هاجس تعلم اللغة الانجليزية ،، هل يشغلك ؟

[احلى رورو]

السلام عليكم ورحمة الله وبركاته.

يقولون بأن الإنجليزية هي لغة العصر، فهل الواقع يثبت ذلك أم أننا جُبلنا على تمجيد كل ما هو آتٍ من الغرب ولو لم يكن يسر القلب؟ أم أن قوة الغرب وتدخله في المشرق العربي هو الذي فرض سلطان هذه اللغة وجعل لها هيمنة على حياتنا الثقافية وحتى الاجتماعية؟
هل تعلّم اللغة الإنجليزية له علاقة من قريب أو بعيد بنظرية ابن خلدون بتقليد الغالب للمغلوب بعد أن فقد ثقته بنفسه وشعر باستلاب الهوية ثم الإحساس الطاغي بالاستلاب الحضاري..!!
وماذا عنك عزيزنا القارئ؟
ماذا تحتل اللغة الإنجليزية في حياتك ومن اهتماماتك؟ وهل يشغلك هاجس تعلمها؟ وما دوافع هذا الهاجس؟
هل هو مواكبة لما هو عليه الحال؟ أم لأغراضٍ تعود على شخصيتك وعلى مجتمعك بالفائدة والمنفعة؟
أم يا ترى أن تعلمها أمرٌ لا يعنيك ولا تؤيده؟
هل ترى بأن عامل السن والعمر يُعدّ عائقاً في سبيل تعلم هذه اللغة؟ هل تعتبر البحث والسير على خطا تعلم هذه اللغة ضرباً من ضروب العبث الذي لا طائل منه، وأمراً لا يستحق أن يكون هدفاً للوصول إليه؟

[احلى رورو]

انا بدرس هلاء بالجامعة لغة انجليزيه

مش احتذاء بالغرب

بس لانو شعرت انو طلاب هالايام كتير ضعاف باللغة الانجليزية

وما في معلمات متخصصات ،، بتلاقي معلمة عربي بدرس انجليزي :))

بس برضو بنفس الوقت انا مش مقتنعة بتخصصي

لاني ما بحب اتعلم لغات

بعرف فرنسي والماني وعبري وانجليزي ،،،،

اول تلاتة قعدت فترة اتعلمهم اللغات بس ما عندي وقت للمارستهم فنسيتهم

وحرمت ادرس لغات فقررت اغير تخصصي :))))))

[أنين]

امممم

بصراحه أنا بشوف بانو تعلمها مهم ., وأكتير كماان

أنا غيرت مدرستي كلهاا عشان اللغه

مو حباً فيها ., ^^

لانو شف تجارب غيري ., من دون الـنجليزي صعب تدرس

وخصوصاً وضع الواحد بفرض عليه هـ الشي

هون بقطر الوضع صعب اشوي

الواحد ماعنده خيارات

مافي عنا جامعات أكتير ., والي موجودات

يا أما بتقضي سنتين تدرسي بمعاهد وتوفل وساات وقرف .,

عشان تدرسي التخصص عـ طول أو بتدرسي سنتين تأسيس

كمبيوتر وأنجليزي ., وحرام ضيعي سنتين عليكي

والخيار التاني والـأصعب هو جامعات المدينه التعليمه وهون المصيبه بعينها

هدول الجامعات ., شغل أحبااطـ.. ولانهم أغلبهم فروع لـ جامعات مهمه بأمريكا

فا من المستحيل تدخليهمـ.. بدون لغه

أنا حكيت عن الوضع بقطر

وللأسف الواحد ماعنده خيارت

فا أحياناً الظروف بتجبرنا

على أنا نعتبرها شي مهم

ولو الأمر بأيدنا

ما اعتقد بانو ممك نأتعلم حرف فيها

[Dont Ask Why]

بيجوز اللغه النجليزيه هيا لغه العصر وتعلمها كتير مهم

وانا ربيت ببيت تعلمت في اللغه الانجليزيه ئبل العربيه ووصلت لسن 15 مابحكي كلمه عربي

لأنها لغه العصر متل مابيحكو بس الافراط بالاهتمام فيهابسبب نتائج سلبيه كتير

بس اعتقد انو تعلم اللغه كلها بشويه همه وممارسه مابياخد مده طويله وما الو سن معينه بصير عندها التعلم صعب او مستحيل

وفي النهايه تعلمها مهم لأنها اكتر لغه بيتعامل فيها بالعالم لأنها لغه المثقفين ولغه كل شي


مليتو صح

هههههههههه

ثانكس يو

[مؤيد]

صراحة اللغة الإنجليزية صارت مهمة كتير ....

يعني اي تخصص الواحد بيدرسو بس بنفس الوقت لغته الإنجليزية مش قوية ، رح يتغلب كتير ورح يأثر على فرص العمل المنيحة انو يلاقيها .....

يعني كل المجالات هلأ بتتطلب لغة انجليزية ...

انا مش انو بحب الإنجليزية ، بالعكس لغة فيها شغلات غير منطقية احياناً ...

لإنو طبعا نحنا العرب انفسنا تخلينا عن لغتنا الحلوة ، بينما متلا اليهود بعد ما اندثرت لغتهم رجعوا أحيوها من جديد وهنا هلأ بنشوف كيف هم أقوياء لإنهم اعتزوا بغلتهم وبهويتهم وبثقافتهم ....

ان شاء الله يرجع الزمان اللي كان العالم كلو يتكلم فيه العربية ، أيام العز لما كنا ...

وطول ما لغتنا مدفونة بالتراب بعمرنا ما رح ننهض ويصير النا حضارة ....

احلى رورو ، بحس مواضيعك كتير هادفة ....

يسلمو هالإيدين خالو ويعطيكِ الف عافية ...

[احلى رورو]

نوررررتو كلكم

واكيد مؤيد لو انها مواضيعي مش هادفة فليش احطها :))

[نور الهدى]

موضوع جميل

هو انا بصراحة مستواي في الانجليزي ضعيف :b:

و في البداية ما اهتميت بالموضوع كتير لأنه في بلدي الجزائر الفرنسي اهم من الانجليزي .. فحتى قبل مجيئي مع اسرتي لفرنسا كنت اهتم كثير باللغة الفرنسية و حتى اهلي .. و المجتمع كله كان هيك لدرجة انه بعض الكلمات ما تنقال الا بالفرنسية و بعض الكلمات العربية مفرنسة :icon11:

و هلأ تقريبا معظم كلامي مع اخواتي كمان فرنسي .. مش قصة اني بحب هاي اللغة اكثر من العربية او انه نوع من الفشخرة .. لكن من لما كنا صغار هيك تعودنا .. لدرجة انه كانت بعض الحوارات و حتى الطوشات بين امي و والدي بالفرنسي :wacko:

بدي ارجع لموضوع الانجليزي :icon11:

انا فعلا مهتمة اكثر بالموضوع و ناوية ادخل معهد لتعلم اللغة لما اخلص توجيهي .. لأنه تعلم اللغة في المدرسة بس ما بكفي و عدد الساعات المخصصة للانجليزي قليلة ..

سبب اهتمامي مش الوظيفة المستقبلية او الدراسة بالجامعة .. بس هيك بكون في قدرة على التواصل مع الآخرين بشكل أكبر و بهيك ننشر الدعوة لعدد اكبر من الناس ^^

أعتبر تعلمي للغات في سبيل نشر الدعوة بإذن الله .. و يا رب يقدرنا و نتعلم لغات اخرى مش بس الانجليزي :)

يسلموا احلى رورو :s (43):

[ابن المحاصرة]

الأنجليزي شئ معقد

[مؤيد]

واكيد مؤيد لو انها مواضيعي مش هادفة فليش احطها :))

يسعدك ربي .....

^.^ ....

[the ruby]

اللغه الإنجليزيه مهم بالحياه
وهي سهله لا تتعقدوا منها
ههههههههه
(`•.¸
`•.¸ )
¸.•´
×´¨) (¨`×
¸.•´¸.•´¨) (¨`•.¸`•.¸
(¸.•´ ( موضوعهـ حلووهـ يسلمووو) `•.¸)
¸.•´¸.•´¨) (¨`•.¸`•.¸
×´¨) (¨`×
¸.•´
( `•.¸
`•.¸

[فراشة]

انا بصراحة كتير بهمني اكون بعرف احكي وافهم انجلش ,, مشان اقدر افهم اللي بشوفوا او بمر علي ...

يعني وبحب اكون مواكبة للعالم خصوصا وصارت اللغة الانجليزية اساسية وكتير بنتعامل معها ...

تحياتي