موضوع للنقاش

[نرسيس]

مرحبا يا جماعة
حابة اطرح موضوع ونتناقش فيه شوي
هلا لما الواحد يحب شخص وبعد ما يصير بينهم علاقة بصير بدو يغير هادا الشخص عشان يتماشى مع اهوائه ورغباته لدرجة انو يأثر سلبا على الطرف الاخر دون مراعاة انو هيك الطباع والتصرفات(طبعا مو قصدي عن التصرفات اللاخلاقية لانو ازا في مجال تتغير هاي التصرفات بكون افضل).
هلا سؤالي هل يحق لاي طرف انو يحاول يغير من طباع وتصرفات الطرف الاخر؟
وهل ممكن الطبع يتغير؟ ولا زي ما بقولوا الطبع يغلب التطبع؟
ارجوا المشاركة
تحياااتي

[اسلام]

مو دايما اختي منقدر نغير الطبع

في ناس بتستجيب ونناس ابدا ما بتستجيب راسهم يابس يعني

الانسان لازم يحاول يغير الطباع السيئة عند الطرف الاخر ويحاول قد ما يقدر يحسنله فيها واذا ما قدر يغيرلو عادته بكون عمل الي عليه والباقي على ربنا

بس لازم تحاول تغيرو مو للاسوء للافضل

شكرا اختي على موضوعك

[<<a7la banota>>]

اول اشي بشكرك ع الموضوع الحلو والسؤال المهم
هلا الانسان احيانا مو بكيفو بس بتغير وبوخد شوي من طبايع صاحبه حتى لدرجة انو الناس بتصير اتقول بشبهو وهاده بدل ع حبهم لبعضهم بس انو انغير لازم احنا نحاول انغير من اطباعه السيئة ونبدلها بالاحسن لانا بنحبه وهيك
بشكرك حبيبتي نرسيس ع الموضوع الحلو وواصلي ولا تحريمينا من مواضيعك الحلو
يعطيك العافية

[زينة نابلس]

مو بالسهولة انو الواحد يغير الطبع اللي فيه مستحيل
صعب كتير
بالنسبة للي بحب وبدو يغير علاقتو مستحيل يغير طبعو واللي كان يحكيه مع الاولى رح يحكيه مع التانية
يعني اذا وحدة فقدت واحد ال يعني بحبها وراح لوحدة تانية ماتزعل لانو زي ماتركها رح يترك التانية
والحب صار لعبة
مافي حب حقيقي
هادا رأيي
تقبلي مروري

[نرسيس]

وانا بشوف هيك لازم الاتنين يتعودوا على بعض بطبيعتهم من دون تصنع وتمثيل
بس مثلا صعب كتير انو واحد يجي يحكيلك مثلا انا ما بحب طريقة كلامك مع صحباتك او
انتي ما الك رايي ما ضلي تردي على الناس وتخليهم يلعبوا بعقلك
هيك الوحدة بتصير تفكر شو يعني ازا بحكي بحبني ليش شايف كل اشي عندي غلط
وين صفى الحب هون؟؟؟

على كل شكرااا كتير على مروركم
تحيااااتي