هل فكرتم يوماَ بالانتحار !

[احلى رورو]

في بعض الاحيان تمر على الانسان ظروف صعبة في جميع المجالات لدرجة فقدانه لذرة امل ما يجعله في

بعض الاحيان يفقد السيطرة وتهون عليه نفسه.

فسؤالي هو هل فكرت في الانتحار يوما وما السبب القوي الذي دفعك للتفكير في ذلك

اريد ان اعرف اراءكم بصراحة.

وشكرا.

[*ريحانة القلب*]

لا عزيزتي ..

الانتحار لا يمكن انو يتبادر لأي نفس مؤمنة

راضية بقضاء الله وقدره .. ومقتنعة ومتيقنة انو الدنيا دار اختبار


> أم حسبتم أن تدخلوا الجنة ولما يعلم الله الذين جاهدوا منكم ويعلم الصابرين<
صدق الله العظيم


لهــيكـ ازا واجهتي بحياتك مشكلة او كارثة

اتزكري انو هاي النفس الي بين جنباتك مو ملكك .. هي ملك لربك ...

واتزكري انو الدنيا دار امتحان ..



فـ مســحيل يخطرلي هيك موضوع

ولا يمكن افكر فيه ..




نورتي احلى رورو


يعطيك العافية


!!

[احلى رورو]

نورتي ريحااانة

مداخلة رائعة لا تعليق عليهااا

بس اسسسمعي ولك انا احلى رورو مش احلى فوفو

بضربك هلاء

[نبض الأقصى]

الأنتحار كلمة حرام بكل جوانبها


لأن بالانتحار الأنسان يقتل نفس بشرية


هذه النفس التي كرمها الله وميزها عن بقية الخلق


ومهما واجهتني من مشاكل فلن أفكر بها


لأن المؤمن دائماً وأبداً مع الله وشعاره


"كن مع الله ولا تبالي"


لكن أمر محزن فعلاً مر علي بكثرة في الشهور الأخيرة

زيادة تردد هذه الكلمة على شفاه كثير من الأبناء والبنات في أعمار 13-16

وهذا ليس مجرد كلمات عبر الصفحات ولكن واقع معاش

وهنا يجب بنا أن نقف ونعمل على توعية هذه الفئة وخاصة بالمدارس

جزاكِِ الله كل خير يا رورو

[ميمي الفلسطينية]

شوفوا

أول شي الانتحار حرام

تاني شي في مرات بفكر فيها بس ما بكون فعلا ناوي

مرة صارت معي

بس لسبب تافه

هه

يسلمو

[روح الاقصى]

فكرنا بالاستشهاد اخيتي


بوركت

[*ريحانة القلب*]

نورتي ريحااانة

مداخلة رائعة لا تعليق عليهااا

بس اسسسمعي ولك انا احلى رورو مش احلى فوفو

بضربك هلاء


ههههههههههههههههههه

بعتزرررررررررررر


من السرعة .. مش احنا عايشين عصر السرعة :b:

وهذه النتيجة .. عمى نهائي :wacko:



وكتيير في اعضاء " احلى "

مع السرعة .. خربت :)

ونورتي يا احلى رورو .. ^_*

[.:.!دموع الرحيل!.:.]

لا أعوذ الله

ولا ممكن يخطر ببالي هيك شي ابدا

ومهمـا ضاقت علينـا الدنيـا .. بهمومهـا

فهو امتحـان من الله واختبــــار ..

وعند الإمتحـان ,, يكرم المرء أو يهـان

وكل شي من الله يا محلاه

والله يجعلـنـا من عباد الله المؤمنين ...

بس الإنتحـار .. أعوذ بالله .. من الموت على سوء الخـاتمة

مشكورة يا قمر

[ashrafo]

مرحبا رورو

اول شي الانتحار اللي بيحكليك انو ما بفكر بالانتحار في زماااننا الوقح هذا بكون مو كذاب لكن بكون متجاهل

كلمة انتحار ..!!

الانتحار المعروف عنا كبشر وكمسلمين ومن جميع الديانات هو الانتحار المحرم الذي جزائه عند الله هو

جهنم ..!! :b:

لكن هلا الدنيا تغيرت وظروفها اتغيرت وصارت اصعب واختلفت وخلت جميع الناس تعمل وتتفق على مبدأ

الانتحار لكن بطريقتها هي الخاصة ..!!

هلا في انتحاراااات عنا صارت .. منها المعنوي والفكري .. هاد المهم عنا هون في وضعنا ..!!

الانتحار موشرط انو انا اشرفو اروح بدي اجيب سكين واو مشرط او آخد حبة سم ، واموت هيك يعني اسمو

انتحار .. ؟؟ هاد كان زمان هالحكي ..!!

على سبيل المثال .. الانتحار اليوم صار في كل مكان وفي كل صورة من صور حياتنا اليومية واغلبها او

جميعها ما بنفهمها ولكن بنشوفها .. الانتحار الجديد الدخيل علينا هو الاخطر و الاسهل ..!!

لما انا بدي احكي عن موضوع انتحار راح احكي فقط عن مجتمعي العربي المسلم فقط ..!!

الضغووط العملية الرهيبة والضغوط العصبية المستمرة بغرض الوصول الى الكمال في كل شي من مال وفرص

وظيفية ومن الغيرة اللي صابت كل فرد من مجتمعنا حتى الصغار ما سلموا منها .. وتقييم واحضار لقمة

العيش الى البيت وتكلف وتكفل المصاريف بأنواعها .. والعمل طيلة اليوم والاسبوع والشهر والسنة والدهر

فقط من اجل تأمين حاجة فقط ..!!
مثال عني انا شخصيا .. عندي ضغووط احيانا بستغرب وبشكر الله الف شكر حقيقي انو كيف في هديك اللحظات اني ما انقتلت ومت ..!!
مجرد اني انا بكون مشغول ومعصب ومستعجل بمشي بسيارتي بسرعة خيالية جدا جدا حتى امن الطرق ما بيقدر يلحق ورااي من السرعة فجأة بلاقي تفتيش وبيحكلي انت منتحر انت مجنوون ماشي اكتر من 220 كيلو ..!!
عنجد كلامو صح قمة الانتحار ...؟!! لكن انا ما حسبتها هيك .. لو حسبتها تماام ما كان وصلت حالي الى

هذا الحال .!!:icon9:

برأيي هذا انتحار ..

لما يكون الاب يوصل لمرحلة عمر برأيي انا انها حرجة وهي بعد 45 سنة وعندو شباب كبار ما امن

مستقبلهم ولسه عم بشتغل ويكافح وبيمرض وبروح شغلو وهو بنص عمر وصحة المسكين عشان يأمن

راحة ومال وفرصة لأولاده وحتى بعد تخرجهم الاب هو المسؤوول .. فه1ا انتحار عربي مميز عندنا ..!!

وقسي على ذلك كل اموووو رحياتنا العجيييبة فعلا ،،،، :icon9:

الشاب بعد التخرج من الثانوية والاحرى قبل التخرج وهو في مرحلة المتوسطة بيرسم عالمه الخاص من

عالم الوراء المكشوف وسيطرت عليه جميلة بناءة واحلام واقعية يحق له ان يحققها لو انو في غير عالم

منشق في وضعه الحالي .. وحتى وصوله الثانوية الاخيرة يدخل الى تحديد مستقبله المظلم لا يعرف

كيف وما العمل فقط يدخل ويضيع سنوات من عمره الغالي فيرجع انسان مكبوت بشر ومكبوت بسوء

العشرة والنية والنظرة السوداوية تحوم عليه وتخليه عاطل ليس عن العمل فقط بل عن كل شي فيه

خير له ولوطنه ..!! هذا اشد انواع الانتحار وهو يجر لأنتحار مجتمع بأكمله ..!!

اكتر شعب في العالم يمكل شباب هم العالم العربي .. ومو حيالله شباب .. ماشاالله خيرة الشباب في

العقول والصحة والنشاط ..!!

لكن ايش فايدة هؤلاء الشبااااب اذا كانت او كان هدفهم فقط تأمين قطعة من الخبز فقط من اجل
ان يعيشوا .!!

عقولنا الآن هي الانتحاار بذاته .. تفكيرنا ونظرتنا الى بعضنا هذا اشد انواع الانتحاار ..!!

والانتحار المعنوي العن انتحار من انتحار النفس .. عالم اسلامي ممزق عالم عربي ممزق جارك بابك امام
باب جارك وكل كره وضغينة لجارك ..

للاسف عالم اسلامي فقط مسمى فقط اسلامي .. عالم وشباب يملكون الطاقات والمال بدل ما يروحوا
يضيعوها في خدمة وطن ودين بفعل اعمال طوعية خيرية عم بروحوا يسكروا ويشتروا اجمل اموديلات من

سيارت وهالهبل ..!! هذا اتنحار فكري ..!!

لشو عايشين احنا اذا وصلنا مرحلة يداس على قرآننا وديننا وعرضنا وشرفنا ويستهزأ برسولنا الكريم ..

واحنا ساكتييين ..!!

ولا حدا يحكلي انو احنا ماسكتنا ...؟؟ بمعنا قاطعنا منتجااتهم .... يا ويلييييييييييلي من العرب المسلمين

همهم كرووووشهم ويطوونهم ..!!
لو استمرينا بهيك حال متل ما حكيت سابقا .. راح تشوفي الانتحار اللي هو انتحار القتل للنفس .. لانو هيك حياة راح تبعد عن نفوسنا الايمان وراح يتملكها الشيطان و يعملها الخلاص من الدنيا على طريقة ابليس اللعين ..!! هو ناقصهم شبااابنا دين وايمان نص ونص .. الله يكملهم على خير ..!!

رورو آآآآآآآآآسف عالتطويييييييييييل ههههههههههههههه

ميرسي الك يسلمووووووو ..!! :s (43):

مواضيعك بتعملي هيك شي نوع من الاستفزاز بتخليني احكي كتيير ..!! :icon31:

[ملكة الإحساس]

ولا مرة خطر ببالي هيك شي ...

مافي شي بيستاهل .. والدنيا ما بتسوى .. مهما كانت الاسباب ..

يسلموا احلى رورو ..

[خيـرَ أُمـة]

هيهات ما صدري علي بضيقٍ ... ما ضاق صدرٌ يحمل الايمانَ


شخصيا الحمد لله الايمان بالله كبير..

لكن انا حتكلم عن حالات مرت علي شخصيا ...شباب وبنات كان الهم فكر بالانتحار والعامل المشترك بينهم ضعف الايمان بالله عز وجل ((ومن أعرض عن ذكري فان له معيشتاً ضنكا ونحشره يوم القيامة أعمى)) صدق الله العظيم ..

لكن بطمنكم انه جميع الي فكره بالانتحار الحمد لله الان على قيد الحياة عايشين ومزعجين :)


اول شي الانتحار اللي بيحكليك انو ما بفكر بالانتحار في زماااننا الوقح هذا بكون مو كذاب لكن بكون متجاهل

" لا تسبوا الدهر فإن الله هو الدهر" صدق رسول الله ...

خلونا انكون حذرين بهاي النقطة مع علمي انها مش مقصودة ...

انا مع أشرف بانه غير الانتحار بقتل النفس والي بسمي انتحار فيزيائي ... في انتحار اخر ممكن نسميه انتحار على مسرح الرذيلة بالتخلي عن الأخلاق و وقوع الانسان بالرذيلة.. انتحار وجداني.

مثل جماعة ستار اكاديمي ... ممكن نسميه انتحار أخلاقي
مثل الرشاوي والواسطات ... انتحار اداري
وغيره كثير من أنواع الانتحار الموجودة في الوقت الحاضر.

يعطيك العافية أختي

أخوكم

[جرحٌ بملامح انسان]

أشـــرفووو

عندكـ طولة روح مش طبيعية

أنا ضــد الانتحــار بأي شكـل من الاشكــال ^ ^

تسلمي رور على طرح الفكـرة ^ ^

[احلى رورو]

اولا ريحانة القلب ... مش مشكلة حصل خير

وتانيا ... جد اشرف عندك طولة روح مش طبيعية بس بجد انت كلامك كلو صح بصح

وانا معك بكل كلمة حكيتها مع شوية زيادات !

وتالتا .. نورتو كلكم الموضوع والله يطول اعماركم ^_*

[حذيفة]

اه ولا الحياة بتزهك البابا كرهني حياتي

[احلى رورو]

البابا... يعيش ويزهكك

[جدوع عسكر]

مشكوووووووووووووره بجد مشكوووووووره
اااااااااااااااااااااااااااه انا فكرت بالانتحار الطريقه مش مستاهله اني احكيلكم اياها بلاش تضحكو عليي وتحكو عني مجنون بس بدي احكيلكوم السبب والسبب هو ......
ال................. الحب عشان بنت كنت احبها وتحبني ويوم وانا واقف معها مسكنا ابن عمها وضربو البنت ورحت لامي ولاهلي حكتلهوم هسا بدكم تخطبولي اياها ولا ب........خ حالي من هون لهون من غاد لهون انحلت المشكله بس للأسف اهل البنت خطبووها
مشكوووره اختي بجد مكووره احلى RoRo

[احلى رورو]

لهلهلههله يا جدووع

قطعتلي قلبي

نورت

[agmal-e7sas]

بصراحه كتير بفكر فيها ولو مش حرام كان عملتها من زمااااان
بس حراااااام وحنكون متاكدين من النار فليش نعمل هيك؟
خلي عنا شويه امل بالجنه ههههههههههه
والاسباب والله تافهه بس انا بمل من هل الحياه الروتينيه كتير

وتحياتي الك
تقبل مروري
agmal-e7sas

[جدوع عسكر]

اللي بحسبني بمزح بجد انا بمزحش لو امزح كزب بعرفش اكزب اصلا بجد هادي القصه صارت معي بجد بجد يعني
مشكوووره

[&نسيم الروح&]

ما عمري فكرت في حتى باصعب الحالات

اصلا الانساني الي بعرف ربه ما بفكر مجرد التفكير انه ينتحر

مع اني احيانا كنت اتمنى انه اموت بس هاد زمان بس ما كنت اعرف انه حرام ولما عرفت بطلت

[جدوع عسكر]

لا خيتو .....نسيم الروح....... غلطانه بحكيك انتي ((((اصلا الانساني الي بعرف ربه ما بفكر مجرد التفكير انه ينتحر)))))
لا خيتو القصه مش قصة بعرفش ربو وبعرفش دينو يا ميمتي مشكووره انتي بس في مثل بحكي .....
((((( شو جبرك ع المر قال اللي امر منوو))) ولا معمركيش اسمعتي بهيك مثل
مشكووره وكلمتك واقفه لانها مش حلوه بحقي .........!!!!!!!!!!!!!!!!!!!!!!!!!

[live ur life]

اكيد ماعمري فكرت بالانتحار ولا عمري بفكر فيه لانو انا مؤمنة كتييييير بقاء الله وقدره ومافي مشكلة مالها حل انشاء الله ومتل ماحكو انو ضعيف الايمان هو الوحيد الي ممكن يخطر في باله الانتحار لانو لو بعرف شو الي راح يلاقيه بعدها مابفكر فيه انا اكيدة
يسلمو عالموضوع

[فلسطينيه والراس مرفوع]

والله يا رورو
يمكن افكر بالانتحار احيانا
بس حراااام

[ashrafo]

أشـــرفووو

عندكـ طولة روح مش طبيعية

أنا ضــد الانتحــار بأي شكـل من الاشكــال ^ ^

تسلمي رور على طرح الفكـرة ^ ^



ههههههههههههههههههههههههه


احلى انااااااااااااااااااااا هلا فيييييييييك


يا عيووووووني انت لسه ما شفت شي من طوووووولة البـــــــــال اللي عندي ..!! :wacko:

بس شي غريب ان طوييل البااااااااااال وعصبي جدا ..!!:icon9:

شي ما بيجتمعوا مع بعض ..!!

.. طيييييييييب بدي ازيد من الشعر بيييت ..!! :matrix:

انت يــا احلـــى انـــــا انتحرت انتحاااااااااااار غيير شكـــــل ..!! :icon6:

كيييييف وموو كيييييييف و شو عم بحكي انــــــا .. اهاا يجيك العلم ويتعداك ..!!




وهااااد الشي بسموو انتــــــــحــــاااااار إسمــــي او انتحـــــار اسمــــــــــاء .... :showoff:


اول شي انت انتحرت لما غيــــــــــرت اسمك من احلى انا ,,.. الى هااد والله ما بعرف شو اسمو


مجروووح بهالملامح الله يعينك عالنك تبعك ..!! :icon31:


احلى انا حبيب قلبي ..,, الله يبعد عنك هالهواجيس الشيطانية .. قووول آآآميــــــن :s (43):

[ashrafo]

وتانيا ... جد اشرف عندك طولة روح مش طبيعية بس بجد انت كلامك كلو صح بصح

وانا معك بكل كلمة حكيتها مع شوية زيادات !



هلاااا رووورووو ،،،

شوو انت زي احلـــــــى انا هااااا ..!! :b:

عفكرة لسه ما خلصت كلامي لإنو كان معي اتصال ضرووري عشان هييك وقفت الكتااابة .... :wacko:

بس ياالاا خيــــــــرهــا بغيـــــــرهــــا ،،،

مشكووووووووورة ،،، :s (43):

[احلى رورو]

يا جدوع مصدقينك ولو ...

كلامك على راسنا من فوك ...

نورتووو واياكم والانتحار ^_*