مشان الله ساعدوني

[مظلومة]

بسم الله الرحمن الرحيم


انا امرأة متزوجة من زوج ظالم و بخيل كتير:icon5:

صابرة و مضحية مشان ولادي

ما بصرف علي ولا كأني مرتو

شو الحل؟؟

انا تعبانة و متدايقة:icon5:

بدي حدا يساعدني كيف اعرف كم حسابو بالبنك

انا عندي رقم الحساب بس !!


يا ربي ليش انتو الرجال هيك

والله حرام حرام :icon5:

[جيفارا*نابلس]

ليش ماحكتي الحكي هيدا ايام الخطبه

نحنا مو ظالمين

ممكن جوزك وضعو المادي هو الي بيوحيلك انو بخيل

وممكن يكون مدايق من شي معين

بتعربفي

البنت لمن تتجوز لازم تكون هي غطى لجوزها

انا مثلا لو اعرف انها مرتي حتعمل هيك عالنت ما بتلزمني مع احترامي الك

يا اختي في اهل بيحلولك مشكلتك

والو اهل ممكن يسمعوك

واما قصه اشوف حسابو بالبنك

انا بعتبرها خيانه

انشالله مليونير

مش بيصرف عبيتو

اكيد بيصرف لانو لو مابيصرف ماقدرتي تئعدي وتستعملي النت

ولهلء عايشه

اتوكلي على الله وحاولي معو لانو بالنهايه هو بشر بيحس

وما تجمعي كل الرجال مع بعض

[أمير رفح]

أختي مو كل اصابعك واحد .........

وهاض راجل بخيل ,,,,,,, ما تعممي,.......... زي ما في رجال بخلا في نسوان كمان بخلا

والله يصلحه ويهديه

[جرحٌ بملامح انسان]

أختي مهما كان أنا ما بنصحكـ بهاد الطريقة
أول شي ما بينفع
تاني شي حتى لو بينفع غلط هاد الشي

وممكن يكون جوزكـ بيفكر بشي معين ..

انتي المفروض تحكي معه متل أي مرة بتفهم من جوزها أي شي

وازا عرفتي انه مستقصد بهاد الشي

احكي مع اهلكـ أو أي حدا ممكن يساعدكـ

وازا كان فعلا ظالمكـ احتسبي عند ربنا
وادعيله بالهداية

وحتى لو كان ظالم .. مش كل الرجال هيــكـ

ربنا يفرجها

[*ريحانة القلب*]

أختــي العزيزة

طبعا اخواني فوق كفو ووفو


بس عندي اضافة

انو قبل ما تدخلي اهلك واهلو

اتصرفي بالعقل معو

بضل زوجك وانتي ادرى بمفاتيحو .. اسمعي منو

بلكي هو مو بخيل .. بلكي في اشي مانعو من انو يصرف عليكي ..


ازا انسدت الطرق بوجهك اتوجهي لأهلو .. قبل أهلك

لأنهم ربوه وبعرفوه منيح .. يعني رح يقدرو يساعدوكـ ٍ



ولو انسدت الطريق - لا سمح الله -

اتوجهي لأهلك .. وان شاء الله بتلاقي حل ..


هم أسوأ نوع من الرجال البخليين .. والماديين

بس ما تحكمي .. قبل ما تتأكدي ..!



وبنا يوفقك ويحللك مشكلتك ويسعدك



نورتي :)



..

[عالجوني يحسبوني مريضه]

بما أنك وافقتي من البدايه عليه وتزوجتيه
خلاص انتهى الأمــــــــــــــــر

والمفروض أن كل بنت بدها تتزوج لازم تعرف ان الحياه الزوجيه يصير فيها مشاكل
وكمان يصير فيها بلاوي
بس بالنهايه الزوج بشر له قلب وبيحس مو معقوله يشوفكم جيعانيين ويكون ساكت
والشي الثاني
أنتي ستر لزوجك وغطاء
أستري عليه ولاتقولي لأحـــــــــــــــد
من أهله أو أهلك
لانو ممكن زوجك يتغير ويصير طيب وحنون بس الناس ماراح تتغير نظرته له وبيستمروا يكرهونه وماراح يغيرون النظره
البايخه عنه
وساعتها بتندمي على اللي سويتيه وانك حكيتي لهم


واذا مافي حل وزوجك مــــــــره صعب
الأفضل أن تذهبي للمحكــــــــــمه وتشوفي وش راح يقرروا
وتروحي بدون علمه وعلم أهله وأهلك وأبنائك
ولاتقولي اسم زوجك للشيخ بالبدايه الا لما تتأكدي أن عنده حل

أتمنى لكي حياة سعيده
يارب يهدي زوجك يارب ....... آمين

[مظلومة]

يا ربي

حتى انتو عليي كمان

انا لسا ما حكيت شي انا ما حكيت الا انو بخيل كيف لو اني حكيت عن الضرب و الاهانات و الخيانة الي عملها

اتلقاها منين ولا منين يا ربي

والله اني صابرة مشان ولادي

مش حرام اقعد اسبوع ما ارح على الشغل لانو وجهي ازرق من الضرب

ما حدا حاسس و لا حادا شاعر

انا ما بحكي لاهلي الا انو منيح معي مشان ما غير الصورة الي عندهم عنو
مشان احافظ على ولادي

ما بدي اتطلق مشان البنات .. ما بدي يقولوا بنات المطلقة!!

والله انا منيحة معو

هوة الله معطيه بس ما بيصرف علي بلشت حياتي معو من الصفر و صبرت على الحلوة و المرة

واخر شي بدو يتجوز عليي و بفلوسي كمان


وبالنسبة لكلامك اخي جيفارا ليش انت شفتني عرفت عن حالي او عن جوزي؟؟؟؟؟

بس انا ضاقت فيني الاحوال و مش عارفة شو اعمل؟؟

[تحـ البشر ـدوهـ]

مظلومة


طخيه



وريحي الطرفين




انا مش عارف شو احكي ... لانه الكلام تاع صحابي يلي فوق صحيح




وهاد هو الواقع







ولازم نتقبله حتى لو كان مرير





يعني اتحملي




قال تعالى ( وبشر الصابرين * اللذين اذا اصابتهم مصيبة قالوا انا لله وانا اليه راجعون * اولئك عليهم صلوات من ربهم ورحمة واولئك هم المهتدون ) .






يعني ارجعي لربك في هيك مواقف






في امان الله

[مظلومة]

شكرا لردودكم









ما حدا فاهم شي

[خيـرَ أُمـة]

السلام عليكم ...

بصراحة بعض الردود لا ترتقي للحدث الي حاصل مع الاخت .. لذلك ارجو ان تؤخذ الأمور بجدية ... في دينا الطلاق جائز وان كان أبغض الحلال .. لكنه اخر الحلول ..

اختي الكريمة صاحبة الموضوع ..
الله كرم الانسان سواء بغض النظر عن الجنس او العرق او حتى الدين ...

انا أقترح انك اتدخلي اهلك بالموضوع بما انه وصل للاهانة والضرب .. هناك الكثير من الأمور التي من الممكن التغاضي عنها او تجاهلها .. فلا يوجد انسان كامل ..
لكن لما توصل الشغلة للضرب والاهانة فهنا خط أحمر ...

قبل ما اتدخلي اهلك بالموضوع فهميه انه اذا تكرر منه هذا الموقف انك حتدخلي اهلك
((وان خفتم شقاق بينهما فابعثوا حكما من أهله وحكما من أهلها ان يريدا اصلاحا يوفق الله بينهما ان الله كان عليم خبير))
صدق الله العظيم

صار صلح كان به ما صار احفظي كرامتك يا اختي .. ربنا كرمك ومافي انسان بيحقله يهينك ...

انا استغربت من كلام الأخت
بما أنك وافقتي من البدايه عليه وتزوجتيه
خلاص انتهى الأمــــــــــــــــر
ليش هي زيجة نصرانية !!

[خيـرَ أُمـة]

صحيح اختي الكريمة ... اقراي صورة النساء عشان تعرفي الي الك والي عليكي ...

في منتديات متخصصة للمشاكل الاسرية اختي وبنصحك تشاركي فيها .. بامكانك البحث في جوجل عن منتديات عمرو خالد هناك في نساء فاضلات تخصصهن الاستشارات بهيك مشاكل ...

موفقة يا رب ..


أخوكي

[مظلومة]

شكرا الك اخي
الله يجبر بخاطرك

انت الوحيد الي حس معي

بارك الله فيك

[جيفارا*نابلس]

طيب مش في بلاسلام شي اسمو الخلع

اخلعيه وخلص

[B a s i m a]

اختي مظلومة

الله يكون بعونك

أنا مبارح دخلت الموضوع بس ما كان عندي رد لأنه كانت المشكلة هيا البخل ..و إنتي بتسألي عن حساب و بنوك و أنا ما عندي اجابة عن هدا الشئ

بصراحة استغربت من بعض الردود فوق...لأنه هده مش مواساة بالمرة

أختي

اذا كانت مشكلة البخل فهده مئدور عليها...في كتير طرق لتئدري تحليها

أما بعد يلي حكيتيه عن الضرب و الإهانة...فتنكسر إيدو إللي بدو يمد إيدو على أنثى...لأنه هدا واحد ما عندو رجولة و لا أخلاق و لا كرامة

بس عندي عليكي عتب بسيط/
إنت ليش أعطيتيه الفرصة يتمادى معك لهالدرجة و يوصل الموضوع لإنه وشك يصير أزرق و ما تئدري تطلعي من البيت عشان هالسبب..

إنتي سترتي عليه لكن هوا طلع ما بيستاهل إنك تستري عليه

فهالمرحلة/حطيه أمام خيارين: يا إما تنصلح و تحترمني كإنسانة ئبل ما كون زوجتك...يا إما تسيبني و كل واحد ربنا بيبعتله نصيبه...

أختي انسي مقولة (بنات المطلقة)
هده مقولة حفظها المجتمع عن غيب و كانت الضحية و ما زالت هيا المطلقة...

من حكيك فهمت إنه بدو يتزوج عليكي و بفلوسك

ما دامها فلوسك معناتها بإيدك شي ممكن تستغليه و هده نقطة قوة لإلك مش ضعف...لأنه الواحد (بصراحة مش طالعة مني أحكي الرجال)...الواحد..أي واحد سواء زوجك ..ابنك ..اخوكي...ابوكي اذا كان بياخد فلوس منك و بنفس الوئت ما بيحترمك فهده قمة الخسة!!!

مش لأنها فلوس...بس خلينا نقيس الفلوس بأشياء تانية إنتي بتعطهالو لكن في المقابل بتلائي الضرب!!!!

أختي بدعي ربي إنه تنصلح أمورك

و تلائي الخير فالشي إللي حتعمليه سواء المواصلة أو الانفصال

استخيري ربك

و بالنهاية هده حياتك و إنتي إللي عيشاها مش أهلك و لا أهله و لا حتى هوا

نسيت أحكيلك...اذا كنتي خايفة على بناتك كتير...و مش متقبلة أي حل تاني

خليه يتزوج....دخييييييلك خليه يتزوج

بتخلصي من همه

بس بفلوسه مش بفلوسك...و بعد ما يردلك اعتبارك

أهم شي الاحترااااااااااااااااااااااااااااا اااااام

[عاشق البندقية]

انا ما رح اقدر ازيد علا كلام احمد اكس

واللي حكاه جبفارا صح ،، شغلة البنك هادي عيب

اختي قدامك اهلك او المحكمة

[خيـرَ أُمـة]

شكرا الك اخي
الله يجبر بخاطرك

انت الوحيد الي حس معي

بارك الله فيك

الكل حاسس معك اختي بس انت ما ذكرتي تفاصيل اكثر .. يعني كانت شغله بخل وبس في البداية :) ...

عموما لكل الصبايا نصيحة لوجه الله من جدنا الحسن البصري .. عندما سؤل عن الفتاة لمن تزوج قال "زوجوها لصاحب الدين .. لانه ان أحبها أكرمها .. وان كرهها لم يظلمها" ...

اعرفو تنقو وما توخذكن المظاهر الكذابة .. والتركيز يكون على الجوهر .. فرق كبير بين المحار والؤلؤ الي جواه ..


طيب مش في بلاسلام شي اسمو الخلع

اخلعيه وخلص

كلام جيفارا سليم ... من نعم ربنا علينا انه قانون الأحوال المدنية ما زال يستمد من الشريعة .. والقاضي بامكانه يطلقك منه اذا زودها ... طبعا الطلاق اخر الحلول ونسئل الله ان يصلح حاله ..

انا ما رح اقدر ازيد علا كلام احمد اكس

واللي حكاه جبفارا صح ،، شغلة البنك هادي عيب

اختي قدامك اهلك او المحكمة

أهلا يا غالي ..

اشتكتلك كوم وكومات يا مان ..

[.:.!دموع الرحيل!.:.]

الله يكون بعونك حبيبتي ..

ويقدملك الي فيه الخير ..

ويا رب يكون ردود بعض الأخوة هون افادك

والله يهدي حال زوجك .. ضلك ادعي .. انه ربنا يصلح حاله ..

حتى لما تطبخيلو الأكل .. كل الوقت اقرأي قرآن

ما في إنسان بينفقد الأمل فيه ..

اما اذا كانو وضعه مستعصي ع الآخر .. فإنتي أدرى بمصلحتك

والله يجيبلك الي فيه الخير يا رب

[»رُوحٌ عَ ـآنَقـتْ آلْغُـيُومْ .!~]

اختي ان كان ع قضية البنك انسيها


لانو الرجال اكثر شي بيكرهوه انو المراة تجسس عليهم

او تلف و دور مشان تعرف اخبارو

و هاد بالنسبة لكل الرجال

فانصحك اختي ما تفكري هيك


و اذا كان ع بناتك

معك صح

و مهما كان المراة بيتها احصن لها

حاولي معاه

اتقربي اليه

بالكلمة الطيبة

بالهدية

و اذا اجا ع البيت ما تحسيسه او انت ما تطيقيه


حاولي معاه

ارجعي لربك

اقرائي قران

استغفري كثير


و ان شاء الله ربنا يعطيك اللي بدك ياه



و زي ما قال اخي احمد


شوفي مواقع متخصصة في هيك مواضيع

باظن انو موقع اسلام اون لاين بيعالج هيك امور

شوفيهم

و هما بينصحوك اكثر منا


و الله يكون معك و يعينك

و ينو لك طريقك

و يحفظ بناتك ان شاء الله

سلام

[جرحٌ بملامح انسان]

انا ما بحكي لاهلي الا انو منيح معي مشان ما غير الصورة الي عندهم عنو
مشان احافظ على ولادي


يعني مين اولى أهلكـ ولا الناس!!

خيتو احنا مش ضدك وما حكينا انه الحق معه

وأعطيناكي حلول انه ازا اتأكدتي انه الشي صحيح اتوجهي لاهلكـ أو للمحكمة

ولو كان في ضرب واهانة وخيانة

وقتها لازم تعملي انتي شي

ربنا يوفقكـ

وانشالله بتصبري وبتلاقي نتاج لصبــركـ

تقبلي مروري

[Alias]

متل ما قال احمد اكس

وقصة البنك لا حرام ولا عيب ،،

دكتورنا قلنا في الدين ازا كان الزوج ما بصرف على مرتو وايدو ماسكة

بتقدر تاخد مصاريه من وراه ،، بدون علمو وهاي لا تعتبر سرقة او فيها شي عيب

لأنو هالمال ياللي اخدتو بكون حقهــــا ،، والزوج مش مراعي حقوقها

وان شاء الله ربنا بجيبلك ياللي فيه الخير و يصــــــــــلح حــالو لزوجك !!

[مظلومة]

شكرا الكم

غلبتكم

ومشان البنك لسا نازلين بتحكو عيب عيب عيب
شو انا كاينة بدي اعمل سطو على البنك و اسرقو

بس من حقي اعرف شو معو!!


ااااااااااااااه ما حدا عارف شي لاني لسا ما حكيت ربع مأساتي

خلص انا رح اكتفي بالسكوت
وما رح احكي

وشكرا لكل الي شعرو معي و حاولوا يساعدوني
ولو انو في بعض منكم ظالميني

[*ريحانة القلب*]

لا احنا ما بدنا نظلمك

ومقدرين اديشك بتعاني ..



بس صدقيني الحلول الي طرحوها منيحة ..

بتقدري تتبعيها .. وتاخدي حقك



نصيحــة ::

ركعتين في جوف الليل وربنا ما رح يخيبك

اشكيلو .. اشكي للملك الجبار ..

نتائج اللجوء لربنا سريعة وفعّـالة .. جربي .. ما بتخسري ..




ربنا يلهمك الصبر على البلاء ويرفعو عنك قريب


ويصلح حالك يارب ..


آمين ..



..

[.:.!دموع الرحيل!.:.]

متل ما قال احمد اكس

وقصة البنك لا حرام ولا عيب ،،

دكتورنا قلنا في الدين ازا كان الزوج ما بصرف على مرتو وايدو ماسكة

بتقدر تاخد مصاريه من وراه ،، بدون علمو وهاي لا تعتبر سرقة او فيها شي عيب

لأنو هالمال ياللي اخدتو بكون حقهــــا ،، والزوج مش مراعي حقوقها

وان شاء الله ربنا بجيبلك ياللي فيه الخير و يصــــــــــلح حــالو لزوجك !!

100 % الكلام

بشرط تاخدي حاجتك مش أكتر

كلام ألياس صحيح

:s (43):

[عالجوني يحسبوني مريضه]

أحمـــــــــــــــــــــــد x

أقصد في كلامي مثل ماذكرت الاخت صاحبة المشكله
انو مابده الطلاق
خلاص أحنا البنات لما بنتزوج انتهى الأمر مافي طلب طلاق عندنا وخصوصا اذا كان معنا أولاد وبنات
مين بيربيهم وهل تتوقع ان أمه وأبوه بيستمروا بالحياه وهل بيت أهله ملك له اذا طلعت من بيت زوجه
مستحيل أخوانه اذا كانوا متزوجين بيستقبلونه
وخصوصا زوجاتهم
ومين بيصرف على أولاده هل تتوقع الأخ المتزوج بيقدر يعول أسرتين وخصوصا الاسعار كل ماله وتغلا

أتوقع حلي الأفضل بتروح للمحكمه وتحل القضيه بإذن الله

[خيـرَ أُمـة]

أختي عالجوكي ..

اذا كان ربنا حلل الطلاق .. واحنا مش كثوليك عشان نحرم الطلاق ..!!

اما موضوع الأولاد والبنات فالموضوع مش مصيبة لكن المشكلة انها المسلسلات معششة بعقول الشباب والبنات فصار عندهم فكرة عن العلاقات الاجتماعية المنتهية بالطلاق انها كوارث على المجتمع ...
في زمن الرسول حصل طلاق والرسول بينهم .. بل ان الرسول نفسه طلق احدى زوجاته ورجعها فيما بعد ...

لا تكونوا حساسين ..

يا اختي الهدف من الزواج التقرب الى الله .. يعني اذا هذا الزوج لن يعين الفتاة على التقرب الا الله وانما سيكون سبب لبعدها وفسادها فلن يتحقق الهدف الرئيسي من الزواج ..

انا لم أفتي وانما اعطيت حلول .. وهي ان اتدخل اهلها وهمي يحاولو يصلحو من جهة و يهددول من جهة ثانية .. واذا ما انصلح فالاحسن انها تكلم مفتي وانا واثق انه الرد حيكون انجي بدينك .. لانه الي بضرب زوجته وبهينها لا يمكن يكون من اهل الخير والدين ..

أتوقع حلي الأفضل بتروح للمحكمه وتحل القضيه بإذن الله

والمحكمة حتطلب طرف من اهلها ومن أهله عشان يحاولو الاصلاح .. يعني هذا بيتعارض مع كلامك الأول... والي هوي انها تسكت وتنضب في بيتها وتربي الأولاد ومعلش تتحمل الاهانات والضرب ...

بختصار .. دينا واضح وصريح ..

أخوكم