نور و مهند و رفيف و اسيل و لميس و شو بعرفني مين ,, لوين بدهم يوصلونا؟!

[الحان الحرية]

http://rooosana.ps/Down.php?d=xcnZ



موضوع كتير قاهرني ,,!!



شوفو شو صاير بالعالم يا عرب ...


أردنى يوسع زوجته ضرباً بسبب بطل مسلسل "نور" التركى

و طلقها كمان ,,,





سوري يطلق زوجته بسبب مسلسل "نور"






سعودي يطلق زوجته بسبب مسلسل "نور"






تزايد عدد الطلاق بسبب مسلسل " نور"



ذكر أحد المواقع الإلكترونية المحلية أن أربع حالات طلاق وقعت في مدينة حلب بسبب "مهند" بطل مسلسل نور في الآونة الأخيرة،



فلسطيني يطلق زوجته 3 طلقات بسبب مسلسل نور



كاد يقتل زوجته بسبب مسلسل نور التركي



مسلسل نور التركي: يطلق زوجته بسبب مهند!!



نـسااااء العرب يطلقن بالجملة بسبب المسلسلات التركية


باللهـ شو رأيكم ؟!

و ع مين الغلط؟!

ما تحكولي الغلط ع الزوج !

لأنها ردة فعل طبيعية ,,,


يعني لما واحد يرجع ع البيت بعد نهار طوويييل من الشغل !

يلاقي مرتو بتتفرج ع المسلسل !!

و هو من الصبح ما حط لقمه بتمو !

و مطنشيته و ما بتقوم تعملو اشي ياكلو !

شو بدها تكون ردة فعله؟!



ولا لما يجي المسكين يحكيلها كلمة تحكيلو مهند و مهند !!

طيب ما بدو ينجن

يا زلمة مرتك بتحب واحد غيرك و فوق هيك قاعدة بتحكيلك بكل وقاحة !! شو بدها تكون ردة فعله !!



أو مثلاً لما يجي يفوت ع غرفته يلاقي مكان صورته صورة المحروق مهند !

شو بدو يعمل يعني


بالله مش اشي بيجنن الانسان !

يعني الحق مش ع الرجل !!

و انا لأول مرة بوقف في صف "آدم"


هلأ هاد كلو كوووم

و هالخبر كوم ,,


بحرينية تمهل زوجها أسبوعا ليصبح "مهند"!



شو هااد بالله

شر البلية ما يضحك :icon11:

و مش عارفة اضحك ولا الطم





و هون


انتحار شاب سوري متاثر بسنوات الضياع

عمرو 17 سنة !

ركزت ع كلمة شاب

هاد دليل انه المسلسل راح يدمر الشباب اللي بيتفرجو عليه ,,




و غير هيك يا مسلمين و يا عرب

لو مش عاارفين اعرفو

شوفو هالفتوى

مفتي السعودية يفجر قنبلة اعلامية: مسلسل "نور" منحط ومنحل

مفتي السعودية اللي كل العالم بيصدقو !!

بكل شي

بس لما افتى عن هالمسلسل نزلت عليه الانتقادات متل المطر !

يعني اللي ما بعجبنا ما بنصدقو !؟!؟


ولا شو رأيكم؟!


و شوفو كيف كانت الاستهزاءات ,,


استغفرك يا رب

ممم الله رح يحطني بالنار لأني عم شوف مسلسل نور !
لا لا ما أعتقد.


يروى ان ابو نواس افاق يوم مصاب بالصداع بعد ليلية حمراء يعني عنده(هنق اوفر) فتلقى رسالة من شيخ مفتي يبشرة بالوعيد والنار---بنيما كان المجتمع كلة يعج بالمجون 000 فرد عليه ابو نواس بقصيدة طويله اول ابياتها : دع عنك لومي فان الو اغراء وداوني بالتي كانت هي الداء000 وانتقي منها هذا البيت للتعليق على المقال:
فقل لمن يدعي في العلم فلسفة حفظت شيئا وغابت عنك اشياء



شو هالمصخره الا فلم شي عادي عاد السعوديين وتعليقاتهم خل يتكلمون عن نفسهم


بصير هيك !!

الشيخ بدو يفيدنا شوفو كيف ردو عليه


اي والله اكبر حراااااام


و شوفو هالفضيحة !

وبالرغم من النجاح الكبير في العالم العربي إلا أنه لم ينل النجاح نفسه في تركيا بسبب ما يقال عن سيرة كيفانتش تاتليتوغ الماضية.



ويبقى مسلسل "نور" "اللاحدث" في تركيا ولم يلق الرواج الذي حققه في العالم العربي لسبب تاريخ مهند المرتبط بالفضائح والصور الإباحية التي كانت تنشر على المجلات الأوروبية ويعتبرون في تركيا هذه الفئة من الممثلين من الدرجة الثالثة".




كشف صحيفة (الشعب) الجزائرية ان 'مهند' نجم مسلسل نور التركي الذي تبثه محطة (MBC) ويحظى بمشاهدة ضخمة عبر العالم العربي هو من أكبر نجوم مجلات إباحية تروج للمثلية الجنسية وتزاوج الذكور في ما بينهم،


ما عندي تعليق !



أنا برأيي من حق المفتي يحرم ,,

ع اقل شي فيه مجاهرة بالمعصية

و كلو فواحش و استباحه لما حرم الله ,,



و هو اصلاً من حثالة الاعلام التركي

بيرضيكم يا عرب تنجنو ع مسلسل فاااشل

هاد معناه انه الاعلام العربي صار مزبلة ! للمسلسلات و الافلام الفاشلة !



و كلو مشاهد محذوفة و فوق هيك مليان فجور و فسوق و مشاهد بتخدش الحياء هههه أصدي بتقتل الحياء يا ريتها بتخدشو لأ بتقتله بالمرة ,,



http://rooosana.ps/Down.php?d=JJ7L



و اللي قاهرني أكتر !

هالمسلسل شامل لجميع الطبقات

و كل طبقات مجتمعنا العربي الاسلامي بتتفرج عليه !

حتى الأطفال !

احنا بنقول انه هدول كبار فاهمين الصح من الغلط ,,

و بيقدرو يفرقو بينهم

طيب الاطفال !

لساهم ما بعرفو الصح من الغلط ولا بيفرقو بينهم !

شو بدو يصير فيهم !


و اهاليهم تاركينهم

ولا اصلاً بتفرجو معهم ع المسلسل :icon11:




و ما وصلو لحد هون ,,

لأ صار في بلااايز عليهم مهند و نور و من ممثلين هالمسلسلات ,,,


و صار في شيبس نور و مهند

و شيبس لميس و يحيى

و صار في علكة نور

و شوكولاته سنوات الضياع

و ما خفي كان اعظم

http://rooosana.ps/Down.php?d=SEIy

و كلو بالنهاية استخفاف بعقولكم يا عرب




و هلأ بتمنى اعرف ايجابية وحدة بس للمسلسل !

راح تحكولي بيعلم الزوج كيف يتعامل مع زوجته أو العكس !

طيب يا جماعة احنا مسلمين

ليش ما نتعلم من رسولنا الكريم !

ليش ما نتعلم ع الاقل من مصادر " فيها اخلاق"



يعني الخلاصة ,,

النتائج اللي راح ناخدها من هالمسلسل ..

جيل فاسد من الشباب ,,,

عدم رضى الازواج ببعض,,

اطفال مقتولة فيهم البراءة ,,


و بدي اجاوب ع السؤال اللي بالعنوان ؟


وين بدها توصلنا هالمسلسلات التركية ؟!


لو ظلينا ع هالحال راح توصلنا لنار جهنم,,


الله يجيرنا ,,

و يا ريت تناقشوني !




http://rooosana.ps/Down.php?d=P6Hf

[smart0]

ههههههه
كلام مزبوط
ما في شي ورا الناس غير التلفزيون ومهند
ههه
وبعدين مهند هدا شغلتو الاصلية عارض ازياء
ههههههه
والست نور هادي
بتكون مرتوا ليحيي الي في سنوات الضياع
ههههه
مشكوووورة

[Dont Ask Why]

معك حق خيتي

مسلسل كتير سخيف

وانا بشوف مهند بشبه الحربايه ( في مؤيدين )

ونور يخرب بيتها شو بشعه

ع شو بموتو فيهم مابعرف

صرنا نمسك الجريده ونقرا هاد انتحر وهاد طلق مرتو كرمال عيون نور ومهند

بعدين هاد المسلسل من وجهه نظري كتير غلط

يعني استغربت مابشربو مي بنوب ( خمر خمر خمر ) هاد الشغله الوحيد الي شربوها طول المسلسل

واكتر مشاهيدينو صغار يعني الشباب ومجموعه كبيره كتير من الاطفال يلي بصفوف اول وتاني بتدائي ( هولي الناس الي بعرفهوم كيف الي برا )


ثانكس خيتي ع الطرح الحلو

[Anonymous Gril]

سنوات الضياع و نور .... و الثانية عشرة إلا ربعاً ...كلذو تركي و عم بيليهينا عن الدين و القرآن و بخلينا نهتم

فيهم كأنهم (واستغفر الله )ربّي ... يعني والله صاروا الناس يحلفوا يحياتهم لهل المسلسلات..

و نتايج المتابعة حالات طلاق و انتحارات..



):

[السيف عدي]

كلامك صحيح خيتو .. وهاد دليل الفراغ العاطفي والفكري عند العرب .. وللاسف البنات ..

مبارح كنت عم اسمع في اذاعة قطر عن هالشي .. وتأثير المسلسل على العالم العربي بالتحديد ..

طيب ليه ما تأثرو فيه الاتراك نفسهم .. بتعرفي ما حدا بحب يتفرج عليه هوناك !! وهاي مفارقة عجيبة

ليه بس لما انعرض المسلسل على العرب أتأثرو فيه ؟؟؟ لهدرجة البنات العرب ما عندهم وعي ؟

الافراط في الرومانسية الحالمة هو مشكلة المسلسل .. وهالرومانسية مش موجوده في الواقع

و النسوان عم يطالبو ازواجهم انو يصيروا هيك رومانسيين بالعافيه .. الحياة الواقعيه مختلفة كليا عن الخيالات الموجوده في المسلسل ..

انا عن نفسي ما بحب المسلسلات اجمالا .. واللي عرفني عليه هو هاد المنتدى تخيلي !! ..

صرت اسمع كل شوي نور ومهند وسنوات الضياع .. وسمعت بعدها يحيى ولميس .. قلت شو القصة

بالاول فكرت انهم نفس المسلسل .. طلع لا في اتنين .. شوي شوي عرفت انو في اختراع اسمو مسلسل نور

دابح العالم عليه .. هههههههههه وانا متل الاطرش بالزفة .. رحت البيت وحضرتو 5 دقايق .. حسيتو عادي

ما بعرف يمكن خيالات النسوان ما بتخلص ... بس انهم ينقلو الحياة الحالمة والرومانسية المفرطة للحياة الواقعيه

اشي مذهل .. وغريب .. وبدل على شغلات كتيره..

مبارح سمعت في الاذاعة انو مهند راح عمل تكريم في دبي من فتره .. واول ما نزل من السياره

مئات البنات قعدوا يعيطو .. تخيلي .. يعيطو لما حط رجلو على الارض .. ما بعرف شو القصة .. بس امر غريب ..

الله يكون في عون الجميع .. واتمنى تنتهي هالمهزلة على خير ..

تسلمي خيتو على الموضوع اكتر من رائع .. وفعلا كلامك صحيح ..

ما ننحرم

[بندقه]

مضبوط كلامك كلو صحيح .........بس عندي سؤال ليش وصلنا لهالمرحله مو هاد بسبب الفراغ الديني ........وبعدنا عن عقيدتنا وتعاليم دينا .........على ما اذكر اول ما طلعت الفضائيات صارو اللزلام بدهم زوجاتهم متل المذيعات ويا ما صارت حالات الطلاق بسبب المذيعات يعني منغير لقطلت اباحيه العقول خاويه ما بالك بس الحق على الي بروجو لهيك شغلات لانو بعود عليهم بعائد مادي ضخم.........وهاي نتائج الي بنادو بالتطبيع وهو اندماج الحضارات...........والله المستعان ..........ومتل موجة المسلسلات المكسيكيه ومن قبلها الامريكيه على سبيل المثال دالاس

[.!. وردة الأقصى .!.]

موضوع حلو كتير للنقاش

يعني انا بالنسبة إلي أول مابلش ماكنت اتفرج عليه ولا اتابعو

تقريبا ً بنص المسلسل بعد ماشفت الكل نور ونور وما إلهم سيرة غير نور

وين مابروح فلانه بتشبه نور وعلانه بتشبه بانا ومش عارفه مين بتشبه دانه

قلت خليني اشوف هالنور اللي ماكل عقول الناس

تقريبا ً تابعتو شهر زمن والله ماحسيت انو بستاهل كل هالاهتمام من الناس

يعني مسلسل ئد ماتقولي عنه تاااااااافه بكل معنى الكلمة

ممممم بس شو بدنا نحكي يعني ادي العرب وادي عقولهم

الله يهديهم بس ^^

صحاب العقول في نعمه والله ^.^

يسلمو لحونتي

[وردة في الأقصى]

للهاوية !!


شكرا الك

[عبد الصمد الراوي]

للهاوية !!


شكرا الك


كلامك عدل خيتو وردة في الاقصى انهم يريدون يوصلونا للهاوية

والله اني شفت موضوع لمهند حياتو المهنية ههههههه

بس والله اخجلت من نفسي وقلت وش هاذ المنحط بس الظاهر بجيبو

حياة رومانسية

الله يلعنو يا رب هو والحرباية نور

انا لا شفت اسم الموضوع

رفيففواسيل ولميس منو دول اكيد بمسلسل نور لكن بيطورا العرب وبجبوا كل المسلسلات الحصرية

الله يهديهم يا رب

والله مااعرف وش اقول لك خيتو

اضن ان الحانو ما بقت شيء نقولة الله يجزاكي كل خير

اللهم رد امة محمد الى دينها ردا ً جميلا ً

[limar]

والله معك حئ

خصوصا بموضوع الاطفال

يعني تفكيرهم من همة وصار بدل ما يتربو على الاخلاق والدين عم يتربو ويتعلمو على اشيا متل هيك

وغير طبعا مستوى السخافة الي وصلو شبابنا هالايام

والله قمة ي التفاهة والسخافة

هادا كلو من قلة الدين

ما بعرف كيف بفكرو هدول

كيف بحملو في عقولهم هيك مستوا دنيئ من التفكير

الانسان اعلى واشمخ من هيك بكتير


وهادا كلو من الافكار الي عم تنشرها الغرب عنا

والي بكل بساطة عم يتقبلها مجتمعنا لقلة الدين

الله يهدينا اجمعين

ويعطيكي الف عافية الحانو

يسلم هالايدين يا رب

مشكورة

[نسمة بلادي]

لا حول ولا قوة الا بالله

كلوا هاد والله دليل ع قلة الدين والايمان في أمتنا الاسلامية

حسبنا الله ونعم الوكيل

مسلسلات تركية منحطة ولا أخلاقية وقمة في الفساد ....

الله يهدي شباب أمتنا

مشكورة حبيبتي

موضوعك جناااااااااااااااااااان

وصدقتي مليون بالمية بكل كلمة حكتيها

ربي يسعدك يا قمرة

[ضوء القمر]

:wacko::wacko:



معك حق الحانو



وهاد كلو هبل بهبل



مش عارفة كيف بتفرجو عليهم



انا صح لما اكون فاضية بقعد احضر شوي



لكن كلو هبل بهبل


وكل المسلسلات بتحكي عن الحب وما الحب


الله يهدي الكل ويرجع الكل لصوابو



دمتم بود ^_*

[ضوء الشمس]

أنا بالنسبة الي متل وردة الأقصى



البنات في المدرسة على الفسحة يقعدن مافي غير سيرة المسلسل



نور ومهند وأنا ماكنت أقعد على التلفزيون كتير




فتحت أشوف المسلسل



وماراح أكون كذابة تابعتوا بس بالآخر بايخ


وتضييع للوقت ولعب في عقول شباب العرب والمسلمين


ونصيحة مني لكل الأعضاء



انهم مايحضروا




بكرا في رمضان بنزل مسلسل باب الحارة أحلى وأفيد منوا



وأخيرا


الله يهدي الجميع

[فلسطينيه والراس مرفوع]

والله معك حق يا الحانوووو

موضوع رووووعة وكتير حلو ونقاشي كمان

انا من وجهة نظري انو فعلا مسلسل تافه واكتر من تافه كان هو ولا سنوات الضياع

للاسف اخدو عقولنا

حتى المنتوجات الغذائية صارت الهم وباسمائهم

اكيد وواضح كمان انو ما في من ورا متل هيك مسلسلات الا ليخربو بيوتنا ويخربو جيل بحالو

عى كل حال الله يهدينا جميعا ويصلح حال المسلمين ويحررنا من هالاحتلال الفكري

تسلمي الحانو

كان نفسي اكمل نقاش فيه بس هلا ما عندي وقت

الي رجعة ^.^

[الفتاة المشرقة]

مشكوره اختي على الموضوع


بس زهقنا واحنا نحكي ولا حياه لمن تنادي الكل متابعو

طبعا احنا الحمد لله حفذنا القناة من اصلها لانو جدا تافه

بس مضيعه للوقت

وما في قصه هادفه

[صاحبة القلم الحزين]

احتلال فكري بحت

دروس مركزّة بالعلمانية

أتفه من التفاهة نفسها

اختبار ممتاز للعرب كلهم رسبوا فيه !!


وفوق كل هاد

يا ريت في شي بيستاهل

مشتهية شي مرة أسمع من حد من ياللي بتابعوه انه صار حدث

غير فلان و فلانه اتطلقوا و فلان و فلانه تصالحوا

شلحوا الخواتم و لبسوا الخواتم

تركته و تركتها

يقطعهم

قرفت عيشتي منه

و مش متخيلة كيف الناس قادرين يتابعوا هالتفاهة كلها!!!!

موضوعك الحانو بفش القلب

و نقاشك 100%

و جوابي على سؤالك انه

راح يوصلونا لجهنم

>>اللي مهتمين مش احنا يعني <<

^^

[&نسيم الروح&]

وانا بشوف مهند بشبه الحربايه ( في مؤيدين )

هههههه

حرام عليك ضلمت الحربايه بالموضوع هلا هو صحيح حلو بس مو لهي الدرجه الي البنات قاتلين حالهم علي فيها
يقطع عمره شو شايف حاله

الافراط في الرومانسية الحالمة هو مشكلة المسلسل .. وهالرومانسية مش موجوده في الواقع

و النسوان عم يطالبو ازواجهم انو يصيروا هيك رومانسيين بالعافيه .. الحياة الواقعيه مختلفة كليا عن الخيالات الموجوده في المسلسل ..

هلا الرومنسيه مطلوبه بالعلاقه بين الرجل وزوجته وضروريه لبقاء المحبه بينهم بس مو هادي الرومنسيه لانه الشخص مو دايما بيكون مستعد يتقبلها او مو دايما بيكون عنده مزاج يعملها

يعنى هلا المراه الهبله الي بدها جوزها يكون كربونه عن مهند ويمكن هو بالوضع العادي او بالحياه العاديه مو رومنسي وعملي كتير يعني ممل

مبارح سمعت في الاذاعة انو مهند راح عمل تكريم في دبي من فتره .. واول ما نزل من السياره

مئات البنات قعدوا يعيطو .. تخيلي .. يعيطو لما حط رجلو على الارض .. ما بعرف شو القصة .. بس امر غريب

لا هاد شي مو غريب عمو حسام لانه البنات هدول اول مره بشوفوا زلمه ومو بس هيك هو جاي من كوكب تاني وما في متله بالعالم كله

هلا ارجع للي حكته الحان هلا الي بتتطلق عشان مسلسل وتنضرب عشانه والله ما بتحضره بجد النسوان هبايل يعني تحضر المسلسل بس مو هيك يعني ما في داعي يدخل جوزها واطنشه عشان مهند والله انه حماره وما بدها مصلحت جوزها

والمراه الي بتعطي جوزها مهله ليسير زي مهند بتستاهل تطلق وتنقتل كمان والي من اول ما يدخل جوزها البيت لحد ما يطلع وهي بتقله مهند ومهند

بتستاهل وكل الي اطلقت من المسلسل وبسببه بتستاهل والله لا يردها

[عاشقة حماس]

كلامك صحيح مية بالمية ألحانو
ومعك حق في كل كلمة كتبتيها في هالموضوع
والله حال المسلمين والعرب يرثى له
وكل مافي دلوة في هالعالم فشل فيها شي
بيصدروه للعرب
مابعرف هالقابلية العجيبة الغريبة اللي عند المسلمين والعرب يتخليهم يتقبلو أي شي
والمصيبة بيقبلو الأشياء المنحطة بس
ومثل هالمسلسل وغيرو
والله انا كمان في الجامعه كل ما بجلس مع صديقاتي
يا بلاقيهم بيتكلمو عن نور ومهند او المسلسل الثاني
وين ما بتروحي بتسمعي مهند ونور .. مهند ونور
بس كل هذا سبب البعد عن دينا الحنيف
والمسلسل اصلا بيلاقيه الواحد كل سخافة وبياخه وماإلو معنى ابدا
ما بعرف ليش الناس ولهانه عليه لهالدرجة وبيتابعوه بكل شغف ؟؟؟؟؟!!!!!!!!!!!!!!!!!
الله يعافينا ويتمم علينا نعمة العقل
ويهدي شباب هالامة ورجالها ونسائها
ويسلموووووووو يا غالية كثير عالطرح المميز
يعطيك الف عافية

[مسك الحماس]

كلامك عدل خيتو وردة في الاقصى انهم يريدون يوصلونا للهاوية

والله اني شفت موضوع لمهند حياتو المهنية ههههههه

بس والله اخجلت من نفسي وقلت وش هاذ المنحط بس الظاهر بجيبو

حياة رومانسية

الله يلعنو يا رب هو والحرباية نور

انا لا شفت اسم الموضوع

رفيففواسيل ولميس منو دول اكيد بمسلسل نور لكن بيطورا العرب وبجبوا كل المسلسلات الحصرية

الله يهديهم يا رب

والله مااعرف وش اقول لك خيتو

اضن ان الحانو ما بقت شيء نقولة الله يجزاكي كل خير

اللهم رد امة محمد الى دينها ردا ً جميلا ً
يا رب الهدايه من عندك يا كريم
يارب

يسلموا هاد الكلام نبراس عقولنا اننا لا نقبل الضياع والتفاهات[/
[SIZE="5"] بوركت "تسلمى كثير
:s (43)::s (43)::s (43)::s (43)::s (43)::icon26:SIZE]

[MoHaDe]

اقسم بالله انو اشي بقهر وبغيظ اللي صاير بالناس

والله من قهري بطلت عارف شو بدي اكتب

الله يشفي ويهدي العرب اللي بنجرو ورا هالشغلات للاسف

[الحان الحرية]

معك حق خيتي

مسلسل كتير سخيف

وانا بشوف مهند بشبه الحربايه ( في مؤيدين )

ونور يخرب بيتها شو بشعه

ع شو بموتو فيهم مابعرف

صرنا نمسك الجريده ونقرا هاد انتحر وهاد طلق مرتو كرمال عيون نور ومهند

بعدين هاد المسلسل من وجهه نظري كتير غلط

يعني استغربت مابشربو مي بنوب ( خمر خمر خمر ) هاد الشغله الوحيد الي شربوها طول المسلسل

واكتر مشاهيدينو صغار يعني الشباب ومجموعه كبيره كتير من الاطفال يلي بصفوف اول وتاني بتدائي ( هولي الناس الي بعرفهوم كيف الي برا )


ثانكس خيتي ع الطرح الحلو

تعابيرك عنجد فـ محلها !!

انا مؤيدة صراحة

انه مهند حرباي

و نور ضفدعة

بعدين عنجد شكلهم ما بيعطشو هدول !!

ما بيشربو لا مي ولا عصير نازلين في شرب الخمر ,,

و يا ريت الموضوع بس اقتصر ع الجرايد لأ خيو ع النت و ع الموبايلات كمان ,,

و انا كمان بلاحظ كتير اطفال متابعينه لهلمسلسل ,,

منورة خيو

لا تحرمنا هالطلهـ

[الحان الحرية]

سنوات الضياع و نور .... و الثانية عشرة إلا ربعاً ...كلذو تركي و عم بيليهينا عن الدين و القرآن و بخلينا نهتم

فيهم كأنهم (واستغفر الله )ربّي ... يعني والله صاروا الناس يحلفوا يحياتهم لهل المسلسلات..

و نتايج المتابعة حالات طلاق و انتحارات..



):
اه واللهـ

مش ناقص غير يصلولهم استغفرك يا رب,,

و شو غير الطلاق و الانتحارات !!

لأ لسا فيه كتير

فساد و فسوق

و صار كل واحد بدو يعمل زي مهند و كل ووحدة بدها تصير نور !!

عنجد قله عقل

منورة خيتو

لا تحرمينا هالطلهـ الحلوة :)

[الحان الحرية]

كلامك صحيح خيتو .. وهاد دليل الفراغ العاطفي والفكري عند العرب .. وللاسف البنات ..

مبارح كنت عم اسمع في اذاعة قطر عن هالشي .. وتأثير المسلسل على العالم العربي بالتحديد ..

طيب ليه ما تأثرو فيه الاتراك نفسهم .. بتعرفي ما حدا بحب يتفرج عليه هوناك !! وهاي مفارقة عجيبة

ليه بس لما انعرض المسلسل على العرب أتأثرو فيه ؟؟؟ لهدرجة البنات العرب ما عندهم وعي ؟

الافراط في الرومانسية الحالمة هو مشكلة المسلسل .. وهالرومانسية مش موجوده في الواقع

و النسوان عم يطالبو ازواجهم انو يصيروا هيك رومانسيين بالعافيه .. الحياة الواقعيه مختلفة كليا عن الخيالات الموجوده في المسلسل ..

انا عن نفسي ما بحب المسلسلات اجمالا .. واللي عرفني عليه هو هاد المنتدى تخيلي !! ..

صرت اسمع كل شوي نور ومهند وسنوات الضياع .. وسمعت بعدها يحيى ولميس .. قلت شو القصة

بالاول فكرت انهم نفس المسلسل .. طلع لا في اتنين .. شوي شوي عرفت انو في اختراع اسمو مسلسل نور

دابح العالم عليه .. هههههههههه وانا متل الاطرش بالزفة .. رحت البيت وحضرتو 5 دقايق .. حسيتو عادي

ما بعرف يمكن خيالات النسوان ما بتخلص ... بس انهم ينقلو الحياة الحالمة والرومانسية المفرطة للحياة الواقعيه

اشي مذهل .. وغريب .. وبدل على شغلات كتيره..

مبارح سمعت في الاذاعة انو مهند راح عمل تكريم في دبي من فتره .. واول ما نزل من السياره

مئات البنات قعدوا يعيطو .. تخيلي .. يعيطو لما حط رجلو على الارض .. ما بعرف شو القصة .. بس امر غريب ..

الله يكون في عون الجميع .. واتمنى تنتهي هالمهزلة على خير ..

تسلمي خيتو على الموضوع اكتر من رائع .. وفعلا كلامك صحيح ..

ما ننحرم
فعلاً العرب عندهم فراغ ,, بس الاصح نحكي فراغ ديني !! و فراغ ثقافي !!

يعني والله ما عمل فيهم هيك غير قلة الوازع الديني و قلة العقل !!

و اكيد انا معك ما في حدا حياته كلها رومانسية بالواقع !

يعني اكيد و مليون بالمية ما في زوج بيقدر يظل 24 ساعة رومانسي !

في مشاكل بالحياة في هموم !!

ما بنكر اني حضرت هالمسلسل لأكتر من مرة

بس شفت الناس منجنين عليه !

و هو مش مستاهل !

شو بدنا نحكي

لا حول ولا قوة الا باللهـ

منور أخي


لا تحرمنا هالطلهـ

[الحان الحرية]

مضبوط كلامك كلو صحيح .........بس عندي سؤال ليش وصلنا لهالمرحله مو هاد بسبب الفراغ الديني ........وبعدنا عن عقيدتنا وتعاليم دينا .........على ما اذكر اول ما طلعت الفضائيات صارو اللزلام بدهم زوجاتهم متل المذيعات ويا ما صارت حالات الطلاق بسبب المذيعات يعني منغير لقطلت اباحيه العقول خاويه ما بالك بس الحق على الي بروجو لهيك شغلات لانو بعود عليهم بعائد مادي ضخم.........وهاي نتائج الي بنادو بالتطبيع وهو اندماج الحضارات...........والله المستعان ..........ومتل موجة المسلسلات المكسيكيه ومن قبلها الامريكيه على سبيل المثال دالاس
أكيد بسبب قلهـ الوازع الديني و هو هاد السبب الأول و الاساسي ,,

و كلو من قله العقل و الدين ,,

طيب و الزلام اللي بس يشوفو وحدة بيصيرو بدهم زوجتهم تصير مثلها هدول ما بيفهمو أصلاً !

مش لازم يعني شاف وحدة حلوة و متبرجة يصير بدو زوجته تكون متلها !

و ممكن زوجته تكون حلوة بأخلاقها و معطيته كل حقوقه بس عينه زايغه ,, و مش عاجبتو

حسبي الله و نعم الوكيل

منورة خالتو:)

[الحان الحرية]

موضوع حلو كتير للنقاش

يعني انا بالنسبة إلي أول مابلش ماكنت اتفرج عليه ولا اتابعو

تقريبا ً بنص المسلسل بعد ماشفت الكل نور ونور وما إلهم سيرة غير نور

وين مابروح فلانه بتشبه نور وعلانه بتشبه بانا ومش عارفه مين بتشبه دانه

قلت خليني اشوف هالنور اللي ماكل عقول الناس

تقريبا ً تابعتو شهر زمن والله ماحسيت انو بستاهل كل هالاهتمام من الناس

يعني مسلسل ئد ماتقولي عنه تاااااااافه بكل معنى الكلمة

ممممم بس شو بدنا نحكي يعني ادي العرب وادي عقولهم

الله يهديهم بس ^^

صحاب العقول في نعمه والله ^.^

يسلمو لحونتي
شو بدي احكيلك يا ندوش

عنجد ما في اتفه منو

و متل ما قلتي والله اصحاب العقول بنعمه

اللهـ بيعين

[الحان الحرية]

للهاوية !!


شكرا الك
صدقتِ واللهـ

منورة خيتو

[الحان الحرية]

كلامك عدل خيتو وردة في الاقصى انهم يريدون يوصلونا للهاوية

والله اني شفت موضوع لمهند حياتو المهنية ههههههه

بس والله اخجلت من نفسي وقلت وش هاذ المنحط بس الظاهر بجيبو

حياة رومانسية

الله يلعنو يا رب هو والحرباية نور

انا لا شفت اسم الموضوع

رفيففواسيل ولميس منو دول اكيد بمسلسل نور لكن بيطورا العرب وبجبوا كل المسلسلات الحصرية

الله يهديهم يا رب

والله مااعرف وش اقول لك خيتو

اضن ان الحانو ما بقت شيء نقولة الله يجزاكي كل خير

اللهم رد امة محمد الى دينها ردا ً جميلا ً
شايف أخي ,,

احنا العرب بنتفرج ع مين ما كان لو كان اسفل انسان ربنا خلقو !

شو بدنا نحكي

الله يعطيهم العقل للعرب ,,

عنجد منور اخي

لا تحرمنا هالطلهـ

[الحان الحرية]

والله معك حئ

خصوصا بموضوع الاطفال

يعني تفكيرهم من همة وصار بدل ما يتربو على الاخلاق والدين عم يتربو ويتعلمو على اشيا متل هيك

وغير طبعا مستوى السخافة الي وصلو شبابنا هالايام

والله قمة ي التفاهة والسخافة

هادا كلو من قلة الدين

ما بعرف كيف بفكرو هدول

كيف بحملو في عقولهم هيك مستوا دنيئ من التفكير

الانسان اعلى واشمخ من هيك بكتير


وهادا كلو من الافكار الي عم تنشرها الغرب عنا

والي بكل بساطة عم يتقبلها مجتمعنا لقلة الدين

الله يهدينا اجمعين

ويعطيكي الف عافية الحانو

يسلم هالايدين يا رب

مشكورة

أكيد ليمار ,,

أصلاً مرحلة الطفولة هي اللي بتحدد شخصية الانسان ,,

و مسطلح " السخافة " هاد المصطلح المناسب لوصف شبابنا هالايام ,,

لأنه فعلاً مافي اسخف من هوسهم ع هالمسلسل ,,

بيكفي انه مافي اي نوع من القيم و الاخلاق

شكراً لمرورك حبيبتي

منورة :)

[سوسنة فلسطين]

الحق على المحطات العربية وللاسف على الشعب العربي لانو بس بيهتم بالشي التافه

[الحان الحرية]

لا حول ولا قوة الا بالله

كلوا هاد والله دليل ع قلة الدين والايمان في أمتنا الاسلامية

حسبنا الله ونعم الوكيل

مسلسلات تركية منحطة ولا أخلاقية وقمة في الفساد ....

الله يهدي شباب أمتنا

مشكورة حبيبتي

موضوعك جناااااااااااااااااااان

وصدقتي مليون بالمية بكل كلمة حكتيها

ربي يسعدك يا قمرة
الله يهديهم يا رب ,,,

منورة سوشي

الله لا يحرمني منك

[الحان الحرية]

:wacko::wacko:



معك حق الحانو



وهاد كلو هبل بهبل



مش عارفة كيف بتفرجو عليهم



انا صح لما اكون فاضية بقعد احضر شوي



لكن كلو هبل بهبل


وكل المسلسلات بتحكي عن الحب وما الحب


الله يهدي الكل ويرجع الكل لصوابو



دمتم بود ^_*
اللهم آمين

منورة صرصار

لا تحرمينا هالطلهـ

[الحان الحرية]

أنا بالنسبة الي متل وردة الأقصى



البنات في المدرسة على الفسحة يقعدن مافي غير سيرة المسلسل



نور ومهند وأنا ماكنت أقعد على التلفزيون كتير




فتحت أشوف المسلسل



وماراح أكون كذابة تابعتوا بس بالآخر بايخ


وتضييع للوقت ولعب في عقول شباب العرب والمسلمين


ونصيحة مني لكل الأعضاء



انهم مايحضروا




بكرا في رمضان بنزل مسلسل باب الحارة أحلى وأفيد منوا



وأخيرا


الله يهدي الجميع
ما الهم سيرة غير نور و مهند ,,

خلّي نور و مهند ينفعوهم

منورة حبيبتي

لا تحرمينا هالطلهـ

[الحان الحرية]

والله معك حق يا الحانوووو

موضوع رووووعة وكتير حلو ونقاشي كمان

انا من وجهة نظري انو فعلا مسلسل تافه واكتر من تافه كان هو ولا سنوات الضياع

للاسف اخدو عقولنا

حتى المنتوجات الغذائية صارت الهم وباسمائهم

اكيد وواضح كمان انو ما في من ورا متل هيك مسلسلات الا ليخربو بيوتنا ويخربو جيل بحالو

عى كل حال الله يهدينا جميعا ويصلح حال المسلمين ويحررنا من هالاحتلال الفكري

تسلمي الحانو

كان نفسي اكمل نقاش فيه بس هلا ما عندي وقت

الي رجعة ^.^
عنجد هالمسلسل صار جرثومة

و جرثومة خطيرة ,,

عنجد جيل كامل من شباب المسلمين مهدد بالضياع بسبب هالمسلسل ,,

لأنه كتير شباب و صبايا تغيرت طريقة تفكيرهم كامل بسبب هالمسلسل ,,

منورة حبوبتي

لا تحرمينا هالطلهـ

[الحان الحرية]

مشكوره اختي على الموضوع


بس زهقنا واحنا نحكي ولا حياه لمن تنادي الكل متابعو

طبعا احنا الحمد لله حفذنا القناة من اصلها لانو جدا تافه

بس مضيعه للوقت

وما في قصه هادفه
قد اسمعت لو ناديت حياً و لكن لا حياة لمن تنادي

عايشين متل البهائم اي اشي بيعرضولهم اياه بيتفرجو عليه ,,

الله وكيلك لو عرضو برنامج ثقافي

اشي علمي

ما حدا بيطلع فيه ولا بيفتح التلفزيون عليه

شو بدنا نعمل

حسبي الله و نعم الوكيل فـ اللي بدو يخرب هالشباب

منورة حبيبتي :)

[الحان الحرية]

احتلال فكري بحت

دروس مركزّة بالعلمانية

أتفه من التفاهة نفسها

اختبار ممتاز للعرب كلهم رسبوا فيه !!


وفوق كل هاد

يا ريت في شي بيستاهل

مشتهية شي مرة أسمع من حد من ياللي بتابعوه انه صار حدث

غير فلان و فلانه اتطلقوا و فلان و فلانه تصالحوا

شلحوا الخواتم و لبسوا الخواتم

تركته و تركتها

يقطعهم

قرفت عيشتي منه

و مش متخيلة كيف الناس قادرين يتابعوا هالتفاهة كلها!!!!

موضوعك الحانو بفش القلب

و نقاشك 100%

و جوابي على سؤالك انه

راح يوصلونا لجهنم

>>اللي مهتمين مش احنا يعني <<

^^
معك حق ميرو

والله مافي بعد حكيك حكي ,,,

عنجد هاد اللي صاير

الله يرزق العرب عقول

منورة ميرو :)

[الحان الحرية]

هلا ارجع للي حكته الحان هلا الي بتتطلق عشان مسلسل وتنضرب عشانه والله ما بتحضره بجد النسوان هبايل يعني تحضر المسلسل بس مو هيك يعني ما في داعي يدخل جوزها واطنشه عشان مهند والله انه حماره وما بدها مصلحت جوزها

والمراه الي بتعطي جوزها مهله ليسير زي مهند بتستاهل تطلق وتنقتل كمان والي من اول ما يدخل جوزها البيت لحد ما يطلع وهي بتقله مهند ومهند

بتستاهل وكل الي اطلقت من المسلسل وبسببه بتستاهل والله لا يردها


عنجد نسوم احكيلي

عمرك شفتي قلة عقل و هبل اكتر من هيك !!

في وحدة بتخرب بيتها و بتفكك اسرتها عشان "مهند" الغريب اللي ما بتعرفه و يمكن عمرها ما تشوفو !!؟

اما عالم!!

منورة حبيبتي :)

[الحان الحرية]

كلامك صحيح مية بالمية ألحانو
ومعك حق في كل كلمة كتبتيها في هالموضوع
والله حال المسلمين والعرب يرثى له
وكل مافي دلوة في هالعالم فشل فيها شي
بيصدروه للعرب
مابعرف هالقابلية العجيبة الغريبة اللي عند المسلمين والعرب يتخليهم يتقبلو أي شي
والمصيبة بيقبلو الأشياء المنحطة بس
ومثل هالمسلسل وغيرو
والله انا كمان في الجامعه كل ما بجلس مع صديقاتي
يا بلاقيهم بيتكلمو عن نور ومهند او المسلسل الثاني
وين ما بتروحي بتسمعي مهند ونور .. مهند ونور
بس كل هذا سبب البعد عن دينا الحنيف
والمسلسل اصلا بيلاقيه الواحد كل سخافة وبياخه وماإلو معنى ابدا
ما بعرف ليش الناس ولهانه عليه لهالدرجة وبيتابعوه بكل شغف ؟؟؟؟؟!!!!!!!!!!!!!!!!!
الله يعافينا ويتمم علينا نعمة العقل
ويهدي شباب هالامة ورجالها ونسائها
ويسلموووووووو يا غالية كثير عالطرح المميز
يعطيك الف عافية
عنجد قلة عقل !

و كله سببه قلة الوازع الديني!

و ع الاقل لو المسلسل عنجد حلو بنحكي معلش !

لا حلو ولا شي

بحسهم بيلعبو لعبة كنت العبها و انا بيبي اسمها بيت بيوت !

بيتصالحو و بيتخانقو

عنجد تفاهه

منورة حبيبتي :)

[الحان الحرية]

يا رب الهدايه من عندك يا كريم
يارب

يسلموا هاد الكلام نبراس عقولنا اننا لا نقبل الضياع والتفاهات[/
[size="5"] بوركت "تسلمى كثير
:s (43)::s (43)::s (43)::s (43)::s (43)::icon26:size]


الله يسلمك أختي

منورة :)

[الحان الحرية]

اقسم بالله انو اشي بقهر وبغيظ اللي صاير بالناس

والله من قهري بطلت عارف شو بدي اكتب

الله يشفي ويهدي العرب اللي بنجرو ورا هالشغلات للاسف
الله يهديهم,,

و يعطيهم عقول

منور اخي :)

[*ريحانة القلب*]

حسبنا الله ونعم الوكيل بس !!


والله موضوعك يا الحان اجى بمكانو وبوقتو

هاد غزو ثقافي من نوع جديد

نفسي ينتحس .. ويبطل حدا يحضرو

الي حارق قلبي الصغار الي بتابعوه

رحنا عند تيتا الله وكيلك بس بلشت نور

اختفو .. :|


حتى اصغر وحدة بالعيلة

الي عمرها ست سنين !!!!



الله يرحمنا برحمتو .. ويهدي امة محمد يارب

يسلمو الحان


في ميزان حسناتك حبيبتي



’’’

[εïз ملآكـ εïз]

السلآم عليكم و الرحمهـ

كيفك خيتوو ؟ ان شا الله بخير

معك حق بكل كلمة عجبني موضوعك و الشوآهد الي حطيتيها

الي قهرني اكتر كل يوم بفتح جريدة الامارات اليوم في خبر جديد عن مسلسل نور و هبلو

الي قهرني اكتر وحدة بحرينية اسمها نور تقدملها واحد اسمو محمد قالتلو بقبل فيك بس تغير اسمك لمهند

انا قلت معقولة يعني ؟ بترضى يغير اسمو من اسم الرسول لاسم وآحد بيعلم الله شو عمل بحياتو من اشيا منحطة متلو؟

مو هون المشكلة .. المشكلة انو وافق هوا و اهلو و صاروا يقولولها لآزم تصبري الموضوع ما بصير هيك بكل سهولة

انا لو محلو بتف فخلقتها شو هــآآد؟

انا صحيح بحضرو بس بالاسبوع حلقة يمكن لانو بجد تفاهة صاير و بدور بنفس الموضوع كل شوي نور بتزعل بتحمل شنطتها و بقعدوا سنة ليتراضوا

بالنسبة لسنوات الضياع انا ما شفت فيه هالتفاهة الي بنور لسة ارحم شوي

بس برضو الضجة الي صارت بسبب هالمسلسلات سخيييفة و بجد ما الها داعي

بس جديد علي خبر انو في منتجات باساميهم و في حالات انتحار

يسلمو كتير الحانو ع الطرح سوري لاني طولت بالرد

تقبلي مروري

نــأأطرين جديدكـ

[мίsş вε ηίcέ]

يسلموا كتيير على هالموضوع...

بس انا الي محيرنا السبب الي ورا هالاعجاب الي غير شكل بهالمسلسل...
ازا من جمال مهند.. فمبين من اول المسلسل ..الاخ مجوز بالحرام ..يعني زاني..وغير هيك جميعهم بسكروا..وهاد الي مبين بالادوار الي بعملها ..وما خفي كان اعظم...
يعني أد ما يكون حلو ..هاي اسباب..حسب رايي..بتكفي انو تخلينا مشمئزة منو
ومن كل الممثلين معاه..
والي تاعبني اكتر هوس الاطفال فيه زي ما حكيتي..وهالقيم الي بربيهم عليه
لأوالا حلى الاستفسارات الغير شكل على كل شي..ومستعدين يحضروا كل اعادة..اه وبسمعوا الادوار كمان
فلي بفهم ما بكون عندوه استعداد يحضروا ويضيع وئتو..يفوت عالمنتدىمع هالناس الطيبة احسنلو ..ولا لأ؟؟!
خلص بكفي..مع اني مدايئةكتيير من هالمسلسل..وصحلي افضفض اشوي..
يسلموا يا عسل...

[الحان الحرية]

حسبنا الله ونعم الوكيل بس !!


والله موضوعك يا الحان اجى بمكانو وبوقتو

هاد غزو ثقافي من نوع جديد

نفسي ينتحس .. ويبطل حدا يحضرو

الي حارق قلبي الصغار الي بتابعوه

رحنا عند تيتا الله وكيلك بس بلشت نور

اختفو .. :|


حتى اصغر وحدة بالعيلة

الي عمرها ست سنين !!!!



الله يرحمنا برحمتو .. ويهدي امة محمد يارب

يسلمو الحان


في ميزان حسناتك حبيبتي



’’’
الله وكيلك و انا نفس الشي صاير معي ,,

انا متعودة لما اروح عند ستي كل الصبايا بيلتمو ,,

بس مرة رحت و فجأة لقيت حالي قاعدة لحالي !!

ظليت ساعة و نمت و صحيت لحالي ههههه

اجت بنت خالي بتدور ع اشي بقلها وينكم كلكم ليش مش مبينين

بتحكيلي قاعدين بنتفرج ع نور الحقي ابصر شو صار فيها !

عنجد انقهرت

و اتدايقت يومها

و عاتبتهم أنه هما بيفضلو نور علي

و من يومها لما اجي اغلبهم ما بيحضروه ^.^

منورة حبيبتي ريحانه :)

[الحان الحرية]

الحق على المحطات العربية وللاسف على الشعب العربي لانو بس بيهتم بالشي التافه
معك حق

منورة :)

[الحان الحرية]

السلآم عليكم و الرحمهـ

كيفك خيتوو ؟ ان شا الله بخير

معك حق بكل كلمة عجبني موضوعك و الشوآهد الي حطيتيها

الي قهرني اكتر كل يوم بفتح جريدة الامارات اليوم في خبر جديد عن مسلسل نور و هبلو

الي قهرني اكتر وحدة بحرينية اسمها نور تقدملها واحد اسمو محمد قالتلو بقبل فيك بس تغير اسمك لمهند

انا قلت معقولة يعني ؟ بترضى يغير اسمو من اسم الرسول لاسم وآحد بيعلم الله شو عمل بحياتو من اشيا منحطة متلو؟

مو هون المشكلة .. المشكلة انو وافق هوا و اهلو و صاروا يقولولها لآزم تصبري الموضوع ما بصير هيك بكل سهولة

انا لو محلو بتف فخلقتها شو هــآآد؟

انا صحيح بحضرو بس بالاسبوع حلقة يمكن لانو بجد تفاهة صاير و بدور بنفس الموضوع كل شوي نور بتزعل بتحمل شنطتها و بقعدوا سنة ليتراضوا

بالنسبة لسنوات الضياع انا ما شفت فيه هالتفاهة الي بنور لسة ارحم شوي

بس برضو الضجة الي صارت بسبب هالمسلسلات سخيييفة و بجد ما الها داعي

بس جديد علي خبر انو في منتجات باساميهم و في حالات انتحار

يسلمو كتير الحانو ع الطرح سوري لاني طولت بالرد

تقبلي مروري

نــأأطرين جديدكـ
:|!!

والله يا حبيبتي ما بستغرب !!

عنجد ناس ما عندها حيا ولا زوء

لعلمك عنجد صارو يفضلو هاد الساقط ع كل الشخصيات الاسلامية ! و العربية!

والجرايد بطل الها قصة غير نور و سنوات الضياع ,,

برضو سنوات الضياع "زفت"

بيكفي انه في مجاهرة ابلفواحش

و وحدة بتحمل من الحرام ! و فووق هيك اخوها بيسألها كيف البيبي

لا حول ولا قوة الا بالله ,,


انتي بس لو تشوفي كل المنتجات صارت باساميهم !

بس مش منتشرة هون بالامارات منتشرة ببلاد الشام اكتر شي !

بلايز و قمصان عليها صورهم

و شبي و عصير و علكة

و صارو يحطو صورهم ع الشنط

و ع محلات الحلاقة صور مهند

و كل اشي صار مهند و نور !!

الله يصلح الاحوال

منورة حبوبتي :)

[الحان الحرية]

يسلموا كتيير على هالموضوع...

بس انا الي محيرنا السبب الي ورا هالاعجاب الي غير شكل بهالمسلسل...
ازا من جمال مهند.. فمبين من اول المسلسل ..الاخ مجوز بالحرام ..يعني زاني..وغير هيك جميعهم بسكروا..وهاد الي مبين بالادوار الي بعملها ..وما خفي كان اعظم...
يعني أد ما يكون حلو ..هاي اسباب..حسب رايي..بتكفي انو تخلينا مشمئزة منو
ومن كل الممثلين معاه..
والي تاعبني اكتر هوس الاطفال فيه زي ما حكيتي..وهالقيم الي بربيهم عليه
لأوالا حلى الاستفسارات الغير شكل على كل شي..ومستعدين يحضروا كل اعادة..اه وبسمعوا الادوار كمان
فلي بفهم ما بكون عندوه استعداد يحضروا ويضيع وئتو..يفوت عالمنتدىمع هالناس الطيبة احسنلو ..ولا لأ؟؟!
خلص بكفي..مع اني مدايئةكتيير من هالمسلسل..وصحلي افضفض اشوي..
يسلموا يا عسل...
اكيد معك حق,,

أصلاً هالاسباب كافية انه تتقززي من الممثلين هدول و ما تشوفيهم !

و انتي بتحكي انه مهند زاني بس يا ريته بس زاني لأ كمان طلع "شاذ"

يعني مجرد ما تسمعي الكلمة بتكرهيه قد ما كان وسيم او حلو ع رأيهم ,,

بس قلة عقولهم صارت تخليهم يفضلو مهند ع كل اشي

حتى ع العلماء و الادباء

لدرجة بيفضلوه اكتر من دينهم صارو !

و اي حدا بيحكي انا ما بتفرج ع هالمسلسل او حرام تشوفو هالمسلسل بتبدأ الانتقادات تنزل عليه !

و ما بيخلص من حكيهم !!

الله بيعين

منورة يا اخت اياد ^.*

[Maram .. ~]

معك حق حبيبتي الحان..

المفروض انو هيك مسلسلات ما تنعرض ع قنوات عربية..

وانا بصراحة بشوف منو حلقة اه وحلقة لا..

يعني لا بتابعوا ولا مهتما فيه..

بس مرات بحس انو قصة سنوات الضياع أحسن من نور ..

يعني بنور كل القصة انو مهند و نور تخانقوا و بعدين تصالحوا

و بعدين دانة و انور تخانقو و بعدبن رجعوا تصالحوا

و مرة تانية نور و مهند تخانقوا و رجعوا تصالحوا

و بانا و كامل تخانقوا و لسه ما تصالحوا..

يعني كلوا سخافة و هبل..

مش عارفة الناس عشوا عاجبهم هاد المسلسل..

لا حول ولا قوة الا بالله!

..

الله يعطيكي العافية حبيبتي الحان..

شكرا كتير..

[light]

و الله معاكو حق مية من مية و انا بتمنى مسلسل نور يخلص ولا يجي واحد متله بس كل اللي بحكيلهم بحكولي حتى لو خلص حيجي واحد اقوى منه ... سبب مسلسل نور مشاكل اسرية كبيرة احنا منشوف المسلسل حلو و حب و غرام بس هالمسلسل اللي احنا شايفينه حلو هوة سبب دمار كتير من الاسر و ضياع اولاد متل الورد بين رجلين الطلاق و المحاكم و هوة سبب كتير خلافات بالدنيا مش بس بالعائلة
انا بعرف واحد من الشباب و الله اتصل علي حكالي محمد بدي اشوفك !!!
قتله خير انشالله قلي لا خير بس بدي شوفك قتله طيب
شفته قلي محمد سمية ..((حبيبته اسمها سمية)) قتله خير شو مالها قلي محمد من بعد ما صارت تطلع على مسلسل نور تغيرت كتير عني و صار بيني و بينها مشاكل لحد ما قلتلي اصبغ شعرك و اعمل لحيتك متل لحية مهند .. و الشب مو بس كحبيبته هاي خطيبته يعني المسالة مو هينة قلي محمد ما كان احسن منها قتله و الله بعرف لانه دايما كان بحكيلي عنها و انا شخصيا لاول مرة اشوفه ببكي و الله انه كان يوقف بمواقف متل الجبل قدام الريح بس عنجد الله يكون بعوني و بعونه و بعون كل حد بتفرج على هالمسلسل



بس الله يعين

[roro-only]

انا برايي شو رأيكم نبكي على حالنا احسن صحيح العرب تافهين ..

وشو نور بتعرفو انو ا لحمد الله اني ما بحبو وما بحضرو الا نادرا

[a7la sereen]

يعني موضوعك بيحكي اشياء كتير

يمكن ما رح اقدر اضيف شي كتير

بس يعني عنجد وين الفكرة والهدف وين العبرة الي في المسلسل

حتي المسلسل مش منطقي شو هدا ياه

الكل منجن ع مسلسل نور ع الساعه 10 المسا ما بتلاقي حد بوسط البلد
الك رح ع بيتو يحضر مسلسل نور
ع الساعه 10 المسا ما بتلاقي ولا حد بالعرس لانو الكل راح يحضر مسلسل نور

الشباب والصبايا الختياريا و العجايز والاطفال كلو بيحضر نور

اي والله متحيرة شو بيفهم الولد الي عمرو 10 سنين من الحكي الي بينحكى بالمسلسل

حرام هذا الاشي

لا حول ولا قوة الا بالله العلي العظيم الله يهدي الجميع يا رب

[.:(خالد):.]

لا تعليق

لن ينفع الا قطع رقاب هؤلاء

[.:.زيتونة فلسطين.:.]

انا معك في كل شي واصلا العرب لازم ما يشرفهم انهم يشوفو هيك مسلسلات

[الحان الحرية]

معك حق حبيبتي الحان..

المفروض انو هيك مسلسلات ما تنعرض ع قنوات عربية..

وانا بصراحة بشوف منو حلقة اه وحلقة لا..

يعني لا بتابعوا ولا مهتما فيه..

بس مرات بحس انو قصة سنوات الضياع أحسن من نور ..

يعني بنور كل القصة انو مهند و نور تخانقوا و بعدين تصالحوا

و بعدين دانة و انور تخانقو و بعدبن رجعوا تصالحوا

و مرة تانية نور و مهند تخانقوا و رجعوا تصالحوا

و بانا و كامل تخانقوا و لسه ما تصالحوا..

يعني كلوا سخافة و هبل..

مش عارفة الناس عشوا عاجبهم هاد المسلسل..

لا حول ولا قوة الا بالله!

..

الله يعطيكي العافية حبيبتي الحان..

شكرا كتير..
هما التنين ادنى من بعض ^^

و التنين معاصي

بس برضو متل ما حكيتي بيتخانقو و بيتصالحو

كأنه لعبة بيت بيوت ^^

عنجد أطفال

و قصة جداً سخيفة

منورة مرمورة

:)

[الحان الحرية]

و الله معاكو حق مية من مية و انا بتمنى مسلسل نور يخلص ولا يجي واحد متله بس كل اللي بحكيلهم بحكولي حتى لو خلص حيجي واحد اقوى منه ... سبب مسلسل نور مشاكل اسرية كبيرة احنا منشوف المسلسل حلو و حب و غرام بس هالمسلسل اللي احنا شايفينه حلو هوة سبب دمار كتير من الاسر و ضياع اولاد متل الورد بين رجلين الطلاق و المحاكم و هوة سبب كتير خلافات بالدنيا مش بس بالعائلة
انا بعرف واحد من الشباب و الله اتصل علي حكالي محمد بدي اشوفك !!!
قتله خير انشالله قلي لا خير بس بدي شوفك قتله طيب
شفته قلي محمد سمية ..((حبيبته اسمها سمية)) قتله خير شو مالها قلي محمد من بعد ما صارت تطلع على مسلسل نور تغيرت كتير عني و صار بيني و بينها مشاكل لحد ما قلتلي اصبغ شعرك و اعمل لحيتك متل لحية مهند .. و الشب مو بس كحبيبته هاي خطيبته يعني المسالة مو هينة قلي محمد ما كان احسن منها قتله و الله بعرف لانه دايما كان بحكيلي عنها و انا شخصيا لاول مرة اشوفه ببكي و الله انه كان يوقف بمواقف متل الجبل قدام الريح بس عنجد الله يكون بعوني و بعونه و بعون كل حد بتفرج على هالمسلسل



بس الله يعين
فعلاً زي ما حكيت ,,

اذا خلي راح يجيبو واحد ينهبلو الناس عليه اكتر !

أو ممكن مش لهلدرجة بس اللهـ أعلم ,,


و عنجد هالاخبار اللي بنسمعها من حالات طلاق , عراك , و انتحار

يمكن احنا بنشوفها من نظرة فكاهه و بنقعد نضحك عليهم

بس هما اكيد مش شايفينها من هالنظرة

و في ناس اتفرقو

و اكيد يلي بنتحر راح يفتقدوه الناس يلي بحبوه

او حتى بمجرد التفكير فيه راح يكون خسر دنيته و آخرته

يعني الموضوع صار جدّي

مش لعب ولا مزحة !!

منور اخي

[الحان الحرية]

انا برايي شو رأيكم نبكي على حالنا احسن صحيح العرب تافهين ..

وشو نور بتعرفو انو ا لحمد الله اني ما بحبو وما بحضرو الا نادرا
عنجد !!

يلي بيحضروه يبكو ع حالهم !!

ضيعو كل وقتهم بالهوا

لأ و في ناس بيحضروه مرة و تنين و تلاته و لازم يحضرو الاعادة

و بسجلوه كمان !!


منورة :)

[الحان الحرية]

يعني موضوعك بيحكي اشياء كتير

يمكن ما رح اقدر اضيف شي كتير

بس يعني عنجد وين الفكرة والهدف وين العبرة الي في المسلسل

حتي المسلسل مش منطقي شو هدا ياه

الكل منجن ع مسلسل نور ع الساعه 10 المسا ما بتلاقي حد بوسط البلد
الك رح ع بيتو يحضر مسلسل نور
ع الساعه 10 المسا ما بتلاقي ولا حد بالعرس لانو الكل راح يحضر مسلسل نور

الشباب والصبايا الختياريا و العجايز والاطفال كلو بيحضر نور

اي والله متحيرة شو بيفهم الولد الي عمرو 10 سنين من الحكي الي بينحكى بالمسلسل

حرام هذا الاشي

لا حول ولا قوة الا بالله العلي العظيم الله يهدي الجميع يا رب
معك حق

هاد يلي صاير ,,

بس الولد اللي عمرو 10 سنين مقبل ع فترة مراهقة

و يسمع الحكي اللي بينحكى و يشوف المشاهد الهابطة هاي

اكيد الشي راح يضرو !!

و هو الاطفال ما انجذبو للمسلسل من فراغ ,,

انجذبوله لأنه اهلهم منجنين ع المسلسل أكيد صار عندهم نوع من الفضول .,, أو يمكن تقليد لأهلهم !!

الله بيعين

منورة يا بطهـ :)

[الحان الحرية]

لا تعليق

لن ينفع الا قطع رقاب هؤلاء
هههه

عجبني تعليقك أخي ,,

بس لو قطعو رقابهم شوف شو راح يصير :-

1- "مئــــــات" الفتيات العربيات راح ينتحرو عشان فااارس الاحلام "مهند"

2- اللي قتلهم راح يروح بستين الف نيلة ,,

و عائلته ورااه


طبعاً العرب ما راح يستحمله النجم الاعظم مهند ينقتل !!

أكيد راح ينقلب العالم العربي و راح يقوم و ما يقعد !!

لأنه مهند و نور صارو اغلى من ارواحهم


منور خيو ^^

[الحان الحرية]

انا معك في كل شي واصلا العرب لازم ما يشرفهم انهم يشوفو هيك مسلسلات
أكيد!!

بس للأسف بطل حدا يهمهـ

منورة زيتونة :)

[لوليتا*]

امممم
والله ياالحان كلامك كلو صحيح ع العين والراس
وماحكيتى شى غلط
بالفعل الناس كتيير انهبلت ع المسلسلين هدوله
والسبب كان الفراغ العاطفى والثقافى الى احنا بنعيشو ومازلنا نعيشو :(
هالمسلسلين دمرووونا دمرو العرب خلوهم يفكرو باشياء تافهه فاضيه مالها معنى لا عنا ولا عند غيرنا
اى حتى تركيا الى انتجت هالمسلسلين اى والله ما متمسكين فى اد العرب ماهم موتين حالهم عليه:(
مابدى احكى الا الله يشفيهم بعئلهم
وانهم ينتبهو منيح لحالهم ويعودو لصوابهم لانو هالمسلسلات ماراح تجيب الا خربان للديار زى ماحكت اختى الحانو
وان شاء الله خير والله يهديهم ان شاء الله :)
يسلموو ياطنجرة ع الموضوع الحلو
تحيااااااااتى لالك
لوليتـــــــــــــــــــــــــــــا *

[الحان الحرية]

امممم
والله ياالحان كلامك كلو صحيح ع العين والراس
وماحكيتى شى غلط
بالفعل الناس كتيير انهبلت ع المسلسلين هدوله
والسبب كان الفراغ العاطفى والثقافى الى احنا بنعيشو ومازلنا نعيشو :(
هالمسلسلين دمرووونا دمرو العرب خلوهم يفكرو باشياء تافهه فاضيه مالها معنى لا عنا ولا عند غيرنا
اى حتى تركيا الى انتجت هالمسلسلين اى والله ما متمسكين فى اد العرب ماهم موتين حالهم عليه:(
مابدى احكى الا الله يشفيهم بعئلهم
وانهم ينتبهو منيح لحالهم ويعودو لصوابهم لانو هالمسلسلات ماراح تجيب الا خربان للديار زى ماحكت اختى الحانو
وان شاء الله خير والله يهديهم ان شاء الله :)
يسلموو ياطنجرة ع الموضوع الحلو
تحيااااااااتى لالك
لوليتـــــــــــــــــــــــــــــا *
آمين يا رب

اللهـ يسلمك حبيبتي

منورهـ :)