.{ اشتـركـ مـ ع ـنـا واجعل موبايلك شريكك في الدعوة إلى ‘‘ الله ‘‘ }.

[.:.!دموع الرحيل!.:.]

{ بســـــم الله الرحـمـنـ الرحيـمــــ ...

WIDTH=1 HEIGHT=1

http://rooosana.ps/Down.php?d=InGR

سبحــــــان من خلق للمؤمنين قلوبـــا ً وزيّنهـا بحـبـهـ ..

وملأ جوارح عشـاقه شوقـا ..

ً كي تتوق للتضحية في سبيل الدعوة لنشـر تعاليم شريعتهـ ..

فكـان سبحـانه المعبـود .. ولـرضـاه يسعى كل من في الوجود ..

هو المقصود .. والطريق إلى مرضـاته بلا حدود ..



من منـّا لا يسعـى إلـى الوصول لمرضـاة {الله} تعـالى ..

وأحب َّ أن ينــال شرف خدمة هذا الدين الحبيب .. ولكـنـّهـ حار في السبيل إلى ذلكـ .. !

ولأجـل ذلك سنجتمـع هنــــا ..

من منطلق الدعوة إلى الله .. ونشر الرساله .. وتعاليم الإسلام .. بكل الوسائل ..


http://rooosana.ps/Down.php?d=Y5uD


فـكـرة المشروع //

سيتم إنشاء مجمـوعة كبيرة من الشـباب المسلم .. الذي سيسعى من خلال هذا المشروع

إلى إيصال عدة رسائل لطالمـا أحب أن يوصلهـا ويبلغهـا للمجتمع الذي يحيط بـه ..


كيفية التتطبيق //

عبر الرسائل القصيرة ( الموبايل ) sms




التوقيت الذي سيتم فيه إرسـال هذه الرسـالة //

أول كل شهـر .. رساله واحده .. نتفق عليهـا فيما بيننـا .. ويرسلهـا كل عضوة بالمجموعه

للعدد الذي تكفل به في بلده ..



من هم المشـاركون في المشروع أو الحملة //

أولاً :: اعضـاء هذا المنتدى هم الذين سيفتتحون المشروع

بصدقهم .. وبعشقهم للدعوة إلى {الله} ..


ثانيـا ً :: سيتم عرض هذه الفكـرة على عدة أشخاص خارج المنتدى من بلدان مختلفـه .. حتى

يتم توسيع دائرة الأشخاص اللذين ستصلهم الرساله الدعوية أول كل شهـر ..

وعلى نطــــاق بلدان عديدة ومختلفه ..ويا حبّذا لو يتم .. إشراك الأهـالي في المشروع

والأقارب والأصدقاء .. واضافتهم كمنتسبين من خلالكم لهـذه المجموعـه ..



طبيعة الرسائل التـي سيتم إرسالهـا من قبل المنتسبين للمجموعـة //

هي رسائـــل منوّعة منها ما هي دعوية هادفة . . تذكيريه .. تدعو إلى إحيـاء أركـان من الدين قد تم

تجاهلهـا .. ،، إحيـاء سنن عن الرسول عليه الصلاة والسلام مفقودة ..

تذكير المسلمين بأحوال إخوانهم المسلمين .. في كل مكـان :: فلسطين .. حتى العراق ..

وأفريقيـا .. والسودان .. وحـتى أخر شبر يسكن عليـه مسلم على هذه الأرض ..

قد تكون رسالة تدعو لصيـام جمـاعي على نيّة معينة .. تذكير ببعض الأذكار والأوراد ..

أو قد تكون حسب الحـالة أو الوضع الذي يمر فيه الإسلام و المسلمون في ذلك الشهـر !



كيف سيتم الإتفاق على الرسالة التي سترسل كل شهـر //

سيتم فتح موضوع معين .. في كل شهـر .. يتم من خلاله المناقشة بين اعضاء المجموعة

والإتفاق على كينونة الرسالة .. وطريقة سياقة كلماتهـا .. حتى ينتهي بنـا المطاف إلى إنشاء

الرساله التي سيتم إعتمادهـا .. كمسج يرسلهـا كل عضو في المجموعـة



كل عضو في المجموعه سيختـار عدد معيّن من الأشخاص الذين سيتكفل بهم

شهريـا ً ليرسل لهم الرساله القصيرة ..



فمـا هو العدد الذي يجب على كل عضو أن يتكفل به .. //

العدد غير محدد .. من شخص ( 1) واحد .. وحتى المئة شخص ..

كل عضو بحسب ما يشعر انه قادر على ان يستلم عددا ً .. يرسل لهم الرساله شهريـا

ولا يستخف أي أحد بالعدد الذي سيشارك فيه ..

فقد تتكفل ( ايهـا المنتسب للمجموعه ) بإرسال الرساله لشخص واحد فقط شهريـا

ولكن هذا الشخص ممكن ان يرسلهـا لـ 10 عشـرة أشخاص ,, فلا تتردد أبدا ً بالمشـاركة معنـا

في الحملة .. ولو حتى بتكفلك لشخص واحد فقط شهريـا ً !

http://rooosana.ps/Down.php?d=0Xqg

.{ هذه معلومـات أرجو أن تكون واضحه عن

الحمله ... وأرجو أن نجد منكم التفـاعل بصدق وإقبـال ..

فإن نجحت معنـا الفكـرة سيتم نقلهـا إلى عدة منتديـات عبر أشخـاص هم في انتظـار ان

يبدأ المشروع انطلاقته .. فكونوا خير قدوة .. }.

.-* كمـا وأرجو من كل شخص أحب َّ أن ينتسب للحملـة ودخل هنـا ليسجل انتسابه

أن يضع العدد الذي سيتكفل بـه .. لكي نستطيع أن نكوّن إحصائية مبدئيه عن العدد

الأوّلي الذي ستصله الرسـالة أول كل شهـر .. *-.

//

,‘‘ أحبكم الله فهيـّأ لكم الطريق إلى سبيل كسب رضـاه .. فـلا تبخلوا على أنفسكم .. ‘‘ ,

.:{ نـصرف أوقاتنـا .. ونضيع رصيدنـا في الموبايل فيما هو مفيد وما هو غير مفيد ..

فهلا سخرنـا جزءاً منهـ أول كل شهـر لخدمة دين الله .. ووهبنـاها لله تعالى ..

علـّـنـا أن نجدهـا في صحائفنـا يوم القيـامـة .. أو تكون سببـا ً في هداية شخص أو آخر ..

فيكرمنـا الله تعالى برضـاه .. ويجعلنـا قرّة عيـن لسيد الخلق سيدنا رسول الله عليـهـ

الصلاة والســـلام ؟!! .. }:.


فأقبلوا .. ولا تترددوا .. نفع الله بنـا وبكم

:s (43):

..,, الســــلامـ عليكم ورحمة الله ... }

:: قـبـل مآآ أنهـي بحب أطلب من الأخ { أحمد } خيرَ أمّة .. أنـه يتابعنـا بالموضوع .. رح نحتـاجه فيه ^^ ::

:


:

:

[.:.!دموع الرحيل!.:.]

رجـاءً الي بده يشترك بالمشروع يكون جـادّْ ..

لأنـه عدد الأشخاص الي بده يتكفل فيهم .. رح يتسجلوا ضمن سجل الأشخاص المتلقين ..

للرساله شهريـاً .. لذلك رجـاءً .. بتنمنى انه الكل يتحلى بالجديّة بانتسابه للمشروع

//

بداية ان شاء الله رح اسجـل .. بالمشـروع ..

وبتكفل بـ 25 شخص عالأقل شهريـــــا ..

//

وصهـري حابب يشترك كمـان ورح يتكفل بـ 25 شخص ..

يعني صـار عنـا 50 شخص عالأقل مبدئيـا في { لبـنـــان } ..

:s (43):

[ABU-NOUR]

بارك الله فيكم ^^

يعطيكِ ألف عافية دموع الرحيل فكرة مميزة وحلوة كثير ...


بس من وين جايبة صورة جوالي :P


بالتوفيق ان شاء الله


اعتبريني مشترك :)

[.:.!دموع الرحيل!.:.]

بارك الله فيكم ^^

يعطيكِ ألف عافية دموع الرحيل فكرة مميزة وحلوة كثير ...


بس من وين جايبة صورة جوالي :P


بالتوفيق ان شاء الله


اعتبريني مشترك :)

ههههههههه هلا أخـي ..

الله يعافيك .. بتنور المجموعـه ..

طيب كم عدد الأشخـاص الي رح تتكفل فيهم .. عشـان نحطهم ضمن حساباتنــــا ..

والله يجزيك الخير يا رب ^^

اما بالنسبة لصورة الجوال .. ما انت منزلهـأ ع النت :P

هههههه ^^ نورت

[.:.!دموع الرحيل!.:.]

رفيقتـي من الكويـت رح تتكفل بـ 5 اشخـاص شهريــــا

[بسكوتة]

موضوع مميـز

وجهـد مبـارك

أنا بدي أشتـرك

[.:.!دموع الرحيل!.:.]

هلا حبيبة قلبي بسـكـوتـه ..

بتنوري يا غاليـه

بس اذكري كم شخص .. تسلميلي

[.:.!دموع الرحيل!.:.]

يا ريت كل الي بدهم يشتركوا .. فورا يكتبوا كم شخص رح يستلموا يرسلو الهم الرسائل شهريـا ً

[ABU-NOUR]

اممممممممــ حالياً انا بفكر في 10 أشخاص ..

[بسكوتة]

أنا بتكفـل بخمس أشخاص شهريـا

:)

[.:.!دموع الرحيل!.:.]

اممممممممــ حالياً انا بفكر في 10 أشخاص ..

أووكي تمـام .. لكـان 10 اشخـاص بفلسطين لحد هلأ ..

الله يجزيك الخير يا ابو نوور ^^

[.:.!دموع الرحيل!.:.]

أنا بتكفـل بخمس أشخاص شهريـا

:)

تمام يا قمـر .. يسعدلي ياكي :icon26:

لكـن 5 أشخـاص شهريـــا ُ بالإمـارات لحد هلأ كمآآن :s (43):

//

يا سلام مين بدو يحسب معي أخر المطاف :icon11:

تسلميلي بسكوتتي :s (43):

[ABU-NOUR]

ههههههههه

البركة في الشباب


انا مؤقتاً 10 ... بس أكيد ان شاء الله اذا نجح الموضوع حيزيدو :)

[.:.!دموع الرحيل!.:.]

يــــــا رب ^^

[HaDoOoL]

اول شيي الله يعطيكي الف عاافيه خييتو دموع ع هالفكره الحلوه..
والله يجعله في ميزان حسناتك ان شاااء الله..
واعتبرني مشتركه ..ورح ابدى ان شاء الله مع 5 اشخااص..
وان شااء الله لقدام رح ازيدهم..
ويسلموووا خيتوو...

[جرحٌ بملامح انسان]

مممممممممم ..

فكـــرة .. رووووعــــة ..

أنا بشتـــركـ .. والي الشـــرف ..

بس ما بقــدر أحــدد عــدد الاشخــاص ..

لأنه ممكــن ما أقــدر ألتــزم فيهــا ^,^

انشالله ربنـا بيقــدرني على أكبــر عـدد ممكـــن ..

كـل شهــر بيختلـف عـن غيــرهـ ^^

تسلـــمي دمــوع ..

انشالله بتكبــر هالفكــرة ..

ربنــا يجزيــكـٍ خيــر .

[محمود]

اعتبروني مشترك و أتكفل بـ 100 شخص إن شاء الله ..

[.:.!دموع الرحيل!.:.]

اول شيي الله يعطيكي الف عاافيه خييتو دموع ع هالفكره الحلوه..
والله يجعله في ميزان حسناتك ان شاااء الله..
واعتبرني مشتركه ..ورح ابدى ان شاء الله مع 5 اشخااص..
وان شااء الله لقدام رح ازيدهم..
ويسلموووا خيتوو...

هلا يا غاليه ,,

الله يجزيك كل الخير يااارب

يا قمـر

لكـن 5 أشخـاص بـ { قـطـر } انتي صح .. :icon9:

نورتي يا غاليه .. :s (43):

[*ريحانة القلب*]

فكرة خطيرة


الله يجزيكِ الخير ننوش



وانا طبعا واكيد مشتركة

بـ 5 مبدئيا



في ميزان حسناتك نانا


: )



’ ’

[HaDoOoL]

تسلمي حبيبتي..
واها صحيح من قطر..

[.:.!دموع الرحيل!.:.]

مممممممممم ..

فكـــرة .. رووووعــــة ..

أنا بشتـــركـ .. والي الشـــرف ..

بس ما بقــدر أحــدد عــدد الاشخــاص ..

لأنه ممكــن ما أقــدر ألتــزم فيهــا ^,^

انشالله ربنـا بيقــدرني على أكبــر عـدد ممكـــن ..

كـل شهــر بيختلـف عـن غيــرهـ ^^

تسلـــمي دمــوع ..

انشالله بتكبــر هالفكــرة ..

ربنــا يجزيــكـٍ خيــر .

يا هلا والله

بتشرف أخـي ..

مـاشي ولا يهمك ..

نورت المجموعه والله

[.:.!دموع الرحيل!.:.]

فكرة خطيرة


الله يجزيكِ الخير ننوش



وانا طبعا واكيد مشتركة

بـ 5 مبدئيا



في ميزان حسناتك نانا


: )



’ ’

تسلميلييييي ياااا رب

الله يجزيك الخير يا غالية

لكـن 5 أشخاص بـ { الأردن } لهلأ

:s (43):

[.:.!دموع الرحيل!.:.]

تسلمي حبيبتي..
واها صحيح من قطر..

مـاشي يا قمـرة .. لكن 5 بـ قطر للآن

:s (43):

[.:.!دموع الرحيل!.:.]

اعتبروني مشترك و أتكفل بـ 100 شخص إن شاء الله ..

الله يســـــــــــــــــــعـــــــــــــ ـدك يـآآآآآآرب

ويجزيك كل الخير دنيـا وآآخره

لكـن

110 بـ { فلسطيـن } لهلأ

//

يالا فلسطين تتقدم .. :icon11:

بعدهـا لبنـان 50

يالا الله يزيد ويبارك

[صاحبة القلم الحزين]

فكرة روووعة والله


الله يجزيكي الخير يا نانا


وانا ان شاء الله معكم


و بتكفل بـ 15 ع الأقل


مبدئياً


^^

[.:.!دموع الرحيل!.:.]

فكرة روووعة والله


الله يجزيكي الخير يا نانا


وانا ان شاء الله معكم


و بتكفل بـ 15 ع الأقل


مبدئياً


^^

تسلميلي يااا رب

الله يسعدك ويجزيك ِ الخير ..

لكـن صـــــار عنـــــــا 125 بفلسطين

:showoff:

اللهم زد وبـارك ..

دايما فلسطين غير شكل :icon26:

[الرمشـ الحساسـ]

فكرة رووووووعة

تسلمي يا نانا:icon26:

والله ما بعرف شو بدي احكيلكـ:b:

ولكن الله يجزيكي الخيـــــــــــــر..

وانا رح أشتركـ رح أبدا متل بعض البنات ب 5

وان شا الله اكييييد رح يزيدووو

ورح يكونو بفلسطيـــن ان شا الله..

وشكـــــــرا..

:s (43):

[ابنة الشتات]

وانا بتكفل ب 20

(حب)

[.:.!دموع الرحيل!.:.]

تسلمووووووولي يآآآآآآرب

رموشتي .. مريومتـي ،.

الله يفتح عليكن ويجزيكن الخير ..

لكـن زيادة 5 بالإمـارات

و20 بالـ { بحـريـن }

[محمود]

دموع الرحيل ..

هلا أنا بفلسطين .. لو بدي أضيف اسماء ..

مثلا ً بالأمارات ، والسعودية و قطر ,,

بمشي الحال , ولا كل واحد يتنظم ببلده ؟

^_^

[Abu Shadi]

فكرة رائع وان شاء الله ربنا بقدرنا على نصرة دينه

وطبعا أسأل الله ان يجزيكي خيرا اختي على جهدك

وبما انو صورة جوال ابو النور في الموضوع

غيري لون الجوال الي بالبنر الي لونو اسود للابيض بيصير جوالي ^^

طبعا اختي انا مشترك بهالحملة وبشارك ب70 شخص بالداخل والخارج

يعني سواء حبيتو من فلسطين او خارج فلسطين انا قادر عليهم ان شاء الله

ونسأل الله ان يقوينا ويقدرنا على نصرة دينه

تقبلي تحيتي وتقديري اختي العزيزة

[ابنة الشتات]

محمود أكيد بيمشي الحال :showoff:


125+70 =195

فلسطين


ما شاء الله >> عن جد فلسطين غير شكل :icon26:

[ايــاد]

انا مشترك معكمــ

10 اشخاص بإذن الله

[عاشق البندقية]

ههههههههههه

والله العظيم ,, أما عليكم أفكار انتو ^^

بس فكرة جدا روعة ,,

بس.. بدي اسأل .. هلا الواحد لازم يلتزم ؟؟

لاني ممكن أول شهر أبعت ل 50 , التاني ل 15 الرابع م30 وممكن بشهر ما أبعت

بس انا رح أحاول ألترم ب50 ,, وفي ناس بعرفهم بيكيفو ع هيك شغلات

والله يبارك الجهود يا رب..

مشكورة أختي دموع ,, أعتبريني موقع عالكمبيالة ههههههههههه

وفي الي رجعة ,,

[ابنة الشتات]

انا مشترك معكمــ

10 اشخاص بإذن الله

الله يبارك فيك أخ اياد

انت بفلسطين مو

يعني صار بفلسطين 205

الله يبارك فيك
ههههههههههه

والله العظيم ,, أما عليكم أفكار انتو ^^

بس فكرة جدا روعة ,,

بس.. بدي اسأل .. هلا الواحد لازم يلتزم ؟؟

لاني ممكن أول شهر أبعت ل 50 , التاني ل 15 الرابع م30 وممكن بشهر ما أبعت

بس انا رح أحاول ألترم ب50 ,, وفي ناس بعرفهم بيكيفو ع هيك شغلات

والله يبارك الجهود يا رب..

مشكورة أختي دموع ,, أعتبريني موقع عالكمبيالة ههههههههههه

وفي الي رجعة ,,

أخي

قليل دائم خير من كثير منقطع

يعني انت اضمن النا بالشهر اي عدد لو 2 بس شرط شرط كل شهر
لانو (التزام)

وازا بشهر من الاشهر بيعجبك المسج كتير بدك تبعت ل50 ما شي مشكلة^_^

بس الأصل الالتزام

وقليل دائم خير من كثير منطقع

شو كم نعتمد ؟

وبس ^_^


..{ الله يسترني من هالحدا }..

[عاشق البندقية]

الله يبارك اختي ابنة الشتات ,,

خلوني ل 25 :)

وزي ما قلتي قليل دائم خير من كثير منقطع

وبرضو لي رجعة ,,

[ابنة الشتات]

الله أكبر ولله الحمد

صرنا بفلسطين

230

عــــــــــــــــــــــــــــــــنج د مبسوطة
يارب يتمم النا عخير

[نور اليقين]

مش غريبة عليكي الأفكار دي يا نانا

جزاكي الله كل خير حبوبتي

أنا كمان مشتركة

بس مش عارفه هقدر أتكفل بكام شخص

عامة

مبدئيا هيكونو 10 أشخاص

و يمكن 20 شخص

خلاص

اعتمدي 20 شخص

بس لازم يتم الاتفاق عالرسالة

على فكرة

20 سخص لرسالة عادية

بس لو كانت مرتبطة , هيكونو 10 بس

الميزانية لا تسمح

يلا

بالتوفيق جميعا

و يا ريت لو تم ارسال الرسائل اللي المفروض نرسلها عن طريق الرسئال الخاصة

في حال كان في امكانية حتى الاعضاء العاديين يتلقوها

و لو مكنش ممكن فبلاش

مش عايزين نخص المشرفين بس بالخاصية دي

بس ازاي هيتم اعلامنا بالرسالة المختارة ؟

هتفتحو موضوع جديد خاص بيها ؟

[.:.!دموع الرحيل!.:.]

دموع الرحيل ..

هلا أنا بفلسطين .. لو بدي أضيف اسماء ..

مثلا ً بالأمارات ، والسعودية و قطر ,,

بمشي الحال , ولا كل واحد يتنظم ببلده ؟

^_^



هلا والله

هلأ الهدف هو إيصـال الرسـاله لأكبر عدد ممكن .. ونعرف كم عدد الأشخـاص الي رح توصلهم

الرساله بغض النظر عن مدى أهمية مكـان الإقـامة

لكن ما بيمنع انه عمنحاول نعمل إحصائية بكل بلد كم شخص رح توصله الرساله .. كمرحله أولى ..

عشـان هيك كل واحد بدو يرسل لبرا البلد الي هو فيـهـا

بس يعطيـنـا خبر كم الأشخاص الي رح يكونوا برا البلد من المستلمين ..

ويحط شو البلد ^^

نورت يمـــــــــــــــــــا :s (43):

[.:.!دموع الرحيل!.:.]

فكرة رائع وان شاء الله ربنا بقدرنا على نصرة دينه

وطبعا أسأل الله ان يجزيكي خيرا اختي على جهدك

وبما انو صورة جوال ابو النور في الموضوع

غيري لون الجوال الي بالبنر الي لونو اسود للابيض بيصير جوالي ^^

طبعا اختي انا مشترك بهالحملة وبشارك ب70 شخص بالداخل والخارج

يعني سواء حبيتو من فلسطين او خارج فلسطين انا قادر عليهم ان شاء الله

ونسأل الله ان يقوينا ويقدرنا على نصرة دينه

تقبلي تحيتي وتقديري اختي العزيزة



يا هلا والله

يا سلام شو هالهمـّة :showoff:

وعامل إعلان للموضوع هههههه

الله يفتح عليك يا رب ويجزيك الخير

وفوقهم استلام 70 شخص ..

الله يجزيك الخيـــــــر ياااا رب

يالا زيادة 70 شخص بفلسطين

[خيـرَ أُمـة]

مشروع مبارك ان شاء الله ...

ربنا يجزيكي الخير يا دموع ..

من عندي ان شاء الله 25 بمعدل خمس رسائل يومية لمدة خمسة ايام ..

ومن عند اختي الصغرى 15 على عمرها...

والي اصغر منها كمان 10 .. على عمرها ...

ومن الوالدة 10 .. مش بخل أو حسب العمر لكن لقلة المتواجدين عندها :)

بارك الله فيك يا دموع وبارك الله في جميع الاخوة والاخوات ... وان شاء الله معاكم ...

أخوكم

[.:.!دموع الرحيل!.:.]

انا مشترك معكمــ

10 اشخاص بإذن الله

هلا والله بأهل رام الله

بتنور أخـي ..

الله يجزيك الخير ..

زيادة 10 بفلسطين ..

مـا شاء الله عنكم ..

الله يفتح عليكم

[خيـرَ أُمـة]

اخالصوا النية يا اخوة ويا اخوات واستشعرو النصر بهذا العمل ...

وصدقوني مثل هذه الأعمال اقوى من الصواريخ ومن المدمرات التي يرهبنا بها الغرب .. ومثل هذه الأعمال ترعبهم بشكل يصعب تصديقه الا ممن لمس ذلك وراه بعينه ...

هم قضيتهم الاساسية ليست منعنا عن السلاح وامتلاك القوة بقدر ما انها منعنا عن ديننا وتعاليمه .. وان كانو نجحو في ذلك مع فئة من المسلمين ضلت .. فان شاء الله لن نمكنهم منا ...

تهجمهم على القرآن لم يكن عبثا وانما خطة مدروسة .. وتهجمهم على نبينا لم يكن صدفة بحته وانما عمل منظم ..

وتذكروا اخوتي أن من أحياها .. فكأنما احيا الناس جميعا ... وان من سن سنة حسنة له أجرها واجر من عمل بها ...

أخوكم

[.:.!دموع الرحيل!.:.]

ههههههههههه

والله العظيم ,, أما عليكم أفكار انتو ^^

بس فكرة جدا روعة ,,

بس.. بدي اسأل .. هلا الواحد لازم يلتزم ؟؟

لاني ممكن أول شهر أبعت ل 50 , التاني ل 15 الرابع م30 وممكن بشهر ما أبعت

بس انا رح أحاول ألترم ب50 ,, وفي ناس بعرفهم بيكيفو ع هيك شغلات

والله يبارك الجهود يا رب..

مشكورة أختي دموع ,, أعتبريني موقع عالكمبيالة ههههههههههه

وفي الي رجعة ,,

هههههههههههههههههه

لازم يكون الك نهفه يعنـي ..

نورت المجموووعه أخـــي ..

يعنـي 25 شخـص ,, الله يبـارك فيك يـــا رب

أيوة يا أهل الضفة :showoff:

[.:.!دموع الرحيل!.:.]

مش غريبة عليكي الأفكار دي يا نانا

جزاكي الله كل خير حبوبتي

أنا كمان مشتركة

بس مش عارفه هقدر أتكفل بكام شخص

عامة

مبدئيا هيكونو 10 أشخاص

و يمكن 20 شخص

خلاص

اعتمدي 20 شخص

بس لازم يتم الاتفاق عالرسالة

على فكرة

20 سخص لرسالة عادية

بس لو كانت مرتبطة , هيكونو 10 بس

الميزانية لا تسمح

يلا

بالتوفيق جميعا

و يا ريت لو تم ارسال الرسائل اللي المفروض نرسلها عن طريق الرسئال الخاصة

في حال كان في امكانية حتى الاعضاء العاديين يتلقوها

و لو مكنش ممكن فبلاش

مش عايزين نخص المشرفين بس بالخاصية دي

بس ازاي هيتم اعلامنا بالرسالة المختارة ؟

هتفتحو موضوع جديد خاص بيها ؟

نوووووورت بأهــــل المغرب :icon26:

أيــــــوة هيك يا سفيرتنـا إلى المغرب العربي :showoff:

الله يسعدك 20 بالمغرب ..

كم عدد الأحرف المسموح الك فيها بالرساله ؟ .. على فكرة مشكلتي نفس مشكلتك

مسموح بعدد معين من الأحرف ،، عشان هيك لو طلعت الرساله كبيرة ممكن انا ألخصهـا ..

وأرسلها .. ما ترسليها مرتبطة .. زبطيها انتي ..

//

وبالنسبة للإتفاق على الرســــــاله ..

أيــــــوة رح يتم كل شهر فتح موضوع جديد عشانهـا ولو احتاج الموضوع

لرساله خاصه .. رح نبعت رسائل خاصة

الله يجزيكي الخير

نورتي يا غاليه :s (43):

[الفتاة المشرقة]

مشكوره اختي على الفكره لرائعه

جعلها اللله في ميزان حسناتك يارب
انا ب5 اشخاض

[.:.!دموع الرحيل!.:.]

مشروع مبارك ان شاء الله ...

ربنا يجزيكي الخير يا دموع ..

من عندي ان شاء الله 25 بمعدل خمس رسائل يومية لمدة خمسة ايام ..

ومن عند اختي الصغرى 15 على عمرها...

والي اصغر منها كمان 10 .. على عمرها ...

ومن الوالدة 10 .. مش بخل أو حسب العمر لكن لقلة المتواجدين عندها :)

بارك الله فيك يا دموع وبارك الله في جميع الاخوة والاخوات ... وان شاء الله معاكم ...

أخوكم

ما شاء الله

الله يبـآآرك فيك وبالعيله كلهـا .. وسلام خاص لخالتو ..

بكفي انها اشتركت . .. بركـة ^^

وسلام لإخواتك .. ولألك كمان :icon11:

يعنـي 60 شخص من عندكم بالسعـوديـة

الله يجزيكم الخير يـــــــــــــــا رب ..

رح نحتـاجك يا أخ أحمد لما نبدا نحضر للرساله تاعت كل شهـــر ..

نورت أخـي

[.:.!دموع الرحيل!.:.]

خالصوا النية يا اخوة ويا اخوات واستشعرو النصر بهذا العمل ...

وصدقوني مثل هذه الأعمال اقوى من الصواريخ ومن المدمرات التي يرهبنا بها الغرب .. ومثل هذه الأعمال ترعبهم بشكل يصعب تصديقه الا ممن لمس ذلك وراه بعينه ...

هم قضيتهم الاساسية ليست منعنا عن السلاح وامتلاك القوة بقدر ما انها منعنا عن ديننا وتعاليمه .. وان كانو نجحو في ذلك مع فئة من المسلمين ضلت .. فان شاء الله لن نمكنهم منا ...

تهجمهم على القرآن لم يكن عبثا وانما خطة مدروسة .. وتهجمهم على نبينا لم يكن صدفة بحته وانما عمل منظم ..

وتذكروا اخوتي أن من أحياها .. فكأنما احيا الناس جميعا ... وان من سن سنة حسنة له أجرها واجر من عمل بها ...

أخوكم

الـلـــــــه يـسـمع منــــــك يـــــــا رب

ويجعل عملنـا خالص لله تعالى ...

[.:.!دموع الرحيل!.:.]

مشكوره اختي على الفكره لرائعه

جعلها اللله في ميزان حسناتك يارب
انا ب5 اشخاض

تسلميلييي يااا رب ..

الله يسعدك ويجزيك ِ الخير يا غالية

زيــــــــادة 5 بفلسطين :icon26:

[.:.!دموع الرحيل!.:.]

ابنـــــة الشتـــــــات

الله يخليلي ياكي ..

حلال عليكي الموضوع :icon11:

:icon26:

[أنين]

فكره ولا اروع

وانا مشتركه معكم .,

وبالبدايه بـ خمس اشخاص

وبحاول اشوف الي حولي

وأن شاء الله خير

[.!. وردة الأقصى .!.]

فكرة حلوة كتيررررررر

يعطيك العافية ننوش

انا مشتركة بــ20 شخص

وبـابــا 20

وماما 10 :P

مبدئيا ً سألت اهلي بس وبعدين بنشوف باقي العيلة والأصدقاء ^.^

الله يجزيكم الخير

[Pink Rose]

فكرة روعة والله

يعطيكم الف عافية يا رب

وانا مشتركة معكم

ورح ابدأ بـ 5 اشخاص

ان شاء الله ..

الله يتقبل منا جميعا يا رب

ويبارك فيكم :)

[عاشق البندقية]

عم تحسبو يااااا,,

هههههههههههههههههههههه

[بسمة فرح]

دايما نانا بتفاجئينا بأفكارك الهادفه :matrix:

وانا رح اتكفل بــــ 10 أشخاص ..

ولو قدرت ع اكتــــــر رح ابعت ..

افكار حلوه .. الله يجزيكم خير ..

..

نانا شو رايك كمان بأخر المسج نكتب

" انشرها ولك الأجر "

في ناس ما بقصروا والله ..

وبهيك بنضمن انو المسج رح يوصل لأكبر عدد ممكن والموضوع مش رح يكون محصور ع الأعضاء بس

[بنت الرملة]

ماشاء الله عليكي يا نانا ,,

انا 5 بتكفل شهريا ,,

والله يجزيكي كل خير يا قلبي ..

[أبومجاهد]

مشروع رائع جدا جدا بارك الله فيكي واعتبريني مشترك بنصف الرصيد يعني ان شحنة بكرت 20 شيكل بدي ارسل نصفه للاشخاص الي بعرفهم واذا شحنت كرت 50شيكل برسل نصفه للاشخاص الي بختارهم ... ^^

[،،عـيـون الوجـد،،]

انا بدي اشترك
وانا بالسعوديه يمكن في البدايه فقط عشرين شخص

[Abu Shadi]

مشروع رائع جدا جدا بارك الله فيكي واعتبريني مشترك بنصف الرصيد يعني ان شحنة بكرت 20 شيكل بدي ارسل نصفه للاشخاص الي بعرفهم واذا شحنت كرت 50شيكل برسل نصفه للاشخاص الي بختارهم ... ^^

شو يا ابن خالتي بعرفكاش بخيل زي هيك

ههههههههههههه

كون كريم طالما معبي كرت ومعبي ضيع كرت على الاشخاص كل شهر

ولا شي اعمل ميزانية حصالة كل شهر كل يوم حط 3 شيكل بتطلع الف معك يا ابن خالتي بيجي اخر الشهر

بتجيب كرت 100 يا نتيف

والله لطخك من مين متعلم البخل ولا هههههههههههههه

الله يقدر على ابو الخمسين وتبعتو كلو وان بعتت نصو شركة جوال تسرق الباقي

يارب قولو امين هههههههههههه

[Maram .. ~]

فكرة كتييير حلوة..

انا لح اشترك..

و لح ابدا بخمس اشخاص شهريا..

:)

[نبض الأقصى]

الله يجزيكم كل خير

مبدئياً بتكفل بخمسة وأن شاء الله في الأيام الجاية بكونوا أكثر

[ابنة الشتات]

سجلو عندكم
كمان 10 اشخاص بالبحرين

صاحبتي ^_^

[نونو الحلوة]

صباح الخير

يا أحلى نانا دموع الرحيل


فكرة ولا أروع

أنا كتير متحمسة و أكيد مشتركة من دون أي نقاش

ان شاء الله انا بشترك ب 20 مؤقتا ( الامارات)

وبرجعلكم مرة تانية عشان أحط الباقي اللي راح أتأكد منهم

يعطيكي العافية يارب يا دموع

[.:.!دموع الرحيل!.:.]

فكره ولا اروع

وانا مشتركه معكم .,

وبالبدايه بـ خمس اشخاص

وبحاول اشوف الي حولي

وأن شاء الله خير



هلا والله يـــا عســـــل ..

الله يسعدك ويجزيك ِ الخير يـــــا رب ..

زيـادة 5 بقـطر ان شاء الله

تسلميلي أنيـنـ :s (43):

[.:.!دموع الرحيل!.:.]

فكرة حلوة كتيررررررر

يعطيك العافية ننوش

انا مشتركة بــ20 شخص

وبـابــا 20

وماما 10 :P

مبدئيا ً سألت اهلي بس وبعدين بنشوف باقي العيلة والأصدقاء ^.^

الله يجزيكم الخير

تسلمـــيــــــلي انتي وأهلـك :icon26:

الله يسعدك ويجزيك ِ الخير يا غاليــــــة ..

لكـن زيـادة 50 بالسعوديـة .. ما شاء الله

:icon26:

[.:.!دموع الرحيل!.:.]

فكرة روعة والله

يعطيكم الف عافية يا رب

وانا مشتركة معكم

ورح ابدأ بـ 5 اشخاص

ان شاء الله ..

الله يتقبل منا جميعا يا رب

ويبارك فيكم :)

هلا والله بنكوووكـــة ..

اله يسعدك .. يا رب ..


ويتقبل منـك .. يا قمر

زيـادة 5 بالأردن

:s (43):

[.:.!دموع الرحيل!.:.]

عم تحسبو يااااا,,

هههههههههههههههههههههه

عمنحسب ياااااااا :icon11:

ههههههههههههه

[.:.!دموع الرحيل!.:.]

دايما نانا بتفاجئينا بأفكارك الهادفه :matrix:

وانا رح اتكفل بــــ 10 أشخاص ..

ولو قدرت ع اكتــــــر رح ابعت ..

افكار حلوه .. الله يجزيكم خير ..

..

نانا شو رايك كمان بأخر المسج نكتب

" انشرها ولك الأجر "

في ناس ما بقصروا والله ..

وبهيك بنضمن انو المسج رح يوصل لأكبر عدد ممكن والموضوع مش رح يكون محصور ع الأعضاء بس

يا مليـون هلا والله :icon26:

الله يجزيكي الخير يا قمر ..

زيــــادة 10 بفلسطين ..

وبالنسبة للجملة يا رب يضل معنـا مساحه بالمسج .. ساعتها بنكتب أكيد ان شاء الله

نورتي يا غاليه :s (43):

[.:.!دموع الرحيل!.:.]

ماشاء الله عليكي يا نانا ,,

انا 5 بتكفل شهريا ,,

والله يجزيكي كل خير يا قلبي ..

هلاااا ميمتـي :icon26::icon26:

الله يسعدك يا غاليه ويجزيك ِ الخير :icon26:

زيـــــادة 5 بالإمارات

:s (43):

[.:.!دموع الرحيل!.:.]

مشروع رائع جدا جدا بارك الله فيكي واعتبريني مشترك بنصف الرصيد يعني ان شحنة بكرت 20 شيكل بدي ارسل نصفه للاشخاص الي بعرفهم واذا شحنت كرت 50شيكل برسل نصفه للاشخاص الي بختارهم ... ^^



هلا أخي والله

طيب الله يفتح عليك ..

بس ما فهمـت كم يعني رح يطلع عدد الرسائل .. هههههه


بصراحه حاولت أفهم .. بس صعب

ما بعرف بطريقة التشريج عندكم

والله يجزيك كل الخير على جميع الأحوال يا رب

[.:.!دموع الرحيل!.:.]

انا بدي اشترك
وانا بالسعوديه يمكن في البدايه فقط عشرين شخص

هلا والله يا عسل ..

الله يجزيك الخير يا رب حبيبتي ..

زيـــــــادة عشـــــــرين بالسعودية ..

صار في منافسة بين فلسطين والسعودية الهيئة :icon11:

[.:.!دموع الرحيل!.:.]

فكرة كتييير حلوة..

انا لح اشترك..

و لح ابدا بخمس اشخاص شهريا..

:)

هلا والله يــــــا قمر ..

الله يفتح عليكي ويجزيكي الخير

بس من أي بلد لنزيد على العدد الي فيـهـا 5 اشخاص ؟

:s (43):

[.:.!دموع الرحيل!.:.]

الله يجزيكم كل خير

مبدئياً بتكفل بخمسة وأن شاء الله في الأيام الجاية بكونوا أكثر

هلا والله حبيبة قلبي ..

الله يجزيكي الخير يا رب ..

زيــــادة 5 بفلسطين

:icon26:

[.:.!دموع الرحيل!.:.]

سجلو عندكم
كمان 10 اشخاص بالبحرين

صاحبتي ^_^

هلا والله :icon26:

الله يسعدك انتي واياها ..

زيــــــادة 10 بالبحرين ^^
:icon26:

[.:.!دموع الرحيل!.:.]

صباح الخير

يا أحلى نانا دموع الرحيل


فكرة ولا أروع

أنا كتير متحمسة و أكيد مشتركة من دون أي نقاش

ان شاء الله انا بشترك ب 20 مؤقتا ( الامارات)

وبرجعلكم مرة تانية عشان أحط الباقي اللي راح أتأكد منهم

يعطيكي العافية يارب يا دموع

الله يسعدك يا رب .. ويجزيك ِ الخير يا قمر

نورتي المجموعـه كلهـا ..

زيــادة 20 بالإمـارات ^^

:s (43):

[.:.!دموع الرحيل!.:.]

عدد أول دفعه رح يوصلهـا المسج حسب المشتركين لهلأ ..


//

لبنـان :: 50 شخص ..

الكويت :: 5

فلسطين :: 250

قطر :: 10

الإمـارات :: 35

الأردن :: 10

البحرين :: 30

المغرب :: 20

السعودية :: 130


+ مرام اشتركت بخمسة بدون ما تذكر البـلد ..

يعنـي للآن // { 550 } شخص رح يستلمو الرساله ان شاء الله

الله يزيد ويبارك .. ويجعل فيـهـا المنفعه يا رب ويجزيكم الخير جميـعـا ً

:s (43):

[نونو الحلوة]

الله يزيد ويبارك يارب


يلا يا صبايا ويا شباب

احنا ما راح نخسر شي بالعكس راح نربح كتير أجر

[بسكوتة]

ما شاء الله

مستمرين كلنـا إن شاء الله

بارك الله فيكم جميعـا

[ABU-NOUR]

ان شاء الله

يلا بالتوفيق للجميع ..

وفي ميزان حسناتكم جميعاً وحسنات الي طلع هالفكرة من مخو :p
والي شارك والي كتب , والي راح يوزع وكل واحد والو دوره :d

الله يجازيكم كلكم خير ..

:)

[نور اليقين]

يوه

مفيش حد غيري في المغرب ؟

سفيـــرة المغرب ههههههههههههههههه

حلو و الله

يلا

نانا

خليها 25

مدام فش حدن غيري

و الله متحمسة للفكرة كتير كتير

ايمتة بدنا نبلش

[عاشق البندقية]

الســـلامـــ عليكمــ

دموع أنا بطلت ,,,

بدي 30

[ABU-NOUR]

مستعجل انا :P

امتى التطبيق ...

[عاشق البندقية]

حايص أبو نووور ^^

لسا في كمان صبرك بس شوي

[.:.!دموع الرحيل!.:.]

الله يسعدكم كلكم ويفتح عليكم يــــــــا رب ..

نور اليقين :icon26:

&

عاشق البندقية مـا شاء الله ..

الله يفتح عليكم :showoff:

لكـن صرنــــــا 560

الله يزيد ويبارك ..

قريبا جدا .. رح ينزل الموضوع الي رح نشرح فيه كيف رح يتم التنسيق بيننـا ..

وشو الخطوات

:s (43):

ادعولنـــا

[ABU-NOUR]

يلا إن شاء الله بالتوفيق

وانا كمان غرت من عاشق :P

بدي أزيد الطلبية

كم واحد طلبت انا ؟؟

عشرة

يلا زودوها لـ عشرين :P

اه بجد خلوها عشرين ..

[محمود]

بنستنى ..

[.:.!دموع الرحيل!.:.]

يلا إن شاء الله بالتوفيق

وانا كمان غرت من عاشق :P

بدي أزيد الطلبية

كم واحد طلبت انا ؟؟

عشرة

يلا زودوها لـ عشرين :P

اه بجد خلوها عشرين ..



يــا سلام ..

اذا كل ما بدنـا نطول شوي .. كل يوم بتزيدو عشـرة رح نضل ناطرين :icon11:

الله يتفتح عليـك يا رب ..

لكـن صرنــــــا 570 ..

الله يزيد ويبـــــــارك .. ويجزيك كل الخير أخ أبو نــــــور

//

منـوّر محمـود .. ايوة خليكم مستنيين .. ما تنسونـا :matrix:

[،،عـيـون الوجـد،،]

بما اني سأترك المنتدى أختي دموع الرحيل
أخبرك بأني بأذن الله سأتواصل معك كل شهر
لجعل موبايلي منبرا للدعوة فأني بأذن الله معكم
أستودعكم الله

[.:.!دموع الرحيل!.:.]

بما اني سأترك المنتدى أختي دموع الرحيل
أخبرك بأني بأذن الله سأتواصل معك كل شهر
لجعل موبايلي منبرا للدعوة فأني بأذن الله معكم
أستودعكم الله

ريحانه حبيبتي .. مش رح نخليكي تتركيـنـا ..

ان شاء الله بتابعيـنـا وانتي معنـــــــا ..

:s (43):

[أبومجاهد]

هلا أخي والله

طيب الله يفتح عليك ..

بس ما فهمـت كم يعني رح يطلع عدد الرسائل .. هههههه


بصراحه حاولت أفهم .. بس صعب

ما بعرف بطريقة التشريج عندكم

والله يجزيك كل الخير على جميع الأحوال يا رب


يعني اذا شحنت رصد بــ20شيكل برسل لـ30شخص ... ؛

وبوركت هذه الجهود الطيبة وجعله الله في ميزان حسناتكم

[.:.!دموع الرحيل!.:.]

أيـوة أخي أبو مجـاهد .. الله يفتح عليـك ..

وان شاء الله بترسل لـ 30 ،، عشـان إذا أرسلـت لـ 30 بيصير عدد المستلمين 600 ..

على خير .. الله يجزيك الخير أخـي

[.:.!دموع الرحيل!.:.]

تــــــابعونـــــا هـون يا جمـاعه

دخلنـا المرحلة التـــــــانية

http://shabab.ps/vb/showthread.php?t=72618

[مؤيد]

آسف عالتأخير ....

بس مشكلة المواضيع المثبتة الواحد ما بنتبه عليها ^.^ ....

أنا ارغب بالمشاركة ان شاء الله ....

وبالنسبة للعدد مش محدد عندي ، حسب الرصيد اللي بضل معي ^.^ .....

جزاكِ الله كل خير اختي دموع الرحيل ....

فكرة روعة ومشروع رائع ..

[السيف عدي]

سوري كتير ع التأخير ،،

وانا بدي اشارك مبدئيا ب ( 30 ) في قطر ..

يعطيكي العافيه ،،

[.:.!دموع الرحيل!.:.]

آسف عالتأخير ....

بس مشكلة المواضيع المثبتة الواحد ما بنتبه عليها ^.^ ....

أنا ارغب بالمشاركة ان شاء الله ....

وبالنسبة للعدد مش محدد عندي ، حسب الرصيد اللي بضل معي ^.^ .....

جزاكِ الله كل خير اختي دموع الرحيل ....

فكرة روعة ومشروع رائع ..


هلا اخ مؤيد .. منور بأي وقت

الله يبارك فيك ويجزيك الخير يــــــا رب ..

اوكي .. بدون ما نحدد عدد ,, براحتك ^^

الله يجزيك الخير : )

[.:.!دموع الرحيل!.:.]

سوري كتير ع التأخير ،،

وانا بدي اشارك مبدئيا ب ( 30 ) في قطر ..

يعطيكي العافيه ،،

الله يجزيك الخير يا رب ..

هيك تمـام .. صرنــــا 600 ..

الله يبـارك فيك أخي والله

[:: غربة الروح ::]

أممممممممممم
شكلي متأخرة كتير..؟؟
يمديني أشارك بهاي الحملة المباركة ان شاء الله,,,؟؟

[خيـرَ أُمـة]

http://shabab.ps/vb/showthread.php?t=72618

بدنا همة الجميع يا شباب يا صبايا ...

[الوردة الحانية]

ررررررررررررررررررررروعة

كتيير حلو هالمشروع

وانا بشترك فيه ^_^

[.:.!دموع الرحيل!.:.]

مغتربــــــة & دقدوقـــــة ..

نورتـــــوا يا غاليــــــــات .. بتنوروا المجموعـه كلهـا ..

بكم شخص رح تتكفلوا ؟ وبأي بلد انتو .. ؟

وادخلوا هـون تابعونـا

http://shabab.ps/vb/showthread.php?t=72618

[:: غربة الروح ::]

مشكورة اختي دموع,,
ما أقدر احدد بضبط كم , بس اكيد 20 شخص
فما فوق...

[.:.!دموع الرحيل!.:.]

أووكي حبيبتي .. مغتربـة ..

الله يسعدك ويبارك فيكي يا رب

[ضوء القمر]

:icon5::icon5:


أنا هون بالسويد لحالي انا واهلي فبتكفل لحد الآن 3

لانو ما بعرف عرب هون وان شاء الله بس اعرف ناس لابعت

كنت حابة اتكفل بأكتر من 3 لكن الظروف حاكميتني

بأذن الله لقدام رح بيزيدو


^^


فكرة كتييير حلوة ومفيدة


^^

[.:.!دموع الرحيل!.:.]

هلا والله يا قمـر ..

انمـا الأعمـال بالنيّـات حبيبتي

وأكيد ربنـا بيجزيكي ع قد نيتك حبيبة قلبي ..

سفيرتنـا بالسويد :icon26:

:s (43):

[Maram .. ~]

أنا زي ما قلت 5 بالإمارات و ان شا الله لح أحاول أزيد فيما بعد..

^^

[.:.!دموع الرحيل!.:.]

أوكي حبيبة قلبي مـرام

الله يسعدك يا قمـــــر

[عبد الصمد الراوي]

فكرة رووووووووووعة والارووع الي فكروووووووا بيها


الله يجراكم ربي الجنه


كل يوم تطلع فكرة ولا احلى من هالمنتدى الغالي


اليوم جاينا بفكرة ان شاء الله نخلص فيها العمل الى الله


ان شاء الله بكفل في البداية 20 لرسالة عادية او 15 لرسالة مرتبطة

لالالالالالا

اعتبريها 20 في اي حال


ان شاء الله راح ادزها على الايميل عندي لعل الله واحد يشترك في المجموعة وان شاء الله فيهم الخير

[.:.!دموع الرحيل!.:.]

فكرة رووووووووووعة والارووع الي فكروووووووا بيها


الله يجراكم ربي الجنه


كل يوم تطلع فكرة ولا احلى من هالمنتدى الغالي


اليوم جاينا بفكرة ان شاء الله نخلص فيها العمل الى الله


ان شاء الله بكفل في البداية 20 لرسالة عادية او 15 لرسالة مرتبطة

لالالالالالا

اعتبريها 20 في اي حال


ان شاء الله راح ادزها على الايميل عندي لعل الله واحد يشترك في المجموعة وان شاء الله فيهم الخير

يا مية هلا ..

منوّر المنتدى أخـي ..

وأكيد بتنوّر المجموعة ،، وهي صار في سفراء للمشروع بـ العراق الحبيب ..

الله يجزيك الخير يا رب

[عبد الصمد الراوي]

يا مية هلا ..

منوّر المنتدى أخـي ..

وأكيد بتنوّر المجموعة ،، وهي صار في سفراء للمشروع بـ العراق الحبيب ..

الله يجزيك الخير يا رب



النور نوك دموع والله مواضيع رووووووووووووعة وانتي الاروع

ماضون ولن نهتم بأقوال السفهاء

الله يقدرنا على فعل الخير

[.:.!دموع الرحيل!.:.]

الله يسعدك أخي فتى الأنبار

أصيل والله

[خيـرَ أُمـة]

بدأنا ...

همتكم معانا ...

http://shabab.ps/vb/showthread.php?t=73289

[الدكتور امير]

يا ستي على راسي

و انا كمان اعتبروني معاكم

بس فهموني شو مطلوب مني هون في فلسطين

في48 و كمان الضفة الغربية

و انا جااااااااااااهز

[._.•°ღ حكآية آحسآآس ღ°•._]

موضوع عنجد روعة
وانا بتكفل بخمس اشخاص

[روزي]

انا جدا متاسفة على تاخيري
واناحابة اشترك في الحملة
وان شاء الله ربنا ياجرنا
وراح اتكفل بشخصين حاليا
وياليت تقبلوني معاكوا في الحملة
واعتذر مرة اخرى على تاخري
وان شاء الله لي عودة واشتراك بعدد اكبر

[.:.!دموع الرحيل!.:.]

يا ستي على راسي

و انا كمان اعتبروني معاكم

بس فهموني شو مطلوب مني هون في فلسطين

في48 و كمان الضفة الغربية

و انا جااااااااااااهز

هلا أخي ..

انت أخي بتتكفل بعدد من الاشخاص الي بتقدر انك ترسل الهم المسج كل شهر ..

والمسج رح نتفق عليهـا .. مع بعض ..

وهي أول موضوع

http://shabab.ps/vb/showthread.php?t=73289

نورت المجموعه أخي

[.:.!دموع الرحيل!.:.]

موضوع عنجد روعة
وانا بتكفل بخمس اشخاص

هلا حبيبة قلبي ..

نورتي ، والله يجزيكي الخير يا رب

تابعيـنـا هون


http://shabab.ps/vb/showthread.php?t=73289

:s (43):

[.:.!دموع الرحيل!.:.]

انا جدا متاسفة على تاخيري
واناحابة اشترك في الحملة
وان شاء الله ربنا ياجرنا
وراح اتكفل بشخصين حاليا
وياليت تقبلوني معاكوا في الحملة
واعتذر مرة اخرى على تاخري
وان شاء الله لي عودة واشتراك بعدد اكبر


هلا بحبيبة قلبي :s (43):

أكيد منورة يا عسل ..

وان شاء الله بتابعي معنـا

ادخلي هون

http://shabab.ps/vb/showthread.php?t=73289

:icon26:

[مسك الحماس]

والله شئ حلووووووووووو كثير تسلموا والله تحياتى لكم بس كيف المشاركه

[مسك الحماس]

ردوووووووووووووووووا كيف أشارك في الحمله

[مسك الحماس]

طيب أنا ما أقرأ المواضيع كيف أطولهوا ردوووووووا على برجااااااااااااااااء أماااااااااااااااااانه "مسك الحماس"

[.:.!دموع الرحيل!.:.]

أخي مسك الحمـاس

اتفضل هون

الرساله والبرشور موجودين

بس ارسل الرساله الي اتفقنـا عليهـا مش أكتر

http://shabab.ps/vb/showthread.php?t=73289

نورت المجموعه أخي

[-|| تقى ||-]

السلام عليكم

كيفك دموع حبيبتي ..؟

حكالي عاشق البندقيه عن الفكره

انــا بتكفل بـ 25 اقل شيئ

بس سامحوني هاد الشهر

ببدا معكم الشهر الجاي

:icon26:

[القلب اقوى من العين]

انا بتكفل 100 شخص سنويا

[قمر العرب]

موضوع حلو ومييز بارك الله فيك على حسن نواياك انا بدي اشترك

[خالدحج]

أشكركم على هذا العقل الذي صنع هذا المشروع أنا من فلسطين اريد الإرسال إلى 10 أشخاص كل شهر وأرجو الرد إذا كنتم تريدون رقم الجوال الله يقويكم:showoff:

[آية بنت فلسطين]

بدييييييييييييييييييييييييييييييييي ييييييي اشتــــــــــــــــــــــــــــــــ ــــــــــرك معكم بلييييييييييييييييييييييييييييييييي ييييييييز

[.:.!دموع الرحيل!.:.]

رينوكس حبيبة قلبي

القلب

قمر

آية

نورتوا المجموعه كلهـا ^^

يا هلا فيكم والله ..

والله يتقبل منا ومنكم

[خالدحج]

أرجوك أيها العضو الذي أنت فاتحضيفني لقائمة الاعضاء أنا بإذن الله بكفل 10 أشخاص شهريا ولا تخاف رح أجبلك زباين دفيعة الله يوفقكم

[خالدحج]

إذا كانت رسالتي وصلتك يا عضو أرجو الرد منك ضروووووووووووووووووووووووووووو ووري جدااااااااااااااااااااااااااااااااا اااااااااا لأنو أنا قاعد بحاول المساعدة وأظن إنك شفت إنو ما في زاير غيري يعيني انا وأنت ورب العالمين ضيفني للأعضاء الله يوفقك ورد الله يقويك انا من فلسطين ـ نابلس

[خالدحج]

[ هي ثالث رسالة خلال 5 دقائق شايف كم انا مشتاق لردك وإذا بدك تحكي كلام بحرجني هي إيميلي ممنوع كتـابة عناوين الايميل الله يخليلك حجاجك عمري 15 شاب الله يقويك:showoff: صدق إذا بتضيفني للأعضاء لأدعيلك بالوتر وبعزمك على الغدا:36_1_51[1SIZE="7"][/SIZE]

:: تم التعديل ::

[الساموراي]

موضوع حلو ومييز بارك الله فيك

[حمساوي ميهاب الموت]

انا برسل ل 12 واحد
انشاء الله

[خالدحج]

متى ناويين تبلشو بمرشوع رسائل الجوال لإنو أنا مشتاق لنشر الإيمان الرجاء الرد على الإيميل

:: ممنوع كتابة عنوان الايميل :: وبارك الله فيكم

تم التعديل

[خيـرَ أُمـة]

حياكم الله جميعا ...

المشروع بداء يا جماعة .. يريت تشاركونا

http://shabab.ps/vb/showthread.php?t=73289

أخوكم

[عبد الصمد الراوي]

الله يقويكم على هالهمة

ان شاء الله بتوصل الرسائل الى اكبر عدد من الاشخاص

ويمتة تبدون بمشروع الرسالة الثانية

يعني بحصوص اي شيء راح تكون الرسالة

[آية بنت فلسطين]

يا الله هالمرة تأخرت لو سمحتو ابعتولنا شي يزكرنا والله مشاغلنا كتيرة بس مافي شي بشغلنا طبعا عن ذكر الله
بس لو سمحتو ابعتولنا رسائل وزكرونا

[كرمال الوطن]

اسفة على التأخير
أنا مشتركة معكم
بتكفل ب5 أشخاص حاليا

[مسك الحماس]

يسلموا

إن شاء الله "خمسه أشخاص وللأمام بزيدوا على هوا هالمشروع http://files.shabab.ps/vb/images_cash/up6/080804065845isX2.jpg

مشروع مميز "جزاك الله خير الجزااااااااء
http://paltimes.net/arabic/upload/SlHHelesr11.jpg
http://rooosana.ps/store/2/08_08_01-P4bk@0.jpg

[عبد الصمد الراوي]

يو ما عرفت هل مسك الحماس بنت ام ولد اعذروني

علشان اني فاكرها بنت
والاخت دموع بتقول اخي

ارجوو التوضيح



متى نبدأ بالرسالة الثانية يعني متى يتم التحضير فيها

[عزيز النفس]

دوختونا


وين الرساله الثانيه ؟


ياريت لو كل لما يجي موعد ارسال رساله ان ترسلوا لنا رسائل خاصه عشان نتذكر <<<< النسيان بسبب الو مشاكل جما ... من كثر المشاغل


ودمتم في خدمة الاسلام ,,

[خالدحج]

:icon28:أنا اريد الرد السريع على سؤالي الذي طرحته منذ أكثر من شهر وهو متى سوف تبدأ هذه الحملة الرجاء الرد على الإيميل ameen._123@hotmail.com وقلت مئة مرة أني أكفل عشرة أشخاص شهريا وأنا احبكم في الله :icon26: وسلام الله عليكم :36_1_39[1

[الشبلة]

شكرا على الفكرة الرائعة
انا رح اتكفل ب 10 اشخاص شهريا