هل يحق للأهل تفتيش جوالات اولادهم.. ??!!

[nmds84]

][ السـلام عليــكم ورحمة..الله وبركــاته][


أود ان أتطرق لموضوع في غايه الأهمية وهو الجوالات والابناء


جميعنا يعرف ان الجوال اصبح في متناول الجميع وعلى جميع الفئات العمرية


ولايكاد يخلو من اي بيت فحتى الصغار اصبح لديهم جوالات .


وجميعنا يعرف ان الجوال لم يصبح وسيله للإتصال فقط بل اصبح فيه مالم يخطر على بال احد


في يوم من الايام مثل الكاميرا والبلوتوث والوسائط وغيرها ولايخفى عن الجميع ماسببت
هذه الوسائل من مشاكل ..،،،


وسؤالي ؟؟؟


هل يحق للأهل تفتيش جوالات ابناءهم في كل وقت ؟
هل يعتبر الجوال من الخصوصيات حتى للصغار والمراهقين ولايجب على الأهل الاطلاع عليه ؟
مادور الأهل في مكافحة هذه الظاهرة وماهي الحلول لذلك ؟


اتمني اشاهد ردودكم ومناااقشاتكم ..

[الصمـــ رفيق الصحراء ــت]

لا


حاجه خاصه لانها


وتحياتي

[CR@ZY DOLL]

لا تبعآ


لانو اكيد مش رح يعجبهم اللي رح يلائوو ههههههههههههآ


لا عنجد ^^

متل ما أآل / أآلت الصمت رفيق الصحراء ^^ اشي خاص

[اميرة باخلاقها]

اوف كورس نو

مش ما بيحئلهم لا بالعكس بيحئلهم يطلعو فوق راسنا كمان

بس متل ما حكا الصمت حاجة خاصة مش حلو حد يلعب فيها

شكرا على الموضوع الحلوو

[نداء الوطن]

هل يحق للأهل تفتيش جوالات ابناءهم في كل وقت ؟
اكيد بس طبعا كل شيء لازم يكون منطقي وبحدوده
وبالذات لما بكون اللي حامل الجوال مراهق
هل يعتبر الجوال من الخصوصيات حتى للصغار والمراهقين ولايجب على الأهل الاطلاع عليه ؟
طبعا لا
المراهق بالذات بده مين يكون جنبه عطول
وهالايام لازمه مراقب بعد ما تطورت الجوالات
مادور الأهل في مكافحة هذه الظاهرة وماهي الحلول لذلك ؟
الصراحه تكون موجودة من الاول بينهم
واكيد التربيه الصحيحه
لحد ما انه اللي بحمل الجوال منه لحاله ما يوقع بالخطا بقناعته الشخصيه

[السيف عدي]

في راي ،،، لا

لانها متل ما قالو الشباب والصبايا اشي خاص ،،

لكل شخص مساحة من الحرية في الحياة ،،

تقبلي مروري وشكرا على الموضوع الرائع ،،

[.:.!دموع الرحيل!.:.]

هل يحق للأهل تفتيش جوالات ابناءهم في كل وقت ؟

أكيد .. عادي بحقلهم .. إذا أهلي ما بحقلهم .. مين الي بدو يحقلو !!

بس طبعا .. مش انو يفتشوا كأنه مش واثقين فيني .. ساعتهـا هاي الحركة بتقهر ..

امـا حبوا يشوفوه ويشوفو شو في بقلبه .. عـادي .. بالعكس .. على قلبي أحلى من عسل ^^



هل يعتبر الجوال من الخصوصيات حتى للصغار والمراهقين ولايجب على الأهل الاطلاع عليه ؟

ما في خصوصيـات عالأهل .. ! اذا الإبن أو البنت عارفين حالهم ما بيعملوا شي غلط ..

ليش ليخبوا على أهاليهم ؟!

وإذا كان في غلط .. ساعتهـا انا مع انه الأهل يفتشوا باغراض الأولاد .. ليعاقبوهم :icon28:

مادور الأهل في مكافحة هذه الظاهرة وماهي الحلول لذلك ؟

التوعيه من البداية ..

ثم التوعية ثم التوعية ..

ومراقبة بدون ما يحس الولد ..

غير هيك ما يسلموهم الموبايل من هني وصغار كتير !

كل شي إله حدود ..

//

تسلم ع الموضوع ^^

[الرمشـ الحساسـ]

انا مع رأي نانتــــــــــــي..

ويسلمو..

:)

[HaDoOoL]

انا مع راي دموع الرحيل..
ويسلمووواا..

[Abu Shadi]

طبعا ممكن ليش لاء

انا بتصدف اوقات الوالد بطلب جوالي

بعطيه اياه وبغيب عنو شي نص ساعة ساعة لحتى ياخد راحتو وهو بفتش

والحمد لله والدي عارفني كيف انا

طبعا حكالي كثير كلام على الجوال بس زهق لانو لا حياة لمن تنادي

ولكن ما زال بحب يتطلع للجوال لحتى يطمن علي

وانا بحب بصراحة يكون عندو علم بأفعالي

لحتى ان بيوم انزنقت لا سمح الله اقدر اخبرو ويكون هو الحل من مشكلتي

وتحيتي وتقديري الك...

[][ أحـلام البنفسج ][]

عادي ليش لأ ما في مشكله

عادي

عادي

^_^

ميرسي الك

[Maram .. ~]

ليش لأ..

أنا أصلا مرات بخلي الموبايل بأوضة ماما و بروح انام..

يعني عادي ..

شكرا كتير ع الموضوع..

:)

[جرحٌ بملامح انسان]

ممممممممم

للمراهقين والاطفـال لازم تكـون مراقبـة ..

الشباب الكبار ..

ما أظن في لازم لهالشي ..

لأنـه صاروا كبـار .. وبيعرفوا شو بيعملوا ..

لكـن بنفــس الوقــت ما يكون الجـوال شي ممنوع عـن الاهـل يعني ..!!

تسلــم ..

[..::شذى القلوب::..]

أما أنا رأي فهو طبعا بيقدر الأهل إنهم ايفتشوا موبايلات أولادهم و بناتهم ..
لأنه في هذا الزمن صار الأبناء ايساوا أشياء مو منيحة مثلا إنك اتلاقي بنتك معطية رقمها لواحد من الشارع أو العكس ..
و أنا ضد هاي الفكرة كمان لأنه بتلاقي أبناء حاطين أشياء خصوصية لإلهم في هذا الموبايل ....
بس إذا كان الأهل بيثقوا بأبنائهم و عارفين إنهم مش راح يعملوا أي شي خطأ فمش راح إيفتشوا الموبايل أمل إذا كان الأهل شاكين بأولادهم فإشي طبيعي إنهم راح إيفتشوا موبايلاتهم ......
ولا إنتو شو رأيكم ......

[نابلسية كححح]

أكيد .. عادي بحقلهم .. إذا أهلي ما بحقلهم .. مين الي بدو يحقلو !!

بس طبعا .. مش انو يفتشوا كأنه مش واثقين فيني .. ساعتهـا هاي الحركة بتقهر ..

امـا حبوا يشوفوه ويشوفو شو في بقلبه .. عـادي .. بالعكس .. على قلبي أحلى من عسل ^^





ما في خصوصيـات عالأهل .. ! اذا الإبن أو البنت عارفين حالهم ما بيعملوا شي غلط ..

ليش ليخبوا على أهاليهم ؟!

وإذا كان في غلط .. ساعتهـا انا مع انه الأهل يفتشوا باغراض الأولاد .. ليعاقبوهم :icon28:



التوعيه من البداية ..

ثم التوعية ثم التوعية ..

ومراقبة بدون ما يحس الولد ..

غير هيك ما يسلموهم الموبايل من هني وصغار كتير !

كل شي إله حدود ..

//

تسلم ع الموضوع ^^




تسلميلي يا ننووش شو كلامك جواهر :s (43):

عنجد زي افكاري بالزبط :icon31:

وهادا هو الكلاام الصح

يسلمو لطلرح المضوووع