الان وبناء على رغباتكم ونرجوا مشاركتكم

[gold_quest]

بسم الله الرحمن الرحيم
اخواني اخواتي في الله نرغب اليوم في ان نشرككم معنا في افكار تطرحوها لنا بانفسكم تساعد على بناء المنتدى من جديد وتقوم على الدعوة الى الله والدعوة الاسلامية ونرجو منكم جميعا مساندتنا في جميع الافكار التي تخطر على بالكم تكون ذات فائدة للمنتدى من اي ناحية ترونها ونتمنى عليكم ان تأخذو هذا الموضوع على محمل الجد وان لا تتكاسلو في الاستجابة عليه لانه لمصلحت الجميع وان شاء الله يكون
في الخير لنا ولكم

WIDTH=400 HEIGHT=350

واتمنى يااخواني ان تمدوا اياديكم لاخوانكم الضعفاء لنقوى مع واتمنى
من اخي ابن فلسطين ان يكون اولا المشاركين مدونا بافكاركم النيره
وعقولكم الباهره لنجعل منتدى نور الاسلام ابها واشرق المنتديات
نحن مسلمون فان لم ننصر ديننا كيف سوف ننتصر على من يقدسوا
دينهم مدوا اياديكم لاخوانكم لنكون اسره نفس ما كنا
اخي ابن فلسطين تعال معنا نبني مجدنا معا لنرقى فوق
الشعوب ونبهر العالم ونظهر نور مشعا من وسط
الظلام لينير الافق ونكون قدوة حسنه
ونغير من علمني الكئيب ونجعله
عالما سعيدا تحت قيم ديننا
المشع نورا وجازاكم الله خير
وبارك الله فيكم

[محمود-87]

احييييك على فكرتك الرائعة ونحن خلقنا لنتعلم عن ديننا وارح اكون من اول المشاركين

[gold_quest]

مشكور اخي محمود87 ونحن بدنا اقتراحاتكم

[اسلام]

الله يجزيك الخير اخي جولد جويست

وان شاء الله بميزان حسناتك

وانا عندي بعض الافكار ان شاء الله اذا عجبت الاعضاء الافكار نقوم بتنفيذها...

1- كل عضو عليه ان يحاول وضع موضوعين فقط ...

2-موضوع مثبت للاستفسارعن الاسئلة التي تهتم بالاحكام الشرعية ....وامور القران والتفسير ...والاحاديث...

3- محاولة عدم اظهار التوقيع بمنتدى نور الاسلام للمحافظة على ادابه

4-عمل مجلة شهرية للمنتدى تضم مواضيع منوعة من هل تعلم او صدق او لاتصدق .....

5- الاسبوع الدعوي كل اسبوع رح نتكلم عن موضوع مثلا الاسبوع الاول عن الحجاب او الصلاة منزل مواضيع طول الاسبوع عنها وطبعا تكون منوعة من فلاش او شعر او قصة او رواية او صورة او...........

6- جميع المشرفين والاعضاء يتعاونو ليكون المنتدى منتدى شباب فلسطين المنتدى الاسلامي والمنتدى التراثي والمنتدى الاافضل والمنتدى الذي يسعى لتحقيق الحرية

واخر شي بتمنى من الجميع يعذرني ويشاركنا الاراء ومايبخل بشي وان شاء الله بكون بميزان حسناتنا

والسلام عليكم

[gold_quest]

بارك الله فيكي اختي اسلام
وانا كمان بشجعكم قدموا افكاركم لانها هي اساس بناء المنتدى ويد واحده لاتصفق
وانا اقترح
1 عمل العاب دينيه
2 ومسابقة افضل رد وافضل موضوع ديني
3 اضافة بعض الصور الدينيه التي يمكن ان تكون توقيع للاعضاء
وبالختام اتمنى من جميع الاعضاء المشاركه

[نهال]

فكرة حلوة وانا والله فكرت اعمل هيك بس حضرتك سبقتني
المهم انا ان شاء الله رح اكون معاكم والله الموفق

[ديما الحب]

ان شاء الله راح نكون ايد وحدة
يسلمووووووووووو

[gold_quest]

الله ابارك فيكم وياريت تعطونا اقتراحاتكم
وانا بستنا رد اخي ابن فلسطين

[عذراء فلسطين]

يعطيكم العافية وانا ما عندي اقراحان لانو سمالله عليكم كفيتوا ووفيتوا
بس اهم شي انو كل عضو ما يحط اكتر من موضوعين لانو ما منلحق نقرا متل مقالت اسلام

[gold_quest]

الله اعافيكي اختي وان شاء الله انحقق كل طلباتكم


وانا بعدني بانتظر رد اخي العزيز ابن فلسطين

[المشاغب]

السلام عليكم ورحمة الله وبركاته

اخواني الكرام المنتدى لا يحتاج الا لتطهير ما في النفوس التي تراكمت من الكبت الداخلي في الانسان

والذي شاهدتهم نتائجها في اخر فترة والحمد لله كل انسان فيهم أخرج ما في داخله وانتهى الموضوع

لكن بالنسبة للتطوير .

اقترح انو المشرفين يكونو اكتر اهتمام في المنتديات تعيتهم لاني والله شايف بعض المشرفين بس اسم مع احترامي للجميع

اتمنى من المشرفين انهم يطورا حالهم معنا ويشدوا همتهم معنا (وسامحوني ).

في المنتدى نعمل مسابقات دينية ويكون فيها جوائز او لقب او اي شيء .

عمل قسم للمشرفين خاص فيهم لمناقشة امور الادارة الخاصة فيهم .

عمل قسم يعطي صلاحية للاعضاء نقد المشرفين وبحيت يكون فصل من قبل الادراة للموضوع وتبيان الحقيقة

شايف انو في تواقيع طويلة وانا جهازي تعبان شوي يعني الي في توقيعه ملف صوت او فيديو او فلاش

الصراحة الموضوع بطول لما يفتح وانا بكون مليت اوانا عم انتظر ياريت تخفوو شوي ..

وشكرا الكم

اخوكم المشاغب

[Abu Shadi]

انا اعتذر عن تأخري في المشاركه معكم
لانني كنت متدايق قليلا
ولكن الحمد لله وجدت قلوبا عطوفه فطمئنتني وحننت قلبي
فان كنتم تريدون ان يتم تطوير هذا الموقع فيجب عليكم ذلك
انت تحترمو اراء ومشاركات الاخرين مهما كانت
ان تحاولو حل المشكلات بأهون الطرق لا بالعصبيه والقتال
ان رأينا احدا يخطئ نوجه له النصيحه برساله خاصه لا بعاميه
قد يشعر بانها احراج له
ان تحاول نصيحة الشخص بطريقه مهذبه ومقنعه لا بالمنع والمطارقه الي ان تكون افضل منه
لانه لا يوجد شخص في العالم كله يحب ان يكون احدا افضل منه اطلاقا حتي اخوك الي من امك وابوك مستحيل تحب يكن افضل منك
ولاحظة حتلقي انك في البيت بتحاول تجهد نفسك لتكون الافضل
انرد علي الموضيع بكل ادب لا ان نضع ردا قد يجرح العضو الذي وضعه قد يسبب له ذلك في ان يتكاسل في وضع المواضيع
واخر شي انا بهنيكم علي الي انتم فيه وبهني حبيبي محمود وسامر(ابو فادي)وفارس فلسطين وفجر الحياه لانهم قدرو يقدمو كمية كبيره من جهودهم حتي وصلم للهما فيه وانا وكل الاعضاء من الغلط انو انفشلهم بعد نجاحهم وهذه اخر تحيتي لك اخي ولاختي اسلام ولك اخواني

[Abu Shadi]

وبنائا علي طلبك اخي راح اعمل المسابقه الدينيه
وراح يكون جوائز وألقاب مع انو ما الي علاقه في الاشراف بس تبرع للاخوه الرائعين

[اسير حب فلسطين]

ما شاء الله اقتراحات رائعه

نعم ..هكذا هو الطريق الواضح..
كن مع الله ولاتبالي......وادعوا الله في كل جانب وصوب

فلنكن ممن يستمعون القول فيتبعون احسنه

اللهم ووفقنا لخدمة دينك يا الله

وانا مستعد لكل شئ ان شاء الله

جزاكم ربي الجنه
وشكرا لك اخي قولد


اخوكم اسير حب فلسطين

[anos]

انا بقول المنتدى بيضل متل ما هو وما بيتغر في اشي


المنتدى فيه ادارة وهي اللي بتطرح اقتراحتكم لتطوير المنتدى

ومحمود مشكور قام قبل فترة بطرح موضوع بهذا الشأن لماذا لم تستجيبوا له أخبيروني؟؟

بعدين في اشي اسمو منتدى الدعم الفني ولا ما بتشوفوا وممكن تطرحوا اي شي بدكم اياه وما يصير اي مشاكل لانو بس الادارة اللي بتشوفه وشو رأيكم كل واحد يعمل حالوا مدير وخلص

مشكلتكم الوحيدة هي انكم لم تراجعوا الادارة بإقتراحاتكم وتعليقاتكم على الاعضاء الاخرين

وبتمنى ما حدا يتفلسف تاني مرة

انا ما عمري ما تدخلت بشي بيعني بس هاد المنتدى بعنيلي كتير وسبق وحكيت اللي موش عاجبه بيقدر يطلع وما بنتمناله غير التوفيق

كلمة أخيرة (أشعروا بشعور محمود وبس)

[Abu Shadi]

اخي انوس تحيتي الك
بس لا تنسا انو محمود بقدم امتحانات
وربنا يوفقكو ومن هين لمن يخلص بكون احد المشرفين جهز الاقتراحات وقدمها لمحمود ويهك بتسهلو لمحمود
صح ولا انا غلطان

[anos]

لو بدكو تساعدو محمود ما بتعملوا هيك

شوف انا شو حكيت محمود طرح موضوع نفس هادا الموضوع وهو فاضي هلأ وهو مشغول بدكو اقتراحات شو السبب

انا ما عندي مشكلة تعملوا اقتراحات

وانا اقتراحي الوحيد مش بس اقتراحي أمنيتي انو ما حدا يحكي مع التاني في شي بيزعلوا او بيحس انو راح يزعلوا وكل واحد هو حر والادارة هي اللي بتقدر الاعضاء مش الاعضاء بقدروا الادارة

[اسلام]

الله يجزي الجميع كل الخير وربنا يوفقنا ليكون المنتدى احسن وافضل منتدى والاعضاء فيه اخوة مترابطة ومتعاونة ......
وبالنسبة لاقتراحاتكم فهي جميلة جدا
واما المشرفين فسنحاول ان نتعاون فيما بيننا لاصلاح المنتدى واعادة احسن من قبل ليحمل اسم فلسطين
ولازم جميع الاعضاء يشاركونا باقتراحاتهم وابداعاتهم
وننتظر منكم اقتراحاتكم
ووفقكم الله

[gold_quest]

لو بدكو تساعدو محمود ما بتعملوا هيك

شوف انا شو حكيت محمود طرح موضوع نفس هادا الموضوع وهو فاضي هلأ وهو مشغول بدكو اقتراحات شو السبب

انا ما عندي مشكلة تعملوا اقتراحات

وانا اقتراحي الوحيد مش بس اقتراحي أمنيتي انو ما حدا يحكي مع التاني في شي بيزعلوا او بيحس انو راح يزعلوا وكل واحد هو حر والادارة هي اللي بتقدر الاعضاء مش الاعضاء بقدروا الادارة


بسم الله الرحمن الرحيم
انا بشكر كل الاعضاء وبشكر انوس
اخي انوس اناخلاني محمود مشرف على منتدى نور الاسلام
وانا بتكلم عن المنتدى الي انا مشرف عليه وعلى ما اعتقد
انو بحق للمشرف انو اطور واخلي المنتدى الي هو
مشرف عليه مفيد ومشوق وانا ما بتخل او بتكلم
او بخلي حالي مدير وانا بعتذر منكم اذا
اخطات في حقكم وانا حبيت
انطور منتدى نور الاسلام
واخلية مشوق ومهم
وانا بشكركم كلكم

[~ | Mazaj]

كـــــــلامك درر اخي انـوس ::

انا مش جاية الومكم على اللي عملتو .. مع انكم بتستحقو اللوم ..

يا اعضاء رجاء حار اللي عايز يترك المنتدى ما يتركو بلحظة غضب هادي واحد ..

اتنين اللي عايز يتركو ما يحكي لانو بيخلق جو من التوتر .. ومتل ما شفتو كل واحد عايز يتركو

بعدين اللي فيكم بيحضر صناع الحياة شو استفاد منو .. تلاقيكم حضرتو وما طبقتو منو شي ..

وهاااااااااااااادي داهية العرب ,,

الصراحة انا ما بحضر صناع الحياة وهادا عشان ابوي كان مانع عنا التلفزيون .. ولكن انا بحكي عنو لاني متأكدة انو بيطرح افكار كتير حلوة ومهمة للشباب ,, ومتأكدة انو معظمكم بحضرو

انا ما كنت موجودة امبارح لما حكت اسلام وابن فلسطين عايزيين يتركو المنتدى .. وهادا من سوء حظي ..

وكنت ناوبة انزل موضوع (( محطة المغادرين ))

قولت مدامكم كل يوم واحد فيكم بدو يطلع .. ليش ما الم الشمل تاعكم واوحدكم بموضوع واحد واللي نفسو يطلع .. يكتب مشاركة فيه .. وساعتها احنا كنا رح نودعو بعقول واعية ..

اسفة للمطولة لكن عنجد انتو بتنرفزو وبتخلو الواحد يفقد صوابو ,,

ويا جماعة بدكم اقتراحات روحو على الموضوع .. وهوا ما اقفل بالمرة الو تلات شهوووووور مفتوح ..

وما حدا يحكي الادارة ما بتعرف تتحكم بالمنتدى ,, بالعكس انتو عايشين بنعيم ما الو حدود ..

انا مشتركة بمنتدى فلسطيني تاني .. تصورو ما في متواجدين الان ممنوع تتصفحو
ممنوع تشوفو ملفات الاعضاء التانيين ,, بتدخل المنتدى مش عارف راسك من رجليك ..

كلهم عاملين حالهم روووس بالمنتدى ما بتعرف المشرف من المدير من العضو ..!!!

وحتى هم مش منزلين موضوع للاقتراحات ,, على ما اعتقد كمان التانية ممنوعة ,,

عندهم مستوى الاخلاق حدث ولا حرج .. البنات بيتكلمو مع الشباب ,, وبيغلطو على بعض على شكل مزحة يعني ,,

يا دب .. يا ابصر شو ,,

شـــــــو رأيكم بالادارة هلقيت !!!

يارب ما حدا يزعل مني وخصوصا اسلام وابن فلسطين لاني حكيت هادا الكلام بموضوعهم

وشكــــــــــــــــرا للجميع

[هلــون]

انـــــــــــا صح جديدة على المنتدى وما بعرفكم كتيييييير وما بعرف كيف كان .. بس بنظري منتدانا مو ناقصة شي

بصراحة منتدى متكامل وما في شي بتعيب .. وبشكر كتيير اخونا محمود على النتيجة الرائعة الا واصليتلوا المنتدى

صح الاقتراحات حلوة .. بس المنتدى هيك احلى ..

انشاء الله ما حدا يزعل مني

:s (7):

[gold_quest]

يا اخوان انا واسلام قصدنا منتدى نور الاسلام
وانتم انشغلتم بالمشاكل ونحن بدنا نصائحكم واقتراحتكم
واشكركم على المرور

[محمود]

حياكم الله كلكم وبارك الله فيكم

والي بتشوفوه راح أنفذه بحذافيـــره

وطلباتكم أوامر بالنسبة الي .

وشكـــرا لجولد الي كتب الموضوع ولكل الاعضاء الي ساهموا فيه

وان شاء الله يكون في ميزان حسناتكم جميعا .

[ابو فوزي]

اولا شكرا كثييرر جولد على الموضوع "يستحق الاهتماااااام"

وشكرا للاعضاء الي تفاعلوا

بس بدي اقول ملاحظة:-
انه الواحد باليوم ما ينزل كثيررر مواضيع يعني اكثر اشي موضوعين بالقسم الواحد..

وانا صح كنت اكتب ارد على الموضوع بكلمه وحده بس لازم من اليوم نبدأ نتناقش بالموضوع او نكتب اكثر كلام مش بس نكتفي بكلمه مشكور

والله يوفقكم