ماذا لو انقطع الانترنت بشكل نهائي؟

[اسير حب فلسطين]

ماذا لو انقطع الانترنت بشكل نهائي؟ كيف ستكون حياتك؟؟


أصبح الإنترنت جزءاً من حياة الكثير من الناس في العالم

ولا يمكن الاستغناء عنه

حيث أصبح التعامل التجاري عن طريقه وأصبح نقل الرسائل

وتبادل المعلومات وتسديد الفواتير والاستفادة من الثقافة والبحوث

والكثير من الأمور التي لا تتم إلا عن طريق الإنترنت


وبعد كل ذلك ..


ماذا لو انقطع النت بشكل نهائي

حيث لا يوجد إنترنت ولا وسائل اتصال كالمسنجر وغيرها

ولا منتديات ولا مواقع طبية أو ثقافية أو غيرها ..


كيف ستكون حياتنا ؟

كيف سنعيش بدون إنترنت ؟

بالطبع الوضع سيكون لدى البعض صعب جداً ومحزن

لأنه يجلس أمام النت ساعات طويلة ..

والبعض سيكون الأمر طبيعي لأنه سيعود إلى حيث كان في السابق

أي لا إنترنت ولا منتديات ولا مواقع ولا غيرها ..

ماهي وجهة نظرك لو انقطع الأنترنت ؟؟ شااارك برايك؟

[احلام]

والله يا اسير سؤال صعب يمكن لو سألته لناس كل تعاملاتهم واشغالهم ع النت يمكن حياتهم
تصير صعبة كتير كتير ويرجعو للفاكس والبريد السريع وغيره بس الاهم انها المكتبات
بترجع تعمر لانها وسيلة المعرفة والتلفاز بزيدو مشاهدينه ...........لكن بالنسبة النا
يمكن نرجع زي الاول لانه مش شيء اساسي بحياتنا وما بتخرب الدنيا
والله اعلم

[حكيم فلسطين]

يعني في الاول وفي الاخر الواحد مش راح يموت من الجوع مع انقطاع النت
راح نرجع لورا شوي من ناحية طريقة التعامل والحياة

[الهدى]

في اعتقادي أن النت للتجار والباعة والمؤسسات التجارية شيء مهم جدا لايمكن الاستغناء عنه...

وإن من يجلس أمام النت ساعات طويلة .. سيكون الوضع بدونه عليه صعب جداً

ومن لا يتخذه اسلوب حياة فلا مشكلة لديه ...

والحمد لله على هذه النعمة وعلينا ان نحافظ عليها وان نحافظ هلى انفسنا وعقولنا منها

وبارك الله فيك اخي اسير

وجزاك الله خيرا

[هلــون]

اسييييييييييييييييير .. شكرا على موضوعك. بلنسبة لالي اذا انقطع النت عني عادي اول يومين بحس بملل وبعدين بكمل حياتي عادي .. اصلا هوي مو شغلة اساسية .. بس بالنسبة للمؤسسات والدوائر الحكومية والخاصة هذا شي صعب كتير عليهم .. لانه صار تقريبا 90% من شغلهم على الانترنت ..فهذا صعب كتير .. بس توقعاتي لو انقطع النت رح يخترعوا شي بديله ..

[gold_quest]

اشكرك اخي اسير على هذا الموضوع الي حالين بيعمل عليه دراسات

اما بنسبه الي اكيد طبعا صعب لانوا هون كل اعتمادنا عليه مش مشان الشات او المنتديات ونما على شان زي ما حكيتوا نحن بنشتري عن طريق النت وعن طريق نرسل للجامعه حتى هون اذا بدك سكن ولا اي اشي عن طريق النت فلو انقطع بتكون الحياه صعبة جدا فوق التصور والله اعلم
جزاك الله اخي خير

[البحر]

شكرا كتيرررر بس الانترنت لو انقطع بتخيلل انوا متل زمان ما كنااا بعتقد انوا افضل مع انوا كل شي الوا محاسنوا ومسوئوا .
البحر (زهرة المدائن )

[فلسطين لنا ولنا]

شكرا حج اسير على الموضوع والله ما بتصور الياة حاليا بدون نت
يعني اصبح الانسان يتثقف ويتعلم امور كثيرة على النت
وايضا اصبح يتعرف على اصدقاء ويجد نفسه بعالم صغير يتكلم مع اي جنس كان دون اي صعوبة

[~ | Mazaj]

ما بعرف شو رح يصيـر ..

بس احتمال ادخل المستشفى بعد ما ينقطع .. لانو بانقطاعو بيكون انقطع وريد الحياة تاعي ..

انا ما بقدر استغنى عن النت بالمرة .. وبفضلو على الغذاء ..

بس هادا مستحيل يصيـــــر .. لانو الواحد بعد ما يتقدم ما بيرجع خطوة بالعكس بيتقدم اكتر ..

يسلمــو اخي اسير ..

نقاش مهم ::

[محمود]

لو انقطع النت فش منتدى شباب فلسطين تخيلو كيف بتصير عاد :)

الى رد كامل بس اجى من الامتحان ^__+

[اسلام]

جزاك ربي خيرا اخ اسير
الانترنت مش كل شي بالدنيا ومابتخرب الدنيا لو انقطع
يعني الي بضلهم 24 ساعة على النت بكونو فاضين وماوراهم شي وحياتهم ملخبطة ومش منظمين وقتهم وبكونو من دون هدف و......الخ

بعدين الانترنت شي حلو لما نتخذو للفائدة والافائدة

يعني المختصر مش كل حياتنا

[ameera]

مـش حـ موت يعني لو انقطـع .. :wacko:

بس ممكـن أضايق بس مش أكتر في اشي تاني أهمـ من النت و طبعـا كل واحد عندو هـوايه يمارسهـا ..

وفي قراءة الكتب والمطالعة أنا بحبها كتير بشغـل وقتي فيهـا مو اشكال ..:icon26:

يسلموو

[اجمل احساس]

يييي الله لايقدر انا اغلب وقتي على النت اتعودت عليه كتير ولو انقطع اكيد رح اعاني وحيصير عندي وقت فاضي كتير همممم يلا بحاول اتأقلكم بس برضو بعيد الشر تف من تمك اسير

[دموع الغربة واشواق العودة]

النت الو سلبيات والو ايجابيات ..وانا عندي اجابتين ..1 احسن مع السلامة 2 لالالالالالالالالالالالا كيف رح اعيش من دونوه ..ههه بصراحة سؤال صعب واجابته غير محددة ..المهم شكرا الك ..^.^..

[Twin]

عادي ... وكتير عادي كمان ..


جربتها قبل هيك ... تعودت ع النت كتير , وفجأه سافرت وتركتووو سنتين ما سئلت عنووو ..


بس فعلا بحس بأهميتو لما يقطع واكون بدي احكي مع امي وابي ...


الله يرحمك يا اسير حب فلسطين (-:

[أمير رفح]

عادي بنستحمل .... الواحد هيبطل يقعد على الكمبيوتر :)

الواحد صبر ايام على قطع الكهرب وهو أصعب .. يعني النت بسيطة خليه يقطع :)

تسلم يا أسير على الطرح

[فلسطينيه والراس مرفوع]

مرة جربت ينقطــع عني النت

قعدت شهــر كئيبـــة وحزينـــة p:

بــس قلة النت أحسن ..

يعني صح في النــآ اهتمامات وصحاب بالنت صعب انغيب عنهم

لكـن لو جربنا الحيــآة بدونو مش صعبة لهالدرجة :)

يسلمو موضوعٌ جميــلٌ p:

=)

[الطالب المجتهد]

اه صح مش كل اشي الانترنت في الدنيا الدراسة اهم مشكور اخي العزيز

[أبو يقين]

متلا أنا واحد من الناس ما بقدر الا أقعد على النت

زي ما تقول النت شقفهـ من حياتي

ما بقدر بالمرهـ

وشباب فلسطين كيف بدنانقعد عليهت

لو بدي أقلكت شو رح يصير معي

بدي صفحات

موفقين