هل ترضى أن تتزوج فتاة كنت على علاقة معها ؟

[شهيدة الاقصى]

هل ترضى أن تتزوج فتاة كنت على علاقة معها ؟

--------------------------------------------------------------------------------

هل تتزوج بنت تعرفت عليها عن طريق التلفون او الانترنت ؟


وهذه قصة حدثت






بدنا رايكم فيها..




محادثه هاتفية بين حسام واخته رنين..



نبدأ بالمحادثة


الووو مرحبا رنين انا حسام..



رنين : اهلين حسام ...



حسام : عندي موضوع بدي احكي معك فيه بخصوص بنت..



شو رأيك في (فلانة) الي انا على علاقة فيها , وهي بدها نرتبط..


رنين : البنت محترمة وما عملت اي غلط..



رنين : وليش متردد انك تخطبها؟


حسام : لانها قبلت تحكي معي بالتلفون..



رنين : بس انت قلت لي انها محترمة وانك تعمقت معها وانك بتحبها؟



حسام : صحيح وهي محترمة جدا لكن !!



رنين : لكن ايش يا حسام ؟


حسام : اكيد الي قبلت تحكي معي حكت مع غيري...



رنين : مش شرط يا حسام !!



حسام : لأ شرط ونص يا رنين..



رنين : بس انت يا حسام بتحكي معها من فترة طويلة ولما اجاك وقت الجد وقلنا يا زواج صار بدك تتهرب؟


حسام : صح لكن .... عندي مبدأ في الحياة وهو " الي بتحكي معي بتحكي مع غيري وبتخون"..



ويستمر الحديث الذي لا ينتهي......




شو رأيكم يا جماعة نتناقش بهذا الموضوع ؟


هل ترضى ان تتزوجها ؟


نريد ردود صريحة



نريد اراء الجميع المجربين وغير المجربين... دون احراج


طبعا اراءكم بتفيد الكتير



والبنات مدعوات للمشاركة اكتر من الشباب



هل ينجح هذا الزواج ؟؟؟



ام ان الشك سيسيطر على الطرفين؟

أتمنى من الجميع يشاركنا بالرأي

[فدى فلسطين]

والله انا بحكي ما رح ينجح هاد الزواج

انا مو اصدي انه غلط يتفاهموا لو اهلهم بيعرفوا. بس مو هيك!!!!!!!!!!!!!!!

يسلموا حبيبتي (شهيدة الاقصى)

[السيف عدي]

من خلال تجربتي .. انا بفضل اني ارتبط مع صبية بعد حب وتعارف .. هيك احلى .. يسلمو

[بسم الحب]

وانا بالنسبه الي ادا كانوا موفيق مع بعض والاهل كمان

بكون حلو

[حدن]

وجب الا تكون على علاقة باحد قبل الزواج وحينما تستطيع الزواج عليك به فهو صون للنفس عن الحرام وعفه لها وهو غض للبصر وعفة للنفس
فالسؤال مرفوض كسؤال بالنسبة لي عسى الله ان يهديكم
اخوكم حدن

[ايــاد]

لا بالنسبه الي مستحيل اتزوج وحده انا على علاقة حب معها

ما في احلا من الحب بعد الزاج والزواج التقليدي هو أفضل انواع الزواج

وبدووم العمر كلو

يسلمو على الطرح

يعطيكـٍ العافيهـ

[شهيدة الاقصى]

مشكوووورين عالردود الحلوة و المرور الحلو

[مؤيد]

ممكن ...

بس طبعاً ما تكون البنت فارطة وراخية المجال ...

لازم احس انو عندها خطوط ما بتسمع لحدا يتجاوزها ......

لكن من جهتي ....

انا بفضل الطريقة الصحيح للزواج ، وهي الخطبة .... ما بحب اسميها طريقة تقليدية ، اسمها الطريقة الصحيحة مش التقليدية .... لإنو قد ما نحاول نفهم البنات ونعرفهم ، ما رح نقدر ، ما حدا بيفهم البنات الا البنات نفسهم ، عشان هيك انا رح اتوجه لأختي في هيك مسألة واخليها هي اللي تختار وانا بشوف ازا رح تعجبني او لا ...

لكن بالنهاية كلشي نصيب وما حدا بيعرف نصيبو وين ، وممكن عالنت لإنو مش كل بنات النت عاطلين .... فيهم كتير نماذج مؤدبة ومحترمة وانا شفت ....

شكرا عالموضوع شهيدة الأقصى ..

[شيخ الحارة]

والله الإشي تساهيل كل عنزة معلقة بكرعوبها ... يعني كل حالة والها إشي ... ممكن اخد وحدة بحكي معها قبل بس بكون عرفتها وعرفت اصلها وفصلها وفصصتها من فووووووووووووووق لتحت اااه ممكن ليش لأ

[جرحٌ بملامح انسان]

بس لو رحت خطبت بنت ما كنت على علاقة معهـا

بضمن ما تكون كلمت حـدا قبلي :)

لأ طبعـا ..

يمكن البنت اللي أنا حبيتهـا وعملت معهـا علاقـة بكون عرفتهـا أكتر ..

أنا مــع الزواج بعـد علاقة حب .. ولو لفترة بسيطة :)

هـاد قناعة

^,^

تسلمي على الموضوع

[dreems]

انا رأيي مع العضو ( السيف عدي ) من خلال تجربتي .. انا بفضل اني ارتبط مع صبية بعد حب وتعارف .. هيك احلى .. يسلمو وكل حالة لها حكمها

[Arabian girl]

كل عنزة معلقة بكرعوبها
ههههههههه حلو هالمثل
-------
مجرد مرور واطلاع
مشكورة ع الموضوع

[الحان الحرية]

مجرد مرور أشوف الآراء

[خالدالورد]

في اشي مش تمام ، في حد لاحظه ؟

[Anonymous Gril]

هاد الزواج يمكن ويمكن لأ ،،،، برضو لو كنت انـــا شب رح أتزوجها بس بالطريقة التقليدية ،،،،

عن طريق إني أتعرف ع أهلها و أفاتحهم بالموضوع ...


بس أنـــا كــ صبية و كـ نـــــور ،،،،، رح أرفض هيكـ زواج و حتى الزواج التقليدي كمان ...

لأنــــي مش مقتنعة بالارتباط من أساسه...(:"

[Anonymous Gril]

في اشي مش تمام ، في حد لاحظه ؟

لأ،،،،، بس أنـــا استغربت إنهم بحكوا ع التليفون ...مش وجهاً لوجه...



:icon9::icon9::icon9:

[B a s i m a]

بشكل عام..حتى لو كان في علاقة قبل الزواج...يفضل تكون في حدود

لا شك إنه الأهل و البيئة بيلعبو دور كبير في كيفية تفكير الشاب و البنت

ممكن ما يكون في ثقة بعد هالزواج

و ممكن يعيشو أسعد زوجين..

بدها حسابات...

[B a s i m a]

في اشي مش تمام ، في حد لاحظه ؟

؟؟؟

[الفتاة المشرقة]

السلام عليكم

انا بحكي حسب الشخص وحسب البيئه الي عايشين فيها

يمكن الشخص لما حكى مع البنت وحان على علاقه معها كان من الول متفق على الزواج او عرفها وما عندو شك انها رح تحكي مع حدا غيروا
وكمان البيئه يعني في شعوب عادي او لازم يعرفها قبل الزواج

بس انا من وجهة نظري
انو لو تزوجها عى حب وعلاقه قبل الزواج مش رح يدوم كثير :)
بس زي ما حكو الاخوه افضل الزواج هو الزواج الذي نعرفه جميعا خطوبه الاهل لابنائهم بدون ما يعرفها يعني لما بدو يخطبها بتعرف عليها وهيك افضل للاتنين

وشكرا الك على طرح الموضوع

[الفتاة المشرقة]

في اشي مش تمام ، في حد لاحظه ؟

قصدك انو في شخص حكى من تجربتي !!!!!!!

[وردة الخريف]

والله انا بشوف انه لازم على الشب ازا كان واعد بنت بالزواج انه يتزوجها لانه هيك بكون عماله يلعب فيها ويمكن ما برضاها لاخته صح؟؟؟؟؟؟؟؟؟؟؟؟؟

[روعة الاحساس]

والله انا بشوف انو ما في ولا واحد من اللي حكو انهم عادي يتزوجو من البنات اللي كانو على علاقة معهم قبل الزواج ,رح يكونو واثقين من شريك حياتهم بعد الزواج .
لانو رح يضل حاسس انها متل ما اتكلمت معاه فهي ممكن تحكي مع غيره او حتى عالاقل مرت بعلاقات سابقة قبله.
بس في حالة اذا كانو جيران او اقارب فانا بشوف انو ما في مشكلة لو تعرفو على بعض لان حيكون في رقابة من الاهل .

وبالنهاية ما في احلى من انو يكون كل شي واضح قبل الزواج,عشان اهم شي هو الثقة بين الشريكين

[أنثـــى]

أعتقد أن دوام الزواج ونجاحه غير متعلق بعلاقات ما قبل الزواج فقط..

نجاح الزواج يعتمد وبشكل كبير على طريقة الانسجام والتفاهم بين الطرفين

فإذا كان أحد الطرفين ينظر إلى العلاقة التي كانت بينهما على أساس أنها علاقة غير شرعية وعلاقة غير

نظيفة واستمر هذا التفكير وانتقل إلى مرحلة التنابز بين الزوجين سيؤدي ذلك إلى تفاقم المشكلة

التي لن تُحل إلا بالطلاق في معظم الأحوال ..!

ولكنني أظن أنه لو كانت العلاقة منذ البداية قائمة على أساس الحب الشريف الطاهر المؤدي إلى الزواج

حتى ولو كانت بدون علم الأهل ـــ فالقادر على اتخاذ قرار بالحب قادر على اتخاذ أغلب قراراته بمفرده ــ

المهم أنه سينظر كلا الطرفين لبعضهما نظرة ثقة وحب وتفاهم وانسجام واعتقد بعد مشيئة الخالق أن ذلك

الزواج سينجح..!


نوع العلاقة ما قبل الزواج هي التي تؤثر على العلاقة ما بعد الزواج ..

وقد يتزوج الطرفين بالطريقة المعروفة ثم لا نرى أي نجاح في العلاقة بينهما ...



إذن وخلاصة حديثي

أن التفاهم بين الزوجين يؤدي دائما إلى الحياة السعيدة..!

وأنا أنصح كل من فكر بطريقة التشكيك أن يدرس الطرف الاخر دراسة متعمقة ومتفحصة ثم

وإذا قرر الزواج أن يستشير ويستخير ثم وإذا تزوج أن يدع التنابز بالماضي

وأن يتوكل على الله في كل خطوة

((ومن يتوكل على الله فهو حسبه)).


دمتم بود:s (43):

[مجدلاوي فايع]

أعتقد أن دوام الزواج ونجاحه غير متعلق بعلاقات ما قبل الزواج فقط..

نجاح الزواج يعتمد وبشكل كبير على طريقة الانسجام والتفاهم بين الطرفين

فإذا كان أحد الطرفين ينظر إلى العلاقة التي كانت بينهما على أساس أنها علاقة غير شرعية وعلاقة غير

نظيفة واستمر هذا التفكير وانتقل إلى مرحلة التنابز بين الزوجين سيؤدي ذلك إلى تفاقم المشكلة

التي لن تُحل إلا بالطلاق في معظم الأحوال ..!

ولكنني أظن أنه لو كانت العلاقة منذ البداية قائمة على أساس الحب الشريف الطاهر المؤدي إلى الزواج

حتى ولو كانت بدون علم الأهل ـــ فالقادر على اتخاذ قرار بالحب قادر على اتخاذ أغلب قراراته بمفرده ــ

المهم أنه سينظر كلا الطرفين لبعضهما نظرة ثقة وحب وتفاهم وانسجام واعتقد بعد مشيئة الخالق أن ذلك

الزواج سينجح..!


نوع العلاقة ما قبل الزواج هي التي تؤثر على العلاقة ما بعد الزواج ..

وقد يتزوج الطرفين بالطريقة المعروفة ثم لا نرى أي نجاح في العلاقة بينهما ...



إذن وخلاصة حديثي

أن التفاهم بين الزوجين يؤدي دائما إلى الحياة السعيدة..!

وأنا أنصح كل من فكر بطريقة التشكيك أن يدرس الطرف الاخر دراسة متعمقة ومتفحصة ثم

وإذا قرر الزواج أن يستشير ويستخير ثم وإذا تزوج أن يدع التنابز بالماضي

وأن يتوكل على الله في كل خطوة

((ومن يتوكل على الله فهو حسبه)).


دمتم بود:s (43):



أسلوب افحام تعجيزي . يبرز المعنى ويزيده وضوحا .. أهنيكي رايك ممتاز


بالنسبة الي ممكن على حسب البنت ... يعني متلا وحدة دخت وراها السبع دوخات تاخد رقمها ودخت ترضيت تحكي هاه اوكي

بس وحدة ماخد رقمها من شب متلا اكيد بتجوزهاش


يعني حسب التساهيل الحكاية والبنت ... وكلو نصيب بالنهاية

[joojoo]

بالنسبة الي مافي مشكلة اذا كنت متأكد من البنت رح نتزوج وما في أي مشكلة بس يبقى سؤال مهم ما بعرف الجواب عنه وهو:
هل الزواج سيكون ناجحا أم فاشلا ؟؟؟!!!!!!!
وبالمناسبة إذا كانت النظرة ( إلي بتحكي معي بتحكي مع غيري) هذا رأي خاطئ فيجب علينا أن نعرف بعضنا وتكون الثقة متبادلة وإلا فالعلاقة منذ البداية فاشلة .
ولكن أرجو منكم الرد على هل الزواج يكون ناجحا أو فاشلا في الحالة الأولى وراجيا منكم توضيح الأسباب .

[الجزائرية]

والله اخي الكريم البنات مش زي بعض لي بتحكي مع واحد مش بالضرورة بتحكي مع الشباب يمكن تكون البنت محترمة وما حدى عارف شكرا على الموضوع وعلى العموم هدا راي الشخصي

[فلســـــطينــــي]

الموضوع حلو

اما بالنسبة لالي انا ازا تاكدت منها منيح

ما في مشكلة لاني مابعرف ازا انا تزوجت وحدة ما بعرفها ممكن تكون ايش

والزواج ئسمة ونصب

دمتم بود
تحياتي

فلسطيني

[كرمال الوطن]

أنا برأيي حسب الأشخاص

يعني ازا الشب اصلا متعود يحكي مع بنات ....شي طبيعي يكون شكاك ويقول كانت تحكي مع غيري ومن هالكلام

وبرايي لو جد بحبها كان ما وصل تفكيرو للهشي اصلا !!! واضح انو عم يجرب او عم يتسلى

انا بشوف لو كان بعرفها وبعدين تقدم احسن ..وكمان للبنت نفس الشي ...وما بحب الطريقة التقليدية بالمرة ..بلكي

الشخصين ما اتفقوا !!! يعني مافي بينهم انسجام بالمرة !! ايه والله مو حلو ..هلأ مو شرط يحبها قبل الزواج بس على

الاقل يكون معجب بشخصيتها بثافقتها بجمالها بب....الخ ...هيك برايي احسن..وكل شي قسمة ونصيب *_^

والله يوفقكن ^_^

[.!. وردة الأقصى .!.]

طيب ليش مانعكس الموضوع شوي :d

نسأل البنات ,, بترضي تاخدي واحد كان إله علاقات مع البنات ؟؟

بتقدري توثقي فيه بعد الزواج ,, يكون زوج صالح لأ إلكـ ومايخونكـ ؟؟

وبعدين اللي بدو يحب قبل الزواج بدو يكون قد الحب

ولوو كان شاككـ بالبنت اللي بحكي معها سواء عالتلفون او عالانترنت

ليش ليحبها اصلا ً ويوعدها بالزواج وغيرو وغيرو

على ما أظن ما برضاها لأخته صح ؟؟

ويعني لو أخد وحده خطبها وتزوجها بالطريقة التقليدية

بيضمن أنو اللي أخدها ماكان إلها ماضي وما إلها اي علاقات سابقه ^^

طبعا ً لا ,, فأنا برأيي البنت اللي بتكون على علاقه معه قبل الزواج

بكون عارفها أكتر وعارف كل شي عنها

وبس ..

هي وجهة نظري

ويسلمو عالموضوع ^_^

[بنت صميل]

مارح ينبني بيت
لانو اتعود عليها بايش معين
بس يتزوجو هيصير في مشاكل لانو هيصير يشوف اعيوبها
وكمان المشاكل هضل وهيكون فيه الشك بين الطرفين
وهاض راي
وشكرا على الموضوع

[شظايا انثى]

السلام عليكم

القصه هل سياخذها او لا ؟؟؟؟ السؤال هل هي / هو كانو صادقين مع انفسهم ومع الطرف الاخر وله الموضوع مجرد تسليه؟؟؟؟؟؟

الايام الكل باخذ الحب ذريعه للكلام والتسليه

ومن رائي حسب صدق الطرف الاخر

يسلمووووو

[..::شذى القلوب::..]

انا بصراحة ضد إنو الواحد يتزوج بنت أتعرف عليها بالتليفون أو بالإنترنت لأنو شو لي راح يضمن إنو البنت إلي اتزوجها ما راح تحكي مع ولد تاني بعد الزواج أو شو بضمن البنت إنو زوجها ما راح يروح يحكي مع بنت تانية و يمكن يتزوجها عليها ......
ويسلمو على الموضوع ..

[._.•°ღ حكآية آحسآآس ღ°•._]

هسة لو اني ولد

مستحيل اتزوجها

لانو هاي بدها تربي ولادي

فلما بدها تيجي تربيهم بدها تربيهم زي ما هي متربيا

فطبعا هادا الشي من سابع المستحيلات

[مسك الحماس]

لا ,,, أنا رأيي غير هيك طبعا
قال تعالى "وجعل بينكم موده ورحمه ,,, بعدين الحب يكون بعد الزواج مش قبله .....
واللى كلمتنى شووو ضمنى ما تكون كلمت غيري ,,,, وبعدين هاذا اللى بصير اليوم خارج عن شرعنا ,,, ليش كان أيام الرسوول هيك كلام
" بعدين لما بدى أخطب البنت ,,,أو الشاب "خلقه ودينه ,, قبل ما أحبه والحب بعد الزواج مش قبله,,,,
لا أؤيد هذا المبدأ مطلقا .... صح مثل ما قالوا مش كل البنات مش محترمات ,,,, وممكن "بنات يكلموا شباب عالنت او الماسنجر """بس يلى بتكلم شاب عالماسنجرر ,,, بنظري مش محترمه حتى لو مش شايفها """ ممكن .. كلمه ... موعد ,,, حب ,,,لقاء ......... إلخ
هاذا طبعا وحهة نظري .... مشكوره حبيبتى شهيده الأقصى