المساعد الشخصي الرقمي

مشاهدة النسخة كاملة : هل تخجل من لهجتك العاميه


فلسطينيه والراس مرفوع
07-01-2008, 07:44 PM
نلاحظ في هذه الأيام الكثير من الناس يلجأون لتغيير لهجتهم على حسب المجتمع والأشخاص ..


الكثير من الشباب خاصه .. هم من يقوم بتغيير لهجته الام .. اي انه يضن انه تعيبه لهذا

يقوم يتغير هذه اللهجه او التنكر بقناع ليس قناعه و معظمهم يقوم بتحدث لهجة أهل

نجد .. ايماناً منهم انها اللهجه التي يجب ان يكون عليها او لا يطوله اي انتقاد او هي

اللهجه الحديثه او المتطوره و الذي يتكلم بها هو شخص عالي المستوى .. لو تحدث

بالهجه الام يكون عكس هذا ..


ليس بالضرورة أن يغير الإنسان لهجته ولكن من الضرورة التخلص من الكلمات الغير

مفهومة وتلك الألفاظ المغرقة في المحلية والصعبة على فهم الآخرين وتلك الكلمات

التي نتوقع أن يستوقفونا ليسألونا عن معانيها


ما هي اللهجة التي نتحدث بها ؟؟ اليست هي خاصة بنا نحن مجتمع محدد اي ان بعض

الكلمات في اللهجات لا يعرفها سوى اصحابها وهي ناتجة عن ماذا ؟؟


في القديم لا يوجد تعليم وحياة اجدادنا قائمه اما في الزراعة وإما في البحر فقد دخلت

علينا بعض الكلمات الفارسية والهندية والأنجليزية وهي ليست من لغتنا





فماالسبب ؟؟

لماذا يخجل البعض من لهجته الأم ؟؟

هل من المعيب أن نتكلم بلهجتنا الأصلية مع الأجانب ؟؟

هل ترون أن لهجتنا تتناسب والتخاطب مع الآخرين بطريقة مفهومة وبشكل واضح ؟؟

هل علينا التوجه الى لهجات اخرى ؟؟ ام التحدث بأسلوب الشخص المتعلم والدارس ؟؟


انتظـر رايكـم ..

HaDoOoL
07-01-2008, 08:02 PM
فماالسبب ؟؟
ممكن يكون المجتمع الي هو عايش فيه بيطلب يحكي بطريقه غير ..

لماذا يخجل البعض من لهجته الأم ؟؟
امممم..الصراحه مابعرف..

هل من المعيب أن نتكلم بلهجتنا الأصلية مع الأجانب ؟؟
طبعا لآ..والمفروض نحكي بلهجتنا الاصليه عشان يعرفوا انو احنا بنعتز بلهجتنا مو بنستحي منها..


هل ترون أن لهجتنا تتناسب والتخاطب مع الآخرين بطريقة مفهومة وبشكل واضح ؟؟
اممم...في هيك وفي هيك...

هل علينا التوجه الى لهجات اخرى ؟؟ ام التحدث بأسلوب الشخص المتعلم والدارس ؟؟
لا..نضلنا ع لهجيتنا مع ممكن مع تغيير بسيط فيها عشان تكون اكتر فهم للشعوب التانيه..


ويسلموووا كتييير ع الموضوع الحلو..

روان فلسطين
07-01-2008, 08:30 PM
بصراحه دودو ما راح اقدر اجاوبك
لانو انا ما بخجل بالمره بالعكس بحاول اتعلمها واتقنها لانها روعه
وخاصه كال وكلت بمووووووووووت فيها وبتمنى احكيها بجد
صدقيني خليت صاحباتي يحكو فلسطيني كحح وهمه يا حرام سوعوديات ومصريات ولو تشوفيهم وهمه بيحكو
(مفيش اشي بيستاهل ) او (شو مالك) او (كديش السيعه معش )مع انو انا ما عندي حد بيحكي هيك بس للهبل وكله بجيبو عن النت
اما لما يحكو زنار هاي نكته بتصير

نداء الوطن
07-01-2008, 09:22 PM
انا راح احكي عن نفسي
انا فلاحة من اصل فلاحين
ولهجني العامية احلى واغلى ما املك
بكفي انها شوف كبير الي انه تكون لهجتي العاميه هي لهجه طني فلسطين
واللي بخجل من لهجته من الاصل بكون بخجل من اصله
مشكورة حبيبت قلبي عالموضوع

princess soso
07-01-2008, 09:30 PM
والله انا الحمدالله فحياتي ماخجلت من لهجتي بالعكس لما اكون آعدة مع ناس انو لهجتهم غير عني وانا بحكي بلهجتي هيك بحس حالي متميزة بينهم .. ف عنجد انا كتيير بغيضوني يللي بيحكو لهجة غير لهجتهم وانا مهما كنت عايشة فمجمتع مارح اتأثر فيهم ..

ويسلموا عالموضوع

Arabian girl
07-01-2008, 09:46 PM
اول شي بحييك ع الموضوع المفيد والمميز
وهادي اجوبتي
فماالسبب ؟؟
ضعف ثقه العرب بنفسهم بسبب سيطرة الاجانب واتخاذهم مثلا عليا
لماذا يخجل البعض من لهجته الأم ؟؟
لانهم اصبحو يميلون من التخلص من هويتهم العربية الاصيلة وتزييفها لتخدع الناس

هل من المعيب أن نتكلم بلهجتنا الأصلية مع الأجانب ؟؟
ابدا ليس من المعيب
بل من المعيب ان لا نتكلم بلهجتنا فهم لا يحاولون تعلم لغتنا اصلا

هل ترون أن لهجتنا تتناسب والتخاطب مع الآخرين بطريقة مفهومة وبشكل واضح ؟؟
ان كنت تقصدين العامية فليست مفهومة الا لاصحابها
اما الفصيحة فهي طريقة للتوحيد بشكل محدد وجعلنا متشابهين مما يجعلنا متفاهمين وواضحين

هل علينا التوجه الى لهجات اخرى ؟؟ ام التحدث بأسلوب الشخص المتعلم والدارس ؟؟
لا ليس علينا ولكن لا يستطيع شخص واحد ان يقوم بهذا بنفسه بل يحتاج لدعم المجتمع

بهنيك مرة تانيه ع الموضوع المميزة

الصمـــ رفيق الصحراء ــت
07-01-2008, 11:39 PM
لا ما بخجل

ولشو الخجل


وتحياتي

~ | Mazaj
07-02-2008, 12:12 AM
لا ما بخجل منهــا ..

يسلمــو ع الطـرح ^^

محمود
07-02-2008, 12:16 AM
بعض الكلـمــات بتكون صراحــة محرجة ،، لكن مش خجل ..

الخجل بفرق ،، فالواحد بختار أفضل منها ..

الحكاية مسألة زوق مش أكثر ..

شكر ً أختي ..

في النهاية ما بخجل ..

فلسطينيه والراس مرفوع
07-02-2008, 07:53 AM
فماالسبب ؟؟
ممكن يكون المجتمع الي هو عايش فيه بيطلب يحكي بطريقه غير ..

لماذا يخجل البعض من لهجته الأم ؟؟
امممم..الصراحه مابعرف..

هل من المعيب أن نتكلم بلهجتنا الأصلية مع الأجانب ؟؟
طبعا لآ..والمفروض نحكي بلهجتنا الاصليه عشان يعرفوا انو احنا بنعتز بلهجتنا مو بنستحي منها..


هل ترون أن لهجتنا تتناسب والتخاطب مع الآخرين بطريقة مفهومة وبشكل واضح ؟؟
اممم...في هيك وفي هيك...

هل علينا التوجه الى لهجات اخرى ؟؟ ام التحدث بأسلوب الشخص المتعلم والدارس ؟؟
لا..نضلنا ع لهجيتنا مع ممكن مع تغيير بسيط فيها عشان تكون اكتر فهم للشعوب التانيه..


ويسلموووا كتييير ع الموضوع الحلو..

الله يسلمكـ حبيبتي هدووول

اكيد لهجتنا الام احلى من اي لهجة

نورتي حبيبتي :icon26:

فلسطينيه والراس مرفوع
07-02-2008, 07:54 AM
بصراحه دودو ما راح اقدر اجاوبك
لانو انا ما بخجل بالمره بالعكس بحاول اتعلمها واتقنها لانها روعه
وخاصه كال وكلت بمووووووووووت فيها وبتمنى احكيها بجد
صدقيني خليت صاحباتي يحكو فلسطيني كحح وهمه يا حرام سوعوديات ومصريات ولو تشوفيهم وهمه بيحكو
(مفيش اشي بيستاهل ) او (شو مالك) او (كديش السيعه معش )مع انو انا ما عندي حد بيحكي هيك بس للهبل وكله بجيبو عن النت
اما لما يحكو زنار هاي نكته بتصير

ههههههههه

حلو ........كتير حلو يا رورو

الكل صار يحكي متلك :icon31:

والله انك تاثري باللي حواليكي احسن مما همي ياثروا فيكي

نورتي حبيبتي :icon31::icon26:

فلسطينيه والراس مرفوع
07-02-2008, 07:56 AM
انا راح احكي عن نفسي
انا فلاحة من اصل فلاحين
ولهجني العامية احلى واغلى ما املك
بكفي انها شوف كبير الي انه تكون لهجتي العاميه هي لهجه طني فلسطين
واللي بخجل من لهجته من الاصل بكون بخجل من اصله
مشكورة حبيبت قلبي عالموضوع

:icon31:

اها والله معك حق يا ندووووو

اللي بخجل من لهجته الاصلية بكون خجلان من وطنه :matrix:

واشي حلو كتير انك تعتزي باصلك

نورتي يا miss نداااء :icon26::s (43):

فلسطينيه والراس مرفوع
07-02-2008, 07:58 AM
والله انا الحمدالله فحياتي ماخجلت من لهجتي بالعكس لما اكون آعدة مع ناس انو لهجتهم غير عني وانا بحكي بلهجتي هيك بحس حالي متميزة بينهم .. ف عنجد انا كتيير بغيضوني يللي بيحكو لهجة غير لهجتهم وانا مهما كنت عايشة فمجمتع مارح اتأثر فيهم ..

ويسلموا عالموضوع


الله يسلمك حبيبتي سوسو

وانا كمان في ناس كتيييير بغيضوني لما يحكوا بلهجة غير عن لهجتهم
:icon28::icon28:

ما بعرف ليش بغيروها :icon9:

نورتي حبيبتي :icon26::icon15:

فلسطينيه والراس مرفوع
07-02-2008, 07:59 AM
اول شي بحييك ع الموضوع المفيد والمميز
وهادي اجوبتي
فماالسبب ؟؟
ضعف ثقه العرب بنفسهم بسبب سيطرة الاجانب واتخاذهم مثلا عليا
لماذا يخجل البعض من لهجته الأم ؟؟
لانهم اصبحو يميلون من التخلص من هويتهم العربية الاصيلة وتزييفها لتخدع الناس

هل من المعيب أن نتكلم بلهجتنا الأصلية مع الأجانب ؟؟
ابدا ليس من المعيب
بل من المعيب ان لا نتكلم بلهجتنا فهم لا يحاولون تعلم لغتنا اصلا

هل ترون أن لهجتنا تتناسب والتخاطب مع الآخرين بطريقة مفهومة وبشكل واضح ؟؟
ان كنت تقصدين العامية فليست مفهومة الا لاصحابها
اما الفصيحة فهي طريقة للتوحيد بشكل محدد وجعلنا متشابهين مما يجعلنا متفاهمين وواضحين

هل علينا التوجه الى لهجات اخرى ؟؟ ام التحدث بأسلوب الشخص المتعلم والدارس ؟؟
لا ليس علينا ولكن لا يستطيع شخص واحد ان يقوم بهذا بنفسه بل يحتاج لدعم المجتمع

بهنيك مرة تانيه ع الموضوع المميزة

تسلمي حبيبتي هاده من زوووئكـ :icon31:

اكيد هو ضعف ثقة ونقص

ومحاولة لتغيير الهوية العربية

الله يصلحنا

نورتي حبيبتي اريبيان جيرل باجوبتك المميزة :icon26::s (43):

فلسطينيه والراس مرفوع
07-02-2008, 08:00 AM
لا ما بخجل

ولشو الخجل


وتحياتي

والله ما بعرف لشو الخجا يا سالم :showoff::matrix:

مشكو على مرورك خيووووووو :s (43):

فلسطينيه والراس مرفوع
07-02-2008, 08:02 AM
لا ما بخجل منهــا ..

يسلمــو ع الطـرح ^^

:icon31:

الله يسلمك عمووو فجر

ما في احلى من الانسان اللي ما بخجل من لهجته ومن عاداته وتقاليده وبعتز فيها

نورت خيوووو :s (43):

فلسطينيه والراس مرفوع
07-02-2008, 08:04 AM
بعض الكلـمــات بتكون صراحــة محرجة ،، لكن مش خجل ..

الخجل بفرق ،، فالواحد بختار أفضل منها ..

الحكاية مسألة زوق مش أكثر ..

شكر ً أختي ..

في النهاية ما بخجل ..


اها انا معك عمووو انو في كلمات محرجة

وممكن هاي الكلمات يستبدلها بكلمات زوووء تانية

بس مش يغير كل اللهجة ويقلبها :showoff:

نورت خيووو محمود :icon31::s (43):

السيف عدي
07-02-2008, 08:10 AM
تسلمي ع الموضوع الحلو ،،

انا ما بخجل بالعكس انا بحكي لهجتي العادية ،،

واللي مش عاجبو ما يحكي معي ..

فلسطينيه والراس مرفوع
07-02-2008, 08:24 AM
تسلمي ع الموضوع الحلو ،،

انا ما بخجل بالعكس انا بحكي لهجتي العادية ،،

واللي مش عاجبو ما يحكي معي ..

هههههههه

:icon11:

اللي مش عاجبة ما يحكي معك ......حلوة هاي

نورت عمووو عدي :s (43):

خيـرَ أُمـة
07-02-2008, 09:05 AM
انا زرت كذا بلد عربي والحمد لله دائما بستعمل لهجتي ...

لكن اتمنى لو نصحى في يوم من الأيام ونجد جميع العرب يتكلمون بالعربية الفصحى ...

اللغة العربية من اجمل اللغات ويكفينا انها لغة آخر المرسلين ولغة القرآن الكريم ..

شكرا أختي ..

جزاك الله خيرا ..

فلسطينيه والراس مرفوع
07-02-2008, 09:15 AM
انا زرت كذا بلد عربي والحمد لله دائما بستعمل لهجتي ...

لكن اتمنى لو نصحى في يوم من الأيام ونجد جميع العرب يتكلمون بالعربية الفصحى ...

اللغة العربية من اجمل اللغات ويكفينا انها لغة آخر المرسلين ولغة القرآن الكريم ..

شكرا أختي ..

جزاك الله خيرا ..

العفو خيووو احمد

اكيد اللغة الرعبية الفصحى من اجمل اللغات في الدنيي كلها

بس للاسف نسيناها :b:

نورت عمووو :s (43):

ابنة الشتات
07-02-2008, 09:29 AM
الحمد لله ما بخجل

اساسا بعلمهم يحكو فلسطيني ^_^

ليش في أحلى من لهجتنا :)

فدى فلسطين
07-02-2008, 09:37 AM
انا والله مستحيل اغير لهجتي وما بحب اللي بغيروا لهجتهم لانه الواحد لازمبالعكس يفتخر بلهجته

يسلموا كتير حبيبتي (فلسطينيه والراس مرفوع)

حنين الروح
07-02-2008, 10:14 AM
انـا أكيد الحمد للهـ ما بخجل منها ..

بالعكس بفتخر فيها ..

مين بصحلو يحكي فلسطيني أصلا :showoff::showoff:

وبعدين احنـا اللي عايشين بالغربة ...

واللي محرومين شوفة وطنـا ..

شو ضللنـا غير لهجتنـا اللي نتمسك فيها !!

لهيك مستحيل بيوم اني اغيرها ..

وربي يرجعنـا لبلادنا ونصير نسمع كل اللي حوالينا بحكو نفس لهجتنـا ...

بس هالظاهرة اللي بتحكي عنها انا لاحظت انها منتشرة اكتر شي بدول الخليج

متل عنـا ..

كتير بلاحظ .. خصوصا البنات بالمدرسة ..

للأسف كتير بنات بغيروا لهجتهم وبصيرو يحكو خليجي ..

وطبعا هاد اكتر شي بكرهو :icon28:

يعني شو الي بخليهم يعملو هيك !!

رح يصيرو الناس يحبوهم أكتر مثلا ولا شو !! :wacko:

عن جد شي بقهر :icon28:

سامحيني فلفولة طولت بالرد وما جاوبت ع الأسئلة بالزبط *.*

لإنو بصراحة ما عندي اجوبة ع اكترهم ..

يسلمو ايديكي ع الطرح :s (43):

يعطيكي العافية حبيبتي :icon26:

RaWaNoOo
07-02-2008, 01:00 PM
هلاء احنا الفلسطينين عنا اكتر من لهجة

عنا المدنية و عنا فلاحين و عنا بدو

انا لهجتي خليلية:icon31:

و احلى لهجة بنظري لهجتنا

و بفتخر بلهجتي :showoff:

و بعلم صاحباتي و صارو يحكو متلي هههههه

مثلا في بيحكو كومي انا بحكي ئومي هههههه

بس بالنهاية ابدا ما بخجل من لهجتي

يسلمو عالموضوع

،،عـيـون الوجـد،،
07-02-2008, 01:49 PM
والله انا مابخجل من لهجتي
لكن مااتكلم بلهجتي في المنتدى لان ممكن الاعضاء مايفهمون شو بحكي
لهذا السبب مااتكلم بلهجتي هنا
تسلميلي والله على الموضوع

Anonymous Gril
07-02-2008, 03:06 PM
فماالسبب ؟؟

لأنه احنا بدنا نتعلم لغة غيرنا عشان نتفاهم معهم ويمكن عشان يفهمونا..
لماذا يخجل البعض من لهجته الأم ؟؟

خوفاً من تعليق بعض الناس عليها..
هل من المعيب أن نتكلم بلهجتنا الأصلية مع الأجانب ؟؟

لأ مش عيب...
هل ترون أن لهجتنا تتناسب والتخاطب مع الآخرين بطريقة مفهومة وبشكل واضح ؟؟


آ...نعم..
هل علينا التوجه الى لهجات اخرى ؟؟ ام التحدث بأسلوب الشخص المتعلم والدارس ؟؟


حتكلم بهلجتي وأتعلم لهجتهم عشان أفهمهم وأتفاداهم..





--------------------------------------------------------------

أنا فلاحة ومدنية بس بضل فلاحة وبعتز....

ولهجتي فش أحلى منها...


هأعطيكي مثال::

مرة في المدرسة عنا البنات قعدوا يتمسخروا ع بنت صفي ...لأنها بتتكلم بالسوري.. و وحدة تانية بالمصري...

لهجاتهم الأصلية.. اجين ع كلمات ما فهموهاش فترجموهن الهن.. بس أنا اجت المعلمة وقالتلي احكي بلهجتكـ

الأم...

فحيكت وتكلمت باللهجة المدنية.....بعدين دخلت بالفلاحية...و البنات مفهموش كلمات كتير...

وقعدوا يضحكوا عليّ....فقالوا لهجتنا الإمارتية أحلى منكم المصرية... (أي انا)..

فحتكيتلهم أنا مش مصرية ولوكنت حافتخر بذلكــ ..أنا فلسطينية و لهجتنا أحلى لهجات العالم ومتل مالهجتنا

مش مفهومة عندكم انتوا كمان لهجتكم مش مفهومة في أوقات وهما بقلن لهجتكم تافهة وغبية

وأنا عاد بعرفونيش وأنا عصبية وكنا رح نتطاوش......


بس اجت المعلمة و قالت .... كل واحد اله لهجته ويعتز فيها و كل واحد اله وجهة نظر وبعدها تصالحنا

وطبعاً أنا من انتصر..



وسلامتكم،،،،

الاماني الفلسطنية
07-02-2008, 03:15 PM
طبعا لأ ومستحيل يصير هالشي ...


الحمدلله عاجباني لهجتنا ومستحيل اغيرها لحتى اعجب حدا مثلا ...


والدليل هيني بحكي فيها بالمنتدى :icon31:


والعكس والله البنات بمدرستنا الخليجيات و مرات المعلمات لما يحكو معي او اي بنت تانية بصيرو يحكوا متل


لهجتها ويعوجوا لسانهم ههههه ... :icon11:


يسلمو يا فلفولة مواضيع دايما بتجنن :s (43):

Abu Shadi
07-02-2008, 03:45 PM
فماالسبب ؟؟

ما عمري غيرت لهجتي لاعرف شو السبب بس اكيد اكيد هذا ضعف بالشخصية وبين قوسين تــــافه

لماذا يخجل البعض من لهجته الأم ؟؟

الحمد لله ما بخجل من لهجتي بس الانسان بتعود على شي خلص بيظل عليه بس الحمد لله لهجتي ما عمرها تغيرت
مثل ما هي عليه

هل من المعيب أن نتكلم بلهجتنا الأصلية مع الأجانب ؟؟

مش عيب ولا غلط بالعكس شي رائع بس هي من الممكن انو العرب يتلكمو بلهجتهم بكل قوة قدام الاجانب اكيد لاء

هل ترون أن لهجتنا تتناسب والتخاطب مع الآخرين بطريقة مفهومة وبشكل واضح ؟؟

اكيد تتناسب..هذا بيرجع للمخاطب الي قبالك هل من الممكن يستوعب ويفهم الكلام اكيد لاء هههههه

هل علينا التوجه الى لهجات اخرى ؟؟ ام التحدث بأسلوب الشخص المتعلم والدارس ؟؟

بتعرفي بتدايق لمن القي الدول العربية اغلبها بتعتمد على لهجات ولغات غير لغتها وطبعا الانسان الي بلاقيه بيحكي لهجة غير لهجتو بستحقرو جدا واكيد يجب ان نتكلم بلغة المتعلم

تحيتي لكي اختي

وتقبلي مروري عبر صفحتك

تحـــيــــــتـــــــي

نور الهدى
07-02-2008, 03:53 PM
ممممم

هو بصراحة انا ما بعطي اي قيمة لأي لهجة كانت ،، اهم شيء هو اني محافظة على العربية الفصحى و هاد بكفيني :)

ممكن احكي بلهجتي الجزائرية و ممكن احكي باللهجة الفلسطينية و ممكن بالمغربية - احيانا -

حسب الشخص المقابل اللي بحكي معه ... عشان يكون كلامي مفهوم و واضح ^^

و اكيد ما بخجل من لهجتي عادي


يعطيك الصحة على موضوعك ^^

فلسطينيه والراس مرفوع
10-09-2008, 05:01 PM
انا زرت كذا بلد عربي والحمد لله دائما بستعمل لهجتي ...

لكن اتمنى لو نصحى في يوم من الأيام ونجد جميع العرب يتكلمون بالعربية الفصحى ...

اللغة العربية من اجمل اللغات ويكفينا انها لغة آخر المرسلين ولغة القرآن الكريم ..

شكرا أختي ..

جزاك الله خيرا ..

اها فعلا خيوو

اكيد اللغة العربية من اجمل وارقى اللغات :icon31:

بس يا ريت لو احنا العرب نعرف قيمتها :b:ونبطل نحكي باللهجة العاامية :icon5:

منور خيووو :s (43):

Maram .. ~
10-09-2008, 05:46 PM
لا أنا أبدا ما بخجل

أصلا ليه الخجل..

^^

اللهـ يعطيكي الف عافية فلفولة ^^

مآ تحريمـنا

:)

جورية القسام
10-09-2008, 06:01 PM
انا راح احكي عن نفسي
انا فلاحة من اصل فلاحين
ولهجني العامية احلى واغلى ما املك
بكفي انها شوف كبير الي انه تكون لهجتي العاميه هي لهجه طني فلسطين
واللي بخجل من لهجته من الاصل بكون بخجل من اصله
مشكورة حبيبت قلبي عالموضوع

الصراحة كلامك ما في شي غلط

وكلامك مية بالمليون

تسلمي نداء الوطن شو كلامك جواهر

الدكتور امير
10-09-2008, 09:07 PM
و الله انا شخصيا اتحدث بلجهتي العادية

و لا اخجل منها ابدا

حسام المصرى
05-14-2011, 10:52 PM
أنا مش بخجل أتكلم بلهجتى خالص ..

لأن لهجتى الحمد لله جميلة ومفهومة لكل الناس وسلسة ..

بل أن المعظم بيحاول يقلد اللهجة المصرية ..

ده يمكن بس عشان الشخص يحس أن لهجته ممكن الىل أدامه ميفهمهاش .. او يتريق عليه بيها

فبيضطر يغيرها ..

لكن ده مش صح

نور الهدى
05-16-2011, 12:29 PM
مش خجل .. بس اساسا لهجتنا ما بتعجبني كتير من زمان و قبل ما اكتشف اللهجات التانية

بتضل مسألة ذوق .. و كل شخص اله ميوله .. شخصيا بتعجبني اللهجة السورية اكتر شي بحسها هيك حلوة و خفيفة و مهضومة

هلأ انا لو رحت لبلد عربي شرقي اكيد مش رح يفهموا علي كتير فضروري اغير شوية كلمات عشان كلامي يضل مفهوم

و شخصيا بما اني مش وطنية كتير و ما عندي نزعة قومية ما عندي مشكلة لو حكيت بلهجة غير لهجتي الام

مش مشكلة شو اللهجة ولا اللغة اللي بحكي فيها المهم كلامي يكون مفهوم و الفكرة توصل ^^

يسلموا

حسام المصرى
05-18-2011, 10:33 PM
مش خجل .. بس اساسا لهجتنا ما بتعجبني كتير من زمان و قبل ما اكتشف اللهجات التانية

بتضل مسألة ذوق .. و كل شخص اله ميوله .. شخصيا بتعجبني اللهجة السورية اكتر شي بحسها هيك حلوة و خفيفة و مهضومة

هلأ انا لو رحت لبلد عربي شرقي اكيد مش رح يفهموا علي كتير فضروري اغير شوية كلمات عشان كلامي يضل مفهوم

و شخصيا بما اني مش وطنية كتير و ما عندي نزعة قومية ما عندي مشكلة لو حكيت بلهجة غير لهجتي الام

مش مشكلة شو اللهجة ولا اللغة اللي بحكي فيها المهم كلامي يكون مفهوم و الفكرة توصل ^^

يسلموا

احكى فرنساوى ..هههههه
إجابتك جميلة