المساعد الشخصي الرقمي

مشاهدة النسخة كاملة : بدي جوااب ...افرض لو.....-*للرجال و الرجالو قليل*-


bEnOoO
07-12-2008, 01:50 PM
السلام عليكم

ايش اخباركو يا جماعة؟؟:icon9:

ايش اخبار الصيفية معكم :matrix:

و ايش اخبار الروتييييييييين:b:

المهم هلقيت انا مبارح حصلي موقف .... يعنى كنت ماشية انا وصاحبيتى و الا شبين صارو يتغالزو علينا و

لاحقينا يعنى دبقونا مع انو (تنيناتنا لابسين جلباب).....

المهم احنا كنا بطريقنا للبيت كان في واحد شخصيا ما بعرفو و لا عمري شفتو و فايت لما شافهم هيك

ناداهم و اخدهم على جنب و صار يحكيهم انو بنات الناس مو لعبة و من الاشي هاد و احنا كملنا

طريقنا ..................انا هازا الموقف صدمنى:icon6::icon6: مين هالشهم هاد ..زمااان عل شباب زي هيك


يعنى بهالوقت صار الشب بيفوت و بيقلك ايش دخلنى انا لاحميها:icon28::icon28:


او ايش انا ناقص مشاكل يعنى بيشوف البنت لاحقها او بيضايقها حدا و لا على بالو

مش زي رجال زمان الي حمشين و دمهم حامي:icon28: بيرضوش بنات الناش تتهزء


و الان و من هازا المنبر انا بساءل سؤال الساعة للشباب
انت لو مريت و شفت شب بيضايق بنت ايش بتكون ردت فعلك بصراحة يعنى؟؟؟


كانت معكم المستسارة الاجتماعية قرفانة حالى

عاشق البندقية
07-12-2008, 02:05 PM
هو حسب ,,,, يعني....

إذا كانت البنت محترمه حالها ,, ومستورة وما شاء الله عليها ,,

مش بس بتدخل ,, وبكسرلو راسو كمان ,,

أما إذا كانت البنت ,, من اللي اللهم عافينا,,

ساعتها بسير أنا شو دخلني,,

الدكتور امير
07-12-2008, 02:14 PM
و من هنا يكتب الدكتور امير

الى المستشارة

هل لنا باستشارات مجانية

فارس الوطن
07-12-2008, 02:14 PM
بصراحة يعني .. انا هالشي بدايقني وكتيير بعصب منو لما اشوف مواقف زي هيك بتصير لبنات الناس

لانو كل قلة الادب ما بحبها ..
وان شفت حد زي هيك بعمل مع بنت محترمة بحكي معو بالتي هي أحسن .. طبعا هالاشكال اللي زي هيك ما بفهمو .. لهيك بضربو ما بتفرق عندي ..

bEnOoO
07-12-2008, 02:15 PM
هو حسب ,,,, يعني....

إذا كانت البنت محترمه حالها ,, ومستورة وما شاء الله عليها ,,

مش بس بتدخل ,, وبكسرلو راسو كمان ,,

أما إذا كانت البنت ,, من اللي اللهم عافينا,,

ساعتها بسير أنا شو دخلني,,
شكرا الك ا عالجواب
و الله يستر على اخواتك و يحميك

bEnOoO
07-12-2008, 02:16 PM
و من هنا يكتب الدكتور امير

الى المستشارة

هل لنا باستشارات مجانية
هههههه لا فش مجاني و بلاش تطمعو اعملكو تخفيضو و لا واحد بالمية
اهلا دكتور نورت

bEnOoO
07-12-2008, 02:18 PM
بصراحة يعني .. انا هالشي بدايقني وكتيير بعصب منو لما اشوف مواقف زي هيك بتصير لبنات الناس

لانو كل قلة الادب ما بحبها ..
وان شفت حد زي هيك بعمل مع بنت محترمة بحكي معو بالتي هي أحسن .. طبعا هالاشكال اللي زي هيك ما بفهمو .. لهيك بضربو ما بتفرق عندي ..
اهلا فيك
و الله يستر عل اخواتك و يحميك

بنت الشام ..
07-12-2008, 02:27 PM
يالله غريب هالشب من وين طلع قسم بالله انو ابن حلال ...

ياكتر الشباب الي بيدايقو بالشارع والمشكلة بيفكرو حالون شي .....

المشكلة انو المووضوع عم يتأزم يوم مع يوم .... صاير متلا لو كنتي مع حدا بيقربك ومرت بنت حلوة ما بيستحي بينزل عينو لا عااادي ... بالعكس قدامك بيصير بيحكي عليا ....

شباب اخر زمااان ... شي بيقرف ... ِِِ

bEnOoO
07-12-2008, 02:31 PM
يالله غريب هالشب من وين طلع قسم بالله انو ابن حلال ...

ياكتر الشباب الي بيدايقو بالشارع والمشكلة بيفكرو حالون شي .....

المشكلة انو المووضوع عم يتأزم يوم مع يوم .... صاير متلا لو كنتي مع حدا بيقربك ومرت بنت حلوة ما بيستحي بينزل عينو لا عااادي ... بالعكس قدامك بيصير بيحكي عليا ....

شباب اخر زمااان ... شي بيقرف ... ِِِ
اهلا نورتى اه و الله ابن حلال من الاخر
انا انصدمت بجد

أبو النسور
07-13-2008, 12:37 AM
شوفي يا أختي ..

أنا أبو النسور بمسكله راسه وبقلعهولوا بمخالبي ...

هههههههههههههه

بمزح ..

الجد :::

حسب مزاجي
وحسب هيئة البنت
وحسب شكل الشاب .. يعني إزا منظره داشر بتاع سكاكين وضخم الجثة وقدي مرتين أو ثلاثة ومثل هيك بقول الله يجيرنا

أما إن شايف حالي قده ليش لا بعمل اللي علي

" ولايكلف الله نفس إلا وسعها "

وعموما أنا ما تواجهتش بهيك موقف ولو صار مش حسكت

" ما تدعيلي الله يستر على خواتك "

ما عندي خوات

إدعيلي الله يستر على أهلك وقريباتك

وشكرا لإحياء النخوة في نفوس الشباب

MoHaDe
07-13-2008, 12:52 PM
والله انا من النوع اللي بكره هالشغلات

و اذا شفت واحد عملها قدامي فش مجال يا قاتل يا مقتول ههه
مرة انا وواحد بالحارة ضربنا شب لعنا ابو افطاس ابو كان لاحق بنت من حارتنا والبنتهاربة منو ودخلت الحارة وكنا انا وهداك الشب واقفين وعينك ما تشوف الا النور اكل قتلة بحياتو ما توقعها

جد انا اي بنت بعرفها او بعرفهاش شو ما كان شكلها او هيئتها لقيت شب قاعد بتهبل عليها وهي محترمة يعني ومش ملعة عليه وبتهرب منو بمسكو وبعملو اللازم

يسلمو عالموضوع

bEnOoO
07-13-2008, 01:01 PM
شوفي يا أختي ..

أنا أبو النسور بمسكله راسه وبقلعهولوا بمخالبي ...

هههههههههههههه

بمزح ..

الجد :::

حسب مزاجي
وحسب هيئة البنت
وحسب شكل الشاب .. يعني إزا منظره داشر بتاع سكاكين وضخم الجثة وقدي مرتين أو ثلاثة ومثل هيك بقول الله يجيرنا

أما إن شايف حالي قده ليش لا بعمل اللي علي

" ولايكلف الله نفس إلا وسعها "

وعموما أنا ما تواجهتش بهيك موقف ولو صار مش حسكت

" ما تدعيلي الله يستر على خواتك "

ما عندي خوات

إدعيلي الله يستر على أهلك وقريباتك

وشكرا لإحياء النخوة في نفوس الشباب

هههههه اهلا ابو النسور نورت يما
و الله يستر على اهلك و قراباتك و كل البنات الي بتعرفهم و الله يحميك

bEnOoO
07-13-2008, 01:02 PM
والله انا من النوع اللي بكره هالشغلات

و اذا شفت واحد عملها قدامي فش مجال يا قاتل يا مقتول ههه
مرة انا وواحد بالحارة ضربنا شب لعنا ابو افطاس ابو كان لاحق بنت من حارتنا والبنتهاربة منو ودخلت الحارة وكنا انا وهداك الشب واقفين وعينك ما تشوف الا النور اكل قتلة بحياتو ما توقعها

جد انا اي بنت بعرفها او بعرفهاش شو ما كان شكلها او هيئتها لقيت شب قاعد بتهبل عليها وهي محترمة يعني ومش ملعة عليه وبتهرب منو بمسكو وبعملو اللازم

يسلمو عالموضوع
اهلا يما
اي يا هيك رجال يا بلا

السيف عدي
07-13-2008, 02:48 PM
ازا البنت محترمة وبتستاهل اوكيه بس ازا حسيت انو الها ثلثين الخاطر يلحقها .. هاد شي تاني

Dont Ask Why
07-13-2008, 03:33 PM
يعني بصراحه مابعرف

ماصرت مره بهيك موقف

بس يمكن مارح اعمل شي

جرحٌ بملامح انسان
07-13-2008, 03:59 PM
بصـــراحة ..

حســـب الموقــف .. وحســب منظــر البنت .. متل ما حكى اللي قبلي ..

يعني لو شفته تمادى بكـلامه أو حاول انه يأذيهـا .. بعمــل اللي بقــدر عليــه .. ومتـل ما حكــى أبو النسور .. لا يكلف الله نفسا الا وسعهـا ..
يعني ما بروح بعمل حالي أبو النخوات ازا مجرد حكــى كلمة أروح أضربه ولا اعمل شي .,.
لكــن لو تمــادى بكـلامه وشفته زودهـا .. وكـان مستقصــد بنت معينـة .. وقتهـا بدخــل ..

وبيني وبينــكم يا جماعة الخير .. في مجتمعنـا هــاد اللي بيعمـل خير بينــدم :)

هـاد رأئي بصـــراحة

:)

تسلمي على الفكــرة

ايــاد
07-13-2008, 05:30 PM
والله شوفي

اذا البنت نحجبه وحافظه حالها وعيونها بالارض بساعدها شي أكيد وكلامي مو مجامله او انو اروي حالي

أما اذا البنت ع الموضه مستحيل اساعدها وبصراحه بجوز اساعدهم كمااان


يسلمو على الطرح

الله يحميكــ ويبعد عنك ولاد الحراام

bEnOoO
07-13-2008, 09:14 PM
ازا البنت محترمة وبتستاهل اوكيه بس ازا حسيت انو الها ثلثين الخاطر يلحقها .. هاد شي تاني

اهلا يما يا سيف نورت
و الله يستر على خواتك و يحميك

يعني بصراحه مابعرف

ماصرت مره بهيك موقف

بس يمكن مارح اعمل شي
اها يبقى لما يصير معك خبرنا ايش عملت
نورت يما

بصـــراحة ..

حســـب الموقــف .. وحســب منظــر البنت .. متل ما حكى اللي قبلي ..

يعني لو شفته تمادى بكـلامه أو حاول انه يأذيهـا .. بعمــل اللي بقــدر عليــه .. ومتـل ما حكــى أبو النسور .. لا يكلف الله نفسا الا وسعهـا ..
يعني ما بروح بعمل حالي أبو النخوات ازا مجرد حكــى كلمة أروح أضربه ولا اعمل شي .,.
لكــن لو تمــادى بكـلامه وشفته زودهـا .. وكـان مستقصــد بنت معينـة .. وقتهـا بدخــل ..

وبيني وبينــكم يا جماعة الخير .. في مجتمعنـا هــاد اللي بيعمـل خير بينــدم :)

هـاد رأئي بصـــراحة

:)

تسلمي على الفكــرة
هلا يما يا جرح نورت
و اغلب الشباب رايهم هيك
الله يستر على خواتك و يحميك
والله شوفي

اذا البنت نحجبه وحافظه حالها وعيونها بالارض بساعدها شي أكيد وكلامي مو مجامله او انو اروي حالي

أما اذا البنت ع الموضه مستحيل اساعدها وبصراحه بجوز اساعدهم كمااان


يسلمو على الطرح

الله يحميكــ ويبعد عنك ولاد الحراام
اميين و يستر على اخواتك و يحميك يا رب
انا اصلا كان طرحي عن البنات المحترمين حالهم
و شكرا عالمرور
نورت يما يا اياد

مؤيد
07-13-2008, 09:20 PM
لو نفكر من الآخر ....

لازم نعرف شي ...

هدول الشباب مين اللي رباهم ؟؟ مش اللي رباهم هم امهاتهم ؟؟...

ازن المشكلة عارفين وين نحنا ...

عشان هيك كل واحد يربي ولادوا تربية اسلامية وبس ...

وانتو يا بنات صانعات الأجيال القادمة ، فأحسنوا صنعكم والا رح تضيع هاي الأمة ورح يتحمل كل ام واب المسؤولية .....

وكمان للأسف طالما انو ما في دولة اسلامية بحق تعاقب هالأشكال المخزية ، فتوقعوا الأسوء ....

يسلمو كتير على موضوعك ....

كإنك بدولة خليجية عايشة ...

bEnOoO
07-13-2008, 09:28 PM
لو نفكر من الآخر ....

لازم نعرف شي ...

هدول الشباب مين اللي رباهم ؟؟ مش اللي رباهم هم امهاتهم ؟؟...

ازن المشكلة عارفين وين نحنا ...

عشان هيك كل واحد يربي ولادوا تربية اسلامية وبس ...

وانتو يا بنات صانعات الأجيال القادمة ، فأحسنوا صنعكم والا رح تضيع هاي الأمة ورح يتحمل كل ام واب المسؤولية .....

وكمان للأسف طالما انو ما في دولة اسلامية بحق تعاقب هالأشكال المخزية ، فتوقعوا الأسوء ....

يسلمو كتير على موضوعك ....

ردك كتييير عجبتنى يعنى لحتى نعالج مشكلة لازم نعالج اصلها

و ان شا الله كل بنت تاخد بنصيحتك و تكون تربيتها لاولادها اسلامية

الله يستر على اخواتك و يحميك يما

كإنك بدولة خليجية عايشة
ليش خليجية ؟؟؟ لا و الله مش بالخليج راايحة ان شا الله بعد شهرين عالسعودية الله يستر

بسم الحب
07-13-2008, 11:09 PM
هههههههههههههه

فايقه يا خيتو انتي

bEnOoO
07-14-2008, 12:28 AM
هههههههههههههه

فايقه يا خيتو انتي
اه و الله شايف
عقبال عندك يماا

أبومجاهد
07-14-2008, 02:14 AM
شوفي يا اختي احنا في مجموعات عدم التفاهم وحدات دبح دبح بسكينة ام 3شيكل من سوق فراس ....

اذا كنت انا لوحدي و اذا الشب يعني صاحب جثة وضخم بشوف من وين هوا

وبحط عليه اكس يعني في قائمة التكسير عند شلتي

اما اذا كان مقدور بعمل معاه اللازم

انا اذا كانت البنت مش بزيادة يعني الله يسترها بأدعو لها بالهداية وبحكي مع الشب بالزوق

وصارت كتيير مواقف معانا وخصوصاً انو شلتي شلت ملطيش يعني مخ الواحد منهم خزق زي العضو السابق ملطوش بمخو |لولو


ومنهم الأخ العضو أبو محمد أحد افراد شلت عدم التفاهم بس هوا مشغول اشوية .....

bEnOoO
07-14-2008, 11:55 AM
شوفي يا اختي احنا في مجموعات عدم التفاهم وحدات دبح دبح بسكينة ام 3شيكل من سوق فراس ....

اذا كنت انا لوحدي و اذا الشب يعني صاحب جثة وضخم بشوف من وين هوا

وبحط عليه اكس يعني في قائمة التكسير عند شلتي

اما اذا كان مقدور بعمل معاه اللازم

انا اذا كانت البنت مش بزيادة يعني الله يسترها بأدعو لها بالهداية وبحكي مع الشب بالزوق

وصارت كتيير مواقف معانا وخصوصاً انو شلتي شلت ملطيش يعني مخ الواحد منهم خزق زي العضو السابق ملطوش بمخو |لولو


ومنهم الأخ العضو أبو محمد أحد افراد شلت عدم التفاهم بس هوا مشغول اشوية .....

هههههههههه
الله يحميك و يخليلك شلتك
الله يستر على اخواتك
نورتنا

شوق الحنين
07-09-2010, 04:46 PM
أنا مو شب تأرد....ههه...
بس موضوع ...good !!!

haya-jor
07-09-2010, 07:52 PM
اووه بينووو مره وحده !!
بما انو السؤال للشباب اذا انا داخله عرض هوون
بس يا دبه انا عتبانه عليكي واااجد ...