ايش هذا !!

[نور الهدى]

السلام عليكم و رحمة الله و بركاته

والله انا اكتب هذا الموضوع و انا مستاءة جدا

و بتمنى من كل من يقرأ الموضوع انه يبدي رأيه حتى و ان كان مخالف لما اكتبه

معقولة توصل المواضيع في قسم النقاش الجـــــــــــــاد لهذه الدرجة من المسخرة و السخافة !!


اي والله في الاشهر الاولى اللي سجلت فيها بالمنتدى ما كنت بشوف هذا الكم الهائل من المواضيع التي لا تمت للجدية بأية صلة !!

معلش بدكم تتحملوني شوي ،، لأني رح اعطي امثلة للمواضيع اللي ما بتستاهل تكون في هذا القسم

- شو النك نيم تاع مسنجرك -

- ظاهرة الكريزي دول -

و كثير من المواضيع اللي من موديل

- ماذا تفعل لو قابلت شخص دمر من حياتك جزء كبير -

- اسئلة صريحة عاطفية قوية جريئة ووو . و اللي نجد فيها اسئلة من نوع - من الانثى التي تقف امامها ضعيفا !!

و الاسئلة اللي من طراز ( ماذا تقول لمن جرحك ) ،،

و اغلبها تكون في اطار العلاقة المحرمة بين الشباب و البنات !!

المشكلة هي انه هاي المواضيع نجد فيها ردود في صفحات كثيرة جدا

بينما الردود على المواضيع التي لها قيمة تعد على الاصابع

ليش هيك طيب ؟؟

صحيح انا ما بشارك كثير بالمنتدى لكن اتابع المنتدى و المواضيع المطروحة

احنا ليش بنشترك بالمنتديات يعني عشان التسلية و مضيعة الوقت ولا عشان الاستفادة ؟؟

ما عم اطلب منكم تكونوا جديين 24/24 ساعة لكن اللي بعرفه انه لكل مقام مقال

اللي بده يتسلى في قسم النكت و الترفيه

و اللي بده يعاكس بنات بطريقة او بأخرى فأظن انه أخطأ العنوان لو فكر انه ممكن يعمل هيك هون


يا جماعة خلونا نرتقي بفكرنا الى مستوى اعلى من هيك

ما بدنا نخلي عقولنا تفكر بسفاسف الامور

كل ما نكتبه في المنتديات موجود في سجلاتنا ،، فإما تكون حسنات او سيئات

ما نكتبه في المنتديات رسالة لكل من يقرأ مواضيعنا فأرجو اننا نحرص على ان ندل الغير على الخير و الرشاد لا ان نضيع وقتهم بقراءة مواضيعنا السخيفة

يمكن كلامي قاسي شوي

لكن بدكم تعذروني على صراحتي اللي ما بدي من خلالها الا كل الخير الكم جميعا

سلامي

:s (43):

[الاماني الفلسطنية]

اي والله سدئتي يا نور ..


الواحد بفوت هون ليتعلم ويناقش وينمي فكره ...


وفعلا في اوئات كتير بييجي ع بالو يقرأ .. يناقش .. ومرات بييجي ع بالو يضحك ويفرفش ..


بس مو لدرجة السخافة !!!...


والله العظيم فعلا هالايام نفتقد للمناقشات الهادفة ...


الله يهدينا ويهدي الجميع ...


يعطيكي العافية نور :) ...


:s (43):

[نور الهدى]

لواحد بفوت هون ليتعلم ويناقش وينمي فكره ...


وفعلا في اوئات كتير بييجي ع بالو يقرأ .. يناقش .. ومرات بييجي ع بالو يضحك ويفرفش ..


بس مو لدرجة السخافة !!!...


والله العظيم فعلا هالايام نفتقد للمناقشات الهادفة ...

صدقتِ أختي

احنا ما عم نطلب من الاعضاء انهم ما يفرفشوا و ما يمزحوا و يضحكوا

لكن كل شيء يزيد على حده ينقلب الى ضده

و الفياعة و المياعة و السخف لما يزيدوا عن حدهم بكون هذا الشيء مرفوض

اصلا مكانهم مش هون

احنا بنمزح .. لكن بحدود

الله يهدينا ويهدي الجميع ..

يـا ربّ آمــين

يعطيكي العافية نور :) ...

الله يعافيكي اختي اماني

^^

بارك الله فيكي على مرورك الطيب :)

[عاشق قمرهم]

صح كلامك

[CR@ZY DOLL]

^^



..

[نور الهدى]

صح كلامك

تسلم اخي


^^



..

معلش اختي احكي رأيك .. ولا الحروف صارت بفلوس و بخلتي علينا برد مرتب :p

[CR@ZY DOLL]

معلش اختي احكي رأيك .. ولا الحروف صارت بفلوس و بخلتي علينا برد مرتب :p


معيش غير شيكلين شو اعمل يعني ^^

[نور الهدى]

معيش غير شيكلين شو اعمل يعني ^^

بسيطة اكتبي على حسابي :d

[اميرة باخلاقها]

يمكن كلامك في نسبة من الصح

بس برضو يعني احنا داخلين هون لنستفيد ونفيد

وكمان لنسلي بعض


طيب اوكي افرضي فتحنا موضوع جدي
مثلا قضية تحرير فلسطين على سبيل المثال

طيب مهو بتفتحي التلفزيونات بتلاقي هالحكي وبتفتحي الراديو نفس الشي

احنا هون شو راح نستفيد لو فتحنا هالسيرة

طيب غيرو

شو في مواضيع جادة نفتحها هون متل شو يعني...............

اوكي انا ما بحكي انو نضل مسخرة وهبل

بس برضو مش نضل جد ونزعل لو فتحنا موضوع للفرفشة

يمكن الشغلة زادت عن حدها متل ما حكيتي بس برضو بالمقابل بتلاقي مواضيع حلوة ولو نتعمق فيها بتلاقيلها فعلا الها اهمية
واحنا الشعب الفلسطيني اخت نور متعرض لضغوطات كتييير
فمش غلط انو يدخلو هون ويفرفشو عن حالهم
وكل هاد بحدود الادب

اما غير هيك انا اول المعارضين

بتمنى انو فكرتي تكون وصلتك وما تزعلي من وجهة نظري
لانو الناس اراء وكل واحد ورأيو

وانا مش معارضة لكلامك بس مش حلوو تحكي (مسخرة وسخافة)

لانو كل يلي بدخلو هون بيعرفو حدودهم ولهلأ ما حد تعدا الحدود

تقبلي مروري وما تزعلي مني

[CR@ZY DOLL]

بسيطة اكتبي على حسابي :d

ماشي ^^


شوفي حبيبتي


انا مش شايفهـ انو فيه حدا تعدا حدود الادب والاخلاء ^^


وما فيها اشي لو فتحنا كم مودوع نتسلا فيهم شوي


مهو يعني بسراحهـ بكفي الئرف اللي عايشينو بالهدنيا


بعدين انتي بتحكي كأنو مجبوره تردي ع مودوع مش عاجبك ،،


ما حدا غاسبك تفوتي ع مواديع انتي شايفتيها سخيفه وتافهه


^^

ع كل هالكم شيكل خليهم دين :P


من هون لا آخد مسروفي ،، لاني مفلسهـ :$

[نور الهدى]

طيب اوكي افرضي فتحنا موضوع جدي
مثلا قضية تحرير فلسطين على سبيل المثال

طيب مهو بتفتحي التلفزيونات بتلاقي هالحكي وبتفتحي الراديو نفس الشي

احنا هون شو راح نستفيد لو فتحنا هالسيرة

رح نستفيد كثير و رح نغير الكثير من المفاهيم الخاطئة بالحوار

أصلا معظم الشباب العربي مش عارف لحد الآن الطريق للنصر لأنه من الاساس مش متابع لهذه القضايا لا على التلفزيون ولا ع الراديو

و في اعتقادي ان المواضيع اللي تتحدث عن مثل هذه القضايا على الانترنت ستحضى باهتمام اكبر من الشباب

لأنه بامكانه ابداء رأيه و الاخذ و الرد

^^

طيب غيرو

شو في مواضيع جادة نفتحها هون متل شو يعني...............

مثل الكثير من المواضيع الاسرية و الاجتماعية و التي تخص الشباب بشكل كبير غير المواضيع السياسية :)

اوكي انا ما بحكي انو نضل مسخرة وهبل

بس برضو مش نضل جد ونزعل لو فتحنا موضوع للفرفشة

اختي انا ما بزعل لما بشوف موضوع للفرفشة و الترفيه عن النفس

لكن استاء لما بشوف أنه :

- أولا : المكان غلط

- ثانيا : المضمون تافه

- ثالثا : كثرة هذه المواضيع بشكل كبير

أختي انا والله من يومين قعدت ادور على موضوع جاد في هذا القسم و العدد كان يعد على الاصابع

بينما المواضيع الاخرى كمها هائل !!

بحقلي ازعل ولا لأ ؟

يمكن الشغلة زادت عن حدها متل ما حكيتي بس برضو بالمقابل بتلاقي مواضيع حلوة ولو نتعمق فيها بتلاقيلها فعلا الها اهمية
واحنا الشعب الفلسطيني اخت نور متعرض لضغوطات كتييير
فمش غلط انو يدخلو هون ويفرفشو عن حالهم
وكل هاد بحدود الادب


مواضيع لما نتعمق فيها بنلاقي انها ذات اهمية

اعطيني مثال واحد لهذه المواضيع تعمق الاعضاء فيها و ما تحول لدردشة و كلام فاضي

اختي انا اقدر انه الشعب الفلسطيني يتعرض لظغوطات و ربي يعلم كم اتألم لألمهم

لكن في نظري انه هذا الشعب مش محتاج لمواضيع ما الها معنى عشان يفرفش ،،

و حكيت من قبل اني مش ضد المرح و المزاح لكن انتقادي كان لمضمون المواضيع

بتمنى انو فكرتي تكون وصلتك وما تزعلي من وجهة نظري
لانو الناس اراء وكل واحد ورأي

فكرتك وصلت اختي ،، و بتمنى فكرتي كمان توصلك ^^

سررت بردك :)

نورينا كل يوم *_^

[نور الهدى]

ماشي ^^


شوفي حبيبتي


انا مش شايفهـ انو فيه حدا تعدا حدود الادب والاخلاء ^^


وما فيها اشي لو فتحنا كم مودوع نتسلا فيهم شوي


مهو يعني بسراحهـ بكفي الئرف اللي عايشينو بالهدنيا


بعدين انتي بتحكي كأنو مجبوره تردي ع مودوع مش عاجبك ،،


ما حدا غاسبك تفوتي ع مواديع انتي شايفتيها سخيفه وتافهه


^^

ع كل هالكم شيكل خليهم دين :P


من هون لا آخد مسروفي ،، لاني مفلسهـ :$


شوفي يا بكبك عيني

ما قلت انه في تجاوز للادب و الاخلاق

لكن اعتراضي واضح جدا من خلال الموضوع ،، اعتراضي هو للمضمون و للعدد الكبير جدا لهذه المواضيع

ما حكينا لا تفرفشوا ولا تضحكوا

لكن اضحكوا بحدود ،، في المكان المناسب و بالطريقة المناسبة

للآن مش فاهمة معنى انه شب ينزل موضوع عن بنت في قسم النقاشات الجادة و اللي الكل لاحضوا على الموضوع انه مش مناسب

و كمان مش فاهمة معنى المواضيع اللي ذكرتها ببداية الموضوع و اللي كلها تصب في العلاقة المحرمة بين الشباب و البنات !!

بالله عليكي هاي مواضيع فرفشة ؟؟!


القرف ما رح يروح بهيك مواضيع

بل باشغال النفس بما هو نافع :)

و الترفيه ما بكون بهيك طريقة و بالفياعة اللي بنشوفها احيانا بالمنتدى

اما بالنسبة لكوني مجبورة او لا بالرد على مواضيع مش عاجباني

أنا مش مجبورة فعلا و بإمكاني أطنش ببساطه و كل واحد - يعوم بحره - ===> يعوم بلهجتنا يعني يسبح

لكن انا لما اشوف شيء غلط بحاول اغيره قدر استطاعتي

حتى لو هذا الشيء ما بعجب البعض

في النهاية اشكرك على مرورك اللي اسعدني

و ما في داعي ترجعيلي فلوسي اللي كتبتي بيهم الرد

تكرمك بالتعليق بكفيني *_^

ملاحظة : عدلناه مع انه الطريقة كانت قريبة من طريقة كلامك :)

:s (43):

[CR@ZY DOLL]

شوفي يا بكبك عيني

ما ئلت انه في تجاوز للادب و الاخلاء

لكن اعتغادي وادح جدا من خلال المودوع ،، اعتغادي هو للمدمون و للعدد الكبيغ جدا لهزه المواديع

ما حكينا لا تفغفشوا و لا تدحكوا

لكن ادحكوا بحدود ،، في المكان المناسب و بالطريئة المناسبة

للآن مش فاهمة معنى انه شب ينزل مودوع عن بنت في ئسم النئاشات الجادة و اللي الكل لاحدوا على المودوع انه مش مناسب

و كمان مش فاهمة معنى المواديع اللي زكغتها ببداية المودوع و اللي كلها تصب في العلائة المحرمة بين الشباب و البنات !!

بالله عليكي هاي مواديع فرفشة ؟؟!


الئرف ما غح يغوح بهيك مواديع

بل باشغال النفس بما هو نافع :)

و التغفيه ما بكون بهيك طغيئة و بالفياعة اللي بنشوفها احيانا بالمنتدى

اما بالنسبة لكوني مجبوغة او لا بالرد على مواضيع مش عاجباني

أنا مش مجبوغة فعلا و بإمكاني أتنش ببساته و كل واحد - يعوم بحره - ===> يعوم بلهجتنا يعني يسبح

لكن انا لما اشوف شيء غلت بحاول اغيغه - اغيره - قدغ استتاعتي

حتى لو هزا الشيء ما بعجب البعد

في النهاية اشكغك على مغوغك اللي اسعدني

و ما في داعي تغجعيلي فلوسي اللي كتبتي بيهم الغد

تكغمك بالتعليئ بكفيني *_^

ملاحظة : سئافتي فغنسي لزلك حاولي تفكي شيفرة الرد ،، ر = غ



ههههههههههه

بسرآحه ما عندي تعليئ ^^

لانو ردك كلو مش فاهمتو

وتئبشني الـ غ تبعتك ^^

ما بدي ازعلك حبيبتي ،،

انتي حكيتي بدك رأي وانا حكيتو ،،

ولسا انا ع رأيَ

،،

[نور الهدى]

ههههههههههه

بسرآحه ما عندي تعليئ ^^

لانو ردك كلو مش فاهمتو

وتئبشني الـ غ تبعتك ^^

ما بدي ازعلك حبيبتي ،،

انتي حكيتي بدك رأي وانا حكيتو ،،

ولسا انا ع رأيَ

،،

يا ستي تكرم عينك رح اعدل الرد :matrix:

ضروري تفهمي شو كتبت

[CR@ZY DOLL]

يا ستي تكرم عينك رح اعدل الرد

ضروري تفهمي شو كتبت


حكيتلك انا لسا ع رأي

وبسراحهـ مش مهتمه لغير رأي انا ^^

بـرب

[نور الهدى]

حكيتلك انا لسا ع رأي

وبسراحهـ مش مهتمه لغير رأي انا ^^

بـرب

يا بنتي انتي حرة ،، لكن انا عدلته لأنك حكيتي انك ما فهمتي ،،

غير هيك انا ما بحاول اجبر حدا على اعتناق افكاري :)

لكن نصيحة ،، من الجيد مراجعة النفس و تصحيح مفاهيمنا الخاطئة و مش عيب الاعتراف بالخطأ :icon31:

تيت

[.:.!دموع الرحيل!.:.]

كل ما نكتبه في المنتديات موجود في سجلاتنا ،، فإما تكون حسنات او سيئات

ما نكتبه في المنتديات رسالة لكل من يقرأ مواضيعنا فأرجو اننا نحرص على ان ندل الغير على الخير و الرشاد لا ان نضيع وقتهم بقراءة مواضيعنا السخيفة

صدق لسـانك يا قمـر .. !

وكل كلامك سليم و 100 % ...

والي بدو يدخل يعكـر على شباب فلسطين نظـامه لازم يتنبه من أولهـا .. !

وأي شـي .. منـافي لأخلاق وآداب ديـنـنـا .. ما إله اي مكـان بيـنـ صفحـاتنـا ..

ولا مستعدين نتحمل مسؤوليته يتواجد بيـنـنـا ! ( طبعا بحكي عالمواضيع والكلام )

//

بدي أحكـي للبنـات الي بدافعو عن المواضيع الي بلا قيـمة ..

نحن يا حبيبـاتي .. فاتحين الكم المجـال بركن النواعم .. تسرحو وتمرحو ..

وحتى تدردشو بنـات بين بنـات .. من هلأ لبكـرا الصبح !

في مشروع لآلئ الجنـان .. تسلاية ع كيف كيفكم ^^

بتملو كل الوقت الي ضايع .. وما فيها لا سياسة ولا هم ..

ليش ما بتتسلوا هونيك ؟ ^^

اما المواضيع الي بدهـا تنفتح بين الشـباب والبنــــــات .. وتفتح الهم المجـال

يدخلوا بناقاشات تسلية مع بعض بلا حدود ..

ما في اي مجـال إلهـا ..

بكفي عم بنغض نظر عن بعض المواضيع الي انا شخصيـا ً مش عاجبتني ..

بس عشـان ما تقولو خنقـناكم ..

وطبعـا الكلام موجه للشبــــاب ..

والله يخليلـنـا ياكم كلكم .. والقصة مش عنـاد ! يا حلوين ^^

مشـكورة كمـان مرة يا نـور ..

ما ننحرم من حكمتك يا عسل :s (43):

[نسمة بلادي]

معك 100% وأنا كتييير لاحظتها في ساحة النقاش

والحوار الجاد كنت أحسها مش ساحة

حواار ونقاش ساحة دردشة وتشات

والمواضيع القيمة فيها بنعدوا ع الاصابع *.^

الله يعطيكِ العافية خيتي

ربي يسعدك

[Arabian girl]

هادي المواضيع بتجذب الزوار لانها بتحكي عنا وعن مشاكلنا وبتحاكي الانسان المليء بالاخطاء يعني بتحكي عن مجتمعنا هلا
بس هادا مو يعني انو لازم نتجاهل المواضيع القيمة
بس الصراحة انا ادا دخلت ع موضوع ولقيتو طويل ما بكمل قراءتو هههههههههههه
يعني بظن انو السبب هو طول هادي المواضيع لانو هادا الجيل مو جيل الصبر ههههههه

[CR@ZY DOLL]

يا ربييييييي :(


بديش بديش :(

[عاشق قمرهم]

يا ربييييييي :(


بديش بديش :(


بلاش

:b:

[CR@ZY DOLL]

بلاش


:(

[نور الهدى]

صدق لسـانك يا قمـر .. !

وكل كلامك سليم و 100 % ...

والي بدو يدخل يعكـر على شباب فلسطين نظـامه لازم يتنبه من أولهـا .. !

وأي شـي .. منـافي لأخلاق وآداب ديـنـنـا .. ما إله اي مكـان بيـنـ صفحـاتنـا ..

ولا مستعدين نتحمل مسؤوليته يتواجد بيـنـنـا ! ( طبعا بحكي عالمواضيع والكلام )

//

بدي أحكـي للبنـات الي بدافعو عن المواضيع الي بلا قيـمة ..

نحن يا حبيبـاتي .. فاتحين الكم المجـال بركن النواعم .. تسرحو وتمرحو ..

وحتى تدردشو بنـات بين بنـات .. من هلأ لبكـرا الصبح !

في مشروع لآلئ الجنـان .. تسلاية ع كيف كيفكم ^^

بتملو كل الوقت الي ضايع .. وما فيها لا سياسة ولا هم ..

ليش ما بتتسلوا هونيك ؟ ^^

اما المواضيع الي بدهـا تنفتح بين الشـباب والبنــــــات .. وتفتح الهم المجـال

يدخلوا بناقاشات تسلية مع بعض بلا حدود ..

ما في اي مجـال إلهـا ..

بكفي عم بنغض نظر عن بعض المواضيع الي انا شخصيـا ً مش عاجبتني ..

بس عشـان ما تقولو خنقـناكم ..

وطبعـا الكلام موجه للشبــــاب ..

والله يخليلـنـا ياكم كلكم .. والقصة مش عنـاد ! يا حلوين ^^

مشـكورة كمـان مرة يا نـور ..

ما ننحرم من حكمتك يا عسل :s (43):


جزاكِ الله خيرا على مرورك و اضافتك القيمة :)

زورينا كل يوم :s (43):

[الرمشـ الحساسـ]

بصراحة حبيبتي نور انا معكـ بكل كلمة حكيتيها..

لأنو بجد الي عم بصير زيادة..:wacko:

انا زمان كنت كتير أفوت هالقسم..

بس هالأيام صايرة أشوف مواضيع يعين بصراحة بفوت عالموضوع وبطلع لأني مش عارفة شو بدي أرد فيها ولكن أحيانا برد..:b:

بس بجد كتير منتشرة هاي المواضيع وفي منها للتسلاي صح,, وللمسخرة كمان,,

وشكرا حبيبتي على كلامكـ,,,

هاي المواضيع الي لازم نتناقش فيها ولا بلاش هههههههههه

تسلميلي..

طبعا مع احترامي لجمييييييع الأعضاء..:s (43):

وأتمنى من الجميييييع الالتزام....

والسلام عليكم..

:s (43):

[نور الهدى]

معك 100% وأنا كتييير لاحظتها في ساحة النقاش

والحوار الجاد كنت أحسها مش ساحة

حواار ونقاش ساحة دردشة وتشات

والمواضيع القيمة فيها بنعدوا ع الاصابع *.^

الله يعطيكِ العافية خيتي

ربي يسعدك


فعلا هذا ما يحدث

الله يعافيكي اختي

بارك الله فيكي على مرورك

ربنا يكرمك :)

[نور الهدى]

هادي المواضيع بتجذب الزوار لانها بتحكي عنا وعن مشاكلنا وبتحاكي الانسان المليء بالاخطاء يعني بتحكي عن مجتمعنا هلا
بس هادا مو يعني انو لازم نتجاهل المواضيع القيمة
بس الصراحة انا ادا دخلت ع موضوع ولقيتو طويل ما بكمل قراءتو هههههههههههه
يعني بظن انو السبب هو طول هادي المواضيع لانو هادا الجيل مو جيل الصبر ههههههه

والله يا حبيبتي لو تأملتي المواضيع اللي حكيت عنها حتلاقي انها لا تحاكي الانسان المليئ بالاخطاء ولا بتحكي عنا و عن واقعنا

اعطيني مثال من المواضيع الموجودة في هالقسم ؟

عملوا حوار بين الشباب و البنات انقلبت كل الاسئلة لتساؤلات حول العلاقة بين الشباب و البنات - طبعا العلاقة المحرمة -

و عجبي ممن يخاطب بعض الاعضاء بلفظ - ابنتي او ابني - و قد ودع مرحلة المراهة منذ عقد و يدلهم على مثل هذه العلاقات التي لا يرضاها والد لابنته او لولده

بالله عليكي هل هذا نقاش هادف ؟؟

و مش ضروري تكون المواضيع المهمة طويلة ،، و هي موجودة هنا لكن بقلة و لا يوجد من يهتم بها


في النهاية ارجو ان تكون فكرتي وصلت

و مشكورة على مرورك الطيب :s (43):

[نور الهدى]

بصراحة حبيبتي نور انا معكـ بكل كلمة حكيتيها..

لأنو بجد الي عم بصير زيادة..:wacko:

انا زمان كنت كتير أفوت هالقسم..

بس هالأيام صايرة أشوف مواضيع يعين بصراحة بفوت عالموضوع وبطلع لأني مش عارفة شو بدي أرد فيها ولكن أحيانا برد..:b:

بس بجد كتير منتشرة هاي المواضيع وفي منها للتسلاي صح,, وللمسخرة كمان,,

وشكرا حبيبتي على كلامكـ,,,

هاي المواضيع الي لازم نتناقش فيها ولا بلاش هههههههههه

تسلميلي..

طبعا مع احترامي لجمييييييع الأعضاء..:s (43):

وأتمنى من الجميييييع الالتزام....

والسلام عليكم..

:s (43):

المشكلة انها معظم المنتديات تتكرر فيها نفس المواضيع

لما ندخل عنوان موضوع بمحرك البحث تطلع لنا النتيجة بعشرات الصفحات

يعني خلصوا المواضيع الحوارية ولا شو ؟؟

الله يهدينا جميعا

بوركتِ على مرورك و اضافتك

^^

[زهور]

- ماذا تفعل لو قابلت شخص دمر من حياتك جزء كبير -

اختي نور هاد موضوعي
وانا شايفة انو ما في شي تافه او سخيف او مسخرة على قولتك
بعدين انا عمري ما حطيت مواضيع تافهة او سخيفة
بعدين يا اختي ازا الموضوع تافه يعني صاحبو تافه ( عفوا)
بس هاد هوا الي بنفهم
يعني الحين كأنك اغلطي ع االأعضاء

اصلا هاد الموضوع جدي ولازملو نقاش
و اغلبها تكون في اطار العلاقة المحرمة بين الشباب و البنات !!

الحين موضوعي شو دخلو بـ ( العلاقة المحرمة بين الشباب و البنات ) ؟؟!!!

مع كل الاحترام والتقدير
بشكرك ع صراحتك

[نور الهدى]

اختي نور هاد موضوعي
وانا شايفة انو ما في شي تافه او سخيف او مسخرة على قولتك
بعين انا عمري ما حطيت مواضيع تافهة او سخيفة
بعدين يا اختي ازا الموضوع تافه يعني صاحبو تافه ( عفوا)
بس هاد هوا الي بنفهم
يعني الحين كأنك اغلطي ع االأعضاء

اصلا هاد الموضوع جدي ولازملو نقاش

الحين موضوعي شو دخلو بـ ( العلاقة المحرمة بين الشباب و البنات ) ؟؟!!!

مع كل الاحترام والتقدير
بشكرك ع صراحتك

شوفي يا اختي يا زهور ،، اولا انا ما شفت مين كتب الموضوع اصلا ،، اللي بهمني هو المضمون

الموضوع مش شخصي ،،

هاد الموضوع اولا تكرر كثير في هذا القسم

و كوني وصفت الموضوع بالتافه او السخيف لا يعني اني وصفت شخصك بهذا النعت

انا ما بغلط ع الاعضاء يا اختي

انا اقول اللي شايفاه ،، و الحاصل انه المنتدى امتلأ بمواضيع غير مهمة كأنه هذا المنتدى صاير للتسلية و المسخرة

و مع تعدد العناوين لمثل هذه المواضيع الا انه المضمون واحد

و هذا الشيء واضح جدا ،،

لو قرأتي الموضوع بتأمل لكنتي لاحظتي اني ما قلت ان كل هذه المواضيع المطروحة تتحدث عن العلاقات الحرام ،، مش اي شيء مش مهم بكون عن هاي العلاقات

اتمنى تكون فكرتي وضحتلك

و اشكرك على مرورك الطيب

:s (43):

ملاحظة : هاد الموضوع - ماذا تفعل لو قابلت شخص دمر من حياتك جزء كبير - شفته بالصفحة الثانية من هذا القسم و لا اعتقد انك انتي اللي كتبتيه *_^

[الدكتور امير]

يعني كلامك صحيح تماما

و بتمنى انو الميع يقرأ الموضوع

و يعودوا صح

[الفتاة المشرقة]

والله يا اخت نور كلامك 100% فعلا وانا لاحظت بس ما حبيت احكي لانو الاداره موجوده
ولما شفت دموع الرحيل سكرت الموضوع الي كان يحكي عن الحب وهيك اشياء

ولكن انا جاوبت على تقريبا موضوعين ولما كنت اجاوب كنت اخذها من منطلق اخت لاخت مش اخ واخت يعني شب وبنت

ولكن هناك من لايلتزم بأدب الحوار ويتعدى

اذن فالاولى ان يغلق الموضوع خوفا من الشبهات

[زهور]

شوفي يا اختي يا زهور ،، اولا انا ما شفت مين كتب الموضوع اصلا ،، اللي بهمني هو المضمون

الموضوع مش شخصي ،،

هاد الموضوع اولا تكرر كثير في هذا القسم

و كوني وصفت الموضوع بالتافه او السخيف لا يعني اني وصفت شخصك بهذا النعت

انا ما بغلط ع الاعضاء يا اختي

انا اقول اللي شايفاه ،، و الحاصل انه المنتدى امتلأ بمواضيع غير مهمة كأنه هذا المنتدى صاير للتسلية و المسخرة

و مع تعدد العناوين لمثل هذه المواضيع الا انه المضمون واحد

و هذا الشيء واضح جدا ،،

لو قرأتي الموضوع بتأمل لكنتي لاحظتي اني ما قلت ان كل هذه المواضيع المطروحة تتحدث عن العلاقات الحرام ،، مش اي شيء مش مهم بكون عن هاي العلاقات

اتمنى تكون فكرتي وضحتلك

و اشكرك على مرورك الطيب



ملاحظة : هاد الموضوع - ماذا تفعل لو قابلت شخص دمر من حياتك جزء كبير - شفته بالصفحة الثانية من هذا القسم و لا اعتقد انك انتي اللي كتبتيه *_^


اختي نور
انا اسفة بكل معنى الحرف
والله اسفة
انا فهمت شي غلط
واعتبريني ما حكيت شي

عنجد انا اسفة ازا غلطت عليكي

وعفكرة الموضوع طلع مش موضوعي كمان انا اسفة
على بالي طول الوقت انو موضوعي
لانو قريب من موضوعي

كل احترامي الك اختي
والله مش عارفة وين اودي وجهي
تلون كل الألوان
وكلامك على عيني وراسي

بتمنى ما تزعلي من طريقة الكلام تبعتي


مرة تانية بعتذر منك

[نور الهدى]

اختي نور
انا اسفة بكل معنى الحرف
والله اسفة
انا فهمت شي غلط
واعتبريني ما حكيت شي

عنجد انا اسفة ازا غلطت عليكي

وعفكرة الموضوع طلع مش موضوعي كمان انا اسفة
على بالي طول الوقت انو موضوعي
لانو قريب من موضوعي

كل احترامي الك اختي
والله مش عارفة وين اودي وجهي
تلون كل الألوان
وكلامك على عيني وراسي

بتمنى ما تزعلي من طريقة الكلام تبعتي


مرة تانية بعتذر منك

حبيبتي ما في داعي للاعتذار ^^

حصل خير ،، جل من لا يسهو ،،

و يا اختي والله ما زعلت من طريقة كلامك ابدا ،،

الاختلاف في الرأي لا يفسد للود قضية

هو صحيح اسلوبي في الموضوع يمكن قاسي شوي لكن فعلا في بعض الاحيان القسوة بتنفع :icon11:

و لا يعني هذا الشيء بالضرورة اني لا اقدر الاعضاء ،، بالعكس لو ما كنت احبهم كان ما نزلت الموضوع من الاساس ^^

كل ما اتمنى هو ان لا تأخذنا العزة بالاثم ،، و نصر على الخطأ حتى لو كنا مقتنعين في قرارة انفسنا انه خطأ

اشكرك اختي

و هاي وردة الك :s (43):

[CR@ZY DOLL]

و لا يعني هذا الشيء بالضرورة اني لا اقدر الاعضاء ،، بالعكس لو ما كنت احبهم كان ما نزلت الموضوع من الاساس


^^


..

[نور الهدى]

دكتور امير اشكرك على مرورك :)

^^


..

^^

[فلسطينيه والراس مرفوع]

معك حق يا نوور

في مواضيع ما الها لزووم في القسم

خاصة انو قسم الحوار ....للنقاش بس

بالنسبة لموضوع شو النك نيم تاع المسنجر

هاده ما بعتقد انو غلط بس المشرفين ينقلوه على القسم المخصص الو

الكريزي دول.... اها هاد مش لازم بالمرة

يعني لو كان قسم النكت والفكاهة مفتوح

هنيك بنحط

والمواضيع التانية اللي زكرتيها

يمكن الها المنتدى العام

^^ انا ان الي مواضيع في القسم متل هيك يا ريت من المشرفين يحزفوها ^^

هاده طلب

وانا راضية ان حزفتوها حتى لو ما كانت مكررة

بس المهم اناه ما تاثر على المنتدى وتتعب الادارة

تحياتي الك وتقبلي مروري^.^

[خيـرَ أُمـة]

صعب نلوم الاعضاء المشاركيم .. لكن الأصل نلوم الادارة الي بتسمح بهيك مواضيع ..

بصراحة بستغرب من بعض البنات الي وصلت فيهن المياعة انه حرف ال "ط" صار "ت" .. وفجاة كلمة طيب صارت تيب ...
وحرف ال "ص" صار "س" .. وعلى هيك كلمة صراحة صارت سراحة ..!!

لما يكون في هيك أعضاء مايصين سهل يطلع موضيع تافهة بالمنتدى ...

عموما .. الادارة لازم تتصرف ومثل هيك اعضاء مع مرور الوقت بيتغيرو لكن لازم تصرف من المسؤولين سواء من المشرفين او من المدراء .. وبدي أذكرهم انه كلكم راع وكركم مسؤول عن رعيته .. حتنسئلو عن كل تصرف حصل داخل المنتدى ...

اما مسؤولية الاعضاء .. على الأقل اذا رايت موضوع تافه ادخل واكتب رايك بانه تافه ... لا تكون "امعة" لا تكون سلبي لا تكون على هامش المنتدى .. ادخل واكتب وسجل "موضوع تافه" .. ويريت تكون باللون الاحمر وحجم الخط 5

أخوكم

[نور الهدى]

والله يا اخت نور كلامك 100% فعلا وانا لاحظت بس ما حبيت احكي لانو الاداره موجوده
ولما شفت دموع الرحيل سكرت الموضوع الي كان يحكي عن الحب وهيك اشياء

ولكن انا جاوبت على تقريبا موضوعين ولما كنت اجاوب كنت اخذها من منطلق اخت لاخت مش اخ واخت يعني شب وبنت

ولكن هناك من لايلتزم بأدب الحوار ويتعدى

اذن فالاولى ان يغلق الموضوع خوفا من الشبهات


المشكلة انها الادارة ارخت الحبل و تساهلت في كثير من المواضيع و لما كثرت ما قدرت تحط حد لهذه التجاوزات

عموما اتمنى الكل ينتبه لهذه النقطة و اذا الادارة ما منعت هذه المواضيع فالاعضاء بامكانهم الحد منها

اشكرك على مرورك و تفاعلك :)

:s (43):

[نور الهدى]

معك حق يا نوور

في مواضيع ما الها لزووم في القسم

خاصة انو قسم الحوار ....للنقاش بس

بالنسبة لموضوع شو النك نيم تاع المسنجر

هاده ما بعتقد انو غلط بس المشرفين ينقلوه على القسم المخصص الو

الكريزي دول.... اها هاد مش لازم بالمرة

يعني لو كان قسم النكت والفكاهة مفتوح

هنيك بنحط

والمواضيع التانية اللي زكرتيها

يمكن الها المنتدى العام

^^ انا ان الي مواضيع في القسم متل هيك يا ريت من المشرفين يحزفوها ^^

هاده طلب

وانا راضية ان حزفتوها حتى لو ما كانت مكررة

بس المهم اناه ما تاثر على المنتدى وتتعب الادارة

تحياتي الك وتقبلي مروري^.^

مبادرة طيبة منك اختي ^^

سعيدة بتفاعلك الايجابي حبيبتي

بارك الله فيكي و الله يجزيكي الخير

:s (43)::s (43):

[نور الهدى]

صعب نلوم الاعضاء المشاركين .. لكن الأصل نلوم الادارة الي بتسمح بهيك مواضيع ..

بصراحة بستغرب من بعض البنات الي وصلت فيهن المياعة انه حرف ال "ط" صار "ت" .. وفجاة كلمة طيب صارت تيب ...
وحرف ال "ص" صار "س" .. وعلى هيك كلمة صراحة صارت سراحة ..!!

لما يكون في هيك أعضاء مايصين سهل يطلع موضيع تافهة بالمنتدى ...

عموما .. الادارة لازم تتصرف ومثل هيك اعضاء مع مرور الوقت بيتغيرو لكن لازم تصرف من المسؤولين سواء من المشرفين او من المدراء .. وبدي أذكرهم انه كلكم راع وكركم مسؤول عن رعيته .. حتنسئلو عن كل تصرف حصل داخل المنتدى ...

اما مسؤولية الاعضاء .. على الأقل اذا رايت موضوع تافه ادخل واكتب رايك بانه تافه ... لا تكون "امعة" لا تكون سلبي لا تكون على هامش المنتدى .. ادخل واكتب وسجل "موضوع تافه" .. ويريت تكون باللون الاحمر وحجم الخط 5

أخوكم

معك حق

مع ان هؤلاء الاعضاء غلطانين الا انه الادارة من المفروض تتصرف بشكل اكثر فعالية

الله يهدينا جميعا

اشكرك على مرورك

[عسولة الأقصى]

السلام عليكم ,,

اممممم ,,

بداية اسمحيلي ان أشكرك على صراحتك و جرأتك في قول الحق ,,

شوفي اختي نور ,,

بما انو الموضوع للمناقشة ,, و انتي كنتي صريحة ,,

أنا رح ناقش و كون صريحة ,,


أولا صح لسانك على الحكي اللي حكيتيه ,, بعضو طبعا بما يخص انو الانسان محاسب على ما يقول ,,

بالنسبة للمواضيع ,,

اختي كل عضو من حقو يحط الموضوع يلي بدو ياه بما يناسب قوانين المنتدى ,,

و ازا كنتي شايفة انو المواضيع هاي شبيهة بالشات بين الشباب و الصبايا ,, لا تشاركي فيها ,,

يعني أنا الي بالمنتدى شي 3 سنين ,, عدد ردودي لم يتجاوز 900 ,,

لاني برد ع الموضوع اللي بحب أعطي رأيي فيه ,,

و المنتدى هون بيضم عدد كبير من الاعضاء ,, بثقافات مختلفة ,,

و أذواق مختلفة ,,

يعني ممكن موضوع انا بشوفو قيم لانو بيعالج مشكلة بتواجهني متلا ,, انتي ممكن تشوفيه عادي و لا يستحق الطرح ,,

ازا كنا احنا ما بنواجه مشاكل من نوع العلاقات اللي انتي حكيتي عنها ,, مش معنها كل الاعضاء ما بيواجهو ,,

اختي تنوع المواضيع و وجود هاد النوع من المواضيع شيئ طبيعي ,, بسبب اختلاف الاعمار و الثقافات و الاذواق متل ما حكيتلك ,,

انتي لا تفوتي الا المواضيع اللي بتعالج قضية بحياتك ,, أو بتحسي انك ممكن تستفيدي منها ,,

و أولا و اخيرا طرحك بمحلو ,,

و الشيئ بيزيد عن حدو ,, لها السبب بس أنا بأيدك ,,

لانو زاد عن حدو بس ,,

و العبرة انو البنت تعرف ع اي موضوع ترد ,, و أي موضوع ما ترد عليه ,,

تحية كبيرة مني الك يا نور ,,

بتمنى انو مروري يكون خفيف بموضوعك ,,

فأرجو منك انك تتقبليه ,,

[آية بنت فلسطين]

مبلى معك حق يا نور

[ابو السماسم]

انا مش فاهم حاجة

[خالدالورد]

انا بجد مش فاهم اشي

يمكن لاني عضو جديد

[نور الهدى]

اختي كل عضو من حقو يحط الموضوع يلي بدو ياه بما يناسب قوانين المنتدى ,,

اختي وضحت في بداية الموضوع نوع المواضيع اللي انتقدها

و وضحت كمان ليش هي مش مناسبة بالمرة و لا تنفع اللهم انها زيادة عدد ليس إلا ..

و اظنك ملاحظة هذا الشيء انتي بس قلبي صفحات هذا القسم ،،


و ازا كنتي شايفة انو المواضيع هاي شبيهة بالشات بين الشباب و الصبايا ,, لا تشاركي فيها ,,

طبعا ما رح اشارك فيها :icon11:

لكن اقول رأيي بخصوص هاي المواضيع و انبه غيري ،،

الدين النصيحة :)

من واجبي اغير الخطأ قدر استطاعتي ،، بل هذا واجبنا كلنا


ازا كنا احنا ما بنواجه مشاكل من نوع العلاقات اللي انتي حكيتي عنها ,, مش معنها كل الاعضاء ما بيواجهو ,,

لا اله الا الله

لنسلم بكلامك ،، نفرض جدلا انها فعلا تطرح هذه المشاكل و تسعى لحلها

بالله عليكي هل شفتي في مرة انه مثل هيك موضوع حل مشكلة من هذه المشاكل ؟؟!

بل والله بالعكس ،، مواضيع مثل هيك تحث بطريقة او بأخرى على الدخول في هيك علاقات

اذاً صارت مواضيع تأمر بالمنكر و تنهى عن المعروف !!

ما بدي احط اقتباسات لكلام بعض الاعضاء عشان ما نجرح شعور حدا

لكن مؤخرا في موضوع اغلق مليان بأسئلة لا تليق بالمنتدى


اختي تنوع المواضيع و وجود هاد النوع من المواضيع شيئ طبيعي ,, بسبب اختلاف الاعمار و الثقافات و الاذواق متل ما حكيتلك ,,

انتي لا تفوتي الا المواضيع اللي بتعالج قضية بحياتك ,, أو بتحسي انك ممكن تستفيدي منها ,,


اختي اذا كان هناك شيء ينافي اخلاقنا و ديننا اعترض عليه و لا ابرر سكوتي عنه بتعدد الاذواق

اذا كان في شيء غلط يصحح و ينتهي الامر هنا

مش نتركه حتى تتفاقم الامور و بعدين نحكي والله هاد تعدد اذواق ،، او والله اطرحوا هيك مواضيع لكن مش كتير !!

ما في مجال للمجاملة في هيك اشياء . الخطأ خطأ ،، سواءً كان كثير او قليل


تحية كبيرة مني الك يا نور ,,

بتمنى انو مروري يكون خفيف بموضوعك ,,

فأرجو منك انك تتقبليه ,,


لا هو خفيف خفيف ^^

اشكرك على مرورك الطيب :s (43):

[حنان16]

السلام عليكم


للاسف الفاس جات في الراس مثل ما بيحكوا


والله هيدا اللي كنت اشرت اله من قبل في قسم المشرفين


لكن الطاقم الاداري يمكن ما فهم قصدي او اشي من هالقبيل

وحكى انه المواضيع اياها مو خارجة عن القوانين ووو..

بس يلا الله يهدي الجميع

تحيتي اختي نور

[زهقانة انا]

كل واحد حر باختيار المواضيع الي بيحب يطرحها

وانتي مخيرة بانك تفوتي الموضوع وتردي عليه او لاء

ما في حدا بيجبرك تفوتي المواضيع الي بتسميها (سخيفة)

ومش شطارة نجرح غيرنا ونحسسهم انهم تافهين ونقسى عليهم بالكلام وانوجه الهم الاهانات

وبالاخر نعمل فيها انو بدنا مصلحتهم:icon6:

[صاحبة القلم الحزين]

السلام عليكم و رحمة الله و بركاته

والله يا نور مش عارفه كيف اعبر

يعني بموضوعك هادا

انتي عبرتي عن كل اللي جواتي

!!

الله يجزيكي الخير

شوفي يا اختي

انا كنت مشرفه على هذا القسم من زمان

و بعدين تنقلت بين الاقسام

و قبل فترة بسيطة ارجعت لنفس القسم

بس حسيت كانه قسم غريب علي

ما بيشبه القسم اللي كان اسمه

"النقاش الجاد"

!!

كله مسخرة بمسخرة

ومواضيع ما الها علاقة بالجدية

و لا تستحق النقاش ابدا

اول شي بلشت احذف

بعدين صرت الاقي الموضوع اللي بحذفه برجع بنضاف بعد كم يوم

صرت افوت المواضيع اللي ممكن انه تبقى بالقسم

وانبه للدردشة

و خاصه بين الشب و البنت

و ابعت رسائل تنبيه

و احذف ردود

بس لا حياة لمن تنادي

الوتيرة اللي عم تمشي عليها المواضيع هون

اسرع من انه الحق عليها كلها

بصراحه صرت احس انه انا الغلط

لانه مش معقول انا احس انه كل الكلام المكتوب مسخرة

والمواضيع لا تليق بالقسم

و الكل شايف انها عكسي

او ع الاقل بشاركو فيها بدون تردد

و الها شعبية فظيعه

!!


قبل فترة ولعت معي من هالموضوع

و فشيت قلبي

و اغلقت موضوع و حذفته

بس قبل ما احذفه كتبت كل اللي نفسي فيه

كلام بيشبه كلامك كتير

بس للأسف

بدل ما ياخدو عبرة

راحو عملو معي طوشة

و اتهموني اني تهجمت على اعضاء بشكل شخصي

واني قلت عن كلامهم مسخرة

وقلت عنهم انهم بتغزلو ببعض!!

شوفي ردي هون


شوفو يا جماعة الخير

الموضوع تسكر بس مؤقتا

لانه بعد كم يوم

راح احذفه باذن الله



بس حابة الكل يشوف كلامي قبل ما احذف الموضوع

!!


هالموضوع مسببلي ازمه نفسيه

ما بتتخيلو قديش

يعني يوميا بفوت هالقسم و بضيع اكتر من ساعه من وقتي

وانا بس بمحي بردود بهالموضوع

بنسم بدني و بتعب و بزهق

بس بالاخر قلت اكيد في مشكله

يعني مش منطقي الردود المحذوفه تكون اكتر من الردود اللي باقيه هون!!!


فكرت شوي و اكتشفت انه المشكله مش بردودكم و دردشتكم

المشكله بموقع الموضوع نفسه

يعني هالموضوع يمكن يكون بقسم الالعاب

بس اكيد مش بهالقسم اللي اسمه

"الحوار الحر"

لانه الحوار اللي بنحكي عنه بقسمنا هو حوار جدي منطقي

مش حوار دردشة و مسخرة

و مع الاسف و سامحونا ع هالكلمة

"قلة حيا"

يعني فظيع

ياريتكم بتشوفو اللي انا بشوفه هون

قال اسم الموضوع سلبيااااااااااااات

والكل بفوت و بيكتب ما في سلبيات

بعدين صارو يتفننو بصياغة هالجملة

يعني بصراحه

هالحكي اسمه مسخرة

وانا شخصيا كتير بيستفزني

"الغزل"

او اذا بدكم

بتقدرو تسموه المجاملات و المديح و الاطراء

اللي ما اله لزوم ابدا بين الشباب و البنات!!!

هالمنتدى بشكل عام محترم

و هالقسم بشكل خاص جدي

فاذا بدكم تقلبوها مسخرة و دردشة

لاقولكم محل تاني غير هون!!



اسفه على كلامي القاسي

بس عنجد الوضع اصبح لا يطاق

وبقدرش اسكت عليه اكتر من هيك

نبهتكم مرة و مرتين و تلاته

بس للأسف فش فايده

و بعدين لاحظو معي شغله

"زباين" هالموضوع محددين و معروفين للي بتابع الموضوع

هم نفسهم

بفوتو بالنهار الواحد 10 مرات

و بردو ع بعض

و كله الله وكيلكم

" فش سلبيات "


!!!!!!!!!!!


طبعا انا ما بجمل الكل بكلامي

لانه في ناس شاركو هون

ما بيطلعلي احكي عنهم و لا نص حرف

لانهم احترمو حالهم

و عرفو كيف يحافظو ع ردودهم

و كانت ردودهم زي ما بطلب الموضوع

بس اللي حكيت عنهم بالبدايه

اكييييييييد عارفين حالهم

!!!


بالنهاية


انا اسفه


بس انتو اجبرتوني









و تركت الموضوع مثبت حتى الكل يشوف كلامي

و يفهمه

بس برجع بقول للأسف


* * * *


مش عارفه شو الحل حاليا

بس بجد نفسي يتسكر هالقسم كم يوم

احذف فيه كل اللي مش عاجبني

و بعدها يرجع ينفتح

و تشوفوه قسم جديد

باذن الله

الف شكر الك

ربي يرضى عنك

و يجزيكي الخير

:s (43):

[MoHaDe]

بدكم الصراحة والحل الوحي لهادي المشكلة
انو يرجع ينفتح قسم الالعاب والاقسام الترفيهية

بصير بهادا القسم كلو حوارات جادة
وبقسم الالعاب باقي المواضيع

اختي في من كلامك صح
بس برضو الاعضاء بحاجة للترفيه
يعني مش معقولة المنتدى يكون جدي كتير وفش في مزح وفرفشة
شوي شوي بفقد رونقو وبفقد اعضائو

ممم هادا اللي عندي

يسلمو عالموضوع
تحياتي

[._.•°ღ حكآية آحسآآس ღ°•._]

ما بعرف

بس انا من وجهت نظري انو لازم يكون في هيك مواضيع

لانو الجدية لزيادة بتنفر الواحد وببطل ينجذب للمواضيع

بس كمان بنفس الوقت كل شي الو حدود

يعني الواحد لازم يوازن بين لتنين

تقبلي مروري

:s (43):

[نور الهدى]

^^

كمان انا اسفة على التأخير في هاد الموضوع

والله و هالايام صرنا مشغولين و طول اليوم برة البيت للدراسة .. فصعب جدا الاقي وقت لافوت النت .. الله يرحم ايام زمان

طيب

بروح اصلي التراويح و برجع ^^

سلامي الكم جميعا

[نور الهدى]

كل واحد حر باختيار المواضيع الي بيحب يطرحها

وانتي مخيرة بانك تفوتي الموضوع وتردي عليه او لاء

ما في حدا بيجبرك تفوتي المواضيع الي بتسميها (سخيفة)

ومش شطارة نجرح غيرنا ونحسسهم انهم تافهين ونقسى عليهم بالكلام وانوجه الهم الاهانات

وبالاخر نعمل فيها انو بدنا مصلحتهم:icon6:


اشكرك على اعادة انعاش الموضوع من جديد ^^

واضح جدا انك ما رأقتي الموضوع كامل و ما قرأتي بعض الردود في هاد الموضوع

كلامك ردده بعض الاعضاء هون و كان جوابي واضح :)

لكن بسيطة ممكن اعيد الشرح و اتمنى يكون اكثر وضوح و توصل فكرتي الك :icon31:

اختي زهكانة قولك انه اذا ما عجبني موضوع اطنشه و ما ارد عليه في نظري غلط .. ليش ؟

لأنه اولا .. كأعضاء هون علينا مسؤولية .. و مثل ما قلت انه كل اللي بنكتبه بيقرأه غيرنا ، فان كان خيرا فاللهم لك الحمد و ان كان شرا فلازم اللي يشوف الغلط يصحح و ينبه

و في النهاية كلنا هنا اخوة نتناصح و بدنا مصلحة بعض

( و هذا الشيء مش تمثيل و مش عاملين فيها *_^ )

ثانيا .. ليش يكون دورنا سلبي ؟! ليش نكون امعة ؟ مثل ما قالت الاغلبية نقول .. ان احسنوا احسنا و ان اساؤوا أسانا ؟؟

الانسان له عقل و له شخصية و لازم تكون قوية .. اذا شاف شيء غلط و يعارض الصواب يصححه ^^

طبعا باللين و الرفق .. و نحنا هون ما عم نجرح حدا .. لكن قبل هذا الموضوع كان في تنبيهات و الكل طنشوها :(

لذلك الشدة احيانا مطلوبة .. و لكل مقام مقال ،، ولا شو رأيك :)

عموما تسلمي على مرورك و ابداء رأيك

:s (43):

[مجدلاوي فايع]

بس فعلا كلام الشباب صح افتحو اقسام الالعاب والنكت ببطلو يحطو هانا و عالعام

يعني مش لازم كل اشي جدي جدي .,.. بتصير ملل ... يكون جد ومزح

هادا رأيي

[d7oomy]

كلامك فيه 50% صح50%غلط كلامك على انو بعض المواضيع تافه اختلاف معاك احسن تعبير غير هادفة لانو في اشخاص بيحبوا اذا صار معهم موقف معين بتحب تكتبوا بالمنتدى حتى تشوفوا الناس انت ماتقدر تحكم على هذا الناس لانها طبيعة في حياتهم وبيشوفوها صح100% فكيف بدك تحكم عليهم.



ووووووووووووووووووووووووووووووووودم تم بوووووووووووووووووووووووووودم

[Mira]

مرحبا
انا برأي انو ماحلو منك انو تحكي سخيفه وهيك حكي لانو كل واحد حر بحالو شوبحب يفوت اي مواضيع
اوقات الواحد بكون قرفان حياتو فبدو يجي ليمزح ويضحك شوي
مابيصير تكون حياتنا كلها جد وممنوع اللعب والمزح ماصارت حياه هاي
وبعيد انو الي مابحب مواضيع المزح والضحك مايفوتها ومايحكي عن الناس الي بفوتوها او الي بحبوها سخيفين
لانو لكل واحد منا تفكير وشخصيه بتختلف عن التاني

هذا راي
شكرا

[حارسة الأقصى]

السلام عليكم
والله صدقت يا أختي وأنا معك لازم موقع مثل هذا الموقع يكون جد محترم لأنه واجهة لكم ياشباب فلسطين فمثلا أنا كسودانية مرتبطة بطبيعة اني مسلمة بأرض فلسطين و أحس بالقهر الشديييييييييييد عندما أدخل هذا الموقع و أرى مثل هذه المواضيع وأحس باحباط :مادام هؤلاء شباااب فلسطين يتعاملون بعدم الجدية هذه فلماذا ألوم وأحرق أعصابي على القلة من إخواني بالسودان الذين يعتقدون أنه لا علاقة تربطهم بفلسطين؟من أكثر المواقف مأساوية بالنسبة لي:كنت أعمل مقدمة بمعرض تعريفي بقضية فلسطين وأنا أشرح للطلبة أن فلسطين أرض وقف إسلامي و يجب على كل مسلم أن يعمل بجد لتحريرها "إنفعلت شوية" فقال أحد الطلبة لي باللهجة السودانية: يا اختي إتني منفعلة على شنو و حارقة دمك؟هم الفلسطينيين نفسهم بيعاكسوا البنات بالشوارع مادام هم ما بقوا جادين وانشغلوا بقضيتهم ليه نحنا ننشغل؟فقلتله ليش تعاقب شعب كامل باللي عملوه السفهاء منهم و بكل أمة في ناس بتتضرف غلط.
لما يدخل مثل هذا الشاب على هذا الموقع " الواجهة" ماذا سيكون رد فعله؟
ولماذا تضعوننا بهذه المواقف الحرجة؟؟؟أرجووكم لو سمحتو
خليكم جادين وأنا لست ضد الفرفشة بس مثل ما قالت لكل مقام مقال و حتى الفرفشة لها حدود
دمتم ذخرا للأمة...