.~ لآلئ الجنـان || الجزء الثـامن ،، وبالتزامنـا بسنن الرسول على خطـاه نسير ~.

[.:.!دموع الرحيل!.:.]

http://rooosana.ps/Down.php?d=qghN

السـلام عليكم ورحمة الله يآآ أحلـى لآلئ ..

الله يتقبل منـّا ومنكن ،، تلاوة القرآن .. والصلاة على رسول الله .. والإلـتـزام بسنته

عليه الصلاة والسـ،ـلام ..

بداية قبل ما انذكركن بمشاريعنـا .. رح نزل برنـامج تلاوة القرآن الكريم لهالجولـة

الله يفتح عليـنـا وعليـكن

http://files.shabab.ps/vb/images_cash/up6/080623192209Sigl.jpg

57 :: 143 || 144

67 :: 145 || 146

77 :: 147 || 148

87 :: 149 || 150

97 :: 151 || 152

107 :: 153 || 154

117 :: 155 || 156

127 :: 157 || 158

137 :: 159 || 160

147 :: 161 || 162


،/،/،

الله يتقبـل منـــــّـا ومنكن ..

* وبدي زكركـن .. بالـصلاة عالنبي عليـــه الصلاة والســـلام 15 مرة بعد

كل صـلاة .. أو 75 مرة باليـوم ..

* وبالإلتـزام بالسـنـن الي حكوا عليـهـا الأخوات الجولة الماضيـة .. ( سنن الإستيـقـاظ )

* المطـالعه الي اتفقنـا عليـهـا كلنـا من جولتيـن ..

* التذكير بدورة الأشغـــــال اليدوية .. القائمة عليهـا الأخـت روزي

* بالنسبـة لـ الجولة الجـاي بدي ارجع كلف الأخت الرمش الحساس .. والأخت الفتـاة المشرقة

كمـان مـرة ليحضروا إلنـا السنن ..

اما بالنسـبة لهـالجولة .. فتحت بانـتـظار الأخت نسمـة بلادي .. تنزل إلنـا السنن الي

مستنيينهـا .. عشـان نزيدهـا للسـنـن القديمة ونلتزم فيهـأ ان شاء الله ..

* هالجولة الهيئة * ريحانة القلب * مش حتقدر تحضر إلنـا درس من دروس أسمـاء الله الحسـنى

عشـان مسـافرة ع السعودية .. فبدنــا ما تنسيـنـا من دعائك يا غاليه :s (43):

** بـانـتـظار الأخـت نسمة بلادي .. عشــــــان تنزل إلنـا السنن الي رح نضيفهـا هالجولة .. **

الله يتقبل يا أحلى صبـــايــــــــا




http://rooosana.ps/Down.php?d=KA5T

[نسمة بلادي]

http://files.shabab.ps/vb/images_cash/up6/080704201339ncVV.gif

التشهد بعد الوضوء:

عن عمر بن الخطاب ـ رضي الله عنه ـ قال: قال رسول

الله صلى الله عليه وسلم : (( ما منكم من أحد يتوضأ فيسبغ الوضوء ثم

يقول : أشهد أنَّ لا إله إلا الله ، وأنَّ محمدًا عبده ورسوله إلاَّ فتحت له

أبواب الجنة الثمانية ، يدخل من أيها شاء )) [ رواه مسلم: 553 ] .

صلاة ركعتين بعد الوضوء:

قال النبي صلى الله عليه وسلم : (( من توضأ نحو

وضوئي هذا ، ثم صلى ركعتين لا يُحَدِّثُ فيهما نفسه ، غُفر له ما تقدم من

ذنبه )) [ متفق عليه من حديث حُمران مولى

عثمان رضي الله عنهما:159- 539 ] .

الترديد مع المؤذن ثم الصلاة على

النبي صلى الله عليه وسلم :

عن عبدالله بن عمرو رضي الله عنهما ، أنه سمـع النبي

ـ صلى الله عليه وسلم ـ يقــول: (( إذا سمعتم المؤذن فقولوا مثل ما

يقول، ثم صلوا عليَّ، فإنه من صلى عليَّ صلاة ، صلى الله عليه بها

عشرًا ... الحديث)) [ رواه مسلم: 849 ].

ثم يقول بعد الصلاة على النبي صلى الله عليه وسلم اللهم رب هذه

الدعوة التامة ، والصلاة القائمة ، آت محمدًا الوسيلة والفضيلة ، وابعثه

مقامًا محمودًا الذي وعدته ) رواه البخاري. من قال ذلك حلت له شفاعة

النبي صلى الله عليه وسلم .

الإقعاء بين السجدتين:

عن أبي الزبير أنه سمع طاووسا يقول: قلنا لابن عباس ـ

رضي الله عنه ـ في الإقعاء على القدمين ، فقال : (( هي السنة ))،

فقلنا له: إنا لنراه جفاء بالرجل ، فقال

ابن عباس: (( بل هي سنة نبيك صلى الله عليه وسلم ))

[ رواه مسلم: 1198 ] .


الإقعاء : هو نصب القدمين والجلوس على العقبين ، ويكون ذلك حين الجلوس بين السجدتين.


صلاة الضحى :

عن أبي ذر رضي الله عنه ، عن النبي ـ صلى الله عليه وسلم ـ أنه قال: (( يصبح على كل سلامى ( أي: مفصل) من أحدكم صدقة ، فكل تسبيحة صدقة ، وكل تحميدة صدقة ، وكل تهليلة صدقة ، وكل تكبيرة صدقة ، وأمر بالمعروف صدقة ، ونهي عن المنكر صدقة ، ويجزىء من ذلك ركعتان يركعهما من الضحى )) [ رواه مسلم: 1671 ] .


وأفضل وقتها حين ارتفاع النهار، واشتداد حرارة الشمس ، ويخرج وقتها بقيام قائم الظهيرة، وأقلها ركعتان ، ولا حدَّ لأكثرها.

[.:.!دموع الرحيل!.:.]

الله يجزيك ِ الخير حبيبة قلبي ..

وان شاء الله بنلتزم ..

الله يكرمـنــــــــا يـــــــــــــا رب ..

صار عنـــــا سنن الإستيـقـــاظ .. + بعض سنن الوضوء .. والصـــــلاة ..

وصلاة الضحى .. وصلاة ركعتين بعد الوضوء ..

والتشهد بعدد الوضوء ..

وترديد الكلام ورا المؤذن + الدعاء ..

حلو كتير .. صارت القصة دسمـة .. وان شاء الله بنبلـش نحس بقربنـا من الرسول عليه الصلاة والسلام

إذا التزمنـا بصدق ..

الله يكرمنـا .. ويجزيك ِ الخير حبيبـــــــــــتـي

[الفتاة المشرقة]

أكرمكن الله اخوتي دموع ونسمه

الحمد لل السنن تقريبا انا بعملهن الحمد لله
بس في سنن ان شاء الله رح اداوم عليهم

في ميزان حسناتكن يارب

[الرمشـ الحساسـ]

يعطيكي العافية نانتــــي

تسلميلي...


يجزيكي الخير نسوومة..

رح اقرا ان شا الله هلا السنن..

تسلمي..


الله يقدرنا دايما على فعل الخيـــر

والمواظبة على سنن النبــــــي


تسلمولـــــي أحلـــى لآلــئ..

[ضوء الشمس]

ماشاء الله عليكن


الله يحميكن



نسمة بلادي بارك الله فيكِ


في سنن أول مرة أعرفها راح اتبعها ان شاء الله


وفي بصراحة كنت أعفها وأتجهلها



بس بعد ماقرأت السنن راح أكيد ألتزم فيهم



جزاكِ الله خيرا



يعطيكِ العافية نانا على الجهود المتواصل

[.:.!دموع الرحيل!.:.]

حبيـبات قلبي والله ..

الله يفتح عليكن وعليـنـا ويتقبل مننـا جميعـا ً

يا احلى بنـات

[الرمشـ الحساسـ]

تمت التلاوة لليـــــوم والصلاة على النبـــــي..

:)

[الفتاة المشرقة]

تمت التلاوه والصلاه على النبي

[حنين الروح]

نسوومة :icon26:

اللهـ يجزيكي الخير حبيبتي ^^

سنن الوضوء اللي حكيتي عنها ما كنت بعرفها ..

بس ان شاء اللهـ رح اصير التزم فيها ^^

وصلاة الضحى مو دايما بصليها *.*

ان شاء اللهـ رح اصير اصليها دايما ..

والباقيين الحمد للهـ دايما بعملهم ^^

ربي يعطيكي الف عافية :icon31:

وان شاء اللهـ بميزان حسناتكـ ^^

[*ريحانة القلب*]

السنن الي ذكرتيها نسوم مهمة

الله يجزيكِ الخير .. غالبا بعملها

بس مو دايما .. حسب الفضاوة

ان شاء الله رح التزم فيهم ..


: : :


الله يجزيكم الخير جميعا


تمت الصلاة ع النبي .. والتلاوة ملحوقة شوي


فعلا نانا بعتزر لأني اتاخرت باسماء الله الحسنى

رح انزل اسم قبل سفري .. وبعد ما ارجع اسم جديد ان شاء الله


: )



’ ’ ’

[.:.!دموع الرحيل!.:.]

الله يتقبل يا صبايا ..

تمت التلاوة والصلاة ع النبي عليه الصلاة والسلام ..

[ضوء الشمس]

تمت التلاوة والصلاة على النبي

[الحان الحرية]

السلام عليكم

الحمدلله اغلب السنن اللي ذكرتيها نسومة بعملها ,,

و الباقي ان شاء الله راح احاول التزم فيهم

اتممت الصلاة على النبي صلى الله عليه و سلم ,,

و ان شاء الله راح الحق معكم التلاوة

[الحان الحرية]

تمت التلاوة من 143 الى 146

[.:.!دموع الرحيل!.:.]

الله يتقبل حبيبــــاتي ..

ألحـاني ان شاء الله بتلحقينـا ..

//

بنـــــــــــات ادخلــــوا هــــــــون

http://shabab.ps/vb/showthread.php?p=929079&posted=1#post929079

[الرمشـ الحساسـ]

تمت التلاوة والصلاة على النبــــي الحمدلله..



تم حبيبتي نانا..

[Pink Rose]

مساء الخير حبيباتي :icon26:

انا اسفة غبت شوي

بس كان عنا عرس لبنت عمي

عقبالكم يا رب ^^

السنن ان شاء الله رح نعملها

ونكمل فيها مع سنن الاستيقاظ من النوم

ومكملة بالتلاوة الحمد لله

والصلاة على الرسول عليه الصلاة والسلام

والله يتقبل منا جميعا يا رب ..

يعطيكم الف عافية نانا ونسومة :icon26:

[نبض الأقصى]

جزاكن الله الجنة

تمت التلاوة والصلاة على النبي

[الفتاة المشرقة]

تمت التلاوه

الف مبارك زواج بنت عمك اختي بنك روز
انا اليوم كان حنا ابن عمي على بنت عمي

وبكره العرس

تفضلو ^^

[.:.!دموع الرحيل!.:.]

مبـارك زواج اقربائكم .. بالجملة ههههههه

عقبالكن يا رب

//

تم التلاوة .. وباقي الصلاة ع النبي عليه الصلاة والسلام

[ابنة الشتات]

ما شاء الله ,, تبارك الرحمن ...

دائماً متميزات ,, لآلئ الجنان..

هلأ أنا متأخرة شوي عنكم بالتلاوة (شويتين:$)
بس ان شاء الله بلحقكم هالكم يوم :)

وحابة يا بنااات

نركز ع تحية الاسلام

...{ السلام عليكم } ...

وانا اول وحدة كتير معقلة ع مرحبا :s

مممممم
شو كمان

الجمعة 11-7 مسافرة :( وبرجع ب 4-9

بكون رمضان بلش :)

ان شاء الله بيجي علينا وعليكم بالخير
ياااااااااارب

(هيني اول وحدة هنيتكم فيه :p)



الله يخليلي ياكم وحدة وحدة


وعطول ان شاء الله بكون هاللقاء سبيل إلىة الجنة


نلتقي لنرتقي
^_^

[الوردة الحانية]

السلام عليكم

تمت التلاوة

ومنووورين ياابنااات ^_^

ان شاء الله تروحي وترجعي بالسلامة يااعسل

[Pink Rose]

ههههههههه

حبيباتي الله يبارك فيكم يا رب :icon26:

ومبروك عرس بنت عمك حبيبتي الفتاة المشرقة

//

ابنة الشتات رح تنور الاردن بوجودك يا قمر :icon26:

ويسلمو على الملاحظة والتزكير ..

//

حبيبتي دقدوقة منورين بوجودك يا عسل .. :icon26:

:: تمت التلاوة والصلاة على رسول الله ::

[.:.!دموع الرحيل!.:.]

تسلمولي ..

ابنة الشتـات & دقدوقة .. منـورات يا غاليــــــــات ..

والبنـات كلكن .. الله يتقبل حبيبـات قلبي ..

،،

:: تمت التـلاوة & الصلاة عالنبي عليه الصلاة والسلام ::

[الوردة الحانية]

^_^

النور نوركم يااعسل

الله يتقبل منا ومنكم

اللهم صلي على محمد

[الرمشـ الحساسـ]

مبروووووووووكـ للي عندهم أعراااااس... يا عينيييي..:showoff:

تمت التلاوة والصلاة على النبـــي..الحمدلله..


منورييييييين بناآآآت..:s (43):

[الفتاة المشرقة]

الله يبارك فيكن يارب اختي دموه وبنك روز ورموشتي

عقبال عن العزابيه

لسا ما تمت التلاوه سامحوني كنت في العرس:(

انا ما رح اقدر افوت بعد هلا لذلك اعتبروني تم لاني هلأ بقرأهن وبروح انام

وبكره بشوفكم على خير^^

[نبض الأقصى]

تمت التلاوة والصلاة على النبي

منورين يا حلوين

[ضوء الشمس]

تمت التلاوة & الصلاة على النبي



يعطيكو العافية ياحلوين

[Pink Rose]

الله يبارك فيكي رموشة .. عقبالك حبيبتي

:: تمت التلاوة والصلاة على الرسول عليه الصلاة والسلام ::

[الفتاة المشرقة]

تمت التلاوه والصلاه على النبي

اللهم صلي وسلم وبارك على سيدنا محمد

[الرمشـ الحساسـ]

تمت التلاوة والصلاة على النبـــــي الحمدلله..

فديتكـ بنكـــي(ب1)

[&نسيم الروح&]

انا عن نفسي طبعا انلحئت بالتلاوه من اول ما ولدت

بس انشالله رح ارجع كمان شوي

اما الصلاه على النبي ما بعرف احيانا بعمل اكتر من 75 واحيانا اقل

وانتي نسمه حبيبتي شكرا على السنن الجديده

دموع الموضوع كل ماله بصير ااحلى واروع يعطيكي العافيه انتي والبنات حبيبات قلبي

والله يقويكم وكل اشي

[Pink Rose]

:: تمت التلاوة والصلاة على رسول الله ::

الله يتقبل من الجميع يا رب

ويجازيكم كل خير ..

[الفتاة المشرقة]

تمت التلاوه بحمد الله

[.:.!دموع الرحيل!.:.]

:: منورات يا غاليات ،، الله يتقبل يا رب ..نسوومة منورة يا قمر .. بوسيلي البيبي ::

:: تمت التلاوة .. بس الصلاة عالنبي لسه .. عليه الصلاة والسلام ::

[<<a7la banota>>]

بارك الله فيكن واتمنى تقبلوني معكم في المجموعة وبالنسبة للسنن انا مداومة ع بعضهن وانشا الله يثبتنا ع سنن حبيبننا عليه الصلاة والسلام
والف مبروووووووووووووووووووووك للجميع وانا كمان عرس اختي الكبيرة يوووووووم الجمعة عقبالكن يارب وحدة ورا التانية
يعطيكم العافية وتمت الصلاة ع الرسول صلى الله عليه وسلم

[صاحبة القلم الحزين]

كالعادة،،


باجي متأخرة S:


بس في مقولة بتقول


أنا تصل متأخراً خيراً من أن لا تصل


^^


نسومة يسلمو كتير حبيبتي


بس في الي تعليقين ع السنن


اول شي


الدعاء اللي بنردده بعد الأذان


في ناس بقولوا اخر شي "إنك لا تخلف الميعاد "


وأنا سمعت انه هالمقولة خاطئة وما في منها و اللي وارد هو بس اللي ذكرتيه


فحبيت أنوّه انه يا صبايا ما حد يقول بآخر الدعاء


انك لا تخلف الميعاد . . .



تانيا


انا ما فهمت الإقعاء


:(

[الحان الحرية]

تقبل الله منكم جميعاً,,

و تمت الصلاة ع النبي عليه افضل الصلاة و السلام ,,

و ان شا الله التلاوة بلحقكم فيها ,,

يعطيكم العافية

[الفتاة المشرقة]

تمتت التلاوه بحمد لله

[Pink Rose]

// تمت التلاوة والصلاة على رسول الله //

اهلا وسهلا فيكي حبيبتي احلى بنوتة

اكيد فيكي تنضمي النا يا قمر

والله يجازيكي كل خير يا رب انتي والجميع :)

[صاحبة القلم الحزين]

بنات دخل يوم الجمعة


لا تنسوا تقرأوا سورة الكهف


^^

[Pink Rose]

يسلمو حبيبتي ميرو عالتنبيه

جمعة مباركة عليكم جميعا يا رب

:s (43):

[الفتاة المشرقة]

تمت التلاوه بحمد لله

مشكوره اختي صاحبه القلم على التنبيه

في ميزان حسناتك يارب

[صاحبة القلم الحزين]

حبيباتي بنوكة و الفتاة المشرقة


الله يرضى عنكم يا رب



***


الفتاة المشرقة


بدي اتعرف عليكي


شو رايك

؟



^^

[Pink Rose]

:: تمت التلاوة والصلاة على النبي الحمد لله ::

بنات انا رح اغيب عنكم اسبوع :(

وان شاء الله رح ضل متابعة التلاوة بفترة غيابي

ديرو بالكم على القسم :(

رح اشتاقلكم كتير والله :icon26:

الله يتقبل منا ومنكم يا رب ويجعل عبادتنا في ميزان حسناتنا

يعطيكم الف عافية .. بشوفكم على خير ان شاء الله :s (43):

[ضوء الشمس]

تمت التلاوة والصلاة على النبي



حبيبتي بينك ان شا الله ترجعي بالسلامة

[.:.!دموع الرحيل!.:.]

بنكوكة رح نشتقلك كتير ..

ترجعي بالسلامة يا رب

//

:: تمت التلاوة والصلاة ع النبي عليه الصلاة والسلام ::

[الفتاة المشرقة]

السلام عليكم
صاحبه القلم اهلا وسهلا بتشرف فيكِ

بنك روز الله يرجعك بالسلامه وما رح ننساكِ ^^

[الفتاة المشرقة]

تمت التلاوه بحمد لله

[الوردة الحانية]

تمت التلاوة

منورييييييييييين يااابنااااااات

[نسمة بلادي]

كالعادة،،


باجي متأخرة S:


بس في مقولة بتقول


أنا تصل متأخراً خيراً من أن لا تصل


^^


نسومة يسلمو كتير حبيبتي


بس في الي تعليقين ع السنن


اول شي


الدعاء اللي بنردده بعد الأذان


في ناس بقولوا اخر شي "إنك لا تخلف الميعاد "


وأنا سمعت انه هالمقولة خاطئة وما في منها و اللي وارد هو بس اللي ذكرتيه


فحبيت أنوّه انه يا صبايا ما حد يقول بآخر الدعاء


انك لا تخلف الميعاد . . .



تانيا


انا ما فهمت الإقعاء


:(

أسفة ع تأخيري بالرد يا ست ميرو:showoff:

اجيت وجبتلك الجواب بس مش متأكدة منو 100% بس

هاد اللي طلع معي واللي افهمتو جراء عملية البحث المرهقة :wacko:

ولو تيجي نانا بما انه تخصصها بالشريعة توضح أكتر وأكتر وتشوف استنتاجي صح :showoff:

المهم

في نوعين من الاقعاء

واحد منهم نهى عنو الرسول صلى الله عليه وسلم واسمو

اقعاء الكلب أما التاني وهو سنة ووجه الاختلاف بينهم هو

صورة اقعاء الكلب تختلف عن صورة اقعاء السنة لان اقعاء السنة ان تنصب القدمين

وتضع الإليتين على القدمين المنصوبتين اما اقعاء الكلب وهو ان تضع الإليتين على الارض

وتباعد القدمين والمعنى انك تضع المقعدة على الارض وكثيرا ما يجلس الاطفال

الصغار هذه الجلسة فهذا هو المنهي عنه في الصلاة والله اعلم

أما الإقعاء الذي ذكره ابن عباس أنه سنة فقد

فسر بحالين: إحداهما: أن يفرش قدميه ويجلس عليهما،

والثاني: أن ينصب قدميه ويجلس على عقبيه، والأفضل من ذلك

هو الافتراش بين السجدتين وفي التشهد الأول؛ لأنه هو الوارد

عن النبي صلى الله عليه وسلم في الأحاديث الكثيرة الصحيحة أما

التورك فهو سنة في التشهد الأخير من الثلاثية والرباعية.

وبالله التوفيق وصلى الله على نبينا محمد وآله وصحبه وسلم.)

وهدول الصور بتوضح كيفية اقعاء الكلب المنهي عنو واقعاء السنة

http://files.shabab.ps/vb/images_cash/up6/080712160428QCAz.jpg

اقعاء الكلب

http://files.shabab.ps/vb/images_cash/up6/080712160428Ptku.jpg

افتراش الرجل اليسرى ونصب اليمنى وأصابعها إلى القبلة في الحالات التالية:

الجلوس بين السجدتين التشهد الأول

http://files.shabab.ps/vb/images_cash/up6/0807121604294y2g.jpg

حالات جلوس التورك للتشهد الثاني

افتراش اليسرى ويخرجها عن يمينه تحت ساقه وينصب اليمنى وإليته على الأرض.

http://files.shabab.ps/vb/images_cash/up6/080712160429j2cM.jpg

فرش اليسرى واليمنى وإخراجهما عن يمينه وإليته على الأرض.

والله تعالى أعلم

ان شاء الله أكون أفدتك :icon11:

[نسمة بلادي]

تمت التلاوة والصلاة ع النبي

هلااا دقدوقة النور نورك حبيبتي

تقبل الله منا ومنكم صالح الاعمال

ربي يسعدكم

[الوردة الحانية]

ان شاء الله يااعسل ^_^

[نبض الأقصى]

السلام عليكم تمت التلاوة والصلاة على النبي

[الفتاة المشرقة]

تمت التلاوه والصلاه على النبي

مشكوره نسمه على المعلومات في ميزان حسناتك يارب

[ضوء الشمس]

تمت التلاوة والصلاة على النبي بحمد الله تعالى




يعطيكِ ألف عافية نسمة



وبارك الله فيكِ

[الرمشـ الحساسـ]

تمـــــت التلاوة الحمدلله..

والصلاة على النبي..

وخلصنا اليوم الجزء التامن..


يسلمو نسومتــــي..

.............

[الحان الحرية]

انا كل يوم الحمدلله بتم الصلاة ع النبي,,

و ان شا الله بكرة بكمل معكم بالتلاوة

[صاحبة القلم الحزين]

متفرقات


*********

نسمة بلادي



اهاااااااا


يسلمو هالايدين يا نسومة


من ايد ما نعدمها ان شاء الله


*_^


بس والله طلعتي قدها و كسبتي النزال


هههههههههههههههههههه


أفحمتيني


شرح مع صور


وما في داعي تستني نانا لتأكدلك جوابك


لأنه جوابك والله أعلم صح 100%


يلا ما في داعي تسبي علي لأنك كسبتي أجر من واري


P:



****



الفتاة المشرقة


مين من بنات المنتدى ضايفتك ع الايميل و بتحكي معك؟؟؟



****


صحيح تم الواجب ^^


*****


نانا



بس أشوفك ع المسنجر ذكريني اقترح عليكي اقتراح


بالنسبة لـ اللآلئ


^^

[الفتاة المشرقة]

تمت التلاوه بحمد لله

الي ضايفاتني
الحان
حوريه
دموع
رموشتي
نبض الاقصى

[صاحبة القلم الحزين]

و هدول كلهم ضايفتهم عندي

^^

خلص باذن الله التعارف قريب


انتظريني


:)



*****


سبحان الله و بحمده


عدد خلقه


و رضى نفسه



و زنة عرشه


ومداد كلماته



/// يا صبايا ضلكم رددوا هالكلمات


لا تنسوني من دعائكم

[نسمة بلادي]

*********

نسمة بلادي



اهاااااااا


يسلمو هالايدين يا نسومة


من ايد ما نعدمها ان شاء الله


*_^


بس والله طلعتي قدها و كسبتي النزال


هههههههههههههههههههه


أفحمتيني


شرح مع صور


وما في داعي تستني نانا لتأكدلك جوابك


لأنه جوابك والله أعلم صح 100%


يلا ما في داعي تسبي علي لأنك كسبتي أجر من واري


P:

هههههه

تؤؤؤبشيني ليش أكم ميرو عندي أنا*.^

يلا وانتِ كمان الك الاجر والثواب لأني اعرفت معلومات ما كنت أعرفها *.^

موااااااااااااااح ^^

الفتاة المشرقة ازا ما في عندك مانع أنا كمان حابة أتعرف عليكِ بدي

ألطش ايميلك من ميرو أو أي وحدة من اللي حكتيهم اتفقنا *.^

تمت التلاوة والصلاة ع النبي

تقبل الله منا ومنكم حبيباتي

[صاحبة القلم الحزين]

الفتاة المشرقة ازا ما في عندك مانع أنا كمان حابة أتعرف عليكِ بدي

ألطش ايميلك من ميرو أو أي وحدة من اللي حكتيهم اتفقنا *.^


لا ما اتفقنا


شو هي الشغلة سايبة


انضبي يا بنت


و بكفي تلطشي صاحباتي

:icon28:


دائما انا بفكر و هي بتاخد ع البارد المستريح

:showoff:

[نسمة بلادي]

لا ما اتفقنا


شو هي الشغلة سايبة


انضبي يا بنت


و بكفي تلطشي صاحباتي

:icon28:


دائما انا بفكر و هي بتاخد ع البارد المستريح

:showoff:

:icon28:

:icon28:

ولي هههههه

بعدين أنا ما سئلتك انتِ سألت الفتاة المشرقة انتِ صفي واطفي :icon11:

يا أم الافكار انتِ اللي بيسمع بيفزع هههههه:showoff:

هلأ بروح أحكي اسم المدينة في هداك الموضوع اااااه :matrix:

[صاحبة القلم الحزين]

الأخت نسمة بلادي

لو سمحتي لا تقلبي الموضوع لدردشة :matrix:


:showoff: :icon11:

[نسمة بلادي]

الأخت نسمة بلادي

لو سمحتي لا تقلبي الموضوع لدردشة :matrix:


:showoff: :icon11:

ههههههه شف مين بيحكي:icon11:

يا عمري هاد موضوع بجتمعوا فيه بنات

فالدردشة هون مسموحة صح نانا هههه هع :matrix:

يلا انتقمي مني :icon11:

[.:.!دموع الرحيل!.:.]

هههههه حبيباتي والله

أنـا معكن عالخط ..

وتمت التلاوة .. بس الصلاة عالنبي عليه الصلاة والسلام اليوم لسه ..

//

فالدردشة هون مسموحة صح نانا هههه هع

صح يختي هههههههههه

يا دردشوا سلونـا :P

[نسمة بلادي]

هههههههه

شفتي يا ميرو طقي وموتي هههه

الله يسعدك ناناتي :)

هاد يا أعزائي الكرام المدعو صاحبة القلم الحزين حطت موضوع يا ريت موضوعها راحت

ردت واختارت حالها تشارك في الموضوع بدون ما حدا حكالها تعالي الموضوع هو توقعو

هادي الصورة وين في ساحتي (فلسطين ,, جنة الله على ارضه)

قال بدها تنشطها قال المهم أنا كشفت

اسم المدينة بطريقتي الخاصة هع هع

جاية مبسوطة ههههه مفكرة ما حدا رح يعرفها قمت كشفتها *.^

وبدها تموتني ازا حكيتها هههه

بالكم بدي أسألكم أروح أحكيها للمنطقة ولا أصبر شوي ...

[.:.!دموع الرحيل!.:.]

لا احكيها :P

عشـان ما تعود تتدخل بأمور قسمك هههههههههههههههههههه

>> بمزح <<

[نسمة بلادي]

هههههههههههه قولتك يعني فكرة *.^

لأنها الافندية جاية محملتني جميلة

قال يا نسمة ما تشكريني لأني جاي أنشط قسمك ههههههه

يلا هي أول صوت اني أحكيها يلا البقية

حتى أسهل عليكم

هي بمعنى

<< بطيخ>>


:showoff:















<<اضحكت عليكم والفار بإديكم >>

[الفتاة المشرقة]

هههههههه
يسعدلي اياكن يارب

مساء الخير نسومه ونانا وصاحبه القلم وكل الموحودين

اكيد انا برحب بكل الاخوات من شباب فسطين

الي بدو ايميلي يطلبو من الموجودين عندي او نانا

[فراشة فلسطين]

جزاكم الله خير يا احلى بنات

[الفتاة المشرقة]

تمت التلاوه بحمد لله

[صاحبة القلم الحزين]

اني أرى رؤوساً قد أينعت و حان وقت قطافها

:icon28:


نانا أول المطلوبين


و بعدها الغشاشة نسمة بلادي


و بعدها كل وحدة بتأيدهم


:icon28:

يلا صفوا ع الدور

:icon11:



طيييييييييييييييييب يا نانا


وأنا دائما بقول انك سندي هون


هيك بتبيعيني عشان وحدة ما الها بالقصر الا من مبارح العصر


:icon8:

[صاحبة القلم الحزين]

صحيح نسيت اقلكم

في هون قصة كتير مؤثرة

بلكي بتشرفونا و بتقرأوها

http://shabab.ps/vb/showthread.php?p=942253#post942253

^^

[نسمة بلادي]

هجموا الثوار هجموا الثوار هع هع هع

ههههههههههههههههههههههههههههههههههه ههه والك عين تفوتي الموضوع هههههههههه

الله يقطع شرك يا ميرو أنا غشاشة شو آخر مثل حكتي من وين جابتي ههههههههههههههههههههه

[<<a7la banota>>]

صاحبة قصة مؤثرة اشكرك كتير ع طرحها
يعطيكم العافية بنات

[ضوء الشمس]

تمت التلاوة والصلاة على النبي

[الحان الحرية]

السلام عليكم

صبايا سامحوني ع الانقطاع ,,

تمت التلاوة ص 165 - 166

و تمت الصلاة عالنبي

الله يجزيكو كل خير

[.:.!دموع الرحيل!.:.]

الله يتقبل آالحآآآني ..

انا آسفه لأني اتأخرت عليكم بموضوع الجولة الجديدة

ان شاء الله بنزله اليوم ..