المساعد الشخصي الرقمي

مشاهدة النسخة كاملة : هل طرد الاولاد من البيت هوا حل للمشاكل في بعض الاحيان ؟

قمر-14
07-09-2008, 07:56 PM
السلام عليكم

بعض الاهل يتعرضنا من مشاكل كبيرة من قبل أولادهم ويسببنا لهم مصائب وفضائح للعائلة
فالأهل يحاول كل مابوسعه لتربية ابنه لكي لا يتسبب له تلك المشاكل مع الناس

لاكن الابن لا يتغير ويستغل طيبة أهله
ويضل ماشيا في الطريق الغلط معا أنه يسبب الكثير من المشاكل و الفضائح لأهله
ويتسبب في مرض والدته أو والده
بسبب مايفعله فهو يشوه صورة عائلته

فهنا الأهل لا يجدنا حلا سوى طرده من البيت الى الشارع
بعتقادهم أنهم سيتخلصنا من مشاكله وأيضا ان الشارع سيعرفه معنى الاهل وماذا كانو يتحملون من أجله بعتقادهم الشارع سيربيه

معا العلم أنا الشارع مليء بالأخطار والمصاعب فقد يحول الشارع الشخص
الــــــــــــــــــــــى (مجرم) او (سارق ) او (مدمن مخدرات ) او ......او......او......

فهل الشارع يربي بعض الاولاد أم العكس؟

هل طرد الاولاد من البيت الى الشارع حل للمشاكل العائلية ؟

أتمنى ان تجاوبني بكل صدق واتمنى ان ينال الموضوع اعجابكم شكـــــــــــــــــــــــــرا لكــــــــــــــــــم[
بنت فلسطين المجروحة
07-10-2008, 12:14 AM
لاوالله مو حل

لأنو لو طلع برة

هيلاقي مجرمين ومدمنين مخدرات ووووو

وممكن ينضم الهم


فبدل ما نكون ربناه


بنكون خلصنا عحياته


هادا ابدا مو حل والحل هو التفاهم والتواصل
بنت فلسطين المجروحة
07-10-2008, 12:15 AM
لو ماصبرنا على اذى اولادنا مين بدو يصبر !
Arabian girl
07-10-2008, 12:17 AM
الصراحة مو حل
بس احيانا الاهل بياسو من الولد
بس برضو مو مبرر
bEnOoO
07-10-2008, 12:33 AM
هو الولد مهما ساوا بيكون الغلط من الوالدين يمكن كان في خلل بتربيتهم ليه باي شكل من الاشكال
حتى لو كلنو حريصين يمكن تكون في ثغرات
مشان هيك لازم على الوالدين انهم يبحثو السبب الاول و الرئيسي للمشكلة و هيك بيكون الحل الامثل
اما ئصة الطرد من البيت هذا نوع من التهرب من المسؤولية حتى لو جربو معاه مية وسية بيظو ابنهم و بيظلهم مسؤولين عليه.........و الطرد من البيت ما رح يساوي اشي غير انو بيزيد الطين بلة مثلا نكون بسرئة اشي زغير من الجار ..بنصير فتعاطي مخدرات او اشي اكبر

مشان هيك لازم الوالدين يحتضنو الاولاد مهما عملو و ادا ما قدرولهم في استشاريين بالتربية ممكن يساعدوهم

الموضوع لفتة مهمة و جدية ..شكرا الك

وبالاخير الصلاة و السلام عل اشرف المرسلين سيدنا محمد
بسم الحب
07-10-2008, 01:24 AM
حسب نوع المشكله

وتقبلي مروري خيتو لصفحاتك الخلابه
فراشة
07-10-2008, 11:58 AM
اسوأ انواع عقاب الابناء هو طردهم من البيت ....
اول شي حيفقد الولد الامان وانو البيت هاد مكانه الاول ,, بعد هيك حيصير الطرد والخروج والبيات خارج البيت امر طبيعي وعادي ,,,
وانا مو مع فكرة انو حيلاقي مجرمين ومدمنين لانهم ما بينتظروه ليطلع مشان يحرفوه وبترجع لطبيعة تربية الولد لكن ممكن مشاكل أخرى متل (( حيروح يبات عند اصدقاءة وطبعا مو معروف طبيعة ولا بيئة البيت وكيف حيقضوا يومهم وعشو حيسهرو ,, هاي الشغلات اللي ممكن بعد هيك تجعل الولد ينحرف ,, متل انو يتعلم منهم التدخين او السهر على مشاهدة شغلات مو منيحة وكتير كتير ...

أنا كتير عندي تعليق عهاي الظاهرة ونفسي الاهل يواجهوا اخطاء ابناءهم بعقل واخر شي يستخدموه الصراخ او الطرد لأنه اسوأشي وحيلاقوا عواقبو عراسهم بعد هيك ....

تحياتي الك عموضوعك كتير كتير مهم اجتماعيا ..

فراشة:s (43):
زينة نابلس
07-10-2008, 12:45 PM
طبعا مو حل طرد الاولاد من البيت لانو هادا رح يزيد الامور تعقيد
بعدين الاب لما يطرد ابنو من البيت رح ينحرف ويتطرق لامو يقضي فيها ع نفسووو و ع مستقبلو
كمان الاب رح يضل بحيرة ومش رح يهون لو بابنو يعني رح يضل يحكي وين وراح وشو بعمل
اغلب طرق الانحراف هي طرد الابناء من المنازل
فلازم الاب او الام يتخذوا طرق معينة وبسيطة كيف يتعاملو مع الاولاد في هاي الحالة حتى مايخسرو ابنهم
وهم ماجابو من الشارع حتى بالسهولة يحكولو اطلع من البيت
هادا رأيي تقبلي مروري
مع الاحترام
زينةةةة
انسان فلسطيني
07-10-2008, 06:48 PM
لو نيجي للواقع كل الحلول رح نلاقي فيها نقيد


يعني بالنسبة لطرد الابناء هي وجهة نظر


يعني ممكن ببعض الاحيان تكون نوع من التربية

بس القصد من الطرد مو طويل يعني مؤقت

مشان يشعر الابن انو هالغلط اللي عملو ما بصير يعملو مرة تانية


وبنفس الوقت الدور ع الاهل مو لما يكبرو اولادهم يفطنو انهو يربوهم

يعني لازم تكون هالشغلة من البداية

يعني تربيه وعقاب مع اهتمام


وتقبلو مروري
قمر-14
07-13-2008, 04:32 PM
السلام عليكم

شكرا لكم على مرورك الطيب نورتو صفحتي

الله يرعاكم ويبارك فيكم