المساعد الشخصي الرقمي

مشاهدة النسخة كاملة : ايها الشاب وايتها الشابه مارأيـــك بالخروج .......

الدكتور امير
07-17-2008, 04:51 PM
http://bsmlh.net/up/uploads/bsmlh_da3bd88242.gif


رأيت هذا الموضوع في أحد المواقع ونقلته بتصرف مني لاني اردت ان اعرف وجهه نظركم فيه

وهو بالفعل يستحق المناقشة ..


نعلم ان كل عائله تختلف عن الأخرى .. وكل عائله عادات بيتهم تختلف عن البيت الآخر..

ولكل عائله رأي مختلف .. إلخ..

المهم ..
هنا فتيات يخرجن مع رفيقاتهن(وليس مع أهلهن) إلى الأماكن العامة ...اممم

مثلاً للذهاب إلى التسوق ..إلخ...

وبعيداً عن العصبيه للرأي انا اود مناقشته رأي الأخوة والأخوات




سؤال الأخوة ...

هل تــرضـــى لأختك الخروج مع رفيقاتها ؟؟ولماذا؟؟

مارأيك في منظر الفتيات في الأماكن العامة( يعنـــي شـلــة بـنات ) ؟؟؟؟



وسؤال للأخوات ..

مارأيك في الخروج مع رفيقاتك والخروج مع أهلك ..؟؟؟


هل تحسين بأمان مع رفيقاتك ؟؟ ولماذا؟؟؟؟

أتمنى من الجميع المشاركة ومناقشة الأمر بصراحة ..

http://bsmlh.net/up/uploads/bsmlh_40ce0a9d06.gif


اخوكم

د.امير
وردة الخريف
07-17-2008, 05:23 PM
مارأيك في الخروج مع رفيقاتك والخروج مع أهلك ..؟؟؟

طبعا كل خروج اله محاسنه مع صاحبتي بشوفهم وبنبسط معاهم لانها قعدة بنات ومع الاهل حلوة الطلعة
هل تحسين بأمان مع رفيقاتك ؟؟ ولماذا؟؟؟؟
طبعا لانه احنا محترمين حالنا فالناس رح يحترمونا وبعدين احنا النا ثقة بانفسنا
bEnOoO
07-17-2008, 05:37 PM
انا رح احكي عن شخصى

احنا بالعيلة ما عنا هيك مشكلة يعنى ازا بدي اطلع اطلب الازن من احد الوالدين بيعرفو مين رفقاتى و بطلع
و لا في اي مشكلة
و بظن انو ازا البنت لابسة شرعى و اهلها عارفين اخلاقها ما رح يكون مشكلة

اما السؤال التاني
شخصيا لما كون نازلة السوق لازم الماما تكون معي لانو بحب ذوقها

و سؤالك عن الطلعة الافضل -----
الطلعة مع العيلة حلوة كتير
و الطلعة مع الرفقات حلوة كل طلعة الها ميزاتها و الها طعمها الخاص


مممممممم كانو طقيت حنك كتيييرر
الدكتور امير
07-17-2008, 05:39 PM
مارأيك في الخروج مع رفيقاتك والخروج مع أهلك ..؟؟؟

طبعا كل خروج اله محاسنه مع صاحبتي بشوفهم وبنبسط معاهم لانها قعدة بنات ومع الاهل حلوة الطلعة
هل تحسين بأمان مع رفيقاتك ؟؟ ولماذا؟؟؟؟
طبعا لانه احنا محترمين حالنا فالناس رح يحترمونا وبعدين احنا النا ثقة بانفسنا


اكيد ما دام كل بنت بتعمل صح

رأيك حلو كتير
الدكتور امير
07-17-2008, 05:40 PM
انا رح احكي عن شخصى

احنا بالعيلة ما عنا هيك مشكلة يعنى ازا بدي اطلع اطلب الازن من احد الوالدين بيعرفو مين رفقاتى و بطلع
و لا في اي مشكلة
و بظن انو ازا البنت لابسة شرعى و اهلها عارفين اخلاقها ما رح يكون مشكلة

اما السؤال التاني
شخصيا لما كون نازلة السوق لازم الماما تكون معي لانو بحب ذوقها

و سؤالك عن الطلعة الافضل -----
الطلعة مع العيلة حلوة كتير
و الطلعة مع الرفقات حلوة كل طلعة الها ميزاتها و الها طعمها الخاص


مممممممم كانو طقيت حنك كتيييرر

على راسي و الله

على العكس حديثك حلو ز ممتع يسلموا كتير

رأيك جدا صريح
اسلام
07-17-2008, 06:08 PM
مارأيك في الخروج مع رفيقاتك والخروج مع أهلك ..؟؟؟


هل تحسين بأمان مع رفيقاتك ؟؟ ولماذا؟؟؟؟

بسم الله
بالبداية شكرا لك اخي على هالموضوع الحلو كتير


الخروج مع الصديقات حلو والخروج مع الاهل حلو

مثلا لما اخرج مع صديقاتي منكون كلنا مبسوطين طبعا والحمد لله منكون نازلين باحترام واحتشام منلتزم بالاداب فبكون حاسة بالأمان معهم فما منطر نتعرض لشي يعني .... بكون كتير مبسوطة وبعدين مش كل يوم نتلاقى نادرا مانتلاقى في نزلة للسوق في المناسبات مننزل مع بعض للتسوق وصعب نجمع حالنا لانو كل وحدة واشغالها في الحياة المهم النزلة مع الصاحبات روعة برأي مع انو مش دايما بقدر اشتري حاجاتي لما اكون معهم لانه كلنا منكون مجموعة وكل وحدة بدها تجيب شي من مكان ....

اما النزلة مع الاهل فانا بالطبع ما بنزل مع الوالدة كتير يعني نادرا دايما مع اخواتي لانه الوالدة يعني مابتقدر تمشي كتير او ضل واقفة ع رجلها .... يعني مننزل مع بعض الخوات شعور كتير حلو وبحس براحة وامان معهم بشكل كبير وباخد راحة اكتر من لما اكون مع صاحباتي بصراحة وبقدر اروح معهم لأي مكان واجيب حاجاتي وكمان لانو تقريبا انا وخواتي منلبس شي قريب من بعض ومنحب نجيب اشياء متقاربة ومنفهم جدا ع بعض وحافظين كل وحدة شو بتحب

يعني بالحالتين حلو بس ممكن عندي انزل مع خواتي احلى من صديقاتي هيك بشعر( عكس الناس )

ملاحظة

في كتير اهل بيمنعو بناتهم من النزلة مع الصاحبات خوفا عليهم بس هاد مو حل لانه ممكن الوالدة تتعرف ع البنات وتعرف اصلهم وعاداتهم وتطمن ع بنتها ولازم توثق في بنتها :b:

اتمنى ما أكون ازعجت للاطالة

وشكرا مرة تانية ع الموضوع الحلو
**بنت الجزائر**
07-17-2008, 07:02 PM
وسؤال للأخوات ..

مارأيك في الخروج مع رفيقاتك والخروج مع أهلك ..؟؟؟هل تحسين بأمان مع رفيقاتك ؟؟ ولماذا؟؟؟؟

انا في رايي الخرووج مع الماما افضل بكثييير والله يكوون الجو معها روووووعة

واما عن الصديقاات مافي مانع بالعكس تكوون كثيير حلوووة بس نمشي باحتراام ونكوون لابسين لباس محترم من شاان

مايحدثوو البلااوي مع بعض الشباب ههههههه... بس كل خرجة وميزتها الخاااصة وذوقها الراائع

يسلمووو خيوو على الموضوع الحلووووو
Dont Ask Why
07-17-2008, 07:07 PM
اول شغله

ثانكس (لانو بنسا اشكر في النهايه )






انا بشوف الموضوع عادي

يعني بتفرح مع رفئاتها اكتر من اهلها

وهاد حئها




غير هيك طول مأنو البنت محترمه حالها فلموضوع رحيكون عادي واكتر من عادي

في بنات كتير ماعندهون اهل لازم مايطلعو يعني؟؟؟؟؟؟؟

بيطلعو مع رفئاتهم صح ولا غلط
نداء الوطن
07-17-2008, 09:18 PM
اخي امير
مشكور عالموضوع الرائع واللي بستحق النقاش


وسؤال للأخوات ..

مارأيك في الخروج مع رفيقاتك والخروج مع أهلك ..؟؟؟
انا من الناس اللي اهلي ما بسمحوا لي اطلع مع صاحباتي
وانا كنداء بتمنى انه اطلع معهن لانه لما الاهل بكونوا يعرفوا وين بنتهم ومع مين ما بضل خوف
واكدي بطلع مع اهلي وببح كثير اطلع مشوار انا وابوي لانه كثير طويل روح لما بكون معه وما بحرمني من شيء
وبالذات لما بدنا نطلع مشوار بره طولكرم ما في احلى من الطلعه معه
ومش معنى ذلك انه كل مشوار بدي اطلعه لازم يكون مع ابوي
وانا بحكي انه اطلع مع صاحباتي بداخل المحافظة
لانه لازم اضل قريبه من اهلي
واحنا بطولكرم المدينه طبعا بتوقع انه الصبايا بطلعوا مع بعض بالليل يتمشواويروحوا مشاوير اما بعتيل لا هذا الحكي ما في منه وما في نقاش فيه كمان


هل تحسين بأمان مع رفيقاتك ؟؟ ولماذا؟؟؟؟
اكيد والا كان ما بحب اقضي وقتي معهن

تقبل مروري يا دكتور
آية بنت فلسطين
07-17-2008, 09:32 PM
موضوع حلو كتييير زي دايمن

مارأيك في الخروج مع رفيقاتك والخروج مع أهلك ..؟؟؟
مع صحباتي بخاد راحتي اكتر وبمر الوقت بسرعة وبنبسط اكتر اما مع اهلي فبتطلع روحي الصراحة وما في اعملو معهم اصلن نحنا طول الوقت معهم فمافي داعي كمان نطلع معهم

هل تحسين بأمان مع رفيقاتك ؟؟ ولماذا؟؟؟؟
طبعا , لانو بنكون كلنا قد بعض ومع بعض دايما و بنحب بعض الحمدلله

شكرا عالموضوع الحلو كمان مرة
الدكتور امير
07-17-2008, 09:47 PM
بسم الله
بالبداية شكرا لك اخي على هالموضوع الحلو كتير


الخروج مع الصديقات حلو والخروج مع الاهل حلو

مثلا لما اخرج مع صديقاتي منكون كلنا مبسوطين طبعا والحمد لله منكون نازلين باحترام واحتشام منلتزم بالاداب فبكون حاسة بالأمان معهم فما منطر نتعرض لشي يعني .... بكون كتير مبسوطة وبعدين مش كل يوم نتلاقى نادرا مانتلاقى في نزلة للسوق في المناسبات مننزل مع بعض للتسوق وصعب نجمع حالنا لانو كل وحدة واشغالها في الحياة المهم النزلة مع الصاحبات روعة برأي مع انو مش دايما بقدر اشتري حاجاتي لما اكون معهم لانه كلنا منكون مجموعة وكل وحدة بدها تجيب شي من مكان ....

اما النزلة مع الاهل فانا بالطبع ما بنزل مع الوالدة كتير يعني نادرا دايما مع اخواتي لانه الوالدة يعني مابتقدر تمشي كتير او ضل واقفة ع رجلها .... يعني مننزل مع بعض الخوات شعور كتير حلو وبحس براحة وامان معهم بشكل كبير وباخد راحة اكتر من لما اكون مع صاحباتي بصراحة وبقدر اروح معهم لأي مكان واجيب حاجاتي وكمان لانو تقريبا انا وخواتي منلبس شي قريب من بعض ومنحب نجيب اشياء متقاربة ومنفهم جدا ع بعض وحافظين كل وحدة شو بتحب

يعني بالحالتين حلو بس ممكن عندي انزل مع خواتي احلى من صديقاتي هيك بشعر( عكس الناس )

ملاحظة

في كتير اهل بيمنعو بناتهم من النزلة مع الصاحبات خوفا عليهم بس هاد مو حل لانه ممكن الوالدة تتعرف ع البنات وتعرف اصلهم وعاداتهم وتطمن ع بنتها ولازم توثق في بنتها :b:

اتمنى ما أكون ازعجت للاطالة

وشكرا مرة تانية ع الموضوع الحلو


على راسي لانو حلو كتير البنات يطلعوا مع بعض
و متل ما اتفضلتي بالاحترام المطلوب
الدكتور امير
07-17-2008, 09:49 PM
وسؤال للأخوات ..

مارأيك في الخروج مع رفيقاتك والخروج مع أهلك ..؟؟؟هل تحسين بأمان مع رفيقاتك ؟؟ ولماذا؟؟؟؟

انا في رايي الخرووج مع الماما افضل بكثييير والله يكوون الجو معها روووووعة

واما عن الصديقاات مافي مانع بالعكس تكوون كثيير حلوووة بس نمشي باحتراام ونكوون لابسين لباس محترم من شاان

مايحدثوو البلااوي مع بعض الشباب ههههههه... بس كل خرجة وميزتها الخاااصة وذوقها الراائع

يسلمووو خيوو على الموضوع الحلووووو

اهلين بنت الجزائر اكيد مع ماما حلوة الطلعة
الدكتور امير
07-17-2008, 09:50 PM
اول شغله

ثانكس (لانو بنسا اشكر في النهايه )


انا بشوف الموضوع عادي

يعني بتفرح مع رفئاتها اكتر من اهلها

وهاد حئها



غير هيك طول مأنو البنت محترمه حالها فلموضوع رحيكون عادي واكتر من عادي

في بنات كتير ماعندهون اهل لازم مايطلعو يعني؟؟؟؟؟؟؟

بيطلعو مع رفئاتهم صح ولا غلط

ممكن انو هيك
على كل نورتي الموضوع
الدكتور امير
07-17-2008, 09:53 PM
اخي امير
مشكور عالموضوع الرائع واللي بستحق النقاش


وسؤال للأخوات ..

مارأيك في الخروج مع رفيقاتك والخروج مع أهلك ..؟؟؟
انا من الناس اللي اهلي ما بسمحوا لي اطلع مع صاحباتي
وانا كنداء بتمنى انه اطلع معهن لانه لما الاهل بكونوا يعرفوا وين بنتهم ومع مين ما بضل خوف
واكدي بطلع مع اهلي وببح كثير اطلع مشوار انا وابوي لانه كثير طويل روح لما بكون معه وما بحرمني من شيء
وبالذات لما بدنا نطلع مشوار بره طولكرم ما في احلى من الطلعه معه
ومش معنى ذلك انه كل مشوار بدي اطلعه لازم يكون مع ابوي
وانا بحكي انه اطلع مع صاحباتي بداخل المحافظة
لانه لازم اضل قريبه من اهلي
واحنا بطولكرم المدينه طبعا بتوقع انه الصبايا بطلعوا مع بعض بالليل يتمشواويروحوا مشاوير اما بعتيل لا هذا الحكي ما في منه وما في نقاش فيه كمان


هل تحسين بأمان مع رفيقاتك ؟؟ ولماذا؟؟؟؟
اكيد والا كان ما بحب اقضي وقتي معهن

تقبل مروري يا دكتور

حلو كتير كلامك تمام

و هاد الشي اكيد بالنسبة لطلعة البنات في طولكرم كل يوم بتمشو عند الميجا و الشارع الرئيسي و انا كمان بطلع بتمشى و بلاحظ الصبايا بطلعوا دايما مع بعض
الدكتور امير
07-17-2008, 09:54 PM
موضوع حلو كتييير زي دايمن

مارأيك في الخروج مع رفيقاتك والخروج مع أهلك ..؟؟؟
مع صحباتي بخاد راحتي اكتر وبمر الوقت بسرعة وبنبسط اكتر اما مع اهلي فبتطلع روحي الصراحة وما في اعملو معهم اصلن نحنا طول الوقت معهم فمافي داعي كمان نطلع معهم

هل تحسين بأمان مع رفيقاتك ؟؟ ولماذا؟؟؟؟
طبعا , لانو بنكون كلنا قد بعض ومع بعض دايما و بنحب بعض الحمدلله

شكرا عالموضوع الحلو كمان مرة

حلوة كتير هيك طلعات

تقبلي تحياتي
lili_pop
07-17-2008, 09:56 PM
مارأيك في الخروج مع رفيقاتك والخروج مع أهلك ..؟؟؟

لما أطلع مع صحباتي أحلى من لما أطلع مع العيلة ,,

هل تحسين بأمان مع رفيقاتك ؟؟ ولماذا؟؟؟؟

نعم ,, لأنو مو أي وحدي بتكون صحبيتي ,,, يعني بكون بعرفها منيح

شكرا دكتور أمير

دكتورة المستقبل ,,, أيــــــام
الدكتور امير
07-17-2008, 10:09 PM
اهلين ايام منورة عمو

ردك كتير حلو عمو
تالا العسل
07-18-2008, 03:06 PM
مارأيك في الخروج مع رفيقاتك والخروج مع أهلك ..؟؟؟

بصراحه ولا عمري طلعت مع رفقاتي الا الاماكن الئريبه بس لانو ممنوع عندنا طبعا اطلع بعيد مع الرفقات وانا اكيد بوافق رأي اهلى
هل تحسين بأمان مع رفيقاتك ؟؟ ولماذا؟؟؟؟

اكيد بحس بأمان لكن مش ئد اهلى ما حدا بداخل التاني وما بيعرف لشو ناويلو

شكرا كتير على اموضوع
الدكتور امير
07-18-2008, 09:25 PM
اهلين عمو تالا منورة
sheren8281
07-19-2008, 07:24 AM
مارأيك في الخروج مع رفيقاتك والخروج مع أهلك ..؟؟؟


والله لكل اشي متعتوا لانو مثلا مع الصديقات مواضيعنا بتختلفممكن الضحك بتكون اكتر والمكان بيكون غير اما مع الاهل فاكيد رح تكون زيارات عائلية ونصها مشاكل وو هاد حكى ووو

هل تحسين بأمان مع رفيقاتك ؟؟ ولماذا؟؟؟؟

هلا اكيد لانو اسمهم صاحبات وازا ما حشعرنا بالامان كان ما طلعنا من اصلو معهم
الدكتور امير
07-20-2008, 10:07 PM
اهلين شرين مرورك اسعدني للغاية
فراشة فلسطين
07-21-2008, 12:36 AM
يسلمووو على الموضوع الحلو
انا عن نفسي اهلى ما بمنعوني اطلع مع صحباتي لانو عارفين مين صحباتي وطلعه مع الصحبات احلى لانك بتكون طالع مع واحد بسنك بفهم عليك وبتفهم عليه
Anonymous Gril
07-21-2008, 01:30 PM
مارأيك في الخروج مع رفيقاتك والخروج مع أهلك ..؟؟؟


أنا ما عندي رفيقات ع شان أطلع معهن.... فبفضّل اطلع مع أهلي بس بالعافية..

لأني ما بحب أطلع من البيت أساساً غير ع المدرسة..بس برضو الطلعة مع الرفيقات الها طعم تاني..

و كلّو واحد يعني..



هل تحسين بأمان مع رفيقاتك ؟؟ ولماذا؟؟؟؟


ما عندي رفيقات .... بس حقلك أنا بحس بالأمان مع أهلي أكتر لأنه أبوي حاميني ...

و ان كنت مع رفقاتي ما رح حس بالأمان لأنه ناقصني شيء..




بس لمن أوصلكم يمكن يصير عندي رفقة ....ههه
اميرة باخلاقها
07-21-2008, 01:42 PM
اول شغلة
ما فيها شي لو البنت طلعت مع صديقاتها لاي مكان

وتكون الجلسة بيناتهم محترمة
البنت مع صديقاتها غير مع اهلها
يمكن بتنبسط اكتر مع الاصدقاء لانو يمكن بتاخد راحتها اكتر
بتتناقش معهم
بتشوف الغير والغير بشوفها

طبعا مش غلط تطلعع مع اهلها
ومش غلط تطلع مع صديقاتها

والمنظر بالاماكن العامة للبنات بحددو البنات
يعني بنلائي كتيير شلل بنات مؤدبات وخلوقات وما فب عليهم اي تعليق
وفي المقابل بنلائي شلل والعياذ بالله

وبالنهاية البنت من حقها تطلع وتتعرف على العالم الخارجي
يعني مو معئوولة اضلها ئاعدة بالبيت لحتى اهلها يقررو يطلعو
البنت انسان ومن حقوقو الاساسية الترفيه عن النفس

ومن ناحية الامان
بالنسبة الي اذا كنت واثقة من حالي وواثقة اني ما بعمل شي غلط ما بخاف ولو كنت لحالي بصحراء


شكرا كتييير دكتورنا على الموضوع الحلوووو والمميز
تقبل مروري
Mira
07-21-2008, 02:33 PM
وسؤال للأخوات ..

مارأيك في الخروج مع رفيقاتك والخروج مع أهلك ..؟؟؟


هل تحسين بأمان مع رفيقاتك ؟؟ ولماذا؟؟؟؟


انا بالنسبه الي بحب الطلعه مع صحباتي واهلي بس بفضل الطلعه مع صحباتي اكتر لانو بنروح وين مابدنا
اما اذا مع اهلي راح نتقيد باماكن ماما وبابا بحبوها بس ومابنحب ناخدهم على اماكن مابرتاحولها
عشانا
مثلا انا عندي بابا مابحب يروح على مولات بس اوقات مضطره بدي اروح فبروح مع صحباتي
اما بالنسبه للامان فهاد حسب البنت وتصرفاتها اذا كانت ماشيه كويس وبادب اكيد لازم ماتخاف لانو الشب الي حيشوفها راح يحترمها وماراح ياذيها
اما اذا كانت العكس هاي المفروض تخاف على حالها لانو ماشالله بعض الشباب مابيصدقو
وهاد راي

مشكوور على مواضيعك الرائعه دكتور
تقبل مـــروري
Arabian girl
07-28-2008, 08:57 PM
مارأيك في الخروج مع رفيقاتك والخروج مع أهلك ..؟؟؟
الطلعه مع الصاحبات الها طعمه غير
يعني بندمج اكتر وبنبسط اكتر


هل تحسين بأمان مع رفيقاتك ؟؟ ولماذا؟؟؟؟
بحس بالامان والاحة اما ليش ما بعرف

مشكور دكتور ع الموضوع
الدكتور امير
07-28-2008, 09:45 PM
يسلمووو على الموضوع الحلو
انا عن نفسي اهلى ما بمنعوني اطلع مع صحباتي لانو عارفين مين صحباتي وطلعه مع الصحبات احلى لانك بتكون طالع مع واحد بسنك بفهم عليك وبتفهم عليه


الخروج مع جيلي او من هم في سني رائع للغاية

بل هو قمة الروعة الله يحفظكم لبعض
الدكتور امير
07-28-2008, 09:47 PM
أنا ما عندي رفيقات ع شان أطلع معهن.... فبفضّل اطلع مع أهلي بس بالعافية..

لأني ما بحب أطلع من البيت أساساً غير ع المدرسة..بس برضو الطلعة مع الرفيقات الها طعم تاني..

و كلّو واحد يعني.
ما عندي رفيقات .... بس حقلك أنا بحس بالأمان مع أهلي أكتر لأنه أبوي حاميني ...

و ان كنت مع رفقاتي ما رح حس بالأمان لأنه ناقصني شيء..

بس لمن أوصلكم يمكن يصير عندي رفقة ....ههه

يا ستي ان شاء الله يصبح لك الكثير من الرفيقات

د.امير
الدكتور امير
07-28-2008, 09:49 PM
اول شغلة
ما فيها شي لو البنت طلعت مع صديقاتها لاي مكان

وتكون الجلسة بيناتهم محترمة
البنت مع صديقاتها غير مع اهلها
يمكن بتنبسط اكتر مع الاصدقاء لانو يمكن بتاخد راحتها اكتر
بتتناقش معهم
بتشوف الغير والغير بشوفها

طبعا مش غلط تطلعع مع اهلها
ومش غلط تطلع مع صديقاتها

والمنظر بالاماكن العامة للبنات بحددو البنات
يعني بنلائي كتيير شلل بنات مؤدبات وخلوقات وما فب عليهم اي تعليق
وفي المقابل بنلائي شلل والعياذ بالله

وبالنهاية البنت من حقها تطلع وتتعرف على العالم الخارجي
يعني مو معئوولة اضلها ئاعدة بالبيت لحتى اهلها يقررو يطلعو
البنت انسان ومن حقوقو الاساسية الترفيه عن النفس

ومن ناحية الامان
بالنسبة الي اذا كنت واثقة من حالي وواثقة اني ما بعمل شي غلط ما بخاف ولو كنت لحالي بصحراء

شكرا كتييير دكتورنا على الموضوع الحلوووو والمميز
تقبل مروري

و الله كل الاحترام وجهة نظر حلوة

كلام سليم لانو البنات المحترمات مو غلط لو طلعوا مع بعض و انبسطوا

حلو كتير

اهلين بيكي نورت الموضوع
الدكتور امير
07-28-2008, 09:51 PM
وسؤال للأخوات ..

مارأيك في الخروج مع رفيقاتك والخروج مع أهلك ..؟؟؟

هل تحسين بأمان مع رفيقاتك ؟؟ ولماذا؟؟؟؟

انا بالنسبه الي بحب الطلعه مع صحباتي واهلي بس بفضل الطلعه مع صحباتي اكتر لانو بنروح وين مابدنا
اما اذا مع اهلي راح نتقيد باماكن ماما وبابا بحبوها بس ومابنحب ناخدهم على اماكن مابرتاحولها
عشانا
مثلا انا عندي بابا مابحب يروح على مولات بس اوقات مضطره بدي اروح فبروح مع صحباتي
اما بالنسبه للامان فهاد حسب البنت وتصرفاتها اذا كانت ماشيه كويس وبادب اكيد لازم ماتخاف لانو الشب الي حيشوفها راح يحترمها وماراح ياذيها
اما اذا كانت العكس هاي المفروض تخاف على حالها لانو ماشالله بعض الشباب مابيصدقو
وهاد راي

مشكوور على مواضيعك الرائعه دكتور
تقبل مـــروري

حلو كتير مو غلط انا تمام بشد على ايدك بس الطلعة مع الاصدقاء لها طعم مميز
الدكتور امير
07-28-2008, 09:53 PM
مارأيك في الخروج مع رفيقاتك والخروج مع أهلك ..؟؟؟
الطلعه مع الصاحبات الها طعمه غير
يعني بندمج اكتر وبنبسط اكتر


هل تحسين بأمان مع رفيقاتك ؟؟ ولماذا؟؟؟؟
بحس بالامان والاحة اما ليش ما بعرف

مشكور دكتور ع الموضوع

اكيد

مشكورة على المرور الحلو