قصة من تأليف أعضاء المنتدى

[،،عـيـون الوجـد،،]

السلام عليكم ورحمة الله وبركاته..

مرحبا ياأغلى أعضاء
خطرت ببالي فكرة وهي تقريبا لعبة فأحببت أن أضعها بين أيديكم
مارأيكم أن نؤلف قصة أو رواية
وطريقتها أن يكتب كل منا جملة من القصة فمثلا أبدأ أنا بجملة فيكملها العضو الذي يرد بعدي ونطلق عليها أسم عندما ننتهي منها وتكون من تأليف أعضاء المنتدى
أتمنى أن تروق لكم فكرتي
يالله ياشباب العضو يلي يرد الأول هو يبدأ القصة

ودمتم بود..

[smile_4_arwa]

فكرة كتير حلوة بس المشكلة مو عارفة شو بدي أبدا
مممممممم لح تكون البداية
كان يا مكان كان في....وانتو كملوا
^^
تقبلي مروري

[،،عـيـون الوجـد،،]

كان هناك قرية هدئه وفي هذه القرية مجموعة فتيان
يلي بعدي يرد يالله لا تخيبوني
انتظر آخر القصة بفارغ الصبر يالله

[أنين]

فكرة رائعه حبيبتي ريااحنه

بس مكان الموضوع قسم القصص

راح يتم النقل لقسمـ القصص

[Maram .. ~]

^^

[اميرة باخلاقها]

اممممممممم

فكرة كتير حلوة والله

راح اكمل

كانو هالفتيان اصدقاء لدرجة كبيرة وبحبو بعض
وما بفارئو بعض ابدا

وكان الاول اسمو علي
والتاني سعيد
والتالت سامر
والرابع ماجد

قررو انهم بس تيجي العطلة الصيفية يطلعو رحلة تخييم على الجبل
وفعلا خلصت المدرسة واجت العطلة وكل واحد منهم جهز حالو

وانطلقو بهالرحلة بأمان الله وهم مبسوطين

بس وهم ماشيين سمعو صوت غريب..........

كملو انتو


يسلمو على الطرح

[Maram .. ~]

^^

[،،عـيـون الوجـد،،]

شكرا لكي اختي شيماء على الرد تسلمي وانا راح اكمل القصة
اتجهوا لمصدر الصوت حتى يعرفوا ايش هو لكن الخوف دخل الى قلب سامر وفضل البقاء في مكانه
وطلب علي وسعيد من ماجد البقاء معه وتركا امتعتهم وذهبا لستكشاف الصوت لوحدهما يلي بعدي يكمل مشكورا لا مأمورا

[blue-girl]

ياااييي

تحمست

طيب ... رح اكمل

بعد ما راحو ماجد و سعيد و اختفو عن نظر سامر

بقى لحالو هل سامر و حكى ما اهبلني ما انا هلاء خايف اكتر لاني لحالي

نادى عليهم بس ما ردو

حاول يشغل حالو في الشنت و الاغرض

بس ما زبط معا الموضوع

قرر يروح ع الطريق يلي مشيو منو

و يترك اشارات ورا عشان لو صار و رجعووو بس في هاد الوقت كانو سعيد و ماجد ......


يلا كملووو

[NIGHT QUEEN]

تمام والله

وتم التثبيت يا عساسيل

^_^

[Celestino]

ياااييي

بعد ما راحو ماجد و سعيد و اختفو عن نظر سامر

بقى لحالو هل سامر و حكى ما اهبلني ما انا هلاء خايف اكتر لاني لحالي

نادى عليهم بس ما ردو

حاول يشغل حالو في الشنت و الاغرض

بس ما زبط معا الموضوع

قرر يروح ع الطريق يلي مشيو منو

و يترك اشارات ورا عشان لو صار و رجعووو بس في هاد الوقت كانو سعيد و ماجد ......


يلا كملووو


مرحبا .. كيفكم صبايا ..

مس ريحانه ، مس smile_4_arwa ، مس أنين ، مس شيماء حسين ، مس blue-girl

مس Just_me_Maram و مس NIGHT QUEEN .... تحية لئلكم على الفكرة الرائعة ..

بدي اشترك معكم بالقصة لو سمحتو ..

بس بدي بعد امركم اشرح فكرة بدنا نمشي عليها في تأليف القصة كرمال

تكون دراميتيكة ومثيرة وتستمر فترة طويلة ..

في اول المشاركات .. بدي نرسم فكرة عامة عن احداث القصة وما نفوت كتير

بالتفاصيل الصغيرة ..ونلمح على احداث كبيرة راح نفوت فيها في الحلقات الجاي..

كرمال ما نحرق القصة في اولها .. وبعدين شوي شوي نفوت

بالتفاصيل ... اوكيه ،،، يلا نبلش على رواق ..

في هادا الوقت كان سعيد وماجد بالقرب من صوت غريب سمعوا بالقرب

من الوادي المظلم وهو صوت قريب للصوت البشري بس مخيف جدا وغريب جدا ..

كان سعيد وماجد مذهولين من وحشة المكان وغرابة الصوت .. والعرق عم ينزل منهم

صرخ عليهم سامر من بعيد (( سعيد ... ماااجد )) وكان صوتوا عم يحدث صدى في كل

ارجاء الوادي والمنطقة .. سمعوا سعيد وماجد ورجعوا لئلوا وخبروا عن اللي شافوا ..

وهون بلشوا يفكروا منيح في انو هادا الجبل .. فيوا سر كبير ومن هون اتفقوا على

انوا يحلو السر هادا خلال اجازتهم وما يرجعوا الا ومعهم حل السر لهادا الجبل المخيف..

[blue-girl]

وهيكـ .. بلشت الرحله المثيره

لكشف سر هاد الجبل

يلي سمعو عنو كتير

و بعد ما قررو انهم يكشفو السر متل ما حكينا

اجتمعو التلات و تعاهدو انو ما يفترقو ابدا

مهما صار

و فعلا بلشو بي الاستكشاف

و لقو انو اغلب الاشجار عم تميل لجهه محدده و هي الجهه الغربيه

و هديك المنطقه يلي بصدر منها الصوت

حاولو يعرفو كل مكان في الجهه الشرقيه

يلي كانت شبه فارغه ما فيها اي شي مثير

اما اول ما قررو يفوتو ع الجهه الغربيه اخدو كل الاحتياطات

و تركو علامات و اشارت ع هم وين ريحين عشان لو صار و بحثو عنهم

و فاتو .........

[اميرة باخلاقها]

اممممممممممممممممم
ولما فاتو شافو حالهم بمنطقة مختلفة تماما عن يلي كانو فيها

دخلو على حديقة متل الجنة كلها شجر وورد وانهار

ما قدرو يفتحو عيونهم من المفاجأة

وصارو يمشو بهالحديقة الروعة ويتلفتو يمين شمال من جمال المناظر

بس فجأة وهم يمشو سمعو صوت صراااخ غرييييييييييب

وكأنو حد بتعذب اتبعو الصوت حتى وصلو لقلعة كبيييييييرة سوداء

والصوت منها بخلي الواحد يتصرصع من الخوف
سعيد وسامر خافو كتير وكل واحد صار يحكي احسن انو نرجع
وبلا منها هالمخاطرة

بس ماجد صار يحكيلهم احنا اتفقنا انو نكمل مع بعض ما بصير نخلف بوعودنا وخلينا للنهاية
هالحكي اثر بسعيد وسامر وقررو يكملو

وصارو يفكرو كيف بدهم يدخلو القلعة..........

كملو انتو

((ملاحظة وين راح الرابع يلي كان بالبداية!!!!!!!!!!!!!!))

[Abu Shadi]

ما يعرفو يرجعو

ولذلك قال محمد اين سنذهب

فرد علي سنذهب للسباحة في بركة ابو راشد

قالو واين تقع هاي

قلو على اول الطريق ميل على الشمال

وتوتا توتا خلصت الحدوثته

واجا ابو الفولة دبح الكتكوتة

وشندقليله وشندقليله والله يعين ستو على هالليلة

تحيتي

[اميرة باخلاقها]

ما يعرفو يرجعو

ولذلك قال محمد اين سنذهب

فرد علي سنذهب للسباحة في بركة ابو راشد

قالو واين تقع هاي

قلو على اول الطريق ميل على الشمال

وتوتا توتا خلصت الحدوثته

واجا ابو الفولة دبح الكتكوتة

وشندقليله وشندقليله والله يعين ستو على هالليلة

تحيتي


ههههههههههههههه
اله يعطيك العافية يا ابن فلسطين فوق تعبك

ههههههههههه
يعني دخلت العصر بالمغرب
وخلطت الحابل بالنابل
ههههههههههههههههههه

على العموم مشكووور كنا بواد حطيتنا بواد تاني

[،،عـيـون الوجـد،،]

اممممممممممممممممم
ولما فاتو شافو حالهم بمنطقة مختلفة تماما عن يلي كانو فيها

دخلو على حديقة متل الجنة كلها شجر وورد وانهار

ما قدرو يفتحو عيونهم من المفاجأة

وصارو يمشو بهالحديقة الروعة ويتلفتو يمين شمال من جمال المناظر

بس فجأة وهم يمشو سمعو صوت صراااخ غرييييييييييب

وكأنو حد بتعذب اتبعو الصوت حتى وصلو لقلعة كبيييييييرة سوداء

والصوت منها بخلي الواحد يتصرصع من الخوف
سعيد وسامر خافو كتير وكل واحد صار يحكي احسن انو نرجع
وبلا منها هالمخاطرة

بس ماجد صار يحكيلهم احنا اتفقنا انو نكمل مع بعض ما بصير نخلف بوعودنا وخلينا للنهاية
هالحكي اثر بسعيد وسامر وقررو يكملو

وصارو يفكرو كيف بدهم يدخلو القلعة..........

كملو انتو

((ملاحظة وين راح الرابع يلي كان بالبداية!!!!!!!!!!!!!!))




والرابع الي هو علي لما كانو عند مدخل الغابة هو وسعيد اتفقوا ان كل واحد يروح بطريق
طبعا سامر وماجد لحقوا سعيد وبلش علي بالطريق لحالو
ولما كان سعيد وسامر وماجد في طريقهم الى القلعة خطرت فكرة لدى سعيد الي هي يراقبو القلعة يوم كامل
بحيث يعرفوا متى يفتح الباب ومتى يتسكر وكيف اشكال سكان القلعة
يالله حبايبي الي بعدي يكمل

[،،عـيـون الوجـد،،]

يالله حبوتبي ريحانه كملي القصة
اتجهو الى الجبل القريب من القلعة لكي يتسنا لهم مراقبتها بكل يسر وسهوله دون ان يلحظهم احد
هناك رأو كهف صغير فاتجهوا اليه ودخلوه وكانت المفاجئة قد وجدو صاحبهم علي وقد كان ممدد الساقين
ويغط في نوم عميق واحدا رجلية فيها جبيرة من الخشب
تتتتتتتتتككككككككككككككككككفففففففف فففففففففففوووووووووووووووووووووننن نننننننننننننننننننن كملوا القصة
الله دخيلكم طلبتكم لا تخيبوني وينكم ياأحبابي

[كنعان الفلسطيني]

وبعد ذلك حاول الاصدقاء ايقاظ علي من الغيبوبة لكن المفاجئة كانت برجل يلبس اسود وعيون حمر فذهل الاصدقاء من الرجل الغريب فحاولوا الهرب لكن...................
ششششششششششششششششششششششش
طفيت التلفزيون.......حد يكمل

[براءة حرب]

انا بصراحة مو عارفة اول القصة ما اقدر اكمل سووووووررررررررري

[Abu Shadi]

هههههههههههههههه

ماشي يا شيماء خلتيهم يكملو القصة

له له له

يا جماعة الي ما بعرف بداية القصة ينهيها بقصة تانية

تحيتي وتقديري للجميع

[اميرة باخلاقها]

اوكي راح اكمل

بعد بس طلعلهم هالرجل يلي شكلو بخوف

اتجمدو محلهم مساكين وكل واحد صار يندب جظو ويحكي يكطع يومي شو دخلني بهالقصة انا
ما كنت نايم وماكل وشارب ببيتي ضروري اعمل حالي بطل

المهم كل واحد صار يخبص حكي من الخوف

اقترب هالرجل

وصار يضحك

وحكالهم يا تيوس ليش خايفين

انا شفت صاحبكم مرمي على الطريق جبتو هون وطعميتو وشربتو وهلأ نايم يخرب عئلو خم نوم شكلو

المهم كل واحد منهم صار يضحك وانبسط انو ما طلع هالزملة الا مزارع على باب الله

وسألهم ليش انتو هون؟؟؟؟؟؟؟؟

حكولو احنا حابين نكتشف القلعة يلي بطلع اصوات غريبة

ما شافو والا هالزلمة نط من محلو وحكالهم اسحو يا شباب

ما في حدا دخل هالقلعة وطلع منها سليم

دايما بطلعو جثث

وهم سمعولك هالكلمة وصارو يولولو

المهم فز ماجد من محلو وحكا انا راح اكتشف سر هالقلعة حتى لو بدو هالشي يكلفني حياتي

سامر وسعيد حكولو اسكت يا شيخ

بحكيلك بطلعو جثث

الله يصلحك خلينا نروح عند امياتنا احسنلنا

طبعا ماجد اصر على موقفو

وفي هاللحظات صحي علي

والزلمة مش داري عن الدنيا

المهم حكولو عن القصة والتاني اتحمس وحكى انا راح اكمل مع ماجد


تعبت

كملو انتو

[،،عـيـون الوجـد،،]

ماجد وعلي سألوا المزارع عن حاجات تهمهم من امر القلعة
وحكالهم انه يوجد طريق يوصلهم للقلعة من ناحية الجبل
لكن مايقدروا عليه الا قبل الفجر بشوي
جهزوا حالهم بالعصي والسكاكين
والحبال ودخلو ا القلعة بحذر شديد
كان قدامهم سرداب طويل يوديهم على تحت
وبعيد عن السرداب شوي باب محكم الاغلاق
وفي هالحظه كان الحديث يدور بينهم مع اي طريق بيفوتوا منه
لاحظ علي انه النافذه العلويه من القلعة انفتحت وظهر نور خفيف من الغرفة
لما شافوا النافذه مفتوحه ابتعدوا عن فكرة الدخول من الباب او السرداب
وقررو الدخول من النافذة
طبعا بها الحاله علي لا يستطيع الصعود عشان الالم يلي برجله
عملوا عقده بالحبل وتسلق ماجد شجره كانت بجانب المدخل يلي من عند الجبل ورمى بالعقده على نافذة الغرفة بعد عدت محاولات استقرت العقدة بالمكان المناسب وبدأ القلق يدب في قلب ماجد اذ انه سيواجه المهمه وحده الله يكون بعونه ولما تمسك ماجد بالنافذة
لاحظ شئ غرييب مايدري شو هوا
صررراحه انا خفت من المشهد كملو انتو

[мίsş вε ηίcέ]

ماشي ..بدي اكمل
ولما ففات امجد عالغرفة استغرب كتيير..كانت الغرفة واسعة كتيير وفاضية
وكان الهدوء مخيم عاوضع..وفجأة.. هجم عليه غراب اعور كبير من الشباك المفتوح..
خاف امجد كتيير..عمرو ما شاف هيك غراب..حاول يبعد عنو ويهرب منو بهالغرفة الواسعة بس ما قدر
وفجأة..طبت ايدو لامجد بصخرةبالجدار وتحرك الجدار وما شاف حالو الا بغرفة تانية كانت ملانة بأواعي سود
ومن فتحت الباب شاف ناس عم يمشو بصفوف متوازية ورا بعضو لابسين اسود بأسودومش مبين منهم اي شي
فقرر انو يلبس من هالاواعي ويمشي معهم ويشوف ايش في

خلص حبل افكاري بس الحكاية مستمرة
كملو يالله يا حلوين......:icon31:

[MoHaDe]

يسلمو حجة عالموضوع النكشة
بنكمل القصة ..

لبس ماجد هالاسود ومشي وراهم ضلهم وما لاقى الا علي ورا
المهم مشيو الجوز ورا هالماشين بمشو بمشو بمشو باالاخر وصلو لعند درج طويل ملفلف بنزل تحت الارض وضيق بحيث انو بوسع لشخص واحد المهم بلشو ينزلو مع العالم لتحت لحتى وصلو ساحة كبيرة كبيرة بتجمعو فيها الناس هدول لونها اسود ومحاطة بمشاعل نار عالحيطان وعالحفف حمم بركانية المهم مرةوحدة كل الموجودين اطلعو قدامهم واطلعو عشخص لابس احمر باحمر ومعو عصاي (((( شكلو ابليس خخ المهم اطلعو علي وبلش هداك الزلمة يبربر ويحكي بلغة نص مفهمومة بحيث انو بحكي الكلمة عادي وبضيف اخرها حرفين زيادة بلش يقول للعالم انا اليوم جمعتكم لحتا اقلقكم كم شغلة كلياتكم دخلتو عقلعتي لحتى تكتشفو شو فيها و طبعا كل واحد منكم وقع بفخ وانا طلتو وانقذتو وعملتلو سحر يسطل شوي وهلا بدي اشيل السحر عنكم بشرط انكم تخدموني لمدة محددة واللي بكون فيكم مخلص ومنيح راح يبطل وراح اقلو سر القلعة

يلا انا بوقف لهون كملو يا شبيحة

[بنت فلسطين المجروحة]

كمل حكيو ا وقال :(( بس اللي بفكر يطلع قبل هالفترة راح ارجع اسحره وارجعه هان واعذبه))

وفجاة سموا صوت اشي بوقع

فطلعوا ناحية الصوت اللي كان نتيجة العصا اللي وقعت من ماجد



فهل هينكشف ماجد ؟
تابعوا مع رد العضو القادم :9

[мίsş вε ηίcέ]

وبعدين معكم ايمتى ناوين تخلصو هالقصة
خلص انا رح اريحكم منها..::::

خليكم مع التكملة::


وفجأة سمع ماجد صوت واحد معصب بحكي



cut


عيدو المشهد............................. ..........

ههههههههههههههههههه
هههه
هههههههههههههههههههه

وتوتي توتي خلصت الحتوتة
على رأي توم اند جيري


THE END :showoff: