ثضية تشغل بال اهل العروس (( بدي رايكم )))

[اسلام]

بسم الله الرحمن الرحيم


السلام عليكم ورحمة الله وبركاته

يعطيكم العافية ..,,,


اليوم حبيت اطرح عليكم قضية شاغلة بال كتير من الناس وباختصار

رح اعملها على سبيل قصة

واحد عندو بنت واجو ناس يخطبوها الاب عندو طلبات المهر والشبكة والعفش والجهاز وووووال......... الخ

المهم والد العروس بدو يطلب كل هاد لانه مقتنع بنظرية


بتقول ((((((( البنت غالية ولازم لما نزوجها نخليها غالية بعيون زوجها عشان يقدر يحميها ويصونها ))))))))


يعني يفرجو من الاول انو بنتهم مو رخيصة وغالية

هاي النظرية الاولى



اما النظرية التانية

انو الوالد لما يزوج بنتو بقول للعريس ((((((( انا بنتي بجهزها من البابوج للطربوش )))))))))



بدي اشوف رايكم انتو مع الاب الاول والا التاني هاد اول شي .....


تاني شي الاب لما يقول انا بجهز بنتي من البابوج للطربوش هل هون هو مسترخصها وبدو يزوجها ومو هامو شي ؟؟؟؟؟؟؟


مع العلم انو في كتير ناس لما طبقوا النظرية التانية كانت النهاية مؤسفة لانهم اعطو من الاول تنازلات


يلا بدي اشوف رايكم بجد وياريت ما تبخلو علينا


اختكم اسلام

[الدكتور امير]

شوفي يا اسلام

انا من وجهة نظري التنين غلط
لانو هيك يا هاد بحكي انا ووووووووووووو خدي مشاكل بين الاهالي

الصح يكون الطلب عادي و الشاب على قد حالوا

و الاب ما يتدخل في بنتو و في حياتها لانو هيك الزواج

الحب اولا و التوافق و الحب

ثم تأتي الماديات

تقبلي مروري و طرحك موفق و رائع للغاية

و الي رجعة لاكمل النقاش

د.امير

[جورية القسام]

شكرا على الموضوع
مجرد مرور

[اسلام]

شوفي يا اسلام

انا من وجهة نظري التنين غلط
لانو هيك يا هاد بحكي انا ووووووووووووو خدي مشاكل بين الاهالي

الصح يكون الطلب عادي و الشاب على قد حالوا

و الاب ما يتدخل في بنتو و في حياتها لانو هيك الزواج

الحب اولا و التوافق و الحب

ثم تأتي الماديات

تقبلي مروري و طرحك موفق و رائع للغاية

و الي رجعة لاكمل النقاش

د.امير


حياك الله اخي

تشكر لمشاركتك القيمة في الموضووووع ورايك السديد


شكرا على الموضوع
مجرد مرور



هلا اختي تشكري للمرور

بانتظار تعليقك ورايك

اكيد الحب اولا ومالازم يتدخل الاب بس عنا هيك الاعتقاد كل ماغليت بالمهر بتغلى بنتك في نظر العريس


بس هاد مو كلام لانو البنت مو بالمهر البنت بالجوهر


هاي القضية كتير لاحظت انها بتشغل الاهالي وحبيت نتناقش فيها واسمع راااايكم

لانه في كتير مشاكل عم بتصير لهالسبب..,,

[Arabian girl]

انا ولا مع وحدة
الجهاز المفروض يكون بسيط لانو مجرد رمز لرغبة الزوج بالزواج لهذه الفتاه

مشكورة اسلام ع الموضوع

[فراشة فلسطين]

اكيد الاول احسن بس بنسبه الى مارح حد يدخل بيني وبين بشريك حياتي

[مجدلاوي فايع]

طبعا النظرية الاولى احسن بكل إشي .... اصلا يعني لو دفع فيها الواحد غالي شو ي مهي شو رح تجيب دهب ولبس ..


والدهب مع الايام جوزها بشفطو ... واللبس مهو الو برضو

فأنا بقول يدفع غالي الشب مهو كلو إلو بالنهاية

[تالا العسل]

نظري انو اغلى مهر بقدمو الشب للبنت انو يسعدها فى المستقبل ويكون قد المسؤولية

ويحترم زوجته واهلها طول العمر

واغلى مهر او جهاز بقدمو الاب لبنتو اختياره الصح لزوج بنتو مش انو يدور على الغني والهايهاي او مستوى عالى فى المجتمع واخر شى ما يحترم بنتو ويرجعها الابوها

ما بوافق اي الجهتين

انا هاد رأي ما بعرف رايكم انتو شو؟؟

تقبلى مروري وردي

[جنى]

مرحبا

الصراحة التنين غلط

لأنوا لازم الواحد لازم يكون وسط

[اسلام]

بارك الله فيكم جميعا

ردودكم راااائعة


شكرا لكم للمشاركة المميزة في المووضع

[الدكتور امير]

بس مع ذلك يا اسلام لازم يكون كل شي بالمعقول

يعني الاهل مو لازم يتدخلوا الا باشياء بسيطة

و العرسان الهم القرار

شو ما كان لانو الي بدو بستر على بنتو ما بطلع على اشياء فخفخة و فوق الريح

و الشاب لازم ياخد البنت لانو بدهم يعيشوا مع بعض على الحلوة و المرة

و لا شو رايك

[بنت فلسطين المجروحة]

انا من قناعاتي انها حسب الظرف

لو العريس اخلاقه منيحه ومتدين وفاهم دينه صح ومقتدر فمااظن في مانع انو هو يجهزهااا بس اكيد مو طلبات تعجيزية
لو العريس نفس الشي اخلاق ودين وو بس فقير مافي مانع الاب يجهز بنته مش احتقاراا الهااا ولكن لأنو بشتري رجال


ومااظن انو كلامك صحيح يااسلام بشان انو كتير من مطبقي النظرية الثانية فشلوا او بكونوا فشلوا لسبب اخر لكن مااظن السبب انو ابوها جهزهاا


انا عنفسي والدي الله يحميه بحكيلي

لو حبيتي حد او اعجبتي بشخص وحتى لو كان فقير

احكيلي ولو لقيته ابن حلال انا بروح بحكيلوا يخطبك وبجهزك كمان


مش لأنه مسترخصني

بس لأنه عمر ابن الخطاب خطب لبنته

ولانه هو اكيد بدور عسعادتي وراحتي

المهم يكون متدين وبحبني وبخاف عليي وهكون معه سعيدة
واقدر اكمل معه لاخر المشوار ^.^


اتمنى اكون بينت رايي


موضوع حلو اسلام يعطيكي العافية يارب

[sweet angel]

انا مش مع حدا لا الاول ولا التاني البنت كنز على اوليت بابا يعني هاي المواضيع حساسة اكتير فلازيم الاب يكون وسط. و يعرف كيف يتصرف.. بس

تقبلي مروري

[MoHaDe]

والله راي الجهتين غلط
انو االناس هلا لازم تراعي الظروف لحد ما والمهم انو تكون البنت والشب متفقين وبحبو بعض واخلاقهم منيحة ودينين وبالنسبة للشغلات التانية يعني مش شرط الجهاز يكون كبير كتير وهيك او المهر يكون مرتفع يعني هادي مش بتزيد من قيمة البني ادم ولا شي وبالعكس في ناس بكونو طمعانين ولا بعد اللي بدو الستيرة وما بهمو المصاري وهالشغلات كتيير
صح العريس لازم يصرف ععروستو بس بالمعقول مش لازم اهل العروس يزيدها على انو بنتهم غاليه بالعكس بهججو العريس

يسلمو عالموضوع الحلو

[اسلام]

بس مع ذلك يا اسلام لازم يكون كل شي بالمعقول

يعني الاهل مو لازم يتدخلوا الا باشياء بسيطة

و العرسان الهم القرار

شو ما كان لانو الي بدو بستر على بنتو ما بطلع على اشياء فخفخة و فوق الريح

و الشاب لازم ياخد البنت لانو بدهم يعيشوا مع بعض على الحلوة و المرة

و لا شو رايك



اهلين اخي فيك مرة تانية منورنا :icon31:

اكيد لازم يكون شي معقول لانه لو كل اب بدو يطلب هيك وهيك وهيك يعني اشياء كتير عاد ما بيتزوجوا بناتهم لانه الدنيا حالتها مش سامحة والناس ظروفهم على قدهم ......

واكيد القرار هاد لازم يكون برأي بين الطرفين والعرسان همه يلي بقررو

بعدين المصاري بتروح وبتيجي وماحد ضامنها

الفقير بسير غني والغني بسير فقير ,,,,,

يعني الدنيا غدارة وبالاخر كلو الهم

مشكور اخي على مرورك الطيب

لا عدمنا وجودك





انا من قناعاتي انها حسب الظرف

لو العريس اخلاقه منيحه ومتدين وفاهم دينه صح ومقتدر فمااظن في مانع انو هو يجهزهااا بس اكيد مو طلبات تعجيزية


لو العريس نفس الشي اخلاق ودين وو بس فقير مافي مانع الاب يجهز بنته مش احتقاراا الهااا ولكن لأنو بشتري رجال


ومااظن انو كلامك صحيح يااسلام بشان انو كتير من مطبقي النظرية الثانية فشلوا او بكونوا فشلوا لسبب اخر لكن مااظن السبب انو ابوها جهزهاا


انا عنفسي والدي الله يحميه بحكيلي

لو حبيتي حد او اعجبتي بشخص وحتى لو كان فقير

احكيلي ولو لقيته ابن حلال انا بروح بحكيلوا يخطبك وبجهزك كمان


مش لأنه مسترخصني

بس لأنه عمر ابن الخطاب خطب لبنته

ولانه هو اكيد بدور عسعادتي وراحتي

المهم يكون متدين وبحبني وبخاف عليي وهكون معه سعيدة
واقدر اكمل معه لاخر المشوار ^.^


اتمنى اكون بينت رايي


موضوع حلو اسلام يعطيكي العافية يارب



اكيد اختي كلامك مية بالمية صحيح ومقنع

اكيد الشب مو في ماله انما في شخصه وحاله بدينه واخلاقه

ومو عيب لو الاب هو الي خطب لبنته كما قلتي كما فعل عمر بن الخطاب رضي الله عنه

لانه مرات شخص بكون حالته المادية مو كتير بس بكون ما بيتعوض كتير شب كويس فبالحالة هاي لازم ما ينرفض بالعكس يتوقف معه ونساعده لانه هاد هو الشخص المطلوب مش صاحب المال ,,,,

وزي ما قلت المال مو كل شي وبروح وبيجي اما الشخص المحترم والخلوق هاد هو يلي ما بيتعوض مهما صار

وخاصة في ايامنا نادرا ما نجد شخص جيد ,,,,

شكرا لمرورك وردك الراااااائع والكريم



ومااظن انو كلامك صحيح يااسلام بشان انو كتير من مطبقي النظرية الثانية فشلوا او بكونوا فشلوا لسبب اخر لكن مااظن السبب انو ابوها جهزهاا


اختي انا شفت كتير ناس بجد لما طبقوها طلعت على راسهم

يعني في وحدة بعرفها ابوها ماطلب من العريس ولا شي وجهزها من مجاميعو ..... المهم جوزها ركبها كل شي خلي اهلك يجيبولك

موش اهلك حالتهم منيحة همه يعملو همه يسو ..... الخ يعني راكبها على اهلها لانه الاهل اعطوهم وجه من اولها

وحدة تانية بعرفها نفس الشي بس وهي خاطبة ابوها جهزها بكل شي وقال للعريس عليك بس البيت الفرش وهيك يعني وما طلب يكون غالي المهم كويس والشب مع انه حالتو كويسة الا انو جاب عفش بخزي ومستعمل والبيت عفشو بشكل بخزي وعتيق مع انه مقتدر يعني انبسط شاف العروس جاهزة جاي وبالاخر فسخو ,,,,.....

يعني في كتير سمعات

انا ضد انو الاب يطلب مهر كبير وضد ما يطلب شي حلو الاعتدال







انا مش مع حدا لا الاول ولا التاني البنت كنز على اوليت بابا يعني هاي المواضيع حساسة اكتير فلازيم الاب يكون وسط. و يعرف كيف يتصرف.. بس

تقبلي مروري


حياك الله اختي لمرورك الكريم :s (43):



والله راي الجهتين غلط
انو االناس هلا لازم تراعي الظروف لحد ما والمهم انو تكون البنت والشب متفقين وبحبو بعض واخلاقهم منيحة ودينين وبالنسبة للشغلات التانية يعني مش شرط الجهاز يكون كبير كتير وهيك او المهر يكون مرتفع يعني هادي مش بتزيد من قيمة البني ادم ولا شي وبالعكس في ناس بكونو طمعانين ولا بعد اللي بدو الستيرة وما بهمو المصاري وهالشغلات كتيير
صح العريس لازم يصرف ععروستو بس بالمعقول مش لازم اهل العروس يزيدها على انو بنتهم غاليه بالعكس بهججو العريس

يسلمو عالموضوع الحلو

اكيد طبعا لانه الظروف بالمرة هلا ,,,,

مشكور اخي لمرورك الكريم

[الدكتور امير]

صحيح الكلام

لكن اليوم الناس تنظر الى المطظاهر و تتفاخر النساء بالزيادة في المصاريف

و هي لا تعلم انها ترهق العريس باشياء لا لزوم لها و هي اشياء شكلية و تافهة

مما يؤدي الى المشاكل بين الطرفين و التي تصبح طلاقا و محاكم

و هذا ما نتمى ان لا يصل اليه الوضع في بلادنا

و انا ايضا مستمتع بالنقاش الهادف
لان هذه مشكلة حقا موجودة و بحاجة الى حل

اخوك

د.امير

[اسلام]

حياك الله اخي منورنا

حابة اسمع راي الاخرين شو راااايكم يا جماعة ؟؟؟؟وينكم ؟؟؟؟؟؟

والله احيانا بقول الله يعينهم الازواج يعني الزوج الله يعينو اذا زوجته بضل تطلب منه طلبات طالعة نازلة

في ناس بتفكر انها بتكبر بعيون الناس كل ما كان معها مصاري

وفي ناس بعرفهم عنسوو بسبب بسيط انهم بدهم شب غني ومعاه مصاري

يعني ممكن واحد معاه مصاري كتير ويطلع بخيل او يكون مش منيح بالمرة

واحد فقير يكون كريم كتير وكويس

يعني قلتها كتير المصاري مو كل شي