لماذا يبحث الرجل عن امرأة ثانية ؟؟؟؟؟

[الدكتور امير]

البيوت أسرار"
مثل عربي كثيراً ما نستمع إلى الناس وهم يتحدثون به
لكن فجأة نسمع أن الأسرار لم تعد في البيوت
والبيوت لم يعد لها أسرارها. حقيقة سرعان ما تتكشف، وما كان مستوراً، أصبح الآن في العلن.

والكل بات يعرف تفاصيل الأمر، الأب يبحث عن زوجة جديدة، ربما تحمل رقم 2 أو 3 وأحياناً 4

والكثير من الرجال يسوّغون سعيهم هذا بأن الشرع أجاز لهم ذلك

ونجدهم يحفظون الآية القرآنية (فَانكِحُوا مَا طَابَ لَكُم مِّنَ النِّسَاءِِ مَثْنَى وَثُلاثَ وَرُبَاعَ) عن ظهر قلب

بينما يتجاهلون الجزء الآخر من قوله تعالى :(فَإِنْ خِفْتُمْ أَلاَّ تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُوا)
وفي أحيان أخرى يقول الرجل بكل بساطة:
"أنا غير مرتاح نفسياً مع زوجتي، وأريد أن أقضي بقية عمري مرتاحاً. أما ثالث فيرى أنه من حقه الاستمتاع

مع أكثر من زوجة. فتتعدد الأسباب عند الرجال تلك التي تدفعهم نحو تعدد الزوجات.

فما رايكم بموضوع تعدد الزوجات في هذه الايام؟

و قد كتبت الموضوع لانني رأيت اغلب البنات يكرهن تعدد الزوجات بشدة و مستعدات لتدمير العالم لاجله

[Arabian girl]

بالنسبة الي : هلايام الرجال صارو يتزوجو اكتر من وحدة فقط للاستمتاع
بينما الله احل تعدد الزجات لمصلحة المجتمع يعني مثلا باوقات الحروب عدد النساء بزيد عن عدد الرجال فبيكترو البنات العازبات وتعدد الزوجات بقلل من هالمشكلة
ومتال تاني وحدة عندها ظروف محددة وعازبة ممكن يتزجها رجل متزوج لاصلاح حالها
ومثال كبير الرسول (صلى الله عليه وسلم )
تزوج اكثر من امراة ولكن كل واحدة تزوجها لسبب محدد ولمصلحة الدين ومصلحتها

هادا اللي عندي
مشكور دكتور ع الموضوع المميز

[الدكتور امير]

اكيد يا عربية حديثك على العين و الراس

[مؤيد]

برأيي الآن بطل الرجل يبحث عن زوجة أخرى ....

بل يبحث عن صديقات ، طبعاً هيك أسهل عليه كتير ، لإنو ما بقدم مهر ولا شي ، وكمان ما بينفضح قدام الناس انو تزوج تانية ....

كمان برأيي اليوم للأسف صار النساء يبحثوا عن أكثر من رجل ، وبخونو ازواجهم وبصاحبو رجال تانيين خاصة النساء اللي في جو مختلط متل العمل والجامعات ، النساء ببدعوا صاروا وبعجبو اكتر من الرجال للأسف ، وانا بشوف هالشي بعيني بما اني بشتغل بشركة ...

يسلمو د.أمير ...

[Arabian girl]

برأيي الآن بطل الرجل يبحث عن زوجة أخرى ....

بل يبحث عن صديقات ، طبعاً هيك أسهل عليه كتير ، لإنو ما بقدم مهر ولا شي ، وكمان ما بينفضح قدام الناس انو تزوج تانية ....

كمان برأيي اليوم للأسف صار النساء يبحثوا عن أكثر من رجل ، وبخونو ازواجهم وبصاحبو رجال تانيين خاصة النساء اللي في جو مختلط متل العمل والجامعات ، النساء ببدعوا صاروا وبعجبو اكتر من الرجال للأسف ، وانا بشوف هالشي بعيني بما اني بشتغل بشركة ...

يسلمو د.أمير ...

هو الصراحة معك حق
بس الصداقات مو حل
لانو هادي الصداقات بتخر المجتمع وبتحطم اشخاص

[&نسيم الروح&]

انا من راي عربيه لانه الرجل ما عاد متل زمان يتزوج لاسباب حكاله الشرع فيها بتقدر تتزوج

متل الاولاد او الزوجه مريضه او الاسباب التانيه متل الكوارت من حروب وغيرها

انا عن نفسي ما برفضه للاسباب الشرعه اما ازا زوجي اجى قلي بدي اتزوج ما بخلي بالمره او بخيره بيني وبينها

وبصراحه اي وحده حتى لو زوجها تزوج لاسباب شرعيه رح تتقطع لما يتزوج وتموت الف مره كل يوم لانه الها ضره

انا عن نفسي ما بقدر اتقبل انه تيجي وحده تشاركني باعز شي عندي وهو زوجي

[ريمة]

[bصراحة مش دايما الرجل معو الحئ انو يتزوج ع مرتو يعني في رجال بتكون عيونهم فاضية ومش عاجباهم مرة وحدة مع انو هي ممكن تكون شايلاه على كفوف الراحة وفي رجال بشوفو انو فلوسهم كتييرة وحابيين يصرفوها وبروحو يتزوجو وحدة تانية وفي غيرهم كتيير...
والله اعلم بشو بفكروو هالرجال الله يسترنا منهم ههههه
شكرا الك ع الموضوع [/b]

[بنت صميل]

انا فكرة واحد يتزوج على مرته مابطيقه
او واحد يتزوج اكثر من وحدة معدومة من حياتي
لان في هاض الزمن مين الي هيقدر يعدل باكثر من وحدة
ولا الغلة الي احنا فيه الواحد بقدر يفتح بيت
يعني انا هضرب اكثر مثل مظلوم في تعدد الزوجات عمتي
زوجها متزوج عليها ثنتين
مع انو مرتاح معاها اكثير وبحبها اكثر وحدة بين نسوانة
بس مشكلته بحب العزوة اكثير
مع انو عنده منها 8 بنات ولد واحد وكان عندها ولد ثاني بس ابو دعسو بالغلط بالقلاب تبعو ومات
ومرته الثانية معاها ولد
والثالثة ما معاها ايش لانها متزوجها اجديد
وكل راتبه مابوصل 450 دينار هسه هاض الراتب بقدر الواحد يفتح 3 بيوت
والله احنا في البيت تبعنا 7 غير اخواني المتزوجين ويادوب يكفينا 750 دينار مصاريف اكل وشرب ولبس وبترول سيارة ومصاريف جامعتي وجامعت اخواني ومي وكهربة... ومع انو احنا ساكنين بيت ملك

[εïз ملآكـ εïз]

السلآم عليكم و الرحمهـ

كيفك خيوو ؟ ان شا الله بخير

انا برايي تعدد الزوجات مافي منو مشكلة الا ازا كان لضرورة يعني

و احسن شي يحاولوا رجال هالايام لمن يعددوا الزوجات يعملوا متل الرسول لسبب متلآ ارملة او مطلقة ليستروا عليهم و يوفرولهم بيت و هيكـ

بعدين انا ما بآمن بقصة بحبها كتييير بس تزوج عليها هاي ما بتنفع

و اكتر قصص الزواج هالايام انها ما بتخلف بروح بتزوج لانو بدو اولآد .. و الله ازا بحبها اظن بتقبل قضاء الله و قدرو ,, و كل شي بصير لسبب

و بالنسبة لكلآمك عن انو احنا بنكره هالشي اكيد بنكرهو .. في حد ما بدايق و بكتئب لمن يشوف حد بحبو و عشرة عمر بينهم و كانوا سوا بالايام الحلوة و المرة بلجا لغيرها و بتزوج عليها ؟

اصعب شي بالدنيا تشارك وحدة زوجها

و ما اظن حد عادل مع نسوانو هالايام

لوول هوا انا مو خبرة بس انا حطيت حالي بهالموقف و قلت يلي عندي ^_^

تسلم ايدك ع الطرح خيوو ما قصرت موضوع نايس

تقبل مروري

ناطرين جديدكـ

[*ريحانة القلب*]

يعني يعمل الحرام احسن ؟؟

صحيح انا متل اي بنت

ما برضاه ولا بقبل فيه

الا ازا كان في سبب مقنع جدا جدا

يعني واحد بقولك يا بصاحب بنات وبخون او بتزوج

وقتها بنقولو لا اتزوج .. والدين حلل لاسباب الكل بيعرفها


خارج هاي الاسباب ,, اكيد لأ




يسلمو دكتور



’ ’ ’

[الدكتور امير]

هو الصراحة معك حق
بس الصداقات مو حل
لانو هادي الصداقات بتخر المجتمع وبتحطم اشخاص

ممكن يا عربية بس انا بقول انو الصداقة حلوة

مو شرط تحطم الناس

[الدكتور امير]

انا من راي عربيه لانه الرجل ما عاد متل زمان يتزوج لاسباب حكاله الشرع فيها بتقدر تتزوج

متل الاولاد او الزوجه مريضه او الاسباب التانيه متل الكوارت من حروب وغيرها

انا عن نفسي ما برفضه للاسباب الشرعه اما ازا زوجي اجى قلي بدي اتزوج ما بخلي بالمره او بخيره بيني وبينها

وبصراحه اي وحده حتى لو زوجها تزوج لاسباب شرعيه رح تتقطع لما يتزوج وتموت الف مره كل يوم لانه الها ضره

انا عن نفسي ما بقدر اتقبل انه تيجي وحده تشاركني باعز شي عندي وهو زوجي

حلو كتير على عيني بس ما تنسي انو الشرع حلل

[الدكتور امير]

[bصراحة مش دايما الرجل معو الحئ انو يتزوج ع مرتو يعني في رجال بتكون عيونهم فاضية ومش عاجباهم مرة وحدة مع انو هي ممكن تكون شايلاه على كفوف الراحة وفي رجال بشوفو انو فلوسهم كتييرة وحابيين يصرفوها وبروحو يتزوجو وحدة تانية وفي غيرهم كتيير...
والله اعلم بشو بفكروو هالرجال الله يسترنا منهم ههههه
شكرا الك ع الموضوع [/b]

هههههههههه
حلو كتير يعني ما مئمنة للرجال متل المية في الغربال

يا جماعة الزلمة هاد حق مشروع لالو و ين المشكلة لو اتزوج 4 ؟

[الدكتور امير]

انا فكرة واحد يتزوج على مرته مابطيقه
او واحد يتزوج اكثر من وحدة معدومة من حياتي
لان في هاض الزمن مين الي هيقدر يعدل باكثر من وحدة
ولا الغلة الي احنا فيه الواحد بقدر يفتح بيت
يعني انا هضرب اكثر مثل مظلوم في تعدد الزوجات عمتي
زوجها متزوج عليها ثنتين
مع انو مرتاح معاها اكثير وبحبها اكثر وحدة بين نسوانة
بس مشكلته بحب العزوة اكثير
مع انو عنده منها 8 بنات ولد واحد وكان عندها ولد ثاني بس ابو دعسو بالغلط بالقلاب تبعو ومات
ومرته الثانية معاها ولد
والثالثة ما معاها ايش لانها متزوجها اجديد
وكل راتبه مابوصل 450 دينار هسه هاض الراتب بقدر الواحد يفتح 3 بيوت
والله احنا في البيت تبعنا 7 غير اخواني المتزوجين ويادوب يكفينا 750 دينار مصاريف اكل وشرب ولبس وبترول سيارة ومصاريف جامعتي وجامعت اخواني ومي وكهربة... ومع انو احنا ساكنين بيت ملك

ممكن بس طالما قادر على المصاريف وين المشكلة

انا شخصيا بشجع

[Arabian girl]

ممكن يا عربية بس انا بقول انو الصداقة حلوة

مو شرط تحطم الناس

بس يا دكتور هو بيحكي عن صداقات بين الجنسين
وهادا منافي للشريعة وبيعمل فتنة ومشاكل كتيرة بالمجتمع

[الدكتور امير]

صحيح يا عربية حديثك على عيني

و انا تمام متلك ما بشجع هاي الشغلات

[أنثـــى]

لأن امرأة واحدة لا تكفي..!

ولكنني أعتقد أنه ليس كل الرجال بهذه الطبيعة

فكل انسان حالة فريدة بذاته

فقد تجد من تكفيه امرأة واحدة فقط وقد تجدمن لا تكفيه عدة نساء

في هذا العصر أغلب حالات تعدد الزوجات تكون طلبا للمتعة والمتعة فقط

كان تعدد الزوجات في السابق حالة من حالات التكافل الإجتماعي والتعاطف

فعلى سبيل المثال:

امرأة مات عنها زوجها وترك لها عددا من الأطفال

يتزوجها رجل فقط لكي يحميها ويساعدها فيما تحتاجه من المال وتربية الأطفال ووو..

أما الان فهل نجد من يريد الزواج بأخرى ثانية أو ثالثة أو حتى رابعة

نفهل جده يتزوج بأرملة

بالطبع لا..!

تحيتي واحترامي

دمتم بود....

[الدكتور امير]

ممكن اختي

حديثك على العين و الراس

لكن ليس كل الرجال بنفس التفكير

[وردة الخريف]

الموضوع حلو

يمكن يكون احيانا الحق على المراة


بس غالبا بكون الحق على الرجل يعني زوجته مو منقصة علي شي بيجازها هو بانه بيجبلها مرا تانية

والله لو يصير معي هيك شي حتى انتحر



شكرا كتييييييييييير على موضوعك

[شظايا انثى]

اولا شكرا على الموضوع

انا من رائي ان الموضوع قناعه
يعني لو اقتنع الرجل بزوجه واحد لما فكرة بغيرها


والرجل بتاكيد يبحث في زوجته الاولى ما لا يجده في زوجته الثانيه والعكس وبالتاكيد لا يوجد زوجه كامله
والقناعه ليست في الاشياء الماديه او غيرها القناعه في نفس في التفكير في مستوى الثقافه حتى لو كانت الزوجه تحمل زوجها على كفوف الراحه اله انها بتاكيد تجد حدود تفكيرها لايخرج عن ( ماذا سوف اطبخ اليوم ) هنا بتاكيد سيبحث عن غيرها


وانا لا جد مشكله في تعدد الزوجات بشرط العدل وهو بتاكيد الشرط اللذي ينساه كل الرجال


تقبلو مروري

[شموخ الجراح]

انا بستغرب ليش يبحث عن الثانيه اذا كان تزوج الاولى عن قناعه وما بشوف فيها شي والمفروض الرجل يراعي شعور المره في هيك موضوع شو ما حصل


واذا فكر يتزوج لازم يناقش الموضوع من البدايه معها ووضح الاسباب
هاد راي

[الدكتور امير]

حلو كتير

كل الاحترام

كل شي ممكن