تفضل و ناقش الي بعدك بسؤال ؟؟؟؟؟ [الأرشيف] - الصفحة 3

محمود

07-02-2008, 02:06 AM

{ امتحانات توجيهي السنة حلوين }

صح الإدارة والفيزيا كانت صعبة شوية ..

بس برده أحسن من اي سنة غيرها ..

والله يوفق الجميــع ،،

..

شو رآيك / بإني احط صفحة توجيهي السنة عنا بشباب ؟ ..

~ | Mazaj

07-02-2008, 02:14 AM

لا ما تحطهــا ^^

شـو رأيـك بفتح الألعـاب ..؟؟

محمود

07-02-2008, 02:18 AM

~ | Mazaj

07-02-2008, 02:26 AM

مممممم ,,

لزيزة لما تكون شي بينحب ..

شو رأيك بسوء الظن ؟؟

محمود

07-02-2008, 02:30 AM

{ .. صعب كثير ..}

وأكثــر شي بكرهــه بعد الكزب ، وهوي سبب كل المشاكل ..

نفســه ..

~ | Mazaj

07-02-2008, 02:38 AM

ما كتير بحبو

بس اغلب تفكيري ما بيكون سوء ظن ..

لانو تقريبا بكون متأكدة من نوايا يلي كم بحكي معو ..

شو رأيـك بالتهدئة ؟

محمود

07-02-2008, 02:41 AM

مجبروين عليها ، ومحتاجينها أكثر من اليهود ..

ان شاء الله بتستمر وبتكون محل اصلاح ..

نفســو ^_^

ابنة الشتات

07-02-2008, 03:49 AM

رأي من رأيك

خلي كرب هالناس تنفرج شوي

وخلي المقاومة يطورو حالهم بهاي الفترة

بس كمان اليهود في براسهم موال

يعني تهدئة مع فلسطين

واسرى مع لبنان

في ان بالموضوع ^_^

ولا شو رايكم ؟

Abu Shadi

07-02-2008, 04:17 AM

{ ههه ما تخافي رح تجيبي علامة حلوة ترفع الراس }

يعني نحطـها واحنا مو خايفين ^_* ،،

مممممممم فتح الألعاب حاليا ً شوية بده اجراءات بتعيين مشرف صارم الــه ..

مشان هيك بس نلاقي هالمشرف الي بقدر يحافظ ع سمعه المكان ..

بنفتــح القسم ..

شو رايــك / بوجـبــة العشااء ؟؟

انتا تخيل انو ابو شـــادي (أنـــا) مـــاســك قــسم الألــعاب تخـــيل

كل مشـــاركة الك ولــفجـــر ححــدفها حظر عليكم ممنوع تدخلوه

هههههههههه

Abu Shadi

07-02-2008, 04:21 AM

والله بالنسبة لتهدئة وبنسبة للموال اختي

اليهود عمروهم ما عملو شي الا يكون بصب بصالحهم

يعني مو من فراغ وكل هالرقصة الها طبال

وتسالونيش من وين هالمثل اهو كلام وطلع مني

ههههههههههه

بس بصراحة انا مبسوط انو في تهدئة وانو البلد حتفتح الساعة 7 مع المدارس وتسكر الساعة12

سوبر ماركت صار المعبر

وطبعا احنا محتاجينها زي ما قال محمود اكثر من اليهود وخاصة انا اكثر شي

قولو يا رب تنفرج وربنا بفرجها

شــو رأيـــك بفـــكرة مــوبايــلك في سبيـــل دعـــوتــك إلـــى اللـــه؟

ابنة الشتات

07-02-2008, 04:36 AM

يااارب يفرجها عنكم يا الله ^_^

أكيد فكرة بتجنن :)
ولا احلى من هيك اساسا

الحمد لله الي في ناس متل نانا بيشغلها الدين بكل وقت

ومتلنا كلنا كمان الي اشتركنا
والي رح يعملو فور وورد للمسجات

ان شاء الله بميزان حسناتنا جميعا

نفسو^_^

Abu Shadi

07-02-2008, 04:45 AM

بصــراحــــة فــكـرة رائـــعة

وأعجــبـــتـــنــي كثـــير

وحابب انها تنجح وتستمر

وبستنا بدايتها بكل صبر

طيب

نيجي لسؤالنا

شو رأيــك بأخـــر أوضـــاع المنتــدى بشـــكل العــام وشو نظرتك لتغيــرو؟

ابنة الشتات

07-02-2008, 04:53 AM

والله الحمد لله المنتدى من احسن لاحسن

هي في مشروع لآلئ الجنان ^_^

وزماان ما صار طوشة << بدون حسد يعني الله يبعد المشاكل
هههههههههههه

وهي كمااان عملوو اشياء للصيفية ^_^

وبانظار تغير الستايل بس يااارب قبل ما اسافر مشان اشووفه (واااااء)

وبس ^_^

الي بعدي نفسو برضو ما في براسي سؤال :)

Abu Shadi

07-02-2008, 05:24 AM

والله بدو اصلاح يعني بدو تغير نيلوك

وتغير اعضاء وتغير مشرفين ههههههههه

وتغير محمود مطر من مدير يصير بواب على الموقع

هههههههه عادي يعني

لا بصراحة المنتدى بدو اشوية اهتمام وتزبيط

مو من الادارة من الاعضاء نفسهم

وبالنسبة للاستايل بدو تغير حيكون تغير جو على الاعضاء

بعدين حركة الملل والعادة هاي بدها تغير

وتصليح يعني ما بدنا نظل نفس الروتين نفوت نشارك ونطلع

بدنا شي جديد يعني كل عضو المفروض يحاول يخترع ويبدع من حالو

وبهيك بنرج لجو منتدى زمان حلو عفكرة منتدى زمان كنت عضو فيه ههههههههه

طيب انا فضيو الاسئلة
ظلك عيدي السؤال الي بسالو

اصحك تعيدي السؤال الي بسألو بطخك

شو نــظرتــك العـــامة للأوضــاع السياسيـة والإقتصــادية بغزة ؟ولو انتــا مكــان اسمــاعيل هنيــة وابــو مــازن شو حيكون قرارك لحل الازمة السيــاسية والاقتصادية ؟؟

Anonymous Gril

07-02-2008, 04:22 PM

نــظرتــك العـــامة للأوضــاع السياسيـة والإقتصــادية بغزة ؟

نظرتي... الأوضاع الاقتصادبة إنها لازم تتغير لأنها مش ولا بد...مش منيحة..

الأوضاع السياسية ....مليش كلام بفهمش بالسياسة كتير..

ولو انتــا مكــان اسمــاعيل هنيــة وابــو مــازن شو حيكون قرارك لحل الازمة السيــاسية والاقتصادية ؟؟

إنه نبقى ايد وحدة و نساعد بعض ضد إسرائيل..

Arabian girl

07-02-2008, 04:29 PM

هادي الازمة بتصير لانو ابو مازن حاطت ايدو بايد العدو
وانا رح يكون رصاصي براس العدو بدل ايدي
هادا اللي رح اعملو

اللي بعدي نفسو

Abu Shadi

07-02-2008, 04:41 PM

الاوضاع بغزة ما شاء الله كل مالها بتتحسن

طبعا الاوضاع بغزة زادت ازمة وديق على اهل غزة وهذا الشي كثير متعب

وغرض واحد بحل الازمة السياسية والاقتصادية

وهي صفاء القلوب بين بعض والنقاء بين التنظيمات والوحدة الوطنية بصدق واخلاص

وطبعا لو كنت بدل احد الطرفين راح اعمل كل جهدي لتحقيق الوحدة الوطنية

في سبيل حل الازمة الراهنة

حتى لو كانت على حساب اي فصيل طبعا مش لدرجة القضاء عليه

لاء بالاستعانة فيه

تحيتي

نفســــــــو

Anonymous Gril

07-02-2008, 06:51 PM

أنا جاوبت السؤال في الصفحة السابقة...

للي بعدي: ما هو شعوركـ تجاه المعلم حالياً أو كيف تنظر إليه؟؟؟؟

الدكتور امير

07-02-2008, 09:51 PM

هو اخ و صديق في نفس الوقت

هل تعتقد ان المدرسين على قدر من الكفاءة في التدريس ؟

Arabian girl

07-02-2008, 09:59 PM

مو كلهم
اللي بعدي نفسو

جرحٌ بملامح انسان

07-02-2008, 11:35 PM

أغلبهــم .. للأســف لأ ..

نفســـهـ ..

عالجوني يحسبوني مريضه

07-03-2008, 05:42 AM

لا لا وبقوه

اللي بعدي
شو رأيك بأزدياد القنوات التلفزيونيه ؟ هل هذا في صالح الناس؟

Arabian girl

07-03-2008, 10:10 AM

طبعا لا
لانو هادي القنوات الزايدة مو قنوات دينية ولا علمية معظمها قنوات فاسقة
اللي بعدي مارأيك بعلاقة الناس بدينهم هذه الايام؟؟

*ريحانة القلب*

07-03-2008, 11:58 AM

مارأيك بعلاقة الناس بدينهم هذه الايام؟؟

في الخير الحمدلله ... عم بزيد عدد الملتزمين

مع انو الفساد كمان عم بنتشر .. بس الخير فيي وفي امتي !

الي بعدي نفســـو

’ ’ ’

رولى

07-03-2008, 12:05 PM

انا برأيي انه علاقه الانسان بدينه صارت تقل شوي شوي
لانه صار في عنا عولمة وفصل الدين عن الحياة انتشرت كتير
بس لا يخلو الامر اكيد في ناس ملتزمين ومتقيدين بدينهم
الله يهدينا اجمعين

نفس السؤال

Arabian girl

07-03-2008, 12:29 PM

وانا بوافقك الراي صارو الناس بدل ما يمشو ع حكي دينهم يمشو ع حكي التلفزيون
اللي بعدي شو رايك باهل الخليج؟؟

وردة المحبه

07-03-2008, 01:24 PM

ما بحبهم ما بعرف ليش

شو رايك بدنيا

جرحٌ بملامح انسان

07-03-2008, 07:41 PM

غريبـــة ..!!

بس باختصــار .. بنكـون نفكـر انه يوم النـا ويـوم علينـا .. بننصــدم بالاخــر انهـا كلهــا علينـا ^,^

شـــو رايــكـ بسكــان غــزة ^,^

smile_4_arwa

07-03-2008, 08:03 PM

ما في احلا منهم..والز منهم

للبعدي نفسه

Maram .. ~

07-03-2008, 08:17 PM

سؤال غرييب..

ما بعرف..

أنا من غزة بس مو عايشة بفلسطين عشان هيك ما بعرف عمري ما عشت معهم..

بس أكييد بدهم يكونوا أحسن و ألز ناس في العالم كلو..

طيب..

نفسـ السؤال..

:)

Arabian girl

07-03-2008, 08:46 PM

ابطال مافي متلهم تنين
بجننو وشو ما حكيت عنهم ما بوفيهم حقهم
اللي بعدي نفسو

Abu Shadi

07-03-2008, 09:17 PM

طيبين

ما اختلطت معهم بصورة كبيرة

بس الي اخدتو عنهم حسب صحبة الانترنت

ناس طيبة

بحبو الفلسطينية

ما عدا اهل الكويت هههههههههههههه

الي بعدي نفسو
مو لاقي اسئلة

ابنة الشتات

07-03-2008, 09:49 PM

هلأ ما بعرف بتقصدو الخليجية او فلسطينية الخليج

الخليجية ..حسب ما بشوف هون بالبحرين
طيبين .. بحبو المفاشرة(يعني انا انا عندي وااو)

بس

(ابن فلسطين) بتعرف الكوايتة ليش بيكرهونا او احكي م1

السؤال ..

شو رايكم بفلسطينية الخليج ^_^

Arabian girl

07-04-2008, 10:11 AM

فلسطينية يعني وين ما كانو عسل
اللي بعدي نفسو

سرور

07-04-2008, 12:34 PM

لا اعرفها

وسؤالي هل انت راضي على قضاء الله وقدره بنية

صاحبة القلم الحزين

07-04-2008, 01:02 PM

يالله

والله اني راضيه و راضية و راضية

والف الحمد لله على كل شيء بصير معي

ويااااارب اني راضية عن قضائك فيي فارضَ عني ياااااااااااارب

:)

****

سؤالي للي بعدي

:

شو بتعمل لما تكون بقمة الاكتئاب و اليأس؟

"الله يبعده عنكم يا رب"

ابنة الشتات

07-04-2008, 01:16 PM

حسب والله

بس يعني أكيد ما بحب حالي
لأني كتير بصير اهبب بالحكي وبالتفكير :)

بس كمان بيعتمد ع سبب الاكتئاب والياس

وبكل الأحوال بنستنى فرج الله

الي بعدي...

نفسو ^_^

الدكتور امير

07-04-2008, 05:55 PM

لا افعل شيئا سوى الهدوء و الصبر

سؤالي :

ما هو شعورك عندما تضحك على موقف ما مبكي في نفس الوقت ؟

Arabian girl

07-05-2008, 09:39 PM

اكون بحاله شبه عدم وعي او مضطربة لاني لا اضحك على موقف محزن ههههههههه
اللي بعدي هل انت انسان ايمانك قوي؟؟

*ريحانة القلب*

07-05-2008, 09:55 PM

والله سؤالك صعب

الله يقوي ايمانا ويهدينا

هو انا قبل العمرة وبعدها بكون غير شكل ..

بس بردو ما بقدر اقول قوي ..

الله يهدينا يارب

الي بعدي

نفســه

’ ’ ’

Arabian girl

07-05-2008, 10:09 PM

الله يهديني
انا الصراحة مو عارفة احكم ع حالي
اللي بعدي نفسو

المعذٍب

07-05-2008, 11:52 PM

قوي بادن الله

والواحد برضوا بكون عارف حالو

سؤالي

لماذا كل هدا يحدت ولا احد يحرك ساكن من العرب لما يحدث في غزه

وتحياتي

sweet angel

07-06-2008, 07:42 AM

ببساطه انا بجاوبك..

لانه صرنا بزمن القوي فيه بياكل حق الضعيف..

و قصة لا يضيع حق وراه مطالب بدنا ننساها !!

مش لشي بس لما يكون في مطالبين اصلا لهالحق ساعتها بنحكي !

سؤالي للي بعدي هو:

شو بتتوقع حال المة العربية بعد عشر سنين من اليوم؟!

خيـرَ أُمـة

07-06-2008, 07:47 AM

شو بتتوقع حال المة العربية بعد عشر سنين من اليوم؟!

الامة الى خير ان شاء الله ...

نفس السؤال للي بعدي مع تعديل بسيط ... !!

شو بتتوقع حال الأمة الاسلامية بعد عشر سنين من اليوم؟

Arabian girl

07-06-2008, 09:05 AM

بتوقع تكون اقوى من هلا لانو صارت الحروب ع البلاد وحدة وحدة
اللي بعدي نفسو

الدكتور امير

07-06-2008, 10:26 AM

و لا شي راح يضلوا نايمين

سؤالي :

هل تؤمن بمبدأ المساواة بين الرجل و المرأة ؟

*ريحانة القلب*

07-06-2008, 10:51 AM

لأ .. لكل منهم وظيفتو في الحياة

للي بعدي نفسه : )

’ ’ ’ ’

الدكتور امير

07-06-2008, 11:04 AM

كمان انا لست مع ذلك

سؤالي :
ما هي الافضلية ان تجلس المرأة في البيت و تعتني بشؤونه ام تذهب للعمل و تهمل بيتها ؟؟؟

*ريحانة القلب*

07-06-2008, 11:15 AM

طبعا بيتها اهم

اصلا وظيفتها في الحياة ترباية الاولاد

وانشاء جيل صالح

والعمل برا البيت وظيفة الرجل

للي بعدي ,,

هل تفضل الانترنت على زيارة الاقارب ؟

’ ’ ’

الفتاة المشرقة

07-06-2008, 11:17 AM

السؤال ما في خيارات يا هيك يا هيك
لا انا بحكي الواجب انها اول اشي تهتم بشؤون البيت بعدين العمل

بس كمان لازن تعمل اذا كان بدها تعمل

يعني كثير بعرف نساء بعملن وكذلك بحافظن على البيت

السؤال نفسه للي بعدي

Anonymous Gril

07-06-2008, 12:08 PM

هل تفضل الانترنت على زيارة الاقارب ؟

نعم ،،،، لأنه هالأقارب مش موجودين...

نفسوووو

سرور

07-06-2008, 01:13 PM

مستحيييييييييل افضل النت عن زيارة الاقارب لانها لاتكفي

سؤالي

هل المرأة مصدر الم الامة الاسلامة وتدهورها خاصة عند خروجها

Arabian girl

07-06-2008, 03:40 PM

المصدر هو الاختلاط وليس المراه بل افعالها
اللي بعدي نفسو

dreems

07-06-2008, 10:10 PM

المرأة والرجل هما مصدر الم الامة الاسلامة وتدهورها

عالجوني يحسبوني مريضه

07-06-2008, 10:38 PM

هل المرأة مصدر الم الامة الاسلامة وتدهورها خاصة عند خروجها

يعني شو قصدك خروجه من منزلها للعمل >>اذاكان العمل في مقر نساء لايوجد فيه اختلاط فلامانع

اذاكان قصدك الجهاد >> فهن يساعدن في مساعدة الجرحى

اذاكان قصدك للتمشيه في الاسواق بكامل فتنتها من أجل الاغراء>>>فهذا هو الألم بكبره

وعموما ليس النساء فقط فالجميع ربما يشترك في الآم الأمه الاسلاميه

عالجوني يحسبوني مريضه

07-06-2008, 10:39 PM

نفس السؤال

dreems

07-08-2008, 07:29 AM

تعقيب بسيط على كلام العضو (عالجوني يحسبوني مريضة ) قالت( وعموما ليس النساء فقط فالجميع ربما يشترك في الآم الأمه الاسلاميه) هذه الجملة جزء منها صحيح والآخر يحتاج إلى تعديل وهو (وعموما ليس النساء فقط فالجميع يشترك في ألم الأمه الاسلاميه) حذفنا كلمة ( ربما ) وشكرا على مجهودك أختي الكريمة

dreems

07-08-2008, 07:32 AM

سؤالي هو ( من هو أغبى الناس )

Maram .. ~

07-08-2008, 02:11 PM

الي بقضي حياتو بالعب و الهو و بيعصي الله كتير و فوق كل هادا بيعرف انو بالأخير حيتعاقب و يدخل جهنم..

طيب..

نفسهـ...

:)

أبومجاهد

07-08-2008, 02:37 PM

الي نعسان ولسة قاعد ع النت للحين

الدكتور امير

07-08-2008, 03:28 PM

لا اعتقد ان هناك اغبى من المدخن

سؤالي :

ما هو رد فعلك عندما ينفخ احدهم الدخان في وجهك ؟

الدكتور امير

07-08-2008, 09:56 PM

ساقوم بضربه على وجهه

سؤالي :

كيف تنظر للمتسولين ؟

dreems

07-08-2008, 10:22 PM

وأما السائل فلا تنهر
يا إخوان أنا بلاحظ إنه الجواب للسؤال المطروح لايكون بشكل علمي نحن نبحث عن الفائدة للجميع فأتمنى من الإخوان أن يبحثوا عن الإجابة الصحيحة وليس على هواهم أو ما يعتقدونه كل إنسان سوف يسأل يوم القيامة عما كتب وجاوب
سؤالي ما أهمية الصلاة في حياتك

Maram .. ~

07-09-2008, 12:57 PM

أهــم من الأكــل و النــوم و أهــم مــن كــل إشــي..

شـو بتعمل إدا كنت عم بتجهز موضوع كتير حلو بدك تحطو ع المنتدى و فجأة النت فصل؟؟

:)

سرور

07-09-2008, 01:19 PM

خسارة لكن معليش خيرها في غيرها

وسؤالي

هل غضب الرجل قوة

Maram .. ~

07-09-2008, 01:37 PM

لا طبعا بل ضعف..

هل مزح الرجل ضعف؟؟

:)

Dont Ask Why

07-09-2008, 03:50 PM

sure not

للي بعدي

شو اهم شغله في حياتك

الدكتور امير

07-09-2008, 04:09 PM

الاكل

سؤالي :

ما رأيك بالحقد ؟

Dont Ask Why

07-09-2008, 04:14 PM

مو منيح بس حلو

هههههههههه

نفسو

جرحٌ بملامح انسان

07-09-2008, 04:42 PM

مممم

مرحلة متطوة من الكرهـ ..

نفسه ..

Arabian girl

07-09-2008, 04:58 PM

شي مقرف بس منتشر
نوع من انواع التلوث

Arabian girl

07-09-2008, 04:58 PM

اللي بعدي نفسو

جرحٌ بملامح انسان

07-09-2008, 05:02 PM

حكيـــت

طيب ..

النفاق ..

الدكتور امير

07-09-2008, 05:09 PM

النفاق اسزأ صفات البشرية

يلا

سؤالي :

هل انت ممن يؤيدون الطلاق ؟

الساطعة

07-09-2008, 05:54 PM

سؤالك مو واضح او مو محدد...

بس رح اجاوب ...

اكيد انا بايد الطلاق
لانو وجد لخلاص المرأة من ظلم الرجل

بس ازا كان مو لخلاصها فانا ما بأيدو ...

للي بعدي ...

شو رائيك بالحياة الي بنعيشها اليوم ؟؟؟؟

تحياتي ...
الساطعة في غياهب الظلام ...

Arabian girl

07-09-2008, 07:14 PM

حياه بشعة كلها تقليد وخالية من التفكير والايمان والابتكار
اللي بعدي نفسو

الدكتور امير

07-09-2008, 09:42 PM

عادية كتير

سؤالي :

ما هي احلامك المستقبلية ؟

Arabian girl

07-09-2008, 10:19 PM

العودة الى الوطن انشالله
اللي بعدي نفسو

أع ـــشقـ أنفاسهـ

07-10-2008, 02:05 AM

اممممممممممممممممممممممممممم

حلمـــــي أتخرج من الجامعهـ بشهاده بتشرف وارفع راس اهلي فيها

والحلم الاكبر والاهم أرجـــــــــــــــــــــــــع لبلدي

HaDoOoL

07-10-2008, 02:10 AM

نفس السؤال:icon9:
مااشي..
حلمي الوحيد اني ارجع ع فلسطين..
الي بعدي..
شو قاعد/ه بتعمل/ي هلآ؟؟

MoHaDe

07-10-2008, 02:19 AM

مصدوم وزاد تصميمي عنحقيق حلمي

نفس السؤال

HaDoOoL

07-10-2008, 05:00 AM

قاعده ع المنتدى وع المسنجر..
الي بعدي نفسوو..

Maram .. ~

07-10-2008, 05:03 PM

المنتدى..

بس

كم مرة زرت مكــة و المديــــنة المنـــورة

:)

انسان فلسطيني

07-10-2008, 06:44 PM

الله يكرمني بزيارتهم لانو احلى رحلة في الكون

هي رحلة الحج والعمرة ...........

شو الحب بنظرك ؟؟

Arabian girl

07-10-2008, 08:44 PM

حياه
اللي بعدي نفسو

الساطعة

07-10-2008, 09:06 PM

الحب كلمه تقوليها من غير ماتعرفي ....
انك طايره من غير جناحات وانتي اقرب للارض ...
الحب ينسيك سيئات الزمن الي ماصار يساوي الي دقيتين ....
والسنين الي تجري من غير ما تعرفي ...
هذا هو الحب بنظري ...

السؤال هو ....

شو بعينلك كل من الموت والحياة ؟؟؟؟

تحياتي ....
الساطعة ...

._.•°ღ حكآية آحسآآس ღ°•._

07-10-2008, 09:08 PM

الحب في نظري هو...ذلك الشعور الخفي ...:icon26:
الذي يتجول في كل مكان ...ويطوف الدنيا بحثا عن فرصته المنتظرة:icon26:
ليداعب الاحاسيس...ويسحر الاعين...ويستقر في غفلة عن العقل...:icon26:
ورغما عنك ... داخل تجاويف القلب ... ليتملك الروح والوجدان...ليسيطر..:icon26:
على كل كيان انسان... للحب معاني عظيمة وتعاريف كثيرة ... وبدونه لن تستمر:icon26:
الحياة على اي كوكب...:icon26:
اما سؤالي فهو ماذا تعني لك الارض؟؟؟؟؟؟؟؟

._.•°ღ حكآية آحسآآس ღ°•._

07-10-2008, 09:11 PM

اما شو بيعنيلي الموت فهو حياة ثانية اما الحيلة فهي فانية
بكرر نفس السؤال

الدكتور امير

07-10-2008, 09:42 PM

الحب معنى رائع و كلام رقيق من القلب للقلب

انه حياة اخرى

سؤالي :

كيف تنظر للحب ؟؟؟

الساطعة

07-10-2008, 09:58 PM

والله يا دكتور امير ما جاوبت على سؤالي ....
لازم ترجع وتجاوب ...

هههههههههههههههه
تحياتي ....
الساطعة ...

MoHaDe

07-10-2008, 11:44 PM

هههههه صار كركبة بالمركبة

هلا شو الوضع اللي بعدي يحط سؤال وخلص

HaDoOoL

07-11-2008, 12:04 AM

طييب انا رح اسأل..
شو رايك بالمدرسه؟؟

MoHaDe

07-11-2008, 12:46 AM

ههه الله يلعن ابو المدرسة

كمان 20 يوم بتبلش عندي وااااااااااااااااع

هي يعني بتسلي وبتقعد تنكش عالاساتذة بس المشكلة فيها الامتحانات والقصص هادي
نفسو

HaDoOoL

07-11-2008, 12:54 AM

امممم..حلوه ومو حلوه..
الي بعدي..
امم مابعرف ماعندي اسئله خلصوا..

Arabian girl

07-11-2008, 11:23 AM

اوك اللي بعدي
شو اكتر شي بتحبو بالدنيا وشو اكتر شي بتكرهو فيها؟؟

**بنت الجزائر**

07-11-2008, 12:45 PM

احب التوااضع

اكره التكبر

اللي بعدي

شو اكثر واحد بتعتبروو مثل اخوك او اختك في المنتدى؟؟؟؟

bEnOoO

07-11-2008, 01:33 PM

و الله انا لساتنى جديدة طخ
بس حسيت بلو غيرل زي يعنى نفس شخصيتى من الهبل
و اسمراني و سيف عدي كمان حبيت مشاركاتهم بيردو على كل واحد حبايب الشعب

نفسو

Arabian girl

07-11-2008, 06:44 PM

كلهم السيف عدي وبلو وفلسطينية والدكتور امير .....الخ

Arabian girl

07-11-2008, 06:44 PM

نفسو للي بعدي

Dont Ask Why

07-11-2008, 08:21 PM

بلو + نسيم الروح +زهور +عدي + شيما +فلسطينيه + دكتور امير ................................... ................................... ................................... ................................... ................................... ..............................الخ

كلكو متل اخواتي وخواتي

للبعدي

شو اسوء شغله فيني

sweet angel

07-11-2008, 10:03 PM

والله ما بعرفك كتير... بس مبينه اموره

سؤالي:

شو رايك بانتشار الانترنت بالصوره هاي هالايام و اعتمادنا عليه بجميع امور حياتنا؟؟!

الساطعة

07-11-2008, 10:11 PM

الانترنت شي حلو كتير ...
وحلو انو نعتمد عليه بكل شي مفيد وجميل
وانو نحسن استخدامو ...

وما نستخدمو بالشي الي مو امنيح ....

ليه قسم الالعاب بالمنتدى مسكر ؟؟؟؟؟

سؤال خطير ...
ههههههههههه

تحياتي ...
الساطعة في غياهب الظلام ....

جيفارا*نابلس

07-12-2008, 01:03 AM

لانوا احنا مش صغار نقعد نلعب

جيفارا*نابلس

07-12-2008, 01:04 AM

سؤال

وحيكوا جبار

ليه حبيب قلبي
ونبض فؤادي

الصمت مو مبين

شكلو غايص بشي

MoHaDe

07-12-2008, 02:20 AM

كهكهكه ابصر شو قصتو مع انو ما بعرفو لساتني جديد

السؤال
ليش الناس بهربو من المشكلة وبخلوها تكبر وما بحلوها وقتها ؟

واه من شوقي لحبيبي واه من بعادو يبكيني

واه من الصبر واه خخخخ
والله نانسي مكبسة معها بهالاغنية

Arabian girl

07-12-2008, 09:13 AM

لانهم ما بفهمو هههههههههه
اللي بعدي نفسو

جيفارا*نابلس

07-12-2008, 01:12 PM

مكسل اروح للصفحه القبل

الدكتور امير

07-12-2008, 02:33 PM

هم م م م مم م

سؤالي :

ما رأيك في ما يحدث للاكل من اسمدة و مواد كيماوية ؟

Arabian girl

07-12-2008, 03:14 PM

رايي انو شي مضر ولازم يتوقف
اللي بعدي اممممم
نفسو ههههههههه

بنت الشام ..

07-12-2008, 03:21 PM

شي سيئ كتير ... حتى طعمو مو متل الطبيعي بدون هالتخابيص ...

الي بعدي ... ما رأيك بلبس البنت للبنطال (( بنطلون )) .. ؟؟

Arabian girl

07-12-2008, 03:25 PM

اممممممممم خليها للي بعدي هههههههه

**بنت الجزائر**

07-12-2008, 03:34 PM

عااااااااااااااادي بس مع جلابة عند الركبة المهم يكون اللباس مستووور

اللي بعدي شو رايك بالبنت اللي تنهض على 11 صباحا هههه؟؟؟

smile_4_arwa

07-12-2008, 03:35 PM

اه عادي جدا..بالبيت اما براته..مع تيشيرت طويلة..

للبعدي نفسه..

^^

smile_4_arwa

07-12-2008, 03:37 PM

اسفة بنت الجزائر..بالنسبة لسؤالك..

عادي وازا بدها ىتضلها نايمة للوحدة..

للبعدي نفسه..

^^

الفتاة المشرقة

07-12-2008, 05:50 PM

عادي جدا

يعني الواحد بأيام الاجازات ما بصدق ويتنا يقدر ينام

لانو المدرسه من الصبح بدك تصحي

ليش بنخاف من التوجيهي؟

MoHaDe

07-13-2008, 12:50 AM

لانو الناس اعطو اكبر من حجمو
ومش قادرين يستوعبو انو هو زي اي صف اللهم انو اسئلة من الوزارة والنتيجة بتتحدد من امتحان
بس فش داعي للخوف لانو غالبا اسئلة الوزارة اسهل من اسئلة الاساتذة تاعون المدرسة

نفسو

حدن

07-13-2008, 02:48 AM

لو بدي اجاوبك عن حالي التوجيهي لا يعني سوى تخلف المجتمعات التي ما زالت محتفظة بهالنظام العفن
لو ان بيدي التحكي بالوضع الراهن لفضلت ان يلغى هذا النظام الفاشل نوعا ما الذي يقرر مصير شخص قضى 12 عاما في محنة انا اعتبرها محنة بامتحان واحد فقط وما تزال امتنا قابعة تحت ظلمة الجهل ولن تستنير مادام الوضع الراهن كمااا هو بدون التغيير والاصلاح

Arabian girl

07-13-2008, 04:49 AM

لانو هادي المرجلة بتحدد مستقبل الشخص ومهنتو
عشان هيك الا ما يكون في شوية توتر

نفسو للي بعدي

الدكتور امير

07-13-2008, 08:51 AM

اكيد مرحلة انتقالية

يلا سؤالي :

هل شعرت يوما باليأس من الحياة ؟

ღ حورية فلسطين ღ

07-13-2008, 11:21 AM

امممممممممممممممممممممممممممممممممم م

يوما اي شعرت

بس مو دايما

يمكن يوم بالسنة بس بشعر باليأس^^

اللي بعدي

عمرك عملت غلط بحياتك ما بتقدر تنساه؟؟؟؟؟؟؟؟؟؟؟؟؟؟؟؟؟؟؟؟

MoHaDe

07-13-2008, 12:38 PM

اها غلطتين للاسف

نفسو

Maram .. ~

07-13-2008, 02:17 PM

اه و عمري ما لح أنساه ابدا..

طيب..

نفسهـ..

:)

Dont Ask Why

07-13-2008, 03:22 PM

هههه

كل حياتي اغلاط

ههههههههههه

للي بعدي

نفسو

آية بنت فلسطين

07-13-2008, 03:27 PM

ييي شو هالسؤال هاد
بس بصراحة لأ الحمدلله

يلا نفسو السؤال حلو

Dont Ask Why

07-13-2008, 03:29 PM

ياسلام لسه توني مجاوب

للي بعدي

نفسوووو

يمكن ماجاوب

هههههههههههههههههههه

blue-girl

07-13-2008, 03:35 PM

اها

كتير

للبعدي :::

بدي الاجابه جد ... يعني حط حالك مكان الشخص .. اوك

لو تقدم الك او الاختكـ ... امير ... اها امير من غير جنسيتكـ ... اوافق او لاء .. ؟؟

Dont Ask Why

07-13-2008, 03:41 PM

انا ماعندي خوااااات

بس ازا بدها اياه الله يوفئهون

للي بعدي نفسو

Arabian girl

07-13-2008, 05:58 PM

الراي عند اللي بدو يتزوج ههههههههه
اللي بعدي
شو اكتر شي بتحبو بالمدرسة/الجامعة/ الشغل؟؟

**بنت الجزائر**

07-13-2008, 06:01 PM

بحب حصة الفرنسية بموووووووت فيها وسااعات الهبل طبعا ههههههههههه

اللي بعدي شو رايك في المنتدى؟؟؟

سرور

07-13-2008, 09:43 PM

والله منتدي جميل من ناحية مواضيعة لكن ينقصه التنظيم وترتيب في اقسامه

اما سؤالي

ما ذا اضافت لك ترجبتك في المنتدي في شخصيتك

الدكتور امير

07-13-2008, 09:54 PM

ام م م م م م م م

مش عارف

سؤالي :

كيف تنظر للحياة ؟

سرور

07-13-2008, 10:15 PM

يقول علي كرم الله وجه

اعمل لدنياك كأنك تعيش ابدا وأعمل لاخرتك كأنك تموت غدا

الحياة اذا نظرت لها من زاوية ثقية فلا تراء منهاالشئ جميل وان كان العكس فتظمك وتحلق بك وتراء الاشياء الجميلة

وسؤالي

هل تفضل البنت المتعلمة غير مثقفة او العكس ولماذا ؟

الدكتور امير

07-14-2008, 03:48 PM

انا افضل البنت المتعلمة

سؤالي :

هل انت ممن يحبون توجيه الانتقاد للآخرين ؟

Arabian girl

07-14-2008, 03:54 PM

لا بس الصراحة ممن ينتقدون
اللي بعدي
ما هي حاله ايمانك وقربك من الله ؟؟

بسم الحب

07-15-2008, 03:18 PM

قريبه من ممتاز

هل انت/ي متزوج خاطب؟؟

Arabian girl

07-15-2008, 03:31 PM

لا والحمدلله ^^
اللي بعدي نفسو

lili_pop

07-15-2008, 04:54 PM

لا والحمد لله ,,

نفس السؤال ؟؟

Dont Ask Why

07-15-2008, 08:55 PM

لا

للي بعدي نفسو

الدكتور امير

07-15-2008, 09:50 PM

لااااااااااااااااااااااااء

يلا سؤالي :

هل انت ممن يتقبلون اراء الاخرين بصدر رحب ؟

lili_pop

07-15-2008, 10:22 PM

إذا كانت ما فيها إساءة إلي أكيد

نفس السؤال ؟؟

MoHaDe

07-15-2008, 11:36 PM

اها الحمدلله

نفسو ؟

سرور

07-16-2008, 12:13 AM

نعم لكن بشرط اذا كان الشخص عندو تجارب اكثر مني في الحياة ويملك عقل كبير بيفكر صح

وسؤالي

ما هي سلبيات دكتور امير

Maram .. ~

07-16-2008, 10:12 AM

مممممممم

بصــراحة مــا بقدر احـــكم لإني ما تعــاملت معه كتير..

..

شــو هيــا سلبيــاتــي أنـــا؟!

و بصــراحــة ..

:)

الدكتور امير

07-16-2008, 11:17 AM

ما في عندك سلبيات كويسة كتييييييييييييييييير

سؤالي :

ما هو شعورك عندما يتم حذف موضوع من مواضيعك ؟

Arabian girl

07-16-2008, 11:28 AM

حسب الموضوع
ادا كنت تعبانه في بنقهر
اللي بعدي ماذا يمثل والداك بالنسبة لك؟

محارب اليهود

07-16-2008, 12:23 PM

حياتي كلها

عندك كم اخ؟؟؟؟؟؟

Anonymous Gril

07-16-2008, 12:43 PM

واحد ولله الحمد

كم صورة في بيتكم؟؟؟

صمت البحر

07-16-2008, 12:46 PM

النت احسن شي في فوائد اكتيرة ه

Arabian girl

07-16-2008, 12:48 PM

كتير
اللي بعدي شو اهم شي بحياتك

صمت البحر

07-16-2008, 12:49 PM

واحد ولله الحمد

كم صورة في بيتكم؟؟؟

ههههههههههههههههههههههههههههههههههه ههههههههههههههههههههههههههه

Anonymous Gril

07-16-2008, 12:56 PM

اللي بعدي شو اهم شي بحياتك

ارضاء الله تعالى و والداي..

هههههههههههههههههههههههههههههه ههههه ههههههههههههههههههههههههههه

"." شوي ...شوي يا صمت البحر احسن ما تتشردق..."."

للي بعدي.....ماذا تعني لكـ الأم؟؟؟

جيفارا*نابلس

07-16-2008, 12:59 PM

كل شي الحب والامل الحزن العطاء الخداء كل ما يخطر عالي بال احد

جيفارا*نابلس

07-16-2008, 01:00 PM

لمادا خلقت انت

Arabian girl

07-16-2008, 01:04 PM

لان ربي اراد ذلك
اللي بعدي
ما هو الامل بالنسبة لك؟؟

Maram .. ~

07-16-2008, 01:06 PM

شعور حلو بخليك تحس إنو الخير موجود دايما..

:)

وردة المحبه

07-16-2008, 06:14 PM

اها الا مل ضروري لكل انسان

شو الاشياء الموجوده بغرفتك من غير ما تنقص شي اذكرهم كلهم

&نسيم الروح&

07-16-2008, 07:16 PM

فيها اشياء كتيييييييييييييييييييير

فيها تخت وكومدينات تنتين وفيها درسر بــ 6 جوارير واكيد فيها تسريحه

عليها مكياج وعطور ومناكير وصوره الي

على الدرسر في قران خشب ومصحفين الي بقرا فيهم

وفي على الكومدينات في تيبل لامب تنتين وفي باسنات لابني " هاد سرير للبيبي بس اصغر من الكريب"

وفي على الكومدينات كمان فريمين لصور وحده فيها صورتي والتانيه فيها صوره الي ولزوجي

وفي على الارض موكيته وفوقها سجاده صغيره

خلص بكفي ما ضل شي يمكن

الي بعدي

شو رايك بالدنيا الي احنا عايشين فيها؟

وردة المحبه

07-16-2008, 07:32 PM

والله ودنيا شو بدي اقول عنها معرفه حالها من حالها

نفسو

روح الأحلام

07-16-2008, 11:49 PM

قوي بيوكل ضعيف

هادي دنيا اليوم

الي بعدي متلو

MoHaDe

07-17-2008, 01:21 AM

ان لم تكن بني ادم اكلك البشر خخخخ

لا جد هالايام الطيبة و التهاون مع الناس بتزبطش بالمرة
بس بالعين الحمرا بتقدر تدبر حالك بهالدنيا

دنيا مقرفة وعالم اقرف وكلشي ماشي من مقرف لاقرف

نفسو

lili_pop

07-17-2008, 03:24 AM

الدنيـــــــا ,,, اقرأوا عليها السلام
كالغابة القوي يأكل الضعيف

طيب
أين تقيم حاليا ؟؟

Maram .. ~

07-17-2008, 10:08 AM

بالإمـــارات..

..

نفسهـ....

:)

آية بنت فلسطين

07-17-2008, 10:29 AM

بالأردن
للبعدي: شو عم تعمل هلأ؟

الفتاة المشرقة

07-17-2008, 10:41 AM

قاعده على المسنجر وعلى المنتديات

شو رأيك بتأجيل نتائج التوجيهي؟

MoHaDe

07-17-2008, 12:34 PM

بسيطة الله يجعلها اكبر المصايب
هيهم بكرا لصبح بطلعو

نفسو ؟

الدكتور امير

07-17-2008, 01:11 PM

نتائج التوجيهي شي عادي جدا بس احنا بنعمل طنة و رنة على الفاضي

سؤالي :

شو حلمك في الحياة ؟

Arabian girl

07-17-2008, 01:20 PM

ارجع ع بلادي وادخل الجنة
اللي بعدي نفسو

MoHaDe

07-17-2008, 01:27 PM

الجهاد في سبيل الله و الشهادة اسما امانينا :)

نفسو

اسلام

07-17-2008, 01:31 PM

اولا ارضي ربي وديني واهلي

حلمي احقق اهدافي الكبيرة والتي لاتعد ولا تحصى
الحلم اعيش باستقرار مع عائلتي بتحقيق انجازاتي واعمالي ويكون لي بصمة في الحياة

شو رايك بانسان بيكتم بقلبو وما بيقدر يحكي يلي جواه ولا يعبر وما بيحكي غير مع ورقته وقلمو ؟؟؟؟

Arabian girl

07-17-2008, 01:34 PM

انسان كتوم هههههههههه
اللي بعدي نفسو

اسلام

07-17-2008, 01:52 PM

انسان مسكين مو ملاقي حد يثق فيه يحكيلو ويأتمنو وممكن يكون صار معاه مواقف اتعلم ما يحكي لحد الي بقلبو

نفسو

MoHaDe

07-17-2008, 02:02 PM

ههه عادي ولسا في ناس ما بكتبو حتى عالورقة والقلم
انا بالنسبة اللي هادا احلى شي لانو في شغلات بتنحكاش والناس هالايام بتنبلش بتمهم فولة

والسر اذا طلع من واحد مش من تنين ببطل سر ههه

نفسو

الدكتور امير

07-17-2008, 03:23 PM

هم م م م

هي نوع من الاشياء المخبأة في النفس البشرية

سؤالي :

ما هو رأيك في هذا الموضوع ؟

Maram .. ~

07-17-2008, 06:03 PM

الموضوع حلو..

طيب..

شــو أحلــى إشــي ممكن تعملوا بيــومك؟

:)

Dont Ask Why

07-17-2008, 06:14 PM

يا سلام

انام

ههههههههههه

للي بعدي نفسو

اسلام

07-17-2008, 06:18 PM

احلى شي لما تفتح القران وتختار بشكل عشوائي سورة وتشوف ربنا شو اراد لك تقرأ اليوم بتحس كانو ربنا بحاكيك وبعدين تغمض عينيك وتتخيل حالك بالجنة وجمالها بصراحة يوميا بخصص لحالي فترة بس اتخيل حالي بالجنة ونعيمها حلو بعد كل صلاة

بجد جربوها افتحي القران واختاري سورة بشكل عشوائي شوفي ربنا شو حابب يحكي معك رح تشعري بشعور لا يوصف

الي بعدي نفسو

Dont Ask Why

07-17-2008, 07:13 PM

الله يعينا ونصير زيك انا بقرا قران في رمضان بس هاد ازا قريت

جاوبت وحكيت بنااااااام او باكل ايسكريم

للي بعدي كلعاده نفسو

اسلام

07-18-2008, 04:03 AM

النوم الكتير بتقل الراس ها وكمان بنصح

وماتكتر بالنوم بيرهقك كتير اخي

والله يااخي ان شاء الله ما بتصير زيي ان شاء الله بتصير افضل مني لاني ولاشي لسا ماعملت شي لربي ارضيه

اعمل لله تنعم بحياتك والقران هو الصديق الوحيد يلي رح يفهمك وتفهمه بجد

سؤالي بجد جاوبو بصراحة ليش الشب بحب يحاكي البنات ع الجوال او التلفون او الشات مع انه بيعرف عنده خوات وعارف انو ما بجوز هالشي ؟؟؟؟ما بيخاف على اخته ؟؟؟؟ ما بيعرف انو كما تدين تدان ؟؟؟

ناقش السؤال بصراحة
المهم جاوبت بما انو مافي يرد بغير السؤال لاني جاوبت قبل عنه

Arabian girl

07-18-2008, 09:12 AM

الصراحة انا موشب تا احكي بس بظن انو تسلية
بعدي نفسو

Abu Shadi

07-18-2008, 09:38 AM

الحمد لله انو عافانا

أسأل الله ان يهديهم جميعا

تحيتي

نفسو

Arabian girl

07-18-2008, 10:10 AM

جاوبتو
اللي بعدي شو اكتر مكان بتحب تروح عليه وليش؟؟

الدكتور امير

07-18-2008, 10:22 AM

على البحر

لانه بحس انو انا و ياه واحد

سؤالي :

ما هي نظرتك للامنية ؟

Arabian girl

07-18-2008, 10:38 AM

هي ما يامل اليه الانسان ويجده في نفس الوقت بعيدا
اللي بعدي هل تخاف من البحر؟؟

Maram .. ~

07-18-2008, 01:44 PM

لا ليش أخـاف من البحــر..

نفسهـ...

:)

اسلام

07-18-2008, 02:15 PM

البحر رائع ياريت عنا بحر لكنت كل يوم رحت عليه وحكيت

البحر ابدا مو مخيف بالعكس

الي بعدي شو رايك بالدخان ؟؟؟؟ والرجل الي بدخن عشان يفرجي حالو زلمة ؟؟؟؟

lili_pop

07-18-2008, 02:47 PM

الهيئة ما بتحبي الدخان

الدخان كتير مو حلو مو منيح ,,

نفس السؤال ؟

تالا العسل

07-18-2008, 02:49 PM

الدخان بنظري بس صرف فلوس على الفاضى

على راي المتل الفاضى بيعمل قاضى

اللى بدخن ليعمل حالو زلمه شو ما يعمل بضل طفل بنظري او مراهق بدى يبين حالو بين الناس

اللى بعدى

بتدخن وشو بتستفيد من الدخان؟

Dont Ask Why

07-18-2008, 03:54 PM

لا مو كتير في المناسبات السعيده

وشو بستفيد شغله بنتسلى فيها ونحنا ئاعدين

للي بعدي

كلعاده نفس السؤال

تالا العسل

07-18-2008, 03:55 PM

انا جاوبت عليه

طيب

سؤال تانى

امممممممممم

اللى بعدى حطو انت

السيف عدي

07-18-2008, 04:02 PM

الدخان احلى شي في الحياة ..

بساعد ع التفكير هههههه ..

نكست نفسوووووو

lili_pop

07-18-2008, 04:03 PM

ما بدخن ,,,
أوك
شو ناوي تسوي بعد ما تخلص من النت ؟؟

Arabian girl

07-18-2008, 04:07 PM

احضر تلفزيون هههههههههه
اللي بعدي نفسو؟

تالا العسل

07-18-2008, 04:07 PM

اطلع مع خطيبي

اللى بعدى نفسو

lili_pop

07-18-2008, 04:10 PM

هلأ بدي أروح أودع عمو و بنات عمو

أوك
شو نوع موبايلك ؟

تالا العسل

07-18-2008, 04:13 PM

N70

اللى بعدى

شو اسمك الحقيقي

lili_pop

07-18-2008, 04:16 PM

رانيا

نفس السؤال ؟

تالا العسل

07-18-2008, 04:16 PM

نور

نفس السؤال

Dont Ask Why

07-18-2008, 04:18 PM

ليث

نفس السؤال

lili_pop

07-18-2008, 04:18 PM

رانيا

أوك
شو حلمك بالحياة ,, و لسه ما تحقق ؟؟

تالا العسل

07-18-2008, 04:26 PM

حلمى انى اخد درجه عاليه فى توجيهى ان شا الله بتحقق

نفسوووووووووووووو

Dont Ask Why

07-18-2008, 04:39 PM

ماعندي احلام

لأنو ازا بدي احلم بكون حكمت على حالي بالجنون

بلاها مابدي جن

للي بعدي نفسو

تالا العسل

07-18-2008, 04:40 PM

انت فاقد الامل فى الدنيا

حكيت حلمى

اللى بعدى

بتحضر نور

Dont Ask Why

07-18-2008, 04:44 PM

لا

احضرت اول شي وبعدين ماتحملت سخافتووووو

سخيييييييييييييييييييييييييييي ف

ليش انتي بتحضري

تالا العسل

07-18-2008, 04:48 PM

اه بحضرو بحبو من كتر المشاكل اللى فيه

بتحب

أحلى غزوية

07-18-2008, 04:48 PM

ههه بحضرو عشين اضيع الووقت

نفسو

تالا العسل

07-18-2008, 04:51 PM

اللى بعدى

بتحب /ي؟؟؟؟؟؟؟؟؟؟

Dont Ask Why

07-18-2008, 04:53 PM

لا

أحلى غزوية

07-18-2008, 04:54 PM

هلاا لا ما بحب اذاا كاان قصدك حب شخص معين ... اماا بشكل عاام اناا من النااس اللي عمري ما اكرهت حدن مهماا عمل ... بحب الجميع

نفس السؤاال ؟؟

تالا العسل

07-18-2008, 04:55 PM

حبيت وخطبت وفرحى قرب وبتبدأالمسؤالية

اللى بعدى

امتى حتفكر/ي تتزوج/ي

Dont Ask Why

07-18-2008, 04:59 PM

انتي بيبي

بدك تتجوزي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يو لساتك 17 حرام عليكي

مارح فكر لساتني صغير

أحلى غزوية

07-18-2008, 05:01 PM

اممم لمااا الااقي الشخص المنااسب بس الحين ما بفكرش بالمووضع لانوو هلا بس بفكر بدرااستي خصووصا اني هلاا مقيمه بالاماارات وبفكر اجيب معدل عاالي و ادخل المعهد البتروولي

شوو طمووحك بالحيااه؟؟

تالا العسل

07-18-2008, 05:01 PM

فى فلسطين ما فى صغيرة

شو اعمل حظي

تالا العسل

07-18-2008, 05:03 PM

انت من وين

Dont Ask Why

07-18-2008, 05:04 PM

من لبنان

ولك حرااااااااااااااااااااااام

حزنت عليكي

تالا العسل

07-18-2008, 05:06 PM

ما تحزن بنات فلسطين قد المسؤاليه بس اكيد خايفه منها

شو رأيك ازا حكيتلك فى بتجوزو 15 عنا

اسلام

07-18-2008, 05:07 PM

فش سؤال صار موضوع شات

هههههههههههه

بسال

شو رايك باهل نابلس ؟؟؟؟

تالا العسل

07-18-2008, 05:09 PM

ما بعرفهم
بس حلوين شو احكيلك يعنى

اللى بعدى
شو رأيك فى بنات فلسطين

أحلى غزوية

07-18-2008, 05:09 PM

احلى نااس هههه

شوو اهداافك اللي لسه ما حققتها بحيااتك ؟

اسلام

07-18-2008, 05:16 PM

لسا كتير

هدفي اشتغل ويكون لي بصمة في الحياة وادرس قبل اكمل جامعة وان الله قدرني حابة اكمل لبعد هيك دراسة

وكمان في مشاريع نفسي اعملها بالمستقبل

سؤال

شو استعدادك لايام رمضان ؟

أحلى غزوية

07-18-2008, 05:18 PM

عنجد و الله اكتيير متحمسه لقدووم رمضاان ... وحاابه اختم القراان كذا مره ... واقدم المسااعده للمحتااجين اللي مو لاقيين اكل

نفس السؤاال

تالا العسل

07-18-2008, 05:19 PM

بحاول ما اشرب مي كتير هههههههههههههه

اللى بعدى نفسووو

Dont Ask Why

07-18-2008, 05:22 PM

ما بعرف

اسلام

07-18-2008, 05:23 PM

حابة انزل للمسجد اجتمع مع صاحباتي

وكنا ايام نفطر شلتنا كلها مع بعض البنات وناكل تمر ونكون مبسوطين

بشتاق زيارات رمضان للعيلة في رمضان منزور كل العيلة

والقران والصلاة وقيام الليل
وخاصة ياحنان يامنان اجرنا من عذاب النار

والمصحراتي

وكتير اشياء حلوة برمضان

نفسو

اسلام

07-18-2008, 05:23 PM

Dont Ask Why

وبعدين معك حط سؤال ليش بتنسا تحط سؤال ؟؟؟

أحلى غزوية

07-18-2008, 05:24 PM

اممم انا جااوبت

شو موااصفات الشخص اللي عنجد ابتعتبرو صديق الك ؟؟

Dont Ask Why

07-18-2008, 05:27 PM

واحد متلي دايما فاضي

ههههههههههههههههههههههههههه

Dont Ask Why

وبعدين معك حط سؤال ليش بتنسا تحط سؤال ؟؟؟

اسلام يابكتب نفسو يامابحط سؤال

مابحب اسأل

هههههههههههههههههههههه

يلا ولايهمك

نفسو

اسلام

07-18-2008, 05:31 PM

الصديق الصادق معي في كل شيء وكمان بينصحني وبوجهني للطريق الصحيح واذا في غلط بينتقدني لانه مهتم اكون كويسة

نفسو

أحلى غزوية

07-18-2008, 05:38 PM

الصديق هو الانساان اللي عنجد بحترمني و بعزني و اللي ممكن احكي لالو كل اشي بخصني ... و اللي لو طلب وحده من عيووني بتكوون ارخيصه كرماالو ... و الحمد لله عندي صديقه اكتير بعزهاا و بعتبرهاا زي اخت لالي مو بس صديقه

شوو اهم اشي صاار معك بحيااتك ؟؟