عــرب الـ 48

[AnGeLa]

قد أبدأ موضوعي هذا , اخذاً للامر قالباً ،، بين اتهامي او تبريري .. الا انني حقاً ,

اكتب الموضوع عاطشاً للحوار فيه ،،

ما اقصده بعرب ال 48 , وإذ صح التعبير ..

هم مجموعة العرب الباقين في ارضهم ما داخل حدود الخط الاخضر .. ما يسمى اليوم دولة اسرائيل ..

كما تعلمون , ففي العام 48 , وحين أعلن قيام دولة اسرائيل ... وضع على وثيقة قيام الدولة ,

الاعتراف بحق العرب الباقيين في الدولة اليهوديه ... هذا مما خفف من وشدة وتر المهاجره ..

حيث تبقت مجموعات عربيه , في مناطق الجبليه غالباً ... واخذوا في مرحلة جديده من حياتهم ..

وهي النضال من اجل وجودهم والاعتراف فيه ... فكان من الصعب ترك ارضهم , والنزوح ..

فلهذا بدأ الصراع , صراع بقاء العرب في الدولة اليهوديه ..

مرت السنين ولا اطيل الحديث , ما بين صراع مستمر .. وبين صراع فلسطيني اسرائيلي ,

واخر داخلي عرباً ويهوداً ..

ولك السؤال , من هم عرب ال 48 اليوم ؟

كيف يعيشون ؟ ماذا نعرف عنهم ؟

وما هي تعريفاتنا لهم ؟

هل هم المقاومون الصامدون في ارضهم ؟

او الخونه الذين قبلوا وجودهم في الدولة اليهوديه ؟

اريــد آرائـــــكم ،، وكـم اتمنــى ان أجـد هنا ولو شخصـاً واحـد فقــط من عـرب الـ 48

ليــروي لنـا كيف حيــاتهم وماذا تعنـي لهـم فلسطين حتـى الآن ؟

دمتــم بـــود :s (43):

[جرحٌ بملامح انسان]

بالنسبة لي عرب 48 هم المقاومون الذين رفضوا الانكسار
الذين ضلوا في ارضهم
همو ليسوا خونة
وانما بالفترة الاخيرة فرضت عليهم بعض التنازلات
اجبرتهم على امتلاك الجنسية الصهيونية مثـلا
ولكن الاهم من ذلك هو أن تبقى فلسطين في قلوبهم

لا ننكر أن منهم من عمل مع اليهود ضد الفلسطينين وهم فئة قليلة

واذا نظرنا بشكل أوسع
هناك أيضا من الموجودين بالقطاع أو الضفة من يعلموا لصالح اليهود


بشكل عام أنا أحترم عرب 48
^ ^

[فطومه]

ولك السؤال , من هم عرب ال 48 اليوم؟

فلسطنييييين

كيف يعيشون ؟ ماذا نعرف عنهم ؟

كل واحد وتقاليدو وعاداتو

وما هي تعريفاتنا لهم ؟

!!!!!!

هل هم المقاومون الصامدون في ارضهم ؟

طبعا ولو مش صامدين لطلعونو من ارضنا

وفي احزاب صهيونية ضدنا

وهدفها اساسي ترحيلنا

او الخونه الذين قبلوا وجودهم في الدولة اليهوديه ؟

يمكن البعض الي بيقبل الجيش لكن قليل الي بفوت والاغلب بتهرب من جيش

ولو خونة لكلنا فتنا جيش

اريــد آرائـــــكم ،، وكـم اتمنــى ان أجـد هنا ولو شخصـاً واحـد فقــط من عـرب الـ 48

ليــروي لنـا كيف حيــاتهم وماذا تعنـي لهـم فلسطين حتـى الآن ؟

فلسطين في قلب

وانشا الله ترجعلنا

اما بالنسبة للحياة

نسبة فقر عالية

وعنصرية ضدنا اكبر

من قبل يهود

وهي اول دليل على عنصرية يهود ضدنا

http://files.shabab.ps/vb/images_cash/uploads/080108140850kaYz.jpg


معنى

مسلم = ارهاب

وشكرا انجيلا على موضوع

تقبلي تحياتي

[بنوووتة الجليل ^^^]

اخت Angela : :icon8:
انا فلسطينية من عرب ال 48 وساكنة حاليا في الجليل قضاء حيفا .. عرب 48 ببساطة متل ما ذكرتي هم العرب اللي رفضوا انو يستسلموا ويهربوا من اراضيهم حتى عندما اعلنت قيام دولة اسرائيل على اراضيهم .. رضوا بالاجبار بالجنسية الاسرائيلية بس على شان يبقوا بارضهم وارض اجدادهم - فلسطين وصاروا بموجب الهوية اسرائيليين .. نحن اسرائيلين بس بالكلمة واغلب العرب في الدول العربية (غير الفلسطينين طبعا ) ما بعرفوا اشي عن عرب 48 ... وبكتفوا يقولو انهم عرب اسرائيل وهاد مزعج كتير .. اكييد عرب 48 هم الفلسطينين اللي صمدوا على اراضيهم رغم العذاب الكبييير اللي ذاقوا عام 1948 من المؤسف ان البعض ممكن ان يفكر مجرد تفكير انهم خونة ... ( اللي بضل عارضوا يعتبر خائن ؟؟ ) ...
لليوم اليهود عم بحاولوا يتخلصوا منا عن طريق الكتير من الافعال العنصرية . .. بالجامعات او اي مكان اخر .. بس احنا متل ما صمدوا اجدادنا عام 1948 راح نصمد .. ومش راح نطلع من اراضينا .. سلاحنا هو علمنا وتقدمنا كعرب في سوق العمل في اسرائيل ( وهاد بزعجهم كتير فوق ما بتتصوري) . اما نمط حياتنا فهو عادي متل اي شخص بالمدارس والجامعات الاسرائيلية عرب 48 بشكلوا وحدة واحدة و في كتير حركات عربية هدفها الاساسي هو تطوير الفرد العربي في اسرائيل .. لننجح كعرب في اراضينا على الرغم من الالم الموجود فينا ...
بالنهاية .. ANGELA اانا بدي اشكرك كتييير عطرحك لهاد الموضوع لانو بالفعل في كتير ما بعرفوا من هم عرب 48 .. شكرا كتير ... :icon31:

[سيف الاسلام]

هل هم المقاومون الصامدون في ارضهم ؟
او الخونه الذين قبلوا وجودهم في الدولة اليهوديه ؟

السؤال الاول خطأ مضمونااا وجوهرااا ... لان السؤال لا يسأل فالاجابه مفهومه ضمنياا للقاصي والداني هم الاكثر معاناه فيفتنون بالمال والابناء و و و
السؤال الثاني اكبر خطأ من الاول .... وكان الموضوع ضمن ارادتهم البقاء او الجلاء اي انهم ليسو محتلين قصراا..

[AnGeLa]

فطــومــة & بنــوتــة الجليـــــل

كــل الإحتــرام والتقــدير الكن حبيبــاتي ،،

وأنــا طـرحت الموضوع لمعــرفة من هـم عرب ال 48 ،، فدائما يقولون عرب اسرائيل

ولا يعــرفون شيئـاً عنهم ،، كـأنهم من هوامش التـاريخ التي لا تـذكر ..

وصـدقاً كـم أتمنــى أن نســمع أخبــاركـم أيــها الفلسطنيـون الصــامدون ..

وعنجــد فـرحت كتير بمروركــــــن ،، واللـه يكون بعــونكــم ويقــويـــــكم يــا رب ..

وبتمنــى اتعرف عليكن أكتــــــر والله ^^

أحــلى أنــا :: كــلامك صحيـح أخـي ،، وكلنــا نحتــرم فلسطينين الـ 48 ..

ويســلمو ايـديك عالمرور ..

أخـي سيف الاســلام ،، لربما وجـدنا أخطــاءاً في طرح الأسئــلة ،،

ولكن نحـن هنا بصــدد التعرف أكثر عليهم ،، وقــلة منا ما يعرف عن فلسطينيين الـ 48

وأنا نفســي لم اكن اعرف شيئـاً عنهم ،،

ويســلمو لمرورك أخــي ..

ونورتــــوا كلكم والله :s (43):

[جرحٌ بملامح انسان]

^ ^

[بنوووتة الجليل ^^^]

AngeLA >> انا كمان حابة اتعرف عليكي اكتر .. بس المشكلة انو ما بزبط عندي ارسل رسائل للاعضاء _ ما بعرف ليه _ ..
يا ريت لو حد يقولي ليه ؟؟؟:b:

[AnGeLa]

حبيبتي والله ..

في بتلاقي قسم بالدعم الفني ،،

حطيــلك موضوع فيه واكتبي ايميلك

وبخلي نانا ( دموع الرحيل ) تاخدو وتعطيني ياه ..

تســــــلميلي والله :D

[وردة بين الأشواك]

من هم عرب ال 48 اليوم ؟

[COLOR="Green"]فلسطينيين عايشين جوا فلسطين مكتوب عليهم يتعاملو مع الاسرائيليين اللي حاشرين نفسهم ببلدنا الحبيب- بالغصب !

كيف يعيشون ؟ ماذا نعرف عنهم ؟

[B]ما بعرف عنهم كتير او كيف عايشين ، انا مرة كان الي حوار مع واحد منهم عن انه كيف عايشين
في تفرقة بينهم وبين اليهود في اشياء واشياء لا - بس حياتهم هيك هيك صعبة متلهم متل باقي الفلسطينيين بيعانو بس على شكل تاني

وما هي تعريفاتنا لهم ؟

فلسطينيين وبس

هل هم المقاومون الصامدون في ارضهم ؟

او الخونه الذين قبلوا وجودهم في الدولة اليهوديه ؟

هم مقاومون غالبا - يمكن يكون في خونة ما بعرف
وهم ما قبلو بس ما بيقدرو يعملو شي الا لو طلعو وهاجرو وهاد شي مرفوض
يعني لو الفلسطينيين بدهم يهاجرو من فلسطين ويتركوها للصهاينة مأساةمعلش في شي بطريقة السؤال ما عجبتني ابدا وحابة اعلق عليها :
انه قلتلي الدولة اليهودية ، كان احسن تقولي الدولة الفلسطينية اللي بتحكمها اسرائيل
كلمة دولة يهودية بتعني انها بلدهم مو بلدنا

اريــد آرائـــــكم ،، وكـم اتمنــى ان أجـد هنا ولو شخصـاً واحـد فقــط من عـرب الـ 48

انا مو من عرب 48 وبتمنى متلك اتعرف عليهم اكتر


يسلمو انجلينا موضوع رائع

[blue-girl]

انا ما رحاحكي عن عرب 48 متل ما بتسموهم لانهم هدول فلسطنيه
بس رح تفهمو من الجمله الي رح اكتيلكم ايها

( نادوني خائن, عربي داخل , 48 ايدك ع راسك فوق احنا جذو فلسطين )

انا 48
ولا تعليق

[sweet soul]

والله انا بسمع عنهم بس ماعندي فكره عنهم بشي بس عندي صحاب كتير من هناك وكتييييير منيحيين مااضن انهم خونه اوشي مو منيح

[جريحة فلسطين]

بما اني من عرب ال48 راح عرفكم مين احنا وكيف عايشين بالدوله الصهيونيه ,,


عرب 48 هم سكان فلسطين الذين لم ينزحوا عنها عام 48 ولم يهجروا اراضيهم رغم معاناتهم من الاحتلال وهم اليوم يسكنون داخل الخط الاخضر ويحملون بطاقة هوية زرقاء"اسرائيلية" وهذا لا يعني انهم اسرائيليين بل هم فلسطينيين يملكون انتماء صادق للوطن .

نحن عرب 1948 بقينا راسخين في وطننا فلسطين رغم فقداننا معظم حقوقنا وممتلكاتنا رغم تشريدنا من بيوتنا وقرانا رغم سياسة التمييز العنصري وما ان افقنا من نكبة ال1948 رأينا الواقع المرير وقيام النازية الثانية عام 1948 بعد انهيار الاولى عام 1945 فلم نقبل بالذل والهوان ولم نركع للغاصبين ولم ننزح عن ارضنا فبقينا هنا صامدين كجزء من فلسطين العربية .

لا ندري لماذا ان المعظم يظن ان عرب ال 48 عملاء للاحتلال كونهم يحملون البطاقة الزرقاء واننا نعيش برفاهية اكثر من أهلنا في الضفة والقطاع ولكنهم لا يدرون اننا نعاني يوميا من سياسة عمياء يقودها الارهابي أولمرت وغيره سياسة تمييز واحتقار كوننا عرب وهم الان يحاولون اخفاء صوتنا الجماهيري ولكنهم لم يدركوا انهم يسيرون بعكس التيار اذ انهم بعملهم هذا ساعدوا على توحيد صف عرب ال48 دون تفريق بين مسلم ومسيحي.
وانحن لا نتكلم الا عن واقع مرير نعيشه "عرب ال48" داخل الدولة العبرية.


وهيك انا بكون اعطيتكو فكره عن عرب ال48 وانشالله تكونو عرفتو مين نحنا
وبالنهايه بنضل نتنفس هوى فلسطين وبتضل الثوره بدمنا وبضل حبنا لوطننا مستمر واللهمعنا ومع الجميع وانشالله بتحرر فلسطين عن قريب
وتحيه فلسطينيه مني الكو وبالاخص لانجيلا ^^,,

[جرحٌ بملامح انسان]

جريحة كفت و وفت
كــلام 100% ^ ^
أنا هاد رأئي وهــاد هو الواقع أصــلا ^ ^
تسلموا مرة تانية