هام جدا لطلاب الجامعات الجدد

[احلا ماسة]

بسم الله الرحمن الرحيم

الشباب والصبايا الي على ابواب الجامعات ..........
بحب احكيلكم بالاول انشا الله حياة جامعية موفقة من اول خطوة للجامعة لحديت ما توخودو شهادة التخرج............امين يا رب...........

اخي واختي لا تنسوا انكم رايحين للجامعة لهدف واحد بس وما في غيره....وهو التعلم ...........
غير هيك شيلوا من راسكم اذا بدكم النجاح ومستقبل كويس...
الجامعة حياة بتختلف كثير عن الحياة الي عشتوها بالمدرسة اصلن فش مقارنة.....ولازم تعرفوا انو الجامعة نقطة تحول فاصلة وجذرية في حياتكم .....وراح تشوفوا فيها كثير
شغلات حلوة وشغلات سيئة كمان.

كم شب وبنت تخرجوا .....قبلكم......بس للاسف مش راضيين عن حياتهم الي عاشوها بالجامعة ...وقديش في شباب وبنات ندموا وبكوا الدم عن اغلاط غلطوها بحياتهم الجامعية .....بتمنوا هسة لو يدفعوا الي فوقهم وتحتهم بس عشان يرجعوا هديك الايام ويصلحو اغلاطهم الي ارتكبوها......
يعني ا انتوا مش متخيلين انوا الواحد ممكن يرتكب غلط في حياتوا الجامعية يندم عليه كل عمروه ......

ومن وين بدكم تعرفوا اصلن ؟
وانتوا لسا ما دخلتوا جامعة؟
شو رايكم ؟لازم تجربوا انتوا عشان تفهموا انا شو بقصد؟
او الاحسن انكم تتعلموا من الي اكبر منكم ومن الي الهم تجارب كثير عشان ما تندموه زي ندمهم وما تغلطوا اغلاط زيهم تدفعوا عمركم كلوه ثمن الها.....
مين احسن؟

انا واحد عشت بثلاث جامعات :
1-جامعة ال البيت .
2- جامعة الزيتونة.
3-جامعة البتراء الاردنية.

كل وحدة عشت فيها سنة .شوفت شغلات ولو بدي اقعد احكي عنها بدي ايام حتى اخلص ...ومريت بتجارب كثير ....وغلطت كثير .....ودفعت الثمن كثير كمان......وبالاخير فشلت في السنة الثالة وتركت الجامعة بدون ما اكمل ....

ليش؟
لاني مشيت غلط من البداية وما كنت اسمع من غيري....ومن الي اكبر مني .....طبعا في زيي كثير .
انا الي بدي اياه ....انبهكم يا شباب ويا صبايا يالي بدكم تدخلو الجامعة على امور مهمة وخطيرة كثير .عشان ما توقعوا..وخدوها مني كلمة وجربوا .

----------------
اكبر خطر في الحياة الجامعية هو الاختلاط
شو يعني ماندخل الجامعة وما نتلعم يعني؟
بلاش جامعات يعني ؟
طبعا لاء هاد حكي فاضي
لازم ندخل جامعات ولازم نتعلم
لكن في نقاط مهمة
يعني بصراحة الي بدوا ينجح في الجامعة لازم يكون شب قد حالو
والبنت كمان لازم تكون بمية رجل عشان تنجح في حياتها الجامعية

شو الاخطار الي ممكن تصير بالجامعات

اول اشي واهم اشي واخطر اشي شغلة العلاقات الطلابية.....
هاي اكبر باب من المصايب ممكن ينفتح على الشب وعلى البنت.
يعني بحكم انوا جو اختلاط فلابد انوا الشب يحكي مع البنت ولابد انوا البنت تحكي مع الشب .......للاسف معظم الناس بتفكر هيك.وهاد الحكي مش صحيح بالمرة

خليني اوجه كلامي بالاول للبنات:
اختي الفاضلة بدك تريحي راسك وتحمي نفسك ويصيرلك مستقبل كويس.وتخلصي جامعتك بنجاح ......؟؟
ابعدي عن كل اشي اسمه شب في الجامعة
مش بقولوا الباب الي بيجي منه الريح سدوا واستريح؟
طب هاد مش ريح الي بيجي منه هاد باب بتيجي منه الشياطين
الشباب وما ادراكي ما الشباب
اول باب بينفتح عليكي من الشباب باب الزمالة
هاد اول اشي سكريه (نصيحة)سيبك من ها الحكي الفاضي
هاي حجة دنيئة للوصل الك مش اكثر .يعني معظم الشباب بتعرف انوا بطلعش من امرها انوا يحكي مع بنت في الشارع ....
اما لما تصير في الجامعة بيصير يقولك هسة صارت زميلتي ...يعني ممكن تقوى عيني شوي .


اختي الزمالة وراها شغلات تانية .....لا تفكري انها راح توقف على الزمالة .ولا تقعدي تحكي لحالك انا بقدر احط لحالي خطوط حمرا وصفرا وبرتقالية ومش عارف ايش
شو جابرك؟
ومشان ايش يعني تحطي خطوط؟
شو بدك بالزمالة مع الشباب من الاساس؟
انتي بتعرفي شو نيت زميلك الحقيقة ؟
اتحداكي .....اما انا شب وبعرف
هسة بنطلي اكمن واحد من الشباب بصير يحكيلي لا تجمع مش كل الشباب مثل بعض ومش كل الشباب عاطلين في شباب طيبة ومحترمة
وانا بقول مزبوط في شباب قمة في الاخلاق والادب وعندهم شرف ونخوة وكرامة بتوزع على بلد.....هدول على راسي من فوق
انا بحكي عن النوع التاني من الشباب الشباب الهاملين.
كنت اسمعهم بذاني بحكوا عنكم يا البنات
بتعرفوا شوكانوا يحكو الشباب عنكم؟
مرة واحد بيقول لصاحبوا ....ولك روح خش فيها صدقني راح تحكي معك ما انتا وايها بتوخدوا محاضرات مع بعض انتوا زملا معلش واحد تاني بقول لصاحبوا خش فيها من باب الزمالة اول بعدين الشغلة بتيجي لحالها
شوهي الي بدها تيجي لحالها


بتعرفي يا اختي شو الي بتيجي لحالها
بتعرفي يا اختي انوا نسبة كثيرة من الشباب في بروسها بلاوي زرقا بس بدهم الطريق الي يوصل اليك؟؟
راح تحكي البنت المحترمة بتحمي حالها وبتحط حدود ومش عارف ليش.الخ.
على عيني وراسي بس تنسيش كمان انو الواحد مرات بضعف
وكثرة الدق على الحديد بتلينوا.
ويما شوفت بنات مارضيوش يحكو من اول مرة ولا من تاني مرة ولا من عاشر مرة بالاخير اشي صمد وهدول قلال
اما البقية انحرفوا تماما
فدير بالك يا اختي
انتي مش بحاجة ولا شب بالجامعة ..وهيني بحلف
بدك مساعدة في الف بنت يساعدوكي بدك دفتر تنقلي منوا في مليون بنت يساعدوكي كمان.....اي اشي بيجي من الشباب انتي في غنا عنوا بالناقص.منوا احسن

الشغلة التانية ....ديري بالك من شغلة الحب في الجامعة
هاي الي بتيجي بعد الزمالة طبعاعشان تعرفي انوا الشغلة تدرج بالاول زمالة بعدين بتقلب في اغلب الاحيان
لحب
يعني انا مش عارف كيف بنت عاقلة بتصدق شب في الجامعة انوا بحبها ؟....
قال يافلانة بحبك !!
حبك المرض انشا الله
شب لسا بدرس بدون تسعين سنة تا يتخرج وعامل فيها حبيب
فش بجيبتوا غير اجار طريقوا
وبجوز معهن 20 قرش للقهوة...الي بشربها مع سيجارة شاحدها من صاحبوا.ايش ها المسخرة هاي؟
انه حب هاد ؟
اي اصلن الشب في هاد العمر ما بيكون فكروه نضجكثير صدقوني
طبعا بديش احكي انو في نسبة كبيرة من الشباب بستعملوه الحب عشان يوصلو الى اغراض واطية ودنيئة
واقسم بالله العظيم اني سمعت ها الجملة اكثر من مرة
شب بحكي لشب يا زلمة بلا حب بلا زفت انت بدك تحبها
يازلمة خوذ الي بدك اياه بعدين ارميها زي الكلبة
طبعا الي بنحكا بين الشباب اوسخ من هيك بكثير بس انا شفرتها شوي
طبعا انا ما بعمم انا بخص
وللاسف نسبة الشباب السيئة هي الاكثر
دايما السيئ هو الاكثر
فيا اختي اذا انتي فعلن ناوية تنبصطي بحياتك الجامعية فعليكي بالاتي :
اول اشي خلي كل تفكيرك بدراستك هاي اهم اشي وهاد اصلن الي انتي دخلتي الجامعة مشانوا
حافظي على الالتزام بمحاضراتك واوعي تسمعي لفلانة لما تحكيلك شورايك المحاضرة هاي نطلع.
ترى محاضرة وحدة بتغيبيها ممكن تخرب عليكي الفصل كامل
انا الي بعرف
ثالث اشي ديري بالك من رفيقات السؤ ءوهاي النصيحة مفتاح نجاتك حطي حبة برتقال فاسدة في كرتونة فيها عشر كيلوا برتقال صالح واصبري علي شوي كل الكرتونة بتعفن
حبة خربت عشرة كيلوا
والبنت الفاسدة عشان تكونيي بالصورة اخطر عليكي من 100 شب فاسد.....لانها سهل توصلك مش زي الشب
رابعا :اوعي تنخدعي في اشي اسموه حب بالجامعة
وحياتك بضحكوا عليكي كذب في كذب بدمروكي بعدين بحكولك اشربي وساعيتها ما حدا راح يسال فيكي غير سمعتك الي راحت ونظرت كل طلاب الجامعة الك
راح يصيروا يحكوا هاي مش كانت ماشية مع فلان ؟؟
وخودي عاد الناس كيف راح تصير تالف عليكي شغلات الله العالم فيها
وبكره لما يجي حدا يتقدملك ويسال عنك توقعي انو يعرف بكل سهولة انك كنت مصاحبة او بتحبي واحد ....وشوفي عاد المشاكل الي راح توقعي فيها
سالتك بالله مشان ايش كل هاد؟
اي طز في احسن شب اذا سمعتك او حياتك بدها تتبهدل
بعدين بحب احكيلك 99% من الشباب بحكوا انوا البنت الي بتعمل علاقة في الجامعة ما حدا بوخدها
يعني مرة بسال شب معرفة بشوف دايما ماشي مع بنت فبحكيلوا راح تتزوج البنت هاي بعدين ؟
بتعرفي شو قال؟
قال:انا مجنون اوخد بنت حكيت معها
هاي مدام حكت معاي عندها استعداد تحكي مع الف واحد غيري
انا سكتت ساعيتها وعرفت انوا هاد ابن حرام مصفى
كان نفسي اقولوا يا حيوان طب ليش بتعلب فيها وبتضيع بشرفها وانتا مش ناوي توخدها...؟؟
بس انا عارف انو راح يحكي انوا البنت راضية
انا والله بحكي هاد الحكي من واقع عشتوا ان بحكم شغلي في الجامعة غير دراستي كنت اعرف معظم شباب الجامعة
فمر علي كثير مش شوي
وقدرت اعرف كيف معظم الشباب بتفكر للاسف
فيا اختي انا اكثر من هيك شو بدي احكي ؟
والله في قلبي حسرة ونار على كل بنت بتدخل الجامعة من خوفي عليها لانوا معظم الشباب زي الافاعي
والبت الله خلقها ضعيفة وسهل ولاد الحرام الي ما بخافوا الله يوصلولها
جربي اختي نصايحي وشوفي كيف بتعيش حياتك الجامعية
واعملي بعكس نصايحي وشوفي لوين بدك توصلي
بتمنى انك ما تندمي بعدين



نيجي للشباب هسة ابناء جلدتي:
اخي الشباب من اول يوم بتحط رجلك في الجامعة دير بالك على دروسك مش لازم احكي انوا معظمنا من الناس المستورة الي معهاش مصاري تتفشخر فيهاواذكر قديش ابوك بتعب في القرش الي بعطيك اياه عشان تدرس
مش عشان تلبس على الموضة وتفقس علبة جل على راسك الصبح وانتاطالع على الجامعة بلكي فلانة عبرتك بشلن
اتقي ربك
وسيبك من ها الحكي الفارط
دشرك من شغلة حب وما حب انت بعدك طالب مش لاقي توكل بدك مية سنة تاتقدر تتجوز فعلى ايش بتخوض في ميادين انتا مش قدها
بعدين تعال هون
انتا بترضى حدا يحكي مع اختك ويحبها
ياسيدي افرض انه اختك معك في جامعتك
بترضى حدا يحكي معها ويحبها
اذا بترضى روح حب زي ما بدك فانت مش من الرجال بشيئ
انت الك اسم ثاني ساعيتها بتعرفوا كويس
فالله يسعدك الي ما بترضى لاختك ما ترضى لبنات الناس
وخليك عارف انوا الي بتعملوا ببنات الناس راح يجي يوم وينعمل في اختك او في بنتك او في زوجتك
فهاي الشغلات دين
زي ما بتذوق الناس هاد الكاس بكره الناس كمان راح يذوقوك اياه
شرف الناس وحرماتهم مش لعبة
بعدين انتا مالك ومال ها الحكي من الاساس
يعني مفكر حالك لما تصاحبلي وحدة وتحبها (انتي لا بتحبها ولا زفت بتهيالك بس)وتسهر الليل على جورج وسوف صرت زلمة هيك ؟
طب وحياتك الي بعمل هيك ما بشبه الزلام باشي
يعني كل شب بدخل الجامعة بنسى الهدف الرئيسي الي دخل عشانوا
وبصير يتولدن فهاد مش زلمة هاي دنائة مش رجولة
بعدين انت بتصرف من جيب ابوك مش من جيبك
يعني انتا فوق انك هامل بتخون ثقت ابوك فيك الي وداك تتعلم وبصرف عليك دم قلبوه ....
رحت تصاحب وتحب
ترى كل شر ممكن يصيبك من الجامعة راح يكون من ورا البنات
فدير بالك
بعدين دير بالك من صحابك ولا تصاحب كل من هب ودب
نقي صحابك بعناية واوعى تسمع لحدا لما يحكيلك طنش محاضرة هي محاضرة وحدة وبتوكل هوا اسلني انا
وابعد عن البنات هاي بحكيها للمرة الاف واهتم في دروسك
اعمل بالنصايح هاي وشوف كيف راح تقضي حياتك الجامعية
والله غير تدعيلي

كلمة اخيرة للشباب والصبايا:
عجبكم الي حكيتوا ولا ما عجبكم انتوا حرين انا نصحت ونبهت من باب الاخوة والمحبة والمعزة مش اكثر
الي بوخد بنصيحتي انشا الله راح ينبسط
والي ما بوخد الله يعينوا
وبنتقابل بعد ين

الله يحفظكم جميعا

منقول من اخ عاش التجربة

اختكم ماسة

http://files.shabab.ps/vb/images_cash/up2/080308001045PdDN.gif