ظاهرة مواضيع الحب والغرام فى المنتديات

[فلسطينيه والراس مرفوع]

السلام عليكم ورحمة الله وبركاته

تكثر هذه الايام مواضيع الحب والغرام في المنتديات مما يجعلنا نقف امام

هذه الظاهره ونلقي نظره حول اسباب انتشارها والهدف منها من خلال

استقبال آراءكم في هذا الموضوع والاجابه على بعض الاسئله .


هل تؤيد وجود مثل هذه المواضيع في المنتديات ولماذا ؟

برأيك لماذا بعض الاعضاء يركزون على طرح مثل هذه المواضيع دون سواها ؟

كلمه توجهها لهؤلاء الاعضاء ؟


ما هي الاستفاده التي سيستفيدونها من هذه المواضيع ؟



وهل هي مستحبه للأطفال ؟ خصوصا ان بعض رواد المنتديات دون سن 14 سنه .


وما هي صورة المنتديات حين تشكل هذه المواضيع 50% من مواضيع المنتدى ؟

الا تعطيك انطباعا ً بأنها فاسده اخلاقيا ً ؟


الاغلبيه تجمع ان هذه المواضيع هدامه لعقول الشباب ولا طائله منها .

اذا ً ما هي الحلووول لتغييير فكر مروجيها ؟

وما دور الاعضاء ذو العقول النيره في الحد منها ؟

هل علينا ان نقف مكتوفي الايدي ونرى اخواننا يضيعون في الملذات ويساعدون في نشرها؟

ام هناك دور يجب ان يلعبه العضو الصالح في تنوير اخوته الى الطريق الصحيح ؟



اريد رايكم فى الموضوع


اتمنى اشوف تفاعلكم

[نداء الوطن]

هل تؤيد وجود مثل هذه المواضيع في المنتديات ولماذا ؟
مش خطا وجودها اما انها نوصل نسبته50% من مواضيع المنتدى العقل ما بقبلها

برأيك لماذا بعض الاعضاء يركزون على طرح مثل هذه المواضيع دون سواها ؟
ممكن يكون عندهم مشاكل عاطفية وبفكروا انه الحل الها الحكي عنها (هذا رايي ما بعرف )

كلمه توجهها لهؤلاء الاعضاء ؟
في مليون طريقه للتعبير عن حبكم او مشاكلكم غير عرضها لكل الناس
وبالنهايه كل انسان حر بنفسه ما حدا بقدر يجبر حدا على شيء

ما هي الاستفاده التي سيستفيدونها من هذه المواضيع ؟
ما بتوقع غير تضييع الوقت


وهل هي مستحبه للأطفال ؟ خصوصا ان بعض رواد المنتديات دون سن 14 سنه .
طبعا لا ومليون لا لانهم ما بعرفوا شو يعني الحب


وما هي صورة المنتديات حين تشكل هذه المواضيع 50% من مواضيع المنتدى ؟
لازم تتسمى منتديات العاشق والمعشوق
او منتديات غرام اخر زمن
الا تعطيك انطباعا ً بأنها فاسده اخلاقيا ً ؟
هذا بعود على اعضاء المنتدى نفسهم وكيف بفكروا

تقبلي مروري
الاغلبيه تجمع ان هذه المواضيع هدامه لعقول الشباب ولا طائله منها .

اذا ً ما هي الحلووول لتغييير فكر مروجيها ؟

وما دور الاعضاء ذو العقول النيره في الحد منها ؟

هل علينا ان نقف مكتوفي الايدي ونرى اخواننا يضيعون في الملذات ويساعدون في نشرها؟

ام هناك دور يجب ان يلعبه العضو الصالح في تنوير اخوته الى الطريق الصحيح ؟

[فلسطينيه والراس مرفوع]

مشكورة على مرورك يا نداء

[جرحٌ بملامح انسان]

هل تؤيد وجود مثل هذه المواضيع في المنتديات ولماذا ؟

نو بروبليم .. يعني عادي لو كانت موجودة .. لأنها صارت من الواقع اللي احنا بنعيشه وقصص بنلامسها بالحياة ^,^

برأيك لماذا بعض الاعضاء يركزون على طرح مثل هذه المواضيع دون سواها ؟

سببين .. الاول اما بيكون بيواجه قصة عاطفية ومبيتدأ ومبسوط فيها *_^.. أو بيكون بده يعمــل حاله أبو الرومانسيات قدام الاعضاء:D وأنا أصــلا ما بحب انزل مواضيع حب وغرام غير ناااااادار ازا كان موضوع للنقاش مش اكتر ^,^

كلمه توجهها لهؤلاء الاعضاء ؟

مممم .. مش غلط ننزل هيك مواضيع .. لكن الغلط انه يكون كل تركيزنا عليها والمبالغة بتفسير وطرح الامور ^,^

ما هي الاستفاده التي سيستفيدونها من هذه المواضيع ؟

ممكن نستفيد منها عن طريق قصص صارت فيها ما اتوقع اكتر من هيــكـ .. يعني للعبرة ..


وهل هي مستحبه للأطفال ؟ خصوصا ان بعض رواد المنتديات دون سن 14 سنه .

أكيــد لأ .. لأني أصـلا بعتبر الحب اللي اقل شي أقل من 18 بيكون مراهقة كحد ادنى ^,^

وما هي صورة المنتديات حين تشكل هذه المواضيع 50% من مواضيع المنتدى ؟

في كتير منتديات هيــكـ .. وهاد هيي المنتديات اللي بفكر اعتزل النت ولا افوتها ^,^

الا تعطيك انطباعا ً بأنها فاسده اخلاقيا ً ؟

اطلاقا .. لكــن المبالغة فيها ومتل ما حكيت التفصيل بالشرح يمكن يعد فساد اخلاقي ^.^


الاغلبيه تجمع ان هذه المواضيع هدامه لعقول الشباب ولا طائله منها .

اذا ً ما هي الحلووول لتغييير فكر مروجيها ؟

مراقبة الادارة لهيــكـ مواضيع ولازم تكون بحدود طبعا ..

وما دور الاعضاء ذو العقول النيره في الحد منها ؟

محاولة توضيح وجهات نظرهم بطريقة سليمة اثناء الرد على هاد المواضيع ..

هل علينا ان نقف مكتوفي الايدي ونرى اخواننا يضيعون في الملذات ويساعدون في نشرها؟

هيي ما صارت شرب خمر ولا سرقة عشان نوصلها لهالحد ..
يعني مش لهالدرجة ..ههههههه
ما بنقف مكتوفي الايدي .. حكينا لازم تكون الادارة مراقبة للمواضيع وتكون مراقبة لمحتواها وما تزيد عن اللازم !

ام هناك دور يجب ان يلعبه العضو الصالح في تنوير اخوته الى الطريق الصحيح ؟
أكيد ..
وحكيت من خلال الردود السلمية ومحاولة الاقناع بطريقة سلسة ايجابية ممكن تؤثر على هاد العضو

تسلمي فلسطينية والراس مرفوع
رووووعة
بس طلعت روحي وانا بجاوب
هههههه

[راعية بين الجبال]

في الحقيقة ما بعرف شو بدي اقول الك لكن في كثير من المنتديات صار ما الها غير هالشغلة انا بعتبر انه هيك مواضيع بتخرب عقول الشباب المراهقين وبتضيع تربية اهلهم الهم ولازم على كل اب يراقب ابنه او بنته حتى ينور لها الطريق بدل ما توقع في مطبات هي في غنى عنها والعائلة
من ناحية اخرى الحب مش عيب وكل انسان بحب على كيفه بس مش بطريقة التشهير فيها في المنتديات لانها في هذه الحالة تعتبر مفسدة اخلاقية تضر على الاسرة وعلى المجتمع باكمله هذا رايي مش اكثر مع الاحترام والتقدير

[فلسطينيه والراس مرفوع]

جرح بملامح انسان
مشكور عمووو على مروركـ
والله يرحمك ان طلعت روحك عنجد
بس اجوبتك منطقيه
وحلوة

[فلسطينيه والراس مرفوع]

راعية بين الجبال
مشكورة على مرورك
متل هاي المواضيع الها تاثير سلبي
بس مش لهالدرجة
اقل شوي