاملها ويحكيلها تكرم عيونكـ وياقمر ويامش عارفه شو ^_^

مابسترجي اصلا ً ,,

حالو حال اي شب ماشي بالشارع مو مشان هوي البائع يعني مرفوع عنو الحجاب

ولو استرجى وحكى بتركلو المحل كلو بالبضاعه اللي فيه,,

حتى لو كانت مجاملة زباين ..

وين عايشين أحنا !!

100%

مشكور عالموضوع

[.:.!دموع الرحيل!.:.]

والله عنـا ما في بيّاع ما بيحكي تكرم عينيكي ..

ومن عيوني ..

وعلى راسي ..

ويا عروس

بس طبعـا بدون ( يـا قمـر ) هاي ما بيحكوهـا للي محترمة حالهـا طبعـا على قولة وردة ..

بس باقي الكلمـات متل تكرم عينيكي ومدري شو ..

كل بيّاع بيحكيهـا،،عندهم ياها كلمـات عاديه جداً ..

وأصلا ما بكون ببالهم شي .. لأنه بيحكوهـا لألف وحده بالنهـار ..

يعني لو كل واحد بيحكي تكرم عينيكي .. ما ادخل لعنـده .. ما بعـود أدخل اي محل ولا انزل السوق

يعني هون بلبنـان .. هـاي الكلـمـات عـادي .. متل مرحبـا .. والسلام عليكم :icon9:

مـا بعرف ،، إذا بغير أمـاكن عندكم يـاهـا شي عظيم :icon11:

//

تعقيب زيادة على ردّي .. لأنه شفـت بعض المشـاركـات شايفيـن القصة شي عظيم ،،

فاستغربت ..! عنـا عـادي والله !

إذا الكلام ضمن إطـار معيّن ..

بس طبعـاً .. بدون يا قمر والكلام الزايد !

[الحان الحرية]

واللهـ هون بالامارات البياعين هنود ,,

يعني هادر ماما

زين ماما

اوكي ماما

بس هيك بيحكو ههههههه

بس في محلات البياعين لبنانيين و سوريين ,,

و بيحكو هيك يعني ما فيها شي

مجالمة زبائن متل ما حكو !!

و مش لهلدرجة الهبل انه وحدة تفكر فيه يومين منشان حكى هيك ,,

يعني أنـا لما رحت ع عمّان كل البياعين كانو اردنية و فلسطينية

و كانو يحكو هيك

بس هالشي عادي جداً

تسويق للبضاعهـ

و مافيها شي بالمرهـ

و انتو بتحكو اذا زودها ,,

بس ما بيزودها لما يشوف اللي قدامه محترمة و لبسها محترم و طريقتها بالحكي محترمهـ أكيد راح يحترمها و ما راح يقل ادبو

شكراً ع النقاش

[السيف عدي]

انا برأيي البنت المحتشمه ماحدا بقدر يتلفظ معها هيكـ الفاظ ..

أو حتى يجاملها ويحكيلها تكرم عيونكـ وياقمر ويامش عارفه شو ^_^

مابسترجي اصلا ً ,,

حالو حال اي شب ماشي بالشارع مو مشان هوي البائع يعني مرفوع عنو الحجاب

ولو استرجى وحكى بتركلو المحل كلو بالبضاعه اللي فيه,,

حتى لو كانت مجاملة زباين ..

وين عايشين أحنا !!

:showoff::showoff:

هاد الكلام الصح ..

[زهور]

ممكن انــــي اسيب المحل
وما اشتـــــــري من عندو

وخلص

لا ضـــرب ولا بهدلـــة ولا شتم

شكرا ع الموضوع

[زهور]

المشاركة الأصلية كتبت بواسطة وردة الأقصىــآ
انا برأيي البنت المحتشمه ماحدا بقدر يتلفظ معها هيكـ الفاظ ..

أو حتى يجاملها ويحكيلها تكرم عيونكـ وياقمر ويامش عارفه شو ^_^

مابسترجي اصلا ً ,,


وردة الاقصــــى حبيبتـــي

والله شباب هالايــام
ازا كانت البنت محشمـــة او لأ
بردو الا يحكــي

حتـــى لو كانت البنت لابســـة جلباب ونقــاب وكل شي
بردو بيحكـــي

[المستبده]

اممممممم
شو يعني لو كان البياع فلسطيني
احسن اصلا بيكون ابن البلد
وبعدين كلامكوووو كلكو صح
ما ضل شي ينحكى
هاي الكلمات مجامله يعني عادي
عقلها زغير اللي بتضل تفكر فيه
هههههههه
انا استغربت من الخيارات اللي كاتبيتهم
الشتيمه والغلط لو حكالك الفلسطيني تكرم عيونك...
هو ايش مالو الفلسطيني
متلو متلهم
يسلمووووو على السؤال
جد انو واقعي ومش محرج ابدا

[HaDoOoL]

احنا عندنا بقطر البياعين تقريبا هنوود...
بس لو كااان فلسطيني بصراحه وقال هيك ممكن ابتسم يعني انا بطبيعتي لما اسمع اي كلام حلو ببتسم هيك ع طوووول..
بس غيره لآ..بعطيه نظرة احتقار مابعرف لييش..
ويسلموووا....

[حنين الروح]

حتـــى لو كانت البنت لابســـة جلباب ونقــاب وكل شي
بردو بيحكـــي



طبعااااا لأ

بعدين في فرق بين حجاب وحدة وحجاب التانية

البنت من اول ما تفوت ع المحل

الشاب بعرف هاي البنت جاية عشان تتعاكس وينرمى عليها حكي ولا جاية تشتري

الشباب بفهمو البنت من نظراتها وضحكاتها

لهيكـ مستحيل يتجرؤوا يحكو مع بنت محترمة حالها وجاية تاخد غرضها وتطلع

واللهـ لو كان شاب بعاكس كل بنات العالم ولا بهمو شي

وشاف بنت محترمة ولابسة منيح وكان حدا بلطش معها حكي

إلا يبهدلو

لإنو ما بيرضى هيك على وحدة حتى لو ما كان بعرفها

احنا عنا بالامارات ع رأي لحونة :icon26: كلهم هنود ومن هالجنسيات

وبحكو زين ماما و حازر ماما >> ههههههه

بس في محلات بكون فيها شباب عرب خصوصا من بلاد الشام

عادي لما تطلبي شي بحكولكـ تكرم عيونكـ

هاد من معاملتهم كبياعين

بس مو إنو يزيد عن حدو ويصير يا قمر و يا عسل و يا ما بعرف شو !!!

وانا أكيد لو صارت معي بسحب حالي وبطلع من المحل

إزا ما كنت خليت بابا يعمل فيهـ شي :icon11:

ع العموم اللهـ يهدي بنات وشباب المسلمين

والبنت المحترمة ما بترضى ينحكى لإلها هيكـ كلام

وأكيد ما بعجبها لو سمعتو

يسلمو ع الطرح :s (43):

[Arabian girl]

انا بالنسبة الي بتطلع في نظرة بتخوف عشان يحلم كوابيس ههههههه

[حنوونة]

انا ما بعتقد انوا راح افضل البائع المصري او اللبناني على فلسطيني مش موضوع منطقي بصراحة
وبعدين هاي كلمات التاجر بيستخدمها عشان يستقطب زباين ويرجعوا على المحل وتصير سمعتو منيحة
بس طبعا لكل شي حدودوا

شكرا على الموضوع