ما هي مواصفات فـــارس احلامك أو فتـــاه احلامك ؟

[السيف عدي]

لكل فتاة وشاب .. مواصفات لشريك العمر ..

وزوج او زوجة المستقبل ..

وتختلف باختلاف شخصيته ومجتمعة ..

دعونا نتأمل معكم .. ما هي مواصفات فارس أحلامك .. او فتــــــاه احلامك ..

الموصفات الشكلية .. الاخلاقية .. العلمية .. المادية .. والاجتماعية ..

:s (43)::s (43):

[blue-girl]

بدي ايه زي بابا

بس اهم شي ما يكون كزاب

و هاد صعب نلقي

[السيف عدي]

بدي ايه زي بابا

بس اهم شي ما يكون كزاب

و هاد صعب نلقي

تسلمي بلو ع المرور .. الله يسعدك ..

[Mira]

بالنسبه الي الشكل مامهم بس مايكون نحيف كتير

تكون اخلاقو منيحه واهم شي يكون حنون ومايكون بخيل

والعلميه يكون دارس جامعه طبعا

والماديات اااااااخر اهتماماتي

واهم اهم شي يكون بحبني

مشكوور
تقبل مــروري

[bEnOoO]

مممممممم

انا كمان زي البابا حبيبي و يكون طويل اهم اشي بالشكل ههههههه

[فراشة فلسطين]

انا اهم شي يكون بحبني وفاهمنى ويكون هوا شخصيه
والشكل بحب تكون عيونو واسعه وطويل وحتى لو ما كان هيك وبحبيتو عادي
ويكون دارس اكيد بالجامعه

[مجدلاوي فايع]

تكون ناعمة ونحيفة

وخلوقة

ومش قوية يعني اقلها اللبن اسود تقول اه

بكفي هدول

[Anonymous Gril]

مُوَاْصَفَـــاْتُ فَاْرِسْ أَحْلَاْمِيْ " الْمُسْتَحِيْلْ "...


الْمُوَاْصَفَــــاْتُ الْأَخْلَاْقِيَّةِ: إِنُّهُ يُكُوْنْ ذُوْ أَخْلَاقٍ حَمِيْدَةٍ ..

الْمُوَاْصَفَـــــاْتُ الْاجْتِمَاْعِيَّةِ: إِنُّهُ يَكُوْنْ عَصَبِيْ وَ يَسْتَطِيْعْ إِقْنَــاْعْ النَّــاْسِ وَ عِنْدَهُ طُوْلَةْ الْبَــاْلِ..

الْمُوَاْصَفَـــــاْتُ الْعِلْمِيَّةِ: أَنَّهُ يَكُوْنْ مُتَعَلِّمْ حَتَّىْ وإِنْ سَنَةْ أُوْلَىْ جَاْمِعَةٌ..

الْمُوَاءصَفَــــاْتُ الْمَــــاْدِيَّةِ: إِنَّهُ تُكُوْنْ مَيْسُوْرةٌ..

الْمثوَاْصَفَـــــاْتُ الْشِّكْلِيَّةِ: مَقُبُوءلُ الشَّكْلْ ....بس يكون أحلى مني..OK..لأ.. والله مش مهم يكون حلو..

[the ruby]

إحساس بقولي الموضوع رح يلتغي
سيف الموضوع متكرر
خخخخخخخخخخخ
طيب
أنا بحبوا يكون قاتل وبيعرف بالكونغ فو
وكمان يكون محترف بالهكرز
ولو كان مجرم و هربان من الشرطه منيحه

[تالا العسل]

مواصفاته

شخصية حلوه +دين

أخلاق ادب

اهم شى يكون بحترمنى

والحمد لله كل الصفات لقيتها وادعولنا الله يسعدنا فى حياتنا

[شذا الياسمين]

ممممم
اول شي يكون متدين ، خلوق ، حبوب ، طيوب،
يكون معاه شهادة جامعية ، ويكون بيشتغل
مو مهم شكلو بس المهم يكون اطول مني ومو سمين

[<<a7la banota>>]

شو مالكن كلكن متعقداات من الطوووول
ههههههههههههه
ترى عادي البنت الفلسطينية مشهورة بطولها والطول هيبة والقصر عيبة
غيرت الموضوع هلا كاتبه حيدبحني
ههههههههههههههههههههه

[limar]

صاحب اخلاء ودين بخاف الله

بالنسبة لشخصيتو بدي ياه فارس بلا جواد

[السيف عدي]

انا اهم شي عندي في الصبية تكون رقيقة .. ما بحب اللي بردحو هههههه ..

وتكون خجولة .. ما بطيق اللي عينها قوية .. وتكون قلبها ابيض وحنونة ..

ورومانسية .. وفرفوشة .. والشكل يكون مقبول ..

[حنان16]

بصراحة

..

لا تعليق


!!

[ABU-NOUR]

الى مكتوبة الي بتجيني ولو شو ماكان ^^

ليس كل ما يتمنى المرء يُدركُـهُ

خلوها ع البركة :D

[أحلى غزوية]

اممم انااا بدي اياااه طيب و حنون ... واخلااقو عااليه .... ومدين ... ونااجح بحيااتو ... وبيعرف يتعاامل مع الناااس .... وجنتل ... و الشكل مو اكتيير مهم بالنسبه الي المهم يكون شكلو مقبوول ... واممم بدي ايااه طويل ... واسمر قمحي ههههه... لو احكي من اليووم لبكره مش حخلص

[Dont Ask Why]

تكون حلوه

بتفهم ع الطاير

متعلمه ( اهم شي)

وبس

[اسلام]

فارس الاحلام الغير موجود

اكيد مش موجود واذا موجود بكون 1 بس ياميت يا على حفة قبروووووو

وطبعا فش انسان كامل ,,,,, لهيك رغم كل الايجابيات يلي نفسي تكون فيه الا انه مو مهم يكون عصبي ,,, او يكون غيور كتير ,,, او يكون حلو ابيض واشقر وعيون زرق بالمرة ما بحب هالاشخاص يعني حسن المنظر
المهم اسمعوا

مثل الرسول صلى الله عليه وسلم في

صدقه ( لقب الصادق الامين )

حلمه

طيبة قلبه

تواضعه اهم شي عندي توااااااااااضع




" كان رسول الله صلى الله عليه وسلم لا يضحك إلا تَبَسُّماً، وكنتَ إذا نظرتَ إليه قُلتَ أكحلالعينين وليس بأكحل "، حسن رواه الترمذي .


باتمنى يكون مثل عمر بن الخطاب في ( غيرته على دينه ,,, حكمه ,,, شجاعته ,,, قوته التي كان يهابها المشركين ,,,, )

مثل ابو بكر ( كثير الصدقات ( كريم يعني كمان ,,,,,) طيب القلب ,,,, حنون ,,,, ذكاء شديد ,,,)



علمه والله في ناس بكونو مش مخلصين جامعة او مش دارسين جامعة بس توجيهي وبكونو مثقفين اكتر من اهل الجامعة

يعني مو مهم الجامعة عندي المهم مثقف


العمل ( نجار ولا حداد ولا مهندس ولا مكنيكي ولا طبيب ولا تاجر ولا موظف ........... مو مهم المهم العمل مشروع وبيرضي ربنا )


وبالنهاية طبعا ما بدخن وبصلي وبيرضي امه وابوه مو مهم يكون شيخ المهم يتم الفروض لانو مش كل شيخ منيح في الدنيا

والبيت والمال ما بيعنوني المال بيروح وبيجي بس الانسان الي زي هيك ما بيجي اذا راح

يعني لو البيت كان غرفة وحمام ومطبخ ...... شو ماكان يكون المهم هو الشخص نفسه وطبعه

شو رايكم بالكم موجود هالشخص ما بعتقد ابدا في زمانا

هلا بتقولو تعيش عزابية احسلها


هههههههههههههههههههههه

[أحلى غزوية]

هههه انشاااء الله اتلااقيه لانك عنجد ابتستااهليه ياا اسلااااام ... وليش لا يمكن يكوون موجود ...

[اسلام]

والله الدنيا ماعاد فيها خير ياقلبي هيك لانها الحياة ونادرا نادرا ماتلاقي واحد فيه نص هالمواصفات والله لو كان اعرج او مقعد وفيه هالمواصفات غير عندي من واحد صحيح وما فيه هيك مواصفات


بس ان شاء الله بالجنة يااختي الدنيا فانية والجنة باقية وفي الجنة بتلاقي كل شي عند رب العالمين الله يرزقنا الجنة الفردوس الاعلى يارب كلنا

اليوم بتلاقي الواحد ماشي مع مرته وهي بكامل مكياجها وعطرها والف عين عليها وما بينهزله رمش فش غيرة يعني بالمرة والا التزام وهلا كلو ماهمه غير المال ..... الخ

[أحلى غزوية]

صح كلااااامك خيتوو ... بس برضو بهل حيااه زي ما فيهاااا انساان ما بتهزلو رمش ... برضووو في اللي ما ابيرضاا الغلط ع عرض غيرو قبل عرضوو ... و الله اكييد بيرزق الشخص ع قد نيتوو وانتي انساانه عنجد بمنتهى الاخلااق و مدينه و الله يرزقك الشخص اللي ابتتمنيه حيااتي ....

[السيف عدي]

بصراحة

..

لا تعليق


!!

ما فهمت خيتو حنان شو قصدك ..

منورة خيتو ..