..هـل الإنـتـقـام يـداوي الـجـروح..

[نسرينا الفلسطينيه]

السلام عليكم



بهذه الحياة فيها الحلو وبيها الأمر وبيها نتعرض لكل المواقف وكذلك في هذه الحــــياة المليئة بالهموم والأحزان ... وربما الجروح والآلام التي لا تبـــــرى ... من قبل أناس آخرين

سواء بقصد أو بغير قصــــد ...!

* البعض منا يلجأ إلى التحاور والحلول الودية ... لفهم الأسباب التي دفعت لحدوث الإشكال بين الطرفين ويكتفون بذلك ...!

*وترى فئة أخرى أن الانتقام هو السبيل الوحيد ليشفي غليلهم وليرد اعتبارهم وأحيانا كرامتهم المهانة
وكبريائهم المجروح ...؛


*وآخرون ؛ ربما يجدون الاثنان وسيلة لمداواة الجروح العميقة التي تغلغلت في النفوس وجرحت في الصميم
السؤال الذي يطرح نفسه ...

/

/

هل ترى الانتقام أفضل وسيلة لعلاج جروحك ورد اعتبارك ؟؟

أم أن طيبتك وتسامحك تفرض عليك أسلوبا أفضل ...؟

هل ترى أن كلا الانتقام وحل سوء الفهم الحاصل هما الدواء معاً ..؟!

بإنتظار مشاركاتكم

:sh148:

:s (43):

[هادي]

في حياتنا اليوميه نواجه المد والجذر في علاقتنا بمن حولنا، ونحن طبعاً من نستطيع أن نفرض إحترامنا على الآخر وليس العكس صحيحاً، ( هاد مش الرد .. مقدمه) .. ردي على من يجرحني بلفظه أو فعله يكون حسب شخصيته هو، فإن كان جاهلاً فالأولى عدم الرد عليه ( وإذا خاطبهم الجاهلون قالوا سلاماً) .. وأما إذا كان يعيي جيداً ما يقول فأنا مضطر للإجابه عليه بالمنطق والعقل .. فأتعاطى معه بالحوار .. فقد يكون هو المحق!!!!
وإزا طلع لوح ( لا بيرسل ولا بيستئبل) فمالي ومالو .. القافلة تسير والكلاب تنبح.. ومش مستعد حتى أرفع صوتي معاه .. فالصوت العالي أو إستخدام القوة دليل على ضعف الحجه ( والشخصية) .. وعقاب الندل قلة عتابه!!:wacko:
وأما إذا كان هناك ما يستدعي الإنتقام كوسيلة أخيرة لرد الإعتبار، فيكون الإنتقام ( معاملة بالمثل) ويكون من الجبن أن لا ننتقم ( كالإنتقام من العدو مثلاً) إلا إذا كان عفواً مع مقدرة. فحتى الإنتقام لهُ خُلق .. ( خاطبوا الناس على قدر عقولهم) فهناك مواقف يكون فيها من الحكمة أن ننتقم.

[*ريحانة القلب*]

موضوع مهم كتير

خاصة انو صار اغلب الناس يدفعهم الانتقام .. قبل المسامحة

بس قبل ما اجاوب ع اسئلتك رح احكي هالحديث :

يأتى عبدان يوم القيامة بين يدى الله فيقول أحدهما يا رب خذ لى مظلمتى من أخى . فيقول سبحانه : اعطه مظلمته

فلا يجد ما يعطيه فيقول الأول : خذ من سيئاتى وأطرحها عليه . فيقول الله له ألك فى خير من ذلك ..إرفع رأسك

فيرى قصرا رائعا مبهرا فيسأل لمن هذا القصر فيقول الله : لمن يملك الثمن .. فيسأل العبد ومن يملك الثمن؟

فيقول له رب العزة : أنت . فيسأل : كيف ؟ فيقول رب العزة بعفوك عن أخيك .. فيقول الرجل : عفوت ..عفوت ..

فيقول تعالى : خذ بيد أخيك وادخلا الجنة..



لهيـك بسامح .. وبطنش

وتنام مظلوم ولا تنام ظالم

ممكن اهدد .. خاصة ببداية الصدمة لما يكون الواحد مش مستوعب

بس اكيد لما اهدى ما رح اعمل شي سوى (الله يسامحك ) ^ ^





نسرينا الرائعة

نورتي القسم بموضوعك المميز

يعطيكِ العافية يا قمر


:s (43):

[نسرينا الفلسطينيه]

ريحانة & امجد

شكرا لمروركم

نورت الصفحه

[جرحٌ بملامح انسان]

بنظري اذا كان الجرح كبير مثل خيانة أو غدر أو ما شابه

أنا بلجأ اما للانتقام
لكن ... في بعض الاحيان الانتقام لا يكون بايدينا . لذلك أتجه الى الهروب من اي شئ يذكرني
يعني نسيان بدون مسامحة ^ ^

يمكن أنا حاقد بهالشغلات ^ ^

تسلمي نسرينا

[نسرينا الفلسطينيه]

تسلم لمرورك خيي

الله يبعد عنك شر الجروح^^

[ميمي الاموره]

انا بنظري بفكر بالانتقام لانو هو الاشي الوحيد الي بخلي الواحد يشفى غليلوا انا هاد رايي بس طبعا مش بكل الحالات
وشكرا على الموضوع

[ضوء الشمس]

والله أنا برأي حسب نوع الجرح


ممكن الجرح يكون كبير وأثر كتير في الشخص


الانسان لاارادي يلجأ للانتقام


أما اذا كان جرح بسيط

ولجأ الانسان للانتقام أنا متأكدة راح يتم



يفكر في الي عملوا



وضميره يأنبوا


في الأمور البسيطة أفضل المسامحة أكثر



يسلمو على الموضوع نسرينا

[مـــــيـــــــت]

يا اما بكون انسان قوي وما بنتقم
يا اما بكون انسان ضعيف وبنتقم

ومشان هيك انا بفضل الانـــــــــــــــــــــــــتـــــ ــــــــقــــــــــــــــــام

[NIGHT QUEEN]

امممممممممممممم

موضووع حلو نسرينا

انا وحدة من النااس برفض مبدأ الانتقاام

لأن انا بطبيعة الحال غلباانة وطيبة

والله ما ببالغ

لما ييجي الوقت انو لازم آخد حقي من حد

بساامحووو لأني بتبع مبدأ العفو عند المقدرة

يعني لو انا انأذيت من حد

بصبر عليه لحد ما ييجي يووم ويطلب اني اسامحوو

وساعتهاا ما بيكون في اي داعي للانتقاام

ولكن لو حد تعمد انو يؤذيني وهو ما بيمون علياا

بعاملو بالمثل

وبكون قاسية معاه لابعد الحدوود

ويسلمووو تاني على الطرح يا قمرة

[أحلى مايا]

ممممممممممممم

عندي الانتقام هادا صار شي جديد ولازم انفذو لو شو ماصار وخاصة ازا خلاني اعاني واحس بحقد كبير بئلبي

يسسلمو الك كتيير على الموضوع الحلو

[غزاويه]

مو دائما بيكون يداوي الجروح..

حسب..

وممكن يكون مابيداوي الجروح اصلا,,

هذا رئي..

يسلمواا حبيبتي..

[&نسيم الروح&]

انا يمكن عندي طيبه بس في ظروف مريت فيها خفت عندي يعني صارت الطيبه نص نص

ما عندي اسلوب الانتقام لانه عندي قناعه انه الله اكبر منتقم والي جرحني رح يجي يوم وحد يجرحه

اما ازا انتقمت منه من وين بدي الاقي حد يجرحه يعني

وعندي قناعه تامه انه كل واحد بنتقم من الي جرحه كان الدنيا خليت

وميرسي الك على الموضوع

[ABU YAZAN]

أنا برأيي انو حسب الموقف الي حصل
هل بيبستاهل انتقام ولا لا؟؟!!
كمان شغلة بدي افكر ازا هاد الانتقام ممكن انو يحل المشكلة
ويحسسني انو الي سببلي الجرح او عمل شي غلط معي يكون اتاثر بفعل الانتقام ولا لا
يعني قبل ما افكر بالانتقام بدي اشوف شو نتائجو عليي وعلى الشخص الي غلط معي

بس أنا لحد هلأ ما فكرت بالانتقام هيهيهيهيه
مع انو في كتير ناس غلطو معي .. بس طنش تعش تنتعش ^_^

[أبو حميد]

والله من جهة نظري انا بشوف انو الواحد يعفو ويسامح وكل الناس بتغلط

بس اهم اشي مايكون الغلط بمس الدين والشرف وغير هيك مسامحين

[ابتسامة الحياة]

انا بنظري الانتقام دليل على الضعف
واللي بده يكون قوي ما بتبع مبدأ الانتقام

[جدوع عسكر]

العين بالعين والسن بالسن والبادىء اظلم

مشكووووووووره

سؤال لا يحتاج اجابه الا لمن تعرض لحادث كان قد يوقع به الى الانتقام بشكل مرييييع

بعدين ليش الكل معتبر انو الانتقام بيجيش الا بطريقة .. القتل .. كلكووم قتالين قتلا يعني


مشكوورين بدون لف ودوراان