المساعد الشخصي الرقمي

مشاهدة النسخة كاملة : نقــاش :: طلــعــت النا في السحبــة ( الآل والئلنا ) والتصنــع !!


محمود
06-05-2008, 06:49 PM
السلام عليكم ورحمة الله وبركاته ،،

شو رايك بانتزاع حرف ( القــاف ) من اللغــة العربيـــة ،،

وخصــوصا ً هـالشي بنتشــر عند معظم البنات في الانترنت هاليوم ..

يعني في الكلام ماشي حالو ما حدا بحكي شي عنو ..

لكن في الكتابـــة كمان !! هالشي بكون فقــط مش طبيعي ..

معناة الكلام مغالاة مش طبيعية يمكن يكون الها أكثر من تفسير ..

انه هالشخص يعرف الي قباله انو بحكي بالآل والئلنا (( الحضارة والاتيكيت ))

يعني صارت الحكايــة انو هالبنت راقيــة ( رائية ) أو هالشب راقي ( رائي ) لما يحكي بهيك لغه ..


لأنو ازا كانت طبيعــة الإنسان يحكي ( بالآل والئلنا ) أكيد طبيعته يكتبها بالقاف ..

لأنو أكيد ما مرق ( مرء ) امتحان وكتتب فيه بهادي الصيــغة أو بالحياة كلها ما بتكتب هيك ..


احنا بنفتخر بلغتنا العربية مثل ما هيي ،، واحنا بنتشرف بأصولنا العربية و الإسلامية ..

الي مبني على حروفها القرآن الكريم ( القرآن ومش الئرآن ) ..

أتمنى انو تكون عزتنا بدينا مش بالاتيكيت ..

وحلو حرف القاف على الأقل أول حرف من كلمة ( قلب ) ..

ولو قلبنا حرف القاف لـ ( كاف ) بتصير مشكلة طبعا ً ..

لهيك عزته في أصلــه ..

ولازم تكون عزتنــا في أصلـــنا ،،

والي شد انتباهي اكثر لهشي انو بعض الاعضاء كانو يكتبو بالأول

بالـ ( قاف ) أما هلقيــت ما بعرف شو الي اتغيـــر !!

كأنو اتطبعـــوا من جديد في هاللغــة وهاد ان دل ما بدل الا عن مصداقيــة كلامي ..

بس ما تكون شوية دلع مش أكثر ولا أقــل ..

حلو الإنسان بطبيعته مهما كانت كيفيته والتصنع بالمرة مش حلو ..

ومحلاه من هيك تصنع ..

موضوعنا مووضعين ( التصنع ~ وحرف القاف ( ئصدي الئاف ) ،،

والله يسترنا من الجاي لســا ..

..

كل الاحتــرام ..


:s (43):

:s (43):

حنين الروح
06-05-2008, 07:38 PM
كلامك كلو 100% صح ..

وهالشي كتييير منتشر بينـا احنا البنات ...

وعن جد شي بقهر ...

إنو احنا بدون شي لهجتنا بعيدة عن اللغة العربية الفصحى ...

كمان نغير حروفها ...!!!

أصلا الكتابة ( بالآل والئلنا ) صعبة كتير ..

فما بعرف شو الميزة اللي فيها !!! ..

يسلمو ايديك أخي ع الموضوع المهم جداً ..

واللي لازم ننتبهلوا قبل فوات الأوان ..

وأكيد لازم نفتخر بلغتتـا ..

أعظم لغة لأعظم دين ...

لغة القرآن الكريم ...

ونحـافظ عليها ...

يعطيك العافية اخي ...

والله يجزيك الخير ...
:icon31::icon31:

ابنة الشتات
06-05-2008, 07:40 PM
أهااا

لفته حلوة والله يا محمود

يعني شو هلأ أكيد لغتنا العربية الأصيلة هي الأساس لا شك

بس كمان يعني كلو واحد الو لهجته
الي بيحكي بلآل والي بيكي بالقال والي بيحكي والكال

وبطبيعة الحال والواحد بيحكي بهجته

بس كماان في أشيا مبالغ فيها مثلا

يعني بالنسبة الي لما بدي أحكي (الآن) بحكي هلأ وبكتبها كمان هلأ مش هلق! بحسها دفشة ازا بتنكتب هلق

اما في كلمااات تانية يعني بحسها مياصة ازا بتنكتب بالالف مثلا
ازا بيكتبو (ئلبي) بدل (قلبي) >>مياصة!


وبالنهاية شو رايكم نعمل حملة نحيي فيها اللغة العربية الفصحة الأصيلة ؟
فكرة مو^_^

السيف عدي
06-05-2008, 08:55 PM
احتراماتي اخ محمود .. انا بخالفك في الرأي وبعتقد انو من حق اي بنت او شب يختار اللهجة اللي بحبها وبرتاح انو يحكيها .. حتى في الكتابة حلو انو البنات يتدلعوا وهالشي صفة فيهم .. ما فيها شي .. .. تحياتي

الفتاة المشرقة
06-05-2008, 09:04 PM
مشكور اخي بارك الله فيك

موضوع حلو ويستحق النقاش فيه

انا كثير بشوف ناس بحكو عادي بس على الايميل بالآل

انا من جهتي ما بحكي بدل هسه او الان لانو في ناس ما بحبوها هلأ ومش دائما يعني الناس الي بحسهم ما رح يفهمو غير هلأ بكتبها وبس

مشكور

ضوء الشمس
06-05-2008, 09:06 PM
وأنا معك في كلامك 100%

لو أحد أجنبي بدك تعلموا اللغة كيف راح يتعلم الكتابة



طبعا ماراح يتعلمها الا باللغة الأصلية



مش كمان نقعد نحرف في اللغة العربية



لأنوا الها أصولوها ومفاهيكها ومعروفة انها لغة العرب الفاتحين



مش نروح احنا نفتح حروف جديدة ونقلب في الكلمات



بحس البنات بغيروا وبتصنعوا بحالهم كتير



الشاطر الي بعتز بأصلوا مهما يكون هوا



في أي مكان البنات بروحوا



بدبوا كلوا دلعهم وبقعدوا يتصنعوا




طبعا مو كل البنات



وطبعا بالنسبة الي مابتتدخل عقلي الا البنت



لأنوا أولها بحرفوا في حارف القاف لآل



راح يتزود الاشي في المستقبل


طولت في الكلام


أنا مابحب أحكي كتير بس البرم أخدني



خير الكلام ماقل ودّل


يعطيك العافية أخي محمود


موضوعك في وقتوا

.:.!دموع الرحيل!.:.
06-05-2008, 09:06 PM
كلامك سليم وتمام 100 % يا محمود ..

مع انه عنـدي شك انه بعض البنـات لما يحكوا هيك ما بكون قصدهم تصنع أو دلع .. أو يتبرؤا من حرف القـاف ..

بس في مجموعـات تانيه فعلا التصنع راكبها ركب .. وهول الي بيقهروا

هاي إذا البنـات .. فشو حال الشبـاب ؟! ( يا وردي )

هلأ البنـات الي بيحكوا بهالطريقة بدون ما ينتبهوا انها مياعه .. أو إنهـا مش حلوة بحقهم .. لازم

ينتبهوا لهالأمر ..

اما الصنف التـاني اللي بيتقمص هالشخصية المايعه تقمص .. فلازم

يحسنوا من نفسهم كتير كتير

أمور قبل ما يحسنوا هاي الشغله ..

لأنه الواحد يركب على حاله شخصيه بالقوة .. دليل ضعف .. بالذات ..

وعشان يعوض عنهـا بسلك هيك طرق ..

والله يصلح الأحوال ..

و على قولة حنين

إنو احنا بدون شي لهجتنا بعيدة عن اللغة العربية الفصحى ...

فعلا قهرة .. نقوم نحـن نبعد حالنـــا عنهـا حتى بالكتابة ..

أصلا من ضمن الأشيا الي بتقهرني بنظامنـا هون بالمنتدى انه كلنـا بنحكي بالعامية

بكل المواضيع .. وانا أولكم ..

وعشـان هيك عجتني فكرة ابنة الشتـات .. يا ريت تطبق ..

وانا أول المساهمين فيهـا

لغتنـا لازم نفتخـر فيـهـا .. ونحييـهـا بينـنـا .. مش نبعدهـا عنـنـا أكتر ..

الله يصلح الأحوال ..

يعطيك العافيه محمود ..

وابنة الشـتـات يالا شدي الهمة بالمشروع .. نحن معك بإذن الله

واذا ما حدا طبق .. محمود بيعمل برمجة للمنتدى انه كل كلامنـا يتحول للفصحى تلقائيـا

خصـوصـي الـ ( ئـ ) ههههههههه

محمود
06-05-2008, 09:07 PM
احتراماتي اخ محمود .. انا بخالفك في الرأي وبعتقد انو من حق اي بنت او شب يختار اللهجة اللي بحبها وبرتاح انو يحكيها .. حتى في الكتابة حلو انو البنات يتدلعوا وهالشي صفة فيهم .. ما فيها شي .. .. تحياتي

اكيد ،، بتقبل رأيك بكل احترام ..

بس منيح انك قولت تدلع ..

بس يا أخي من حقها تدلع في بيتها .. عند زوجهــا ..

مو بين الناس ،، خدش الحياء من خدش الدين ..

في النهــاية باخد من كلامك , انو مجرد ( دلع ) ،،

وبمــا انو دلع مش لازم يدوم ،،

احترامي

:s (43):

.:.!دموع الرحيل!.:.
06-05-2008, 09:12 PM
احتراماتي اخ محمود .. انا بخالفك في الرأي وبعتقد انو من حق اي بنت او شب يختار اللهجة اللي بحبها وبرتاح انو يحكيها .. حتى في الكتابة حلو انو البنات يتدلعوا وهالشي صفة فيهم .. ما فيها شي .. .. تحياتي

يا أخـي هذا الكلام غير سليم

ولا يليق ببنـات المسلمين

قال تعـالى : { ولا يخضعن بالقول فيطمع الذي في قلبه مرض وقلن قولاً معروفاً }

صدق الله العظيم

وهالكلام بينطبق سواء كـان بالحقيقة أو على النـت ..

السيف عدي
06-05-2008, 09:16 PM
أخ محمود شكرا على الرد .. بس في نقطة اهم حابب استفسر عنها .. وهي استغرابي من انو الموضوع مثبت .. مع اتو موضوع بسيط .. ومش مستاهل

التثبيت ، حابب اعرف منك مقياس تثبيت المواضيع هل بعتمد على اهمية الموضوع او اهمية العضو اللي بكتبوا ؟؟؟ بنتظر

الاجابة شكرا لئلك

محمود
06-05-2008, 09:34 PM
بتقدر تسأل هيك سؤال في منتدى الاستفسارات والكل رح يجاوبك ..

أو في منتدى الدعم الفني والشكاوي ،،

أما هون فيه موضوع اله قضية الها احترامها ولازم ياخد حقو في النقاش بدون تغيير وجهة الموضوع ,,

بعتذر عن الإجابـــة ( ولما تحط الموضوع المناسب في المكان المناسب )

بعطيك حقك في الرد أكثر من ما يكون في مكانه ..

..

وبكل الأحوال هالموضوع أكيد أهم من موضوع اسمه (( عاقب عضو وفوتو ع السجن !! ))

الي بعتبر فقط تضييع للوقت ،،

..

لكن رح اجاوبك لأني بدي أجاوبك ومشان الموضوع يمشي بمغزاه ..

الفرق بين الناس انو فيه مواضيع منسوخة و فيه مواضيع مكتوبة ..

ثاني شي هالقضية مهمة جدا ً ، ولو انها في نظرك مش مستاهلة لكن

هالشي بتعلق بنظرتك للأشياء ( نظرتك الخاصة فقط ) وهالشي برجع لشخصيتك ..

وبما انك أديت رايك في الموضوع - اترك المجال لغيرك يناقشو هالقضية -

وبعتقد انو أهمية الموضوع هيي الي خلتك ترد عليه والا لو ما كان مستاهل لو ما فتت ترد عليه ^_* ،،


..

وبهيك بكون خلصت هالنقطة الي زعجتك انو أهمية الموضوع هيي الي بتحدد التثبيت أو لاء ..

وهالشي الي بقدره مشرف القسم ^_^ ،، وبما انها قضية تخص الأصالة الي هيي بنظرنا مهمـة جدا ً ،،

لهيك بنتثبـــو ،

ولو عندك استفسار حطو في محلو لنجاوبك عليه ،،

محمود
06-05-2008, 09:36 PM
حنين الروح ،، أبنة الشتات ،، الفتاة المشرقة ،، ضوء القمر ،،

نورتو ومشاركتكم بتدل ع مدى حرصكم ..

وابنة الشتات مبادرة حلوة والله وفعلا ً مشروع ممتاز وانا معكم فيه ..

احترامي للجميع ..

أنين
06-05-2008, 09:59 PM
موضوع مهم


معك حئ :icon11: // حق


بس احياناً


الواحد منا مابكون قاصد هـ الشي .. // بقصد البنت طبعاً


يعني الكلمة بتطلع عفوية ,, ومابكون الهدف من وراها زي ما بتحكي


أما النوع الي انتي بتقصده ,, فامعك حق بكل كلمة

السيف عدي
06-05-2008, 09:59 PM
أخ محمود ...شكرا كتير على الاهتمام والرد .. بس انت خلطت الاوراق ببعض بطريقة غير صحيحة ..

اول شي .. انا كنت بقصد بكلمة .. مش مهم .. انو الموضوع عادي .. يعني مجرد موضوع للمناقشة من

الوزن الخفيف ومش قضية شائكة .. متل مناقشة الوضع في فلسطين او الحل الامثل للقضية الفلسطينية .. او ما شابه ..

او مش موضوع متجدد متل العاب الكلمات .. واللي بتعتمد على اجابة كل شخص وبناء عليها بتحدد السؤال اللي بعده ..

وموضوعي .. اللي انت ذكرته ( عاقب عضو ) كان من هادا المنطلق المتجدد ..

عموما .. انا بشوف انو في مشاركات كتير اهم وكانت بتستحق التثبيت .. بس لو كان اصحابها بتمتعوا بصلاحيات ادارية متلك ..

ومهمتك كمدير للمنتدى تعطي لهديك المواضيع حقها في الظهور والتقييم والتثبيت.. قبل ما تثبت موضوعك من اول دقيقة .. وشكرا كتير .. عزيزي

الاماني الفلسطنية
06-05-2008, 10:38 PM
والله يا اخي محمود هوه مش ئصة تصنع او دلع !!


هوه بس الواحد منا بيكتب الكلمة متل ما بيلفظها .. وانا عارفة وما بنكر انو غلط .. وانو المفروض نكتب باللغة العربية ...


ودايما الحج لما يكون آعد حدي وبشوف ردودي بيحكيلي اكتبي باللغه العربية الفصحى .. بس انا بلائي لغة الكتابة اللي


متعوده احكي فيها اكتبها هيه اسهل .. و هيه بتطلع لحالها بدون اي تفكير ..


وما ئصدي والله من كتابتها الدلع او التصنع ... ^.^


الله يعطيك العافية على طرحك لهل موضوع المهم :)

الصمـــ رفيق الصحراء ــت
06-05-2008, 11:34 PM
هههههههههه

صحيح كلامك يا مان

وانا برضوا نفس الشي بعاني من الئال والئيل


يعني مش عارف كيف البنات خاصه


انا نفسي بحد من هده الشغله


وتحياتي الك يا مان

الصمـــ رفيق الصحراء ــت
06-05-2008, 11:36 PM
يختي علي انا

^_^

إسراء الفلسطينية
06-05-2008, 11:47 PM
كلامك كلو صح 100%

و أكيد كلنا منفتخر بلغتنا ،،

و بالنسبة الي ،، قليل لأستعمـل الـئـ بدل القـ بالكتابة

بس بالحكي بستعمل الئـ ،، و هاد شي طبيعي لانو كل واحد عندو لهجتو الخاصة فيه ،، و يلي متعود عليها

و حتى مش بكل الكلمات بيقدر الواحد يغير القـ بالـئـ ،،

يعني على القليلة بالكتابة الواحد يداري شوي :)


،،

و الصرآحة انا استفدت كتير من ورا المنتدى ،، خصوصي من ورا المواضيع يلي بتنكتب باللغة العربية الفصحة

لاني ما بتعلم اللغة العربية الأصلية بالمستوى العالي يلي ببلادنا بعلموه

و لانو من ورا المنتدى ،، صرت أقرأ عربي أكتر بكتير عن ما كنت أقرأ قبل ،، فحسيت انو صار في عندي تغير

في كلمات عمري ما كنت أسمعها .. بس عرفتها و حفظتها و صرت أستعملها ،،

و أكيد انا مبسوطة بهل شي كتير :)

لأنها لغتنا ،، يلي لازم كل مسلم يكون فخور فيها ،،


،،

بتشكرك خيي محمود على موضوعك المهم ،،

يعطيك الف عافية :)

صدى الصمت
06-05-2008, 11:47 PM
معكـ حقـ بكل كلمــة

و لكن انا عن نفسي

ما بكتبـ بحرف الظاد ,, الا لأني حاسة انو فعلا بين اهلي

وكأني في البيت قاعدة وبتكلم مع اهلي

وبعدين في كثير اعظاء بفكــرو انها بياخة مش اكثر

بس هو واقعــي الاسري والتراثي ,

مع اني ما بلفظها بالظاد القوية زي ما بنسمعها في اخواننا في الاردن

لا بتكون ظا خفيفة ومايلة للذال !!

وبحمد ربي طبعا مليون مررررررة !!

لانو في كثير من اهلنا .. حط تحت اهلنا عشر خطوط

تغيرو وترقــو وصارو ( يحكو بــ الآلتلا و الآلتلي )

وفتحت عني على وسعهن لما شفتهــم بكتبو كلمة ( عنـــــجد )

هاظا اللي فالقني في الموظوع بحالو

بس برجع اذكّــر انو كتابتي بالمنتدى وكتابة كثير اعظاء

بترجع للراحة النفسية اللي بنحس فيها في المنتدى

وكأننا في الدار قاعدين حتى مش كأننا هو اكيــد !!

..

اما عن موظوعكـ تاع الآلؤولاتـ تاعـكـ !!

بكرهـ اي حد يقعد يتفلسف قدامي

ويقول طريقة كلام مش تابعة الو !!

يعني اللي بقصدو تمدن كثير شباب وصبايا في المنتدى

مع اني واثقة كل الوثوق انهم على عكس هيك طريقة في الكلام !!




موظوعـ ملفتــ

و حلو النقاش فيهــ

سلمتـ مخيخــاتكـ يمّــاآ ^_*

صاحبة القلم الحزين
06-06-2008, 12:17 AM
موضوع حلو

ومهم


^^



أنا مني و علي

لهجتي و لهجة كل عيلتي و كل قرايبي

بالهمزة

يعني "ء"

بس مش كل الكلمات

في كلمات ما بتطلع معي الا بالقاف

و بكره اللي بحكوها بالهمزة

اما بالنسبة للكتابه

و لا عمري بفكر اكتب بالهمزة!!

لانه لغتي العربي

بغض النظر عن لهجتي!!

وبس


:)

يسلمو محمود

blue-girl
06-06-2008, 07:55 AM
امممم

ليك اخ محمود

من الممكن صح كلامك

بس انا عندي وجهة نزر ناتيه

و هيي

نحنا ما حذفنا حرف القاف من اللغه

بس هيك نحنا بنحكي

اما من ناحة الكتابه لما القى او في حاجه انو اكتب بل ق بكتب

و لتصحيح معلومه

يلي بحكي بلال

ما رح يكون بحكي الئران

نحنا بنحكي القران

عادي

و هاد دليل ع انو نحنا ما شلنا الحرف بلمره

بنستخدمووو

بس

في كلمات نحنا ربينا عليها و هيك بتنحكى

و لما اكتب كتير من الاحيان بكتب بعفويه

يعني ما بنتبه انو الق و الك و الاأ

و ممكن هي مو حلوه ع الشب اها صح

معك حق >> ق

بس انا بلائي انو هاي لهجات

بتختلف من منطقهـ لاخرى

و ع العموم تسلم

ع الموضوع

بس

لانو معروف عنا نحنا يل فسطنيه

انو المدن بحكو بل أ

و بعض الفلحيه ب كـ و البعض ب ق

يعني

ليش ما عترضت ع يلي بحكو

بل كـ

؟؟

و متل ما حكيت قبل انو لما اكون بحاجه لانو اكتب

حرف ال ق كرمال وضح يلي عم بكتبوو

تيفهم عليي يلي قبالي

و ما تنفهم غلط

متل ما وضحت

في حرف ال كـ

في كلمة _ قلب _



و كمان


القهوه

الكهوي

الأهوه

كل الطرق تؤدي الي روما

يعني رح تنفهم

لانو نحنا بنكون عارفين كيف بحكي اصلا هاد العضو

او الشخص

و رح يوصل المعني من معنى الكلام

ع العموم


تسلم

طرح مميز

فلسطينيه والراس مرفوع
06-06-2008, 11:00 AM
معك حق اخي محمود

هو تصنع ودلع بس

يعني الواحد ازا بحكي بالأل عنجد

على الاقل يكتب بالقاف

بس كمان متل ما قالت بلو جيرل

الكاف انقلبت عند الفلاحين كاف

وقرآن ما بنحكيها الئرآن

وما شلنا حرف القاف بالمرة من اللغة العربية ومن حكينا

طرح مميز

يسلموو ايديك اخي محمود

عسولة الأقصى
06-06-2008, 11:43 AM
امممممممممممم,,

القصة مش قصة دلع و لا شي,,

بس احنا هان بالمنتدى بنحكي بالعامية ,,

يعني لغة البيت ,,

و اللي بيحكي فيها كأنو بيحكي صوتا ,,

يعني ما أفرقت ,,

بس اذا كنا بنحكي عربية فصحة,, و قلبنا الحروف ,, و قتها بنعتب ,,

يعني مثلا فوت منتدى خليجي و شوف كيف بيحكو ؟؟

بيحكو بلغتهم,, القاف بتصير جيم !

الجيم بتصير ياء ,,

و هكذا ,,



بتهيألي قلب الحروف مو هو المشكلة ,, المشكلة استخدام كلمات تانية ما الها بالعربية ,,

و دمجها بالعربية,, هاي مشكلة ,,

يعني مثلا استخدام بعض الكلمات الانجليزية ,, أوكي ,, يا مان ,, نايس .... و كتيير غيرها,,


فأنا برأيي انو هاي الظاهرة انتشرت بسبب استخدام العامية ليس الا,,

و لانها من طبيعة البيئة اللي احنا عيشين فيها ,,

أنا ما بحكي انو هاد الشي مو غلط,,

بس بنفس الوقت احنا اللي فتحنا المجال لانو بنكتب بالعامية ,, مو بالفصحى,,

و بعدين عفوا يعني بس في شباب كمان بيحكو هيك :b:

يعني هيك رايي ,,:matrix:

بتمنى تكون الفكرة وصلت,,

تقبلو مروري ,,

و شكرا أخ محمود للطرح ,, :s (43):

السيف عدي
06-06-2008, 02:56 PM
القصة مش قصة دلع و لا شي,,

بس احنا هان بالمنتدى بنحكي بالعامية ,,

يعني لغة البيت ,,



:s (43):

درر يا عسولة .. درر

جرحٌ بملامح انسان
06-06-2008, 02:59 PM
حلــو ..

لفتة نظــر حلــوة ..

لكــن بنفــس الوقـــت .. انه اللي بيكون يحكي الشي وطبيعته هيـكـ من الطبيعي انه يكتبه متل ما بيحكيه ..

يعني لو توسعنا شوي .. ممكن نلاقي كلمات بالعامية بنكتبها احنا هون وهيي الها معنى بالفصحةى .. والمفروض نستخدمها بالفصحة ..!!

برضو هـاد دفــن للغـة ..

لكـــن المشكلــة بتكـــون لمـا يصيــر مبالغة بالشغلة .. وتكون عشان شي معين ..

بالاول وبالاخير ..

الصـح انه نحكي بلغة القاف ..

لكـــن ما في اعتراض بالدرجة هـاد ازا كـان الشي بس مجرد طبيعة تعودوا عليهـا ..

تسلـم محمود على الطرح المتميز ..

تقبـل مروري :)

نسمة بلادي
06-07-2008, 04:05 PM
رح أناقش بمنطلق العامية واللي بتضمن الئال والئلنا

والطرف الاخر اللغة العربية الفصحى

أنا اللي بلاحظوو انه أغلب الاعضاء طريقة كلامهم بكافة المواضيع

باللغة العامية ....طيب احنا ليش ما سألنا نفسنا انه ليش

الاعضاء بستخدمو العامية في ردودهم ؟؟؟

جو المنتدى بزات نفسو هو اللي خلاهم يتكلمو بالعامية رح أعطيك

مثال مرة عضو سجل بالمنتدى وكانت كل ردوده عربية فصحى بعد

أكمن يوم الزلمة صار يحكي بالعامية !!!وكمان أنا من أول ما سجلت

بالمنتدى نفس الشي كانت أغلب ردودي عربية فصحى وتلقائيا صرت

ألاحظ اني كتير صرت أستخدم العامية بالاضافة انه موااضيع المنتدى

بتلعب دور كبير في طريقة الرد يعني مش منطق موضوع كلو مسخرة وضحك

أروح أرد عليه بالعربية الفصحى وللأسف الاعضاء أغلب توجهم لهيك مواضيع

والامر من هيك انه هادي المواضيع غزت المنتدى ونسيوا المواضيع الهامة

والقيمة واللي بتخص القضية الفلسطينية بل والشريعة الحياة.....!!

بنلاحظ انو موضوع أبدا مش مستاهل تافه يعني... !!بتحصل عدد الصفحات

من كتر ما الاعضاء بردو عليه تجاوزت العشر صفحات بينما موضوع قيم والهدف

الاساسي منه الثقافة العامة يا دوب 2_3 يردو عليه فطبيعي

يكون لجوء الاعضاء للعامية ولما عضو جديد يسجل في المنتدى

بحكي خلص هيهم بحكو بالعامية خليني أدلع عليهم.... فجو المنتدى

أعطاهم حافز أساسي للتمادي بعض الشيء ......

ثانيا :_ انه في أعضاء ما بتقنوا اللغة العربية الفصحى لانه

الفصحى مش سهلة

بدها اتقان وبدها مصطلحات قوية وبلاقي اسهل الو يستخدم العامية بس

نسيو نقطة مهمة انه احنا انفسنا لو بدنا نمي لغتنا العربية الفصحى الشغلة بتبذر منا احنا ولو

حاولنا أكتر من جهدنا ساعيتها عربيتنا بتطور للتي هي أحسن بس الاعضاء ما

عندهم هاد التفكير لهيك بنلاحظ الساحات الفلسطينية ابدا ما فيها اقبال والمواضيع

الثقافية حتى ساحة الشريعة و الحياة مهجورة يعني هون السبب شو يا ترى؟!

انه الاعضاء داخلين بمنطلق التسلية وليس للاستفادة والفائدة (طبعا مش الكل)

ثالثا:_ في اعضاء لما يستخدمو العامية بزودوها كتيير وبخص بالذكر

البنات يعني أول تسجيلي بالمنتدى كلمة انصدمت من خلال كتابتها

الي هي( تيب) للترجمة بمعنى ( طيب )بطل حرف الطاء موجود في الكيبورد !!!

يعني مش لهدرجة النعومة

والدلع وكل ما اشوف حدا كاتبها بجد بفرط ع حالي من الضحك بحسها نكتة

والغريب في الامر وفي الفترة هادي بالزات الشباب نفسهم صاروا ينعمو بحالهم !!

وين الرجولة رااحت ؟؟!! والبنت لازم تكون ع قد حالها تكون رااكزة بكلامها !!؟؟

رابعا:_ بالنسبة لاقتراح ابنة الشتات كتير عجبني نعمل برنامج لتنمية

العربية الفصحى عنا وانا رح أكون من أول المساهمين في هادي الفكرة

متل ما أثرت علينا العامية بالاول وصارت أغلب ردودنا بالعامية وتركنا الفصحى

لازم احنا واللي بتقن الفصحى نعمل تأثير عليهم

و كل واحد يبدأ بمعالجة نفسوا .... أنا مني وعليّ أبدا ما تخليت

عن العربية الفصحى الموضوع القيم والمميز هو فقط من

يستحق انه الرد يكون عليه بالفصحى .....

وشكراااا ع الموضوع

تقبل مروري^^

روح الأحلام
06-07-2008, 04:31 PM
مبدرة حلوة منك

ومعك حق

بس اليوم بنات دلع عاميهن وهبل كمان

يعني صور حزن * حزن واكتئاب

وما بعجبهن عجب ولا صيام برجب

تزعلوش صبايا هاي حقيقة فيكن

اصلا انسينى دينا

وغرب عامينى

يسلمو خيو محمود

شمس العروبة
06-08-2008, 10:39 AM
والله تسلم فعلا يا محمود على اثارتك للموضوع دة لانة فعلا بغاية الاهمية

انا لاحظت كتير هنا اعضاء او بالاخص عضوات بدون ذكر اسماء

بيتعمدوا الكتابة بطريقة الال والئلنا على رايك

وما ادرى اية يعنى وجهة نظرهم فى كدة

هل هو نوع من الاستظراف وخفة الدم ولا الدلع المصطنع

احنا حقيقى فى مصر كل كلامنا بننطقة كدة وانا عن نفسى حرف القاف ضايع عندى

بس فى كتاباتى با راعى انها تكون كتابة صحيحة وطبقا للغتنا العربية وبغض النظر عن لهجتى او طريقة كلامى

وربنا يرحمنا من افعال السفهاء منا

كل الاحترام محمود

*ريحانة القلب*
06-08-2008, 03:36 PM
نقــاشك أخي مميز


بالنسبة الي

قبل ما ادخل منتدى شباب فلسطين

كنت ما ارد ع المنتديات الا بالفصحى

بصراحة كنت احس انها بتعمل حاجز اتقيل بين الاعضاء احيانا

ومش دائما .. بس من ناحية تانية لغتي كانت اقوى .. وكنت استفيد


بس شو ما صار ما بتوصل انو اعبر بـ ئـ ,, بالحكي العادي بلفظها ئـ

اما كتابة مو زابطة ..!

بتقلل من قيمة الكلام .. وبتعب القارئ ,, لأنو بدو يتهجى .. ( بتصير معي كتير )



شكرا الك محمود


جزيت خيرا


...

محمود
06-08-2008, 03:51 PM
أنين ،،

يسلمو لمرورك يا حئ ،،

....


هلا الأماني الفلسطينية ،،

عفكرة انا بحكي بشكل عام وما خصصت ،، ومش الكل بتصنع لاني وضحت كلامي فوق

عن فئة معينة ،، عارضت كتاباتكم ، وانتقدت الي بتصنعو .. أما ،،

احنا بنحكي في العامية بس ما حذفنا حروف من اللغــة ^_^

بتختلف اللهجة العامية عن الكتابة بالعامية ،،

لأنو اللهجــة اسلوب اما الكتابة تعبير ووصف ..

وعفكرة كتابة حرف القاف أسهل ،، لأنو حرف ع الكيبورد ،،

لكن كل حروف الهمزة بدها ( شفت + زر ثاني ) ،،

وعلى الأقل العامية أقرب للعربية الفصحــة ،،

..

الصمت رفيق الصحراء ،،

نورت يا بركة ،،

..


اسراء الفلسطينية ،،

^_^

كثير حلو الكلام الي بتقوليه والحمد لله ,,

كلامك ببسط والله يرفع من شانك .,



...
صدى الصمت حلوة الـ ( الآلؤولاتـ ) بالعافية لهجيتها ،،

هههههههههه يا صدى الصمت اكرهيهم كلهم ..

يعطيك العافية ،،

محمود
06-08-2008, 03:53 PM
صاحبــة القلم الحزين ،،

أيوة هي الكلام الي بنحكى ^_^

والله يسلمك ويوفقك يا رب ،،

محمود
06-08-2008, 03:55 PM
باختصار يا بلو جيرل ،،

( الي بحكي قرآن وما بلفظها ئرآن )

بقدر يحكي كل شي بالقاف ،،

وزي ما قولت أعتقد أسهل بالكتابة ،،

وبما انك ما بفهمتي كلامي ،، لانو انا مش معارض ع اللهجة زي ما انتي بتفكري ,,

انا معارض عن اسلوب كتابة اللهجة ×( الكتابة بس )×

محمود
06-08-2008, 03:56 PM
فلسطينية والراس مرفوع 100% ،،

كمان انا بشدد ع كلامك وبوافقك في الررآي فيه ،،

كل احترامي لك ..

sunrise
06-09-2008, 01:21 AM
انا ضد انو الانسان يغير لهجتو ولا لسبب من الاسباب
وانو كل انسان لازم يعتز باصلو ويكون واثق من نفسه
شكرا عالموضوع

.:.!دموع الرحيل!.:.
06-09-2008, 02:38 AM
:icon9:

ابنة الشتات
06-09-2008, 04:10 AM
السلام عليكم...

بس اول شي بدي علق ع نفس يلي علقة عليه نسمة بلادي الا وهي كلمت طيب
الي تحولت بقدرة قادر لتيب هههههههههههههههههههههه

أنا كمان انصدمت فيها :b:


واتني شي بدي أحكيه وهو الأهم

شكرا كتير لكل الي أيدو مشروع احياء اللغة العربية
وفعلا انا جدية فيه بس هلأ ما فيني بلش
لأنو شي شهر زمان ورح اسافر شهرين زمن:wacko:
وحابة انو لما ابلش اكمل وقبل هاي المدرة رح اكون معجوقة شوي :icon5:

بس على الأقل فينا نبلش هيك عشوائيا انو نبدى نرد بالفصحى ع المواضيع الجدي منها على الاقل
لحد ما يبلش المشروع بشكل فعلي :icon9:

كان المفروض أرد بالفصحى هون^_^

الدكتور امير
06-09-2008, 06:08 PM
م م م م
تمام صديقي العزيز
و انا معاك في الي حكيتو

بس ما بعرف ليش الناس و بالذات كتير البنات حكيهم بكون هيك

مشان يعملوا حالهم اتيكيت
بس الله يهديهم

و يحكوا طبيعي

Arabian girl
06-16-2008, 05:23 AM
الصراحة انا بخالفك يا محمود
الشخص مو ادا بحكي بالآل والئيل مو يعني راقي او انو بتصنع هادا الشي بطبيعتو حسب المجتمع اللي هو في بعدين في بعض الكمات اللي انت كاتبها ما حدا بيحكيها من الال والئيل متل الئرئان
وليش علقت ع الئيل والال وما علقت ع الكاف والجاف في سبب محدد ؟؟
مع كل احترامي الك بس هادي وجهة نظري

Arabian girl
06-16-2008, 05:27 AM
م م م م
تمام صديقي العزيز
و انا معاك في الي حكيتو

بس ما بعرف ليش الناس و بالذات كتير البنات حكيهم بكون هيك

مشان يعملوا حالهم اتيكيت
بس الله يهديهم

و يحكوا طبيعي

الله يهدي الكل

بس لانو هادي لغة من اللغات العربية المحرفة متل الكاف في ئال بعدين هادي اللغة النابلسية
يا حلوين
مش انو انا مع او ضد بس انو ليش هادي اللغة بالذات
صح في ناس بتصنعو وما بحكو بطبيعتهم بس في ناس همة هيك اهلهم كانو بيحكو هيك والمجتمع حوليهم هيك فصارو يحكو هيك

مع احتلرامي لوجهات نظر الجميع

الدكتور امير
06-16-2008, 03:18 PM
ممكن لكن ما في احلى من اللغة العربية الفصحى

عاشق البندقية
06-16-2008, 04:29 PM
هيهيهيهي

حبيبي يا حمود انت ابو المواضيع اللي بتيجي ع الوجع
هههههههههههههههههه


المهم

انت زكرتني بعضو من زمان يا جماعة الموضوع مش انها البنت أو الشب بدو يتدلع او بدها تدلع

الموضوع هيك وهيك

في شباب حكو انهم بمتعودين عطريقة كلام معينة مرات بيستثقلو القاف

مثلا انا متعود احكي جهوة

فبحتار اكتبها قهوة ولا جهوة ولا ئهوة

بس بنفس الوقت اللي بيحكي محمود صح بس انما هو سحل لتحت شوي (يعني كبر الموضوع شوي)

وحنا هلا كلنا منحكي عربي مش افرنجي وكلو مفهوم وعندي ما في فرق يا محمود

بس بنفس الوقت ما تطلعلي وحدةخالصة زي اللي كانت ساكنة بمخيم النسيوو

(النصيرات قصدها)

فاهم علي يا استاذ السيف عدي.

الخلاصة اخكو زي ما بدكم بس بدون مبالغة وفي حدوود الخلق والحياء

وكل كلامكم يا عمي صح ,, والله يهديني ويهدي الجميع

يسلمو حموود ع الموضوع

^_^

عاشق البندقية
06-16-2008, 04:42 PM
أخ محمود شكرا على الرد .. بس في نقطة اهم حابب استفسر عنها .. وهي استغرابي من انو الموضوع مثبت .. مع اتو موضوع بسيط .. ومش مستاهل

التثبيت ، حابب اعرف منك مقياس تثبيت المواضيع هل بعتمد على اهمية الموضوع او اهمية العضو اللي بكتبوا ؟؟؟ بنتظر

الاجابة شكرا لئلك


بعدي اخي عدي مع انو هاد السؤال مش بمحلة اطلاقا

بس انا بقلك

انتن مش بحاجة للجواب

لانك انت مجاوب علية من خلال السؤل

والجواب هو اصلا بالسؤال تاعك (بالنسبه لالك )

والله انا بحسدو محمود على طيبتو ورقة قلبو

روزي
06-16-2008, 05:18 PM
موضوع جدا رائع وكان نفسي حدا يثيرو من زمان لانوا بالفعل بدينا نضيع لغتنا العربية
بالتصنع وتضيع بعض الحروف الله يعطيك العافية اخي وتقبل مروري وردي البسيط هذا وشكرا

Arabian girl
06-17-2008, 09:08 AM
ممكن لكن ما في احلى من اللغة العربية الفصحى

طبعا ما في احلا منها

حنان16
06-18-2008, 11:24 PM
وحلو حرف القاف على الأقل أول حرف من كلمة ( قلب ) ..

ولو قلبنا حرف القاف لـ ( كاف ) بتصير مشكلة طبعا ً ..

والله لفتة حلوة على الاقل تشوه للمقصودين صورة النسخ ده


هههه


المهم انا معك خيي بمعظم اللي قلته ويا رب اهدينا واهدي الجميع ...

على فكرة موضوعك ده بصراحة فكرني بلفتة مهمة راح تكون موضوعي القادم ان شاء الله

ومشكور خيي على كل شي

تحيتي

الدكتور امير
06-19-2008, 10:15 AM
اكيد فاللغة العربية الفصحى هي من افضل ما يكون

صدى الصمت
06-23-2008, 12:16 AM
::

اعترافــ بســ ي ــط

اول ما سجلتــ في المنتدى

كنت بكتب بالـــ ( عنجد ) ( احكي ) ( هلأ ) ...

بس ما طولت معي الشغلة ابدا

كلها فترة وعدتــ

وبعدين تدريجياً بديت اكتب بلغتي اللي بتكلم فيها بالبيت

ولا شعوريا وبدون ما حدا ينبهني للــ ( هلأ ) تعتي ^^

بس كان هالاشي بقلبيــ وحبيتـ اطلعو ..

::

الدكتور امير
06-27-2008, 03:59 PM
حلو كتير

لانو الانسان و لا فيه احلى من انو يكتب بكل ما لديه من اصالة و ما في بيته

..::شذى القلوب::..
07-01-2008, 11:13 AM
منيحإنو في حدا فتح هادا الموضوع لأنو نحنا بطلنا نهتم بلغتنا العربية الفصحى و صرنا إنقلد الأجانب في معضم الأمور بس بخصوص حرف القاف هو حرف مهم بس يعني أنا مرات بقول بالأ مثل ألم وهي بالاصل قلم فأتمنى إنو نحنا إنحاول نتكلم بلغتنا الأصلية و أتمنى تتقبل مروري ......

ABU-NOUR
07-04-2008, 08:15 AM
هههههههههههههههههههههههه


لا بجد موضوع كبير كثير

وكثير مهم ..


ما في كلام احكيه ^^

في نقطع بدي احكيها



.


خلص الموضوع

اعتقد وصلت الفكرة

.. خير الكلام ما قل ودل ...

زينة نابلس
07-06-2008, 03:22 PM
كلامك صح اكيد
بس احنا بطبيعتنا مابنحكي بالقاف يعني لغتنا بال ئال وهيك مش تصنع
بس ع النت وبالمنتديات بنكتب حرف القاف عادي
شكرا كتير ع موضوعك

dreems
07-08-2008, 03:05 PM
أليس من الغريب أن يقوم البعض بالنقد وهو لايستند إلى نقده إلى أسس علمية أو ثوابت متعارف عليها وقد قام بإنتقاده على أساس هوى ومحسوبية ومنطق والعقل ومابيسير ...الخ
نحن كمسلمين لدينا ثوابت ومراجع هي التي تحكم فيما ننتقده صح أم خطأ ألا وهي ( القرآن والسنة - الإجماع – القياس )
قال الرسول صلى الله عليه وسلم (لافرق بين عربي وأعجمي إلا بالتقوى )
كلنا نعلم بأن القرآن الكريم وهو أشرف الكتب من الممكن قرائته بالقراءات السبع لأن اللهجات ( اللهجات ) وليست اللغات كانت كثيرة وسوف أضرب مثالا على سورة الضحى برواية حفص عن عاصم تستطيع قرائتها بالفتحة أي ( والضحا * والليل إذا سجا ) الخ السورة
وبرواية تالغفقيبغعاعهعه تستطيع قرائتها بالكسرة بالإمالة أي (والضحي * والليل إذا سجي ) الخ السورة
سوف أسأل الأخ المدير العام محمود سؤالا هل تكتب في المنتدى وفي الرسائل والخطابات بنفس اللهجة التي تتكلم بها مع أصحابك وزملائك ؟
وبالنسبة للبنات الذين يكتبون بالآل واللألنا هم يكتبون بهذه الطريقة وهذه اللهجة ليس للدلع أبا وأنتم تقرؤون ما يكتبون ليس فيها دلع ولا ميولة هم يكتبون بهذه اللهجة لأن هذه اللهجة بسيطة وناعمة ياأخي في فرق بين بدييييش وبين ما بدي نفس الموضوع مع الآل واللألنا .
يا إخوان نصيحتي ولست بأحسنكم من رأيي عدم إثارة الشبهات وما إختلفنا فيه ودعونا نتحدث عما تشابهنا به وإتفقنا عليه .
أرجو أن تكون الفكرة قد وصلت ولا تزعل يامحمود فانت المدير العام ودائما محل إنتقاد لأنك الشمعة التي تضئ لنا وشكرا للجميع

الدكتور امير
07-08-2008, 04:51 PM
شوف يا صاحبي حديثك ممكن

RaWaNoOo
07-08-2008, 06:51 PM
موضوع رائع للنقاش

يعني انا وحدة من البنات اللي بكتب احيانا بل ئ

بس انو ما فيها شي يعني

انا اولا اصلي هيك (خليلية )

و كلنا الخلايلة بنحكي بل (ئ)

و انا بفتخر اني بحكي هيك و كمان حلو انو نفتخر باللغة العربية الفصحى

بس انو مش دلع

يعني حتى ما بدو يكون عنا حرية الكتابة

شكرا عالموضوع

dreems
07-08-2008, 09:12 PM
اولا بفتخر إني مسلم ثم عربي ثم فلسطيني ثم يافاوي وبحكي بالأ وبكتب بجميع اللهجات

dreems
07-08-2008, 09:13 PM
سلام خاص للمدير العام محمود

الدكتور امير
07-08-2008, 09:59 PM
حلو كتير
بس الانسان ما في احلى من لغته الاصلية

و ما يقوم بالتصنع

dreems
07-08-2008, 10:29 PM
كلامك حلو يادكتور بس أتوقع إنه في فرق بين اللغة واللهجة وما في حدا هالإيام بيتكلم بالغة العربية الفصحى إلا ما ندر

ضوء القمر
07-10-2008, 07:01 AM
اه والله موضوع كتير مهم ودارج بأيامنا

تسلم محمود ع الطرح المميز

وانا معكم ومعك يا محمود 100%


مشكورين كتير


دمتم بود


^_*

dreems
07-10-2008, 08:57 AM
أرجو المعذرة في إنتقادي
كل يأخذ منه ويرد إلا الرسول صلى الله عليه سلم

the ruby
07-10-2008, 09:21 AM
ااممممم
أنا بتكلم بالآل
بس مش إنها دلع وهبلنه
لا من أنا وصغيره بحكي هيك
وحلوه و سهله وبرتاح فيها
شكرا على الموضوع الدقيق

الساطعة
07-11-2008, 10:44 PM
ههههههههههههههههههههه

موضوع حلو كتير وجميل ...
وكلام صيحيح ...
نحنا لازم نعتز بلغتنا وبالقاف
مو الئاف قولت الاخ محمود ...
هههههههه
تحياتي ...
الساطعة ...

dreems
07-13-2008, 12:23 PM
أنا مع العضو (الساطعة) لازم نعتز بلغتنا وبالقاف مو الئاف
هوا في حدا بالدنيا بيقول بدل القاف (الئاف) يعني حتى لو كتبت محدش راح يفهمها
يعني لازم نحكي لقلق بدل لؤلؤ

dreems
07-13-2008, 12:29 PM
أنا مع العضو (الساطعة) لازم نعتز بلغتنا وبالقاف مو الئاف
هوا في حدا بالدنيا بيقول بدل القاف (الئاف) يعني حتى لو كتبت محدش راح يفهمها
يعني لازم نحكي لقلق بدل لؤلؤ

بسم الحب
07-15-2008, 03:24 PM
ال يعني ماحكوا هيك
شو هيدا

Arabian girl
07-15-2008, 03:47 PM
أنا مع العضو (الساطعة) لازم نعتز بلغتنا وبالقاف مو الئاف
هوا في حدا بالدنيا بيقول بدل القاف (الئاف) يعني حتى لو كتبت محدش راح يفهمها
يعني لازم نحكي لقلق بدل لؤلؤ


مو لهالدرجة
لانها لؤلؤ اصلها لؤلؤ باللغه العربية...^^

devil Arabian
07-15-2008, 03:57 PM
الموضوع جذبني :icon11: بس بالنسبة لإلي ما تعودت إحكي حرف القاف لكن تعودت إكتبه لأنوو لما إحكي غير عن لما إكتب ..

الكلام شي والكتابة شي تاني ...

ثاانكس محمود ع طرحك

روح الاقصى
07-17-2008, 10:26 AM
عن جد شي بيئرف

يعني مش معؤول من مرة اللي بيعملوه البنات

dreems
07-18-2008, 01:05 PM
انا بستغرب الإنتقاد بأسلوب الإستهزاء والمسخرة من بعض الأعضاء
انا أعتقد بأن النقد البناء هو ما يهدف إليه المدير محمود ولا أتوقع أبدا بأنه يرضى بما يكتبه البعض بغرض الكتابة فقط لاغير ولا بد للمنتقد أن يستند إلى ثوابت حتى يستطيع أن يغير بغرض الوصول إلى الخير للجميع
نرجو الإطلاع وأخذ الخبر

الحان الحرية
07-29-2008, 09:11 AM
والله مرات بتطلع بدون قصد ,,

بس برضو بالكتابة بيكون احسن تنكتب بالـ قاف ,,

موضوع مهم محمود

يعطيك العافية

فراشة
07-29-2008, 10:12 AM
يه يه


هوه انتو لسه بتحكوا بالال والالنا .... انا بطلتها من زمان ^^

limar
07-29-2008, 10:21 AM
ما بعرف بس انا مو مع رأيكم

يعني الفلسطينيين لهجاتهم تعددت ومنتشرين بكل العالم

مسلا انا اهلي عاشو بالشام وستي لبنانية

بعدين اجينا على الاردن

اخدنا من كل منطقة شي

وازا بدكم اللغة العربية الفصحى حتى الي بيحكو بالقاف بيحكو عامية

ازا حكينا بالئال منصير مندلع يعني

في ناس بتبين الصراحة عليهم انهم بتاصدو

بس كمان في عالم فعلا طبيعة حياتهم هيك

بعدين بتختلف لهجة المدن عن لهجة القرى

وازا بتطلع ما بتكون مقصودة

طول عمري بحكي هيك ومرات بكتب بالقاف وبحاول اكتب فيها

بس بتطلع الهمزة مرات كمان دون قصد

بس كمان مو لدرجة ئرئان استغغفر الله

بالنتيجة بترجع لاسلوب الحياة وطبيعتها

وبتبين البنت المايعة والي بتدلع من البنت الي بتحكي بالاصل هيك ومتعودة على هيك لهجة

ويعطيك العافية محمود

فلسطيني كح
07-29-2008, 11:36 AM
الله يصلحك يا محموود

كان مفروض تكتب " نئاش " مش نقاش

شو يحكو عنا هسه ههههه

بمزح...هاض اللي ضايل والله

----------------------------

أنا برأيي شغلة الآل الئلنا الها حد....برضو البنات لما يحكو بالئال معذورين لانو طبيعتهم غير و كمان ما بقدرو يحكو يالقاف

أحيانا لإنهم يمكن يتعرضو بالنفور من الناس الثانيين بس برضو يعني من غير دلع لانو في بنات بمصخوها

و أشكرك على هالموضووع

تحيـــــــاتي

بسكوتة
07-29-2008, 10:10 PM
مرحبــــــــــا .. اول شي انا مش بسكوته ..انا ريما الفلسطينيه

طلبت منها الباسوورد تتاعها,, عشان ارد عهالموضوع يلي شدني كتير ..
صارلي فتره منيحه ما فتت المنتدى باسم ريما .. فينا نحكي كتير ... وحاسه حالي جديده هون ..

كنت صدفه عم بفتش على مواضيع ..ودخلت هاد المنتدى ( يلي في يوم من الايام كان منتداي)وهاد المووضوع (يلي شدني )

فتت وشفتكم عم تحكو عن اللغه العربيه وابصر شو .. ولازم انرجع لغتنا ومن هالحكي ,, ولغه القران ..

سؤالي الكم :: هل عشان ترجعو لغه القران ... بدكم ترجعو القاف المفقوده ... !!!! يعني لغتنا العربيه صارت عباره عن حرف القاف ...

اول شي اللغه العربيه اسمها لغه الضاد مش القاف ...
تاني شي :: مش عارفه كيف بدكم ترجعوها بترجيع هاد الحرف لمحلو ..
ازا بدكم ترجعو اللغه العربيه ... غيرو الكلمات كلها ... ( يعني بدكم اتغيرو اللهجه من اساسها ) مش ترجعولي حرف ..

هلا انحط اللغه العربيه الفصحى على جنب لانو مش هيك رح ترجع .
ونشوف مشكله الال ..
هلا انا ما بنكر انو كتير صار في مياصه ودلع ,,,في هالمنتدى ... مش بس باستخدام الال ..
يعني المشكله مش في الال ...

تاني شي :: الواحد ازا عم بحاول يغير من بعض الكلمات برضو مش غلط ولا يستحق العقاب ..

ويلي بدلع ببين ويلي بيستهبل ببين ويلي بكون على طبيعتو برضو ببين ..
................

في ايجابيه بهاد الموضوع ... انو يلي كانت عم بتحاول تدلع ,,, رح تستحي على دمها واتبطل تدلع ..
بس برضو في سلبيه :: احتمال يزيد هاد الشي .. عناد راس متل ما بيحكو ...

بالاخر ان يا محمود .. مش رح تقدر تصلح النفسيات ...

وبدي احكي انو الرقي مش بحرف الال ... الرقي بالاسلوب .. بالتواضع .. وباحترام الغير ...مش بطريقتو بالحكي ... حتى لو كان بيحكي السين ثاء ... والراء غين ...

وعلفكره يلي بيحكي على طبيعتو ببين ويلي بيتصنع ببين ...خدو هاد بعين الاعتبار ...

صحيح بدي احكي كمان شغله :: اصلا المنتديات في الغالبيه العظمى تصنع في تصنع.. مش بس بتغيير اللهجات .. بالتصرفات والاطباع ..... والكل عارف هالشي...^^ وحد يثبتلي العكس ..
فحاولو مش بس اتصلحو اللهجه وياريت يتصلح الطبع والنفسيه

واسفه عالاطاله ...يمكن انا بطلت عضوه بهالمنتدى..
بس بحب اعبر عن رايي .. وما بحب اخلي شي بنفسي ..

سلام ..

ريماالفلسطينيه مش بسكوته

صاحبة القلم الحزين
07-29-2008, 11:43 PM
يييييييييييييييييييييييي

تم فك التثبيت عن الموضوع بالغلط

سوف يتم تثبيته كمان مرة ان شاء الله

اسفين

^^

мίsş вε ηίcέ
08-04-2008, 10:18 AM
خلص راح احكي معك بالقاف..
يعني هاي لفتة غير شكل منك..
وشايفة انو ممكن انك تحكي هيك لو كنا بنكتب بالفصحى ..
بس للاسف احنا بنحكي بالعامية الي ما الها اي اصل ينمشى عليه..
والحلو بالموضوع انو يكون في اقتراح انو نكتب باللغة العربية الفصحى..
ويكون في مسابقات وجوائز للي حكيوا ازبط..
شو رأيكم..؟؟

&نسيم الروح&
08-05-2008, 06:13 PM
انا معك ومو معك لانه هادي حريه شخصيه

اانا بكتب بــ"ء" وبحكي فيها زي ما بكتب بــ"ض" بدل "ظ" اصلا ما بطلع معي بالمره

لا حرف القاف ولا الظا

مو لانه تصنع او دلع لا بس هيك بتطلع مع انه احيانا بحاول احكي بس ما بيطلع معي بطلع بين الكاف والقاف

ولما اكون اكتب مو بالاصد بتطلع معي لانه زي ما بحكي بكتب

هلا اكيد هاد كله غلط ومو لغه القران "هادي الكلمه ما بتتحرف ولو اضطر الواحد يحكيها مصحف ما في داعي لئران"

ومتل كلمه انتقاد هادي ما بتطلع انتئاد بحكيها بس مو عادي كتير

وشو بدك كمان احرف عندك حرف الثاء مع كتير ناس بتطلع تاء او سين

ومشكور على طرح الموضوع

مسك الحماس
08-20-2008, 01:58 PM
كلام صحيح وسليم 100%
والله كلام صحيح "جدا جدا جدا "قلنا "ألنا "بالحكى معلش والكتابه كمان
عالعمووم الله يبارك فيك ,,,, لفت إنتباااااااه " مشكوووووووووووووويووووووو

رأفت
08-20-2008, 04:46 PM
لأنو ازا كانت طبيعــة الإنسان يحكي ( بالآل والئلنا ) أكيد طبيعته يكتبها

بالذال ... محنا لسة بنحكي

هههههههه

تحياتي
..

ميسم
08-22-2008, 01:25 PM
انا معك بكل كلمه حكيتها وانا بعتبر الي بعمل هيك عقده نقص مش اكتر وانا بحس هاد عند كتير بنات ........ وانا معك انه اذا البنت بدها تظهر دلعها طبعا مو هون ......... يسلمو ايديك موضوع حلو كتير .... وعلى فكره انا حسيت مواضيعك وردودك كتيرررررررر راقية ومنطقية

بنت فلسطين المجروحة
09-05-2010, 10:39 PM
بدي أرفع هالموضوع :ShababSmile248:

لانو التصنع زايد هالايام :ShababSmile239:

وينك يا محمود كنت بتحكي عالقاف

الحين الطاء صارت تاء :ShababSmile239:

والثاء والصاد صارو سين :ShababSmile239:

والسين صارت ثاء !! :ShababSmile239:

والظاء صارت زين :ShababSmile239:

وعقولة ابو مجاهد

ياخبتي عاللي ترملت في صباها :ShababSmile235:


الله أعلم وين بكرة نصير

:ShababSmile256:

إيمـان
09-05-2010, 11:23 PM
ههههههههههههههه :ْ(

آه والله

قال كل الناس مدنيه ههههههه

PaLeSt!Ne SouL
09-05-2010, 11:29 PM
^^
اذا كنت بحكي بال آل بيكون اسهل علي اكتب فيها

انا بحياتي العادية بحط من هادي ع هادي

قال آل و كال


كله ماشي

مش لتغيير العربي و لا عدم افتخار بلهجتي او لغتي

بس برتاح اكتر بالقال الصراحة

بس اماني

ملاحظة انه الشبابا صايرين يحكو هيك اكتر من البنات بالمنتدى؟!

بنت فلسطين المجروحة
09-06-2010, 12:16 AM
هههههههههههه

الشباب تاثروا كمان

في منهم لربما بمزح مرة لا باس

بس في بنات يختي

كانو يحكوا عادي


وفجاة قلبو

مش عارفة لشو

هيك صاروا كول يعني ؟

مابعرف !!

Anonymous Gril
09-06-2010, 03:48 PM
مهو يختي لو كتبنا يالكـآل رح يفهموا نص الحكي غلط

و الئال بقولوا انهم دلع

و الـ g ــآل مو لايقة ع الصبايا

فقال ،، احلاهم ،،

شو بدنا نعمل يا عجيتني الموضة صايرة هيك هالأيـآم ^^

بنت فلسطين المجروحة
09-06-2010, 08:02 PM
مهو يختي لو كتبنا يالكـآل رح يفهموا نص الحكي غلط

و الئال بقولوا انهم دلع

و الـ g ــآل مو لايقة ع الصبايا

فقال ،، احلاهم ،،

شو بدنا نعمل يا عجيتني الموضة صايرة هيك هالأيـآم ^^

:ShababSmile221: ايه والله صدقتي يانور

موضة نص كوم بعيد عنك :ShababSmile239:

HaSHeM,
09-06-2010, 08:14 PM
هههه

حريئة ههه

صرنا نلاحظها كتير هاليومين هدول

حتى بتيجي وحدة بتبقى عالتوتة

وبتقلنا

بدي برتئان وبئدونس هههه

يعني انها مدنية وراقية

بس كلها كلام فاضي

^_^

إيمـان
09-06-2010, 10:04 PM
ههههههههه صح رعد وبتكون تحكي برتقآن هههههه زينآ هع

shereey
09-07-2010, 01:07 AM
الموضع مهم بجد لكن الي زادو أهميه كميه الردود والجدل الي صار

بصراحه يا جماعه كلنا لغتنا وحـــــــــــــدة ومافي حد بيقدر يحكي غير هيك
لكن بنتختلف باللهجات هاد شي أكيد في ناس تربو على الأل والئلنا ..لكن خلوها بينكم وفي بيوتكم
لانو الحكي شئ والكتابه شئ تاني..وليه نخجل من لغتنا ونخبيها فيها شئ عيب لسمحالله؟؟
والي بيحكي الال اسهل عندو. طيب سؤال ..هل بتقدر تجاوب بالامتحان برضو بالأل ؟!!
والمنتدى ياريت يكون الو احترامو وضعو الخاص هاد بدل ما نكتب بالفصحى .
يتمنى رأيي ما يزعج أحد وما تنسو..
إختلاف الآراء لا يفسد للود قضيه :ShababSmile229:
دمتم بود

بيكاسو
09-09-2010, 09:41 PM
والله انك زلمتي اخ بس
لو تشوف يابن الحلال انا من جنين صح؟ بالجامعة كل الشباب اللي معي نابلسية مع احترامي للجميع وهدول شباب كمان والشاطر اللي بيحكي الالم استااااااااااااااااااااااااز (يعني القلم) والورئة (يعني الورقة) وموش بس هيك ياخي انتا حر احكي متل ما بدك لا وشو كمان وما بيعجبهم حكينا قال احنا فلاحين شو رايك اشي بيقهر اخ بس مع احترامي للجميع

عزيز النفس
09-10-2010, 08:26 AM
تقهرونيش ..!

أســـآمـة
09-10-2010, 08:50 AM
لا تعليق :)

shereey
09-10-2010, 02:53 PM
ولا يهمك أخ بيكاسو نحن الفلاحيه والله عاااااااال

Laloosh
09-11-2010, 06:01 PM
سبحانو


هلأ صار الكل ضد التصنع :ShababSmile290:



معناتو مين يلي بحكي :ShababSmile250:




مضلش حدا :ShababSmile321:



ازا منزعج احكي انت بالقاف :ShababSmile191:



خلي الشعب ع راحتو :ShababSmile326:

بنت فلسطين المجروحة
09-12-2010, 10:47 AM
سبحانو


هلأ صار الكل ضد التصنع :ShababSmile290:



معناتو مين يلي بحكي :ShababSmile250:




مضلش حدا :ShababSmile321:



ازا منزعج احكي انت بالقاف :ShababSmile191:



خلي الشعب ع راحتو :ShababSmile326:




ههههههههههههه

ارجعي عدي اللي بالموضوع راح تلاقيهم مش كل المنتتدى :icon11:

بالعكس اللي عاملين هالشغلة بقصد التصنع ماردوا :ShababSmile222:

وبعدين احنا ما بنضايق عحدا

لكن بنتسال ،، وبجد شيء مزعج

خصوصا واحنا بنمثل شباب فلسطين

وحدة (ويامااكترهن صار) مثلا كانت تحكي قال وسؤال وطيب وظريف وبالانتظار

قلبت تحكي ئال وثؤال وتيب وزريف وبالانتزار:wacko:

لشو يعني ،، بدها تدلع بالمنتدى مثلا او تبين انها دلوعة ؟! بتكون مش حلوة بحقها

ولو انها بدها تبين انها كول وعاخر صيحات الحكي هههههههه فالوالله هالحكي ماهو صحيح

بتزكر باول ايامي بالمنتدى كانن في صبية كل حكيها هيك وكانت الحكاية لسة جديدة عالمنتدى

وانا عرفت البنت شخصيا وبجد من احسن البنات الي عرفتهم باخلاقها وادبها وبعرف طريقة حكيها كانت هيك من البداية ومش لاي غرض

لكن كانت لما تصير مشكلة او شي ،، تكون من الناس المشكوك فيها ويقلولك ماهي فلتانة وبتدلع بالمنتدى

او يحكواا عليها من وراها بسوء ،، فليش انا احط حالي بهيك موقف بايخ واضمن ماحد يحترمني ؟!

بعدين هالاشي ماكان هيك منتشر بالمنتدى

واكبرغلط انو نخلي الشاذ هو السائد ونتقبله عادي

بنت فلسطين المجروحة
09-12-2010, 10:52 AM
تقهرونيش ..!

:ShababSmile221:

عاد عنا بالجامعة كل الفلسطينية اللي عرفتهم وحتى قرايبنا هان

فلاحين ولا بدو ولا وين ماكانو

بقولوا ماتئهروني :icon11:

وكتير منهم بستنكروا علي لهجتي

شو هالدفاشة قال :ShababSmile227:

سبحان من عوج لسانهم :ShababSmile221:

عزيز النفس
09-12-2010, 10:59 AM
ههههههههههههه

ارجعي عدي اللي بالموضوع راح تلاقيهم مش كل المنتتدى :icon11:

بالعكس اللي عاملين هالشغلة بقصد التصنع ماردوا :shababsmile222:

وبعدين احنا ما بنضايق عحدا

لكن بنتسال ،، وبجد شيء مزعج

خصوصا واحنا بنمثل شباب فلسطين

وحدة (ويامااكترهن صار) مثلا كانت تحكي قال وسؤال وطيب وظريف وبالانتظار

قلبت تحكي ئال وثؤال وتيب وزريف وبالانتزار:wacko:

لشو يعني ،، بدها تدلع بالمنتدى مثلا او تبين انها دلوعة ؟! بتكون مش حلوة بحقها

ولو انها بدها تبين انها كول وعاخر صيحات الحكي هههههههه فالوالله هالحكي ماهو صحيح

بتزكر باول ايامي بالمنتدى كانن في صبية كل حكيها هيك وكانت الحكاية لسة جديدة عالمنتدى

وانا عرفت البنت شخصيا وبجد من احسن البنات الي عرفتهم باخلاقها وادبها وبعرف طريقة حكيها كانت هيك من البداية ومش لاي غرض

لكن كانت لما تصير مشكلة او شي ،، تكون من الناس المشكوك فيها ويقلولك ماهي فلتانة وبتدلع بالمنتدى

او يحكواا عليها من وراها بسوء ،، فليش انا احط حالي بهيك موقف بايخ واضمن ماحد يحترمني ؟!

بعدين هالاشي ماكان هيك منتشر بالمنتدى

واكبرغلط انو نخلي الشاذ هو السائد ونتقبله عادي

واللهجواهر ..~

Laloosh
09-12-2010, 02:46 PM
ههههههههههههه

ارجعي عدي اللي بالموضوع راح تلاقيهم مش كل المنتتدى :icon11:

بالعكس اللي عاملين هالشغلة بقصد التصنع ماردوا :ShababSmile222:

وبعدين احنا ما بنضايق عحدا

لكن بنتسال ،، وبجد شيء مزعج

خصوصا واحنا بنمثل شباب فلسطين

وحدة (ويامااكترهن صار) مثلا كانت تحكي قال وسؤال وطيب وظريف وبالانتظار

قلبت تحكي ئال وثؤال وتيب وزريف وبالانتزار:wacko:

لشو يعني ،، بدها تدلع بالمنتدى مثلا او تبين انها دلوعة ؟! بتكون مش حلوة بحقها

ولو انها بدها تبين انها كول وعاخر صيحات الحكي هههههههه فالوالله هالحكي ماهو صحيح

بتزكر باول ايامي بالمنتدى كانن في صبية كل حكيها هيك وكانت الحكاية لسة جديدة عالمنتدى

وانا عرفت البنت شخصيا وبجد من احسن البنات الي عرفتهم باخلاقها وادبها وبعرف طريقة حكيها كانت هيك من البداية ومش لاي غرض

لكن كانت لما تصير مشكلة او شي ،، تكون من الناس المشكوك فيها ويقلولك ماهي فلتانة وبتدلع بالمنتدى

او يحكواا عليها من وراها بسوء ،، فليش انا احط حالي بهيك موقف بايخ واضمن ماحد يحترمني ؟!

بعدين هالاشي ماكان هيك منتشر بالمنتدى

واكبرغلط انو نخلي الشاذ هو السائد ونتقبله عادي





ههههه

انا معك بكل كلمة حكتيها :ShababSmile339:


بس لما تيجي ع الجد


الكل بصير ضد الاشي وما حد بحب يعترف بغلطو :ShababSmile191:




فحبيت اخد الموضوع من هاي االناحيه :ShababSmile321:




انو لما يصير حكي بهيك شي الكل بتراجع :ShababSmile33:




لانو الناس ما بتحب حد ينتقدها :ShababSmile337:




او ينتفح الموضوع بشكل صريح متل هيك :ShababSmile250:

اسد 22
09-12-2010, 02:59 PM
الحق على الاهل لما الاهل يحكوا هيك قدام الاولاد والبنات النتيجة شو؟

ما تزرع تحصد

وبعدين ضعف تعليم للغة العربية والدين الاسلامي في المدارس لوجود مسلسلات باعتبارهم بديل

و لا عز للمسلمين بلا اسلام قدرهم بأسلامهم وبفهوم اشمل قدر الانسانية بالاسلام

احترامي سيدي محمود واختلاف اللهجات ليس مشكلة ولكن المصيبة اننا إلا من رحم ربي لا نقدر ان نتكلم

خمس كلمات باللغة الفصحة

فاصبحت اللغة العامية المرتبة الاولى والانجليزية الثانية ولغة الاحتلال الثالثة ولغة القرآن الرابعة اي الاخيرة من ناحية الاهمية

أم ريان
09-12-2010, 05:16 PM
هياتنا بلابالبيت كلامنا ال والنا لكن انا بستعملوووش
من دوون البيت الوحيده الي بحب احكي مش بالقاف بالكاااف
وشوكرن ع الموضوع الحلوووو

Dr.Yaso
09-13-2010, 12:34 PM
هههههههههههههههههههههه والله الموضوع حلو

اوك يمكن في ناس ماخدتو من ناحية التصنع

بس في ناس جد هي هيك مش تصنع

سوسو الحلوه
10-01-2010, 03:36 PM
هلا هلا ومرحبا

حلو الموضوع

/

بس اخي الئال مو مصتنعه

هي لهجه حقيقه موجوده اصلا في بلاد الشام

وفي فلسطين كمان في اكتر المناطق والقطاعات

/

انا بين وبين

لانو اهل ماما بحكو ق واهل بابا بحكو أ

بس مالو دخل بالتصنع ^^

/

يثلموو ع الطرح الحلوو

زهور
10-03-2010, 11:24 AM
حلو الموضوع ..

وأنا ملاحظة هالشي من زمان ..

هاي انا بحكي بالـ "ga " هههههههههه
ليش ما أكتب أنا بردو بالـ "ga "

يعني بدل ما احكي " قلب " أحكي ( g ـلب) ولا ( ألب ) أحلا

عنجد بصير هبل


شكرا الك

دموع الغربة واشواق العودة
10-03-2010, 02:45 PM
يعني ما بعرف شو احكي ...
موضوعك يا أخي كتييييييييييييييييييييييير حلو وشدني ..
وهادا منتشر كتيييير بيننا ..بس شوف بالنسبة للي بيحكو بالمنتدى بالآل والئلنا
مابعرف يمكن هادا برجع للهجتنا الفلسطنية يعني في ناس
بيحكو بدل القاف =الف او بدل القاف =كاف ..
وقلة بالمنتدى الي بيحكو بالقاف ..
انتا عارف هالأشي ..هادا احتمال
بس الاحتمال الاكبر ..هو لما يصير الواحد بدو يترقى ..
بيحدف حرف القاف من قاموسو ..بالعكس الترقي يكون
بالثبات على لغتنا والافتخار والاعتزاز فيها
يعني علاج مشكلتنا رح يكون من الجذور ..من اللهجات ...
لأنو اللهجات هي حرفت لغتنا ..وخلتها تختفي ..تحت ما سميتو انتا بالترقي او الاتيكيت
شغلة خطيرة وبدها علاج ..
حتى اللغة صرنا خايفين عليها لتضيع من بين ايدينا ...
شكرررررررررآآآآآآآآآآآآ كتيييييييييييير
الله يسعدك يارب
..^.^..

William Fichtner
10-06-2010, 08:46 PM
مسا الخير

بهالزمن زمن التغيرات مش بس المضامين اتغيرت ،، وتلاشت ،، كمان وصلت للشكليات ،، ومنه بعض الكلمات

معروف المبدأ أو خلينا نقول الشئ السليم واضح ،، وبهالزمن نادر ما نلاقي اشي سليم سواء بالتفكير او بالفعل ،، او ممكن نلاقيه بشكله سليم لكن مضمونا غير سليم

الفكره الي بدي اوصلها ،، والي انا مقتنع فيها انه خلي الحال مثل ما هو الي بحكي يحكي شو ما بدو ،، بس الواحد ما يغير عن اصله

يعني الي بحكي آل خليه يحكيه طالما هوي رابي عليها ،، والي بحكي كال مثلي هههه خليه عليها ،، والي بحكي gal يحكي كل واحد ولغته

بس مش ييجي على باله يغير مفكر انه فيه نقص بلغته ،، ممكن فيه ناس بتتغير حسب البيئه الي حوليه ،، وهاد عادي ،، بس مش انه يغير عشان مفكر انه لهجته غلط او دفشه ،،

سلمت على الموضوع

لك الورد والود

محمود
04-09-2011, 07:23 PM
أعجبتني الذكريآت .. فمررت من هنا عآئدا ً لذكراها ..

انس 1988
04-14-2011, 02:35 PM
والله يا خوي محمود كلامك مزبووووووووط وانا بايدك مية بالمية
ههه والمصيبة لما تشوف شب طنط بحكي بالال ...ههههه مسخررررررررررررررررة
يعني الرجولة ضاعت ..وهاذا الجيل اللي بدو يحرر فلسطيين !!!!!!!!!!