هذه شموعي فهلا انرتموها؟! >(2) >>لولو اليبناوية<<

[حنان16]

السلام عليكم ورحمة الله وبركاته،،




كل منا يا خيرين له قصة في منتديات شباب فلسطين



يستسقي منها مشاعر متعددة



ضحك ولعب



تناقش واستفاد



عاش لحظات لا تنتسى



لياتي هذا الموضوع المتواضع من فتاة منكم ومعكم




فيخط كل منا اقصوصته ولما لا قصته في هذا المنتدى العريق




في كل مرة سنضع شخصا ها هنا




ونسلمه هذه الصفحات




ليبدع بذكرياته




مشاعره و قصته




كل ما مر به




سيئا كان او جميلا





كانت البداية من هــــنــــــا (http://shabab.ps/vb/showthread.php?t=73822) مع الاخ الغالي القــلــب الــطـــيــــب




ويشرفني ان تكون معنا اليوم شخصية رسمت تالقها


على جزيرتنا ..



لنسلمها هذه الصفحات المتواضعة



تبدع فيها بمسيرتها في منتديات شباب فلسطين




ومن بعد الانتهاء تسلمنا المفتاح



وتتركنا نرتشف نفحات الابداع







اليك شموع صفحاتي


اختي الكريمة


!ـ!ـ! لولو اليبناوية !ـ!ـ!


فهلا انرتيها






http://files.shabab.ps/vb/images_cash/up6/080722174333ssVq.jpg





؟














ملحوظات >> في حالة لم يقبل الضيف استضافتنا لاي سبب كان فليدلي بذلك لنختار شخصية اخرى ،،

>> حق الكتابة في هذه الصفحات متاح للضيف فقط فنرجو الالتزام ،،











كل الود والاحترام





:s (43)::s (43):


















.

[الدكتور امير]

هم م م م م

فكرة كتير حلوة

[حنان16]

شكرا اخي

بانتظار لولو


..

[حنان16]

زمان عنك يا لولو

الموضوع مات

ورجعنا نحييه وانت ما الك اثر

..

^^

[آية بنت فلسطين]

ليه نايم الموضوع

حلو كتير
يلا لولو تعالي

[بقـ..ــايـ..ـا إنسـ..ـانـ]

بدكم الصراحة مو فاهم الطبخة ^^

[الحلوة]

بدكم الصراحة مو فاهم الطبخة ^^

ههههههههههههههههه اقرا الموضوع تاني بتفهم الطبخه..


الموضوع كتير حلو وفكرتو روعه.. يعطيكي الف عافيه حنان..

بانتظار لولو..

[أسيرة الجراح]

بدكم الصراحة مو فاهم الطبخة ^^




خخخخخخخخخخخخخ
وانا كمان موكتير :wacko:

يلا بنستنى لولو ...
بلكي فهمنا .... :showoff::showoff::showoff:

[حنان16]

طيب طيب

اللي ما فهم الموضوع

ممكن يشوف اول خطوة واللي ادرجتها في الموضوع

وممكن اكرر الرابط


http://shabab.ps/vb/showthread.php?t=73822


واذا ما فهمتوا ممكن اكرر الشرح بكل سرور

^^


تسلموا


..

[لولو اليبناوية]

انا اسفة يا جماعة.........عالتأخير

اوك رح ابدا احكي....

ممممم بتزكر بنت الرملة اختي اجت فترة في 2006 كأنو ما بعرف تاريخ تسجيلها بالزبط كم

بس بهاي الفترة كانت ميمي تقعد عالكمبوتر وتطول واحيانا الاقيها متل المجنونة بتضحك...

احكيلها شو مالك عشو بتضحكي تحكيلي ولا شي...

كنا بالجامعة بالبريك تقعد ميمي عالاب واقعد انا زي الغلابة جمبها القها شو هاد...

تكون فاتحة منتدى الالعاب تلعب تحكيلي شوي انو لعبة هيك هيك

شوي عشوي سجلتني انا بنت عمتي حنوو اليبناوية

طبعا كنا عند بعض قالتلي شو بدك يكون اسمك قلتلها لولو

بعدين قلتلها لولو اليبناوية....:icon11:

بعدين سرت افوت زي المصربعة احس حالي نفسي افوت المواضيع كلها..

كانت تعجبني شغلة انو اقابل بنات المنتدى وجها لوجه...

شي حلو احيانا بتلاقي اختلاف كلي عن شخصياتهم بالحقيقة واحيانا نفس ما بتتخيلي...

انا بتزكر شفت قمر الخليل.....كانت متل ما كنت اتخيل...

وطبعا احلى شي مرة شفت فراشة وتوين والاماني...بمركز تجاري عنا

طبعا همي عالماسن فرجوني صورهم.....واتزكرت وجوهم انا اني كنت اشوفهم بمدرستي

كنت انا بتوجيهي وهمي بأول ثانوي...وبعديها شفتهم بالمركز التجاري...

كان لقاء صح مدتو زغيرة بس كتير حلو....بعديها همي اجو لعندي بالبيت

وانا اجيت عندهم ..بعدين سافرو عغزة :(

ممممممم ههههههههههههههههههههه

احلى شي علاقتي مع نانا.....

دموع الرحيل....مرة كانت الساعة 3 بالليل....

رحت لقيت رسالة خاصة من دموع الرحيل :icon6:

مين هاي البني ادمة ؟ انا ما بعرفها كنت طبعا...وهيي كانت ياويلي بنت غلبانة

وتوقيعها عقدها..صورة انمي بتبكي....ومكتوب بخط معفن دموع الرحيل :icon11:

هههههههههههههههه وهيك مبينة بنت منكوبة...

الاسم دموع الرحيل والبنت بتبكي والوضع مؤزي نفسيا هههههههههههههههههه

لا بمزح نانوش بس كنت احسها بنت حزينة يعني..

المهم احنا وقتها كنا غلابة ببعض بتقلي برقة هيك :icon11:

انو انا حابة اتعرف عليكي ومش عارفة شو...رح قلتلها والله انا نفسي يجي حد يتعرف علي

وانتي اسعدتيني انك بدك تتعرفي علي

مش بقلكم غلابة ببعض :icon11: ههههههههههههههههه

وبعديها اتعرفت علي سرنا نحكي...وكمان اتعرفت على ميمي

بتزكر كمان مييين جيجي وفيفي طبعا كنت احسهم بنات قويات

بس طلعو بنات حلال يعني :icon11:

طبعا انا بنت مكيودة....كنت احب كتير اكايد البنات واتمشكل خخخخخخخخخخخ

نا هيك بطبعي بحب المشاكل....

طبعا كنت احب المقاتلات احس حالي جوا فلم اكشن....



من بعديها طبعا احلى شي عملتو بهاد المنتدى

شخصية ملطوش بمخو الي عملتها بالمنتدى....انا حكيت عنها كتير

بس في هلأ ما بعرفوه...رح احكي عنو شوي...

اول شي خطر ببالي اني اعمل شي مجنون بالمنتدى...

اطلع طاقاتي المكنونة جواتي هههههه :icon11::icon11:

رحت قلت الشخصية الي الجنون بكون فيها ما الو حدود الشب اكتر من البنت...

ولما يكون شب مهوي ومخو عليه السلام...الوضع بكون اووفر :showoff:

على اسم ملطوش بمخو ....على مواصفاتو كرشو كبير واشقراني وقصير

بتكمللللللللللللللل :icon11::icon11:

طبعا كنت اوفت من هون وامووت ضحك من هون....

اسطلت على البنات واتقاتل معهم....طبعا اكتر بنت ازيتها نفسيا

جيجي لامارا...رجل اعمال نانسي عجرم خخخخخخ

طبعا لما اجي االف قصصو لملطوش ياسلااام كتير استرسل واستمتع...

واسير افكر بالكزابين...عنجد بعيشو حياتهم بالكزب...بطلعو كل الي نفسهم في

ما بخلو شي بنفسهم ههههههههههههه

طبعا االف قصص خيالية يكون بطلها ملطوش بخو الوالد الله يسهل عليه...

والصراع في القصة يكون ظربني وظربتو...هههههههه

طبعا لطفي الياسيني يكون شخصية فرعية بتحرك الاحداث احيانا :showoff:

ههههههههههههههههههههههههههههههههههه هههههههههههههههههههه



************************** الي عوودة :s (43):

[لولو اليبناوية]

انا اسفة حنان 16

بعرف بدك اتموتيني بس عنجد انشغلت

رح اكمل.........

طبعا احلى ذكرياتي كانت بعضويتي ( ملطوش بمخو )

صح يمكن الكل بشوف اني بتهبل وهيك....بس ما بعرف

في شي جديد تكون فيي او عشتو انا لحظتها....

حسيت حالي فتت في عالم تاني واغرقت فيه....

بتزكر اول واحد كان صاحبو لملطوش بمخو sms الطيوب

كان حضورو مميز كتير.....طبعا اكتر واحد كان ينعل من ملطوش بمخو هوي ابو النور

مع انو ما عمرو حكا شي او تقاتل معو بس انا كنت احس كتيير انو بكرهو كره العما...

احلى شي مرة كان ابو النور بوقت دراسة توجهي...

ففت بعضوية ملطوش وحطيتلو اغنية مستفزة كلمتها احم احم :

يا بنجح يا برسب واتقلي امي اخص عليك فظحتنا يا هامل شف عبدو هيو جاب قديش

هيي اغنية كتير نورية لايقة على اجواء ملطوش بخو

طبعا الواحد بتوجيهي خلقة بتكون نفسيتو صعبة فانا استفزيتو لابو النور منيح يا ويلي ^^

................................... ..

حنان 16 : كنت احس في شي بميزها وطيوبة وبنفس الوقت قوية....

بس بحس فيها غموض نفسي اعرفها اكتر^^

مممممممممم بشكل عام كنت كتير اقضي وقتي عالمنتدى زيادة عن اللزوم

بس كان الو جوو الخاص....

مع مرور الوقت كل شي بتغير...

................................... .......

طبعا احلى شي كمان اعرفتو بهالمنتدى هوي ( ابو العيد )

الرجل المحبوب....والي بالمنتدى اعرفتو وحبيتو اكتر....

في كتير اشياء اتضحتلي من المنتدى ما كنت اعرفها من الناحية السياسية



بنتمنى نشوفك دايما

[لولو اليبناوية]

ممم بتزكر كمان فرح الجربانة http://www.shabab.ps/vb/images/ehdaa_smilies/Farah.gif

هاي قلبت المنتدى رأسا على عقب ....^^

بتزكر المشاكل والمخانقات الي كنا نعملها احلى شييي

خصوصا في المنبر الحر او النقاشات الجادة...

يعني اسير اتمنى لو نعطي بكسات او شلاليت للاعضاء الي ما بعجبونا

طبعا احلى نهفات الاسامي الغريبة الي بتفوت المنتدى فجأة مشان غرض معين

ونسير انطارد وراهم هههههههههههههههههه

اااكشن اووفر

هاد وقت لما كنا مشرفين........

طبعا احلى شي لما كنت مشرفة بكون قدوووة المجتمع

مسال الفتاة المهزبة والمسالية التي يهز جمال روحها ارواح الفتيات الاخريات

هههههههههههههههههههههههههههههههههه

بس لما سرت عضوة عادية خالف تعرف ...دور على حل شعرك

والله المستعاان :showoff::showoff:


....:s (43):

[لولو اليبناوية]

طبعا احلى زكرى بجد لما العضوة هلوون اعرفناها

واتفقنا انو هيي تيجي لعنا بالبيت

واجت من دبي للعين قعدت عنا وانبسطنا كتير

بعدين طلعنا مع بعض عالمول كنا 5

هلونة ولولو وبنت الرملة وبسكوتة وحنوو

حبوبة كتير وطيوبة هلووونة متل نانوش كمان

بس نانا بلبنان كنت اتمنى اني اشوفها يوم....

جيجي وفيفي كنت كتير احلم اشوفهم لما انزل غزة....

بس للاسف اخر مة نزلتها 1998

طبعا في كتير بنات هون صحبتهم ما بتتعوض....

بس للاسف المسافات الها تأسير كبير عالعلاقات..

ما بدي اقلبها فلم هندي...^^

..............................

وووو بس

يسلمو الك كتير حنان 16...

وانتي كمان مش سايرة تدخلي كتير

[حنان16]

السلام عليكم ورحمة الله وبركاته،،


ايه زمان على هالموضوع

فعلا لولو مابادخل كثير

اشغال الدنيا :)

عموما نورتي الموضوع

وشكرا الك كثير عالكلام اللي حكيتيه عني

هيدا من ذوقك

تسلمي

..

[حنان16]

ونواصل ايها الاحبة

من شخصية الى اخرى

من قصة الى اخرى

نحلق في دنيا الابداع والجمال

فانتظروا المزيد


،،،


/حنــــانــ /