هل تؤيد دراسة المرأة بعد الزواج ؟؟

[فلسطينيه والراس مرفوع]

السلام عليكم ورحمه الله وبركاته
أخواتي العضوات
انا حبيت اطرح عليكم موضوع عن الدراسه الجامعيه
لانو أكيد مش كل وحده بتئدر تدرس جامعة وبمكن بس توصل لحد الثانويه العامه
طبعا لاسباب
يمكن اتكون تزوجت وما كملت بسبب الظروف العائليه اللي شغلتها
او يمكن ما كانت الاحوال الماديه بتسمح
او ما عرفت اتكمل بسبب اطفالها وزوجها
وفي نساء بضل ببالهم الدراسه
وممكن يدرسوا بعد الزواج
سؤالي هلأ
انتي بتايدي الدراسه بعد الزواج ؟؟؟
وشو هي معوقاتها والمشاكل اللي ممكن تمنع هاد الشي؟او تقف بطريقه؟

[الحان الحرية]

ـممممممممممـ

يعني ...

هي احياناً بيكون هالشي مفيد للبنت ....

بس غالباً ما راح تقدر تكمل ...

لأنه شوي صعب...

بس هو مافي اي مشكلة فيه ... غير انه لو اجاها اولاد ... او زوجها ما رضي...

و بتفرق من شخص لآخر

يسلمووو ع النقاش ^^

[صاحبة القلب الرقيق]

والله احياناً حسب ما بريد الزوج

[فلسطينيه والراس مرفوع]

دموع الرحيل وصاحبة القلب الرقيق
مشكورات على مروركم ومناقشتكم

[فراشة]

انا بأيد الدراسة للبنت والمرأه في كل الاتجاهات ..بس تعرف توفئ اهم شي ...

بالنسبة لاهم المعوقات هي عدم رغبة الزوج بالخروج كتير او عدم رغبته بترك ابناءة عن حدا فهاد ي مشكله كبيرة بحد ذاتها الابناء ...

عندي زميلة متزوجه وزوجها معارض تعليمها مشان موضوع الابناء وهيها مو راضية تحمل مشان ما يبطلها من الجامعه .. وزميله اخرى نفسها تبطل من الجامعه بس زوجها رافض بيحكيلها انتي كوم ودراستك كوم .. مشان ولادي يطلعو متعلمين وامهم مثقفة

عكل حال الموضوع بيرجع للتوافق بين الزوجين

تسلميلي عزيزتي عالموضوع الجميل والهادف ,,, تحياتي الك

[Princess of Sense]

والله انا ما بأيد...
لانه الوحدة لما تتزوج بتصير وراها مسؤولية كبيرة...
ولا اعتقد تقدر توازن بين دراستها وبيتها...
بس برجع الامر لزوجها...
يعني انا كمان مع التعليم ...
بس زوج الوحدة يمكن يشعر بتقصير مرته في البيت...
فهادا الشي بيأثر على علاقتهم مع بعض....

[B a s i m a]

بأيد دراسة البنات...كتييييييير...فوء ما تتصورووو

هيك بتبني حالها وشخصيتها و بتئدر تتفاهم مع غيرها سواء زوجها أو غيرو

...

هلأ بعد الزواج

ممكن الست تكمل دراستها...لكن يكونو الاتنين متفئين عهالشئ

هده أهم نقطة
...

ما في شي اسمه الظروف...لأنه طالما الزوج و الزوجة اتفئوا انه تكمل بعد الزواج..فهوا لازم يوئف جمبها و يساعدها

يااااااما قرأت عن نساء ناجحات بحياتهن....و على رأس الأسباب إللي أدت لنجاحهن هو وقوف الزوج إلي جانبهن...

[banota.cute]

انا بأيد انو البنت تدرس بأي وقت مدامها الفرصه ادامها يعني اذا كل الظروف الي حوليها بتسمح يعني اذا بتقدر انو تدرس من غير ما تهمل بيتها وزوجها يعني تكون تقدر توفق بينهم ليش لا لانو الزوج والاولاد هم المستفيدين من دراستها لانو اكيد المرأه المتعلمة مو زي الي مو متعلمه في التعامل وطبعا اذا زوجها موافق وانا بظن اذا بحبها وبدو مصلحتها اولا ومصلحة بيته اكيد بوافق وبشكر فلسطنية على الموضوع الحلو

[فلسطينيه والراس مرفوع]

banota.cute
B a s i m a
White Cat
فراشة

مشكورات حبيباتي على مروركن