لن البس الحجاب الا عندما اتزوج !

[احلى رورو]

بسم الله الرحمان الرحيم

السلام عليكم ورحمة الله وبركاته

التقيت بها في بيت اختي ، كانت فتاة جميلة بعبائتها وحجابها ، سالتها بنت اختي ، انتي جميلة بالحجاب ، لماذا لا ترتدينه الى الابد؟ فتبسمت وسكتت

(لقد ارتدته فقط لان الجو بارد )

فسالتها لماذا لا تلبسين الحجاب؟

قالت لي

لن البس الحجاب الا بعد ان اتزوج

فسالتها لماذا؟ هل الحجاب هو الذي يجعلك بدون زواج؟ وهل تعرفين ان الحجاب فريضة ؟ ومن يضمن لك الحياة حتى تتزوجي؟الست تخافين الموت قبل ان تتزوجي ، ام انك لا تعرفين ان التبرج حرام؟

قالت لي

ارجوكي لا تناقشيني في الموضوع ، فالحلال بين والحرام بين

قالت لي امها يا بنيتي عيشي حياتك بحرية واخرجي وتبرجي لكي تتزوجي ، ولا تحصري نفسك في البيت وتنتظري زوجا لياتي اليكي ، اخرجي وابحثي عنه بنفسك.


ما رايكم في هذا الكلام اخواني الاعزاء؟؟؟

[جرحٌ بملامح انسان]

مصيـــــبة

ما بدهــا رأي أو كــــلام

التبرج ونزع الحجاب ولا عمره كـان بيجيب زوج

بالعكس ممكن ينفر الشخص من الفتاة عشانها ما بتلبس حجاب أو لأنها بتتبرج

مشكورة أحلى رورو على طرح الفكـرة
^ ^

[أحلى مايا]

هادا كلام تخلف عمرو التزين وعدم الحجاب جاب الزواج مش ضروري نبين شعرنا ونحط مكياج عشان تزوج وبعد الزاج شو يصير ^^

يسسلمو الك كتيير على الموضوع الرووعة

[احلى رورو]

نورتوووو

بس في كتير نماذج من هدول الناس

وهادا الواقع

[أمير رفح]

غلط واكبر غلط

بالعكس تمام انا من جهتي لو أرى فتاة متبرجة وجميلة لا أخبطها ولا اطلبها حتى لو كانت كيف ما كانت

احنا مجتمع اسلامي محافظ والشب بيفكر الف مرة في الفتاة اللي بدو يتزوجها والكل بيبعد عن المتبرجات

[احلى رورو]

منوووور

[princess soso]

مم الصراحة هالمواضيع كتيير بتعصبني وبتستفزني ..!! ... وهاي مصيبة كبيرة بجد

وهالشي طبعا اكيد خطأ .. وهاد الشي بيغضب الله ..

بس الشي يللي بيستفزني اكتر انو لما تيجي تسألها شو ديانتك تقولك مسلمة ..طب ياحبيبة قلبي شو يللي بيثبتلي انك مسلمة ..!! شوف شو حترد عليك ..:@:@

انا كتيير بشوف من هالاشكال ف حياتي وبنصحهم وبيحكولي نفس الحكي .. بقلها طب انتي شو ضمنك انو رح تعيشي لعند لما تتزوجي يمكن وانتي هلا بتحكي معي تموتي..!!

بس هالاشيا بتفرح اليهود لأنو هيك هما بدهم ..!!

وبتمنى من كل بنت مو متحجبة تفكر منيح ..وتحاول بأسرع وقت انها تتحجب وتعمل مايرضي الله ورسوله .. لحتى ماتندم بالاخيـــر ..!!

آسفة اني طولت بالموضوع .. بس بجد الموضوع كتيير رائع .. وبتمنى يحصل تفاعل اكتر بالموضوع ..

شكرا ..

[HaDoOoL]

هاي الصوره موجودده كتيييييير بمجتمعاتنا وانتشرت بصوره كبيييره...
بس هاده الشي مو صحيح بالمره..يعني ع هيك لااازم كل البنات يشيلوا الحجاب ويحطوا مكياج عشان يتزوجوا..شو هالمنطق هااد..
متل ماقالت خيتوو برنسس المصيبه انها بتطلع مصيبه الي بتكون مو لابسه حجاااب...بس الله يهديهم ياارب..
يسلمووووا كتييييييير خيتوو ع الموضوع الحلو..

[،،عـيـون الوجـد،،]

أنا اللي أروح أدور ع ألزوج او هو اللي يدور علي يووووووووه تخلف انا ماعندي حياء اروح ادور ع الزوج طيب ربي فرضه علينا من فوق سبع سموات اليس ذلك كافي ومقنع على الالتزام بالحجاب يارب ثبتنا ع الحق

[سوسنة فلسطين]

الله يثبت عليهم العقل والدين

[نداء الوطن]

اذا الحجاب بستنى لتتزوج
بس الموت ما بستنى لتتزوج الانسان ما بعرف اجله متى
عشان هيك لازم يستغل كل دقيقة بالتقرب من الله تعالى
مش يستنى مناسبه ليكون قريب منه
تقبلي مروري

[مجدلاوي فايع]

لأا بالعكس انا لما اخطب بدي وحدة محجبة محترمة ... مش متبرجة ومليطة عحالها كل بويات الدنيا


غبية اللي بتحكي زي هيك ....

[مؤيد]

قالت لي امها يا بنيتي عيشي حياتك بحرية واخرجي وتبرجي لكي تتزوجي ، ولا تحصري نفسك في البيت وتنتظري زوجا لياتي اليكي ، اخرجي وابحثي عنه بنفسك.

ههههههه يا بنيتي عيشي حياتك بحرية واخرجي وتبرجي لكي تتزوجي ، ^.^ ....

صراحة مش عارف شو احكي ... العالم انجنت وبطل فيها عقل ...

يعني ما في داعي لنحكي كتير ، الشب لما ينوي يدور على شريكة حياته بدور على وحدة صاحبة دين واخلاق ولبس محترم ، مش على وحدة صايعة ، هاي النقطة ما في خلاف عليها ...

بالنسبة للبلس الفايع ، بتلبسه البنت اثبات لشخصيتها ولفت أنظار انو ما في متلها بالدنيا ، بس الهبلة ما حدا بيتطلع الها ليتزوجها ، بيتطلعو الها الشباب الصايعين عشان يصاحبوها وياخدو منها اللي بدهم ياه ، صحيح بنلاقي شباب منحطين وولاد شوراع بيتطلعو وبيعاكسو البنت الفايعة ، بس ابدا ما رح يفكروا فيها كشريكة حياة وام ابنائهم ...

موضوع حلو منك احلى رورو ...

[نور فلسطين]

برأيي .....


ما في غلط كبييير على البنت


الغلط الاكبر على إمها اللي بتحط براسها هيك كلام فاضي

بدل ما تكون قدوة ومعلمة لبنتها للخير والحجاب والحشمة

بتقلها لا تتحجبي ودوري على عريس يا ماما

هههههههه

للأسف شفت كتيير ناس هيك

هادول امهات وبنات اخر زمن

ما بنقول غير ...

الله يهدي بنات ونساء المسلمين

[MoHaDe]

مصيبة شو هالحكي هاادا
انا هالمواضيع بتستفزني لدرجة
وفي كتير عالم متخلفة بكونوا هيك واصلة عندهم درجة التخلف لابو موزة ومفكرين انهم بجذبو العالم مع انو بكونوا ينفرو اللي بدو يتجوزهم وبقربو الصايعين وقليلين الذمة والضمير عليهم وبعمرها ما بتتجوز واذا تجوزت فبتتجوز واحد اوسخ منها


هلا انا كشب مثلا لما افكر انو اتجوز بطلع عالبنت المحترمة بلبسها وبكلشي ومش مستعد ابدا انو اخد وحدة مش مخلي اشي بالدنيا الا حاطتو بوجها ومش مخلي اشي من بدي وهالحكي هادا الا لابستو
هالكلام بنطبق عالمحجيبات وغير لامحجبات
يعني في ناس مش محجبات بس ما شاء الله عليها اخلاقها عاليه ودينها عالي برضو وممكن انو مجرد ما تحكي معها وتناقشها تلبس طوالي الحجاب وجلباب كمان وبتكون المشكلة انو فش حد موجها او هي ناوية تلبسو بس مترددة او ناوية تلبسو عالاصول مش زي ما هلا بنشوف في عالم لابس حجاب ويا ريتها مش لابسة

[عبد الصمد الراوي]

الرجل الي راح يزوجه لجمالها اكيد ما يهمو تضل متبرجة لانو ارتضى ان يتزوج مثل هيك وحدة

وبالتالي العتب مو عليها والله العتب على امها الي وضعت هيك افكار ببنتها

الله يهديهم

شو هالعقل

الله يثبت علينا العقل والدين ولا تعقيب بعد كلام الاخوة والاخوات والي قالو يكفي وميحتاج هذا الموضوع نقاش لان الامر معروف

يسلمو احلى رورو

طرح مميز وانتي الاروع اختي

[نهال]

صراحة الاخوة والأخوات كفوا ووفوا كل اللي كنت عايزة اقوله
يعني بصراحة احنا في زمن الاهل بيطلعوا بناتهم اخر تبرج وبيفرحوا لما الاولاد يعاكسوها ولا يتقلها كلام حلو
طب وبعدين وآخرتها ؟؟؟ أكيد سيء وإغضاب كبير لرب العالمين
وبعدين البنت العاقلة الواعية لازم تعرف أنه الشباب ساعة الزواج ما بيدوروا الا على البنت المحترمة المتدينة اللي تنفع زوجة وأم صالحة
هاد غير أنه اكراما لها المفروض الشب هو اللي يدور عليها ويجي لعند اهلها يطلب ايدها مش العكس
وشكرا اختي على الموضوع المهم