اويها يا بنات شباب فلسطين

[روان فلسطين]

يا بنااااااات انا زعلانه كتييييييير منكم لأنكم ما جبتولي طلب الزغاريد وانا بدي اياها ضروري بس الحق علي لانو انا ما حطيتها بموضوع بمكان معين
ما بعرف اذا المكان مناسب بس بدي اشياء يعني مو عارفه شو احكي بلدي فلسطيني كحح حلو يعني مزيج بيناتهم يلا ضرور بعد اسبوع مسافره وبدي اياهم يكونو معي بليييييييييييييييييز شدو حيلكم ويا ريت يكونو من جداتكم وامهاتكم لاني بدي شي عريق اوكي

[إسراء الفلسطينية]

هههههههههههههههههههههههه

خلص ولا يهمك يا عسل

هلا بدورلك و بجبلك كم زغرودة ^^

[إسراء الفلسطينية]

طيب .. هني الزغاريد .. لعرس ولا لشو

يعني شو هيي المناسبة ؟

^ــ*

[إسراء الفلسطينية]

هههههههههههههههههه

هاي زغرودة حافظيتها و بضلني اقولها :icon11:

..

اويها و البسة قالت نو .. أويها و الكلب قال عو

آويهاا و يلي ما بحبك يا روآآن .. ان شاء الله ما بيطلع عليه الضو

و لولولوللولييييييييييش :icon11:

[عاشق قمرهم]

أوْها بِـبيـتنا رمّـانـة
أوها حـامضـة و لفّـانـة
أوها حَـلَفْنا ما نقطعـها
أوها ليدخل عريسنا بالسلامة
لي لي لي لي ليش

أوها ديـارنا كـبـيـرة
أوها ودَرَج الحـمام فيـها
أوها وأم العريس فرحانة
أوها إن شاء الله ربي يهنّيها
لي لي لي لي ليش

أوها "فلان" يـا واحـد
أوها "وفلانة" يـا اتنيـن
أوها اللي ما يصلّي عالنبي
أوها لـيعـدم العـينتيـن
لي لي لي لي ليش

أوها عاللّعْلَعي اللّعْلَعـي
أوها يا صـبايا تجمّـعي
أوها يا ليل طول طـول
أوها ويا شمس لا تطلعي
لي لي لي لي ليش

أوها حَصَّنتك بياسـيـن
أوها ويا زهـر البسـاتين
أوها يا مصحف صـغير
أوها على روس السلاطين
لي لي لي لي ليش

أوها شـو هالنهار اللايـق
أوها وفرحتلنا الخـلايق
أوها وطقت قلوب الأعادي
أوها ولَمّن حقت الحقايق
لي لي لي لي ليش

أوها ويا جماعـة كلكُـن
أوها وما نسـينا فضلكُـن
أوها والـيــوم عـنّـا
أوها إنشاء الله بُكرة عندكُن
لي لي لي لي ليش

أوها يا ما قعـدوا جنبـي
أوها ويا ما حرقـوا قلبي
أوها وقالوا فلان ما بيتجوز
أوها تجوّز وربي نصرني
لي لي لي لي ليش

أوها يا صحـن حليـب
أوها وكل ما برد بيطيب
أوها نحـنـا أهـليـة
أوها وما في حدا غريب
لي لي لي لي ليش

أوها العريـس يا واحد
أوها وعروسته يا اتنيـن
أوها يـا خـرزة زرقا
أوها تـردّ عنهن العيـن
لي لي لي لي ليش

أوها يا عـريـس لا تعبـس
أوها افريد هالبقجـة والبـس
أوها شواربك عروق الريحان
أوها وسوالفها عروق النرجس
لي لي لي لي ليش

[Abu Shadi]

هههههههههههه

والله يا اختي لو بعرف أزغرد لزغردتلك

واهلي كلهم ما الهم على الزغريد لمن بدهم يزغردو بجيبو الجيران

هههههههههه

ان شاء الله حدا بساعدك

تحيتي

[Abu Shadi]

اممممممممممممممم كلو بيزغرد طيب بدي اخترعلك هالاشي


اويها وشافوني عريس
اويها وحسدوني هالمناحيس
اويها وقعت عن الدرج
اويها وحطوني بهالكيس
اويها وبعتوني على مقبرة المتاعيس

لولولولولولولولولولولولوولولولولولو لولولولولولولوليش

[روان فلسطين]

اسراء يا عمري ميرسي ع مرورك يا قمر همه لعرس ولحفله نجاح وكمان في خطبه
بانتظارك

[روان فلسطين]

عاشق قمرهم ميرسي كتييييييييييييييير الك
بس اكيييييد غاشهم من ماما صح على العموم ميرسي خيي

[روان فلسطين]

ابن فلسطين يبعد عنا المقابر والحسد
بس ميرسي الك كتيييييييييييييير ع مرورك وع الزغروده كمااان

[عاشق قمرهم]

مشاركتــي الالف ..زغرودة لبناات فلسطيــــن


آه هي.. واحنا بنات فلسطين وعن حق وحقيقي
آه هي.. وندوس رقاب العدى ونخليها طريقي
آه هي.. ويا زعتر بلادي ويا رمز العز وسط الحصاري
آه هي.. ولخليك فطوري وغداي وعشايي
آه هي.. وما بفرط بحقي ولو طال الزماني
آه هي.. ولو ذوقوني المر وقطعوا وصالي
آه هي.. ويا قدس الأقداس يا داري
آه هي.. ويا زيتك باركو الرحماني
آه هي.. واحنا بنات فلسطين ما ننسى الأسيري
آه هي.. واحنا بنات خولة واشهد يا ضراري
آه هي.. يا حبابي في العراق لا تعتبوا عليي
آه هي.. والجرح واحد وباذن الله الفرج جايي
آه هي.. ونذرن عليي لاجل القدس وبغدادي
للوك المر ورافق الأحراري ................

[إسراء الفلسطينية]

أويهـــــا
يــــا قـــاعــدة عـــالمـــراتـــب قعــدة البنـــا
أويهـــــا
والكحـــــل بعيــــونـــــك زقفتلـــــوا غنــــــا
أويهـــــا
حطّــــي القـــدم عــالقـــدم مـــا سمعتلـــوا رنّــا
أويهـــــا
يجعـــل البطـــن يلّــي حملــك مسكنـــوا الجنــة

******************************

أويهـــا
جيــــت أغنـــي وقبلـــي مــا حـــدا غنـــا
أويهـــا
بقــــاع وادي فيــــه الطّيــــــر بيستنــــــا
أويهـــا
وريتـــك يـــا جمال بهــالعـــروس تتهنـــا
أويهـــا
وتظــــل ســــالـــم ويظـــل الفـــــرح عنّــا


******************************


أويهـــا
قـومـي معـي يـــا راما يــا نعنــــا
أويهـــا
ويلــــــي بــالـــذهــــب مقمعـــــــا
أويهـــا
ويخليلـــك أبـــوكـــي وإخـــوانـــك
أويهـــا
وتضلّـــك بحيـــاةٌ مـــــدلعــــــــه


******************************

أويهـــا
غلينـــا قهـــوة
أويهـــا
طلعـــت مـــرّة
أويهـــا
إلّــي مــا فــرحتلك يــا فواز
أويهـــا
تيجـــي عليهــــا الضّــرّة


******************************


أويهــــا
ارفـــع عينـــك يــا ااسير واقشعهــــا
أويهــــا
وكـل مـا قلتلـك كلمـي إسمعهـــا
أويهــــا
وكـــل المـال يلّـــي حطيتـــوا
أويهــــا
مــا بيســــوى راس أصبعهــــا


******************************


أويهــــا
عــريسنــا سامي صغيــر
أويهــــا
ـــا طبـــــق الثـــلاثيــــن
أويهــــا
خطبنــالــوا بــإيــام الــورد
أويهــــا
بــدنــا نجــوزوا بــإيــام اليــاسميــن


******************************


أويهـــا
طبخنـــــا ملـــوخيـــــة
أويهـــا
وحنـــا الفلسطينيــــة
أويهـــا
ولّــي مــا بحبــك يــا بشار
أويهـــا
تصيبـــوا سكتــــــه قلبيــــة


**********************


أويهـــا
زرعنـــا بيتنجــــان
أويهـــا
يـــا كنـــايـــن هـــالــزمـــان
أويهـــا
يــا قليـــلات لمــــروّه
أويهـــا
يـــا طـــويـــلات اللســــــان



******************************


أويهـــا
زرعنـــا نجــــاصـــــه
أويهـــا
وبــالبحــر غطّــاســـه
أويهـــا
ويلّــي مــا بحبـــك يــا ياز
أويهـــا
إطـــب بقلبـــو رصـــاصـــة


****************************


اويها
اسم الله عليك يا عرين
اويها
عين الله عليك
اويها
عين الحاسدة تعمى
اويها
والي ما تسمي على


******************************


أويها
العقبال لـ بيج بوس كلكوا قولوا
أويها
شاب إسمراني ومزينوا طولوا
أويها
العقبال لفرحته
أويها
إمه وأهله يغنولوا


******************************

أويها
أرقصي وديري ظهرك
أويها
وارخي جدايل شعرك
أويها
ويسلمك يا ست ايفا
أويها
يا مبيضة شاشات أهلك


******************************

أويها
لبستك الأبيض طيه على طيه
أويها
طيه فرنجية وطيه عربية
أويها
اطلعت من الدار وقلت آه يا خيي ويا بيي
أويها
وأنا زهرة ديروا بالكوا عليي


******************************


أويها
سمبوسك يا بشرى بالهوا
أويها
حطيته بالفرن بعده ما إستوى
أويها
تعوا إتفرجوا يا جيراني وخلاني
أويها
مش كل العرايس سوا


******************************

اويها ...
بمقص الذهب قصلوا يا بشارة
اويها ...
لزينة الشباب وزينة الحارة
اويها ...
ان وصفت بالوصف ما وفيت
اويها ...
أمير صغير وتلبقلوا الامارة

[روان فلسطين]

ميرسي كتييييييييييييييييير يا اسراء ربي لا يحرمني منكم
تسلمي حياتي

[السيف عدي]

أختــ روانــ هدولي نفس تبعون اسراء اعتقد ،،

وفي غيرهم من هادا الموقع :

http://www.alaqsa-online.com/vB/archive/index.php?t-3191.html


أويهـــــا
يــــا قـــاعــدة عـــالمـــراتـــب قعــدة البنـــا
أويهـــــا
والكحـــــل بعيــــونـــــك زقفتلـــــوا غنــــــا
أويهـــــا
حطّــــي القـــدم عــالقـــدم مـــا سمعتلـــوا رنّــا
أويهـــــا
يجعـــل البطـــن يلّــي حملــك مسكنـــوا الجنــة



أويهـــا
جيــــت أغنـــي وقبلـــي مــا حـــدا غنـــا
أويهـــا
بقــــاع وادي فيــــه الطّيــــــر بيستنــــــا
أويهـــا
وريتـــك يـــا ضيــاء بهــالعـــروس تتهنـــا
أويهـــا
وتظــــل ســــالـــم ويظـــل الفـــــرح عنّــا



أويهـــا
قـومـي معـي يـــا هــديــل يــا نعنــــا
أويهـــا
ويلــــــي بــالـــذهــــب مقمعـــــــا
أويهـــا
ويخليلـــك أبـــوكـــي وإخـــوانـــك
أويهـــا
وتضلّـــك بحيـــاةٌ مـــــدلعــــــــه




أويهـــا
غلينـــا قهـــوة
أويهـــا
طلعـــت مـــرّة
أويهـــا
إلّــي مــا فــرحتلك يــا عبدالله
أويهـــا
تيجـــي عليهــــا الضّــرّة



اويها

وزرعنا المرمية على باب الدار
ولى بكره ابو عمار
يبلاه الله ببالية



أويهــــا
ارفـــع عينـــك يــا هشام واقشعهــــا
أويهــــا
وكـل مـا قلتلـك كلمـي إسمعهـــا
أويهــــا
وكـــل المـال يلّـــي حطيتـــوا
أويهــــا
مــا بيســــوى راس أصبعهــــا





أويها
شباب فلسطين يا نمل الشجر
أويها
يا ناقلين المال من تحت الحجر
أويها
سألتكوا مين رئيسكوا
أويها
رئيسنا أبو عمار على عدونا إنتصر




أويها
يا ناس صلوا على محمد
أويها
حتى يلين الحديد
أويها
وهاد فرح مبارك
أويها
ويطعموا لكل حبيب





أويها
جيت أغني زمان ما غنيت
أويها
جيت أغني كرامة لأهل البيت
أويها
وحياة من خلا الزتون يعصر زيت
أويها
كرمال عيون بيت أبوسليم لا جيت ولا غنيت


أويها
إفتحوا باب الدار
أويها
حلي لمغني يغني
أويها
سألت رب السما
أويها
ما يخيب لي ظني



تقبلي مروري ،،

[روان فلسطين]

تسلم يا خيي ناصر كلك زووووووووء
ميرسي الكم كتييييييييير

[فلسطينيه والراس مرفوع]

ههههههه

بدك زغاريد يا عثل

انا ما بعرف ازغرد ولا حافظة اشي منهم

حتى بعرف بالسوري اما الفلسطيني لاااا

لانو في كلمات ما بعرف احكيهم هههه

شوي هلاء بروح وبجبلك ...

استني شويي

[فلسطينيه والراس مرفوع]

هدول ما بعرف حلوين ولا لا

شوفيهم

لا لا حلوين كتير

اسمعك اياهم ؟

آه هي .. وزغردي يا ام الشهيد ويا بنت الغالي
آه هي .. يا ايد المقاومين طالت الأعادي
آه هي .. وإن طال الظلم آخرتو بيولي
آه هي .. وبتحرر الأسير وبترجع لبلادي
* * * * * * *
آه هي .. يا حارث الأرض احرثها وقدها
آه هي .. يا طالب الرئاسة منتاش قدها
آه هي .. لأجل تعود القدس لأهلها
آه هي .. أعطوها للفدائي صاحبها وجدها
* * * * * * *
آه هي .. يا دعاة الفتنة هد الله حيلكم
آه هي .. يا قليلين الدين يا بياعين أهاليكم
آه هي .. وإن دخلت قواة العدو تعتقل وتقتل
آه هي .. بتخفوا سلاحكم وبتنسحبوا في مخابيكم
* * * * * * *
آه هي .. يا حضن العدو ما يغرينا
آه هي .. يا بياعين العرض يا مكشوفين لينا
آه هي .. وما بنعترف باسرائيل لا اليوم ولا بكرة
آه هي .. وإن قتلونا وخربوا أراضينا
* * * * * * *
آه هي .. وإحنا المقاومات ومين يقدر يحصلنا
آه هي .. يا حاملات الأمانة وين ما رحنا
آه هي .. وسألت رب السما ينصرنا
آه هي .. نصرة على نصرة تاتنجبر خواطرنا
* * * * * * *
آه هي .. والمقاوم والنذل من التقوا ع التلة
آه هي .. يا شبه الوردة جنب الجلّة
آه هي .. يا ميخذة النذل يا باليك بالعلة
آه هي .. شو عماك عن العزة تتوخذي لمذلة
* * * * * * *
آه هي .. يا هاجمين على غزة بجيشكم وأحزابكم
آه هي .. يا مضين السلاح المقاومة بتستناكم
آه هي ..وإن كانت النخوة ضاعت في نواديكم
آه هي .. في غزة رجال ما بيمشوا مماشيكم
* * * * * * *
آه هي .. يا غزة ويا خنجر في خواصرهم
آه هي .. يا حسرتي العرب ما بينجدوك والعالم مساندهم
آه هي .. ويا غالية برفع ايدي للي أقوى منهم
آه هي .. ينصر المظلوم ويحمينا من جرايمهم
لو لو لو لو لو لو ......لي


يييييييي هدول طلعوا لغزة ....

[روان فلسطين]

يثلمو يا عثل بس ما راح اقدر اعطيهم يزغردو فيها بعرس خالو
حياتي اسألو امهاتك انا جمعت يلي ع النت بدي الاشي الشائع يلا العرس الاسبوع الجاي فزو انت واياها
تسلمولي يا رب

[همسات مسلمه]

انا راح افز وازغردلك وحده وراح تضحكي عليها بس ما تدعي علي ها اوك هههههههههههههه

ما بعرف زغاريد انا الا هاي سامحيني رورو هههههههههه

اويها وقطعنا بطيخه

اويها وطلعت حمرا ومنيحه

اويها ويلي ما بدو يزغرد ... تجيلو جلطه منيحه

ههههههههههههههههه

ما تنسي رورو مش تدعي علي بس هاي اللي حفظاها والله ههههههههههههههههه

[الاماني الفلسطنية]

رورو حبيبتي ولا يهمك يا ئمرة انتي .. كلو ولا زعلك ^.^


الصراحة حبيبتي والله مو حافظة شي من هل ئصص :)


بس متزكرة اني شفت موضوع بالموسوعه الفلسطنية كلو زغاريد حلوة ...


هلا بشوفلك ياه ولا يهمك :s (43):

[Arabian girl]

هههههههههههههههههه
تسلم عاشق قمرهم

[الاماني الفلسطنية]

رورو .. جربي شوفي هالرابط لموضوع نسومة .. اكيد رح يعجبك ^.*

http://shabab.ps/vb/showthread.php?t=62333

[روان فلسطين]

اماني وهمسات مسلمه يا رب تسلمولي وما انحرم منكم يا رب

[ضوء الشمس]

أنا والله ماعندي خبرة فيهم بالمرة


لو بعرف لحكيت بس لازم أحكي لي لي لي لي لي ليش



مع اني مابعرف أزغرد كمان

[نونو الحلوة]

روان انا حافظة وحده بس


الباقي ما بعرفهم كتير


أويـــيها

قالو عزالك صغير قلت ماشاء الله

أويــــها

متل غزالي ما خلق الله

أويــــها

كل البساتين بتزهر بالسنة مرة

ولا خدوودك يا (؟؟؟؟) دوم دوم محمرة


لولولولولولولولولولولولولولولولولول ولـــــــــــيش