هل تؤمن بهذا الشيء ... ادخل لمعرفته...

[جدوع عسكر]

بسم الله الرحمن الرحيم

كيفكووم .. شباب .. و .. صبايا ...

اسأل الله ان تكونوا بألف صحة وعافيه ...

موضعي اليوم الكم هووو سؤال والسؤال يتكون من ثلاثة كلمات ولكن الكلمه الثالثه تعني لنا الكثير في هذا الموضوع .....

والسؤال هو ..

................
.........
....
..
.


:s (43): هل تؤمن بالـ :icon26: حب :icon26: ...:s (43):

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا بقصد بالحب تاع الايام هادي

شغل الجامعات وما جامعات وزواج عرفي ومش عارف شو يعني الحب ... الفالصوو... الكاذب


الرجااء الاجابه بما تقدر ايها الاخ العزيز والاخت العزيزه

:s (43):اخووووووكم منكم واليكم :icon26: جدوع :icon26: ... :s (43):

[مـــــيـــــــت]

اخي انا كنت ما بأمن بالحب

بس لما وقعت حكيت ممكن الانسان يحب
بس مش كل الحب واحد
انا بحكي عن الحب العذري اللي ما في منو غاية اي كانت من الفتاة
والحمد لله هاد اللي صار معي

(الحب هو تنفس العشق )
الحب هو ان ترى المحبوبة كل يوم وان لم تكن امامك
الحب هو الاخلاص بكل ما للكلمة من معنى
وبصراحة اللي جرب الحب مستحيل ينظر نظرة اعجاب لاي فتاة غير اللي بحبها

يسلموو اخي على السؤال

[blue-girl]

بصراحه
لاء
ولا بحس انو موجود
خصوصا في زمانا
ممكن زمان كان اها موجود بس هلاء
لاء
الي موجود هلاء كلو مرهقه
ع حسب رائي
^^

[مـــــيـــــــت]

غلطانة اختي عقبالك

[جدوع عسكر]

حبيبي ميت مشكوووووووور اول شي

تاني شي انتا اللي غلطان بحكيك كلووو اي نعم اللي بحب بشوفش غير حبيبتو بس هاتلي قصة حب بالزمان هادا بتنتهيش بنهاية خيانه من قبل اي من الطرفين

[&نسيم الروح&]

الحب هادي الايام مو كله بامن في

وعن تجربه ما بعترف في اصلا والي بقول بحب دمر حياته

لانه شباب وبنات الايام هادي ما بحملوا مسؤوليه الحب لانه هو مسؤوليه بجد لما يحب ويحكي مع 10

والبنت كل ما تمر جنب شب تقول بحب هاد وهي بتحب واحد غير كل هادي الناس

طبعا انا ما بعمم لانه الحب الصادق موجود مع انه نسبته بسيطه جدا انا بحكي عن حالي وعن كم حد بعرفه او سمعت عنه

عايشين الحب على اصوله بس نسبته ما بتتعدى 3%

ميرسي الك اخي على الموضوع

[blue-girl]

امممم ممكن انو اكون غلطانه وانا لسه قدامي كتير تأشوف
بس هاي وجهة نزري
و لسه انا انو مافي حب او بلاصح الحب مات
من وماااااااااااااااان
لانو مافي حد بيوفي في هاي الايام
^^

[فارس الوطن]

الحب الحقيقي .. ألماسة نادرة الوجود .. وما حد فاهم شو يعني

انا شخصيا أؤمن بالحب الحقيقي أما حب أولاد صغاااار هادا هبل وهو المنتشر هاليومين أي شب يحكي لبنت كلمتين حلوين .. يعني خلص حبو بعض ... الحب مو هيك أبدا ... حراااااااااااااااااااام هادا يسمى حب ..

وأهم شي في الحب الحقيقي هو الوفااااء .. الوفاااء ثم الوفاااء ..


فائق التقدير والاحترااام

[عسولة الأقصى]

مرحبا..

و الله أنا شخصيا بآمن بالحب..

يعني ازا ما كان في حب.. كنا ما سمعنا عن قيس و ليلى .. أو

عنترة و عبلة.. و روميو و جولييت..


فالحب اشي موجود.. أما بالنسبة لها الأيام فأنا ما بآمن انو في شب ممكن يحب بنت..

لا تزعلو شباب.. بس نفس الحب هاداك.. لأ مافي..

بس في المقابل البنت بتحب و بتخلص بالحب.. الشب ممكن يحب بس بدون اخلاص.. :icon5:

ما بعرف و الله بس انا لهلا مش مقتنعة انو الشب ممكن يخلص بحبو لبنت الا بعد الزواج..

أما قبل الزواج.. ف خليها ع الله..

ههههههههههه


المهم..

انتو بتلاحظو انو أغلب اللي بيتزوجو عن حب حبهم بيتغير بعد الزواج يعني ما بيضل نفسو..

و مشاكلهم بتزيد..


سوري طولت عليكم بس هادا هو رايي..


و شكرا الك أخي لطرح الموضوع

[جدوع عسكر]

مشكورين جميعكم

طيب خلينا نحكي شوي عن مجتمعنا الفلسطيني

هل يوجد به حب ووفاء واخلاص

بالوقت الصعب الذي نمر به

مشكووورين

اخوكم منكم واليكم جدوع . كم

[جيفارا*نابلس]

انا اوريدي مؤمن فيه

حتى لو كان شي حلم

بيكفي انو بعطيك شويه امل

[جرحٌ بملامح انسان]

الخيانة والوداع والفراق في الحب هي موجودة من زمــــان وطــــول عمره هيكـ ... لكـــــن لا شكـ انه في هاي الايام زادت هاد الشغلة .... لكــن لما نحكي احنا عن علاقة شب وبنت والشب أو البنت . واحد فيهم كان بس بيتسلى ... هاد استحالة نسميه حـب . ويكون بيشوه صــورة الحــب ... ولا حدا من الطرفين وقتها بيكون يستاهل الحب .. لأنه الاول بيستلى والتاني ما عرف يختار ..

على كــلا الحب موجود بشكـــل نادر كبيـــر بهالايـــام .. وبنفس الوقت ما حدا بيقدر ينفي وجوده ^ ^


تسلم جدوع عسكــر على طــرح الفكـــرة ^ ^

[ashrafo]

:icon9: :icon9: :icon9: :icon9: :icon9:

[ابتسامة الحياة]

!!!!!!!!!!!

[مـــــيـــــــت]

حبيبي ميت مشكوووووووور اول شي

تاني شي انتا اللي غلطان بحكيك كلووو اي نعم اللي بحب بشوفش غير حبيبتو بس هاتلي قصة حب بالزمان هادا بتنتهيش بنهاية خيانه من قبل اي من الطرفين



يا اخي مش كل من حكى انا بحب معناته هو بحب ومش كل حب بنتهي بخيانة

في اشي اسمو زمن وظروف بتحكم على الانسان ببعض الاحيان

بتقدر تحكي كمان انو الظروف خيانة الظروف مش بأيدي ولا بأيدك

ومعظم العاشقين بكون زمان عشقهم او ماكن عشقهم غلط

وكتير ما بتفشل قصة الحب مش بسبب الخيانة ولكن بسبب الظروف

مع كل الحب العبقري الشرير مــــــــيــــــــت

[انا العاقلة فيكو]

لا ماا فيه اشى اسمو حب

كلووو هبل بهبل

كفاااية البنت تحب خطيبهاا او زوجها

والشب يحب خطيبتوا او مرتو

غيررررر هيييك كلام فاضى كبشاااااات

بلااااش هبل

[مـــــيـــــــت]

هههههههههههههههه
يا جماعة الخير القصد الحب الحقيقي اللي بدو ينتهي بالزواج
مش الحب العشرين كل يوم بتحب واحد شكل

[جدوع عسكر]

يعني برضو ما فهمتوو قصدي من الموضوع انا بقلكم

حب بمجتمع او بدوله محتله فيها احتلال؟؟؟؟؟؟؟؟؟؟؟؟

[الحان الحرية]

اه ...

انا بأمن بالحب .. مع اني ما جربته ...


بس أكيد بيظل الحب موجود بكل مكان ...

حتى لو في حروب واحتلال ...

بس بردو مش قصدي هالحب يلي بتحكو عنو ...

اللي بس مصاحبة و تيليفونات و بالاخير وداع ...

هاد كله هبل و مش حب اصلاً...

لأنه الحب شعور داخلي ...

ممكن يكون في حب ما حدا سمع فيه ... و مرت عليه الايام و اندفن في صمت ... مش شرط الطرف التاني نفسه يعرف حتى ....

بس ...

[مـــــيـــــــت]

يعني برضو ما فهمتوو قصدي من الموضوع انا بقلكم

حب بمجتمع او بدوله محتله فيها احتلال؟؟؟؟؟؟؟؟؟؟؟؟


يا زلمة الحب موجود بكل مكان حتى مع الاحتلال ما دام القلب موجود بضل الحب موجود
بس مش كل من حكى انا بحب معناته هو بحب

واختي فعلا كلامك زين وهو يعبر عن الحب العذري

[smile_4_arwa]

صراحة .....أنا هلأ عمري 14 وخلال كل هادي السنوات ما لقيت حد يستاهل ينحب
اللي حقيقة لازم بس احبه هو بس الله.....
الحب في الايام هاي بس للمصالح وكمان للتسلية.
أانا بعتبر الحب حقيقي...أزا كان أهم إشي هوي لاإخلاص .

[Maram .. ~]

أنا عني لسا ما جربت الحب
بس انا بؤمن فيه إدا كان بإخلاص مش زي الهبل تبع الأيام هاي.. عالنت..عالتلفون و الكلام الفاضي التاني...

بس بدي أسأل سؤال...
بينفع الحب يكون من طرف واحد؟؟؟؟؟؟؟؟؟؟؟؟؟؟؟
بلييييز جاوبوني عليه

[تحـ البشر ـدوهـ]

أنا عني لسا ما جربت الحب
بس انا بؤمن فيه إدا كان بإخلاص مش زي الهبل تبع الأيام هاي.. عالنت..عالتلفون و الكلام الفاضي التاني...

بس بدي أسأل سؤال...
بينفع الحب يكون من طرف واحد؟؟؟؟؟؟؟؟؟؟؟؟؟؟؟
بلييييز جاوبوني عليه



بينفع اذا كنت بايع قلبك ... اما لو شاريه ... فما بينفع لانه بينتهي بالفشل بنسبة 99.9%


وبالنسبة للموضوع


اه بأمن بهيك اشياء


فـ النت والايميل والجوال وابصر شو كل هاد كل هاد ... مجرد وسيله للحب


ولكن الحب يكون في القلب



شكرا حجي ع الموضوع

[Maram .. ~]

شكرا أخي عشانك جاوبت ع سؤالي...
و بتمنى كمان أعضاء يجاوبوني....

[تحـ البشر ـدوهـ]

شكرا أخي عشانك جاوبت ع سؤالي...
و بتمنى كمان أعضاء يجاوبوني....


^_*

[Maram .. ~]

لييييش ما حد رد ع سؤالي....
بستنى أجوبتكو.....:)

[احلا فوفو]

أؤمن بالحب

^^

يثلموو دياتك عموو

[جدوع عسكر]

مشكووووووووورين حبايبي جميعكم

وبالنسبه للاخت ...جوست مي مرام ....

جوابي لسؤالك هو بينفع ليش لا ازا بالاخر ما قدر يتحمل وراح للخش المحبوب وصارحه بحبه اله

مشكورين كمان مره

[جدوع عسكر]

وراح للخش المحبوب

ايم سوري اسف

........وراااح ....(( للشخص .))) ..... المحبوب وصارحه بحبه اله

[smile_4_arwa]

جوابا للحجة مرام, الحب ازا كان من طرف واحد مستحيل يستمر أو يثمر اي اشي, يعني اكيد لح يفشل في النهاية..
ان شاء الله اني اكون اعطيتك الجواب اللي بدك اياه.p:

[ملكة الإحساس]

الحب اكيد لساتو موجود ...

بس كل شخص فاهم الحب بمزاجوا ..

اما بالنسبة لليومين اللي بنعيشهم ..الحب الصادق في نادر ... وممكن ما يكون موجود ..

لأنو بلحظة بينتهي ..

الحب بدو تضحية .. وتفاهم وثقة .. وخوف ..
واللي بنسمعوا هـ الايام .. حب مرور .. يومين وبينتهي ..
ومهما استمر بتكون النهاية قريبة منو ... لأنو ما بكون واضح .. ولا حتى صادق ..

يسلموا جدوع عسكر ..

[جدوع عسكر]

مشكووورين جمسعكم

حيا الله

[*ريحانة القلب*]

لا طبعا

ما بقتنع بحب الجامعات

لأنو الشباب لسه بياخدو مصروفهم من بابا

كيف بدهم يتحملو مسؤوليه الحب والزواج

والشباب هالايام بتكره المسؤولية

لهيك بكزبو ع 10 بنفس الوقت


واكيد كلامي ما بنطبق ع الكل


بس الغالبية العظمى هيك مع كل الاسف



بشكرك ع الموضوع اخي

مع اني شكيت انو مكرر


بس معلش خليه لأنو ما لقيت دليل هههههه



بانتظار جديدك



....


..

.

[مـــــيـــــــت]

أنا عني لسا ما جربت الحب
بس انا بؤمن فيه إدا كان بإخلاص مش زي الهبل تبع الأيام هاي.. عالنت..عالتلفون و الكلام الفاضي التاني...

بس بدي أسأل سؤال...
بينفع الحب يكون من طرف واحد؟؟؟؟؟؟؟؟؟؟؟؟؟؟؟
بلييييز جاوبوني عليه


يا اختي الحب من طرف واحد مصيبة وكثير من الحب صار
وهو من طرف واحد والتاني ما بعرف باشي ولا حاسس وطول الحياة بضل الحب موجود

بس بحكو اللي اشتراك اشتريه واللي باعك احكيلو الله معك انا من طريق وانت من طريق

لانو الحب من طرف واحد عذاب حقيقي

[جدوع عسكر]

الحب اكيد لساتو موجود ...

بس كل شخص فاهم الحب بمزاجوا ..

اما بالنسبة لليومين اللي بنعيشهم ..الحب الصادق في نادر ... وممكن ما يكون موجود ..

لأنو بلحظة بينتهي ..

الحب بدو تضحية .. وتفاهم وثقة .. وخوف ..
واللي بنسمعوا هـ الايام .. حب مرور .. يومين وبينتهي ..
ومهما استمر بتكون النهاية قريبة منو ... لأنو ما بكون واضح .. ولا حتى صادق ..

يسلموا جدوع عسكر ..


مشكوره خيتوووو ملكة الاحساس

جوابك 100%

مشكوره كمان 5 مرات

مشكوورين جميعكم

حي الله

[banota.cute]

هو في حب بس للاسف صار نادر وحتى هادا الحب النادر بتهدمو ظروف الحياة ان كانت حرب متل بلدنا الحبيبية فلسطين او اخواننا في لبنان والعراق او الحالة المادية الصعبة واشياء تانية متل الناس الفاضية الي شوهت هادا الشي الحلو وانا بصراحة ما بلومهم بلوم اهليهم الي ما عرفو يربوهم فعلشان هيك بنحس انو مو موجود وشكرا على الموضوع الحلو