غاز مجاني لمدة شهرين من مصر للكيان الصهيوني ، وتوقيع عقد لمدة 20 عاما لتوريد الغاز المصري للكيان

[مؤيد]

في الوقت الذي يتم حرمان غزة من الوقود والغاز
غاز مجاني لمدة شهرين من مصر للكيان الصهيوني ، وتوقيع عقد لمدة 20 عاما لتوريد الغاز المصري للكيان


http://files.shabab.ps/vb/images_cash/up6/0805031622317ze4.jpg


فلسطين اليوم – غزة- القاهرة ..

أعلنت شركة كهرباء إسرائيل عن بدء تدفق الغاز الطبيعي المصري إلى إسرائيل عبر خط أنابيب للمرة الأولى ، بعد تعطل عن الموعد الذي كان مقرراً له دام قرابة الشهرين.



يأتي ذلك بموجب اتفاق وقع في عام 2005 بين شركة غاز شرق المتوسط لتوريد 1.7 مليار متر مكعب سنويا من الغاز الطبيعي المصري لمدة 15 عاما، بسعر لا يتعدى 7 سنتات للقدم المكعب، وأثار عقد الصفقة دون طرحها على البرلمان للتصويت عليها الجدل في مصر، خاصة وأن أسعار البيع في نظر المعارضين أقل بكثير من الأسواق العالمية.



ومن المقرر أن يسلم الغاز في المرحلة الأولى إلى محطات لتوليد الكهرباء في "تل أبيب" و"أسدود"، مما سيمكن شركة الكهرباء الإسرائيلية زيادة إنتاجها من الكهرباء المولدة بالغاز الطبيعي.



وقدرت شركة كهرباء إسرائيل أن أكثر من 20% من الكهرباء المنتجة في إسرائيل خلال العقد القادم ستعتمد على الغاز الطبيعي المصري.



ووصف يوسي ميمان المسئول بشركة "إي إم جي" بدء ضخ الغاز الطبيعي من مصر لإسرائيل باللحظة المؤثرة، وقال لصحيفة "كلكاليست" الاقتصادية العبرية: "هذه لحظة مؤثرة فبعد عشر سنوات من العمل المضني نجحنا في تحقيق مشروع يقوي العلاقات الإستراتيجية بين الدولتين المصرية والإسرائيلية، هذا إثبات على قدرة الاقتصاديين في تقوية العلاقات بين البلدين الجارين".



وأشار إلى الأيام الأخيرة شهدت عمليات تنسيق بين الطرفين المشاركين في المشروع، وتم توقيع عدد من التسهيلات بينهما، قبل أن يبدأ الضخ بشكل رسمي اعتبارا من مطلع مايو.



وكانت وسائل الإعلام الإسرائيلي أشارت إلى عملية بدء ضخ الغاز الطبيعي المصري بشكل رسمي إلى محطات توليد الطاقة الكهربائية بإسرائيل، وأضافت :"أن على مدى الشهرين الماضيين كان هناك ضخ تجريبي تخلله عدد من العيوب الفنية، قاصدة بذلك العطب الذي أصاب أنبوب الغاز الطبيعي المصري في مارس الماضي، وأدى إلى تسريب الغاز."



وذكرت أنه لأول مرة تدفع شركة الكهرباء الإسرائيلية المتعاقدة مع الجانب المصري مقابل ما تستورده إسرائيل من غاز طبيعي، وهذا يعني أن الشركة الإسرائيلية لم تكن تدفع ثمن العينات التجريبية التي كانت تضخ خلال شهري مارس وأبريل الماضيين.



وفي التفاصيل، فقد قامت شركة غاز شرق المتوسط ببناء خط أنابيب تحت الماء لنقل الغاز الطبيعي المصري إلى إسرائيل، وتتولى إدارة الخط والشركة مشروع مشترك من بين المستثمرين فيه رجل الأعمال المصري حسين سالم ورجل الأعمال الإسرائيلي يوسف ميمان.



وكان من المقرر أن يبدأ ضخ الغاز لإسرائيل في نهاية فبراير الماضي، إلا أن مصر وإسرائيل أعلنتا تأجيل الضخ بسبب مشاكل فنية في خط الأنابيب، في حين تردد وقتها أن سبب التأجيل عمليات تخريبية تعرض لها الخط.



وبيّنت وسائل إعلامية مصرية أنه سيتم اتخاذ إجراءات أمنية مشددة لحراسة الخط الناقل للغاز الطبيعي لإسرائيل خشية تعرضه لأي عمليات تخريبية تهدف إلى وقف عمليات التصدير، وقالت:" إن دوريات سيتم تسييرها بطول الخط لضمان عدم تعرضه لأي تخريب".



ووفقاً لنص العقد الموقع بين الجانبين المصري والإسرائيلي، فإن مصر تلتزم بتوريد سبعة مليارات قدم مكعب سنوياً إلى إسرائيل قابلة للزيادة، بسعر أدنى 75 سنتاً لكل مليون وحدة حرارية بريطانية، وبسعر أقصى دولاراً وربع الدولار لكل مليون وحدة حرارية، ترتفع إلى دولار ونصف في حالة وصول سعر برميل البترول من خام برنت إلى 135 دولاراً.



لكن الصفقة واجهت انتقادات واتهامات إلى الحكومة المصرية بإهدار متعمد للمال العام، حيث يبلغ سعر المليون وحدة حرارية من الغاز في الأسواق العالمية تصل إلى تسع دولارات، الأمر الذي يعنى إهدار مليارات الدولارات، بحسب المنتقدين.



كما نص العقد على أن تكون مدته لمدة 15 عاماً قابلة للتجديد حتى في حالة تناقص المخزون الاستراتيجي المصري، وحتى أن اضطرت مصر إلى شراء جزء من حصة الشريك الأجنبي بالسعر العالمي وبيعه لإسرائيل بالسعر المتفق عليه.

[خيـرَ أُمـة]

بتصور الخبر مش مهم كثير ... الحكومة المصرية حكومة علمانية بتحسبها بالمصالح مش بالدين .. والي بتقدمه بتوخذ عليه مساعدات من أمريكا سنوية ...

بتصور انه من الأولى الحكي عن العمال الفلسطينيين الي كان بناء المستوطنات وبيوت اليهود على اديهم .. يعني بدل ما ندور على مشاكل غيرنا خلونا انحل مشاكل مجتمعنا ...

انا شخصيا بعتبر كل من ساهم في بناء بيت صهويني انه واحد مجرم .. وما اكثرهم .. بتصور انهم أكثر من 200 الف عامل فلسطيني !! .. هذول اولى نحكي فيهم بدل ما نحكي عن حكومة علمانية مصالحها هي أولوياتها ..

أخوكم

[جيفارا*نابلس]

انا شخصيا بعتبر كل من ساهم في بناء بيت صهويني انه واحد مجرم .. وما اكثرهم .. بتصور انهم أكثر من 200 الف عامل فلسطيني !! .. هذول اولى نحكي فيهم بدل ما نحكي عن حكومة علمانية مصالحها هي أولوياتها ..




يعنني لو ما بنو المستوطنات قائمة بهذا الشكل او بأخر

حيجيبو عمال تايلند او رومان وبيبنو المواقع

ما استفدنا شي

ودخلك من وين يعيش هالشعب الخايب

:s (43):

[خيـرَ أُمـة]

يعنني لو ما بنو المستوطنات قائمة بهذا الشكل او بأخر

حيجيبو عمال تايلند او رومان وبيبنو المواقع

ما استفدنا شي

ودخلك من وين يعيش هالشعب الخايب

:s (43):

جيفارا .. خليهم يجيبو يا مان ...

بس مش معقول نبني بيوتهم بادينا ...

تخيل واحد يجي يطردك من بيتك وبعديها بفترة يطلب منك تيجي تصلحله شغله في البيت ... الموضوع ببساطة هيك ..

بعدبن يا أخي مهيها تسكرت في وش العمال وما ماتو من الجوع ..

بلاد الشام أخبر عنها الرسول انها البلاد الي ما بموت فيها حد من الجوع ... يعني الزرع لحاله بعيش الناس ... ماله الزيت والزعتر .. لازم نوكل لحمة يعني :icon15: !!

صدقني ما بموت من الجوع غير الي بتحاصر مثل ما حصل بغزة .. غير هيك ما تخاف بعيش الشعب ..

[جيفارا*نابلس]

... ماله الزيت والزعتر ..:icon15: !!

..

والي معو حموضه بمعدتو

كل يوم زيت وزعتر مابيزبط

ولو بدنا نعمل يوم مناقيش يوم زعتر ورق يوم زعتر وزيت كمان مابينفع بنسر الرجال الخضر

ههههههههههه

أمن لا 20 الف عامل لقمة رزق

وبعد هيك ما اظن حدن بيقرب على اسرائيل ولا شغلها

انتا بتحكي عن غزة هيهم الله يعينم مية العدس مشتهينها

واي زرع الي بدو يطلع لمن انا وانتا وغيري وغيرك تركنا الارض وتركنا البلد وتمدنا وصرنا مدرا ماشالله

الموضوع اكبر بكتير من ان يكتب على صفحه

واكيد لو في نظام اشتراكي رح يسهل الامر

الي مابيهتم بأرضو تؤخذ منه بالغصب وتعطى للي بدو يزرع ويفلح

بس شاطرين نحكي والله عندي ستين دونم وسبعين هكتار

:s (43):

[خيـرَ أُمـة]

أمن لا 20 الف عامل لقمة رزق


والله لو قصة عشرين كان بسيطة ... يا رجل ناا كنت في طولكرم .. والله كان الطالب يترك المدرسة في القراى والمخيمات ويروح يسرح ويرجع بيومية مش أقل من 100 شيكل هذا طالب المدرسة بطلع أكثر من مدرسه بالمدرسة ويمكن أكثر من المدير !! يعني الموضوع كان طمع في تلك الفترة

والله بعرف مدرسيين تركو التدرييس وصارو يشتغلو عند اليهود ...

وين يا ابو محمد .. نازل أسرح .. وين يا عباس نازل أسرح .. نص الشباب نازلين يسرحو .. وهذا وقت السلام بعد اوسلو وهذيك الفترة كانت فترة ذهبية لليهود ببناء مستوطنات واستقطاب يهود بالذات من روسيا ...

يمكن في نابلس عندكو أخف بكثيير .. بس بطولكرم كانت ظاهرة غير عادية ...

[مؤيد]

جيفارا نابلس ....

شكراً الك كتير على مشاركتك بموضوعي ....

تسلم ايديك ...

^.^ ...

:s (43):

[جيفارا*نابلس]

والله لو قصة عشرين كان بسيطة ... يا رجل ناا كنت في طولكرم .. والله كان الطالب يترك المدرسة في القراى والمخيمات ويروح يسرح ويرجع بيومية مش أقل من 100 شيكل هذا طالب المدرسة بطلع أكثر من مدرسه بالمدرسة ويمكن أكثر من المدير !! يعني الموضوع كان طمع في تلك الفترة

والله بعرف مدرسيين تركو التدرييس وصارو يشتغلو عند اليهود ...

وين يا ابو محمد .. نازل أسرح .. وين يا عباس نازل أسرح .. نص الشباب نازلين يسرحو .. وهذا وقت السلام بعد اوسلو وهذيك الفترة كانت فترة ذهبية لليهود ببناء مستوطنات واستقطاب يهود بالذات من روسيا ...

يمكن في نابلس عندكو أخف بكثيير .. بس بطولكرم كانت ظاهرة غير عادية ...

اخي احمد احنا لو شو ماسوينت بنضل بنظر العالم وبنظر انفسنا دوله او وطن محتل

لا يوجد مخارج لهاد الوطن

والله لو تحكي الاردن فيها الخير فاتحه الحدود والشغل منيح بنترك الشغل بأسرائيل

حط حالك مكان اي اب مش لاي لقمة خبز لولادو

والله لو مع الشياطين الحمر بيشتغل

قبل الخيانه

وقبل اليهود

في الجوع

والمتل بيحكي الجوع كافر الله لا يجوع مسلم يارب

ولا اي انسان بغض النطر عن دينو وعرقوا

لو نيجي ننظر للموضوع بشكل اخر

من حق الدولة المحتله تأمين حاجات السكان الاصلين بما يحتاجو

انا ماعشت الانتفاضه الاولى ومابعرف شو مجرياتها ولكن هي بنظري افضل بكثير حسب ما قرأت

صديقي احمد انت الان ربما خارج بلدك وتنعم بما لاينعم به الكثير غيرك

تنام وانت مليء البطن

تخرج متى تريد تعود متى تريد

فما بالك عندما تعطى 8 ساعات باليوم لكي توفر لك ولبيتك اهم الاساسيات

وبعد ذلك انت سجين داخل اقفاص كبيره لا منفذ لها سوى الله

زمن موائد عيسى انتهى

وزمن المعجزات

قد ولى

والله لو اراد ان يرزق لا يرزق احد وهو قعيد في بيته

نحن نفعل ماعلينا سواء ببناء او ما الى ذلك

والغرابه

انت على قناعة اكثر مني ان اليهود الى زوال

ورحيلهم من ارضنا

لن يطول

المستعمر والمحتل

عادتا لا يطيل


المكوث في ارض ليست ارضه

خدها من منظور اخر

ربما هي مدخرات او غنائم مابعد الزوال

دائما فكر في المواضيع من عدة اتجاهات

وارقام العمال في اسرائيل اكثر بكتير من ما تتصور انت وانا

[خيـرَ أُمـة]

أخي جيفارا انا عايشت الانتفاضة الأولى وعشت فترة من السلام .... صدقني الوضع ما كان لقمة عيش او جوع ...

أنا أتكلم عن حقبة السلام ... كان الوضع أفضل بكثير والوظائف متوفرة بشكل أفضل .... الطالب ترك المدرسة والمدرس ترك عمله والموظف ايضا ... يا رجل أكثر من نص شباب المنطقة كانو يطلعو على نتانيا ...

حتى كنت استغرب .. يعني بنسب على اليهود وبنحكي محتل وبنروح نبنيلهم مستوطناتهم بادينا !!


أخي جيفارا لو أغنياء فلسطين أخرجو زكاتهم ما بضل فقير ومحتاج ... بس للأسف في شوء ادارة في المال غير السرقات والنصب من القيادات وبالتحديد في السلطة ...

يا رجل مافي عيلة ما الها ابن مغترب لحاله لو يبعتلهم قرشيين بعيشو احسن عيشة ...

مشكلة الجوع ما بتجيي غير من حصار مثل الي حاصل بغزة ... منع دخول الطعام والغذاء و و و .. وقتها بتموت الناس من الجوع ...

ربنا يهونها ...

[محب الاقصى]

فعلااالامر مؤسف لدول عربية


تجري لعقد الاتفا قات مع اسرائيل

كمصر وقطر

وغزة تعاني من حصار

وتقابل الشعب الفلسطيني بالسلاح ازا اراد تكسير الحصار

في معبر رفح

الشعب المصري بريء بما قامت به حكومته


ولا حول ولا قوة الا بالله

[مؤيد]

فعلااالامر مؤسف لدول عربية


تجري لعقد الاتفا قات مع اسرائيل

كمصر وقطر

وغزة تعاني من حصار

وتقابل الشعب الفلسطيني بالسلاح ازا اراد تكسير الحصار

في معبر رفح

الشعب المصري بريء بما قامت به حكومته


ولا حول ولا قوة الا بالله

صدقت بكل ما قلت .....

وحبسي الله ونعم الوكيل ....

ليش ما يبعتو لغزة شوية من الغاز ؟؟؟ ...

مش رح يخسروا شي ....

بالعكس أهل غزة رح يدفعو سعر الغاز ، ما بدهم ياه مجاني متل ما بتعمل حكومة مصر للكيان الصهيوني .....

تسلم عالمشاركة .....

منور محب الأقصى .....

:s (43):

[جيفارا*نابلس]

أخي جيفارا انا عايشت الانتفاضة الأولى وعشت فترة من السلام .... صدقني الوضع ما كان لقمة عيش او جوع ...

أنا أتكلم عن حقبة السلام ... كان الوضع أفضل بكثير والوظائف متوفرة بشكل أفضل .... الطالب ترك المدرسة والمدرس ترك عمله والموظف ايضا ... يا رجل أكثر من نص شباب المنطقة كانو يطلعو على نتانيا ...

حتى كنت استغرب .. يعني بنسب على اليهود وبنحكي محتل وبنروح نبنيلهم مستوطناتهم بادينا !!


أخي جيفارا لو أغنياء فلسطين أخرجو زكاتهم ما بضل فقير ومحتاج ... بس للأسف في شوء ادارة في المال غير السرقات والنصب من القيادات وبالتحديد في السلطة ...

يا رجل مافي عيلة ما الها ابن مغترب لحاله لو يبعتلهم قرشيين بعيشو احسن عيشة ...

مشكلة الجوع ما بتجيي غير من حصار مثل الي حاصل بغزة ... منع دخول الطعام والغذاء و و و .. وقتها بتموت الناس من الجوع ...

ربنا يهونها ...



انا معك انو لو كل انسان اخرج مقدار بسيط من المال رح نعيش ولكن المال في فلسطين اصبح شحيح بل نادر الوجود

اغلب الاغنياء سيدي

من اقتتالنا الداخلي من اجل كرسي اجرب

ومن اجل الخاوات وما الا ذلك انتقل اقتصادنا الى عمان دبي والمغرب

انا اعمل بالسياحة وارى الكم الهائل من مستثمرين يتركون البلد من دون ان يلتفت لمن هم اقرب اليه من نفسه

اصبحنا بهذا الزمن

نتبع مقولة اللهم نفسي

ربما نعود الى واجهة الموضوع الاساسيه

وهي تزويد اسرائيل بالغاز

للاسف قمة الجهل العربي اوصلتنا الى هنا

فمصر مثلا اذا لم تصلها بواخر القمح الامريكي الرديء في كل فجر

ربما تجد ان اكلين لحوم البشر عادو من جديد في القاهر وغيرها

ليس اللوم وحده على امريكا اللوم علي وعليك

انت لماذا لم تبقى هنا وترابط كما تذكر في اغلب احاديثك

ربما ستقول لم ولن يتوفر

وربما ستقول سأعود

صديقي اقول لك

لا يخرج احد من السجن ويعود اليه محملا بالهدايا والزهور الا رفع من العتب

ربما مايبقينا بهذه الارض هو بعض من الكرامه التي اصبحنا نخفيها كما نخفي عوراتنا

وا اتيت الا موضوع الاحزاب

او الفصائل المتناحره

انا ابعد البعد عن اي فصيل

وضد الرضوخ للاحتلال ايضا

اصبحنا للاسف كما الغريق

او لسنا كالغريق

لقد وصلنا لنصف الطريق وظللنا الضباب

فلم نعد نبصر من معنا ومن علينا

طرف منا ينجر وراء امريكا

وطرف اخر يلوذ برداء ايران

ولا ندري اننا اصبحنا سندان العالم

صديقي

دعك من كل احاديث الوطن والسؤال والغضب عما يجري به

انت ربما قلتها

اهل فلسطين بعيشو بالقليل

دعهم يعيشون

ولكن انت تعلم ماهي اضرار الفقر

من سعار وتجارة جنسيه وما الى ذلك

وكل ما اخشاه ان نتحول الى امريكا لاتنيه اخرى

احيانا احس اننا اقرب للهمجيه من قربنا للعقلانيه

اطلت عليك لكن جدال الحقيقه يحتاج الى مدارات لكي يتضح

[جيفارا*نابلس]

مؤيد

تقبلي اسفي لنسيان شكرك على الموضوع

[.!. وردة الأقصى .!.]

الطيـــــور عـــــلى اشكالهــــا تقـــــــع

شوف شوف كيف لابقين لبعض هما التنين

هههههههههههههههههه

يعني بصراحة مش عارفه شو بدي أحكي

غزة محاصرة ومحتاجه للغاز اكتر من اسرائيل

ومصر مناعاهم حتى انهم يتنفسو مش بس من الغاز

وبالأخر بجي واحد متل هاد بصراحة بحط إيدو بإيد واحد صهيوني

ولا وشو كمان مجاني

بس الواحد مابحكي غير حسبي الله ونعم الوكيل فيه وفي اللي متلو

والشعب المصري والله مافي أحسن منه بس حكومتهم زفت

أوف حرقلي دمي :@

الله عالظالم بس

يسلمووو مؤيد يعطيك الف عافيه :)

[مؤيد]

مؤيد

تقبلي اسفي لنسيان شكرك على الموضوع

ستدفع ثمن ذلك .... النسيان ..... :showoff:

ولو يا تشي ، مش بيناتنا هاي ....

انساني وطنش وأنا بدعمك .... ^.^

:s (43):

[جيفارا*نابلس]

ستدفع ثمن ذلك .... النسيان ..... :showoff:

ولو يا تشي ، مش بيناتنا هاي ....

انساني وطنش وأنا بدعمك .... ^.^

:s (43):

ههههههههههههه

حسستني اني بمسلسل مددبلج

ههههههههههههه

بس بحبك شو اعمل

غبي بعرف

بس نابلسي بحب خليلي

:icon26:

[مؤيد]

الطيـــــور عـــــلى اشكالهــــا تقـــــــع

شوف شوف كيف لابقين لبعض هما التنين

هههههههههههههههههه

يعني بصراحة مش عارفه شو بدي أحكي

غزة محاصرة ومحتاجه للغاز اكتر من اسرائيل

ومصر مناعاهم حتى انهم يتنفسو مش بس من الغاز

وبالأخر بجي واحد متل هاد بصراحة بحط إيدو بإيد واحد صهيوني

ولا وشو كمان مجاني

بس الواحد مابحكي غير حسبي الله ونعم الوكيل فيه وفي اللي متلو

والشعب المصري والله مافي أحسن منه بس حكومتهم زفت

أوف حرقلي دمي :@

الله عالظالم بس

يسلمووو مؤيد يعطيك الف عافيه :)

هههههههه ...

أكيد لاقين لبعض ....

حبايب ، عشرة عمر ^.* ....

والا شوفي البقرة الضاحكة مزكاه شو قبيح ههههههه ....

وكلامك عين الصواب .....

طبعاً نحنا بنوقف ضد حكومة مصر ورئيسها .....

لكن شعب مصر ما في متلو بالدنيا ، حبايبنا واخوتنا في الدين وبلكشي .......

وحكومة مصر فارضة حالها فرض على شعبها ، مش الشعب الي مختارها لا ، أمريكا مختارة حكومة مصر ورئيسها .....

وسلامة دمك .....

الله يخليكِ وردة منورة كل صفحاتي ...

:s (43):

[مؤيد]

ههههههههههههه

حسستني اني بمسلسل مددبلج

ههههههههههههه

بس بحبك شو اعمل

غبي بعرف

بس نابلسي بحب خليلي

:icon26:

ههههه ...

ههههههه سلامتك من الغبا ...

بس عنجد هاي ما خطرت على بالي .. انو نابلسي يحب خليلي :icon9: ....

فكرك رح يصير وحدة وطنية بيننا :icon6: ....

نابلسي في منتجع مراد السياحي ، خخخخخخخخ .....

:s (43):

[خيـرَ أُمـة]

انا اعمل بالسياحة وارى الكم الهائل من مستثمرين يتركون البلد من دون ان يلتفت لمن هم اقرب اليه من نفسه

والله معك الحق 100% بهاي ...

الصيف الي فات كنت نازل متحمس بدي افتح مصلحة قال بدي افيد البلد ... واذا بي اتفاجأ بأقاربي بحكولي في زعران بدك تدفعلهم او بخربو عليك !! .. مثل نظام الأتاوى في مصر سابقا ايام القتونة .. طبعا قررنا ان هلا مش جايين نخرب بيتنا بايدنا ...


بالنسبة لموضوع الغاز ... العلمانية باتت دين وما تصدقو انه الحكومة المصرية همها على العرب او قومية عربية مثل زمان .. العلمانية الها قوانين ما بتطلع عنها ... لذلك صار في اشي اسمه الأردن أولا .. مصر اولا ..

[جيفارا*نابلس]

والله معك الحق 100% بهاي ...

الصيف الي فات كنت نازل متحمس بدي افتح مصلحة قال بدي افيد البلد ... واذا بي اتفاجأ بأقاربي بحكولي في زعران بدك تدفعلهم او بخربو عليك !! .. مثل نظام الأتاوى في مصر سابقا ايام القتونة .. طبعا قررنا ان هلا مش جايين نخرب بيتنا بايدنا ...

..

المشروع في بلدك مش غلط

اذا انتا فاتح المشروع لا تستفيد

والاهم من هيك مصداقيتك مع الناس وثقتك بنفسك

لا خاوة ولا اتاوة بتقدر عليك

والي بيمشي صح ما بيتعب

والي بيمشي هيك وهيك بيجيلو ابو جبل

ههههههههههههه

كما انتم يسلط عليكم

صح ولا لاء

انا مثلا عايش بنابلس

ولكن موزع شغلي في جنين وقلقيله

ومش خايف على مصلحتي لانو الله معي طول ما انا ماشي صح

ومنورنا احمد اكس:s (43):

[مؤيد]

والي بيمشي هيك وهيك بيجيلو ابو جبل


ههههههههههههههههه ...

يقطع شرك ...

الأصلع هادا الله ياخدو بلكي ....

[خيـرَ أُمـة]

والي بيمشي هيك وهيك بيجيلو ابو جب

هذا مرة عمي طعماه قتلة ما بنساها لما أجا المخيم ههههههه الحكي هذا مر عليه أبو 10 سنين ... اذا بتعرفه ذكره فيها خخخخ :p


والله يا جيفارا سمعت عن كذا شركة تركت وانت كمان هيك اكدتلي ... انا مش مستعد ادفع لناس عشان يحموني من حالهم ومن شرهم !! ... وين قاعدين ...