المساعد الشخصي الرقمي

مشاهدة النسخة كاملة : صرنـا بسـنـة الـ 2008 ،، وصار لازم اسأل الأخ ahmadix سؤال !

.:.!دموع الرحيل!.:.
04-05-2008, 02:12 AM
http://rooosana.ps/Down.php?d=y8jm

كيف حالكم ؟ وكيف حالك أخـي أحمد ؟

رح ادخل بالموضوع على طول ..

بصراحـة من قبل ما ندخل بالـ 2008 ..

ومن وقت الي بلشت كمـان .. وانا كل فترة ،، وبظل كل هالأخبار

الي بتدل على قرب انفجار الوضع في المنطقة .. لا بل في العالم كله

بتزكر كلام انت كنت تحكيه

على إنك من النـاس الي بتآمن انه بسنة الـ 2008 رح يصير تحولات فظيعه في البلاد

لا بل في الكون ..

ومنها انه رح تنعدم كل الأشيا التطورة ..

ونرجع للبدائيات !

هلأ عندي كم سؤال .. لأنه هالموضوع كتير قرأت عنه بالمواقع ..

وطبعا ما زبظت اني أتحاور مع حدا مقتنع بهاي الأمور ..

وبمـا اني بعرف مدى اتطلاعك على الأمور وعدم حكمك عليها الا بعد التدقيق والتفحيص :icon11:


قررت أسألك هالأسئلة ....

- اولا بعرف انه هالكلام رغم انه موجود بالأساطير اليهودية ،، إلا انه مذكور بالسنة .. وانه رح نرجع نحارب

بالسيف والخ .. فلا خلاف في هذه النقطة وهي واضحة !

بس بدي أعرف ،، هلأ انا حسب ما سمعت انه الأميركان همي الي بانيين أملهم انه هاي

الأمور تصير فعلا بالـ 2008 ..

انت شو المؤشرات الي خلتك تعتقد هيك اعتقاد ؟

- وبعد ما بلشت السنـة .. وبظل الأوضاع الي نحن فيه ..

هل بعدك عند نظرتك انه هاي السنة هي السنة الي ممكن يصير فيها هاي الأمور

بعد قرائاتك لمجريـات الأمور ؟

وكمـان اذا انت باحث بهالموضوع ،، يا ريت تحكي الي بتعرفه عن حال الدنيا كيف رح يكون بعد

هالتحول العظيم ..

وبس :icon9:

لا بعد في سؤال لشخصك .. انت شو بتتوقع حالك تعمل بهيك ظروف ؟!

يعني لأني مش متخيلة الوضع ،، حاسة اني ساعتها رح احس حالي انتقلت لكوكب تاني

وتصيبني صدمة هههههههههههههههههه

خصوصي انه مش رح يكون في انترنت .. ( وهيدا أكتر شي هكلانة همه ) << شكلي مش عارفه المصايب الي رح تكون ناطرانا وان النت رح يكون أهون المصايب يا وردي :( :icon11:

ههههههههههه

يمكن تستغرب من طرحي للموضوع ..

بس بجد هو بدور براسي كتير

:icon9:

وآسفة عالإطاله ..

بانتظار الجواب

وع فكرة حسيت حالي صحفية .. أو إعلامية :icon11:
بسكوتة
04-05-2008, 02:28 AM
حبيت الموضـوع :icon11:

بانتـظار رأي الأخ أحمد :)

يسلمـو نانا على طرح هالموضوع الشيق :icon11:
.:.!دموع الرحيل!.:.
04-05-2008, 02:46 AM
حبيت الموضـوع :icon11:

بانتـظار رأي الأخ أحمد :)

يسلمـو نانا على طرح هالموضوع الشيق :icon11:

ههههههههههههه رح يبطل في انترنت وموبايل نتواصل من خلالو يا حجة :icon11:

متخيلة الوضع انتي :icon11:

يعني من الآخر رح نموت خنق هههههههههههههههههههههههههه

نورتي حبيبة قلبي

:icon26:

//

حبيت انوه لشغله احسن ما انفهم غلط

اولا بعرف انه هالكلام رغم انه موجود بالأساطير اليهودية ،، إلا انه مذكور بالسنة .. وانه رح نرجع نحارب

بالسيف والخ .. فلا خلاف في هذه النقطة وهي واضحة !

طبعـا .. رواياتهم لتفاصل الحدث .. مختلفه عن الأاحاديث النبوية ..

بس هيك
تحـ البشر ـدوهـ
04-05-2008, 07:43 AM
يا ليت نشوف ردهـ باسرع وقت

مشكورة كتير دموووع

الله لا يرحمنى جديدك

:)
فراشة
04-05-2008, 10:27 AM
يا لهوي بدي اخبي موبايلي ...

لا جد مش متخيلة انو نرجع للخلف بالعكس الانسان في تطور ..وبالمستقبل رح يطلع شغلات افضل من الواقع

بانتظار احمدايكس
خيـرَ أُمـة
04-05-2008, 04:23 PM
على إنك من النـاس الي بتآمن انه بسنة الـ 2008 رح يصير تحولات فظيعه في البلاد

لا بل في الكون ..


هي كانت مزحة او على الأغلب تعبير مجازي عن الي رح يحصل .. وقتها قلت اني بامن بعدنان ولينا ... لنه في عدنان ولينا بحكو انه سنة ال 2008 تدمر العالم و و و فكانت مجرد مزحة ههههه

لكن هو صحيح في احداث بتصير ولسا في احداث رح تصير والله يستر من الي جاي ...

بس بدي أعرف ،، هلأ انا حسب ما سمعت انه الأميركان همي الي بانيين أملهم انه هاي

الأمور تصير فعلا بالـ 2008 ..

ما اظن الأمريكان بفكرو هيك لانها أمريكا راس مالية وبهمها الربح المادي قبل اي شيء اخر ... والتقنية للأسف بنوخدها من عندهم ...

انت شو المؤشرات الي خلتك تعتقد هيك اعتقاد ؟

- وبعد ما بلشت السنـة .. وبظل الأوضاع الي نحن فيه ..

هل بعدك عند نظرتك انه هاي السنة هي السنة الي ممكن يصير فيها هاي الأمور

بعد قرائاتك لمجريـات الأمور ؟


طبعا بعدي عن مبالغات عدنان ولينا .. وصديقهم عبسي خخخخ

انا بتصور انه في مصايب بتصير ومش شرط نسمع عن قتلى وجرحى و و
للسنة الي فاتت وكان ما زال هناك بعض الروابط العربية لكن هاي السنة انتهى الموضوع ... الي حصل بغزة كان لأول مرة بيحصل في ظل صمت عربي .. والي حصل بالقمة العربية الأخيرة كان دلييل على تشتت فوق التشتت السابق وهاي مثيبة ..
لبنان تقسمت وصارت لبنانين ويمكن ثلاثة ... والعراق تأكد تقسيمها سنة 2008 وصارت 3 عراقات .. وفلسطين استقر الوضع على فلسطينيتين ... هيك صار عنا اكثر من 30 دولة عربية ... ولسا الحبل على الجرار ..

لكن مع كل هذا الصورة العامة والمؤشر العام يقول ان الاسلام الى خير ... واننا في طريقنا الى خير ..
الي بيقراء التاريخ بيجد انه دائما نقاط التحول في امتنا عبارة عن نقاط صعبة وفي ظني والله أعلم انا في نقطة صعبة دا .. الشعوب فيها تتفق وبصير بينها تاخي والحكومات تختلف .. الشعوب فيها تقترب الى الله والحكومات معظمها تبتعد ..
يعني قبل 20 سنة اسئلي والدك عن مخيمات الفلسطينين في لبنان رح تتفاجئي انها كانت طاسة وضايعة .. الان في توجه للدين والناس بترجع لربها في كل مكان ... في المشرق العربي والمغرب العربي ..

انا بتصور انه الشعب الفلسطيني ضحى كثير وقدم الكثير لكن -والله أعلم- كل التضحيات الي كانت خارج نطاق الدين ذهبت هبائا منثورا .. في الثمانينات لما زار والدي المنظمة لقي الشباب هنا بيد البندقية وبالاخرى الخمرة !! الان الوضع غير
رجعة الشباب والي بيسميها العلماء الصحوة هاي موجودة الان .. في كل زمان لما يكون في نقطة تحول بيكون في من وراها علماء والان عنا كم من العلماء والدعاة الي بيجددو الدين ..


يعني لأني مش متخيلة الوضع ،، حاسة اني ساعتها رح احس حالي انتقلت لكوكب تاني

وتصيبني صدمة هههههههههههههههههه

خصوصي انه مش رح يكون في انترنت .. ( وهيدا أكتر شي هكلانة همه ) << شكلي مش عارفه المصايب الي رح تكون ناطرانا وان النت رح يكون أهون المصايب يا وردي :(

فعلا موقفك رح يكون صعب هههه

لكن ما تخافي ما اظن رجعتنا للسيوف حتكون بزمانا .. لانه ما اظن انها حتصير بين يوم وليلة وانما حتصير بالتدريج .. واذا كان البترول رح يخلص بعد 100 سنة ما بنعرف وين بنكون وقتها :)

يمكن احفادي يشوفو كلامي هذا ويترحمو علي ... اييه كان جدنا متوقع الدنيا تولع .. خخخ


ضل شغلة بالنسبة للبنان ... لبنان فيها اشي غريب بصير .. كل ما ولع الطرفين بهدو وكل ما هدو بولعو .. يعني لا بدهم يحاربو ولا بدهم يتفقو .. حيرو أهلي بصراحة .. لكن واضح انها ايران بتستعمل نفوذها بلبنان كورقه وبمجرد ما يتفقو مع الأمريكان حنقرأ على لبنان السلام .. فجهزي حالك يمكن تروحو الاردن او سوريا او يمكن حظك الحلو يوديكي البرازيل هههههههههههه بس اكيد مش يافا في الوقت الحالي .. ودايما الفلسطيني في لبنان بيدفع الثمن :s

توقعاتي لفلسطين ... فتح وحماس صعب يتفقو ... والله يستر من الي جاي .. خصوصا انه في ناس ما بدها الاتفاق يصير لانه ما الها مصلحة ... لذلك بتوقع الوضع يضل على ما هو عليه هناك ...

يا لهوي بدي اخبي موبايلي ...

له يا فراشة .. شو بدك تعملي بالموبايل بدون شبكة !! ههه بتحطي ديكور في البيت ...

ما تخافي التكنلوجيا رح اتضل وتزيد وعن قريب بدك تصيري تحكي مع اهلك فيديو على الموبايل ..
جيفارا*نابلس
04-05-2008, 04:46 PM
هههههههههههه

لا الشباب بيتابعو اكشن كثير

هههههه

شو نهايه العالم وما نهايتو

ومين حكى انو رح نرجع للسيف والرمح هي الدنيا بتمشي لقدام ولا لورا

يمكن نرجع الهم بس بشكل تاني

يعني متلا نرجع للزمن السيف ونهدي للبوش بزياره متلا

او يفوز اوباما بالانتخابات ويجي يزورنا ونهدي رمع على طريقه اهل افريقيا


انا ما بامن بشي اسمو نهايه العالم


حتى ثقب الاوزون مش مامن فيو
خيـرَ أُمـة
04-05-2008, 05:30 PM
هههههههههههه

لا الشباب بيتابعو اكشن كثير

هههههه

شو نهايه العالم وما نهايتو

ومين حكى انو رح نرجع للسيف والرمح هي الدنيا بتمشي لقدام ولا لورا

يمكن نرجع الهم بس بشكل تاني

يعني متلا نرجع للزمن السيف ونهدي للبوش بزياره متلا

او يفوز اوباما بالانتخابات ويجي يزورنا ونهدي رمع على طريقه اهل افريقيا


انا ما بامن بشي اسمو نهايه العالم


حتى ثقب الاوزون مش مامن فيو


ههههههه

هو صحيح في حديث عن الرسول عن رجعة الناس باخر الزمان ... لكن السؤال هل المقصود زمانا احنا .. انا لا أعتقدددد ..


بالنسبة لأوباما صدقني يا صديقي هوي و هيلاري وماكين كلهم نفس الاشي .. مواقفهم وحدة ومش حتتغير لانه امريكا بحكمها أصحاب رؤوس الأموال والي همي يهود .. لذلك مافي مرشح الا بيطلب الود من يهود أمريكا لأنه بايدهم الحل والربط ... بايدهم الاعلام والاذاعة وبايدهم هوليوود والي هوي بتحكم بامريكا ... قبل سنتين عملو فلم عن رئيس امريكي أسود .. وقبلها فلم عن رئيسة فتاة لامريكا .. كل هذا تهيئة للي رح يحكم ... اوباما وهيلاري وجهين لعملة واحدة اسمها الحزب الديموقراطي ..

انا مرات بحس انه الصهيونية الأب وعندو ابنين واحد اسمو الديموقراطية والثاني اسمنه الجمهورية ... وفي منافسة بين الابنين لكن الولاء في النهاية للأب وام بيطلعو عن طاعة الأب ...
.:.!دموع الرحيل!.:.
04-05-2008, 05:50 PM
يا ليت نشوف ردهـ باسرع وقت

مشكورة كتير دموووع

الله لا يرحمنى جديدك

:)


يا هلا يا أخي والله

نورت ..

هلا فيك
جيفارا*نابلس
04-05-2008, 06:07 PM
ههههههه

هو صحيح في حديث عن الرسول عن رجعة الناس باخر الزمان ... لكن السؤال هل المقصود زمانا احنا .. انا لا أعتقدددد ..


بالنسبة لأوباما صدقني يا صديقي هوي و هيلاري وماكين كلهم نفس الاشي .. مواقفهم وحدة ومش حتتغير لانه امريكا بحكمها أصحاب رؤوس الأموال والي همي يهود .. لذلك مافي مرشح الا بيطلب الود من يهود أمريكا لأنه بايدهم الحل والربط ... بايدهم الاعلام والاذاعة وبايدهم هوليوود والي هوي بتحكم بامريكا ... قبل سنتين عملو فلم عن رئيس امريكي أسود .. وقبلها فلم عن رئيسة فتاة لامريكا .. كل هذا تهيئة للي رح يحكم ... اوباما وهيلاري وجهين لعملة واحدة اسمها الحزب الديموقراطي ..

انا مرات بحس انه الصهيونية الأب وعندو ابنين واحد اسمو الديموقراطية والثاني اسمنه الجمهورية ... وفي منافسة بين الابنين لكن الولاء في النهاية للأب وام بيطلعو عن طاعة الأب ...

مش مشكله مين يحكم ولا لا

انا قصدي عالسيف والمراجل

يعني بوش الله ينور طريقو لمن نور الامارات

اهدينا شو فرس عربي اصيل وصقر

ولمن نور السعوديه اهدينا سيف وعباة

هههههههههههههههههه

لا والاحلى ايش

بوس نسوانا جوا الابيت الاماراتي


يعني اوباما لو فاز يمكن يدخلو الكعبه ياخد حدها صوره تذكاريه



موضوعنا صديقي انو للاسف العرب هم شيء خرافي

يمكن العرب انوجدو على الدنيا لشي واحد بس وهو انهم يكونو امه مستهلكه متلها متل الدواب

وانا اصبحت على قناعة تامه انو عمرو العرب ماكان الهم تاريخ تاريخنا مجرد نزوة صديقي

ممكن شخص كتبو بحاله سكر

ولكن تاريخنا لا يوجد منه شي صحيح

النا 900 سنه بننتظر شخص اسمو صلاح الدين ولكن بشكل اخر ولم يأتي

قلنا انه احنا زلام ورجال

ولكن للاسف بس على اهل بيتنا

ومادون درج العماره ارانب


حتى ممكن تكون المراه فيها رجوله ونخوة اكثر من الرجل العربي عفوا رجل الكرسي


يا اخي احنا بها الدنيا بتعرف كيف


عمرك جربت تغسل تيابك

بيدك


جرب

وشوف كيف الرغوة بتتكاثف فوق

وانتا بتقول شو رجعو التياب جداد

وبتنصدم لمن تنشف الغسيل انو الرغوة عملت وساخه اكثر من اول



بتعرف دايما بحمد ربي اني مش من اصول عربيه

ولكن للاسف اني عايش بمجتمع عربي
خيـرَ أُمـة
04-05-2008, 06:13 PM
سبحان الله كنت قبل فترة بفكر اطرح موضوع مشابه لهيك موضوع وكان سؤال انه برايك الامة الاسلامية في احسن أحوالها ولا في أسوء أحوالها ؟؟؟ وعن التوقعات للمستقبل ؟؟

انا شخصيا بتوقع بعد 15 الى 20 سنة المسلمين يكو نالهم كلمة وانهم يكونو قوة في الارض لا يستهان فيها .. والله أعلم.

خصوصا انه احنا كمسلمين مرت علينا لحظات وأزمان كنا أضعف من الوضع الي احنا عليه الان ؟... ومع هيك رجعنا وسيطرنا ..

لذلك خلونا نتذكر يا اخواة .. الاسلام يضعف لكن لا يموت ... ممكن يضعف بسبب المسلمين لكن ابدا لا يموت وهو محفوظ الى يووم الدين ...

الكثير من شباب المسلمين وبالذات المتشائمين بينسى انه قبل 100 سنة كنا من أقوى الامم في العالم وانه قبل هيك المسلمين ضاعو أكثر من هيك ومع هيك رجعو .. واحنا الان والحمد لله في فترة الرجوع فترة المخاض الي حتولد النا النصر ...

اسف على الاطالة وكثرة الردود ... لكن بتمنى الكل يشارك ويكتب توقعاته والي هوي شايفه ... الشراكة شيء جميل :)

نسيت أشكر ادموع على الموضوع وعلى النداء .. انا لما شفت اسي مسدكتش تا فتت ههههه
خيـرَ أُمـة
04-05-2008, 06:22 PM
يعني اوباما لو فاز يمكن يدخلو الكعبه ياخد حدها صوره تذكاريه

انا خايف اذا صدفت وكنت هناك أفكرو الحجر الأسود وأبوسه هههه



يمكن العرب انوجدو على الدنيا لشي واحد بس وهو انهم يكونو امه مستهلكه متلها متل الدواب

وانا اصبحت على قناعة تامه انو عمرو العرب ماكان الهم تاريخ تاريخنا مجرد نزوة صديقي

القصة بسيطة اخي جيفارا .. العرب ما انتصرو لعروبتهم وانما لدينهم .. وهذا الشيء غفل عنه القوميين .. خدعو الناس والعالم باشي اسمه قومية عربية وعلى فكرة اول من صنعها همي الاشتراكيين :p

المضحك في الأمر انه عمره ما حرر القدس عربي .. من صلاح الدين الى الظاهر بيبرز الى قز الى ال ىال ... كل القادة كانو من غير العرب والعامل المشترك بينهم الدين ...

النا 900 سنه بننتظر شخص اسمو صلاح الدين ولكن بشكل اخر ولم يأتي


قصدك 90 اخي هه في صفر سقط سهوا ...

قبل 900 سنة احنا فعلا كنا حاكمين العالم ... تاريخ المسلمين 1400 سنة حكمنا العالم 1300 سنة وما انحكمنا بشكل كامل الا ف ال 100 سنة الأخيرة ..




بتعرف دايما بحمد ربي اني مش من اصول عربيه

ولكن للاسف اني عايش بمجتمع عربي

بلاد العرب أوطني من الهند الى الصين هههه

روق يا صديقي مش محرزة ... انا شخصيا ما بتهمني عروبتك بقدر ما بهمني دينك ...


ملاحظة: الانتماء للعرب اسهل من اي انتماء اخر .. لانه الانتماء للعرب يحتاج شرط واحد وهو اتقان اللغة العربية .. يعني مجرد اتقانك للغة العربية يجعلك عربي .. اذا بوش صار يعرف يتكلم عربي حنطلق عليه مسمى عربي ... الرسول عليه الصلاة والسلام قال "انما العربية اللسان" .....
.:.!دموع الرحيل!.:.
04-05-2008, 06:26 PM
يا لهوي بدي اخبي موبايلي ...

لا جد مش متخيلة انو نرجع للخلف بالعكس الانسان في تطور ..وبالمستقبل رح يطلع شغلات افضل من الواقع

بانتظار احمدايكس

ههههههههههه

أدد ما اتطورت الدنيـا ..

انا عندي يقين انه كل هاي التطورات رح تنهـار مدري ليش

حـتى في حديث للني عليه الصلاة والسلام انه رح نرجع نحارب

بالسيف وعلى الخيول ..

لأنه كل هاي الأسلحة المتطورة رح تكون انقرضت :icon11:

يالا فراشتي .. همتك واتعلمي الركب عالخيل ،، والمحاربة بالسيف

يمكن الزمن يجبرنـــا نقاتل :showoff:

والله الله أعلم يا فراشة ،، شو الي رح يصير

ما بندعي .. إلا الله يثبتنا على الحق في كل زمان وكل مكان

نورتي حبيبتي :icon26:
جيفارا*نابلس
04-05-2008, 06:31 PM
انا خايف اذا صدفت وكنت هناك أفكرو الحجر الأسود وأبوسه هههه




القصة بسيطة اخي جيفارا .. العرب ما انتصرو لعروبتهم وانما لدينهم .. وهذا الشيء غفل عنه القوميين .. خدعو الناس والعالم باشي اسمه قومية عربية وعلى فكرة اول من صنعها همي الاشتراكيين :p

المضحك في الأمر انه عمره ما حرر القدس عربي .. من صلاح الدين الى الظاهر بيبرز الى قز الى ال ىال ... كل القادة كانو من غير العرب والعامل المشترك بينهم الدين ...



قصدك 90 اخي هه في صفر سقط سهوا ...

قبل 900 سنة احنا فعلا كنا حاكمين العالم ... تاريخ المسلمين 1400 سنة حكمنا العالم 1300 سنة وما انحكمنا بشكل كامل الا ف ال 100 سنة الأخيرة ..




بلاد العرب أوطني من الهند الى الصين هههه

روق يا صديقي مش محرزة ... انا شخصيا ما بتهمني عروبتك بقدر ما بهمني دينك ...


ملاحظة: الانتماء للعرب اسهل من اي انتماء اخر .. لانه الانتماء للعرب يحتاج شرط واحد وهو اتقان اللغة العربية .. يعني مجرد اتقانك للغة العربية يجعلك عربي .. اذا بوش صار يعرف يتكلم عربي حنطلق عليه مسمى عربي ... الرسول عليه الصلاة والسلام قال "انما العربية اللسان" .....



بتعرف احيانا بتأثر الواحد لمن يسمع متلا الالمان وصلو الامريكان اخترعو الروس انشأؤو

حتى المجوس صارو يتحدو

واحنا الحمد لله نازلين بس شو نزل اخر فياعه هههههههههههه وانا اولهم

وشو اخر منطقه بئدر انزل فيها البنطلون ههههههههههههههههه

وهمي وصلو القمر الي انا بشك انو حدن وصلو اصلا

همي بيطلعو فوق واحنا بنطلع لتحت


بس سؤال ممكن


والحوار للفائدة بالنهايه


ليش الشخص لمن يكون بدون اسلام متلا بمجتمعنا بحكي بكون شوي عليه العين ومزبط حالوا ومهتم بشكلو

وبعد ما يصير يصلي ومش عارف شو

بيبلش ينقرض ويتجه نحو داروين مع احترامي للجميع

يعني بيسبغ لحيتو الوان الصيف

تيابو بتكون شي مسخره


والعطر يلي بحطو والله ما برضاه لباب المقبره


انا ممكن شوي قاسي بكلامي

وخليت الموضوع يتفرع

ولكن ياريت حد يفهم هيك ناس شو الدين الصح الي للاسف صرنا كثير نخربش بين الدين والتطرف او متل مابحكوها

صار متدين يعني اعتبر عقلاتو طارو


والله جد مرات بتخجل تحكي مع شخص تحول من الى هو مو غلط الله يهدي الجميع بس مو بهاي الطريقه


واطن الاسلام مو من شروطو سبغ اللحيه وتلوين الشوارب


صح ولا لاء
.:.!دموع الرحيل!.:.
04-05-2008, 06:38 PM
هي كانت مزحة او على الأغلب تعبير مجازي عن الي رح يحصل .. وقتها قلت اني بامن بعدنان ولينا ... لنه في عدنان ولينا بحكو انه سنة ال 2008 تدمر العالم و و و فكانت مجرد مزحة ههههه

لكن هو صحيح في احداث بتصير ولسا في احداث رح تصير والله يستر من الي جاي ...



ما اظن الأمريكان بفكرو هيك لانها أمريكا راس مالية وبهمها الربح المادي قبل اي شيء اخر ... والتقنية للأسف بنوخدها من عندهم ...

والله يا مدري يا أحمد ... يمكن انا قصدت الصليبيين ،، لأني أوقات بقرأ عن هرمجدون

بمعتقداتهم .. بحسهـا فيها نوع من هالتفكير ،، بس الله أعلم مش كتير مغمقة فيها :icon9:



طبعا بعدي عن مبالغات عدنان ولينا .. وصديقهم عبسي خخخخ

انا بتصور انه في مصايب بتصير ومش شرط نسمع عن قتلى وجرحى و و
للسنة الي فاتت وكان ما زال هناك بعض الروابط العربية لكن هاي السنة انتهى الموضوع ... الي حصل بغزة كان لأول مرة بيحصل في ظل صمت عربي .. والي حصل بالقمة العربية الأخيرة كان دلييل على تشتت فوق التشتت السابق وهاي مثيبة ..
لبنان تقسمت وصارت لبنانين ويمكن ثلاثة ... والعراق تأكد تقسيمها سنة 2008 وصارت 3 عراقات .. وفلسطين استقر الوضع على فلسطينيتين ... هيك صار عنا اكثر من 30 دولة عربية ... ولسا الحبل على الجرار ..

لكن مع كل هذا الصورة العامة والمؤشر العام يقول ان الاسلام الى خير ... واننا في طريقنا الى خير ..
الي بيقراء التاريخ بيجد انه دائما نقاط التحول في امتنا عبارة عن نقاط صعبة وفي ظني والله أعلم انا في نقطة صعبة دا .. الشعوب فيها تتفق وبصير بينها تاخي والحكومات تختلف .. الشعوب فيها تقترب الى الله والحكومات معظمها تبتعد ..

صح الكلام .. ويا رب المزيد .. رغم انه بنفس الوقت كمان الفساد زايد كتير ..

بس كأنه الكفة صارت متعادله !


يعني قبل 20 سنة اسئلي والدك عن مخيمات الفلسطينين في لبنان رح تتفاجئي انها كانت طاسة وضايعة .. الان في توجه للدين والناس بترجع لربها في كل مكان ... في المشرق العربي والمغرب العربي ..

انا بتصور انه الشعب الفلسطيني ضحى كثير وقدم الكثير لكن -والله أعلم- كل التضحيات الي كانت خارج نطاق الدين ذهبت هبائا منثورا .. في الثمانينات لما زار والدي المنظمة لقي الشباب هنا بيد البندقية وبالاخرى الخمرة !! الان الوضع غير
رجعة الشباب والي بيسميها العلماء الصحوة هاي موجودة الان .. في كل زمان لما يكون في نقطة تحول بيكون في من وراها علماء والان عنا كم من العلماء والدعاة الي بيجددو الدين ..

بالنسبة لصفة المقاومين قبل فعلا بسمع كتير .. والحمدلله على الوضع الي وصلناله

للمجاهدين ..



فعلا موقفك رح يكون صعب هههه

لكن ما تخافي ما اظن رجعتنا للسيوف حتكون بزمانا .. لانه ما اظن انها حتصير بين يوم وليلة وانما حتصير بالتدريج .. واذا كان البترول رح يخلص بعد 100 سنة ما بنعرف وين بنكون وقتها :)

يمكن احفادي يشوفو كلامي هذا ويترحمو علي ... اييه كان جدنا متوقع الدنيا تولع .. خخخ

هههههههه مش عارفه ليش عندي احساس انه رح تكون بالزمن الي انا فيه :icon11:

هيك مجرد احساس مش أكتر :matrix:

وكمان بحس انه هالشي رح يصير بسرعه رهيبة ..


ضل شغلة بالنسبة للبنان ... لبنان فيها اشي غريب بصير .. كل ما ولع الطرفين بهدو وكل ما هدو بولعو .. يعني لا بدهم يحاربو ولا بدهم يتفقو .. حيرو أهلي بصراحة .. لكن واضح انها ايران بتستعمل نفوذها بلبنان كورقه وبمجرد ما يتفقو مع الأمريكان حنقرأ على لبنان السلام .. فجهزي حالك يمكن تروحو الاردن او سوريا او يمكن حظك الحلو يوديكي البرازيل هههههههههههه بس اكيد مش يافا في الوقت الحالي .. ودايما الفلسطيني في لبنان بيدفع الثمن :s

له له .. شو هالبشارة :S

مصيرنا نرجع يافا .. بس يعني شو الفرق بين انه نكون بلبنان أو سوريا أو الأردن !

بكل مكان رح نكون لاجئين !

الا اذا صارت قصة التوطين .. مصيبة :icon28:

وان كان ولا بد .. ما بتمنى الا روح على سوريا من بين الخيارات الي انت كتبتا ...

حتى والله مرة سمعت بابا بيتوقع حكي متل الي بتحكيه :icon9:

توقعاتي لفلسطين ... فتح وحماس صعب يتفقو ... والله يستر من الي جاي .. خصوصا انه في ناس ما بدها الاتفاق يصير لانه ما الها مصلحة ... لذلك بتوقع الوضع يضل على ما هو عليه هناك ...

الله يجيب الي فيه الخير يا رب ،، وينصر الإسلام في كل مكان


مشكور أخي أحمد .. عذبناك معنـا

وأحلى شي انه الأعضاء اتفاعلو مع الموضوع

وانتظروا الرد بفارغ الصبر :icon11:

سبحان الله دايما هاي الأمور .. بتستهوي الشخص ..

الله يثبتنا ياارب على الحق وين ما كنـا

يعطيك ألف عافيه أخي
.:.!دموع الرحيل!.:.
04-05-2008, 06:46 PM
الأخ جيفارا

مش رح اقرأ كل ردودك ..

ما حابة اسم بدن حالي :)

بحمد الله على إسلامي وعروبتي ..

ويا ريت تحترم شوي الأعضاء الي هون ..

كلامك مش مقبول والله

وعيب بحق كل بني أدم بيقرأه

الله يطولك بالك يا أحمد .. نيالك ع الروح الي عندك

بس انا مني وعليي .. اقتلني ولا تسمعني هيك كلام

وفي شي اسمو احترام الغير

لا حول ولا قوة الا بالله بس
جيفارا*نابلس
04-05-2008, 06:52 PM
الأخ جيفارا

مش رح اقرأ كل ردودك ..

ما حابة اسم بدن حالي :)

بحمد الله على إسلامي وعروبتي ..

ويا ريت تحترم شوي الأعضاء الي هون ..

كلامك مش مقبول والله

وعيب بحق كل بني أدم بيقرأه

الله يطولك بالك يا أحمد .. نيالك ع الروح الي عندك

بس انا مني وعليي .. اقتلني ولا تسمعني هيك كلام

وفي شي اسمو احترام الغير

لا حول ولا قوة الا بالله بس



انا ماحكيت شي بسم البدن انا بحكي مجرد كلام فيكي تشوفيه وفيكي تنسيه

في شي مهم بتعرفي ايش هو

لمن تنظري لا اي شي بالعالم

ماتنظري الو من باب واحد

وماتحكمي على الامور بمجرد المرور وغلبه الدين

لا اتمعني وان لم يعنيكي

اصغي اسمعي راقبي

بعدين قرري

مع احترامي الك

هي مجرد وجهات نظر

واكثر من مجرد حريه تعبير
خيـرَ أُمـة
04-05-2008, 06:56 PM
وشو اخر منطقه بئدر انزل فيها البنطلون ههههههههههههههههه

ههههه

شر البلية ما يضحك ....

الغريب انهم ما بيعرفو مين الي اخترع هيك موضة ولو عرفو يمكن البعض منهم يخجل ويبطل يلبس هيك بلاطين ... هاي البلاطين موضة عملها الشواذ بامريكا عشان ينعرفو وهمي بالشارع .. والبنطلوب لسان حاله بيحكي .. انا مستعد iam ready


ليش الشخص لمن يكون بدون اسلام متلا بمجتمعنا بحكي بكون شوي عليه العين ومزبط حالوا ومهتم بشكلو

وبعد ما يصير يصلي ومش عارف شو

بيبلش ينقرض ويتجه نحو داروين مع احترامي للجميع

يعني بيسبغ لحيتو الوان الصيف

تيابو بتكون شي مسخره


والعطر يلي بحطو والله ما برضاه لباب المقبره

أكبر غلط نحاكم الاسلام من خلال حال المسلمين او اخطاء البعض ...

مافي دين مافيه ناس متطرفين او تصرفاتهم شاذه لكن للأسف الاعلام بيركز على سلبيات المسلمين وبيركز على المتدينين عشان يحكي شوفو هذا هو الاسلام .. مع العلم انه لو حسبناها بالورقة والقلم حنكتشف اننا مع ضعف مجتمعاتنا عقائديا الا اننا أفضل من باقي المجتمعات ... انا بذكر اني شمعت انك دارس هندسة يعني زميلي واحنا المهندسين لغة الأرقام هي اصدق لغة ..
في امريكا يوميا بيموت أكثر من 200 لأسباب تتعلق بالجريمة ... وفي امريكا نسبة العنف الاسري اكثر من 70% ... وفي امكري أكثر من 2.5% من سكان امريكا داخل السجون .. غير التفرقة العنصرية الغير عادية المنتشرة بالمجتمع لدرجة انه في كنائس خاصة للسود وكنائس خاصة للبيض !!

انا ما بنكر انه في شباب فاهمين الدين خطأ .. لكن الحمد لهل هؤلاء بيقلو ومعظمهم بدأ يتجه للاعتدال خصوصا انه دينا وسطي .. لا افراط ولا تفريط ... لكن للأسف الاعلام بيركز علي الأخطاء بمجتمعنا ومع العلم انها اخطاء أفراد .. صار الاعلام مثل الذباب لا يبحث الا عن الجروح ليسقط عليها ... وكلنا عارف مين الي مسيطر على الاعلام ..



واطن الاسلام مو من شروطو سبغ اللحيه وتلوين الشوارب


هاي نادر ما أشوفها ... وهي جائزة لكن ليست واجبة ... يعني حرية شخصية .. طيب العرب بصبغو شعرهم بأشكال الوان وحيكنا حرية ..


دير بالك بلاش حدا يلطش توقيعك ويلطش حسابك خخخ
http://file7.9q9q.net/preview/95121593/signature.jpg.html
نور الهدى
04-05-2008, 06:59 PM
موضوعنا صديقي انو للاسف العرب هم شيء خرافي

يمكن العرب انوجدو على الدنيا لشي واحد بس وهو انهم يكونو امه مستهلكه متلها متل الدواب

وانا اصبحت على قناعة تامه انو عمرو العرب ماكان الهم تاريخ تاريخنا مجرد نزوة صديقي

:icon11::icon11::icon11:

الله يرحم ايام ما كنت تدافع عن العروبة ... ما بعرف اذا متذكر موضوع صدام حسين :)

لكن مثل ما حكى عمو احمديكس العرب ما انتصروا بعروبتهم و انما بدينهم

يعني من الممكن يكون محرر القدس اللي جاي ابني بحكم اني مش من اصول عربية :icon11:

الله يصلح الحال
جيفارا*نابلس
04-05-2008, 07:00 PM
ههههه

شر البلية ما يضحك ....

الغريب انهم ما بيعرفو مين الي اخترع هيك موضة ولو عرفو يمكن البعض منهم يخجل ويبطل يلبس هيك بلاطين ... هاي البلاطين موضة عملها الشواذ بامريكا عشان ينعرفو وهمي بالشارع .. والبنطلوب لسان حاله بيحكي .. انا مستعد iam ready




أكبر غلط نحاكم الاسلام من خلال حال المسلمين او اخطاء البعض ...

مافي دين مافيه ناس متطرفين او تصرفاتهم شاذه لكن للأسف الاعلام بيركز على سلبيات المسلمين وبيركز على المتدينين عشان يحكي شوفو هذا هو الاسلام .. مع العلم انه لو حسبناها بالورقة والقلم حنكتشف اننا مع ضعف مجتمعاتنا عقائديا الا اننا أفضل من باقي المجتمعات ... انا بذكر اني شمعت انك دارس هندسة يعني زميلي واحنا المهندسين لغة الأرقام هي اصدق لغة ..
في امريكا يوميا بيموت أكثر من 200 لأسباب تتعلق بالجريمة ... وفي امريكا نسبة العنف الاسري اكثر من 70% ... وفي امكري أكثر من 2.5% من سكان امريكا داخل السجون .. غير التفرقة العنصرية الغير عادية المنتشرة بالمجتمع لدرجة انه في كنائس خاصة للسود وكنائس خاصة للبيض !!

انا ما بنكر انه في شباب فاهمين الدين خطأ .. لكن الحمد لهل هؤلاء بيقلو ومعظمهم بدأ يتجه للاعتدال خصوصا انه دينا وسطي .. لا افراط ولا تفريط ... لكن للأسف الاعلام بيركز علي الأخطاء بمجتمعنا ومع العلم انها اخطاء أفراد .. صار الاعلام مثل الذباب لا يبحث الا عن الجروح ليسقط عليها ... وكلنا عارف مين الي مسيطر على الاعلام ..




هاي نادر ما أشوفها ... وهي جائزة لكن ليست واجبة ... يعني حرية شخصية .. طيب العرب بصبغو شعرهم بأشكال الوان وحيكنا حرية ..


دير بالك بلاش حدا يلطش توقيعك ويلطش حسابك خخخ
http://file7.9q9q.net/preview/95121593/signature.jpg.html


بتعرف جد الله يعينك عشان تحملت سخفاتي

بس بتعرف

كبرت كثير بنظري اكثر من اول
لانو بتحكي وانتا واثق من نفسك بعيد عن التعصب

وهاد هو الشي المطلوب للترغيب مو الترهيب

نعم ......... الاخلاق واعبطك على اسلوبك لانو 100% مقنع
جيفارا*نابلس
04-05-2008, 07:02 PM
:icon11::icon11::icon11:

الله يرحم ايام ما كنت تدافع عن العروبة ... ما بعرف اذا متذكر موضوع صدام حسين :)

لكن مثل ما حكى عمو احمديكس العرب ما انتصروا بعروبتهم و انما بدينهم

يعني من الممكن يكون محرر القدس اللي جاي ابني بحكم اني مش من اصول عربية :icon11:

الله يصلح الحال

اكيد بتذكر

ولكن ربما كان دفاعي عن الرجوله والقيم اكثر من دفاعي عن العروبه
خيـرَ أُمـة
04-05-2008, 07:08 PM
كبرت كثير بنظري اكثر من اول

دير بالك بلاش انشيب ... بدري علينا خخخخ
بنت فلسطين المجروحة
04-05-2008, 07:51 PM
الله يينور دربك يااخ احمد

^^

شكرا دموع عالموضوع

افديتنا معك
.:.!دموع الرحيل!.:.
04-05-2008, 08:35 PM
هلا حبيبة قلبي

نورتي
B a s i m a
04-05-2008, 11:42 PM
حلوووووووو و الله

كتييييييير

بحيي الأخ أحمد

الله يحميك
.:.!دموع الرحيل!.:.
04-06-2008, 12:00 AM
فتحتلك بااب الشهرة يا أخ أحمد

ههههههههههههههه

نورتي بسومتي
جيفارا*نابلس
04-06-2008, 12:10 AM
مش عارف ليش دموع الرحيل فهمتني شي تاني او من كوكب محايد

انا يمكن كان كل كلامي بلغه الاستفسار

بعدين يادموع الحكمه بتحكي

اذا اردت الاخرة فعليك بالعلم

واذا اردت الدنيا فعليك بالعلم

وانات كان كل كلامي مجرد استفهامات حبيت استفهم عنها وتوضح عندي الصوره

احيانا الشخص بيقرا كم كتاب وبيسمع كم خطاب وكم كلمه من هون ومن هون اووووه صار اشي كبير والله شو اشي تقيل بالدين .

بتعرفي شغله ليش ماحكموا انثى يوم بالدين ,او ليش الرب مابعت انثى لتكون نبيه او مرسله

يمكن كان ضيعت العالم

المه يادموع انتو كاتبين على القسم كنتو

اختلاف الاراء لا يذهب للود قضيه

وهاي اراء بتنطرح ممكن انها تعجبك وممكن لاء

اوكي في اسلوب حوار مو همجيه في حوار هادف

ممكن انا اخد منك اوك وازيد معرفتي مش غلط

ومش غلط اني اتعلم من غيري ولو كان قليل المعرفه كلمه وكلمه بيسوو جمله

يمكن انتي متدينه زياده ومن هاد المنطلق بتاخدي كل شي بحساسيه

ولكن في شي بالدين بعدك ماوصلتي الو

وهو انا بعتبرو اهم شي لتقبل اي دين

وهو الصدر الرحب

لتعرفي تستوعبي كل شخص على اختلاف مناخات التفكير

وحريات التعبير


ولتقدري توجهي هدفك صح , لازم ومن الضروري انك تسمعي وتنظري كويس بأي كلمه تخرج او تكتب

ممكن تكون كلمه حق يراد بها باطل او العكس

وكوني واثقه اني لو بدي استهزء او شي ما بحب استهزء وكل موضوعي كان استفسار

او تساؤولات او متل مابدك تسميها سميها ولكن لغايه في نفسي


واحكيكي كلمه اخيره

لا تتسرعي بالحكم علي اي شخصمن منطلق تفكيرو او من مدى جرأة السؤال



انا مابتفرق معي بحب اعرف كل شي واستفسر عنم اي شي

بغايه اني انا اعرف وما اكون عالعيس بالصحراء يقتلها الظمى

وبالنهايه لك الخيار في تحديد اسلوب ردك

ولكن اعلمي ان اي رد ربما يكون عامل تقريب من وجهة نظر معينه

او ترهيب تام لمستوى مجتمع بأسره او ربما امه بأكملها


وبالنسبه للاصول العربيه ومو عربيه

مالها دخل لو كنت موزنبيقي بيجمعنا بالنهايه دين واحد

اوك انا بفتخر اصولي مش عربيه

ولكن افتخراكثر عندما اقول اني مسلم


وشكرا الك ولطريقه فهمك الامور

وتعددت الاجابات والفكر سارح
ضوء القمر
04-06-2008, 02:09 AM
:icon9::icon9:

لا تـــعــــلـــــــــــــــــــــــــ ــــيق


لانو انا ما فهمت شي لانو كلو قراتو مرة وحدة

كاني فهمت كمن شغلة

يلا كملو خلينا نشوف والله حلو انا اخدت من هون شوي ومن هناك شوي

وراجعة افهم منيح

^^
.:.!دموع الرحيل!.:.
04-06-2008, 02:22 AM
هلا حبيبتي ضو نورتي ..

الله يسعدك

//

الأخ جيفارا .. مش عارفه ليش رجعت فتحت الموضوع

حكتلك مش حابة احكي بالموضوع لأني عارفه انه عبث

بس لو إنك بتراجع ردودك ( بغير مواضيع )

كل شوي رح تلاقي تقليل من قيمة العرب

وسب غير مباشر

يعني بجد وين إحترام الآخرين

نبيك ورسول الله وسيد البشرية عربي

وكان يفتخر بعربيته ..

لحتى تيجي حضرتك بين كل رد والتاني ما تصدق

وتقلل من قيمة العرب ؟ شو شايفنا قدامك

انا ما حكيت ولا جبت سيرة الإسلام .. ولو اني لو بدي ادخل معك بنقاش

كان فرجيتك مدى تخبطك بهالأمور !

بس مش موضوعي .. لأنه حاولوا قبلي كتير

بس انك تدخل المواضيع .. لحتى تحكي ع العرب .. ايه والله مش أسلوب ومش شغله

شو بتتوقع مني يعني ..

يا هلا فيك ؟ كلامك على عيني وراسي مثلا

لا والله

ولا أكبر راس بهالدنيا بسمحلوا يحكي بهالطريقة الإستهزائية

بتحب تعطي رأيك يا أهلا وسهلا .. بس بكل أدب وإحترام

بس انك تقلل من قيمة الي بتحكي عليهم

انت بتكون الغلطان .. ومنيح مني خليت هالكلام موجود بالمنتدى

والمشكلة انك من أصول غير عربية وجاي تتعدى على العروبة

بجد شي بسم !

وعيب عاللي بيسمع هالكلام وبضل ساكت ..!

وللعلم انها مش أول مرة .. صرت مستفز مشاعرنا بأكثر من موقع وموضوع بهيك كلام ..

الله يهدينا جميعا !
ashrafo
04-06-2008, 05:53 AM
:icon9: :icon9: :icon9: :icon9:


:icon5:



:s (43):
خيـرَ أُمـة
04-06-2008, 06:48 AM
فتحتلك بااب الشهرة يا أخ أحمد

صار لازم أنزل الانتخابات :icon11:


طولوا بالكو يا جماعة ...

أخي جيفارا..
انا بتصور انها دموع حاكمتك من خلال مشاركاتك السابقة في اماكن اخرى ... أكيد صعب انها تتجاهل مشاركاتك الثانية ويبدو انك كنت تحكي فيها على العرب ...
لكن اسمعني أخي احنا كعرب فعلا عنا مشاكل لكن هذا ما بعني انه العرب سيئين .. مافي أمة ممكن نحكي عنهم انهم 100% ومسئلة التعميم غلط كبير .. اذا كان العرب الان في حالة ضعف فهذا مش مطول والدنيا دوارة والأيام دول ربنا بيداولها بين الناس .. قبل سنوات مش طويلة كان الغرب بيرسل ولاده عشان يوخدو العلم من عنا !!

الحمد لله بحسب طبيعة شغلي احتكيت -في ظني- بكل الأمم .. والله شفت اهل الصين واروبا وأمريكا واحتكيت بناس من أفريقيا والهند ووو وما انسا احبائي الأتراك ... ما خليت ... وباكدلك أخي انه ولا حدا فيهم احسن منا بالعقلية او التفكير .. لكن احنا كعرب عنا مشكلة سوء ادارة وأحيانا أزمة ثقة ... بدليل انه جزء كبير من شركات التكنلوجيا فيها موظفين عرب .. يا رجل وكالة الفضاء ناسا فيها عرب وبالتحديد فلسطينية مافي شركة من الي بتصنع التقنيات المعقدة الا وبتلاقي فيها عرب بالذات من فلسطين و مصر .. ثق تماما وهاي عن تجربة وانا شايفها بعيني وبلمسها كل يوم ...

بعدين يا جماعة مثل ما حكينا من قبل انما العربية اللسان .. يعني الهندي اذا صار يحكي عربي بصير اسمه عربي .. العروبة مش مسئلة جغرافية مقيدة بحدود ...

انا مابتفرق معي بحب اعرف كل شي واستفسر عنم اي شي

بغايه اني انا اعرف وما اكون عالعيس بالصحراء يقتلها الظمى

وبالنهايه لك الخيار في تحديد اسلوب ردك

أكيد من حقك تسئل .. بس رجائا ما تعملي زي عبدالرحمن ...هههه
عبد الرحمن شاب هندي اسلم من أقل من شهر والحمد لله طبعا كان اسمه راجا .. وبيسئلني اسئلة فظيعة .. يعني مثلا ليش في مسلمين بالتشهد الأخير بالصلاة بكونو مسكرين اديهم وفي منهم لا .. ومين الصح ... طيب ليش في الي برفع ايده بالدعاء وفي لأ ...

يعني انا بتصور انا نوخد الصورة العامة والتفصيل ما ندقق فيها كلها ... وعلى فكرة الشخصية الي بتهتم بالتفاصيل بسموها شخصية تحليلية Analytic ... شخصية مميزة لكن مشكلتها بدها نفس طويـــــــل ..
خيـرَ أُمـة
04-06-2008, 06:51 AM
:icon9: :icon9: :icon9: :icon9:


:icon5:



:s (43):

أربعة محيرينك .. و واحد محزنك .. و واحد وردة ...

انا حفترض اني انا صاحب الوردة :showoff:

مافي قلب حب طيب ..؟؟ :icon11:
الحان الحرية
04-06-2008, 07:28 AM
:icon9::icon9:

يعني اجهز حالي انا ... :icon11:

اتعلم ركوب الخيل ..:icon11:

يلا منيح مبارزة :icon11:

بس انا كمان اظن انه راح نرجع زي زمان :icon9: لأنه مش معقول البترول يظل طول العمر :icon9:

راح يخلص يوماً ما :icon9::icon9:

الله اعلم ...

ـههههههههههـ قاعده بتخيل انه مافي كهربا ولا نت ولا موبايل .. بموت هاي الاشياء اساسية :icon11::icon11:

يسلموو ننوشتي ..

و يسلموو حج احمد ..

معك حق بكلامك
جيفارا*نابلس
04-06-2008, 09:28 AM
هلا حبيبتي ضو نورتي ..

الله يسعدك

//

الأخ جيفارا ..

وللعلم انها مش أول مرة .. صرت مستفز مشاعرنا بأكثر من موقع وموضوع بهيك كلام ..

الله يهدينا جميعا !



مممممممممممم

وليش ماكنت تحكي من الاول او تحاولي تصلحي الامور

بما انك بتفهمي بالدين هناك شي اسمو تغير

وازا انا كنت احكي كلام خرابيش ليش ما كنتي تنوهي او تحكي

اظن بالاسلام مافي شي اسمو لكل منا امر يعنيه

احنا بناخد بحكم الجماعه

والكثر وضوحا كلمة الساكت عن الحق شيطان اخرس

ياستي بالنهايه مافي خلاف بيني وبينك لجرد كلمات وضيعه كتبت هنا او هنا

المهم النوايا

وبالنسبة للنبي

اوكي عربي على عيني وراسي

بس انا ماحكيت عن العرب بزمن النبي

مهو الاحول بشوف الي كاتبو انا

انما انا بحكيلك لمن تتراكم النظرات وتغذيه النفوس على شيء معين بتصير من ذره تتحسس

وشكلو في شي قديم او حد موصلك شي وانتي كبرتي بدماغك

وتفتحي الموضوع او تسكري

انا مش بيبي عند الي خلفوك

وقت مابدك بتعطي اللهالية

على كل حلال انا ما بستفز حدن


ووضحت وحكيت

وبتعرفي ازا كلامي بسم البدن

فكلامك بيقطع الحيل والخلف

وشكرا للاحترام وتبادل المعرفه المتوفر عندك

وعفكره كثير من هالنقاش وضحت صور عندي

واما انك تتهميني بأني حرفت عروبه النبي

هاي بعيدة كثير عن الي ببالك

ولا احكيلك

بتئدري تقطعي تذكرة على لاهاي

وتتشكي علي بأني مجرم بحق الانسانية العربيه:s (43):
جرحٌ بملامح انسان
04-06-2008, 10:33 AM
؟ ؟ ! ! ؟؟
! ! ؟ ؟ ! !

^.^
خيـرَ أُمـة
04-06-2008, 11:12 AM
طولوا بالكو يا جماعة ...

وخلونا انصفي النفوس ..

احان في مركب واحد واذا غرقت بتغرق فينا كلنا .. انا شخصيا بعرف اسبح ..

؟ ؟ ! ! ؟؟
! ! ؟ ؟ ! !

^.^

ولك يسلملي هالمنخار ..

بس ليش منخيركو بفتح صايرة صغيرة :icon11::icon11:
خيـرَ أُمـة
04-06-2008, 11:19 AM
نرجع لموضوعنا عن الكوارث الي جاية ...

في كارثة احتمال تحصل والله أعلم وبوادرها بلشت في الخليج العربي وهي انه يمكن تمر علينا ايام فطورنا وغدانا وعشانا زيت وزعتر ... قبل ايام قررت الحكومة الهندية تقليل كميات الرز الي رايحة للخليج وممكن خلال شهور قليلة يقررو يوقفو تصدير الرز .. وقتها أهل الخليجج مش حيلائو كبسة يوكلوها .. واهل الشام مش حيلائو لا منسف ولا مئلوبة .. وحنئضيها نواشف ههه

اشي غريب انه نعتم على غيرنا بانه يصنع طعامنا وشرابنا وحتى لبسنا ... يا جماعة في شركة بريطانية كل شغلها الشاغل صناعة الحطة والعقال الخليجي .. اكيد ما بيلبسوها البريطانيين لكن وصل فينا الحال انه حتى البستنا الرسمية يصنعولنا اياها ...

بتصور صار الزم نصحى وما انراهن على البترول .. العالم كله صار يجهز حاله لمصادر طاقة جديدة مثل الهيدروجينية والشمسية وأخيرا النووية واحنا مكانك سر ...
.:.!دموع الرحيل!.:.
04-06-2008, 01:21 PM
:icon9::icon9:

يعني اجهز حالي انا ... :icon11:

اتعلم ركوب الخيل ..:icon11:

يلا منيح مبارزة :icon11:

بس انا كمان اظن انه راح نرجع زي زمان :icon9: لأنه مش معقول البترول يظل طول العمر :icon9:

راح يخلص يوماً ما :icon9::icon9:

الله اعلم ...

ـههههههههههـ قاعده بتخيل انه مافي كهربا ولا نت ولا موبايل .. بموت هاي الاشياء اساسية :icon11::icon11:

يسلموو ننوشتي ..

و يسلموو حج احمد ..

معك حق بكلامك

ههههههههههههههههه

فعلا يختي رح نموت خنق .. وانا أولكم يمكن :icon11:

لا وقتـهـا ربنـا بيزرق الناس صبر وتأقلم مع الوضع أكيد

يا ستي الله يكرمنا نكون من جيل النصر ..

نورتي حبيبة قلبي :icon26:
.:.!دموع الرحيل!.:.
04-06-2008, 01:31 PM
مممممممممممم

وليش ماكنت تحكي من الاول او تحاولي تصلحي الامور

بما انك بتفهمي بالدين هناك شي اسمو تغير

وازا انا كنت احكي كلام خرابيش ليش ما كنتي تنوهي او تحكي

اظن بالاسلام مافي شي اسمو لكل منا امر يعنيه

احنا بناخد بحكم الجماعه

والكثر وضوحا كلمة الساكت عن الحق شيطان اخرس

ياستي بالنهايه مافي خلاف بيني وبينك لجرد كلمات وضيعه كتبت هنا او هنا

المهم النوايا

وبالنسبة للنبي

اوكي عربي على عيني وراسي

بس انا ماحكيت عن العرب بزمن النبي

مهو الاحول بشوف الي كاتبو انا

انما انا بحكيلك لمن تتراكم النظرات وتغذيه النفوس على شيء معين بتصير من ذره تتحسس

وشكلو في شي قديم او حد موصلك شي وانتي كبرتي بدماغك

وتفتحي الموضوع او تسكري

انا مش بيبي عند الي خلفوك

وقت مابدك بتعطي اللهالية

على كل حلال انا ما بستفز حدن


ووضحت وحكيت

وبتعرفي ازا كلامي بسم البدن

فكلامك بيقطع الحيل والخلف

وشكرا للاحترام وتبادل المعرفه المتوفر عندك

وعفكره كثير من هالنقاش وضحت صور عندي

واما انك تتهميني بأني حرفت عروبه النبي

هاي بعيدة كثير عن الي ببالك

ولا احكيلك

بتئدري تقطعي تذكرة على لاهاي

وتتشكي علي بأني مجرم بحق الانسانية العربيه:s (43):

استغفر الله العظيم

مش رح أدخل معك بنقاش ..

بس بحب اقولك .. من الأول احترم الناس ..

أحسن ما تحط حالك بهيك موقف

وتحاسب الناس ع ردود أفعالها

من فترة مش كتير طويلة .. كمان حضرتك كتبت كلام

مشابه للكلام الي حكيتو بتاني مشاركة الك هون ..

ولأعضاء اتدايقو كتير ،، وعديناها

لذلك بتمنى انك تنتبه ع كلامك

وبالنسبة لأني قلت انك شككت بعروبة النبي .. عليه الصلاة والسلام

لا يا سيدي .. لا تحرف كلامي

انا قلتلك النبي كان عربي وكان يفتخر بعروبته

يعني شو بدك أكتر من هيك سبب لحتى نعشق العروبة

بكل زمان .. لأنها امتداد لعروبة النبي عليه الصلاة والسلام

ما في شي اسمه زمان وهلأ

ولعلمك رغم الحالة السيئة الي واصلين الها العرب

بنضل أحسن من الغرب بمليون مرة ..

ولو بدي أعدّ ما بخلص ..

على كل يا سيدي .. بتمنى انك ما ترجع تغلط .. وكمان ترمي غلطك على الغير

وتحاسبهم على ردة فعل طبيعيه ..

الموضوع طلع من مساره ..

سلام
.:.!دموع الرحيل!.:.
04-06-2008, 01:37 PM
نرجع لموضوعنا عن الكوارث الي جاية ...

في كارثة احتمال تحصل والله أعلم وبوادرها بلشت في الخليج العربي وهي انه يمكن تمر علينا ايام فطورنا وغدانا وعشانا زيت وزعتر ... قبل ايام قررت الحكومة الهندية تقليل كميات الرز الي رايحة للخليج وممكن خلال شهور قليلة يقررو يوقفو تصدير الرز .. وقتها أهل الخليجج مش حيلائو كبسة يوكلوها .. واهل الشام مش حيلائو لا منسف ولا مئلوبة .. وحنئضيها نواشف ههه

اشي غريب انه نعتم على غيرنا بانه يصنع طعامنا وشرابنا وحتى لبسنا ... يا جماعة في شركة بريطانية كل شغلها الشاغل صناعة الحطة والعقال الخليجي .. اكيد ما بيلبسوها البريطانيين لكن وصل فينا الحال انه حتى البستنا الرسمية يصنعولنا اياها ...

بتصور صار الزم نصحى وما انراهن على البترول .. العالم كله صار يجهز حاله لمصادر طاقة جديدة مثل الهيدروجينية والشمسية وأخيرا النووية واحنا مكانك سر ...

ويل لامة تلبس مما لا تنسج ، وتأكل مما لا تزرع، وتشرب مما لا تعصر

بس ما بتصور السعوديين يعدوا بلا كبسة

ههههههههههههه

والله الله يكون بالعون ..

يعطيك العافيه أخ أحمد ..

هالموضوع مفتوح لكل استنتاجاتك :icon11:
خيـرَ أُمـة
04-07-2008, 07:13 AM
بس ما بتصور السعوديين يعدوا بلا كبسة


هي اجت على الكبسة ... واحنا كمان اتعودنا على الملوخية بالرز .. الله يرحم زمان والله بحكيلي ابوي كانو يعملو منها سندويشات .. أحسن من الببرجر :icon11:

ولا المنسف عند الاردنيين ... وغير يصير الرز اغلى من الخروف الي فوقه ...

ولا المقلوبة عنا احنا ... حنشتاقلها كثير :icon5:
ashrafo
04-09-2008, 05:38 AM
أربعة محيرينك .. و واحد محزنك .. و واحد وردة ...

انا حفترض اني انا صاحب الوردة :showoff:

مافي قلب حب طيب ..؟؟ :icon11:


هههههههههههههههههههههه

تعجبني ياااحمديكس عإستنتاااجك الحلوووووو ..!!

ذيييييب واللـــــه ذييييب ..!! :showoff:

ولا يهمك يا عيووووني ..!!

طالما حكيت الوردة لا إلك .. مقدمة مني لأحلى احمديكس ..!! :s (43):

و كمااان سألت عن قلب الحب ..!! و قلب الحب لكل الاعضـــــاء طبعا ..!!

لكن إنت فدييييتك بــ :icon26: انـــــــااااا .. شو بدك اكتر من هيك ..!! :matrix:
حنان16
04-09-2008, 11:12 PM
والله بودي احكي اشيا كثير

في مختلف الفروع اللي عم تحكوا فيها

لكن بنفس الوقت افضل الصمت

لانه ابلغ في معظم الاحيان


...

وتحيتي للجميع


^_^
خيـرَ أُمـة
04-10-2008, 02:25 AM
تعجبني ياااحمديكس عإستنتاااجك الحلوووووو ..!!


أهلا يا جداوي .. اش بك يابويا ;-)



والله بودي احكي اشيا كثير

في مختلف الفروع اللي عم تحكوا فيها

لكن بنفس الوقت افضل الصمت

لانه ابلغ في معظم الاحيان



أهلين أختي لا عادي تفضلي ادلي بدلوك او بطنجرتك اذا حبيتي :-)
suzana2007
04-10-2008, 05:21 AM
لك شو صاير بغيابي ... توقعات وما بعرف سو حسيت حالي عم أتفرج على برنامج توقعات السنة الجديدة براس السنة :icon11:

على كل كيفك نانتي والله اشتقتلك كتير كتير كتييييييييييييير

أما بالنسبة لموضوعك أنه سوف نعود لزمان السيف وركوب الخيل فبقلك يالله يا ميسر وعسى أن تكرهوا شيئا وهو خير لكم وبتمنى شوف اليوم اللي بكون فيها بوش وهو راكب حصانه بدل الليموزين ووراه كونداليزا رايس بركي بيحرن هالحصان فيه

بعدين انشالله يصير هالشي قريبا لأن نحن العرب معروف عنا شطارتنا بالمبارزة وركوب الخيل يعني بدل ما هم غالبينا هلأ بالتقنية والتكنولوجيا العسكرية بكرة انشالله منغلبهم بمناوراتنا وشطارتنا بالفروسية وفخرنا بالحصان العربي الأصيل ولا شو

وأحمد بحب أشكرك على آراءك .. ولكن أعتقد أن العربي ليس كل من تكلم العربية بل العربي هو الذي ينتمي لأحد الدول العربية والذي يفتخر بعروبيته .. هنالك العديد من اليهود من يتقنون العربية فهل يتوجب علينا اعتبارهم عرب فشروا بنص عينهم فهم يكرهونا كره العمى وبحاربون العرب أين ما كانوا ... وأنا أوافقك الرأي بأن الأهم هو اسلامنا أكتر من عروبتا فهو سلاحنا الوحيد في هذا العالم لاعادة ما سلب منا


لقد قال الله تعالى عنا: "(( كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ المُنكَرِ ))

نعم عرب ولا نخجل ......... ونعرف كيف نمسك قبضه المنجل
ashrafo
04-10-2008, 06:04 AM
ahmadix...أهلا يا جداوي .. اش بك يابويا ;-)



ههههههههههههههههههههههههههههههههههه ههههههههههههههههههههههههه

الله الله الله الله ..!! :icon6:

تعاااااال تعاااااااال هون طال عمرك .. ايش وشو عرفك بالجدااااوي ..!! هاااا :icon11:

لا يكون عنا عااااايش .. اعتررررررررررررف :icon6:

والله جدااااوي الاخ طلع احمديكس حركااااااااااااااات .. :icon26:

:s (43):
بيســان
04-10-2008, 08:14 AM
رائــعـيــن أنـتـمــ . .

صـَدقــاً الـمـوضـوع أثــار انـتـبــاهي جـَداً

قرأته بـســرعة وسأقراه بـتـمـعـن ان شــاء اللهـ

دموع الرائــعة . . أجمل تـحيــة

أحمد ^^ لك أجمل التحايا >> بس ذكرني شو بحكوا بعدنان ولينا بالضبط . . نسيت الجملة :icon11:

/
.:.!دموع الرحيل!.:.
04-10-2008, 10:19 AM
سوزانا تسلميلي يا ربي ..

والله انا كمـان اشتقتلك كتـــــــــير .. :icon26:

تسلميلي عالمرور:icon26:

//

بيسو يا غاليه .. يسعدلي ياكي عالمرور ..

شوفي هون مقدمة عدنان وليـنـا

http://www.youtube.com/watch?v=ZJpk06-0yP0

هيك المقدمة

( اندلعت الحرب العالمية الثالثة عام 2008

استخدمت فيها الشعوب المتحاربة أسلحة مغناطيسية تفوق

في خطورتها الأسلحة التقليدية

ونتيجة لذلك حل الدمار في البر والبحر

فانقلبت محارو الكرة الأرضية

وباتت الكرة الأرضية تعيش كارثة مؤلمة )

:icon11::icon11:
خيـرَ أُمـة
04-10-2008, 11:06 AM
ولكن أعتقد أن العربي ليس كل من تكلم العربية بل العربي هو الذي ينتمي لأحد الدول العربية والذي يفتخر بعروبيته .. هنالك العديد من اليهود من يتقنون العربية فهل يتوجب علينا اعتبارهم عرب فشروا بنص عينهم فهم يكرهونا كره العمى وبحاربون العرب أين ما كانوا ... وأنا أوافقك الرأي بأن الأهم هو اسلامنا أكتر من عروبتا فهو سلاحنا الوحيد في هذا العالم لاعادة ما سلب منا

أهلا بيكي اختي الكريمة ...

ما تنسي اختي انهم في زمن الرسول عليه السلام كان في يهود وبقو على دينهم يهود بني النظير وبني قينقاع و و و .. ومع اهيك ما سحبنا منهم مصطلح العروبة ...

العروبة ليست دين ولا يمكن ان نخلط بينها وبين العقيدة .. اللغة عبارة عن اداة تفاهم وليست اداة تشريع ..

فديري بالك وما تكوني متحسسة من موضوع اللغة لانها اداة وليست تشريع :-)
خيـرَ أُمـة
04-10-2008, 11:12 AM
لا يكون عنا عااااايش .. اعتررررررررررررف

والله جدااااوي الاخ طلع احمديكس حركااااااااااااااات ..


طول بالك ناا لست جداوي ... لكن عندي معارف بجدة وصار عندي فكرة عن اللهجة المتداولة ... بذكر كان في بنت جداوية بالمنتدى الله يسهل عليها السلممممة كانت تحكي دايما "دحين" يعني الان ههه

لهجة ظريفة ودمها خفيف ..
خيـرَ أُمـة
04-10-2008, 11:14 AM
بس ذكرني شو بحكوا بعدنان ولينا بالضبط . . نسيت الجملة

http://www.youtube.com/watch?v=ZJpk06-0yP0

يالله روحي تخبي ههه