المساعد الشخصي الرقمي

مشاهدة النسخة كاملة : ممممم تدخل الاهل بالاولاد---------للنقاش------

bEnOoO
08-04-2008, 01:31 AM
السلام عليكم

ايش اخباركو ؟--------------------------مبين الجواب:icon28:


المهم الدنيا ليل هلقيت بس من كتر الملل و الزهق النوووم طااااااااااااار:wacko:


في بالي موضوع حابة اطرحو :icon9::icon9:


خلينا نخش دغري و بلا لف و دوران

:matrix:

الموضوع عن تدخل الاهل بحياة الابناء

يعنى انا مثلا علاقتى باهلي كتيييييييير قوية خصوصي امي يعنى بقدرش اخد قرار من دون ما استشيرها حتى بابسط الاشياء يعنى كتيييييييير متعلقة فيها بابسط الاشياء حتى رفقاتى عارفين هالشي و مرات بينكشو راس علي عشان هالشغلة .....بس ما بنزعج:matrix: حتى انو رفيقتى تعرف عليها من طرف اهلي/امي عرفتن عليها/:wacko:..............و بالعيلة بينادوني بنت الماما:icon28:.......و كل مرة بيحكولي ايش بدك تعملي بكرة لما تتجوزي:icon9::icon9:

هو هالاشي سلبي من جهة يعنى انا مش مستقلة بذاتي و اجابي من جهة ثانية

سؤالي هلقيت

تدخل الاهل بالاولاد لاي مدي بيكون صحي و ايمت بيكون سلبي؟:icon9:

و متى يكون السن الي لازم الاهل يوقفو تدخلهم بحياة اهلهم؟:icon9:

و مدي تدخل اهلكم بحياتكم و هل هالاشي بيزعجكو ؟؟؟:icon9:



انا حاسة حالي ازا صرت ام ان شا الله رح كوون كثييير حشرية و بدخل باولادي كثييير رح ازهقهم عيشتهم
ههههههههه:showoff:

الدنيا ليل و النعاس ماثر فيني عشان هيك الموضوع مش مرتب منييييح

يالله سلاموز
*ريحانة القلب*
08-04-2008, 03:39 AM
حيا الله بينو



تدخل الاهل بالاولاد لاي مدي بيكون صحي و ايمت بيكون سلبي؟

بكون سلبي لمن يفقدو شخصيتهم المستقلة !

ويسير الابن ما بعرف يلبس حذاءو (اجلكم الله ) الا لمن امو تنضفلو ايا

والا ما بعرف يحكي مع صاحبو الا لمن ابو يقولو كيف وشو يحكي !

او في ولاد و بنات ما بعرفو ياخدو حقهم (للصغار خصوصا ) من الاطفال التانيين الا لمن الماما او البابا

يتدخل ! ..


هاد كلو بفقد الولد شخصيتو .. وهون بكون الجانب السلبي

حلو الاهل يتدخلو .. بس لحد معين .. وبعدها يتركو الولد يتصرف



و متى يكون السن الي لازم الاهل يوقفو تدخلهم بحياة اهلهم؟

قصدك بحياة ولادهم :>

مافي سن معين .. لحد ما يحس انو ابنو مو محتاج التوجيه

ومو محتاج التقويم .. وقتها بتركو يعارك الحياة لوحدو





و مدي تدخل اهلكم بحياتكم و هل هالاشي بيزعجكو ؟؟؟


شوفي ازا الاهل ما تدخلو بحياة ابنهم ( بقصد شب وبنت )

بكونو فعليا ما ربو !

لأنو التربية بدها تدخل .. فاشي طبيعي يتدخلو في حياتي

بس ما بختارولي .. متلا .. وقت اختياري تخصصي بالمدرسة (ادبي علمي it )

اهلي حابين افوت علمي .. بس ما اجبروني .. خيروني .. وحكولي مساوء وحسنات كل تخصص

وانا اخترت . وما اخترت علمي .. دخلت اي تي (تكنلوجيا معلومات )


ما عمرو تدخل اهلي ازعجني .. احيانا بترجاهم لحتى يتدخلو :>

بعتبرو اني وصلت لدرجة بقدر أميز الصح من الغلط .. الحمدلله ...






يسلمو بينو


يعطيك العافية



’’’
bEnOoO
08-04-2008, 12:39 PM
اهلا ريحااانة نورتي
بس مش ضروري الواحد تكون شخصيتو مهزوزة
مثلا انا الي شخصية قيادية يعنى فى المدرسة و حت في الجامعة او برا اذا كان في نشاطات جماعية تقريبا دائما بكون انا الرئيسة و نا الي بقسم الادوار
،،عـيـون الوجـد،،
08-04-2008, 03:08 PM
تدخل الاهل بالاولاد لاي مدي بيكون صحي و ايمت بيكون سلبي؟
رأيي من راي ريحانة القلب
و متى يكون السن الي لازم الاهل يوقفو تدخلهم بحياة اهلهم؟
مافيه سن بيوقف عليه تدخلهم بحياته الا لحد ما يعتمد على نفسه يعني لازم يعطونه نصايح وزي المثل الي بيقول أكبر منك بيوم أعلم منك بسنه
و مدي تدخل اهلكم بحياتكم و هل هالاشي بيزعجكو ؟؟؟
أمي الله يخليها لي الي قوانين امشي بس غالبا ماأمشي عليها صح غالبا اتضايق بس بالاخير يطلع الحق مع أمي


دمت بحفظ الرحمن بينو طرح مميز
lili_pop
08-04-2008, 03:16 PM
تدخل الاهل بالاولاد لاي مدي بيكون صحي و ايمت بيكون سلبي؟
إيجابي لما يكون بالأمور يلي لازم يتدخلو فيها الضرورية يعني
و سلبي لما تزيد تدخلهم ما بيكون منيح و خاصة إنو الأبناء بنزعجوا من هالشي


و متى يكون السن الي لازم الاهل يوقفو تدخلهم بحياة اهلهم؟
مو توقف نهائي بس يعني لما يشوفوا إنو في خطأ يصححو ... في سن
14-16


و مدي تدخل اهلكم بحياتكم و هل هالاشي بيزعجكو ؟؟؟

ما بحب حدا يتدخل بحياتي بس إزا كان هالإشي لصالحي بحترم رأيهم كتييييير

يسلمو عالموضو ع ..
bEnOoO
08-04-2008, 03:23 PM
تدخل الاهل بالاولاد لاي مدي بيكون صحي و ايمت بيكون سلبي؟
رأيي من راي ريحانة القلب
طيب ايش هي السلبيات برايك

و متى يكون السن الي لازم الاهل يوقفو تدخلهم بحياة اهلهم؟
مافيه سن بيوقف عليه تدخلهم بحياته الا لحد ما يعتمد على نفسه يعني لازم يعطونه نصايح وزي المثل الي بيقول أكبر منك بيوم أعلم منك بسنه
و مدي تدخل اهلكم بحياتكم و هل هالاشي بيزعجكو ؟؟؟
أمي الله يخليها لي الي قوانين امشي بس غالبا ماأمشي عليها صح غالبا اتضايق بس بالاخير يطلع الحق مع أمي

يعن هالتدخل بيزعجك رغم انو مفيد لالك :icon9:


دمت بحفظ الرحمن بينو طرح مميز

نورتي الموضوع ريحانة
السيف عدي
08-04-2008, 03:25 PM
موضوع رائع ..

انا راي انو تدخل الاباء لازم يكون اشرافي اكتر .. يعني ما يدخلو في الامور البسيطة

ويعودو الاولاد على الاعتماد على انفسهم وهم صغار .. علشان يقدروا يواجهو المجتمع ..

انا من اللي بايدو التربية القاسية شوي .. يعني اللي ما فيها دلع كتير .. هيك بطلع الولد متربي مزبوط

ورجال قد حالة .. حتى البنت بتطلع قد حالها وصعب اي حدا يتلاعب بعواطفها ..

بالنسبة للسن بعد ال 12 مثلا .. يبدا الولد يعتمد على نفسة بالتدريج .. والامور عادة بتيجي بالتدريج

والتعامل مع البنت غير الولد .. اهم شي واهم نقطه القدوه الصح في السن الصغيره .. الاولاد عادة

بقلدو الاب والام في كل شي وبتخذو منهم مثل اعلى في حياتهم .. ازا الام مثلا بتدخن البنت عادة

بدخن .. وهيك ..

تسلمي بينو الحقيقة الموضوع رائع والمناقشة فيه طويلة .. الى رجعة ان شاء الله ..
bEnOoO
08-04-2008, 03:27 PM
تدخل الاهل بالاولاد لاي مدي بيكون صحي و ايمت بيكون سلبي؟
إيجابي لما يكون بالأمور يلي لازم يتدخلو فيها الضرورية يعني
و سلبي لما تزيد تدخلهم ما بيكون منيح و خاصة إنو الأبناء بنزعجوا من هالشي
طيب مهو الابناء بينزعجو من اي تدخل خاصة بالمراهقة و لو الاهل عملو زي ما بحبو ابنائهم تكون النتيجة انهم ما بيتخلو بنوب و النتايج تجي وخيمة

و متى يكون السن الي لازم الاهل يوقفو تدخلهم بحياة اهلهم؟
مو توقف نهائي بس يعني لما يشوفوا إنو في خطأ يصححو ... في سن
14-16
بس الوقاية خير من العلاج ليش لح يجي الخطا نصححو ليش ما نتفاداه من الاصل
و بعدين 14-16 هاد هو العمر الي بظن انو التدخل يكون اكبر

و مدي تدخل اهلكم بحياتكم و هل هالاشي بيزعجكو ؟؟؟

ما بحب حدا يتدخل بحياتي بس إزا كان هالإشي لصالحي بحترم رأيهم كتييييير

يسلمو عالموضو ع ..

الله يسلمك نورتيني
bEnOoO
08-04-2008, 03:40 PM
موضوع رائع ..
شكرا هاد من زوؤك


انا راي انو تدخل الاباء لازم يكون اشرافي اكتر .. يعني ما يدخلو في الامور البسيطة
و انا كمان من رايك انو يكون اشرافي بس الاهل مرات خووفهم الزايد على ابنائهم او خاصة في تربية الابن الاول بيكون سلطوي عشانهم خايفين من اول تجربة الهم في التربية......... انا بتزكر زمان ما كنت اطلع العب لبرا مع الجيران لانو امي بتخاف علي كثيييير فكانت نتيجة هالخوف اني ما عشت طفولة طايشة و تجارب الي بيكون الها دور في تربية الطفل مع انو امي دكتورة اعصاب و بتعرف هالاشي منيح--------هلقيت بتقلي الاهل دايما بيكون عندهم خوف كبير في تربية الطفل الاول

ويعودو الاولاد على الاعتماد على انفسهم وهم صغار .. علشان يقدروا يواجهو المجتمع ..
انا من اللي بايدو التربية القاسية شوي .. يعني اللي ما فيها دلع كتير .. هيك بطلع الولد متربي مزبوط
ورجال قد حالة .. حتى البنت بتطلع قد حالها وصعب اي حدا يتلاعب بعواطفها ..


و انا كمان معك القسوة بتولد الشجاعة و القدرة على مواجهة المصاعب بس مع الضكور فقط
اما عن البنات فاللين بيكوا افضل و بيعطي نتائج افضل


بالنسبة للسن بعد ال 12 مثلا .. يبدا الولد يعتمد على نفسة بالتدريج .. والامور عادة بتيجي بالتدريج

والتعامل مع البنت غير الولد ..

اهاا....نقطة كتيير مميزة تربية الجنسين تختلف و البنت بهالوقت بتكون حساااسة كتير من اتفهالاشياء لازم يكون حذر في التعامل معها
اما الشب بظن انو رفقاتو هم الي بياثرو عليه بهالمرحلة و يكون لازم عالاهل يختارو رفقاتو و لو بشكل غير مباشر
اهم شي واهم نقطه القدوه الصح في السن الصغيره .. الاولاد عادة
القدوة الصح...............هاي حط عليها مليون خط احمر.....عشان هالنقطة بيهملها الكثير من الاباء


بقلدو الاب والام في كل شي وبتخذو منهم مثل اعلى في حياتهم .. ازا الام مثلا بتدخن البنت عادة

بدخن .. وهيك
و الله هاي مش معك فيها خاصة من جهة التدخين انا بشوف في الشباب دايما الي ابوه بيدخن بيكون هو بيدخنش و العكس

تسلمي بينو الحقيقة الموضوع رائع والمناقشة فيه طويلة .. الى رجعة ان شاء الله ..

نورت الموضوع حسام
و شكرا كتيييير الك على هالنقاط المهمة
شرفتنا

حبيت اوضح انو انا حاطة تجربت عشان يكون مثال حي للمناقشة
،،عـيـون الوجـد،،
08-04-2008, 03:44 PM
يكون سلبي 1: اذا خالف ميول الابنطبعا ميول الابن (هنا لازم يكون مايخالف شرع الله) مثل لما يخلص الثانوية العامة أهله بدهم منه يدخل قسم معين والابن مايناسب ميوله واتجهاته
2: لما يكون الاباء ما يفهمو شخصيات أبنائهم مثل لما يكون الابن عنيد ويصر على موقفه وامه وابوه يصرون على موقفهم
يمكن لو يجو له بأسلوب التلميح يقبل الابن هالشي لكن لما يكون الاسلوب بالتصريح يحس الابن انتقاص بشخصيته فهنا النهج الذي نهجوه غير سليم
هذي وجهة نظري
bEnOoO
08-04-2008, 08:54 PM
يكون سلبي 1: اذا خالف ميول الابنطبعا ميول الابن (هنا لازم يكون مايخالف شرع الله) مثل لما يخلص الثانوية العامة أهله بدهم منه يدخل قسم معين والابن مايناسب ميوله واتجهاته
2: لما يكون الاباء ما يفهمو شخصيات أبنائهم مثل لما يكون الابن عنيد ويصر على موقفه وامه وابوه يصرون على موقفهم
يمكن لو يجو له بأسلوب التلميح يقبل الابن هالشي لكن لما يكون الاسلوب بالتصريح يحس الابن انتقاص بشخصيته فهنا النهج الذي نهجوه غير سليم
هذي وجهة نظري
شكرا ريحانة عل هالنقااط
بس بيظل الاهل بيعرفو مصلحة الابن اكتر
bEnOoO
08-05-2008, 09:01 PM
:icon9:
&نسيم الروح&
08-05-2008, 11:49 PM
تدخل الاهل بالاولاد لاي مدي بيكون صحي و ايمت بيكون سلبي؟

هو سلبي ايجابي طبعا الاهل لازم يدخلوا بس مو بمعنى التدخل هو بس ئصه انتباه مش اكتر اما ازا تحول الانتباه لتدخل وشك هاد هون بيكون سلبي جدا

و متى يكون السن الي لازم الاهل يوقفو تدخلهم بحياة اهلهم؟

بعد الــ 18 لانه بعدها الولد والبنت بيكونوا عارفين الصح من الغلط

و مدي تدخل اهلكم بحياتكم و هل هالاشي بيزعجكو ؟؟؟

انا لما اهلي ادخلوا فيني شوي كنت رح افئع مو لانه في شك منهم لا لانه بس انا ما كنت متعوده حد يئلي وين رحتي وليش هيك وما هيك
يعني مجرد ديئ ولانهم ما كانوا يدخلوا فيني بالفتره الي كان لازم يدخلوا كانوا معطيني حريتي كامله والحمد لله ما استخدمتها غلط

والغلط كان غلطي كنت 16 بس كنت اعرف الغلط من الصح وما كنت متعوده حد يدخل بحياتي بالمره لدرجه انه كنت اطلع واحكي انه طالعه مو اطلب انه بدي اطلع

ميرسي الك على الموضوع
ضوء الشمس
08-06-2008, 03:13 AM
تدخل الاهل بالاولاد لاي مدي بيكون صحي و ايمت بيكون سلبي؟



بكون سلبي



لما يوصل تدخل الأهل لدلع وقتها الطفل ماراح يعتمد على حالو في أي أمر



وراح تكبر شخصيتوا على عدم ثقتوا بنفسوا


ومابعرف يقرر أي قرار حتى ليكبر



وبكون صحي لما يخلو الطفل يعتمد على حالو في الأمور الصغيرة



ومع امتداد الزمن راح يكبر وتكبر الأمور معوا



فراح يعرف يقرر كل اموره بنفسوا



طبعا في أمور لازم الأهل يدخلو فيها




و متى يكون السن الي لازم الاهل يوقفو تدخلهم بحياة اهلهم؟



اذا كان ابنهم متكامل عقلي وفكري وجسمي


فبكون بعد سن الرشد


يعني بعد18 سنة


لكن هذا الاشي مابنمع انوا ماياخد قرارات أهلو



حتى هيا مو قرارات




رأي أهلو لأنوا رأي الأهل أحيانا بكون 100% لأنهم مروا في متل ظروفنا




و مدي تدخل اهلكم بحياتكم و هل هالاشي بيزعجكو ؟؟؟




لا طبعا



تدخل أهلي فيا ومنعهم لاشي مابدهم ايا ويكون لمصلحتي



طبعا هادة اشي سليم دليل على خوفهم علية وحبهم الي



وخاصة تدخلهم فية لما أكون بدي أطلع



لازم يسألو وهدا اشي أكيد بسعد


بدل على حرصهم علية ليعرفوا وين بنتهم رايحة



مو معناته انوا عدم ثقة فية بالعكس





لكن في أمور الأهل مالازم الا يعطوا أرائهم فيها وبس



متل مثلا تخصصي في المدرسة علمي ولا أدبي



أنا دخلت علمي لكن الأب عارض وبالآخر اعملي الي بريحك



يعني الأمور السطحية تكون آراء الأهل بالاشتراك مع الابن




لكن الأمور الشخصية متل الزواج وغيروا




الأهل آراء والبن اختيار
bEnOoO
08-06-2008, 08:46 PM
اقتباس:
تدخل الاهل بالاولاد لاي مدي بيكون صحي و ايمت بيكون سلبي؟

هو سلبي ايجابي طبعا الاهل لازم يدخلوا بس مو بمعنى التدخل هو بس ئصه انتباه مش اكتر اما ازا تحول الانتباه لتدخل وشك هاد هون بيكون سلبي جدا


اقتباس:
و متى يكون السن الي لازم الاهل يوقفو تدخلهم بحياة اهلهم؟

بعد الــ 18 لانه بعدها الولد والبنت بيكونوا عارفين الصح من الغلط


اقتباس:
و مدي تدخل اهلكم بحياتكم و هل هالاشي بيزعجكو ؟؟؟

انا لما اهلي ادخلوا فيني شوي كنت رح افئع مو لانه في شك منهم لا لانه بس انا ما كنت متعوده حد يئلي وين رحتي وليش هيك وما هيك
يعني مجرد ديئ ولانهم ما كانوا يدخلوا فيني بالفتره الي كان لازم يدخلوا كانوا معطيني حريتي كامله والحمد لله ما استخدمتها غلط

والغلط كان غلطي كنت 16 بس كنت اعرف الغلط من الصح وما كنت متعوده حد يدخل بحياتي بالمره لدرجه انه كنت اطلع واحكي انه طالعه مو اطلب انه بدي اطلع

ميرسي الك على الموضوع
اهلا نورتى نسيم و شكرا عالرد


اقتباس:
تدخل الاهل بالاولاد لاي مدي بيكون صحي و ايمت بيكون سلبي؟



بكون سلبي



لما يوصل تدخل الأهل لدلع وقتها الطفل ماراح يعتمد على حالو في أي أمر



وراح تكبر شخصيتوا على عدم ثقتوا بنفسوا


ومابعرف يقرر أي قرار حتى ليكبر



وبكون صحي لما يخلو الطفل يعتمد على حالو في الأمور الصغيرة



ومع امتداد الزمن راح يكبر وتكبر الأمور معوا



فراح يعرف يقرر كل اموره بنفسوا



طبعا في أمور لازم الأهل يدخلو فيها





اقتباس:
و متى يكون السن الي لازم الاهل يوقفو تدخلهم بحياة اهلهم؟



اذا كان ابنهم متكامل عقلي وفكري وجسمي


فبكون بعد سن الرشد


يعني بعد18 سنة


لكن هذا الاشي مابنمع انوا ماياخد قرارات أهلو



حتى هيا مو قرارات




رأي أهلو لأنوا رأي الأهل أحيانا بكون 100% لأنهم مروا في متل ظروفنا





اقتباس:
و مدي تدخل اهلكم بحياتكم و هل هالاشي بيزعجكو ؟؟؟




لا طبعا



تدخل أهلي فيا ومنعهم لاشي مابدهم ايا ويكون لمصلحتي



طبعا هادة اشي سليم دليل على خوفهم علية وحبهم الي



وخاصة تدخلهم فية لما أكون بدي أطلع



لازم يسألو وهدا اشي أكيد بسعد


بدل على حرصهم علية ليعرفوا وين بنتهم رايحة



مو معناته انوا عدم ثقة فية بالعكس





لكن في أمور الأهل مالازم الا يعطوا أرائهم فيها وبس



متل مثلا تخصصي في المدرسة علمي ولا أدبي



أنا دخلت علمي لكن الأب عارض وبالآخر اعملي الي بريحك



يعني الأمور السطحية تكون آراء الأهل بالاشتراك مع الابن




لكن الأمور الشخصية متل الزواج وغيروا




الأهل آراء والبن اختيار
اهلا فيكي ضو و شكرا عالرد المميز