وهي كمان مصطلحات غزاويه متت من الضحك وانابكتبها ؟؟؟

[أم ريان]

تطلي = نوع من انواع المربى. (ملاحظة :ااااااخ علي التطلي).
طبرة = طلطميس = هبيلة =مودّر = لا يفقه شي.
بنكيت = الرصيف في الشارع.
البيارة= المزرعة.
شمينت: نوع من انواع اللبن "مفردة من مخلفات العدو الصهيوني"

مفتاح ابو جلمبو: اداة تستعمل لشد و فك البراغي و الصواميل, (عدد و ادوات) اللي بنفك منظم الغاز تبع جرة الغاز.

غاااااز
غاااااااز
غااااااااز < ----- دعاية مجانية ( المرة الجاية بدياخلي نانسي عجرم تغني و نزل الدعاية في ال بي سي و طبعا المقعد هون(.


ككسة = كيكة

يا مسخم = يا منيل

عارض = مش عارف كيف أعبرلكم عنها .. بس يعني مرات بنقول عارض ياخدك ايش هوة العارض مش عارف...

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = هوة نو طبيخ مرات بتتسمى ودن القط وهي عجين بنحشي لحمة أو كفة مفرومة وبنطبخ مع اللبن ..

بشكير = منشفة اللي بنشف فيها وجهنا على الصبح ...

قنّيّه = قنينة = وهي عبارة عن زجاجة الماء او زجاجة البيبسي او اي مشروب:
يقال :ناولني القنية ياولد =اي : اعطني الزجاجة يا فتى.

شديدة :: هاي اللي بتمسكها لما تكون معصب وقرفان وبتفكر
حالك بدك تضيع الدبابة فيها

فرشة :: معناتها فراش بس احنا بندلعها فرشة

شنّي قليلو :: يعني واحد سهتان على الاخر بطلع بلا مكتبل
ومصييبة *** ياما تحت السواهي دواهي

الساعة سعيدة :: اوعى تصدق انها سعيدة وحزينة ومش عارف ايش ..معناها " قديش الساعة "

عغرقتلا :: يعني والله يا خال مانا قاصد اعملها طلعت هيييك

سبيطار :: يعني مستشفى وقريبة من هوسبيتل على فكرة

بلنص :: معناتها امبلنص يعني اسعاااااف

ابطيني :: يعني بياكل اكل ما شاء الله ولا هو داري عن
حاله

مجالج :: يعني راسو زي الزفت وبفهمش ... بنقوللو طور بقولنا احلبوه

خمنجعي :: يعني ملاعب ومدسووس


كُرباج = السوط

كاكا = فاكهة زي البندورة (على فكرة بندورة يعني طماطم)
بس طعمها حلو ..

بابور = زي فرن الغاز بس على صغير واله عين وحدة وبشتغل على الكاز (بابور الكاز)

مخدة = وسادة

زرفيل = قفل الباب

حلِقلوو (بكسر اللام) = يعني لفلو من الجهة التانية
__________________

[أم ريان]

ههههههههههههههههههههههههههههههههههه ههههههههههههههههههههههههههه
ههههههههههههههههههههههههههههههههههه هههههههههههه
هههههههههههههههههه











هههههههههههههههه

[فراشة]

تطلي = نوع من انواع المربى.

البيارة= المزرعة.
شمينت: نوع من انواع اللبن "مفردة من مخلفات العدو الصهيوني"

براد = بكرج = إبريق بنقول براد الشاي أو بكرج الشاي

.....................

بجد هاي المسطلحات اول ما جيت فلسطين عرفتها بالاول ما كنت بعرفها ... بس عاديه من الحياة ,,

ليش بتضحكووو عليها ؟؟ كل شعب والو لغه .. لازم نفتخر بلغتنا ^^

يلا تحياتي ..

[أم ريان]

اوك يا فروشتي معك انا بس بضو كتير بعاد عن اللغه العربيه وهيك دفشين بس بتعرف انا كلهم بحكيهم وكلمات اكتر منهم متل يا حلولو هاي انا الي اخترعتها يعني بنحكيها لمن نشوف اشي مش عاجبنا

ولعلمك انا من غزه كمان

نورتي الصفحه عيني

[ضوء القمر]

حلوين كتييير

ونحن دايما بنستخدمهم مع انو مش عايشين بغزة

يسلموو ايديكي حبيبتي عشوقة

وانا كمان غزاوية مش لحالك ها

ههههههههههههههههههههههههه


^^

ضو الكتكوتة

[الحان الحرية]

اه والله حسيت حالي بحكي مع ستي

ـههههههـ

و خصوصاً كلمة عارض

بتظل ستي تحكيلي عارض ياخدك

تهههههههـ

عارض يعني نوع من الجن ... أو عذاب شديد

ـهههههههـ

يسلموو عشوقة

[فلسطينيه والراس مرفوع]

ههههههههههههههههههههههههههههههههههه ه
مش كلها غزاوية في منها بنحكيها بجينين

[تورا بورا]

شنّي قليلو :: يعني واحد سهتان على الاخر بطلع بلا مكتبل
ومصييبة *** ياما تحت السواهي دواهي... هع هع


انا بصراحة او ما اجيت على غزة .. كنت ماشي واحد بحكيلي .. : ساعة سعيدة .. حكيتله احنا اسعد .. ههههههه

وانا شو بعرفني اصلا ..

شكرا عاشقة على المصطلحات الغزاوية !

[بنت الرملة]

الككسه ..

ههههههههههههههههههههههههههه

هاي ما كنت بعرفها بس لما نزلت عغزه تعرفت عليها ..

وانا متل فراشه في كمان مسطلحات ما عرفتها إلا لما نزلت ..


ناااااااااااايس خالص ..
خطييييييرة عاشقه ^_^ ..

[تحـ البشر ـدوهـ]

ههههههههه

حلو كتير

بس معنى كلمة عارض


هو شي يعرض طريف الشخص المستمر في التقدم


يعني متل الحيطة لمن تحطيها قدام سيارة مستمرة ... وبالتالي الحيطة تمثل عارض امام استمرار سير السياراة
... فهمتي شي هههه


مشكورة يا غالية


حلو كتير

[بندقه]

انا غزاويه ... مش كل الكلمات غزاويه ... بعضها مش عارفينها ... وحد معلوماتي عن كلمة عارض .... باللغه انو يجيك شيء فجاه يعترض طريقك ... ما هو عمي موجه لغه عربيه وهو شرحلي اياها لما كان عمري 13 سنه كنت بفكرها كلمه وسخه ..... ويسلمو عشوقه على هالموضوع

[بندقه]

مضبوط كلامك تحدوه ما قرات التعليق الا بعد ما كتبت الرد ... والعذاب الشديد صحيحه يا الحاو ..... والعارض بالضبط هو ما يعترضك من العواصف وهو المثل الي شرحلي عليه عمي والعواصف هو العذاب الشيد على الاقوام اللذين عصو الله.... نعوذ بالله انن نكون منهم .

[بندقه]

هههههههههههههههههه سنه اولا روضه ... اتسمحولي على الاملاء ..............

[بندقه]

كمان خطاء

[الاماني الفلسطنية]

ههههههههههه ,,

والله لازملي قاموس مشان افهم هالحكي ,,

يعني ما احلاني وانا بغزة والناس بتحكي معي وانا مو فاهمة شي :(

يسلمووو عشوقة يا ئمر ,,

ما ننحرم من مواضيعك العسل :)

[همس الظلام]

بعتقد إنو لكل دولة أو مدينة
لغة أو لهجة معينة
وإذا نظرت لكثير من كلام الدول الأخرى
ستجدى أنو كلامنا فى غزة ألطف بكتير منهم
ولهدا الشى مافى داعى إنك تجعلى لهجتنا العامية
مسخر.................


همس الظلام

[sweet soul]

ههههههههههههه حلو بس في كتير كلنلت متلنا مش كلها غزاويه يسلمو

[أســ{ــمــرآنــ}ــي]

لكل منطقه كلماتها ,,

مرسي ع الموضوع

[القلب الطيب]

يا سلام على هاد الكلمات
احلى شي اصلا
بتحس انك فلسطيني اصلي ههههههه
يسلمو اختي على مجهودك الحلو
ربنا يوفقك

[روان فلسطين]

ما شاء الله الكل بيضحك واحنا دايما بنستعمل هاي الكلمات تعلمتها من اهلي ودايما بحكيها
اصلا يلي يدو (يعرط) يعني يتفاخر بفتاحته بيحكي ططلي وبكرج وبيكون ما حدا قده ليش الضحك والله لو تسمعو مصطلحاتنا مدري شو بدو يصير فيكم بحاول اجمعلكم شوي

[أم ريان]

مشكورين يا اخوان ع المرور بس والله انا ما عامله الموضوع مسخرة انا غزاويه ما عاش الي بتمسخر ع غزة بس انو هاي الكلمات جد بتضحك عنا في غزة واحنا منحكيها

[الحزين 03]

اتمنى ان افهم لهجتكم علموني :icon5::icon5:

[عالجوني يحسبوني مريضه]

أبو جلمبو
وكلمة ضاوي
هي اللي فهمته بس
أما الباقي
ميح مابعرف شي
هههههه
صحيح مابعرف شي
لكن بنتثقف
عشان اذا زرناكم بنكون فاهمين

[أم ريان]

مشكورين يا عسولين ع المرور




ضويتو في الموضوع


يسعدكم الله

[noor el haddad]

هههههههه

ع فكره أنا كمان من غزه بس أبدا ما بعرف أحكي هيك ولا حد عنا كمان بيحكي هيك

يمكن لأني طول عمري عايشه بالأمارات يلا نشاالله بالمستئبل بزورها

وكمان هيني تعلمت شوي ههههههههه

يسلمووووو حياتي.......

[LoOoO LoOoO]

شكرا كتير على هادا الموضوع لانو فادني كتير

مع أنو أنا من غزة بس ثلاث أرباع الكلمات مافهمتها

ههههههههههههههههههههههههههههههههه

لانو مابنستعملها

يسلمو ايديكي اختي

[m88]

هههههههههههههههههههههههههههههه

يسلمووووو على الكلمات الحلووة

وبصراحة اغلب الكلمات اول مرة اسمع عنها ^_^

يعطيكي العافية

[امبراطور قطاع غزة]

على شو بتضحكو ................................... .......

احلى لغة لغة الغزاوية

[أم ريان]

مشكورين ع المرور والله
ما بنضحك على اشي بس انا ضحكت انو لمن تذكرت هاي الكلمات وهيك كتبتها اعدت احي ما احلا كلامناااااااااااا بيجنننننننن

[الفتاة المشرقة]

مشكوره اختي بارك الله فيك

انا بحب اهل غزه وبحب لهجتهم بس في كلمات ما فهمتها

يعني احنا بالضفه بنحكي كلمات زي هيك بس فس شغلات غريبه
بس برضو حلوين زيكم

مشكوره

[المـــ الحمساوي ـــلك]

على شو عم تضحكو كلهن بينفهمن مفهووووووووووووووووووووووووووو وومات ومعروووووووووووووووووووووووووو ووفات

[بنت الشام ..]

شُشْبَرك = هوة نو طبيخ مرات بتتسمى ودن القط وهي عجين بنحشي لحمة أو كفة مفرومة وبنطبخ مع اللبن ..

اليوم كان غدانا هي الأكلة بس نحن منقلها بسوريا شيشبرك بكسر الشين .... وعلى فكرة هي اكلة تركية

وووواااااووووو كلماتكون بتجنن ... يلا شوي شوي وبصير بحكي فلسطيني قحي ,,,,

هههههههههههههه