يوميات طالبة عاشر

[رهينة دمعة]

:icon11:يوميات طالبة بالصف العاشر ((الحلقة الاولى))


اول شي السلام عليكم
بدي ادخل ع الموضوع بسرعة ، احنا بالمدرسة بحكو انو ازنخ و اكتر صف مشاغب بالمدرسة :icon31:، و لا معلمة سلمت من شرنا ، ويا ويلو اللي بوقع بايدين بنات عاشر
المهم رح احكيلكم شو بصير بحصة الوطنية ، معلمتنا "علية " ريحتها دايمن دايمن بصل ...وهي ما بتيجي شبرين على بعضها ، اول ما تدخل الحصة بتصير الشلة"انا و عبير و غادة و ولاء "" نعمل صوت هيك "ممممممممممممممممممممممممممممممممممم مم
" و بعديها بنصير نحكي أنسة مو سامعين شي ، بتحيلنا شكلة في جرافة بحدنا ...اهدوا شوي
واحنا بنكون بنترمّى من الضحك على الدروج ،، البلوة الكبيرة معلمة الدين يا حراااااام ، امتحاناتها شوربة عدس....:icon11:.. اسمها فاطمة و بندلعها ابو جهل / لانها سودا ودايمن سيرتها و مواضيعها عن ابو جهل... و المشكلة انها "مسمطة" و صارت ختيارة مكحكحة و كل ما نسألها عن عمرها ، بتصير تدلع و تحكي ما بئدر....ودايمن قاعدة على الكرسي:icon15: والكرسي هادي الها سيرة ثانية ::: يا سبحان الله كل ما تفوت ع الصف بكون عليها دبك سريع "غراء" وابصر منين جاي .."طبعا هاي طريقة قديمة والكل بعرفها" و أما احلى شي انو كل الصف بحصتها بمرض و بصير بدو يروح على الحمام يراجع ، و النص التاني بصير عندو مشاكل عائلية و اسرية وبدة يحلها عند المرشدة .:b:... اما القسم الاخير فهادا خويف وما بسترجي يعمل شي و اللي هي ياسمين :b::b::icon9:
وذا حابين تعرفو شو بصير بمعلمة الاقتصاد تابعو الحلقة القادمة......

ردودكم

[رهينة دمعة]

يلا يا حلويييييييييييييين
وين الردود

[نابلسية كححح]

له له

حراام عليكم

احنا مو للهدرجه

مع انو معلماتنا اسخم من هيك بكتييير

و بنشااخب كتيير

وكل شي ولا الريحه


ياريت لو الشغله وقفت على ريحة البصل


لااا احنا وتومه وطبيخ والخ .............

خخخ

الله يعينها عليكم

[Maram .. ~]

هههههههههه
شكرا كتييير ع الموضوع...^^

[أســ{ــمــرآنــ}ــي]

ههههههههههههههه

حرام عليكم هيك تعملو

يلا عم نستنى الحلقه الجاي ,,, لا تتأخري علينا

[فلسطينيه والراس مرفوع]

مشكورة يا رهينة
الله يخلصنا من هالصف على خير

[فلسطينيه والراس مرفوع]

هههههههههه
واخيرا
بكل المنتدى لقيت وحدة من جنين بعاشر
متلي يعني
فعلا هو ازنخ صف بالمدرسة
وما مصدقة وانا اخلص منه
بكفي امتحانات التربية الموحدة الصعبة
بس احنا ما بنعمل هيك بالمعلمة
حراااااااااااااام
انا بس بحب اعمل مشاكل مع معلمة العلوم
وادحكـ واحكي بس بحصتها هي والرياضيات
حرام عليكم بكرة بتنفصلو من المدرسة وبنحطلكم انزاااااااار

[نسمة بلادي]

هههههههه دائما صف عااشر مغلب المدرسة حتى المدرسات ما بحبو يدرسوهم

وصف عااشر من أجمل الصفوف المرت عليّ بالمدرسة كانت في ذكريات حلوة

متابعين ان شاء الله الحلقة التانية

يسلمووو يا عسل

[فتاة الحب]

هههههههههه
بكل المنتدى لقيت وحدة من جنين بعاشر
متلي يعني


وهاي لقيتى كمان وحده
هههههههههه
جد عاشر دايما بكون ازنخ صف بالمدرسه
احنا هيك مشيبين المعلمات
وعلى طول انزارات
بس انا الحمدلله لهلأ ولا انزار
هههههههههه
الله يمضي هالسنه على خير

بانتظار الحلقه القادمه

[فلسطينيه والراس مرفوع]

كمان وحدة
صرناا تلاااااااتة
يلا نعمل شلة بنات عاشر ههههههه

[Princess of Sense]

هههههههههههههه

يييييييييييييييي

هاد انتو متلنا احنا عنا صف عاشر اشغب وازنخ طالبات في المدرسة

بس احنا والله ما بنقصر في معلماتنا دايما انا واللي جنبي ( آخر درج )

طول الحصص بضحك فيي وانا بدي اموت من الضحك وهي بتضحك بصوت عالي

وبتفضحني دايما مو عارفة شو بدي اعمل معها بس

يسلمو ايديكي رهينة دمعة احنا بإنتظار الحلقة التانية

[نداء الوطن]

الله يسامحك انا متخرجة معلمه تكنولوجيا
بس الحمد لله اني مش من جنين عشان ما اتوظف بمدرستكم
واذا كل صفوف عاشر هيك بدي اقدم استقالتي قبل ما اتوظف بالتربيه
اهدوا بكرة بدكن تصيروا مربيات المستقبل لازم تكونن اهدا من هيك
شو انتن صبايا
صحيح وين المديرة عنكم؟؟
والا هي كمان بتخاف منكن؟؟

[فلسطينيه والراس مرفوع]

ههههههه
ندااء
بنات عاشر عنادايما بالادارة
من مشاكلهم
وانا دايما بتحطني بالدرج الاول

حتى تضل مراقبتني طول الحصة
لاني مشاغبة

[B a s i m a]

الله يسامحك انا متخرجة معلمه تكنولوجيا
بس الحمد لله اني مش من جنين عشان ما اتوظف بمدرستكم
واذا كل صفوف عاشر هيك بدي اقدم استقالتي قبل ما اتوظف بالتربيه
اهدوا بكرة بدكن تصيروا مربيات المستقبل لازم تكونن اهدا من هيك
شو انتن صبايا
صحيح وين المديرة عنكم؟؟
والا هي كمان بتخاف منكن؟؟


أنا معك...

يا بنات حرام عليكو تعملو بالمدرسات هيك...

هههههههههههههههههههه شريرات طلعو بنات عاشر

[فلسطينيه والراس مرفوع]

بنات عاشر شريرات لانهم اتعئدوا من المادة الصعبة
كأنو توجيهي مش عاشر
ميس نداء انتي معلمة احكيلهم يرحمونا من الاختبارات الموحدة
ولو جيتي عنا
اتكنولوجيا الكل بحبه
ومابتعبوكي معهم البنات

[&نسيم الروح&]

انا اكتر صف كان حلو واكتر من هيك من صف العاشر لتوجيهي

كانت احلى مرحله روعه

طبعا ما بخلى الامر خفت دم نسومه كنت معجبه على المدرسه من اول ما دخلت المدرسه هادي

يعني صف سابع لحد صف التوجيهي

ههههههههههههههههههههههههه

عرفوني من اول شهر مو بس المعلمات الي بدرسوني لا المدرسه كلها

كنت اعمل عمايل كتير بس باحترام ههههههههههه

ما كنت احب القب المعلمات القاب ما بحبوها ولا استغيبهم ولا ادايئهم هههههههههه

الاخيره ضحكتني لانه كانوا يدايئوا بس لهلا مو عارفه ليش

هههههههههههههههههههههههههههههههه

بانتضار حلقاتك التانيه

بااااااااااااااااااااااااااايز

[نداء الوطن]

خلص ولا يهمكم لما اتوظف راح ابعث لهم كل قرارتكم سواء الطالبات او الطلاب
بس بشرط ما تعذبوني
على فكرة انا لما رحت عالتدريب الميداني البنات ما حبوني
لاني كنت جامدة
بس كنت اضحك بيني وبين نفسي واضل ادعي يا رب اثبت للاخر
لانه الاستاذ المشرف كان ييجي علي باستمرار
ولازم قدامه اكون جديه كثير
بس مشيناها على خير

[رهينة دمعة]

يسلمو كتير على الردود ، و الحلقة الجاي عم بحضر فيها ، هي غير شكل

[رهينة دمعة]

عن جد يسلمو كتير على ردودكم ، فلسطينية و الراس مرفوع حابب كتير اتعرف عليكي ، باي منطقة ساكنة بجنين
و باي مدرسة بتدرسي
نداء الوطن من هس اكتبي وصيتك ازا بدك اتصير معلمة لانه هادا يمكن 1 بالمية من اللي بنعمله مع المعلمات
يا حرااااااااام و الله احيانا بشفق عليهن
بس شو بدنا نعمل ، لازم نستمتع بكل لحظة بنعيشها بحياتنا

[رهينة دمعة]

وايت كايت يسلمو على المرور

[رهينة دمعة]

باسمة.........دمتي بود اختي
نسيم الروح..........بموت على مواضيعك
وازا مارديت اعزروني لانو علي امتحانات لراسي
دمتم بود اخواتي

[فلسطينيه والراس مرفوع]

انا ببنات جنين التانوية يا رهينة
وانتي من ووين بتدرسي؟

[رهينة دمعة]

الحلقة الجاي حتكون بتاريخ 11- أيار |"5"
استنوها فيها مواقف بخلين الواحد يموت من الضحك
خاصة من مرام و جيسي و منار و ورود
و 11-5 رح تعرفوا من هدول الاشخاص

[رهينة دمعة]

انا بدرس بالعربية

[رهينة دمعة]

فلسطينية و الراس مرفوع بعدك هون؟

[روان فلسطين]

يلا عيشوا حياتكو قبل ما يجي التوجيهي ويطسكم زينا كثرو المقالب بالمعلمات وخاصة مس اينشتاين والانسة لب الذرة
(فيزيا وكيميا ) جمعو ذكريات قد ما تقدرو
ما احلى ايام الهبل والهروب من الحصص

[فلسطينيه والراس مرفوع]

ااه بعدني هون

بعدين شو ااختبارات اللي عليكي مهو بكرة واللي بعدو واللي بعده ...عطلة

من هلأ بتدرسي

[فلسطينيه والراس مرفوع]

يلا عيشوا حياتكو قبل ما يجي التوجيهي ويطسكم زينا كثرو المقالب بالمعلمات وخاصة مس اينشتاين والانسة لب الذرة
(فيزيا وكيميا ) جمعو ذكريات قد ما تقدرو
ما احلى ايام الهبل والهروب من الحصص

هههههههه
مسكينة
اختي كمان بتشكي منو العلمي
وبتقلي ما بنصحك فيه

[رهينة دمعة]

بس حاليا يعني السنة هادي بس
انتقلنا لقرية "عن دار سيدي "
لانه بابا بشتغل مدرس فيها
بس احنا كنا ساكنين بحي المدارس ازا بتعرفيه ؟ شاركنا العام بمشروع المواطنة
و شفت بنات من صف عاشر مدرسة جنين التانوية
تعرفنا عليهم
و انتي خبريني كل شي عنك

[رهينة دمعة]

علينا

[رهينة دمعة]

علينا يوم الاحد

[رهينة دمعة]

علينا يوم الاحد امتحان مطالعة ونصوص من عند التدخين لعند بشر بن عوانة
و امتحان علوم لغوية من عند اسوب المدح و الذم لعند اسوب الشرط غير الجازم
و امتحان تعبير
انا ما بدرس اللي قبل الامتحان بيوم حتى لو كان علينا 100 امتحان
خلص هيك متوعدة

[رهينة دمعة]

متعودة مش متوعدة ، روان فلسطين وصيتك وصلت لا تخافي

[فلسطينيه والراس مرفوع]

لا انا لسة بجنبن
وحي المدارس مين ما بعرفة يا رهينة؟

[رهينة دمعة]

شو اسمك الحقيقي ؟

[فلسطينيه والراس مرفوع]

هههه
ولك يا رورو
مش هون الواحد بقول كلشي عنو

[رهينة دمعة]

ما فهمت قصدك ، انا بكتب مفهومي للحرية

[فلسطينيه والراس مرفوع]

بتكتبي مفهومك للحرية هون
في موضوع تاني