ظاهرة بمجتمعنا بدي أناقشكم فيها

[فلسطيني كح]

هلا بجميع أعضاء و (مؤنث أعضاء اللي مش عارف شو هوي) منتديات شباب فلسطين

اليوم بدي أنـاقشكم بظاهرة موجودة لدي الكثير من الناس

و هي عدم احترامهم للوقت أو لموعد محدد

يعني بتكون متفق مع الانسان على ساعة معينة بجيك على نفس الساعة بس اليوم اللي بعدي :b:

و خلينا نشوف آرائكم و حلولكم لهذه الظاهرة


تحيـــاتي

[Arabian girl]

الصراحة هادي الظاهرة ممكن تكون خطيرة ببعض الاوقات

بس بالنسبة الي الحمدلله دقيقة بمواعدي بالدقيقه ^^
مشكور ع طرح الموضوع

[السيف عدي]

عادي العرب هيك .. خليك كول ..

[أمير رفح]

هيا بس في مجتمعنا !!!!؟؟


على فكرة .. لو كان الموعد اللي متفق عليه فيه مصلحة .. بتلاقي الشخص جاي على المعاااد بالزبط ..

والشخص قد يتأخر اضطراريااا ... يعني مش في ايده ..

ونادر لما تلاقي ملتزم بالموعد المحدد بدون مصلحة ...

[فلسطيني كح]

صحيح كلامك أمير رفح

بس أنا من النوع اللي بحب يكون عند الشخص كلمة

يعني حكالي الساعة الفلانية...خلص لازم يلتزم فيها

حتى لو ما كان فيها مصلحة الوو

و تسلووو على الردود

[شذا الياسمين]

عنجد هي موجودة كتير بمجتمعنا
بس انا الحمد لله ملتزمة بمواعيدي بالثانية
يارب تقلدوني وتضبطو مواعيدكو
يسلمووووووو

[السيف عدي]

يسلمو شذا ع الموضوع كتير متميز .. الله يسعدك

[*ريحانة القلب*]

آية المنافق ثلاث : إذا وعد أخلــف !!



في ناس وفيين وفي ناس بتخلف الموعد



يعطيك العافية




’ ’

[&نسيم الروح&]

الحقيقه الصريحه انا كنت هيك لا ومو بس هيك احيانا كنت اعطي حد موعد اوصل عنده بعد ساعه

وبدت تخف تخف لحد ما سرت ما اتاخر دئيئه وحده حتى والسبب هو اني تجوزت بيج بين ههههههه اه والله زوجي متلا بحكيلي بكون عندك بعد 5 دئايئ بوصل عندي بعد 5 مو 4 ولا حتى 6

فهادي الي خلاني هيك

اما انه هادي الضاهر هي فعلا خطيره ومو موجوده لا بالمجتمعات العربيه بس بجد

لانه الوقت عند الغرب بالتانيه مو بالدئيئه والله بجد يعني العرب خصوصا المسلمين الي دينهم بنصهم على ضبط الوقت وعدم اخلافه همه الي بخالفوا والغرب ماشين عليه

هادي مصيبه بس مستحيييييييييييل تنلغى من عندهم لانه الي ما بيتاخر بسير يتاخر بعد ما يتاخروا عليه الناس

[MoHaDe]

هههه هادي موجودة كتيير عنا بالمجتمع
في ناس ممكن بتاخرو علشان بكون فوق راسو الف شغلة احكي هادا معذور بس في ناس بعرفش التاخير بدمهم
انا من ناحيتي اذا اعطيت موعد بجي بالزبط

يسلمو عزيزي عالموضوع

[فلسطيني كح]

صحيح كلامك يا محمد

بس أنا بحكي عن الناس اللي بتأخروا من غير سبب مقنع

هادي مصيبه بس مستحيييييييييييل تنلغى من عندهم لانه الي ما بيتاخر بسير يتاخر بعد ما يتاخروا عليه الناس

هههههههههه

على فكرة أنا من الناس اللي كنت بكون موعدي على الثانية لكن هسه لإن نص الناس اللي بتعامل معهم بتأخروا صرت زيهم

يسلمو شذا ع الموضوع كتير متميز .. الله يسعدك


أنا صاحب الموضوع...الله يسعدك حبيبي

و تسلموو على ردودكم

تحيــاتي

[Anonymous Gril]

هلا بجميع أعضاء و (مؤنث أعضاء اللي مش عارف شو هوي) منتديات شباب فلسطين

اليوم بدي أنـاقشكم بظاهرة موجودة لدي الكثير من الناس

و هي عدم احترامهم للوقت أو لموعد محدد

يعني بتكون متفق مع الانسان على ساعة معينة بجيك على نفس الساعة بس اليوم اللي بعدي

و خلينا نشوف آرائكم و حلولكم لهذه الظاهرة


تحيـــاتي



مؤنث أعضاء = عضوات..


بالنسبة للظاهرة التي تحب أن تناقشنا بها ألا وهي " عدم احترام الوقت " أو " عدم الالتزام بالمواعيد"


فهي ظاهرة خطيرة ومنتشرة عندنا بشكل كبير...و هي تدل على أنه هؤلاء غير متحضّرين..

والوقت مهم لدينا فعلينا حسبه بالثواني والدقائق والساعات ، فالوقت حياتنا..

لذلك علينا باحترام الوقت و الالتزام بالمواعيد ، وفي الحقيقة أنا أتضايق مِن مَن يخلفون مواعيدهم

لأنه ينتج عن ذلك خلل في نظامي اليومي..


و تفضّل أخي فلسطيني كح بمناقشتي ... (: