على طاولة النقاش: الانشاد الحديث والاغاني هل ما زال هناك فرق ؟

[السيف عدي]

فن الانشاد ،،

بدأ هذا الفن بطريقة اسلامية لا يختلف عليها اثنان ..

وهي ضرب الدفوف .. وكلمات اسلامية حماسية .. تدعوك الى الله .. والى الخير ..

ومع تطور العالم ،، تطور هذا الفن .. وتطورت الالات الموسيقية المستخدمه ،،

وبدأ ( المنشدون ) في اتباع احدث اساليب التسويق لاناشيدهم ..

واصبح يطلق على مجموعة الاناشيد ( ألبوم ) .. واخبارهم يطلق عليها اسم ( أخبار الفن )

واصبحوا يحرصون على ( لوك ) جذاب .. ربما يداعب خيال من ينظر الى غلاف الالبوم ،،

والنقطة الهامة في الموضوع وهي نوع الموسيقى المستخدمه والكلمات.. لانك اذا استمعت

الى انشوده تعتقد بانها اغنية عاطفية على الطراز الغربي الحديث .. ومن ناحية اخرى ..

نوعية الكلمات المستخدمه مثيرة للعواطف .. ولا تمت بصلة من قريب او بعيد الى الدعوة لله .

التي هي المقصد الاساسي من الاناشيد .. فكلمات الشوق واللوعة .. وغيرها بدات تاخذ حيزا

من تلك الاناشيد .. فلنناقش هذا الموضوع على الطاولة :

(( الاناشيد والاغاني ،، هل ما زال هناك فرق ؟؟ )) :icon9:

ودمتم ،،

[بسم الحب]

اخي السيف عــدي

بالوقت والعصر اللي فيه نحنا لا يوجد اي تفريق بين الاناشيد الحماسيه ولا الاغاني

بل بالعكس ان الاناشد اصبحت عليها طلب لانو يوجد بها شي من الدقه ونص


يعني بالبلدي بترقص الكل


وتقبل مروري لصفحتك

[بنت فلسطين المجروحة]

والله انا هالموضوع حيرني كتير

وخصوصا في ناس حرمت هالأناشيد وفي ناس حللتها

:$

و فعلا الاناشيد اقرب للاغاني صارت

انا صرت اتجنب اسمعها كتير

شكرا عالموضوع المهم

[السيف عدي]

اخي السيف عــدي

بالوقت والعصر اللي فيه نحنا لا يوجد اي تفريق بين الاناشيد الحماسيه ولا الاغاني

بل بالعكس ان الاناشد اصبحت عليها طلب لانو يوجد بها شي من الدقه ونص


يعني بالبلدي بترقص الكل


وتقبل مروري لصفحتك

تسلم اخوي ع المرور

[السيف عدي]

والله انا هالموضوع حيرني كتير

وخصوصا في ناس حرمت هالأناشيد وفي ناس حللتها

:$

و فعلا الاناشيد اقرب للاغاني صارت

انا صرت اتجنب اسمعها كتير

شكرا عالموضوع المهم

تسلمي خيتو ع المرور ،،

[رحيق]

كثير من الشيوخ احلت هذه الاناشيد ومنهم منحرمها وانا عني ما بسمع للمنشد موس مصطفى كتير في اناشيده موسيقة بس الكلمات تختلف بكتير

[Dont Ask Why]

بصراحه انا بشوف انو نحكي عنها اناشيد هاد غلط مابصير نسميها اناشيد وهيا بباطنها اغاني

يعني بصراحه انا بفضل الاغاني على الاناشيد

الذب نفسو بس بطريقه تانيه

يعني ناخد ذنب عشغله نحنا بنوهم نفسنا انها حلال وهيا في الواقع حرام

اما الاغاني نحنا بنعرف اهنا حرام و بناخذ منها ذنب بس ونحنا بنستحقوا

مو


ثانكس عدي

[جرحٌ بملامح انسان]

ما في فرق ..

بس يعني الكلمات

وفي كلمات اغاني عادية مش حرام

يعني بالمسبة الي ما في فرق

[بنت فلسطين المجروحة]

الذب نفسو بس بطريقه تانيه

يعني ناخد ذنب عشغله نحنا بنوهم نفسنا انها حلال وهيا في الواقع حرام

اما الاغاني نحنا بنعرف اهنا حرام و بناخذ منها ذنب بس ونحنا بنستحقوا


:wacko::wacko::wacko:

رأيك عجيب :wacko:

لو انا كنت بفكر انو النشيد حلال وسمعت فالله اعلم بالنوايا هو اللي بحاسب

بس لما تبقى أغنية وانا عارف انها حرام وبرضو بسمعها فأكيد الذنب موجود

و ( نحن بنستحقوا :wacko: ) أخي الإصرار عالذنبي يضاعف الذنب في حديث بس غاب عن بالي

الي عودة بس اتذكره


وكمان شغلة مهما كان مهما كان

انا بشوف الاناشيد اهون من الاغاني

لأنو الاغاني بس بتجيش عواطف الشباب فوق ما هي هايجة

ماجنة و اكيد الناس اللي بغنوا مش مصدر لمنفعتنا كمسلمين ولا بستحقوا أنو نسمعهم

اما الأناشيد فمش كلها مابتستاهل انها تنسمع

الأناشيد الجهادية نسمها أحسن من أنو نسمع أغنية لمش عارفة مين :wacko:

[.:.!دموع الرحيل!.:.]

أولاً .. خلينا كلنا نتفق على نقطة بالنسبة للأناشيد الي فيها مؤثرات موسيقيه

انه ( اللي ما يسمى بأناشيد منهـا ) وهو بعيد كل البعد عن الاناشيد

كتلك الي ما في فيها الا الغزل .. والكلام عن الحب والشوق .. وما شابه ,,

والكلام فيها خارج عن حدود الكلام المقبول شرعا ..

هي أقرب منهـا إلى الأغاني ... والمفروض نبعد عنهـا

مع العلم انه صارو يسمو حالهم اللي بيلقوهـا : فنانين : ومش منشدين !

لذلك هذا النوع المنعوت بالاناشيد ... لا خلاف بيننا على وجوب عدم سماعه

لأنه الحرمة فيه قائمة .. بما انه الكلام فيه يتكلم عن العشق .. والحب والشوق ,,

وهذا هو الحرام بعينه .. بغض النظر عن الموسيقى الموجودة فيه !

،،،

أمـا بالنسبة لبـاقي الأنـاشيد .. اللي الكلام فيهـا مقيد بشرع الله ..

والموسيقى فيه معقولة ما بتشوش على صفـاء الكلمـات ووقعهـا في قلب الإنسـان ..

وين الغلط من اني اسمعهـا !!

طالمـا قرائن الحرمة مش موجودة !

لا كلام خادش للحيـاء .. ولا مهيج للعواطف ولا محرك للشهوة !!

بالعكس كلام يقرب من الدين ,,,

يحث على الثبات على موافقة أهل الجهـاد ..

والإسلام ..

ليش حرام !

ومنهـا أنـاشيد الأعراس .. الي الكلام فيهـا برجع وبشدد

انه مقيد ضمن الكلام المقبول شرعـا ..

إذا فيه موسيقى ,, وين الغلط ؟!

وبالنهاية طالمــــا .. انه في مشايخ حللت وفي مشايخ حرمت ..

معناها إلك الخيــــار تسمع ولا ما تسمع .. لأنه لكل ٍ من المشايخ .. والمفتين

حجته ودليله ..

وما بحقلي .. اني حرم عليك سماعك لهيك اناشيد .. ولا بحق لأي حدا يعملني غلطانه

إذا اخترت إحدى الفتوتين .. !

( لكن طبعـا ً بنرجع بنستثني الأغاني الي بسموهـا أناشيد .. اللي الكلام فيها بعيد

كل البعد عن ضوابط الشريعه .. هاي ما في كلام فيهـا .. وأكيد هي خارج إطار

الفتاوى تاعت المشايخ )

لذلك القصة مقيده بالكلام .. الي بتتضمنه هيك أناشيد ..

كل أداء الكلام فيه .. خادش للحيـاء .. مهيج للعواطف .. محرك للشهوة ..

فهــو حرام .. ولو حتى كان خالي من الموسيقى ..

وكل انشـودة الكلام فيهـا ما اتعدى الحدود المقيد فيهـا شرعـا ..

فهو مسموح .. بفتوى الكثير من المشايخ .. مع الأدلة ..

وأكيد كل واحد فينـا بيقدر يفرق بين الأنشـودة وبين الي ما تسمى بأنشـودة

ويتحرى الحلال من الحرام

يعطيك العافيه : )

[.:.!دموع الرحيل!.:.]

ولكل الي عمبقولوا انه ما في فرق بين الأناشيد وبين الأغـاني ..

كيف ما فرق ؟!

ما فرق بين ذكر الله وسنه رسول الله .. وبين ذكر كل خصال البعد عن الله ؟!!

وغزل المرأة بالرجل .. وغزل الرجل بالمرأة ..

غير الكلـمات الخادشة للحيـاء .. والمهيجة للعواطف نحو طريق غلط

هاي كلهـا .. ما بتختلف عن الأنـاشيد الي فيها ذكر لرب العالمين ,, وللرسول الكريم

وحث النـاس على الثبـات على الأخلاق الحميدة .. وتعريفهم بالدين ! وعشق الجهـاد

بس الواحد يعرف يختـار الأنـاشيد الحقيقية .. حتى لو فيهـا مؤثرات ..

مش يروح يسمع للي بسموا حالهم منشدين ..

وهمي أقرب منهم للمغنيين

ويقولو انه التنين واحد !

[بنت فلسطين المجروحة]

كلامك اول اشي يادموع انا بتفق معاك فيه

بس بالنسبة للاناشيد في شيوخ زي عبد الرحمن العريفي حرم كلها ماعاد الجهادية الا ما فيها تأثيرات موسيقية واستأند على انو رجل كان بخبط عالدف وبنشد فاجا عمر بن الخطاب واخده منه وخبطه وحكاله مالهذا خلقنا !

انا الصراحة اسمعت اراء كتيرة بهالموضوع

1. اللي زي عبد الرحمن العريفي وحرموا اغلبها ماعدا اللي بدون ايقاع وتكون عن الجهاد فقط
2. اللي بعضهم اجاز بايقاع بشرط تكون دينية
3. البعض اللي حللها كلها على حجة انو الاغاني مكتسحة العالم فالاناشيد الحالية تعين الشباب على الصمود في وجه الاغاني :wacko:

انا عنفسي مابعرف والله مين الصح

لكن من قناعاتي انو بعض الاناشيد عنجد انو من كتر ماهو الايقاع فيها مبالغ بتضيع معنى النشيد

يعني زي اصلي لربي :wacko: هاي بالله نشيدة اللي بسمعها بقوم يهز ويرقص مش يصلي:wacko:


نقطة اخيرة انو مش دايما اختلاف العلماء معناه النا الحرية

مافي علماء سامحهم الله من الازهر اظن احلو الاغاني :wacko:

انا عنفسي ملخبطة بهالموضوع

وقررت ابتعد عنها لحتى اعرف حكم تطمئن اله نفسي ويكون مقنع

:wacko:

[.:.!دموع الرحيل!.:.]

لكن من قناعاتي انو بعض الاناشيد عنجد انو من كتر ماهو الايقاع فيها مبالغ بتضيع معنى النشيد

يعني زي اصلي لربي هاي بالله نشيدة اللي بسمعها بقوم يهز ويرقص مش يصلي


نقطة اخيرة انو مش دايما اختلاف العلماء معناه النا الحرية

مافي علماء سامحهم الله من الازهر اظن احلو الاغاني

انا عنفسي ملخبطة بهالموضوع

وقررت ابتعد عنها لحتى اعرف حكم تطمئن اله نفسي ويكون مقنع

100% ..

وانا معك بكل كلمة حكيتيهـا ..

والأناشيد أمثال أصلي لربّي .. أو حتى كل اناشيد موسيى مصطفى ..

شايلاها من نافوخي .. الا شوي منهـا .. الوطنيه الهادية

وكلامي فوق .. هو عن الأناشيد الي ما فيهـا موسيقى صاخبه ..

ذكرت هالـشي

نقطة اخيرة انو مش دايما اختلاف العلماء معناه النا الحرية

مافي علماء سامحهم الله من الازهر اظن احلو الاغاني

أكيد معك حق .. عشـان هيك بديت جوابي .. بإنو كلنـا نستثني الأناشيد الي اصلا

الحرام فيها قائم ..

اما الباقي .. امثـال حياتي كلها لله .. فيها شوية مؤثرات ..

وين الغلط ! طالمـا مش صاخبه يعني مش خادشة لقيمة الكلمـات الي فيهـا ..

والكلام الي فيها .. محرك للعواطف تجـاه الأمور الدينية

وهكذا ..

كل واحد فينـا بيقدر يحكّم عقله ..

ويعرف الصح من الغلط .. على أساس معرفته الحلال من الحرام ..

والي بيسمع بدون موسيقى .. فـ الله يثبته ويتقبل منـه

فهذا شي من الورع ..

لكن ما بحقله يحرم على الي بيسمعوا أناشيد بمؤثرات محدودة .. وكلام مقيد بضوابط الشرع ..

والله أعلم

اللهم أرنـا الحق حقاً وارزقنـا اتباعه .. وأرنـا الباطل باطلاً وارزقنـا اجتنابه

[HaDoOoL]

يعني انا بصراحه الاناشيد مابسمعها ولا بعرف اي منشد غير سامي يوسف ومابسمعله كتييير..
والاغاني كماان مابسمعها كتيير بس احيانا بيجي ع بالوا الواحد يسمع اغاني..
بس طبعا اكييييد في فرق كتييير كبير ين الاغاني والاناشيد...يعني متل ماقالت خيتوو دموع..
ويسلموووا خييو ع هالنقاش الحلو..

[السيف عدي]

ولكل الي عمبقولوا انه ما في فرق بين الأناشيد وبين الأغـاني ..

كيف ما فرق ؟!

ما فرق بين ذكر الله وسنه رسول الله .. وبين ذكر كل خصال البعد عن الله ؟!!

وغزل المرأة بالرجل .. وغزل الرجل بالمرأة ..

غير الكلـمات الخادشة للحيـاء .. والمهيجة للعواطف نحو طريق غلط

هاي كلهـا .. ما بتختلف عن الأنـاشيد الي فيها ذكر لرب العالمين ,, وللرسول الكريم

وحث النـاس على الثبـات على الأخلاق الحميدة .. وتعريفهم بالدين ! وعشق الجهـاد

بس الواحد يعرف يختـار الأنـاشيد الحقيقية .. حتى لو فيهـا مؤثرات ..

مش يروح يسمع للي بسموا حالهم منشدين ..

وهمي أقرب منهم للمغنيين

ويقولو انه التنين واحد !


تسلمي خيتو ع المشاركة ،، نورتي الموضوع ،،

اكيد انا مو قصدي ع الكل .. بس لاحظت انو الاناشيد الجديده بلشت تصير متل الاغاني ..

بس اكيد فيه منشدين واناشيد محافظة على المسار تبعها .. الصحيح ..

تسلمي كتير كلك زوأ

[السيف عدي]

يعني انا بصراحه الاناشيد مابسمعها ولا بعرف اي منشد غير سامي يوسف ومابسمعله كتييير..
والاغاني كماان مابسمعها كتيير بس احيانا بيجي ع بالوا الواحد يسمع اغاني..
بس طبعا اكييييد في فرق كتييير كبير ين الاغاني والاناشيد...يعني متل ماقالت خيتوو دموع..
ويسلموووا خييو ع هالنقاش الحلو..

تسلمي خيتو ع المرور كلك زوأ