يا زريف الطول ...((من بوح قلمي ))

[بو هبه]

يا زريف الطول واحنا الحوافــي

كل واحـــد مـنا للوطن وافــي

واسمع يا سامع حكِ شفافي

واللي ما يعرفنا يسأل عـــــنا

** **

يا زريف الطول وغني يا موال

و ياعم اسمع مــني و ياخال

فلسطين جوى القلب وعالبال

وللــوطـــن تــــــروح أرواحـــــنا

** **

يا زريف الطول وشعبك يا فلسطين

عــــبواب الأقــــصـــى صــــــامدين

وبــــوقـــــت الشـــدّه مـــا بـــليـن

والأقــصــى مــالــو غــيــر رجــالنا

**

يا زريف الطول ورجالك حماس

يــهـز الارض لــو عــلـيها داس

ومـــا بغـــيــرك نـــرفــع الراس

وهـــــذا هـــو شــعـــــارنـــــا



بقلم /أحمد ((بو هبه))

الأولى لي باللغه العاميه ...

سلامي

[B a s i m a]

يا زريف الطول ...وقف تقلك

ترا ترا ترا

يا الله بحبها هالأغنية..

بو هبه

أنا ما إللي بالشعر و الخواطر...ما بفهم فيها شي

بس كتيييييير انبسطت إنك هنا اليوم...

و سعدت كتير إنه أرد أول وحدة

[بسكوتة]

كلمات روعة روعة روعة

يعطيك ألف عافيه

بتجنن :)

دمت مبدع .. والله يوفقك بو هبوش

[كنعان الفلسطيني]

على راسي شيخ بو هبة

[غزاويه]

حلوين هالكلمات,,,

يلا بس بدهم تلحين..


متل غنيتا الاصليه...

يعطيك العافيه...

[زهرة سلهووب]

يازريف الطول ويسلملي طولك ..ريت الهم والحزن بحياته ما يطولك ..تحيا فلسطين ويحيا الاقصى على قولك ..ريت الفرح دايم بارضنا يزورني ويزورك .... تحي بو هبة روعة كتابتك ننتظر جديدك

[عازفة الاحزان]

يا بو هبة مش مهم حماس وفتح ولا غيره

إحنا فلسطين إيد واحدة
وما بدنا احزاب ولكن كل إنسان له حرية
على كلن مشكوور
تحية لك

[أســ{ــمــرآنــ}ــي]

يعطيك العافيه ,, يسلموو