ممكن لحظة شعراء منتدانا،، وليش لا الاعضاء الطيبين كمان؟!!

[حنان16]

السلام عليكم،،

راح ابدا بالموضوع على طول

الحكاية وما فيها انه من ساعة ما بدأت اكتب الشعر

وانا الالهام عندي شغال مية بالمية

كنت دايما باستنى اللحظة اللي اخذ فيها قلمي وانفرد بصفحتي

وهيك لحد ما دارت الايام صرت آخذ قلمي واقعد قدام ورقتي ما اعرف شو اكتب ولا كيف

الالهام كله بيطير مني مثل لو كنت ما باكتب ولا حرف في الشعر قبل

فبدي يعني استفسركم لو عندكم اشي تفيدوني به في هالمجال

وخصوصا شعراء المنتدى ..

مشان اشوف لو هالحالة بس حصلت معي او في غيري

لاني فعلا ما باقدر اعيش من غير شعر

و حياتي في انغام كتاباتي

وفي نفس الوقت مش عارفة اكتب ولا اشي

ساعدوني من فضلكم

لاني بجد حتى الموضوع خجلانة من كتابته ما باعرف ليش

بس انا ما لقيت اي حل بعد ما ضاقت بيا الا انتم

عساكم تفيدوني

تحيتي للجميع


:s (43):

[نسمة بلادي]

يعني مش بس أنا هالحالة صايبتني

فعلاا أنا كنت أكتب شعر وعندي دفتر كتييير فيه أشعار وأغلبها

وطنية وعن فلسطين وفي منها كتبتها لوالدي وأمي

وخالي الغالي يعني تنوعت في أشعاري بس بعدين

باجي بدي أكتب وبدي وبدي بس ما بعرف بتلخبط وما

بقدر أكتب والكلمات بتكون كتير بداخلي بس ما

بستطيع أرجع أعبر عنها وأدونها مع انه كنت قبل تيجيني الكلمات

والعبارات الشعرية بسررعة أما هلأ ..... :(

وفعلا هالشغلة هادي كتير منزعجة منها لانه أملي وامنيتي

اني أطلع شاعرة وكاتبة كبيرة :(

ضمي صوتي الك حنان لانها نفس مشكلتي

والله حكيتي اللي في قلبي وعبرّتِ عني وعن

مشكلتي اللي ما ملاقيتلها حل ...؟؟!!

ربي يسعدك

ويا ريت يساعدونا ...

[حنان16]

وانت عكست اشيا اخرى بدي احكيها والله

تسلمي اختي

واللي استنتجته من تشابه حالتنا بهذا الشكل

انها اكيد ظاهرة معروفة والها تفسير..

بس وينه

؟

يا رب نلاقيه

..

تسلمي اختي

^_^

[نسمة بلادي]

قولتك والله أكيد ظاهرة ولازملنا حل الها ....

يلا هيني اكتشفت انه

هالحالة مش بس عندي *.^

تسلميلي ياا عســـل

ان شاء الله الشعراء الكبار بردولنا

جواااب بأقرب وقت فمنهم نستفيد ...

[السيف عدي]

تسلمي حنان على الطرح المميز ،،


انا عندي محاولات كتير للشعر من زمان ،، بس ما اهتميت فيها ،،

لانو مجال دراستي كان الكمبيوتر ومختلف تماما عن الشعر ،،

بس كتير امرار خصوصا لما اكون في علاقة حب ،، بكتب قصائد لحبيبتي ،،

يعطيكي العافية ،،

[حنان16]

مرسي على مرورك خيي سيف

لكن بدي بس اعلق على شي ذكرته ولفت انتباهي

الشعر يا اخي موهبة ما اله علاقة بمجال الشغل او غيره

ولو قعدت مع نفسك هيك لحظة بما انه الك محاولات

واستذكرت هالموهبة اللي الله زودك بيها

اكيد راح تلاقي انك قادر تكتب رغم مجال شغلك

فاللي بدي اوضحه هون انه مجال الشغل ما بياثر

ودليل اصله ما ينفع نحكي من فراغ ^_^

عندك محمود مديرنا عبقري في مجال الكمبيوتر

في عالم المعلومة والارقام ..

بس شعره الله عليه روعة

وعندك مهدي اللي في امير الشعراء

بيشتغل في مجال الفيزياء

لكن من غير ما اوصف شعره ابدا لاني حاظلمه اكيييد..

عندك انا كمان مع اني ما بحب احكي عن نفسي

لكن للضرورة احكام ..

في كثير تقريبا كل اللي بيطلعوا على انتاجاتي الادبية بتذهلهم ..

ومجال اشتغالي غير مجال هوايتي

اتمنى ما اكون ثقلت عليك خيي

وكمان تكون فهمت الفكرة اللي بدي اوصلها

واتمنالك التوفيق

تحيتي^_^

[حنان16]

...

[حنان16]

الظاهر ما في النا تفسير هون خيتو نسمة بلادي


؟

[blue-girl]

امممم

طيب

انا ما بكتب شعر بس عندي كتبات متواضعه في النثر

لا تذكر

بس انا كيف بكتب

اكيد الكل بمر في يلي انتو بتمرو فيي

اوك انا طريقتي

ههههههههههههه هبلا شوي بس شو اعمل

طيب اول شي

بتجيكي الفكره و انتي في مكان ما بهيئ انك تتكتبي

او بتسمعي شي كلمه بتلهمك

يعني اول ما تجي الفكره

انا بكتبها كنت زمان اكتبها ع الموبيل

اما هلاء دايما معي دفتر زغير

بكتب الفكره

او الكلمه

او جمله

و اخر الاسبوع >> الوقت المعتاد عندي للكتابه

بفتح الدفتر

و بتطلع ع الافكار و الكلمات

و الشغلات يلي كتبتها

ممكن اخد شغلات قديمه و استخدمها

و بتكون ذكرى كمان

يعني عندي شغلات من لما كنت في غزه لحد هلاء بتجبلي الهام

هيك بكون عندك متل قموس زغير وقت ما تفضي

و تمسكي قلمك

بتفتحي الدفتر و بتلقي ايام و لحظات الاهام امامك

و الافكار جاهزه

و لافضل انك ما تحولي انك تنهي الشعر او الموضوع في نفس اليوم

انا من ناحيتي اقل شي بخلي تلات ايام

و بكون هيك عرفت انظم الافكار

و طريقة السرد

و كل شي

ما بعرف ازا فهمتو عليي او لاء


و اتمنى انو تكونو فهمتوو عليي

و عارفه انا انو فكرتي هبلا

بس هيك انا بحس انو فيي اتزكر الشغلات يلي حبه اكتبا

ان شالله اكون فدتكم

تحياااتووو ^^

[حنان16]

كلامك صح والله خيتو

انا فعلا في لحظات هيك باقعد

حتى لو مافي ظروف مهيئة لاكتب

بتجيني افكار هيك بس ما باهتم او بقول اكتبها بعدين وبانساها

اما بخصوص الزمن المستغرق للخلاص من انتاج ادبي

فانا كنت باكتب في اليوم ييجي خمس او اكثر من خاطرة

لغاية ما في ظرف سنة واحدة خلصت ديوان و النص من التاني

اما هلا فما بقيت طايلة لا سما ولا ارض

تسلمي خيتو بلو

..

[حنان16]

مجرد مرور

ليس الا

..

.

[ايــاد]

بعتقد انو الجو الي بتكوني فيه ما بساعدك على التركيز

الموضوع الي بدك تكتي عنو مش نابع من داخلك او بلامس مشكله عندكـ او احساس معين

لما بدنا نكتب بيت شعر لنفرض بلحظة حنين للوطن سهل كتير انو نكتب هل بيت عن فلسطين

بس لما ما بكون عندكـ بهديك اللحظه هل حنين للوطن وبدك تكتبي للوطن ما بيجي معك بيت الشعر

فا عشان هيك بعتقد انو لما بدكـ تكتبي اكتبي عن اللحظه الي بتشعري فيها بشي اكتبي عنو


اسف للمداخله

انا لاني شاعر وما بكتب ولما بكتب بخبص

سامحيني وتقبلي كلامي بشكل عفوي

يعطيكـِ العافيـهـ وآآسف من جديد

[عاشق البندقية]

مزبوط ..

الشاعر بيكون عادة ,, شغل كيف وروقان ,,

فلازم بالك يكون هادي أختي,,

هاد اللي بعرفو مع إني مالي بالشعر إطلاقا ,,

^_^

[حنان16]

بعتقد انو الجو الي بتكوني فيه ما بساعدك على التركيز

الموضوع الي بدك تكتي عنو مش نابع من داخلك او بلامس مشكله عندكـ او احساس معين

لما بدنا نكتب بيت شعر لنفرض بلحظة حنين للوطن سهل كتير انو نكتب هل بيت عن فلسطين

بس لما ما بكون عندكـ بهديك اللحظه هل حنين للوطن وبدك تكتبي للوطن ما بيجي معك بيت الشعر

فا عشان هيك بعتقد انو لما بدكـ تكتبي اكتبي عن اللحظه الي بتشعري فيها بشي اكتبي عنو


اسف للمداخله

انا لاني شاعر وما بكتب ولما بكتب بخبص

سامحيني وتقبلي كلامي بشكل عفوي

يعطيكـِ العافيـهـ وآآسف من جديد




ولو اخي لشو تتاسف

انا اللي باشكرك


وتسلم عالمداخلة الحلوة


..

[حنان16]

مزبوط ..

الشاعر بيكون عادة ,, شغل كيف وروقان ,,

فلازم بالك يكون هادي أختي,,

هاد اللي بعرفو مع إني مالي بالشعر إطلاقا ,,

^_^




معك حق كمان خيي

انا يمكن عشان انشغال بالي في الفترة الاخيرة

تراجعت

بس الله يعين

تسلم اخوي عالرد

..