:: عــــادات البنــــات :: [الأرشيف]

B a s i m a

03-31-2008, 12:55 PM

http://rooosana.ps/Down.php?d=Ggkz

بسم الله الرحمن الرحيم

كل إنسان عندو عادة

ممكن تكون طريفة...مجنونة...عادية...إلا انها ما تلبث أن تتخذ شكلاً اعتياديا بل و تصبح جزء من شخصية الانسان و ترتبط به معنوياً

امثلة

دينا 19 سنة/

من أغرب عاداتي أني أهوى جمع قصاصات الكلمات المتقاطعة من الصحف والمجلات وتكديسها في درج خاص ثم عندما يمتلئ بها الدرج أقوم بمحاولة حلها والتسلية بها في أوقات فراغي .

http://rooosana.ps/Down.php?d=wCYj

ريهام 17 سنة/

من عاداتي الغريبة أني لا أستطيع مشاهدة التلفاز إلا وفي يدي طبق من البوب كورن أو أي طبق آخر .

http://rooosana.ps/Down.php?d=wCYj

فاديا 15 سنة/

أغرب عاداتي أني كثيرة الكلام مع نفسي خاصة أمام المرآة وهذا الأمر يشعرني بالسعادة عندما أقف أمام المرآة وأضحك وأقول يا هبلة من قال لك أنك حلوة .. أنت أحلى فتاة في العالم .

http://rooosana.ps/Down.php?d=wCYj

شذى 12 سنة/

ليس لي عادات غريبة ولكني لا أتناول أي طبق إلا بعد أن أغرقه بالخل والملح والفلفل والبهارات الهندية !!

هلأ

يا بنات بدنا نحكي رأينا بالعادات الفوء

و كمان بدنا كل واحدة نحكي عن عاداتها

شو بيميزها عن غيرها...حاجات اعتادت تسويها...عادية أو غريبة...الكم الحرية

بدنا تفاعل يا أمامير

منقول للأمانة

B a s i m a

03-31-2008, 01:02 PM

عشان متزعلوش

راح أبدا

http://rooosana.ps/Down.php?d=wCYj

أكتر عادة التزمتها لفترة و ارتحت معاها

إني لما اروح أنام أفتح المسجل جمب راسي...و أفتح عالقرآن...و أخلي المسجل شغاااااااال لحد ما يطفي لحاله...بجد كنت ارتاح نفسياً...ما بعرف ليش بعدت شوي

http://rooosana.ps/Down.php?d=wCYj

أكتر عادة سيئة بحبها و مش آآآدرة أتخلى عنها هيا

المشروبات الساخنة...الئهوة..الشاي...شوكو...نس كافيه...
عالتلفزيون بشربها...عالكمبيوتر بشربها...بالجامعة بشربها ..مرات كان الأستاذ يدخل القاعة و لسة الشوكو بإيدي

بس!!!!

يلا أشوف آراءكو يا بنات

RaWaNoOo

03-31-2008, 03:49 PM

موضوع حلو

دائما متألقة ^_^

لي عودة بعد التفكير ههههههه

Princess of Sense

03-31-2008, 03:51 PM

يسلمو ايديكي باسمة على الفكرة...
بس بصراحة انا هلأ مو متزكرة بس اتزكر بقول...
بس في عندي شي مو غريب عادي...
بحب الافلام كتير كتير...
واكتر شي افلام المغامرت...
ويمكن معظم الافلام حضرتها...
ههههههههه
عادة وما بتتغير...
بحاول ابعد عنها بس مو قادرة...

RaWaNoOo

03-31-2008, 04:59 PM

عادة عندي ازا بدي اطلع مشوار بنفل كل الخزانة عشان اطول شغلة وحدة هههههه
بس مع هيك خزانتي مرتبة

هاي عادة عالماشي ههههه

و كمان
يمكن اني برامة درجة اولى ههههههههه
بعرفش اسكت
ههههههه

و رح افكر شو عندي كمان عادات و اكمل

^_^

B a s i m a

03-31-2008, 10:04 PM

موضوع حلو

دائما متألقة ^_^

لي عودة بعد التفكير ههههههه

بنستناكي
:s (43):

إسراء الفلسطينية

03-31-2008, 10:20 PM

انا في عندي عادة زي روان كل ما بدي أطلع بنبش الخزانة لحتى ألاقي شي ألبسو ..

بثواني بتتزبط معي .. و بثواني بتنقلب :wacko:

مرااات بعصب و ما بلاقي شي قدامي .. و بقعد كتير قدام الخزانة و انا صافنة بس :icon11:

..

و عندي عادة تاانية .. كلو بيتعقد مني منها .. و هيي انو التيــاب يلي بلبسها لازم تكون كلها لابقه ع بعضا ع الملي !!

حتي الشال و القمطة اذا ما كانوا ع نفس لون التياب بالزبط .. ما بلبس التياب :icon11:

بــابـا بضلو يقولي بضلك زي العسكر .. كلو لازم يكون نفس اللون :icon11:

..

و في عندي عادة متلك بسومة .. اني ما بعرف انام الا ع صوت القرآن .. متعودة من انا و صغيرة .. او بالأحرى أهلي عودوني ع هل عادة ..

و صرت ما اعرف انام الا ع صوت القرآن :)

و طبعاً هاد شي بيسعدني كتير .. لانو ما في احلى من انو الواحد ينام ع ذكر الله ..

هاي العادات يلي متذكريتها لهلا .. اذا اتذكرت شي تاني برجع :)

و ع فكرة موضوع روعــة ^^

يسلموو حبيبة قلبي :icon26:

B a s i m a

03-31-2008, 10:32 PM

يسلمو ايديكي باسمة على الفكرة...
بس بصراحة انا هلأ مو متزكرة بس اتزكر بقول...
بس في عندي شي مو غريب عادي...
بحب الافلام كتير كتير...
واكتر شي افلام المغامرت...
ويمكن معظم الافلام حضرتها...
ههههههههه
عادة وما بتتغير...
بحاول ابعد عنها بس مو قادرة...

وااااااو

ِAdventure movies

حلوين كتييييييير

برأيي هده مش مشكلة...

لكن ممكن تصير مشكلة اذا صارت زيادة عن اللزوم...و أثرت على نواحي تانية بحياتك

لما تتذكري إرجعيلنا

ماشي؟

يا مغامرة

B a s i m a

03-31-2008, 10:47 PM

عادة عندي ازا بدي اطلع مشوار بنفل كل الخزانة عشان اطول شغلة وحدة هههههه
بس مع هيك خزانتي مرتبة

هاي عادة عالماشي ههههه

و كمان
يمكن اني برامة درجة اولى ههههههههه
بعرفش اسكت
ههههههه

و رح افكر شو عندي كمان عادات و اكمل

^_^

هههههههههههههه

طيب ليه لما تنفلي كل الخزانة ...ما بتفكري بالتعب إللي جاي من ورا هالشغلة....

أما اذا...

أما اذا بييجي من ورا هالنفلة إنك تلبس شي حلو...فأنا بشجعك تنفليها...:showoff:

الأناقة ثم الأناقة :matrix:

......

بالنسبة للبرم

يا بنتي احكي ...احكي و لا يهمك حدا... شو يعني نكبت حالنا عشان العالم إللي ما بتحب البرم...

و بيني و بينك ..أحسن ..خلي الشباب يطفشو:icon11::icon11:

......

بانتظارك ..ما تطولي علينا

B a s i m a

03-31-2008, 10:58 PM

انا في عندي عادة زي روان كل ما بدي أطلع بنبش الخزانة لحتى ألاقي شي ألبسو ..

بثواني بتتزبط معي .. و بثواني بتنقلب :wacko:

مرااات بعصب و ما بلاقي شي قدامي .. و بقعد كتير قدام الخزانة و انا صافنة بس :icon11:

هههههههههههههههههههه

متخيلاكي و الله

بتحدث بأحسن العائلات!!!

..

و عندي عادة تاانية .. كلو بيتعقد مني منها .. و هيي انو التيــاب يلي بلبسها لازم تكون كلها لابقه ع بعضا ع الملي !!

حتي الشال و القمطة اذا ما كانوا ع نفس لون التياب بالزبط .. ما بلبس التياب :icon11:

بــابـا بضلو يقولي بضلك زي العسكر .. كلو لازم يكون نفس اللون :icon11:

العسكر!!!

بس مش سيئة كتير لهالعادة...المهم اللبس بالآخر يطلع حلو

..

و في عندي عادة متلك بسومة .. اني ما بعرف انام الا ع صوت القرآن .. متعودة من انا و صغيرة .. او بالأحرى أهلي عودوني ع هل عادة ..

و صرت ما اعرف انام الا ع صوت القرآن :)

و طبعاً هاد شي بيسعدني كتير .. لانو ما في احلى من انو الواحد ينام ع ذكر الله ..

فعلاً ...

و الله أحلى شي..

هاي العادات يلي متذكريتها لهلا .. اذا اتذكرت شي تاني برجع :)

و ع فكرة موضوع روعــة ^^

يسلموو حبيبة قلبي :icon26:

بنستناكي

تسلميلي و الله يا عسلا:icon26:

ما تطولي

B a s i m a

03-31-2008, 11:01 PM

مالكو يا جماعة

الكل بيحكي برجع بس أتذكر

هههههههههههههههههههه

دحكتوني...هوا الواحد لسة بدو يتذكر عاداته

عادااااااااااااات...

يعني شي بنعمله تقريباً كل يوم

ما تفشلوني:b:

إسراء الفلسطينية

03-31-2008, 11:11 PM

مالكو يا جماعة

الكل بيحكي برجع بس أتذكر

هههههههههههههههههههه

دحكتوني...هوا الواحد لسة بدو يتذكر عاداته

عادااااااااااااات...

يعني شي بنعمله تقريباً كل يوم

ما تفشلوني:b:

هههههههههههههههههههههههههههه

ولا يهمك بسومة :icon11:

التفكير بدو وقت .. شو بدنا نعمل .. باينتو عقل البناات ما بيستوعب دغري :icon11:

طيب اسمعي حأكتبلك عادة تانية عني ..

..

بكرهها كتير هل عاادة و ما عارفة كيف اتخلص منها ..

انو اي شي بصير مؤثر .. دغري بتأثر فييه !!

و بتصير دموعي تنزل من غير ما احس ع حاالي

لو كاان قداام ناس كتيرة .. ما بحس الا دموعي بلشت تنزل ..

و من اي شي !!

لو شي شفتو ع التلفزيون .. او حتى بالحقيقة .. كلو ببكي عليه :icon11:

limar

04-01-2008, 03:35 PM

حلو كتيير الموضوع

انا عاداتي كتيرة

راح احاول اتزكر شي

دائما قبل ما انام بسرح اكتر من ساعة ومرات ساعتين

بفكر بكل شي صار معي باليوم

لو حتى كنت نعسانة كتيييييير مستحيل انام قبل بضل صافنة بالسقف شي ساعة وانا بفكر بعدين بغفى لحالي بدون ما حس

سرحان عندي كتير بكون ئاعدة مع اهلي ومنحكي بموضوع بصير بحكي مع العالم وبسالهم عن الموضوع بشرحولي الموضوع وانا بروح سرحانة بالنص مرات العالم بتكون تحكي معي بحمل حالي وبقوم لاني بكون سرحت ومو مركزة انو عم يحكو معي

هاي العادة بكرها بتبين اني ئليلة زوء بس والله ما بحس ع حالي ابدا

RaWaNoOo

04-01-2008, 08:05 PM

هههههههههههههه

طيب ليه لما تنفلي كل الخزانة ...ما بتفكري بالتعب إللي جاي من ورا هالشغلة....

أما اذا...

أما اذا بييجي من ورا هالنفلة إنك تلبس شي حلو...فأنا بشجعك تنفليها...:showoff:

الأناقة ثم الأناقة :matrix:

......

بالنسبة للبرم

يا بنتي احكي ...احكي و لا يهمك حدا... شو يعني نكبت حالنا عشان العالم إللي ما بتحب البرم...

و بيني و بينك ..أحسن ..خلي الشباب يطفشو:icon11::icon11:

......

بانتظارك ..ما تطولي علينا

ئولتك نحكي وما يهمنا حدا ههههه شو ورانا غير البرم احنا هههههههه

يسعدلي اياكي يا احلى باسمة ^_*

B a s i m a

04-01-2008, 09:36 PM

هههههههههههههههههههههههههههه

ولا يهمك بسومة :icon11:

التفكير بدو وقت .. شو بدنا نعمل .. باينتو عقل البناات ما بيستوعب دغري :icon11:

طيب اسمعي حأكتبلك عادة تانية عني ..

..

بكرهها كتير هل عاادة و ما عارفة كيف اتخلص منها ..

انو اي شي بصير مؤثر .. دغري بتأثر فييه !!

و بتصير دموعي تنزل من غير ما احس ع حاالي

لو كاان قداام ناس كتيرة .. ما بحس الا دموعي بلشت تنزل ..

و من اي شي !!

لو شي شفتو ع التلفزيون .. او حتى بالحقيقة .. كلو ببكي عليه :icon11:

حبيبتي يا إسراء

شو هالحنان و الطيبة..

بس وينك...

ما اظن هدا الشي سلبي...يعني الإنسان الحساس أحسن من الواحد إللي ما بيتأثر بشي...و لا شو رأيك؟؟

بالعكس أنا شايفة انها ميزة كتير حلوة فيكي...

و ربنا فطر الأنثى على الحنان...لأنها هيك لازم تكون

ناعمة و حساسة:icon31:

أما اذا شفتي شي مؤثر و ما تأثرتي...فأعتقد هنا لازم توئفي عند حالك...

.!. وردة الأقصى .!.

04-02-2008, 02:45 AM

حلو كتيير الموضوع

انا عاداتي كتيرة

راح احاول اتزكر شي

دائما قبل ما انام بسرح اكتر من ساعة ومرات ساعتين

بفكر بكل شي صار معي باليوم

لو حتى كنت نعسانة كتيييييير مستحيل انام قبل بضل صافنة بالسقف شي ساعة وانا بفكر بعدين بغفى لحالي بدون ما حس

سرحان عندي كتير بكون ئاعدة مع اهلي ومنحكي بموضوع بصير بحكي مع العالم وبسالهم عن الموضوع بشرحولي الموضوع وانا بروح سرحانة بالنص مرات العالم بتكون تحكي معي بحمل حالي وبقوم لاني بكون سرحت ومو مركزة انو عم يحكو معي

هاي العادة بكرها بتبين اني ئليلة زوء بس والله ما بحس ع حالي ابدا

سبحان الله !!

نفس العاده يلي عندي

هههههههههههههههههههه

أهلي بضلهم يحكولي انتي وحده مجنونه وين بتسرحي

ههههههههههههههههههه

وأحيانا ً بكون سرحانه بشي سار معنا بالمنتدى بضحك

بتلاقيني بتبسم وانا سرحانه

يعني أثبتت هيك أني وحده مجنونه

هههههههههههههههههههه

ملاحظة || ليمـــار شو الشي اللي مشترك بيني وبينك ؟؟!! أسألي حالك هههههههههه

يسلموو بسومه :)

&نسيم الروح&

04-02-2008, 02:46 AM

انا عندى عادة بكرهها و بحبها ههههههههه وهي

بس اعد على الكمبيوتر بنسى حالي وكمان لو حد نادى ما برد وكمان برامه كتير بس هادي حالات

بفلت واحيان بمر علي ساعات ساكته

اما شي تاني برجع بعدين لانه قاعدة بلزق حروف من كيبورد المنتدى

وميرسي

B a s i m a

04-03-2008, 11:33 PM

حلو كتيير الموضوع

انا عاداتي كتيرة

راح احاول اتزكر شي

دائما قبل ما انام بسرح اكتر من ساعة ومرات ساعتين

بفكر بكل شي صار معي باليوم

لو حتى كنت نعسانة كتيييييير مستحيل انام قبل بضل صافنة بالسقف شي ساعة وانا بفكر بعدين بغفى لحالي بدون ما حس

سرحان عندي كتير بكون ئاعدة مع اهلي ومنحكي بموضوع بصير بحكي مع العالم وبسالهم عن الموضوع بشرحولي الموضوع وانا بروح سرحانة بالنص مرات العالم بتكون تحكي معي بحمل حالي وبقوم لاني بكون سرحت ومو مركزة انو عم يحكو معي

هاي العادة بكرها بتبين اني ئليلة زوء بس والله ما بحس ع حالي ابدا

لمورة

كل واحد ئبل ما ينام بيضل يفكر

بفكر بشو عمل بيومه...بيفكر شو بدو يعمل بكرا...بيفكر في الدنيا و أحوال الدنيا...كل واحد عندو شي يفكر فيه...

أظن هدا شي طبيعي

...

لكن

بدك تحاولي تركزي شوي خلال النهار خاصة لما تكوني بتكلمي بحدا

و مش إنت لوحدك إللي بتعاني من هيك....

هلأ أنا صرت مؤخراً أسرح كتيير و بطلت أركز ..خاصة لما أكون بقرأ بكتاب أو قصة...

متهيألي كل البنات بيصفنو للحظات...

بس بدنا نسيطر شوي عحالنا

شكرا ليمار

على مرورك و مشاركتك

إن شاء الله بترجعيلنا تاني

B a s i m a

04-03-2008, 11:34 PM

يا عالم يا هووووو

شكلي ببرم كتييير ....صح!!!

الاماني الفلسطنية

04-04-2008, 12:13 PM

يا عيني عل موضوع اللي بجنن ,,

تسلملي ام الافكار *.^

اما بالنسبة الي ...

فيي عادة بكرها ..

اني لما اصحى من النوم يالله شو بكون منكدة ,, هيك بكون مادة بوزي شبرين ...

واكيد الكل لما يصحى من النوم هيك بكون ... بس غير انا ,, يعني بضلني مبوزة ومو جاي علا بالي احكي حتى بالحصص

الاولى بالمدرسة !!!

وفي كمان شغلة بكرها فيه ..

اني بحب اضلني اشد الجلد اللي حوالين اضافري .. ما بعرف ليش !!

طبعا مو حالة نفسية ولاشي .. بس هيك غلاسة .. ما برتاح الا لما يسيرو ينزلو دم .. خلص بعتئهم بعد هيك ...

وايش كمان ممممم ...

اه اتزكرت ...

اني بموووووووت بشي اسمو تلج ...

عن جد ادماااان عندي ...

هيك تلج لحالو ,, غير عن الايس كريم ...

ويالله شو ماما وبابا بحاولو يخلوني ابطل هل عادة ...

بس غلبو معي المساكين .. خلص متل المدمنين صرت :(

وكمان شغلة ...

اني مش بسرعة باخد ع الشخص اللي ادامي ... بدي فترة كبيرة لبيل اتعودة علا الناس واسير ارتاحلهم ...

وبس ... بعرف وجعتلك راسك بسوم :)

يسلمووو حوبي ع الموضوع الحلو ..

ما ننحرم :)

B a s i m a

04-04-2008, 07:09 PM

سبحان الله !!

نفس العاده يلي عندي

هههههههههههههههههههه

أهلي بضلهم يحكولي انتي وحده مجنونه وين بتسرحي

ههههههههههههههههههه

وأحيانا ً بكون سرحانه بشي سار معنا بالمنتدى بضحك

بتلاقيني بتبسم وانا سرحانه

يعني أثبتت هيك أني وحده مجنونه

هههههههههههههههههههه

ملاحظة || ليمـــار شو الشي اللي مشترك بيني وبينك ؟؟!! أسألي حالك هههههههههه

يسلموو بسومه :)

ههههههههههههههههه

هي حاجة مشتركة مع ليمار...بتونسو بعض

إللي ماخد عقولكم يتهنابها

هههههههههه

منورة وردة

تسلميلي و الله

B a s i m a

04-22-2008, 10:44 AM

انا عندى عادة بكرهها و بحبها ههههههههه وهي

بس اعد على الكمبيوتر بنسى حالي وكمان لو حد نادى ما برد وكمان برامه كتير بس هادي حالات

بفلت واحيان بمر علي ساعات ساكته

اما شي تاني برجع بعدين لانه قاعدة بلزق حروف من كيبورد المنتدى

وميرسي

ههههههههههههههههه

نسومة ... مين ما بينسى حاله على الكمبيوتر

و شكلك نسيتي ترجعي كمان

هههههههه

&نسيم الروح&

04-22-2008, 10:46 PM

هيني رجعت بعد كم اسبوع

العادات الي بكرها كمان اني عنيده

وازا بدي اشي ووقفت عنده لو جابوا جرافه تسحيني ما بتحرك ونفس الشي ازا كنت بمكان وتعبت وانا بمشي

عاده مو قادره استغني عنها لهلا اني على كل شي ببكي واحيانا الحكي ما بزعل بس خلص

حساسيتي الزايده بتخلي اغلب الناس تكون حزره معي بالحكي والتعامل

وعلى فكره ما بتقبل من اي حد كلام في ناس بتقبل منهم وفي ناس لا

وازا كتبها عندي اهون ما يحكيها لانه بحس الحكي بجرحني اكتر

بس بكفي هلا بتفكروني ههههههههههههههههههه معقده

لولو اليبناوية

04-22-2008, 11:48 PM

ههههه رائع الموضوع

يسلمو ايديكي باسمة...

فكرة موفقة...

ممممم

بالنسبة الي انا بدون ما انتبه لحالي

لازم قبل ما اكل اي شي...

اشموو

هيك بتسير معي...

مممممممممم

لما احكي مع حد ما بعرفو بضلي اطلع جمبو

او ادخل غرتي جواة الشيلة ههههههه عادة غبية جدا

ولازم اكون باعدة عنو اقل شي متر

ولما افكر اصابعي بتمي ...

طبعا لما اجي افتح الكتاب...يمكن بضلي ساعة على نفس الصفحة بنتبه لحالي

خراابيش قد البلد...وانا مش قارءة شي...

لما اقعد على كرسي على طول بقعد ورجل تحتي...او رجل على رجل

حالتلي لله ههههههههه

ممم ... كتير بفكروني سرحانة او مش بالجو...

لاني لما اكون مع جماعة بالعادة...ما شكلي بكون بعالم اخر

وانا بكون معهم...بظلموني يعني...

مممممم كتير بلعب بأضافيري وبأصابيعي

وبندمج...وخاصة في وقت الكلاس هههههههههههه

بــس

يسلمو بسوووم مرة تانية

&نسيم الروح&

04-22-2008, 11:58 PM

يا علي لولو بتحزني كل هادي الاشياء

انا زمان كنت اكون احكي مع حد واطلع وراه او جنبه وهو يا حرام بضل يطلع وراه

لانه بفكر في اشي

ههههههههههههههههههههههه

لولو ديري بالك على حالك لانه قريبا ممكن ينقلوكي على مستشفى المجانين