هل طيبة القلب ضعف بالشخصية؟؟

[وردة المحبه]

اخواتي واخواني في موضوع حبيت اناقشه معكم........والسؤال هو؟؟؟


هل طيبة القلب ضعف بالشخصيه؟؟؟؟

طيبة القلب:

صفة محمودة بالانسان ومرغوبه
والانسان طيب القلب محبوب من الجميع

القضيه:

ان الانسان طيب القلب في هالزمن اصبح شخص ضعيف

واصبحت الطيبة توصف بالضعف لماذا؟؟؟؟؟
لانه يتصف بالسماحه والشفافيه....!!!!!


واصبح الناس يستغلون للاسف الشخص طيب القلب لقضاء حوائجهم
ومصالحهم وتجاوز النظام!!!


كيف يمكن للشخص ان يتعامل مع من حوله حتى لا يصفونه بالضعف؟؟

متى تكون طيب الطبع ومتى تكون شرس الطبائع؟؟؟

[ايــاد]

الي قلبو طيب شخصيتو اضعيفه

انا مع هل مقوله وبأكد على انو هيك صحيح

يسلمو على الطرح كتير عجبني

[اميرة باخلاقها]

طيبة القلب حلوة

بس بحدود

بس اذا تجاوزت هالحدود بتصير ضعف بالشخصية وهبل كمان

شكرا يا وردة موضوع مميز بصراحة

يعطيكي العافية

تقبلي مروري

[جرحٌ بملامح انسان]

للأســــف ..

في زمــاننــا ..

طيب القلـــب .. ضعيــف ضخصيـــة ..


تسلمي وردة المحبــة على الموضوع ..

دمـــتــ

[محمود]

اسألوني أنا (: ،،

وبالعكس مش شرط انو طيب القلب شخصيته ضعيفـة ،،

طيبــة القلب بتسمحله يكون وسط اجتماعي مؤثر ..

قوة الشخصية مكمل لطيبــة القلب ، لو اتاكل حقو ..

وسكت ما اسمها طيبة قلب ،، هاد اسمو هبل ..


صح انو الي قلبو طيب الكل بستقوي عليه . وازا ما كان عنده عنصر ردع ..

ان كان بقوة الحجـة أو القوة الجسيدة ,,

بتكون طيبة القلب ضعف ..

ويعطيك العافية ،،

[السيف عدي]

طيبة القلب مع حسن التصرف والذكاء ممكن يعلموا توازن شوي ..

بس طيبة القلب مع قلة الحيلة ممكن يكون ضعف بالشخصية ..

يعطيكي العافيه ،،

[حنان16]

باختصار

بنظري لو الشخص فهم منيح معنى طيبة القلب

وطبقها على هالمفهوم الصائب بتكون جزء من قوة شخصيته

اذا العكس بيتاكل في المجتمع

وبالتالي فهو شخصية ضعيفة ..


تحيتي

^_^

[الصمـــ رفيق الصحراء ــت]

بتعمل ضعف سخصيه

[وردة المحبه]

مشكورين على مروركم

وعمر طيبة القلب ما كنت ضعف شخصيه لكن بهل ايام ما الها مكان

[زينة نابلس]

احكيلك انو طيبة القلب هي مش ضعف بالشخصية بالعكس
بس بزمانا هادا حرام الواحد يكون قلبو طيب لانو في ناس مابتستاهل بجد بحكي
واللي قلبو طيب بحكو عنو اهبل هاي الايام
فهو يعل بين الطيبة و القساوة
شكرا ع الموضوع

[sweet angel]

لا طبعا !

بس اللي قلبه طيب بهالايام بنضحك عليه

لانه بفكر كل هالناس زيه !!

تقبلي مروري..

[dreems]

أنا بعقب على كلام الأخت زينة نابلس انا معاكي ياأختي الكريمة في ان طيبة القلب مش ضعف بالشخصية بالعكس إلي قلبه طيب هو قوي الشخصية لأن زماننا هذا قل فيه من هو طيب وكثر العكس فلذالك انا في رأيي أن الطيب قوي الشخصية بقوة وليس أهبل وضعيف ياجماعة الطيبة والتسامح تحتاج إلى قوة حتى تسامح وتغفر

[رحيق]

هل طيبة القلب ضعف بالشخصية؟؟

نعم في هذا الزمن والناس يستغلون هذة الطيبة

[اسيرة النجوم]

بالاول بدي اتحكي مشكورة اختي على هالموضوع الجميل

وبدخل في الموضوع

اختي انا من الناس اللي بعتبر انو طيبة القلب مو ضعف بالشخصية بالعكس هي قوة لكل شخص بيتسم بهالصفة

لانها صفه نادرة الوجود بالزمن اللي صار كلو دياب

يمكن بتؤتر على صاحبها بشكل سلبي بحيت انو بتسبب في تالمو في اغلب الاوقات

لكن بالرغم من كل الالم والتعب اللي بحاصرو خلال مسيرتو بحياتو بيضل هو اقوى اشخصية بالدنيا

وعننا متل مغربي بيحكي " سير على نيتك تربح" يعني خليك على طيبتك اكييييد بتربح في الاخير

ابدا بعمر الطيب ما يكون ضعيف

لانو ربنا بيكون دايما مصاحبو


واصبحت الطيبة توصف بالضعف لماذا؟؟؟؟؟

توصف بالضعف عند الضعفاء بسبب حقدهم وشرهم

بس عند غير هالنوعية بالعكس هو قوة

والطيبة ابدا ما بتدل انو راح اسكت على حقي مشان يعتبروني ضعيف


واصبح الناس يستغلون للاسف الشخص طيب القلب لقضاء حوائجهم
ومصالحهم وتجاوز النظام!!!

يا بختو هاد اللي بيقضي حوائج الناس كتبتت عند الله وابدا مو العبد اللي بيجازي الطيب على طيبتو


كيف يمكن للشخص ان يتعامل مع من حوله حتى لا يصفونه بالضعف؟؟

يتعامل بطيبة وحرس اشد

متى تكون طيب الطبع ومتى تكون شرس الطبائع؟؟؟

بكون طيب الطبع مع اللي بيستحقو

اما عند لمس اشيا انا بحبها بالسوء ساعتها بصير شرسة

بوركت اخيتي حيتما وليتي :s (43):

[dreems]

تعقيب بسيط على هالجملة مش فاهم معناها ( ((طنش الناس وادعس على اكبر راس مش لانك ذهب او لانك الماس))
(( بس لانك حمساوي وبترفع الراس))
قال الرسول صلى الله عليه وسلم (لافرق بين عربي وأعجمي إلا بالتقوى )

[dreems]

قال الرسول صلى الله عليه وسلم ( دعوها فإنها منتنة ) كان الرسول صلى الله عليه وسلم يقصد العصبية القبلية

[Arabian girl]

طيبة القلب مع الذكاء محمودين ومناح وقوة شخصية
اما ادا الواحد كان طيب وماشي عالبركة بقولو عنو اهبل
بس طيبة القلب ما في احلا منها

[dreems]

تعقيب بسيط على هالجملة مش فاهم معناها أتمنى من كتب هذه الجملة أن يفسرها إذا أمكن عشان الكل يتعلم ويستفيد ( ((طنش الناس وادعس على اكبر راس مش لانك ذهب او لانك الماس))
(( بس لانك حمساوي وبترفع الراس))
قال الرسول صلى الله عليه وسلم (لافرق بين عربي وأعجمي إلا بالتقوى )
قال الرسول صلى الله عليه وسلم ( دعوها فإنها منتنة ) كان الرسول صلى الله عليه وسلم يقصد العصبية القبلية