الزوجة الثانية هل هي مظلومة ( للبنات فقط )

[الدكتور امير]

>>>> مـسـاء الـخـيـر <<<<
أثنآء تصفحي لبعض المنتديآت قرأت فكرة أعجبتني وحيرتني بنفس الوقت ,‘ فأحببت منآقشتهآ معكم ..
وهي (( الزوجة الثآنية .. ظآلمة , أم مظلومة ؟!! )) ..


كمآ تعلمون أن الزوآج سنة الحيآة ,‘ وسر سعآدة المجتمع وفرحتهم وتآلفهم مع بعض هي الأسر التي نتج عنهآ أبنآء وأفرآد صآلحون في مجتمعهم نتآج تربية أهآليهم الصآلحون والمتفآهمون ..


وحلل الإسلآم للرجل الزوآج بأربع ,‘ لكثرة الأسبآب التي نعلمهآ ..
قد تكون الزوجة لآ تنجب , تعآني من بعض الأمرآض , كثيرة المشآكل , أيا ً كآنت الأسبآب ..



ولــكن !!


الزوجة الثآنية ,‘ هل هي ظآلمة لأنهآ أخذت الزوج من أهله وأبنآءه وزوجته وعآئلته ؟! كثيرٌ منآ يرى ذالك ..


أم مظلومة ,‘ بحكم أنهآ تزوجت من رجل منشغل عنهآ بعآئلته الأولى وزوجته وأبنآءه وقد يكون غآلبا ً مآ ينشغل ويلهى عنهآ ممآ يجعلها تعآني نوعا ً ما من الطلآق العآطفي ,‘ بالإضآفة إلى نظرة المجتمع لهآ ؟!


وبما ان المنتدى مليء بالبنات و لله الحمد اود من كل واحده تمثل دور الزوجه الثانيه وتحكم عليها
وتبدعنا برأيها

و انتظر رايكم

[the ruby]

ههههههه
عجيب هذه السؤال
طيب انا من وجهة نظري
لو كان من موافقتها وبرغبتها فهي مش مظومة
وبعدين هي بتربي وبتعتني بالأولاد كمان خليتوها ظالمة
يسلمو على الموضوع الحلو

[الدكتور امير]

ممكن
و حكيك تمام روبي

انا معك بس في بعض الاحيان بصير حساسية و مساكل في البيت

منها نفسها

او من المرأة الاولى

[*ريحانة القلب*]

وليش ما تكون لا ظالمة ولا مظلومة

طبعا رح يسبب وجودها انكسار الزوجة الاولى

حزنها , وهاد بسبب الغيرة وهو شي طبيعي



بهيك مواضيع حسب الظرف والموقف بنحكم

ودايما الي ما بخاف الله خاف منو

سواء زوجة اولى والا تانية والا رابعة



يعطيك العافية دكتور



’ ’ ’

[الدكتور امير]

مشكورة ريحانة على الرأي الحلو

[روزي]

أنا برأي هي لاظالمة ولا مظلومة
لانوا الرجل مابتزوج الثانية الا لحاجة ماسة زي فقدان الزوجة الاولى او عدم الانجاب وهيك ظروف قاسية
اما إذا بتزوجها بس لمجرد تغير روتين وهيك شغلات
فهاد حرام
تقبل مروري
وارجوا مايكون ردي قاسي

[الدكتور امير]

يا بنت الحلال مو حرام مين حكا هيك

تعدد الزوجات حلو كتير و انا من مشجعيه

[بنت فلسطين المجروحة]

اما إذا بتزوجها بس لمجرد تغير روتين وهيك شغلات
فهاد حرام


ممممممممم روزي مافي نص شرعي انه حرام

اصلا لو تزوج مو لازم يكون عندو سبب

هو بدوا هو حر الله حلله هالاشي

و اكيد الله مابحلل لا للحكمة

انا بظني لا هي ظالمة ولا مظلومة

لأنو هادا الله حلله

ممكن تكون مظلومة لو زوجها مااعدل

وظالمة لو هي اذت الزوجة الاولى وهو ماانصف الزوجة الاولى

في هدول الحالتين بس


مشكور عالموضوع اختيار موفق


^^

[روزي]

يجماعة انا مو قصدي حرام شرعا
بالعكس الشرع حلل للرجال اربعة
انا قصدي انوا بكون عم يظلم نفسوا لما يتزوج التانية من غير ضرورة او داعي قوي يخلي يتزوج الثانية
هاد قصدي بتمنى تكون الفكرة وصلت واماتفهموني غلط
وشكرا

[الدكتور امير]

حلو كتير

الفكرة وصلت بس الشرع لما رب العالمين قال انو مسموح لحد اربعة

معناها ما في اتنين بختلفوا على هاي النقطة و لا شو رايكم ؟

[:: غربة الروح ::]

أمممممم
راح اسأل زوجة ابي وبشوف:)
,
من وجهة نظري,,
1-الزوجة التانية مش ضالمة ولاشي..
لانها هيي ماعملت شي غلط,,شو ذنبها
بس...:)
انا بفضل اكون التانية على اني اكون الاولى ويجوز علي
لاني إزا كنت انا الزوجة الاولى,,راح اعتبر التانية ظالمة
..شي طبيعي.,:)

2-نظرة المجتمع..
يعني على حسب فية ناس عادي راح يتقبلو الزوجة التانية..
وفية لا.. راح يتبلو عيها وبخلوها ظالمة ..وهيك..
,
,
يعطيك العافية ع الموضوع الحساس:)

[الدكتور امير]

ما بختلف معك يا مغتربة

و كل شي في هاي الدنيا بصير

[بنت فلسطين المجروحة]

يجماعة انا مو قصدي حرام شرعا
بالعكس الشرع حلل للرجال اربعة
انا قصدي انوا بكون عم يظلم نفسوا لما يتزوج التانية من غير ضرورة او داعي قوي يخلي يتزوج الثانية
هاد قصدي بتمنى تكون الفكرة وصلت واماتفهموني غلط
وشكرا

لو كان فيها ظلم للنفس

كان الله حدد للناس شروط تعدد الزوجات

وبما أنو مافي شروط

فأكيد مافي ظلم لنفسه حتى لو كان من غير ضرورة

لكن ببقى ظلم نفسه فحالة وحدة لو ماحاول يعدل بين زوجاته

^^

[قمر-14]

السلام عليكم

موضوع جميل ورائع

انالا اجد الزوجة الثانية مضلومة

لماذا ليسة مضلومة لانها اكيد عرفة بأن الزوج الذي سترتبط فيه متزوج وقبلت به

وموضوع الزواج لا تأتي الموافقة فيه بدون تفكير مؤاكد انها ستفكر كثيرا قبل الموافقة وعلى كل شخص تحمل قراره

كما نعرف هناك الكثير يحب وهوا متزوج ويتزوج مرة ثانية وهناك اشخاص تكون لهم اسباب قوية للزواج مرة ثانية

ولاكن قد تحس تلك الزوجة الثانية بالضلم عندما تتغير معها الحياة وينشغل الزوج عناه

لا اجد هناك اي ضلم بالنسبة لي الزوجة الثانية

الزوجة الاولى هيا التي مضلومة في نضري لانه من الصعب ان نمتلك حب واحساس وحياة جميلة لوحدنا وفجئة ياتي شخص اخر يقاسمنا بدون ميعاد ويخطف كل تلك الاحلام الجميلة

لاكن اذا كان بموافقة الزوجة الاولى

فلا ضلم عليهم اذ استطاعة ازوج ان يساوي بينهم

الحمد الله هذه سنة الحياة

اتمنى ان تقبل مروري ووجهة نضري اخي الكريم

[الدكتور امير]

حلو كتير وجهة نظر منطقية للغاية

[نداء الوطن]

والله يا دكتور هذا بعود الى الزوجه
ممكن تكون قويه جدا وتظلم الزوجه الاولى وتاخذ الزوج الها لحالها
وممكن تكون ضعيفه جدا وما تحصل منه يوم بالشهر
موضوعك كثير حلو وفعلا سؤال محير
تقبل مروري

[بنت فلسطين المجروحة]

الزوجة الاولى هيا التي مضلومة في نضري لانه من الصعب ان نمتلك حب واحساس وحياة جميلة لوحدنا وفجئة ياتي شخص اخر يقاسمنا بدون ميعاد ويخطف كل تلك الاحلام الجميلة

لاكن اذا كان بموافقة الزوجة الاولى


أختي هادا الحكي مابصير لأنه فيه ظلم لرب العالمين

الله شرع التعدد للرجل وموافقة الزوجة الأولى مو ضرورية حتى لو هي رفضت يجوز له الزواج من أخرى

واكيد الله ما بظلم اي انسان فما بتصير تحكي انو الزوجة الاولى مظلومة الا ان يكون بموافقتها !

وحكيك تعدي على الله العادل جل شأنه

هادا حكم شرعي يبقى مافيش ظلم فيه الا لو الزوج ظلم من ناحية العدل

ممكن نحكي انها هتحزن هادا حقها لكنها مو مظلومة ابدا لأنه تزوج عليها بغير رضاها

[الساطعة]

والله هي بنظري لاظالمة ولا مظلومة ....
هي شو ذنبها ازا كان نصيبها واحد متزوج ....

بس هي لازم تخلي المرة الاولى والاولد يحبوها وما تحسسهم انو
هي مرة اب وانها اخدت ابوهم منهم ....

تحياتي ...
الساطعة في غياهب الظلام ....

[قمر-14]

أختي هادا الحكي مابصير لأنه فيه ظلم لرب العالمين

الله شرع التعدد للرجل وموافقة الزوجة الأولى مو ضرورية حتى لو هي رفضت يجوز له الزواج من أخرى

واكيد الله ما بظلم اي انسان فما بتصير تحكي انو الزوجة الاولى مظلومة الا ان يكون بموافقتها !

وحكيك تعدي على الله العادل جل شأنه





السلام عليكم

استغفر الله العضيم


اختي بنت فلسطين ان لم اقل انا الله ضلم الانسان ارجوكي لا تقولي شيء لم اقله

وانا قصدي يا اختي الكريمة بان الانسان هوا الدي يضلم يضلم نفسه ويضلم الناس

الله سبحانه وتعال شرع تتعدد الزوجات للرجل القادر على المساوة بينهم فقط والدي لايقدر على ان يساوي

بينهم فهوا ضالم لانه لم يتبع الشرع لان الشرع يؤكد بالتساوي في كل شي

في المعيشة وفي الحب والحنان

اتني يا اختي الكريمة بشخص واحد في زمننا هذا يستطيع ان يساوي بين زوجتين

الانسان في زمننا لايسطتيع التكفل بواحدة حتى يتكفل ب اثنين او اربعة

وانا من كلامي لم اقصد منه اي شيء يتعدى على الشرع او بان الله ضلم المرءة بالعكس

الانسان هوا من يضلم نفسه لانه لا يتبع ولا يتبق الشريعة كما هيا


اتمنى الا يزعجكي كلامي لكل شخص وجهة نضر وعلينا ان نحترمة وجهة نضر الاخر

وانا احترم وجهة نضرك اختي

شكرا على كلامك اختي وانا اتأسف اذا كلامي قد فهمته غلط وان وجهة نضري لم تصلك كما كنت اريد

اتمنى لك التوفيق بارك الله فيك

[احلى رورو]

بدي اجاوب على حسب العنوان

ما قرات الموضوع لانو فش وقت ،،،

الزوجة الثانية بنظري مش مظلومة ،انا بنظري الزوجة الاولى هي مظلومة

والسبـــب :

الزوجة الثانية تتزوج وهي بتعرف انو في قبلها زوجة اولى

وبتوافق علي انو يكونلها درة ( متل ما بسموها )

لكن الزوجة الاولى حتنظلم لانو ما بكون عندها قبول عالزوجة التانية :)

اما الزوجة التانية بتكون قابله انو يكون لزوجها زوجة اولى

يسلمووو امير

[احلى رورو]

بس الاسلام حلل 4 :d

[الدكتور امير]

حلو كتير

هاي الكلام الي انا بشجعه

كل الاحترام