حوار :هل تقبل بشريك حياتك ((معاقا))

[نسمه حب]

قرأت هاد الحوار باحد الموقع و فعلا حبيت كتير الموضوع لان بيلفت النظر نحو كتير جانب مهمل من حياتنا ...
لو احببت شخص ... و اكتشفت انه معاق .. هل ترتبط به ؟؟؟ و ماهو موقف افراد اسرتك من هذه العلاقة ... وهل انت حقا تستطيع ان تربط مصيرك معه ام انك تفضل البحث عن شريك ( عملي ) اكثر خلال مسيرتك في هذه الحياة الصعبة ؟؟؟

شو رايكم ؟

طيب و هل بتفرق معكم لو صار معاق قبل الحب او بعد الحب ؟؟؟؟
ياويلو اللي بفوت على الموضوع و ما برد هههه.....اعطونا رأيكم

[.:.!دموع الرحيل!.:.]

ممممم

بصراحــه لأ !!

مش لشـي بس سبحـان الله صعبـه

يعني انا الي رح أحتــاج إله بكتير مواقف

واحتمال اعاقته تمنعه من أنـه يكون السند المنـاسب الي بهيك مواقف ..

طبعـا هاي اذا قبل الزواج (( مش رح اقول الحب.. لأنه الحب ما بيجي الا بعد الزواج ))

.. بيكون الي حق اتخاذ القرار ..

اما لو بعد الزواج صار حادثـه .. واتعرض لشي سببله إعاقه ..

طبعـا ما بتخلى عنـه

بكون عديمة الضمير والإحساس !!

وبالعكس يمكن اتمسك فيه أكتر

والله يشفي الكل ..

يعطيك العافيه حبيبتي ..

رح يتم النقل لمنبر الحوار الحر

:s (43):

[هادي]

طبعاً الجميع بيسعى نحو الكمال الفقود بين البشر .. ولكن أذا أردت أن أعطي رأي بصراحه يجب أن أتخيل نفسي شخص معاق .. وعندها أتيقن بأن المعاق هو إنسان مثلي بمشاعر واحاسيس .. على العكس معظم المعاقين يمتلكون طاقات رهيبه في مجالات معينة.
بصراحة أكتر:
المعاقين في الواقع يحظون بعطف الجميع نظراً لضعف إمكاناتهم، واكتر ما يزعجهم نظرة العطف .. فنظرتي للمعاق أنه إنسان أكثر مني .. فلماذا لا أرتبط بفتاة معاقة؟؟؟!!! أما نظرة الأسرة فهي نظرة مجتمع بأكمله .. لا نشعر بالمعاق إلا إذا كنا مكانه ..

[*ريحانة القلب*]

هالموضــوع لــف ودار بعقلي كتيــر

خــاصــة بعد ما دخلــت الجــامعــة ,, ولاحظت انتشار هاي الفئة بالمجتمع .. !

وفكرت فيهم كتير .. كيف عايشين ؟ وشو هو مستقبلهم ؟



والله يا عزيزتي مستحيــل ارتبط بانســان عاجز . .

لسبب بسيط انو أي فتاة بتبحــث عن الضهــر .. الي يحميها ويصونها ..

وهاد الانسان مـارح يكون قــادر ..



أنـا كتيــر بشفق عليــهم ..

وبحمد الله ع النعم الي اعطانا اياها واحنا مو حاسين فيها

أقلــها نعمة الحركة .. !


وبتمنــى الله يعوضهم خيــر ..


الله لا يبلينا .. ويشفيهم يـــــارب






نســمة حب


شكرا الكـ ع النقاش


بانتظــار جديــدكـ ^ ^








!!

[وردة بين الأشواك]

قبل ما ادخل بنقاش الموضوع
راح ادخل باللفظ نفسه ، كلمة معاق

اخطأتي واخطأ الجميع بتسميته بشخص معاق !
لان الاعاقة هو شيء بيعيق الانسان عن انه يكمل سواء حياته او شغله او اي شي تاني
وهاد ما بينطبق على الكل لانه في منهم وان كان عددهم قليل مبدعين وعندهم مهارات ومواهب ما بيمتلكها الانسان العادي

بقدر اسميه : المبتلي بفقد احدى الحواس من الله تعالى


ندخل بالموضوع نفسه :
انا ممكن اقبل بس بيعتمد على طبيعة تعامله مع وضعه بالرغم من الظروف النفسية والاجتماعية اللي بيمر فيها بسبب ابتلاؤه وبسبب قسوة مجتمعنا ونظرات الشفقة التي تجرح وما بترحم

هو لو كان قوي ( شخصيته قوية بقصد ) وحاول رغم كل الظروف وكل التحديات انه يواجه حياته بالطول وبالعرض ويعمل ويبدع وينمي قدراته فهاد شخص مو بس راح اقبل فيه ، راح اكون فخورة اني حبيته وارتبطت فيه

هل تفرق لو صار معاق قبل الحب او بعد الحب ؟
لا ابدا ما بتفرق معي لانه راح اختاره بشكل عقلاني لا عاطفي

ماهو موقف افراد اسرتك من هذه العلاقة
بتوقع ما يوافقوا ابدا ولو ما وافقوا ما بقدر اكسر كلامهم بس راح احاول اقنعهم



نسمة حب - موضوعك كتير حلو وجدير بالنقاش
تسلم الايادي

[نسمه حب]

يسلموووووووووووا على اراءكم

[وردة بين الأشواك]

طب ما قلتيلنا انتي شو رايك : )

[الرمشـ الحساسـ]

شكرا عالموضوع...
بس انا باختصار ما برضى ورأيي من رأي الأعضاء والحمدلله على كل حال..
والله يعين..:b:
يسلمووو..:s (43):

[جرحٌ بملامح انسان]

بصراحة لو شريك حياتي كنت بحبه ممكن أوافق عليه وهو بدون ايدين ورجلين مش بس معاق
وأنا صريح بهاد الشغلة
لأنه على تاج الحب في شي اسمه تضحية
وهاد أهم شي
تسلمي على الموضوع الروعة

[جرحٌ بملامح انسان]

وشغلة تانية ممكن ربنا يبلي أي شخص بعد ما يرتبط بشخص تاني
بهاد الحالة مستحيل أتخلى عنه
وكمان اللي ضد هاد الشي يحطوا نفسهم مطرح هاد الشخص المعاق ^ ^

[جرحٌ بملامح انسان]

اللهم عافنا مما ابتليت به عبدك

[نسمه حب]

يسلمووا على ردودكم نورتونا

[جروح الأيام]

:icon9:

يعني هو المعاق مش أنسان !!!!

ماأله مشاعر!!!!

متل مانحنا النا مشاعر وحقنا نحب هو كمان نفس الشي

الي بختلف المظهر الخارجي او انه فاقد لأحدى الحواس

لكن هو بالنهايه بشر اله قلب يحس فيه وعقل يفكر فيه

انابالنسبه الي ماعندي مانع اني أرتبط بأنسان معاق

لانه انسان ربنا خلقه ومابصير نتكبر على مخلوقات الله عز وجل

فيمكن بيوم نحنا نكون مكان لحادث بسيط

هاد رأي بكل صراحه

[الفتاة المشرقة]

السلام عليكم ورحمة الله وبركاتة
والله موضوع مهم وخاصة للمجتمع الفلسكيني بسبب الاعاقات التي ينالها من قبل الاحتلال
انا الي رأين او موقفين
الموقف الاول : اذا كان الشخص معاق هيك من الله فهذا متى اقبل به : اذا كان ذو اخلاق عالية ومحترم وكانت الاعاقة هي السبب الوحيد في الزواج فأنا برأي يمكن اقبل بس مش قد الموقف التاني
الي هو اذا كانت اعاقتة بسبب جهادومقاومة للاحتلا واصابتة هذة الاعاقة وهو في ساحة الجهاد بالعكس فانا اتشرف بة فهو حامي هذا الوطن
وكذلك لو كان معاق بعد الزاج فلن اتخلى عنة مهما بلغت الظروف

[عاشقة فلسطين]

أولا شكرا لطرحك الموضوع

هذه الفئة صارت منتشرة في كل مكان

و ممكن في لحظة نكون منهم سبحان الله

كنت بدي أعلق على الكلمة الي ستخدمتيها ( معاق ) وردة بين الاشواك سمت الشخص (بالمبتلي)

ولكن باسلوب علمي ينادى هذا الشخص( بالغير قادر)

تعليق الاخ أمجد في محله

المعاقين في الواقع يحظون بعطف الجميع نظراً لضعف إمكاناتهم، واكتر ما يزعجهم نظرة العطف .. فنظرتي للمعاق أنه إنسان أكثر مني .. فلماذا لا أرتبط بفتاة معاقة؟؟؟!!! أما نظرة الأسرة فهي نظرة مجتمع بأكمله .. لا نشعر بالمعاق إلا إذا كنا مكانه ..

100% كلام سليم

تقبلي مروري

مشكورة

[مارلين برلو]

والله قرار صعب كتير والى بدو يوافق على هيك شى لازم يكون قدو

وانا شخصيا ما بعد حالى قد هاى المسؤلية لانها كتير صعبة على

وانا كتييير بحيى الى بامكانهم يوافقو على هيك هاد شى كتير حلو منهم والهم من الله الثواب والاجر الكبير

يسلمو الك

[نسمه حب]

والله ارائكم رووعه ويسلمووووووووووووا عالمرور الجميل

[الرمشـ الحساسـ]

وشغلة تانية ممكن ربنا يبلي أي شخص بعد ما يرتبط بشخص تاني
بهاد الحالة مستحيل أتخلى عنه
وكمان اللي ضد هاد الشي يحطوا نفسهم مطرح هاد الشخص المعاق ^ ^
يا أخي هاد من عند ربنا ما حدا بئدر يتحكم بحالو..
ونحنا ما حكينا شي...ممكن ينبلى اي شخص فينا..وهاد حكم ربنا..
ولما ربنا بريد بريد..
وهاد رأيي..
تسلم..

[ريمة]

انا بالنسبة الي صعبة علي كتيييير اني ارتبط بهيك انسان بس ازا ارتبطت فيه وهو سليم وبعدها صار معاق اكييد وئتها حتئبل الوضع ووحاول ااقلم حالي وبدعي ربي انو يصبرني . مع اني انا من النووع الي بخاف كتيير من المعاقيين وان شالله ربنا بعافينا من كل سوء

[احلا فوفو]

انا عني
على حسب البي
انا بيجوز اتئدملي بلا حب
وانا بس شوفو
هو وحظو ازا فات البي يا نيالو وازا مافات الله معو
وازا حبيتو
ما بيهمني شي
معاق او لا
المهم انو يكون البو كبييييييير
ووئفتو معي مو ضروري تكون عاجريه
المهم انو نحنا نحس انو في حدن ورانا عم يساندنا
معنويا او نفثيا ^^

و

بث :showoff:

يثلموو :s (43):

[نسمه حب]

ههههههههههه ارائكم بجد روعه والله لا يحرمنا منها يارب

[هانى المصرى]

امممممممممممممممممممممم


هل تقبل بشريك حياتك ان يكون معاقا ؟؟؟




اولا احب ان اقول كلمة لكى يا نسمة بجد هذا موضوع فى غاية الاهمية وبجد تسلم

الادين الى كتبت الموضوع ده



ثانيا اجوبك بقى اولا معنى انى اطلقت عليه شريك حياتى يعنى حبيبى هو الانسان الى

دق قلبى ليه فا من عنا اقول لكى احنا مبنخترشى الى بنحبهم دى بتبقى احاسيس ربانيه

كل طرفف بيحس با الاخر فمعنى انى حسيت بيها اصبح انى احببتها وبا التالى با النسبة لى انا

شريكة حياتى انشاء الله مش هتبقى كل حاجه فى حياتى لا دى هتبقى حياتى نفسها يعنى

قطعة منى فا بالله عليكى كيف ارفض قطعة منى واخير احب ان اسجل كلمة اخيرة لكى سيدتى




بكل فخر وعزة وامل فى غدا اقول لكى ربنا يحميكى ويبارك فيكى يا احلى وردة فى بستان

سباب فلسطين

[suzana2007]

باختصار الزواج أسمة ونصيب يعني اذا كان نصيبي أتزوج من انسان به عاهة جسدية فأكيد لح أتزوجه ولو كنت ملكة جمال .... واذا مو نصيبي أتزوجه فلو متت فيه وحبيته وكنت بدي ياه خلص فهو مو نصيبي ولا حأتزوجه ... ياما في بنات تشرطت بصفات شريك المستقبل ... بس لما بجي نصيبهن سبحان الله بتكون صفاته عكس ما كانت هي طالبة بس خلص بتسكت وبترضى ليش؟؟؟؟؟؟؟ لأنه نصيبها واللي كاتبه رب العالمين بده يصير


شكرا كتير عالموضوع الرائع

[وردة المحبه]

انا راي انا فش انسان كامل والانسان العاجز انسان االو مشاعر واحساس ولو احنا كنا محله لفتره كيف بنفكر في اكتير عاجزين حركيا ولكن عقلهم زي ما بقوله بوزن بلد بتمنى الكل يحط محله بهل موقف انو عاجز ويشوف كف بحبو يعملو الناس يعامل العاجز ما بدي احكي اكتر

[نسمه حب]

تسلم هالايدين الي بتكتب اراء روعه وياربي يديمكم لشباب فلسطين